#🌎 TuluNadu ಅಪ್ಪೆ ನೆಲಉಲ್ಲಸಂಕೆ ಅಮ್ಮೆಗಾಳಿಬಧ್ರ ಕುಮಾರೆ ಆದಿನಾರಾಯಣ ದೇವೆರ್ಡ ಸಿರಿವರೊನು ಪಡೆದ್ ಪದ್ರಾಡ್-ಪದ್ರಾಡ್ ಇರ್ವತ್ತನಾಲ್ ಜೋಕ್ಲೆನ್ ಪಡೆಪಿಂಚಿತ್ತಿನ ಸಮಯ ಸಂದರ್ಭ ಇರ್ವತ್ತನಾಲನೇ ಬಾಲೆಡ್ದ್ ನಿಕ್ಕ್ ಮರಣ ಪಂದ್ ಆದಿನಾರಾಯಣ ದೇವೆರ್ ಶಾಪ ಕೊರ್ಪಿಂಚಿತ್ತಿನ ಪೊರ್ತು, ಇರ್ವತ್ತನಾಲನೇ ಗರ್ಬೋಡು ಈಯಾಂಡ ಉದಿಯ ಬೆಂದೊಂಡ ಮಿತ್ತಮೇಗಿಮ ಲೋಕೊಗು ಪೋದು ಆದಿನಾರಾಯಣ ದೇವೆರ್ನ ವರಬಲ ಪಡೆಯೊಂದು ಭೂಮಂಡಲ ಜತ್ತ್ ಬತ್ತೊಂಡ ನಿನ್ನ ಅಧಿಕಾರದ ಜಾಗೆ ಸಿಮರಾಜ್ಯೊಗು ಬತ್ತೊಂಡ, ಬನ್ನಗ ತೊಜುಂಡು ಭೀಮರಾಯ ತೋಟ, ಭೀಮರಾಯ ತಡೆಪುಂಚಿತ್ತಿನ ಪೊರ್ತುಗು ಭೀಮರಾಯೆರ್ನ್ ಪಾರ್ ಮಲ್ತ್ ದ್ ತಾನೇ ಭೀಮರಾಯೆ ಪನ್ಪಾದ್, ಗೊದ್ದಂಬಡೆದ ಮರತ ಮುದೆಲ್ಡ್ ನೆಲೆಯಾದ್ ದೇರೆಬೈಲ್ ಪಂಜಿ ಮೇಸ್ರಿ ಬೆರಿಯೆ ಬತ್ತೊಂಡ, ಕತ್ತಲೆಕಾನ ತೊಟ್ಟಿಲ್ಲ ಕಾನೊಡು ಕಾರಂಬಡೆದ ಮರತ ಮುದೆಲೆಡ್ ನೆಲೆಯಾದ್ ಏಲ್ಮುಗ ಚಾಮುಂಡಿನ ಬಲಮರ್ಗಿಲ್ ಸ್ಥಾನ ಪಡೆದ್ ಕತ್ತಲೆಕಾನ ಗುಳಿಗೆ ಪನ್ಪಾವೊಂದು ಬಾಯಿಡ್ ಪಜ್ಜಿಮಾಸ ಕೈಟ್ ಮುಂಡುಗುದಿಗೆನ್ ಪತ್ತೊಂದು ಕತ್ತಾಲೆ ಕಾನ, ಮೊಸ್ರೊಲ್ಲ, ಗಂಡಿಬಾಕಿಲ್ ನೆತ್ತೆರ್ ಕಲ್ಲ್, ಕೊಟ್ಟೊಡಿ ಮಣ್ಣ್ ಅಲೆಕಾಡ್ ಕರ್ಬದ ಸಂಕೊನು ಪೊಲ್ತೊಂಡ. ಗೋವೆಕಲ್ಲ್ ಹುಟ್ಟು , ಜೇನಿಕಲ್ಲ ಪಂತೊನು ಪಡೆಯೊಂದು 66ಕಾನ 77ತೋಟ ತಿರ್ಗೊಂದು ಕಾಪಿದ ಬೀಜ, ಎಡ ಮುಂಚಿದ ತೋಟ ಏಲಕ್ಕಿ ತೋಟಗ್ ಕಟ್ಟ್ ಕವಾಲಾದ್ ಉಂತೊಂಡ ನನ ಸಿಮರಾಜ್ಯದ ಕಟ್ಟ್`ನ್ ಬುಡೊಂದು ಬೆಪ್ಪುರಾಜ್ಯದ ಹುಟ್ಟುಗು ಜತ್ತ್ ಪಿದಡೊಂಡ. ತೂನಗ ತೊಜುಂಡು ಸಾರಾಳ ಬೆಂಜನಪದವು ಮಣ್ಣ್`ಗ್ ಬತ್ತೊಂಡ ಒಂಜಿತೂಟೆನ್ ಪೊತ್ತಾದ್ ಸಾವಿರ ತೂಟೆದ ಬಿರ್ದ್ ಬಿರ್ದಾವಳಿ ಮಲ್ತೊಂಡ , ಅರ್ಕಂಜಿ ಗುರಿಟ್ ಒಂಜಿ ತೂಟೆನ್ ಮೆನ್ಕಾವೊಂಡ. ಬೆಂಜನಪದವುದ ರಾಹುಗುಳಿಗೆ ಪನ್ಪಾವೊಂಡ, ಬೆಂಜನಪದವುದ ಮಣ್ಣ್ ಬುಡೊನ್ನಗ ನಿಕ್ಕ್ ಆಲಾಡಿಮಣ್ಣ್ ಬೀಯೆದ ಮರತ ಮುದೆಲ್ಡ್ ನೆಲೆಯಾವೊಂಡ. ಅಲ್ತ್ ತೂನಗ ತೊಜುಂಡು ಶಾಂತಿಗುರಿತ ಮಣ್ಣ್ ಡ್ ಶಾಂತಿಗುರಿತ ರಾಹು ಪನ್ಪಾದ್ ತೋಜುಂಡು, ಕೋಟೆ ಕುರುವರಬೆಟ್ಟು ಮಣ್ಣ್, ಪಾಂಡವ ಬೆಟ್ಟಮಣ್ಣ್ ಡ್ ಪಾಂದೊಟ್ಟುದ ರಾಹು ಪನ್ಪೋದ್ ಆಲ್ತ್ ತೂನಗ ತೋಜುಂಡು ನಿಕ್ಕ್ ಕಾಂಜಗೋಳಿ ಕಡೆಂಬಿಸ್ಥಾನ ಕಾಂಜಗೋಳಿಡ್ ಉಂತು ತೂನಗ ತೋಜುಂಡು ಉಜ್ಜು ಮಾರುಗಡು ಮಾಸನದ ಬಾಕಿಲ್ ಸುಡಲದಕಂಡ ಅಲ್ತ್ ತೋಜುಂಡು ಸೂಜಿಕಲ್ಲ್ ದ ಮಣ್ಣ್ ಸೂಜಿಕಲ್ಲ ರಾಹು ಪನ್ಪಾವೊಂಡ...
#🙏ತುಳುನಾಡ ದೈವ / ದೇವರುಗಳು🌸 #ನಮ್ಮ ತುಳು ನಾಡು
# ತುಳು ನಾಡು 
