#😇My Status #😃మంచి మాటలు

#😇My Status ​గంజాయి రక్కసి కోరల్లో చిదిగిన చిన్నారి.. దీనికి బాధ్యులు ఎవరు? ​కొవ్వూరులో జరిగిన దారుణం కేవలం ఒక బాలికపై జరిగిన దాడి కాదు.. మన సమాజపు నైతిక విలువలపై జరిగిన దాడి. గంజాయి మత్తులో మైనర్ బాలురు మృగాలుగా మారి 12 ఏళ్ల చిన్నారి జీవితాన్ని బుగ్గిపాలు చేయడం చూస్తుంటే.. మనం అసలు ఎటు వెళ్తున్నాం? అన్న ప్రశ్న ఉదయిస్తోంది. ​ సమాధానం చెప్పండి! ​కన్న తల్లిదండ్రులా? తమ పిల్లలు మత్తు పదార్థాలకు బానిసలవుతున్నా గమనించలేనంతగా బాధ్యతలను విస్మరించారా? ​ప్రభుత్వాలా? మత్తు పదార్థాల విక్రయాలను అరికట్టడంలో, యువత పెడదారి పట్టకుండా కఠిన చట్టాలను అమలు చేయడంలో విఫలమయ్యారా? ​రాజకీయ నాయకులా? గంజాయి మాఫియాలకు అండగా నిలుస్తూ, ఓటు బ్యాంకు రాజకీయాల కోసం మన బిడ్డల భవిష్యత్తును తాకట్టు పెడుతున్నారా? ​రక్షణాధికారులా? గల్లీ గల్లీలో గంజాయి ..... చూసీచూడనట్టు వ్యవహరిస్తున్న పోలీసు వ్యవస్థనా ? ఎవరు...? ​"రేపటి పౌరులు మత్తులో తూగుతూ.. ఆడబిడ్డల మానాలను బలితీసుకుంటుంటే చూస్తూ ఊరుకుందామా? మన మౌనం మరో చిన్నారి జీవితాన్ని ప్రమాదంలోకి నెట్టేయదా?" ​ఈ దారుణానికి ఒడిగట్టిన వారిని కఠినంగా శిక్షించడమే కాదు.. మూలాలను వెతికి గంజాయి అనే మహమ్మారిని ఆంధ్రప్రదేశ్ నుండి తరిమికొట్టాలని PAAP డిమాండ్ చేస్తోంది. ​మీ చుట్టుపక్కల ఎక్కడైనా గంజాయి విక్రయాలు జరిగినా లేదా పిల్లలు పెడదారి పడుతున్నా వెంటనే సమాచారం అందించండి. ​📞 అత్యవసర సహాయం..ఫిర్యాదు కోసం: -​పోలీస్ హెల్ప్ లైన్: 100,112.. ​-ఈగల్ టీమ్ ​(యాంటీ నార్కోటిక్స్ హెల్ప్‌లైన్ నంబర్) : 1908 ( టోల్ ఫ్రీ నెంబర్) ​ (నోట్: మీ వివరాలు అత్యంత గోప్యంగా ఉంచబడతాయి) ​- ది పేరెంట్స్ అసోసియేషన్ ఆఫ్ ఆంధ్రప్రదేశ్ (PAAP)