#🎶 ନୂଆ ଗୀତ 🎙 "ସବୁ ତ ହେଲାଣି ଛୋଟ" ————————— ଆଗେ ଯାହା ଥିଲା ବଡ ବଡ ସବୁ ଏବେତ ହେଲାଣି ଛୋଟ, କେତେ କ'ଣ ସବୁ ସରୁଆ ହେଲାଣି ଆଗେ ଯାହା ଥିଲା ମୋଟ॥ ଚାଉଳ,ବେଶନ,ଅଟା,ଚିନି,ଲୁଣ ଆଗେ ଆସୁଥିଲା ବସ୍ତାରେ, ଛୋଟିଆ ପ୍ଯାକେଟ୍ ହୋଇ ଆସିଲାଣି ମିଳୁ ଅଛି ଯାହା ଶସ୍ତାରେ॥ ବିଲବାଡି ସବୁ ବଡ ବଡ ଥିଲା ଏବେ ତ ହେଲାଣି ଛୋଟିଆ, ଅଧିକାକୁ କମ୍ କରିବାକୁ ଆଉ ପଡୁନାହିଁ ଝୀନିଝଟିଆ ॥ ଆଣ୍ଟିନା ଲଗାଇ ଟି.ଭି ଦେଖୁଥିଲେ ଏବେ ସବୁ ମୋବାଇଲ୍ ରେ, ଆଗେ ଥିଲା ଯାହା ବଡ ବଡ ଗ୍ରନ୍ଥ ଏବେ ତାହା ପ୍ରୋଫାଇଲ୍ ରେ॥ ବଡ ବଡ ଶାମ୍ପୁ,ସ୍ନୋ,ପାଉଡର ଏବେ କୁନି କୁନି ପାଉଚ୍, ଡଙ୍କି,କରଚୁଲି ଆଗେ ଯାହା ଥିଲା ଏବେକୁ ହୋଇଲା ଚାମଚ୍ ॥ ଆଗେ ଚାଲିଥିଲା ହଣ୍ଡା,ହାଣ୍ଡି ହେଲେ ଏବେକୁ ହେଲାଣି ଟଅବ୍ , ଚାଳିଶିବର୍ଷିଆ ଚାକିରୀ ବଦଳି ଆଉଟ୍ ସୋର୍ସିଂ ଜଅବ୍ ॥ ଆଗେ ପିନ୍ଧୁଥିଲେ ଲମ୍ବା ଲମ୍ବା ଶାଢୀ ଏବେ କୁ ହେଲାଣି ସେମିଜ, ସର୍ଟ ପ୍ଯାଣ୍ଟ୍ ,ସର୍ଟ ସାର୍ଟ ଭେରି ସର୍ଟ ହେଲା କାମିଜ॥ କାବ୍ୟ ଛୋଟ ହୋଇ କବିତା ହେଲାଣି ଫିଲିମ୍ ହେଲାଣି ରିଇଲି, ସବୁ ଛୋଟିଆ ରେ କାମକୁ ଚଳାଅ କରନାହିଁ କେହି ଫିଇଲି॥ *****୦***** ରଚନା:—କବିକାଇଁଚ ଜୟଦେବ ବେହେରା ସୁବର୍ଣ୍ଣପୁର,ଗୋପ,ପୁରୀ —————×—————

#💐ଶୁଭେଚ୍ଛା କବିତା:— "ଆଜିର ନାରୀ ସଲାମ୍ " ××××××××××××××× ଆନ୍ତର୍ଜିତୀୟ ମହିଳାଦିବସ ମାର୍ଚ୍ଚ ଆଠ ଆସିଛି, ସାରା ବିଶ୍ବର କୋଣଅନୁକୋଣ ସଭାସମିତିରେ ହସୁଛି॥୧॥ ଜିତି କି ଜୀଇଁଛି ମମତା ଦେଇଛି ବାଣ୍ଟିଛି ହସର ଝୁଡି, କେତେ ପରିଚୟ ନେଇ ସେ ଚଳିଛି ମଣିଷ ଦେଇଛି ଗଢି॥୨॥ ରକତରେ ଲେଖା ସେନେହର ଲିପି ତ୍ଯାଗର ସେ ଅବତାର, ସକଳ ସହି ସେ ସଂସାରପାଳଇ କରେନାହିଁ ହତାଦର॥୩॥ ନାଶିବାକୁ ସିଏ ଯାତନାର ସୁଅ ଧୈର୍ଯ୍ଯର ମହାସିନ୍ଧୁ, ଦୁନିଆଦାଣ୍ତର ମହାବାଟୋଇ ସେ କରୁଣାର ମହାବିନ୍ଦୁ॥୪॥ ରୀତିନୀତିର ସେ ରକ୍ଷଣକାରିଣୀ ଜୀବନର ପାଠଶାଳା, କେବେ ମାଆ କେବେ ଭଗିନୀ କି ଜାୟା ଅତୀବ ସହନଶୀଳା ॥୫॥ ସଜସକାଳର କଅଁଳଖରା ସେ ଦିନଆଲୁଅର ଛାଇ, ନାରୀସମାଜର ଗୁଣଲେଖିବାକୁ ମୋ ପାଖେ ଶବଦ ନାହିଁ ॥୬॥ ଲାଭ ଆଶା ରଖି କରେନାହି କିଛି ସଭିଙ୍କ ମନାଷେ ଶୁଭ, ନାରୀ ଅବଦାନ ସମାଜର ଦମ୍ଭ କହିଲେ ଅଳପ ହେବ॥୭॥ ମହାନଦେଶର ମହାନାୟିକା ଗୋ ବିକାଶର ଅଧିକାରୀ, ମହିଳାଦିବସେ କବିତା ଲେଖୁଛି ଅମର କଲମ ଧରି॥୮॥ ———————— (ସୂଚନା:—କବିତାଟିର ପ୍ରତି ପଦର ପ୍ରଥମ ଅକ୍ଷରକୁ ଏକାଠି ଲେଖି ଦେଖନ୍ତୁ,କ'ଣ ଆସୁଛି)। ଆପଣଙ୍କର ଗୁଣମୁଗ୍ଧ‐କବି କାଇଁଚ ଶ୍ରୀ ଜୟଦେବ ବେହେରା, ସୁବର୍ଣ୍ଣପୁର,ଗୋପ,ପୁରୀ ~~~~~୦~~~~~