#🙏ଜଗନ୍ନାଥ ମନ୍ଦିର🙏 #🙏ପୁରୀ ବଡ଼ଦେଉଳ କଥା #🪔ଆସୁଛି ପବିତ୍ର ଦେବସ୍ନାନ ପୂର୍ଣ୍ଣିମା🕉️🙏 #🙌🏼ଜୟ ଜଗନ୍ନାଥ🙏 #🚩ସନାତନ ଧର୍ମ💪 ସନ୍ଧ୍ୟା 🌹🌹*
ସାଲବେଗଙ୍କ ରଚନାରୁ........
କାଳିଆ ଧନ, ତୋ ଲାଗି ଯାଉ ଏ ଜୀବନ ।
ବାରେ ନ ଦେଲୁ ଦରଶନ ।
କାଳିଆ କାଳିଆ ତ୍ରିପଣ୍ଡ କାଳିଆ ପିନ୍ଧିଛି ଝୀନ ପତନି ।
କାଳିଆ ଅଙ୍ଗରୁ ବହେ ଶ୍ରମଝାଳ କାଳନ୍ଦୀ ନଦୀର ପାଣି ।। ୧।
ନନ୍ଦିଘୋଷ ରଥେ ବସିଛି କାଳିଆ ଜଗତ୍ର ମୋହିବା ପାଇଁ ।
ହରି ହରି ବୋଲି ଶବଦ ଶୁଭୁଛି ମନରେ ଆନନ୍ଦ ହୋଇ ।୨।
ଅଣ୍ଟା ଗୋଟି ତୋର ଡମ୍ବରୁ ଆକାର ଗଢ଼ିଛି କେଉଁ ବିନ୍ଧାଣି ।
ଚାଲି ଗୋଟି ତୋର ମତ୍ତଗଜ ପ୍ରାୟେ ଚାହାଣି ତୋ ସିଂହଠାଣି ।୩।
ଏ ଗୋପପୁରରେ ଯେତେକ ବାଳକ ସମସ୍ତେ ଧରନ୍ତି ତାଳ ।
ସର୍ବ ଗୋପୀ ମୁଣ୍ଡେ ଫୁଲ ଦେଇ ଖଣ୍ଡେ କୃଷ୍ଣଶିରେ ଜାମୁଡାଳ ।୪।
ସେପାଖେ ଚତୁରା ଏପାଖେ ଚତୁରୀ ମଝିରେ ଗୁଞ୍ଜରାମାଳ ।
ଶ୍ରୀଜଗନ୍ନାଥଙ୍କ ଶ୍ରୀପାଦେ ଶରଣ କହେ ସାଲବେଗ ହୀନ । ୫।
