നീയെൻ്റെ അവസാനത്തെ ശ്വാസം വരെ!...🌿🌹
ജീവിതയാത്രയിലെ പരിമിതികൾ നികത്തിയെടുക്കാൻ ഞാൻ പാടുപെടുന്ന നിമിഷങ്ങളിൽ,
ഒരുപാടാഗ്രഹിച്ചിട്ടും കിട്ടാതെപോയതും ഇനിയൊരിക്കലും കിട്ടില്ലെന്ന് മനസ്സിലുറപ്പിച്ചതുമായിരുന്നു "സ്നേഹം" എന്നത്.
മരുഭൂമിയിലെ മരീചിക പോലെ സ്നേഹം എപ്പോഴും എന്നിൽ നിന്നും അകന്നുമാറി നിന്നു.
ഒറ്റപ്പെടലിൻ്റെയും ശൂന്യതയുടെയും ആഴക്കടലിൽ മുങ്ങിത്താഴുമ്പോൾ,
ഒരു പ്രതീക്ഷയുടെ തുരുത്തുപോലും എനിക്ക് മുന്നിൽ തെളിഞ്ഞിരുന്നില്ല.
എന്നാൽ, അറിയാതെപ്പോഴോ നീ യെൻ്റെ കണ്ണിൽ പതിഞ്ഞു.. ഖൽബിൽ പടർന്നു!
കാത്തിരുന്ന വസന്തം പോലെ എൻ്റെ വരണ്ട ജീവിതത്തിലേക്ക് നീ പെയ്തിറങ്ങി.
കൊതിച്ചതിലുമേറെ സ്നേഹം, ചുരുങ്ങിയ ദിവസങ്ങൾ കൊണ്ട് തന്നെ നീയെനിക്ക് നൽകി.
സ്നേഹമെന്നത് വെറുമൊരു വാക്കിനപ്പുറം, ഒരാളുടെ ആത്മാവിനെ തൊട്ടുണർത്തുന്ന ഒന്നാണെന്ന് നീയെനിക്ക് മനസ്സിലാക്കി തന്നു.
അത്രമേൽ ഭ്രാന്തമായ പ്രണയമാണ് എനിക്കിപ്പോൾ നിന്നോട്...
എൻ്റെ കുറവുകളും പോരായ്മകളും എല്ലാ കാര്യവുമറിഞ്ഞിട്ടും,
ഒരു തണലായി നീയെന്നെ പിന്തുടർന്നു പ്രണയിച്ചു കൊണ്ടിരുന്നു.
ചില ആളുകൾ എന്നെ കുറ്റപ്പെടുത്തിയപ്പോഴും നിൻ്റെ മിഴികളിൽ എനിക്കായി കരുതിവെച്ച വാത്സല്യം ഞാൻ കണ്ടു.
ആ സ്നേഹം എൻ്റെ ഹൃദയത്തിൽ ആഴ്ന്നിറങ്ങി, ആത്മാവിൽ കെട്ടുപിണഞ്ഞ്, ഒടുവിൽ എൻ്റെ പ്രാണനിലലിഞ്ഞു ചേർന്നു.
ഇനിയൊരു ജന്മമുണ്ടെങ്കിൽ കൂടി അത് നിനക്ക് വേണ്ടിയാകണം.
എൻ്റെ ചിരിയിലും ചിന്തയിലും സ്വപ്നങ്ങളിലും ഇനിയെന്നും നീയൊരാൾ മാത്രമായിരിക്കും.
കാലമെത്ര കടന്നുപോയാലും, സാഹചര്യങ്ങൾ മാറിയാലും എൻ്റെ ഹൃദയത്തിൻ്റെ താളം നിൻ്റെ പേര് മാത്രമായിരിക്കും മന്ത്രിക്കുന്നത്.
പ്രിയപ്പെട്ടവനേ......
എന്നിലെ നിന്നെ ഞാൻ മറന്നെന്നു തോന്നുമ്പോൾ നീയുറപ്പിച്ചു കൊള്ളുക...
എന്നെന്നേക്കുമായി ഞാനീ ലോകത്തോട് വിടപറഞ്ഞുപോയി എന്ന സത്യം!
കാരണം, മരണം വന്നു വിളിച്ചാലല്ലാതെ നിന്നെ മറക്കുകയെന്നത് എൻ്റെ ആത്മാവിന് ചിന്തിക്കാൻ പോലും കഴിയാത്ത ഒന്നാണ്.
മണ്ണിൽ അലിഞ്ഞു ചേർന്നാലും എൻ്റെ പ്രണയം നിനക്ക് ചുറ്റും ഒരു കാറ്റുപോലെ അലഞ്ഞുനടക്കും.
വാക്കുകളിൽ ഒതുങ്ങാത്ത പ്രണയത്തോടെ നിൻ്റെ സ്വന്തം പെണ്ണ് ....🌿♥️✍🏼 ആമി
#❤️ പ്രണയം സ്റ്റാറ്റസുകൾ #💔 നീയില്ലാതെ #😍 ആദ്യ പ്രണയം #😔 ഇമോഷണൽ സ്റ്റാറ്റസ് 😍