ചേച്ചി ഒരു നൂറു രൂപ ഉണ്ടെങ്കിൽ തരുമോ. പരിചിതമായ ശബ്ദം കേട്ടാണ് സുലോചന പുറത്തേക്ക് വന്നത്. മുറ്റത്ത് നോക്കുമ്പോൾ താര. ചേച്ചി ഒരു നൂറു രൂപ ഉണ്ടെങ്കിൽ തരുമോ. നിറoമങ്ങിയ സാരിയുടുത്ത് അതിന്റെ തുമ്പ് രണ്ടും ചുരുട്ടിപ്പിടിച്ചുകൊണ്ട് മുമ്പിൽ നിൽക്കുന്ന താരയെ കണ്ടപ്പോഴേക്കും അവർക്ക് വല്ലാത്ത വിഷമം തോന്നി. നീ എന്താടി അവിടെ തന്നെ നിൽക്കുന്നത് അകത്തേക്ക് കയറി വാ. വേണ്ട ചേച്ചി അപ്പാടി അഴുക്കാണ്. നീ അകത്തേക്ക് കയറി വാ പെണ്ണേ. സുലോചന അവളെ സ്നേഹത്തോടെ കൂടി അകത്തേക്ക് വിളിച്ചുകൊണ്ടുപോയി. രാജന്റെ മുറി കടന്ന് പോകുമ്പോൾ അയാളുടെ നോട്ടം സുലോചനയേ തേടി എത്തിയിരുന്നു. അവളളെ ഡൈനിങ് ടേബിളിൽ കൊണ്ടിരുത്തി സുലോചന രാജന്റെ അടുത്തേക്ക് വന്നു. രാജേട്ടാ ഒരു 200 രൂപ ഉണ്ടെങ്കിൽ തന്നെ താരക്ക് കൊടുക്കാനാണ് എന്തോ അത്യാവശ്യം ഉണ്ട് അവൾക്കു. സുലോചനയെ ഒന്ന് ഇരുത്തി നോക്കിയിട്ട് രാജൻ പേഴ്സിൽ നിന്ന് 200 രൂപ നോട്ട് എടുത്ത് സുലോചനയുടെ കയ്യിൽ കൊടുത്തു. ഇനിയും സമയം വൈകിയിട്ടില്ലെന്ന് അവളോട് പറഞ്ഞു മനസിലാക്കി കൊടുക്ക് ഒരു ജീവിതകാലം മുഴുവനും മുന്നിൽ തന്നെയുണ്ട്. ആ കൊച്ചിനെയും കൊണ്ട് ഇങ്ങനെ കിടന്നു നരകിക്കുന്നത് കാണുമ്പോൾ വിഷമം തോന്നുവാ. ആരെന്തു പറഞ്ഞാലും അവളുടെ തീരുമാനത്തിന് ഒന്നും ഒരു മാറ്റവും ഉണ്ടാവില്ല. രാജേട്ടൻ എന്തായാലും പോകാൻ നോക്ക് ഞാൻ അവളുടെ അടുത്തേക്ക് ചെല്ലട്ടെ. രൂപ വാങ്ങി കയ്യിൽ മുറുക്കിപ്പിടിച്ചുകൊണ്ട് സുലോചന താരയുടെ അടുത്തേക്ക്പോയി. നീ വല്ലതും കഴിച്ചതാണോ പെണ്ണേ. വേണ്ട സുലോചന ചേച്ചി എനിക്ക് പോണം. മോൻ കുട്ടനെ ചെറിയ ഒരു പനി അവനെ ഒന്ന് ഹോസ്പിറ്റലിൽ കൊണ്ടുപോയി കാണിക്കണം. വന്നിട്ട് വേണം എന്തെങ്കിലും വച്ച് ഉണ്ടാക്കാൻ. കുഞ്ഞിന് നീ രാവിലെ എന്തെങ്കിലും കൊടുത്തോ. ഇല്ല ചേച്ചി ഇനി ചെന്നിട്ട് വേണമെന്തെങ്കിലും വച്ചുണ്ടാക്കാൻ ഞാൻ പോട്ടെ. നീ അവിടെ ഇരിക്ക് ആദ്യം എന്തെങ്കിലും ഒന്ന് കഴിച്ചിട്ട് കുഞ്ഞിന് വേണ്ടത് പാത്രത്തിൽ അടച്ചു തരാം.നീ ഇനി ചെന്ന് കുഞ്ഞിന് എന്തുണ്ടാക്കി കൊടുക്കാനാണ്. ഇവിടുന്ന് ചെന്ന് അവനും എന്തെങ്കിലും കഴിക്കാൻ കൊടുത്തു ഹോസ്പിറ്റലിൽ കൊണ്ടുപോകാൻ നോക്ക്. സുലോചന നിർബന്ധിച്ചു അവളെ കൊണ്ട് രണ്ട് അപ്പം കഴിപ്പിച്ചു. ഒരു മൂന്നുനാല് ഒപ്പം എടുത്ത് പാത്രത്തിനുള്ളിലാക്കി ഒരു പാത്രത്തിൽ കറിയുമെടുത്ത് കവറിലാക്കി വെച്ചു. ഞാനും കൂടി വരണമൊ..നീ തനിയെ പോകുമോ. ഞാൻ കുഞ്ഞിനെ ഇറക്കിയിരുത്തിയിട്ടാണ് ചേച്ചി വന്നത്.ഞാൻ തനിയെ പൊക്കോളാം. എന്നാൽ നീ ചെല്ല് ഞാൻ വൈകുന്നേരം അങ്ങോട്ടേക്ക് വരാം. സുലോചന കൊടുത്ത് പാത്രവുമായി പോകുന്നവളെ കണ്ടപ്പോൾ അവൾക്ക് വല്ലാത്ത വേദന തോന്നി. എങ്ങനെ നടന്നിരുന്ന പെണ്ണാണ്. പഠിച്ചുകൊണ്ടിരിക്കുമ്പോൾ ഒരുത്തനോടുള്ള പ്രേമം മുറ്റി വീട്ടിൽ നിന്ന് ഇറങ്ങിപ്പോയി. മാരേജ് കഴിഞ്ഞ് കുറച്ചുനാൾ വളരെ സ്നേഹത്തിലൊക്കെ ആയിരുന്നു കാര്യങ്ങൾ കഴിഞ്ഞുപോയത് പിന്നീടാണ് അറിഞ്ഞത് അയാൾക്ക് മറ്റൊരു പെണ്ണുമായി ബന്ധമുണ്ടെന്ന്. ഒടുവിൽ അവന്റെ ആവശ്യമൊക്കെ കഴിഞ്ഞപ്പോൾ നിരന്തരം അടിയും ഉപദ്രവവും ഒക്കെയായി. കുടിച്ചു കൊണ്ടുവന്ന് ചെയ്യുന്നതൊന്നും തന്നെ അയാൾക്ക് പിറ്റേന്ന് ബോധമില്ല. ഒരിക്കൽ രണ്ടുപേരും തമ്മിൽ വഴക്കായപ്പോൾ കയ്യിൽ കിട്ടിയതെന്തോ എടുത്ത് അവൻ അടിച്ചു. അടിയുടെ ആഘാതത്തിൽ അവൾ കട്ടിളപ്പടിയിൽ ഇടിച്ചാണ് വീണത്. നെറ്റി പൊട്ടി ചോരയൊഴിച്ച് അവിടെ തന്നെ കിടന്നു. പിറ്റേന്ന് നേരം വെളുത്ത് അവൻ എഴുന്നേറ്റു നോക്കുമ്പോൾ ഉണ്ട് ചോരയിൽ കുളിച്ചു കിടക്കുകയാണ് താര. ഉടനെ വലിച്ചുവാരിയെടുത്ത ഹോസ്പിറ്റലിലേക്ക് കൊണ്ടുപോയപ്പോഴേക്കും തലയിൽ നാലോ അഞ്ചോ സ്റ്റിച്ച് ഇട്ടു. അതിനുശേഷം പിന്നെ കുറച്ചുനാൾ പിണങ്ങി വീട്ടിൽ വന്നു നിന്നു. പ്രായമായ ഒരു അമ്മയും അനിയനും മാത്രമേ അവൾക്കുള്ളൂ. അനിയൻ ആണെങ്കിൽ ചെറിയ ക്ലാസിൽ പഠിക്കുകയാണ്. ഒടുവിൽ പിന്നെയും അവൻ വന്ന് ഒത്തുതീർപ്പൊക്കെയായി തിരികെ വീട്ടിലേക്ക് പോയി. വിവാഹം കഴിഞ്ഞ് ഒരു വർഷമായപ്പോഴേക്കും ഒരു കുഞ്ഞുമായി. ആ കുഞ്ഞിനോട് പോലും അച്ഛൻ എന്ന നിലയിൽ സ്നേഹത്തോടെ ഇടപഴകാൻ അയാൾക്ക് അറിയില്ലായിരുന്നു. ഒരിക്കൽ കൂട്ടുകൂടി കുടിച്ചു കൊണ്ടിരുന്നിടത്തു നിന്നും കൂട്ടുകാരെയും വിളിച്ചു വീട്ടിലേക്ക് എത്തി. കുടിച്ചു ബോധമില്ലാതെ കിടക്കുന്നവന്റെ മുമ്പിൽ വെച്ച് കൂടെ വന്നവർ അവളെ ഉപദ്രവിക്കാൻ ശ്രമിച്ചു. അന്ന് കുഞ്ഞിനെയും എടുത്തുകൊണ്ട് അമ്മയുടെ അടുത്തേക്ക് വന്നതാണ് താര. എന്നും വിഷമങ്ങളും വേദനയും ഒക്കെ തന്നെയായിരുന്നു പിന്നെവിടുന്നിങ്ങോട്ട്.. ഒടുവിൽ കുഞ്ഞിനെ അംഗൻവാടിയിൽ ആക്കി തൊഴിലുറപ്പ് പണിക്ക് വരെ പോയി തുടങ്ങി. അമ്മയുടെ ശാപവാക്കുകൾ കേട്ടിട്ട് ആണെങ്കിലും.വളരെ കഷ്ടപ്പെട്ടാണ് അമ്മ തന്നെ പഠിപ്പിക്കാൻ അയച്ചത്. പക്ഷേ എന്നിട്ടും തനിക്ക് പഠിച്ച ഒരു ജോലി സമ്പാദിക്കാൻ കഴിഞ്ഞില്ല.പഠിത്തം പകുതിയിൽ ഉപേക്ഷിച്ചിട്ടാണ് അയാളോടൊപ്പം ഇറങ്ങിപ്പോയത്. താൻ കാരണം ഉണ്ടായ നാണക്കേട് ഒരിക്കലും മാറില്ല എന്ന് അവൾക്കറിയാം. ഇതിനിടയിൽ ഒരുപാട് തവണ അയാൽ മധ്യസ്ഥ ചർച്ചയുമായി വന്നിരുന്നു. അന്നൊക്കെ തനിക്ക് പറയാൻ ഒന്നേ ഉണ്ടായിരുന്നുള്ളൂ ഇനി അയാളോട് ഒരു ജീവിതം തനിക്ക് വേണ്ട. തൊഴിലുറപ്പിന്റെ പണി ചെയ്യുന്നിടത്ത് വന്നു പലതവണ അപമാനിക്കാൻ ശ്രമിച്ചിട്ടുണ്ട്. താരയുടെ വീടിനടുത്ത് താമസിക്കുന്നവരാണ് സുലോചനയും അവളുടെ ഭർത്താവ് രാജനും. അവർക്ക് മക്കളില്ല. താരയെ സ്വന്തം അനിയത്തിയെ പോലെയാണ് രാജനും സുലോചനയും കാണുന്നത്.രാജന് ഒരു അനിയൻ ഉണ്ടായിരുന്നു നകുലൻ ഇടയ്ക്കിടയ്ക്ക് അവൻ നകുലന്റെ അടുത്ത് വന്ന് നിൽക്കുo. നകുലനൊരുതവണ രാജനോട് പറഞ്ഞിരുന്നു താരേ വിവാഹം കഴിക്കാൻ താല്പര്യം ആണെന്ന്. പക്ഷേ അത് പറയുന്നതിനു മുമ്പേ തന്നെ അവൾ ഇറങ്ങിപ്പോയി. ഇപ്പോഴും ഇടയ്ക്കിടയ്ക്ക് രാജനെ കാണാൻ വരുമ്പോൾ അവളുടെ അവസ്ഥയെക്കുറിച്ച് ഒക്കെ അറിയുമ്പോൾ നകുലിന് വല്ലാത്ത വിഷമം ഉണ്ട്. അങ്ങനെ സംഭാഷണങ്ങൾക്കിടയിലാണ് ഒരിക്കൽ പറഞ്ഞത് കുഞ്ഞുള്ളതൊന്നും കുഴപ്പമില്ല അവളെ തന്റെ ജീവിതത്തിലേക്ക് ചേർക്കാൻ ഇപ്പോഴും ഇഷ്ടമാണെന്ന്. പക്ഷേ എത്ര പറഞ്ഞിട്ടും താരക്ക്‌ അതിന് സമ്മതമല്ല ഒരാൾ ചവച്ചു തുപ്പിയ അവശിഷ്ടമാണ് താനെന്നും ഇനി മറ്റൊരാളുടെ ജീവിതം കൂടി താൻ കാരണം നശിക്കില്ലെന്ന്. സുലോചനയും രാജനും അമ്മയും ഒന്നും പറഞ്ഞിട്ടും താരാ അത് കേൾക്കാൻ തയ്യാറല്ല. ഇനി ഒരു ജീവിതം തനിക്ക് വേണ്ട എന്നുള്ള അഭിപ്രായത്തിൽ അവൾ ഉറച്ചുനിൽക്കുകയാണ്. എങ്ങനെയെങ്കിലും കുഞ്ഞിനെ വളർത്തി ഈ ജീവിതം അങ്ങ് അവസാനിപ്പിക്കണം. ഇടയ്ക്ക് വെച്ച് അമ്മയ്ക്ക് ഒട്ടും വയ്യാതെ കിടപ്പിലായി. അമ്മയുടെ ചികിത്സയും അനിയന്റെ പഠിത്തം എല്ലാംകൊണ്ടും താര ആകെ കഷ്ടത്തിലായി എന്ന് പറയുന്നതായിരിക്കും നല്ലത്. തൊഴിലുറപ്പിന് പോകുന്നതിൽ നിന്നും മിച്ചം വയ്ക്കാൻ ഒന്നുമുണ്ടായിരുന്നില്ല അതുകൊണ്ട് ഒരു വീട്ടിൽ കൂടി സുലോചന പോലും അറിയാതെ ജോലിക്ക് പോകാൻ തുടങ്ങി. തൊഴിലുറപ്പ് പണി കഴിഞ്ഞ് നേരെ അവരുടെ വീട്ടിലെത്തി പാത്രങ്ങൾ തേച്ചു കഴുകിയും തൂത്തു തുടച്ചും ക്ലീനിങ് എല്ലാം കഴിഞ്ഞു വരുമ്പോൾ അംഗൻവാടിയിൽ നിന്നും മോനെ കൂട്ടം. വൈകുന്നേരം തൊഴിലുറപ്പ് പണി കഴിഞ്ഞ് നേരെ ജോലിക്ക് ചെല്ലുമ്പോൾ വീട് അടച്ചിരിക്കുന്നു. ബെല്ലടിച്ചു നോക്കിയപ്പോഴേക്കും പ്രായമായ അമ്മച്ചി വ ന്ന് കതക് തുറന്നു.അവരൊന്നും ഇല്ലേ അമ്മച്ചി. അവരെല്ലാവരും ഒരു കല്യാണത്തിന് പോയിരിക്കുകയാണ് ചില ജോലികൾ ചെയ്യാനായി എഴുതി വച്ചിട്ടുണ്ട് നീ അതൊക്കെ ചെയ്തിട്ട് പൊയ്ക്കോ ഉച്ചയ്ക്ക് മരുന്ന് കഴിച്ചത് കൊണ്ടാണെന്ന് തോന്നുന്നു വല്ലാത്ത തളർച്ച ഞാനൊന്ന് കിടക്കട്ടെ. താര ഓരോരോ ജോലികളായി ചെയ്തു തീർത്തു ഇനി തൂത്തു തുടയ്ക്കുന്ന ജോലി മാത്രമേ ഉള്ളൂ. മുകളിലത്തെ നില തുടച്ചതിനു ശേഷം താഴത്തെ നിലയിലേക്ക് വരാമെന്ന് കരുതി ബക്കറ്റും വെള്ളവും ഒക്കെയായി മുകളിലേക്ക് പോയി. ഒരു മുറി തുടച്ചു കഴിഞ്ഞ് അടുത്ത മുറിയിലേക്ക് കയറുമ്പോഴാണ് ബാത്റൂം തുറന്നു ഒരാൾ ഇറങ്ങി വന്നത് കണ്ടത്. അവിടത്തെ ചേച്ചിയുടെ അനിയൻ ഇടയ്ക്ക് വരുമെന്ന് പറഞ്ഞിട്ടുണ്ടായിരുന്നു, ഫോട്ടോ കണ്ടിട്ടുണ്ട്. നേരിട്ട് കാണുന്നത് ആദ്യമായിആണ്. അയാളെ കണ്ടതും താര റൂമിൽ നിന്ന് പുറത്തേക്ക് ഇറങ്ങി. എന്നാൽ നിമിഷനേരം കൊണ്ട് അയാൾ താരയെ കടന്നു പിടിക്കുകയും അവളെ ബലാൽക്കാരo ചെയ്യാൻ ശ്രമിക്കുകയും ചെയ്തു. ഒരുപാട് വട്ടം അവൾ എതിർത്തു നോക്കി. ഒടുവിൽ കയ്യിൽ കിട്ടിയത് എന്തോ ഒന്ന് വലിച്ചെടുത്ത് അയാളുടെ തലയ്ക്ക് അടിച്ചു. അവൾ കതക് തുറന്നിറങ്ങി പുറത്തേക്കു ഓടി. ഓടി നേരെ ചെന്ന് ഇടവഴിയിലേക്ക് കയറുമ്പോൾ ഉണ്ട് ഒരു ബൈക്ക് പാഞ്ഞുവരുന്നു. വട്ടം ചാടിയത് ബൈക്കിന്റെ മുന്നിലാണ്. അതിൽ നിന്ന് നകുലനിറങ്ങി. എന്താ കാര്യം എന്താ നീ പേടിച്ചോടുന്നത്. അത് ഒന്നുമില്ല നകുലേട്ടാ ഞാൻ വെറുതെ. അവൾ കരഞ്ഞിരുന്നു. എന്താണെങ്കിലും നീ എന്നോട് പറ. താര നടന്ന കാര്യങ്ങൾ ഒക്കെ പറഞ്ഞു. നകുലന് അവന്റെ ക്രോധം അടക്കാൻ കഴിഞ്ഞില്ല. അവളെ തള്ളി മാറ്റിക്കൊണ്ട് അവനാ വീട്ടിനുള്ളിലേക്ക് കയറാൻ പോയി. ദൈവത്തെ ഓർത്ത് എന്റെ പേരിൽ ഒരു പ്രശ്നമുണ്ടാക്കരുത്. തൊഴുകയോട തന്റെ മുന്നിൽ നിൽക്കുന്നവളുടെ വാക്ക് ധിക്കരിക്കാൻ കഴിഞ്ഞില്ല. താരയുമായി ബൈക്കിൽ വരുന്ന നകുലനെ കണ്ട് രാജന്നും സുലോചനയും പരസ്പരം നോക്കി. എന്താ രണ്ടുപേരും നോക്കി നിൽക്കുന്നത് അല്ല നിങ്ങൾ തമ്മിൽ ഞങ്ങൾ അറിയാതെ സെറ്റ് ആയോ എന്ന് നോക്കിയതാണ്. താര പറയരുത് എന്ന് നകുലനോട് വിലക്കിയിരുന്നുവെങ്കിലും എല്ലാ കാര്യവും രാജനോടും സുലോചനയോടും പറഞ്ഞു. ഇനിയെങ്കിലും നീ ഞങ്ങൾ പറയുന്നത്കേൾക്കു.നിനക്ക് നിന്റെ കുഞ്ഞിനെയും നോക്കി ജീവിക്കണ്ടേ അതിന് നിനക്കൊരാൻ തുണ ആവശ്യമാണ്.എല്ലാ കാര്യവും അറിഞ്ഞുകൊണ്ട് തന്നെ സ്വീകരിക്കാമെന്ന് പറയുമ്പോൾ നീ എന്തിനാണ് പുറം കാലുകൊണ്ട് തട്ടിത്തെറിപ്പിക്കുന്നത്. ഒടുവിൽ എല്ലാവരുടെയും നിർബന്ധത്തിന് താരവഴങ്ങി. അമ്പലത്തിൽ വച്ച് ചെറിയൊരു താലികെട്ടും രജിസ്റ്റർ ഓഫീസിൽ വച്ച് ഒന്ന് ഒപ്പിടുകയും ചെയ്തു. ഇവളുടെ ഭർത്താവ് പ്രശ്നം ഉണ്ടാക്കും എന്നുള്ള ഭയം വേണ്ട. കാരണം ഇവർ അന്ന് ഒളിച്ചോടിയതല്ലാതെ വിവാഹം നിയമപര മായി രജിസ്റ്റർ ചെയ്തിട്ടില്ല. അതുകൊണ്ട് ആ പേടി വേണ്ട എന്ന്. ഇനിയെങ്കിലും നീ മനസ്സറിഞ്ഞ് ഒന്ന് സന്തോഷിച്ചു ജീവിക്കുന്നത് കണ്ടാൽ മതി. അമ്മ അവളെ അനുഗ്രഹിച്ചു. താരയും കുഞ്ഞും നകുലനുമൊത്തു ഒരു പുതിയ ജീവിതത്തിലേക്ക് കാലു വെച്ചു...... #📔 കഥ

ഇനിയും പിടിച്ചു നിൽക്കാൻ കഴിയില്ല സ്റ്റീഫ... ഇപ്പോൾ തന്നെ മാസം രണ്ടു കഴിഞ്ഞു.. അമ്മ അറിഞ്ഞാൽ പിന്നെ ഞാൻ.... ആരുമറിയില്ല.. നീ സമാധാനിക്ക്... പിന്നെ ഇങ്ങനെ ഒളിഞ്ഞും മാറിയും നിന്നു സംസാരിച്ചു നീ ആർക്കും സംശയത്തിനു ഇട നൽകേണ്ട.... എനിക്ക് ജോലിയുണ്ട്.. നീ വച്ചേക്കു... ഞാൻ നിന്നെ അങ്ങോട്ട്‌ വിളിച്ചേക്കാം... എന്നെ ഇങ്ങോട്ട് വിളിക്കേണ്ട... അത്രയും പറഞ്ഞു സ്റ്റീഫൻ ഫോൺ കട്ട് ചെയ്തു.. സ്റ്റെല്ല എന്തു ചെയ്യുമെന്നറിയാതെ പകച്ചു നിന്നു... അമ്മച്ചിയും അപ്പച്ചനും അറിഞ്ഞാൽ പിന്നെ ജീവിച്ചിരിക്കില്ല.. ഈ നാണക്കേട് എങ്ങനെ മറച്ചു വെക്കും. ആലോചിക്കുമ്പോൾ ശരീരത്തിൽ ഒരു വിറയൽ പടർന്നു കയറുന്നു... പുറത്തു അമ്മച്ചിയുടെ സ്വരം കേട്ടതും അവൾ വേഗം പഠിക്കാനുള്ള ബുക്കുമായി ഇരുന്നു.. അമ്മച്ചി വരുന്നതും അടുക്കളയിൽ കയറുന്നതും എന്തൊക്കെയോ ജോലി ചെയ്യുന്നതും കണ്ടു. ഇപ്പോൾ ഒന്ന് രണ്ട് ദിവസമായി ജോലി ഒന്നും ചെയ്യാൻ കഴിയുന്നില്ല. വല്ലാത്ത ക്ഷീണവും അവശതയും. ആഹാരത്തിന്റെ മണമടിക്കുമ്പോൾ ഓക്കാനം വരും പിന്നെ അമ്മച്ചി കാണാതെ എങ്ങനെയൊക്കെയോ പിടിച്ചു നിൽക്കുന്നു. പക്ഷെ അധികനാൾ അത് പറ്റില്ല. അമ്മച്ചിക്ക് സംശയം തോന്നിയാൽ പിന്നെ എല്ലാം കഴിഞ്ഞു... അവർക്കൊക്കെ പെട്ടെന്ന് മനസിലാകും.... എന്നാലും തനിക്ക് ഇങ്ങനെ ഒരു ചതിവ് പറ്റിയല്ലോ എന്നോർത്തപ്പോൾ അവളോട് തന്നെ വെറുപ്പ്‌ തോന്നി.. പഠിപ്പും വിവരവും ഉണ്ടായിട്ടും.... താൻ ഇങ്ങനെ ഒരു തെറ്റ് ചെയ്തതിനെ കുറിച്ച് ഓർത്തപ്പോൾ സ്വയം അവജ്ഞ തോന്നി സ്റ്റെല്ലക്ക്.. അപ്പച്ചനും അമ്മച്ചിയും അനുജനും അടങ്ങുന്ന ഒരു കൊച്ചു കുടുംബത്തിന്റെ ഏറ്റവും വലിയ പ്രതീക്ഷയായിരുന്നു സ്റ്റെല്ല.. റബർ വെട്ടിയും തടമെടുത്തും.. അപ്പച്ചൻ ചെയ്യാത്ത ജോലികൾ ഒന്നും തന്നെ ഇല്ല.. അമ്മച്ചി കയ്യിൽ കിട്ടുന്ന ചക്കയും മാങ്ങയും തേങ്ങയും ഒക്കെ നുള്ളി പെറുക്കി ചന്തയിൽ കൊണ്ടുപോയി വിറ്റും ആണ് ആ കൊച്ചു കുടുംബം കഴിഞ്ഞുപോയത്. എത്ര ബുദ്ധിമുട്ടുണ്ടെങ്കിലും തന്റെയും അനുജന്റെയും പഠിത്ത കാര്യത്തിൽ ഇതുവരെ ഒരു കുറവും അപ്പച്ചനും അമ്മച്ചിയും വെച്ചിട്ടില്ല... അതുകൊണ്ടുതന്നെയാണ് ഡിഗ്രി കഴിഞ്ഞ് പിജി ചെയ്യണമെന്ന് ആഗ്രഹം പറഞ്ഞപ്പോൾ ഇഷ്ടമുള്ള അത്രയും പഠിപ്പിക്കാം എന്ന് അപ്പച്ചൻ പറഞ്ഞത്... നീ ഒന്ന് തലയുയർത്തി നിന്ന് കഴിഞ്ഞാൽ അപ്പച്ചന്റെ ഈ കഷ്ടപ്പാടുകൾ എല്ലാം തീരുമെന്ന് എപ്പോഴും പറയുമായിരുന്നു... അത്രയും തന്നെ വിശ്വസിച്ചിരുന്ന അപ്പച്ചനെയും അമ്മച്ചിയെയുമാണ് താൻ ചതിച്ചത്.. സ്റ്റീഫനെ പരിചയപ്പെട്ടത് മുതൽ ഏറ്റവും അടുത്ത കൂട്ടുകാരിയായി റീന പലവട്ടം പറഞ്ഞതാണ് ആ ബന്ധം നല്ലതല്ല എന്ന്.. പക്ഷേ പ്രണയത്തിന്റെ തീചൂളയിൽ എരിയുമ്പോൾ ഉപദേശങ്ങൾ എല്ലാം ചെവിക്കൊണ്ടില്ല.. പലതവണ സ്റ്റീഫനെ മോശമായ സാഹചര്യത്തിൽ കണ്ടെന്നു റീന പറഞ്ഞപ്പോൾ അതെല്ലാം തന്നെ ഈ ബന്ധത്തിൽ നിന്ന് വിലക്കാനുള്ള അടവുകളായി കരുതി... പക്ഷേ ഇപ്പോഴുള്ള സ്റ്റീഫന്റെ പെരുമാറ്റം കാണുമ്പോൾ താൻ ചതിയിൽ പെട്ടുപോയോ എന്ന് തോന്നുന്നു.. എന്തായാലും നാളെ തന്നെ കോളേജിൽ പോകുമ്പോൾ സ്റ്റീഫനെ കണ്ടു നേരിട്ട് കാര്യങ്ങൾ എല്ലാം സംസാരിക്കണം എന്ന് അവൾ ഉറപ്പിച്ചു.... . രാവിലെ എഴുന്നേറ്റ് പതിവുപോലെ അടുക്കളയിൽ ചെന്നപ്പോൾ അമ്മച്ചി ഒരു ഗ്ലാസ് കട്ടൻകാപ്പി വച്ച് നീട്ടി.. ഒരുതവണ ചുണ്ടോടു ചേർത്തതേയുള്ളൂ അപ്പോഴേക്കും ഓക്കാനിക്കാൻ തുടങ്ങി... പിന്നാമ്പു റത്തെയ്ക്ക് ഇറങ്ങിയോടിയ തന്റെ പിന്നാലെ അമ്മച്ചിയും എത്തി.. എന്താ കൊച്ചേ ഒക്കാനിക്കുന്നെ... ഇന്നലത്തെ കപ്പ വയറ്റിന് പുടിച്ചുകാണില്ല.... അമ്മച്ചി തന്നെ അതിന്റെ ഉത്തരം കണ്ടെത്തിയപ്പോൾ പിന്നെ സ്റ്റെല്ലക്കു സമാധാനം ആയി. ആണെന്ന് തോന്നുന്നു അമ്മച്ചി... വയറു വേദനിക്കുന്നു... എന്നാൽ മോളു പോയി അല്പ നേരം കൂടി പോയി കിടന്നോ... അമ്മച്ചി അത്രേം പറഞ്ഞപ്പോൾ സ്റ്റെല്ല പോയി കിടന്നു... കോളേജിൽ പോകുന്നന്നേരം ആയപ്പോൾ അവൾ എഴുനേറ്റു. മോളിന്ന് സുഖമില്ലെങ്കിൽ പോകേണ്ട. അത് സാരമില്ല അമ്മച്ചി അല്പം വൈകിയാണെങ്കിലും പോണം. പ്രൊജക്റ്റ്‌ സബ്‌മിറ്റ് ചെയ്യണം. എന്നാൽ കൊച്ചു ചെല്ല്.. സ്റ്റീഫനെ കാണുക എന്നത് മാത്രമായിരുന്നു ഉദ്ദേശം. അതുകൊണ്ടുതന്നെ കുറച്ചു വൈകിയാണ് ഇറങ്ങിയത്.. കോളേജ് പഠിക്കൽ ബസ് നിർത്തിയിട്ടും ഇറങ്ങിയില്ല.. സ്ഥിരം പോകുന്ന ബസ് ആയതുകൊണ്ട് തന്നെ കണ്ടക്ടർ ഇറങ്ങുന്നില്ലേ എന്ന് ചോദിച്ചപ്പോൾ ഇല്ലെന്നു തലയാട്ടി..... തൊട്ടടുത്ത സ്റ്റോപ്പിൽ ഇറങ്ങുമ്പോൾ.. കണ്ണുകൾ വേഗം പാഞ്ഞു ചെന്നത് സ്റ്റീഫന്റെ വർക്ക് ഷോപ്പിലേക്ക് ആയിരുന്നു. മൊബൈൽ എടുത്ത് സ്റ്റീഫന്റെ നമ്പറിലേക്ക് വിളിച്ചു... കോൾ അപ്പോൾ തന്നെ അറ്റൻഡ് ചെയ്തു.... ഞാൻ അല്പം തിരക്കിലാണെന്ന് പറഞ്ഞില്ല നിന്നെ അങ്ങോട്ട് വിളിക്കാം.... അച്ചായൻ ഇപ്പോൾ വർക്ക് ഷോപ്പിൽ ഉണ്ടോ... ഞാൻ വർക്ക്ഷോപ്പിൽ ഇല്ല പുറത്താണ്.... മറഞ്ഞു നിന്നു നോക്കുമ്പോൾ സ്റ്റേ ല്ല കണ്ടു വർക്ഷോപ്പിനുള്ളിൽ നിൽക്കുന്ന സ്റ്റീഫനെ.... എന്നാൽ ശരി ഞാൻ വയ്ക്കുകയാണ് അവൾ ഫോൺ കട്ട് ചെയ്തു... എന്താ ആശാനേ ഒരു ചുറ്റിക്കളി ആ കൊച്ചാണോ... സ്റ്റീഫന്റെ ശിങ്കിടി ചോദിക്കുമ്പോൾ.. അവൻ പതിവ് പുച്ഛചിരി അവന് സമ്മാനിച്ചു... ആ കൊച്ചോരു പാവമാണെന്ന് തോന്നുന്നു.. എന്തിനാ ആശാനേ അതിനെ ഇങ്ങനെ പറ്റിക്കുന്നത്... അതിനെന്തുമാത്രം ഇഷ്ടം ഉണ്ടായിട്ട് ആണ് ആശാൻ വിളിച്ചോടുത്തൊക്കെ കൂടെ വന്നത്.. എന്നിട്ട് അതിനോട് ഇങ്ങനെ ചതി ചെയ്യരുത്.. എടാ വെട്ടുകിളി നീ നിന്റെ ജോലി നോക്കിയാൽ മതി .. എന്നെ പഠിപ്പിക്കാൻ വരേണ്ട.. സ്റ്റീഫൻ കൂടെ കിടത്തിയ പെൺകുട്ടികളുടെ കണക്കു നോക്കിയാൽ.. അവരെ എല്ലാവരെയും ഞാൻ കെട്ടേണ്ടി വരും.... അതുകൊണ്ട് ഇതിന്റെ ഉപയോഗം കഴിഞ്ഞു... പറഞ്ഞുകഴിഞ്ഞ് സ്റ്റീഫൻ നോക്കുമ്പോൾ പിന്നിൽ നിൽക്കുന്നു സ്റ്റെല്ല... കേട്ടത് വിശ്വസിക്കാനാവാതെ അവൾ തറഞ്ഞു നിന്നു. റീന ഒരുപാട് തവണ പറഞ്ഞതാണ് സ്റ്റീഫനെ കുറിച്ച്. അന്ന് പ്രണയം തന്റെ തലച്ചോറിനെ മതിച്ചു കൊണ്ടിരിക്കുകയായിരുന്നു.... പറഞ്ഞതെല്ലാം കുറ്റമായി മാത്രമേ തോന്നിയുള്ളൂ... പക്ഷേ ഇപ്പോൾ ശരിക്കും മനസ്സിലായി ചതിയിൽ പെട്ടു പോയി എന്ന്... എന്തായാലും കേൾക്കാൻ ഉള്ളതൊക്കെ കേട്ടു. ഇതിൽ കൂടുതൽ ഒരു വിശദീകരണവും നിങ്ങൾക്ക് പറയാനുമുണ്ടാവില്ല... എപ്പോഴും അബദ്ധം പറ്റുന്നത് അല്ലെങ്കിലും പെൺകുട്ടികൾക്കാണ്... നിന്റെയൊക്കെ കപട സ്നേഹത്തിനു മുന്നിൽ വന്നു വീണു പോകും. ഒടുവിൽ നിങ്ങൾ നല്ലപിള്ള ചമഞ്ഞ് തടി ഊരുകുകയും ചെയ്യും ഞങ്ങൾ വിഡ്ഢികളാവുകയും.... കാര്യങ്ങളൊക്കെ നീ ഇത്രയും പെട്ടെന്ന് മനസ്സിലാക്കി എടുക്കും എന്ന് ഞാൻ കരുതിയില്ല.. എന്നാൽ പിന്നെ നീ സ്ഥലംവിട്ടോ. അതും പറഞ്ഞു സ്റ്റീഫൻ പിന്തിരിഞ്ഞു... കയ്യിൽ കിട്ടിയ ലിവർ വലിച്ചെടുത്ത്... സ്റ്റെല്ല ശക്തിയോടുകൂടി അവന്റെ നടുവ് ഭാഗത്തായി അടിച്ചു... ഒന്നിലും രണ്ടിലും ഒന്നും നിർത്തിയില്ല അവൾ അടിച്ചു കൊണ്ടേയിരുന്നു..... പലതവണ അവളുടെ കൈയിവായുവിൽ ഉയർന്നു താണ്‌... പിന്നിലേക്ക് മറിഞ്ഞുവീണ സ്റ്റീഫന്റെ കാലിലൂടെ ചോരയൊഴുകി . ഇനിയും നിന്നെ പോലെയുള്ള സ്റ്റീഫൻമാരുടെ കയ്യിലെ കളിപ്പന്തവരുത് എന്നെ പോലെയുള്ള സ്റ്റെല്ലമാർ... ഇത്രയെങ്കിലും ചെയ്തില്ലെങ്കിൽ. ഞാൻ ജീവിച്ചിരുന്നിട്ട് തന്നെ കാര്യമില്ല.ഇനി താൻ എന്തായാലും എഴുന്നേറ്റ് നടക്കില്ല.. ജീവിതകാലം മുഴുവൻ ഒരേ കിടപ്പിലായിരിക്കും... ഇനി ആ കിടപ്പിന്റെ സുഖം കൂടി താൻ അനുഭവിക്ക്.അത്രയും പറഞ്ഞുകൊണ്ട് അവൾ പുറത്തേക്ക് നടന്നു. നേരെ സ്റ്റെല്ല ഹോസ്പിറ്റലിലേക്ക് ആണ് പോയത്... ഗൈനക്കോളജി വിഭാഗത്തിലെ ഡോക്ടറോട് നടന്ന കാര്യങ്ങൾ മുഴുവൻ പറയുമ്പോൾ... അവൾ ഒരിക്കൽപോലും കരഞ്ഞില്ല.. ഈയൊരു സംഭവത്തിന്റെ പേരിൽ മരിക്കാൻ ഞാൻ തയ്യാറല്ല ഡോക്ടർ. എനിക്ക് പറ്റിയ തെറ്റിനെ ന്യായീകരിക്കുന്നുമില്ല. പക്ഷേ എനിക്ക് ജീവിക്കണം . എന്റെ കുടുംബത്തെ ഓർത്ത്.. അതിന് അയാളുടെ വിഷവിത്ത് എന്റെ വയറ്റിൽ വളരാൻ പാടില്ല.. തിരികെ വീട്ടിലേക്ക് വരുമ്പോൾ അവളുടെ ജീവിതത്തിലെ ഒരടഞ്ഞ അധ്യായമായി മാറുകയായിരുന്നു സ്റ്റീഫൻ.. തനിക്ക് ഇനിയും ഒരുപാട് ജീവിതം മുന്നിലേക്ക് ഉണ്ട് എന്ന ചിന്തയിൽ പുതിയൊരു പുലരിയിലേക്ക് സ്റ്റേല്ലയുടെ ജീവിതം പറിച്ചു നട്ടു... #📔 കഥ

എടാ ഗിരീഷ ഞാൻ കണ്ടതാണ് അത് നിന്റെ ഭാര്യ തന്നെയാണ്... എനിക്ക് ഉറപ്പുണ്ട്... കൂടെ ജോലി ചെയ്യുന്ന സുധി പറഞ്ഞപ്പോൾ തള്ളാനും കൊള്ളാനും വയ്യാത്ത അവസ്ഥ ആയിരുന്നു എടാ ഇനി നീ വേറെ ആരെയെങ്കിലും ആയിരിക്കുമോ കണ്ടത്.ഗിരീഷന് പിന്നെയും സംശയം... ഇല്ലെടാ അവൾ തന്നെയാ എനിക്കറിയില്ലേ നിന്റെ ഭാര്യയെ. ഇതും കൂടി ഒരുപാട് ആയി അവളെക്കുറിച്ചു മോശമായി ഓരോരുത്തർ പറയുന്നത് കേൾക്കുന്നു. പക്ഷെ അതൊന്നും കാര്യമാക്കാതെ നിന്നു.. പeക്ഷെ ഇന്ന് സുധി പറഞ്ഞപ്പോൾ...അവനൊരിക്കലും എന്റെ കാര്യത്തിൽ കള്ളം പറയില്ല... ഗായത്രി അവൾ ഇത്രയും നാൾ എന്നെ ചതിക്കുകയായിരുന്നോ.. മക്കളോടും എന്നോടും കാണിച്ച സ്നേഹം വെറുതെ ആയിരുന്നോ.. ആലോചിക്കുമ്പോൾ തല വെട്ടിപൊളിയും പോലെ തോന്നി. ചെയ്തുകൊണ്ടിരുന്ന പണി നിർത്തിവച്ചു ഗിരീശൻ എഴുനേറ്റു... മേസിരി ഞാൻ പോകുന്നു. നല്ല സുഖമില്ല.. അത്രയും പറഞ്ഞിട്ട് ഒരു മറുപടിക്ക് പോലും കാത്തു നിൽക്കാതെ വേഷം മാറി അവൻ വർക്ക്ഷോപ്പിൽ നിന്നും ഇറങ്ങി. എന്താടാ സുധി എന്തുപറ്റി. പെട്ടെന്ന് എന്താ അവനൊരു വയ്യായ്മ പോലെ. ഒന്നുമില്ല എന്നോട് ഒന്നും പറഞ്ഞില്ല... സുധി കൈ മലർത്തി.. വീട്ടിൽ എത്തുമ്പോൾ അമ്മയും മക്കളും ടീവി കാണുന്നു.. സമയം ആറു മണി കഴിഞ്ഞു. എന്നും അവൾ ലേറ്റായി വരുമ്പോൾ അമ്മ വഴക്ക് പറയും പക്ഷേ അപ്പോഴെല്ലാം അവൾ പറയുന്ന ഓരോ ന്യായങ്ങൾ കേട്ട്... അവളുടെ ഭാഗം നിൽക്കും. ഗിരീഷന് പത്താം ക്ലാസ് പഠിത്തമേ ഉള്ളു... എന്നാൽ ഗായത്രി ഡിഗ്രി കഴിഞ്ഞതാണ്... വിവാഹം കഴിഞ്ഞ് മക്കൾ ആയതിൽ പിന്നെയാണ് ജോലിക്ക് പോകാൻ തുടങ്ങിയതു. ഏതോ പ്രൈവറ്റ് കമ്പനിയിൽ മാനേജർ ആണെന്നാണ് അവൾ പറഞ്ഞത്. ഒന്ന് രണ്ട് തവണ അവളെ ഓഫീസിൽ കൊണ്ട് ചെന്ന് വിട്ടിട്ടുമുണ്ട്. അവിടെയുള്ള ഒന്ന് രണ്ട് സ്റ്റാഫിനെ പരിചയപ്പെടുത്തി തന്നിരുന്നു... ഒരു വർഷം അവിടെ ജോലി ചെയ്തതിനുശേഷം പറയുകയാണ് ടാർജറ്റ് അച്ചീവ് ചെയ്യാൻ കഴിഞ്ഞില്ല അതുകൊണ്ട് പിരിച്ചുവിട്ടു എന്ന്. അതിനുശേഷം ഉടനെ തന്നെ മറ്റൊരു കമ്പനിയിൽ ജോലിക്ക് കയറി. ഇപ്പോൾ സ്ഥിരം ഓട്ടോയിൽ ആണ് ഓഫീസിൽ പോകുന്നതും വരുന്നതും. രാവിലെ 9 മണിയാവുമ്പോൾ ഓട്ടോ എത്തും മക്കളെ സ്കൂളിൽ വിട്ടതിനുശേഷം ആ ഓട്ടോയിൽ തന്നെയാണ് ഓഫീസിലേക്ക് പോകുന്നത്. വൈകുന്നേരം മൂന്നര മണിയാകുമ്പോൾ ഓട്ടോക്കാരൻ തന്നെ കുട്ടികളെ വീട്ടിൽ കൊണ്ടുവന്നു വിടും... പലപ്പോഴും സുഹൃത്തുക്കൾ പറഞ്ഞിട്ടുണ്ട് ആ ഓട്ടോക്കാരൻ ശരിയല്ല എന്ന്... അന്നൊക്കെ ഗായത്രിയോട് പറയുമ്പോൾ അവൾ ഓരോരോ കാരണങ്ങൾ കണ്ടെത്തി ന്യായീകരിക്കുമായിരുന്നു. എന്റെ ഗിരീഷേട്ട എന്നെ ഓഫീസിൽ കൊണ്ട് വിടുന്നതും മക്കളെ സ്കൂളിൽ കൊണ്ടു വിടുന്നതും എല്ലാം ആ പയ്യൻ അല്ലേ.. അവൻ ഒരു പാവമാണ്. ആൾക്കാർക്ക് പിന്നെ എന്താണ് പറഞ്ഞുകൂടാത്തത്. നമ്മൾ അതൊക്കെ കേൾക്കാൻ നിന്നാൽ പിന്നെ അതിനെ സമയം കിട്ടു. എന്നെ കൃത്യമായി ഓഫീസിൽ കൊണ്ട് എത്തിക്കുന്നുണ്ട് മക്കളെ കൃത്യമായി സ്കൂളിൽ കൊണ്ടെത്തിക്കുകയും വൈകുന്നേരം വിളിച്ചുകൊണ്ട് വീട്ടിൽ ആക്കുകയും ചെയ്യും.എന്നെ എത്ര വൈകിയാലും ഓഫീസിൽ നിന്ന് പിക്ക് ചെയ്ത് വീട്ടിൽ കൊണ്ടുവരുന്നത് അവനല്ലേ... ഇപ്പോഴത്തെ കാലത്ത് നമുക്ക് ആരെയും വിശ്വസിക്കാൻ പറ്റില്ല. അസൂയക്കാർ പലതും പറഞ്ഞെന്നു വരും നമ്മൾ അതൊന്നും മൈൻഡ് ചെയ്യാതെ ഇരുന്നാൽ മതി. നിങ്ങൾക്ക് എന്നെ വിശ്വാസമില്ലെ പിന്നെന്തിനാ വല്ലവരും പറയുന്നത് കേൾക്കുന്നത്. അത്രയും ആകുമ്പോൾ ആ സംസാരം അവിടെ തീരും... ഓരോന്ന് ഓർത്തു സമയം പോയത് അറിഞ്ഞില്ല. എഴുന്നേറ്റ് ബാത്റൂമിൽ പോയി ഫ്രഷായി വരുമ്പോൾ... മുറിയിലേക്ക് കയറി വരുന്ന ഗായത്രിയെ കണ്ടു.. ഏതോ വില കൂടിയ പെർഫ്യൂമിന്റെ ഗന്ധം.. ഗിരീഷേട്ടൻ ഇന്ന് നേരത്തെ എത്തിയോ... ഇതുപോലെ എന്നും നേരത്തെ എത്തിയിരുന്നെങ്കിൽ മക്കൾ പഠിക്കാനിരിക്കുമ്പോൾ അവർക്കൊപ്പം ഇരുന്ന് അവരെ എന്തെങ്കിലും സഹായിക്കാമായിരുന്നു നിങ്ങൾക്ക്... നിന്റെ അത്ര വലിയ പഠിപ്പ് ഒന്നും എനിക്കില്ലല്ലോ അവരെ സഹായിക്കാൻ... സഹായിക്കാൻ എന്ന് പറഞ്ഞ് ഞാൻ ഉദ്ദേശിച്ചത്.. ഒരാൾ അടുത്ത് ഇരിപ്പുണ്ട് എന്ന് തോന്നുമ്പോൾ അവർ മടിയില്ലാതെ പഠിച്ചു കൊള്ളും. പഠിക്കുന്നതിന്റെ ഇടയിലുള്ള കളിപറച്ചിലും തമാശയും ഒക്കെ മാറ്റിവയ്ക്കും.. അങ്ങനെയെങ്കിൽ നിനക്കെന്നും നേരത്തെ വന്നുകൂടെ. നിനക്കാകുമ്പോൾ അവരുടെ സംശയങ്ങൾ തീർത്തു കൊടുക്കുകയും ചെയ്യാമല്ലോ.. എന്ന് നേരത്തെ വരണമെന്ന് കരുതിയാണ് ഇറങ്ങുന്നത് പക്ഷേ അപ്പോഴേക്കും അത്യാവശ്യമായി എന്തെങ്കിലും കാണും ചെയ്തു തീർക്കാൻ... ജോലിഭാരം കൂടുതലാണ് കുറച്ചുദിവസം കൂടി ഈ ജോലിയിൽ ഇരുന്നിട്ട് പിന്നീട് ഈ ജോലിയും ഉപേക്ഷിച്ചാലേ പറ്റൂ... നമ്മുടെ കോളിഫിക്കേഷൻ അനുസരിച്ചുള്ള ജോലി എവിടെയെങ്കിലും കിട്ടാതിരിക്കില്ല.. ഇവിടെ എത്രയോ ആൾക്കാർ ജോലിയില്ലാതെ തേരാപ്പാരാ നടക്കുന്നു. പിന്നെ നിനക്ക് മാത്രമേ എങ്ങനെയാ ഇത്ര പെട്ടെന്ന് പെട്ടെന്ന് ജോലി ശരിയാക്കുന്നത്.... അർത്ഥം വെച്ചുകൊണ്ടുള്ള അവന്റെ ചോദ്യം കേട്ടപ്പോൾ ഗായത്രി അവന്റെ നേർക്കു തിരിഞ്ഞു നിന്നു.. ശ്രമിക്കുകയാണെങ്കിൽ എനിക്ക് എന്നല്ല എല്ലാവർക്കും ജോലി കിട്ടും. അതും പറഞ്ഞുകൊണ്ട് അവൾ ഫ്രഷ് ആകാൻ പോയി.. പെട്ടെന്നാണ് ഗിരീശൻ അവളുടെ ബാഗിൽ നിന്നും മൊബൈൽ പുറത്തേക്ക് എടുത്തത്.... അതിലെ വാട്സാപ്പ് ഓപ്പൺ ചെയ്തു ഓരോന്നായി നോക്കാൻ തുടങ്ങി.. പരിചയമില്ലാത്ത ഒരുപാട് നമ്പറുകളിൽ നിന്ന് നിരന്തരമായി മെസ്സേജുകൾ വന്നിട്ടുണ്ട്... അതിലൊന്നും കൃത്യമായി എഴുതിയിട്ടില്ലെങ്കിലും... ചില ഹോട്ടലുകളുടെ പേരുകളും റൂം നമ്പരും.... ബാത്റൂമിന്റെ കതക് അനങ്ങുന്നത് കണ്ടപ്പോൾ അവൻ വേഗം ഫോൺ തിരികെ വച്ചു.... സുധി പറഞ്ഞത് ശരിയാണ്... സുധി പറഞ്ഞത് മാത്രമല്ല ഇടയ്ക്ക് ഗായത്രിയെ കുറിച്ച് മോശമായി തന്നോട് പറഞ്ഞവരൊക്കെ ശരിയായ കാര്യങ്ങൾ തന്നെയാണ് പറഞ്ഞിരിക്കുന്നത്.. പലപ്പോഴും ഗായത്രിയെ പല സ്ഥലങ്ങളിലും വെച്ച് കണ്ടെന്ന് ഓരോരുത്തരും പറഞ്ഞിട്ടുണ്ട് പക്ഷേ അപ്പോഴെല്ലാം വിളിക്കുമ്പോൾ ഞാൻ ഓഫീസിൽ ആണ് എന്ന് പറഞ്ഞ് അവിടെയുള്ള ആരുടെയെങ്കിലും കയ്യിൽ ഫോൺ കൊടുത്ത് അവരോട് സംസാരിക്കാൻ പറയും.... താൻ അതെല്ലാം വിശ്വസിച്ച ഒരു മണ്ടൻ ആയിരുന്നു.. ഗായത്രി റൂമിൽ നിന്ന് ഇറങ്ങി വന്നു... ഗിരീശൻ എഴുന്നേറ്റ് ഡോർ കുറ്റിയിട്ടു. ഗായത്രിയുടെ ബാഗിൽ നിന്നും മൊബൈൽ പുറത്തേക്ക് എടുത്തു. ഇതിൽ പരിചയമില്ലാത്ത നമ്പറുകളിൽ നിന്ന് ഹോട്ടലുകളുടെയും റൂമിന്റെയും ഒക്കെ നമ്പർ കാണുന്നുണ്ടല്ലോ അത് ആരാ അയച്ചത്.... ഗിരീഷേട്ടൻ എന്തിനാ ഇപ്പോൾ ഇതൊക്കെ പരിശോധിക്കാൻ നിൽക്കുന്നത്... ഞാൻ ചോദിച്ചതിനുള്ള ഉത്തരം നീ ആദ്യം പറയൂ.. ഇടയ്ക്ക് വെച്ച് എന്റെ ഒന്ന് രണ്ട് സുഹൃത്തുക്കൾ വന്നിട്ടുണ്ടായിരുന്നു അവർ താമസിച്ച ഹോട്ടലിന്റെ പേരും ഫോൺ നമ്പറും ആണ്.... എന്നെ മണ്ടനാക്കാമെന്ന് നീ വിചാരിക്കേണ്ട ഗായത്രി... നിന്നെ കുറിച്ച് പലപ്പോഴായി ഞാൻ അറിഞ്ഞ കാര്യങ്ങൾ സത്യമാണെന്ന് എനിക്ക് മനസ്സിലായി. അപ്പോൾ ഓഫീസിൽ എന്നുപറഞ്ഞ് നീ രാവിലെ ഇവിടുന്ന് ഓട്ടോറിക്ഷയിൽ ഇറങ്ങുന്നത് ഇതിനാണല്ലേ.. അവനാണല്ലേ നിന്റെ ഈ കച്ചവടത്തിലെ ബ്രോക്കർ.. അതുകൊണ്ടായിരിക്കും അവന്റെ ഓട്ടോയിൽ തന്നെ കറങ്ങി നടക്കുന്നത്... എന്തായാലും സ്വന്തം ഭാര്യയെ പറ്റി കേൾക്കാൻ പാടില്ലാത്ത പല കാര്യങ്ങളും ഞാൻ കേട്ടു. ഇപ്പോൾ അതെല്ലാം സത്യമാണെന്ന് എനിക്ക് ഉത്തമമായ ബോധ്യവും ഉണ്ട്. നീ ഫ്രഷാവാൻ പോയപ്പോൾ നിനക്ക് വന്ന ഒരു കോൾ ഞാൻ അറ്റൻഡ് ചെയ്തു. അപ്പുറത്തുനിന്ന് അയാൾ എന്നോട് സംസാരിച്ചത് നാളെ ബ്ലൂസ്റ്റാർ ഹോട്ടലിൽ ഇത്ര നമ്പർ മുറിയിൽ അയാൾ കാത്തിരിക്കും വരണമെന്ന്.. തിരിച്ചു മറുപടിയൊന്നും കിട്ടാഞ്ഞപ്പോൾ അയാൾ തന്നെ ചോദിക്കുകയാണ് ഭർത്താവ് അടുത്തുണ്ടല്ലേ എന്ന്... സാധാരണ അങ്ങനെയുള്ളപ്പോഴാണല്ലോ നീ മിണ്ടാതിരിക്കുന്നത്.... നിങ്ങൾ എന്തൊക്കെയാണ് മനുഷ്യാ വിളിച്ചു കൂവുന്നത്... എനിക്കൊന്നും അറിയില്ല ആരെങ്കിലും എന്തെങ്കിലും പറഞ്ഞെന്ന് വച്ചു.. ആരെങ്കിലും എന്തെങ്കിലും പറഞ്ഞതല്ല എന്റെ കയ്യിൽ കൃത്യമായ തെളിവുകൾ ഉണ്ട്. ഇന്ന് ഞാൻ വർക്ഷോപ്പിൽ നിന്നും നേരത്തെ ഇറങ്ങി നിന്റെ മറ്റവൻ ഓട്ടോക്കാരനെ കാണാൻ പോയിരുന്നു. ആവശ്യത്തിന് അവന് കൊടുത്തപ്പോൾ അവൻ തന്നെ എല്ലാ കാര്യങ്ങളും തുറന്നു പറഞ്ഞു. ഇന്ന് ഉച്ചയ്ക്കുശേഷം നിന്നെ അവൻ വിളിക്കുകയോ നീ വിളിച്ചപ്പോൾ ഫോൺ എടുക്കുകയോ ചെയ്തിട്ടില്ലല്ലോ... അവനു എടുക്കാൻ കഴിയില്ല കാരണം അവൻ ഹോസ്പിറ്റലിൽ ആണ്... അതിനുള്ളതു ഞാൻ ആവശ്യത്തിന് കൊടുത്തിട്ടുണ്ട്. വർഷോപ്പ് പണി ചെയ്തു കിട്ടുന്ന നക്കാപ്പിച്ച ശമ്പളം വാങ്ങിയാൽ ജീവിക്കാൻ കഴിയില്ല. ജീവിക്കുന്നതിന് അത്യാവശ്യം പണം ആവശ്യമാണ്. അപ്പോൾ പണം ഉണ്ടാക്കാൻ പറ്റുന്ന ഏറ്റവും എളുപ്പം ഇതാണെന്നു എനിക്ക് തോന്നി.. ഒന്നു കുളിച്ചാൽ തീരുന്ന അഴുക്കു മാത്രമേ ഉള്ളൂ... നിങ്ങൾക്ക് എന്നെ വേണ്ടെങ്കിൽ വേണ്ട.. പക്ഷേ നിങ്ങൾ വരയ്ക്കുന്നവരെയിൽ നിങ്ങൾ പറയുന്നത് അനുസരിച്ച് ജീവിക്കാൻ എനിക്ക് കഴിയില്ല.. പിന്നെ പോകുമ്പോൾ എന്റെ മക്കളെ കൂടെ കൊണ്ടുപോകും എന്ന ഭീഷണി ഒന്നും പറയുന്നില്ല. നിങ്ങളുടെയും കൂടെ മക്കളല്ലേ അതുകൊണ്ട് അവരെ വളർത്തിക്കൊ... ഞാൻ എന്റെ വഴിക്ക് പോകും... ഗിരീഷിന്റെ മുഖത്തുനോക്കി മുഖത്തടിച്ചത് പോലെ പറഞ്ഞിട്ട്... അവളുടെ സാധനങ്ങൾ എല്ലാം പാക്ക് ചെയ്തു... പുറത്തേക്കു പോയി.... രചന ഇഷ്ടമായെങ്കിൽ എന്തേലും രണ്ടു വരി കുറിച്ചിട്ടു പോണേ, വേറൊന്നിനും അല്ല എന്റെ ഒരു സന്തോഷത്തിന് 😍 #📔 കഥ

വരുൺ ഇതു നമുക്ക് നിർത്താം എനിക്കിപ്പോൾ പേടിയായി തുടങ്ങി. നിന്റെയോ എന്റെയോ വീട്ടിൽ ആരെങ്കിലും അറിഞ്ഞാൽ പിന്നെ നമ്മുടെ ജീവിതം അതോടെ കഴിഞ്ഞു... ഒരു മേശക്കിരുവശവുമായി രണ്ടുപേരും ഇരുന്നു..... ചായക്കപ്പു ചുണ്ടോടു ചേർത്ത വരുൺ പെട്ടെന്ന് താഴേക്കു വച്ചു. എന്തുപറ്റി നിനക്ക് പെട്ടെന്ന് ഇങ്ങനെ തോന്നാൻ.... ഇപ്പോൾ എന്നെക്കാൾ നല്ലതായി ആരെയെങ്കിലും കിട്ടിയിട്ടുണ്ടോ... അതാണോ ഈ ഒഴിഞ്ഞുമാറ്റം... വരുണിന്റെ ഭാഗത്തു നിന്നുള്ള ആ ചോദ്യം ഉഷയെ ചൊടിപ്പിച്ചു. എന്നെക്കുറിച്ചു ഇതാണോ നിന്റെ മനസ്സിൽ... നിന്നെ ഞാനും കുറ്റം പറയില്ല.. ഭർത്താവും മക്കളും ഉള്ള ഞാൻ നീയുമായി സൗഹൃദത്തിൽ ആകാൻ പാടില്ലായിരുന്നു. ഒരിക്കലും ഒരു പെണ്ണിന്റെയും ആണിന്റെയും സൗഹൃദം സമൂഹം അംഗീകരിക്കില്ല. നീ എന്റെ വിഷമഘട്ടത്തിൽ ഒരുപാട് സഹായിച്ചിട്ടുണ്ട് വരുൺ.. ഇപ്പോഴും സഹായിക്കുന്നുമുണ്ട്.. പക്ഷെ എത്രനാൾ നിന്നെയിങ്ങനെ ബുദ്ധിമുട്ടിക്കും... ഫേസ് ബുക്കുവഴി കിട്ടിയ സൗഹൃദം ആണ്. ഇത്രയും നാൾ അത് നല്ലരീതിയിൽ കൊണ്ടുപോകാൻ കഴിഞ്ഞു. പക്ഷെ ഇനി അത് ബുദ്ധിമുട്ട് ആണ്.... നിന്റെ പെരുമാറ്റത്തിൽ ഇപ്പോൾ എന്തൊക്കെയോ മാറ്റങ്ങൾ ഉണ്ട് വരുൺ.... എന്തുമാറ്റം..... വരുണിന്റെ ശബ്ദം ഉയർന്നു. നിന്റെ സൗഹൃദത്തിലും സ്നേഹത്തിലും ഇപ്പോൾ നിറം മാറി വരുന്നു. കഴിഞ്ഞദിവസം നീ എന്നോട് എന്തൊക്കെയാണ് ഫോണിലൂടെ പറഞ്ഞതെന്നറിയാമോ.... നിന്റെ ജീവിതത്തിൽ ഞാൻ വേണം. നിനക്ക് ഞാനില്ലാതെ പറ്റില്ല. നിന്റെ ഭാര്യയുടെ സ്ഥാനത്തിപ്പോൾ ഞാനാണ്... എന്നൊക്കെ.... വിളിച്ചു കൂവുകയായിരുന്നു.... ഇനിയും ഞാൻ മിണ്ടാതിരുന്നാൽ കഴിയില്ല. ഓക്കേ നിനക്കിപ്പോൾ മറ്റാരോ ഉണ്ട് അതാണ് എന്നെ വേണ്ടതായതു... ഇനി നിന്നോട് സംസാരിച്ചിട്ട് കാര്യമില്ല.. ഞാൻ പോകുന്നു. ഉഷ ബാഗുമായി എഴുന്നേറ്റ്... പുറത്തേക്കു പോയി.. വരുൺ ബില്ല് പേ ചെയ്തു തൊട്ടു പിന്നാലെ ഇറങ്ങി.. വീട്ടിൽ എത്തുമ്പോൾ പതിവുപോലെ സുകു നാലുകാലിൽ....എന്തൊക്കെയോ ബോധമില്ലാതെ വിളിച്ചു പറയുന്നു.. അസഭ്യവർഷമായി പിന്നെ.... ചെവി പൊതിഞ്ഞു പിടിച്ചു ഉഷ.. പിള്ളേർ രണ്ടുപേരും പഠിക്കാനിരിക്കുന്നു...ഇടയ്ക്കു ലെച്ചുമോൾ തല എത്തിച്ചു നോക്കുന്നുണ്ട്. ഉഷ അടുക്കളയിൽ കയറി ഒരു ചായയാക്കി കുടിച്ചു.... ഫ്രഷായി വന്നു. ഒരു നൈറ്റി എടുത്തണിഞ്ഞു.... രാത്രിയിലെത്തേക്ക് ചപ്പാത്തിയും കറിയും ഉണ്ടാക്കി. അടുക്കളയിലെ ജോലികൾ ചെയ്യുമ്പോഴും അവളുടെ ശ്രദ്ധ അതിലൊന്നും ആയിരുന്നില്ല. വരുണ് പറഞ്ഞ കാര്യങ്ങളിലൂടെ മനസ്സ് ഓടി നടക്കുകയായിരുന്നു. താൻ മനസ്സിൽ ആഗ്രഹിച്ചിരുന്ന കാര്യങ്ങൾ അല്ലേ അവൻ പറഞ്ഞത് പിന്നെ എന്തിനാണ് അവനോട് ഇത്രയും ക്ഷോഭിച്ചത്. പലപ്പോഴും സുകുവേട്ടന്റെ ഈ സ്വഭാവത്തിന് മുന്നിൽ ജീവിതം അവസാനിപ്പിക്കണമെന്ന് വരെ തോന്നിയിട്ടുണ്ട്. അപ്പോഴെല്ലാം മക്കളുടെ മുഖം മാത്രമായിരുന്നു ആശ്വാസം തന്നത്. എന്നിട്ടും മനസ്സിനെ നിയന്ത്രിച്ചു നിർത്താൻ കഴിയാതെ വന്നു. അങ്ങനെയാണ് സോഷ്യൽ മീഡിയയിലേക്ക് കൂടുതൽ സമയം ചെലവഴിക്കാൻ തുടങ്ങിയത്. കുഞ്ഞു കുഞ്ഞു കഥകളും കവിതകളും ഒക്കെ വായിച്ച് സമയം ചെലവഴിച്ചിരിക്കുമ്പോഴാണ്.. കുറച്ചു ഫ്രണ്ട്സ് റിക്വസ്റ്റ് വന്നു കിടക്കുന്നത് കണ്ടത്. ആദ്യത്തെ കുറെയെണ്ണം അക്സെപ്റ്റ് ചെയ്തു. ആരാണെന്നോ എന്താണെന്നോ ഒന്നും നോക്കിയില്ല.. ഒന്ന് രണ്ട് ദിവസം കഴിയുമ്പോഴാണ് മെസഞ്ചറിൽ മെസ്സേജ് വരുന്നത്... ഹായ് ഹലോ എന്നു തുടങ്ങിയ മെസ്സേജ് താൻ എവിടെയാണ്. തന്റെ സ്ഥലം എവിടെയാണ് നമ്മൾ രണ്ടുപേരും അടുത്തടുത്ത സ്ഥലത്താണല്ലോ അങ്ങനെ ഒരായിരം ചോദ്യങ്ങൾ.. ആദ്യം ആദ്യം അവയൊക്കെ പാടെ അവഗണിക്കുകയായിരുന്നു.. ദിവസവും രാവിലെ ഒരു ഗുഡ് മോർണിംഗ് താൻ അന്വേഷിച്ചാലും ഇല്ലെങ്കിലും അയാളുടെ കുറെ വിശേഷങ്ങൾ. പല ദിവസങ്ങളിലും മെസ്സേജുകൾ ഒന്നും നോക്കാറു പോലുമില്ല എങ്കിലും അയാളുടെ വിശേഷങ്ങളും ഗുഡ് മോർണിംഗ് മുറപോലെ വന്നുകൊണ്ടിരുന്നു. ഒരു ദിവസം റിപ്ലൈ കൊടുത്തു. താൻ എന്തിനാ ദിവസവും ഇങ്ങനെ തന്റെ വിശേഷങ്ങൾ പങ്കുവയ്ക്കുന്നത് എന്റെ മറുപടി ഇല്ലെങ്കിലും എന്തിനാ ഗുഡ്മോർണിംഗ് അയക്കുന്നത്... ഞാൻ തന്നെ നല്ലൊരു സുഹൃത്തായി എന്റെ മനസ്സിൽ കണ്ടു അതുകൊണ്ട് എന്റെ വിശേഷങ്ങൾ താനുമായി പങ്കുവയ്ക്കാം എന്ന് കരുതി. അപ്പുറത്ത് കേൾക്കാൻ ഒരാൾ ഉണ്ടാകുമ്പോൾ പറയാൻ ഉത്സാഹം കൂടും.. അതിന് ഞാൻ മിക്കവാറും തന്റെ മെസ്സേജുകൾ ഒന്നും നോക്കാറു പോലുമില്ലല്ലോ.. എന്നിട്ടും മടുപ്പില്ലാത്ത താൻ എന്തിനാ ദിവസവും വീണ്ടും മെസ്സേജ് അയക്കുന്നത്... എനിക്ക് ഉറപ്പുണ്ടായിരുന്നു എപ്പോഴെങ്കിലും ഒരിക്കൽ താൻ എന്റെ മെസ്സേജുകൾ എല്ലാം നോക്കുമെന്ന്.. ആ വിശ്വാസം ഉള്ളതുകൊണ്ട് ഞാൻ ദിവസവും മെസ്സേജ് അയച്ചു കൊണ്ടിരുന്നു. അന്ന് അത്ര മാത്രമേ സംസാരിച്ചിട്ടുള്ളൂ എങ്കിലും.. ഉഷയുടെ മനസ്സിന് വല്ലാത്ത ആശ്വാസം തോന്നി.. പതുക്കെപ്പതുക്കെ അത് നല്ലൊരു സൗഹൃദമായി വളർന്നു വന്നു.. എന്താവശ്യത്തിനും. തൊട്ടപ്പുറത്ത് ഒരാൾ... ഒരിക്കൽ സുകു അമിതമായി മദ്യപിച്ചു വന്നു ഉഷയെ ഒരുപാട് മർദ്ദിച്ചു.. അന്ന് തടസ്സം പിടിക്കാൻ വന്ന മകൾ ലച്ചുവിനും ആവശ്യത്തിന് കിട്ടി.. ആ അടിപിടിയിൽ കുട്ടിക്ക് സാരമായി പരിക്കേറ്റു.. ഹോസ്പിറ്റലിൽ കൊണ്ടുപോയേ പറ്റൂ എന്ന അവസ്ഥയായപ്പോൾ.... കയ്യിൽ പത്തിന്റെ പൈസ പോലുമില്ല.. ചോദിക്കാൻ മറ്റാരും ഇല്ലാത്തത് കൊണ്ട് തന്നെ ഉടനെ വരുണിനെ വിളിച്ചു.. ഫേസ്ബുക്കിൽ തുടങ്ങിയ ആ സൗഹൃദ സംഭാഷണം ഇപ്പോൾ വാട്സ്ആപ്പ് വരെ എത്തിനിൽക്കുന്നത് കൊണ്ട് എന്ത് ആവശ്യത്തിനും വിളിച്ചാൽ ഒരു കൈ അകലത്തിൽ വരുണിന്റെ സേവനം ഉണ്ടായിരുന്നു.. അപ്പോൾ തന്നെ ഗൂഗിൾ പേ വഴി കാശ് കൊടുത്തു... ആ സംഭവത്തോട് കൂടി തന്നെ അവർ തമ്മിൽ നല്ലൊരു ആത്മ ബന്ധം ഉണ്ടായി.. ദിവസവും പരസ്പരം എന്തുകാര്യവും പറയുന്ന നല്ല സുഹൃത്തുക്കളായി മാറി. ഇരുവരുടെയും ജീവിതത്തിൽ പറയാതെ മറക്കുന്ന സംഭവങ്ങൾ ഒന്നും തന്നെ ഇല്ലാതെയായി.. ഉഷ എവിടെയെങ്കിലും ബന്ധുക്കളുടെ വീട്ടിൽ പോകണമെങ്കിൽ അത് വരുണിനെ അറിയിച്ചിട്ടായിരിക്കും.. വരുൺ തിരിച്ച് അങ്ങനെ തന്നെയായിരുന്നു.. രണ്ടുപേരും പരസ്പരം പറയാതെ എവിടെയെങ്കിലും പോയാൽ പിന്നെ അതിനെ ചൊല്ലിയാവും വഴക്ക്... സൗഹൃദത്തിന് അപ്പുറത്തേക്കുള്ള ഒരു ബന്ധം അവർക്കിടയിൽ ഉണ്ടായി തുടങ്ങിയപ്പോൾ.. ഉഷ പതിയെ പിൻവലിയാൻ തുടങ്ങി.. പക്ഷേ വരുണിനെ സംബന്ധിച്ചിടത്തോളം അത് സഹിക്കാവുന്നതിനും അപ്പുറം ആയിരുന്നു... പിന്നീട് അതിനെ ചൊല്ലിയായി അവർക്കിടയിൽ വഴക്ക്.. ഇതിനിടയിൽ വരുണിന്റെ വിവാഹം കൂടി കഴിഞ്ഞതോടുകൂടി... ഉഷ പൂർണ്ണമായും വരുന്നിൽ നിന്ന് അകലം പാലിച്ചു... പക്ഷേ വരുണിന് അത് ഒരിക്കലും ഉൾക്കൊള്ളാൻ കഴിഞ്ഞില്ല. ഉഷയുടെ സൗഹൃദം ഇല്ലെങ്കിൽ അവന് ജീവിക്കാൻ പോലും കഴിയില്ല എന്ന് അവസ്ഥയായി... ആ അവസ്ഥയിൽ നിന്നും മാറുന്നതിനു വേണ്ടി ഇപ്പോൾ കൂടുതൽ സമയം ഉഷയോടൊത്ത് സംസാരിക്കുന്നതിന് വരുൺ ചെലവഴിക്കാൻ തീരുമാനിച്ചു.. പക്ഷേ ഉഷ ബുദ്ധിപൂർവ്വം ഒഴിഞ്ഞു മാറിക്കൊണ്ടേയിരുന്നു... ആ ഒഴിഞ്ഞുമാറ്റത്തിന്റെ അവസാനമായിരുന്നു ഇന്ന് തമ്മിൽ കണ്ടപ്പോൾ ഉള്ള ചർച്ച.... ആലോചനയോടുകൂടി ജോലികൾ ഓരോന്നായി ചെയ്ത് തീർത്ത് കുഞ്ഞുങ്ങൾക്കുള്ള ഭക്ഷണവും കൊടുത്ത് ഉഷയും കഴിച്ചു. സുകുവിനുള്ള ഭക്ഷണവുമായി ചെന്നപ്പോൾ അയാൾ ബോധമില്ലാതെ ഭക്ഷണം തട്ടിനിലത്തേക്ക് എറിഞ്ഞു.. അതും കൂടി ആയപ്പോൾ ഉഷയ്ക്ക് സഹിക്കാൻ കഴിഞ്ഞില്ല... കിടക്കാൻ നേരം മൊബൈലുമായി മുറിയിലേക്ക് പോയി... വരുണിനോട് അല്ലാതെ മറ്റാരോടും സങ്കടങ്ങൾ പറയാൻ ഇല്ല എന്ന് മനസ്സിലായതും ഉഷ വാട്ട്സ്ആപ്പ് ഓപ്പൺ ചെയ്തു... അന്നത്തെ വിശേഷങ്ങൾ മുഴുവൻ വരുണിനെ അറിയിച്ചു.. മറുഭാഗത്തുനിന്നും പോട്ടെ സാരമില്ല... ഇതൊക്കെ പതിയെ മാറും.. അങ്ങനെ ഒരു മറുപടി കേട്ടപ്പോൾ.. അതുവരെ ഇല്ലാതിരുന്ന ഒരു സമാധാനം... ആ മറുപടി അവനിൽ നിന്നായതുകൊണ്ട് തന്നെയാണ് സമാധാനമായത്.. എത്ര അകറ്റി മാറ്റി നിർത്താൻ ശ്രമിച്ചാലും ... അവനിൽ നിന്നും തനിക്കൊരു മോചനം ഇല്ലെന്ന് ഉഷയ്ക്ക് അപ്പോൾ മനസ്സിലായി... നമ്മളെ കേൾക്കാൻ ഒരാൾ ഉണ്ടാകുന്നതല്ലേ ഏറ്റവും വലിയ ഭാഗ്യം.... രചന ഇഷ്ടമായെങ്കിൽ എന്തേലും രണ്ടു വരി കുറിച്ചിട്ടു പോണേ, വേറൊന്നിനും അല്ല എന്റെ ഒരു സന്തോഷത്തിന് 😍 #📔 കഥ

ഓ പ്പി ടിക്കറ്റ് എടുക്കാൻ നിൽക്കുമ്പോൾ തന്നെ റിസപ്ഷനിൽ നിൽക്കുന്ന പെൺകുട്ടി അവരെ രണ്ടുപേരെയും പ്രത്യേകം ശ്രദ്ധിച്ചിരുന്നു.... ഓ പ്പി എടുക്കാൻ....ആധാർ ചോദിച്ചപ്പോൾ ഇരുവരും പരസ്പരം നോക്കി... ആധാറില്ലതെ ഓ പ്പി എടുക്കാൻ കഴിയില്ലേ..... ഇവിടെ ചില റൂൾസ് ആൻഡ് റെഗുലേഷൻസ് ഒക്കെ ഉണ്ട് അത് ഞങ്ങൾക്ക് ഫോളോ ചെയ്യാൻ കഴിയുകയുള്ളൂ പേഷ്യന്റിന്റെ പേരും അഡ്രസ്സും മൊബൈൽ നമ്പരും എവിടെയാണ് കാണിക്കുന്നത് എന്നും വ്യക്തമായി പറയണം........ പേരും വയസ്സും അഡ്രസ്സും കൂടെ വന്ന ചെറുപ്പക്കാരൻ പറഞ്ഞു കൊടുത്തു... ആധാർ കാർഡിന്റെ ഒരു ഫോട്ടോ കോപ്പിയും അവർ വാങ്ങിവച്ചു. ഏത് ഓപ്പിയിലാണ് കാണിക്കേണ്ടത് എന്ന് വീണ്ടും ചോദിച്ചപ്പോൾ .., ഗൈനക്കോളജിയിൽ എന്ന് ആ പെൺകുട്ടി ഉത്തരം പറഞ്ഞു..... എന്റെ അന്നമ്മ സിസ്റ്ററെ ഈ പെൺകുട്ടികളൊക്കെ ഈ പ്രായത്തിൽ ഇങ്ങനെയൊക്കെ ചെയ്താൽ എന്ത് ചെയ്യും... ആ കൊച്ചിന് 18 വയസ്സ് ആയതേയുള്ളൂ.. കണ്ടാൽ അറിയാം ഇത് മറ്റേ കേസാണെന്ന്... അല്ലെങ്കിലും നമ്മുടെ സുഷമാ മേടത്തിന് ഇപ്പോൾ നല്ല കോളാണ്. ലിവിങ് ടുഗതർ എന്നും, പ്രേമം എന്നും, പറഞ്ഞുകൊണ്ട് നടന്നിട്ട്... ഒടുവിൽ വയറ്റിലാകുമ്പോൾ അത് കളയാനായി ഓടി ഇവിടെ എത്തും. പാവം വീട്ടിലിരിക്കുന്ന തള്ളയും തന്തയും വല്ലതും അറിയുന്നുണ്ടോ. ഇതിന്റെയൊക്കെ മേടുകൾ..... നമ്മുടെ ശമ്പളത്തിന് നമ്മൾ ജോലിചെയ്യുന്ന അത്രതന്നെ. ഇതിനെ യോക്കെ ഉപദേശിക്കാൻ നടന്നാൽ അത് മനസ്സിലാകില്ല.,. നിങ്ങൾ നിങ്ങളുടെ കാര്യം നോക്കിയാൽ മതി വീട്ടിലിരിക്കുന്ന മക്കളെ ഉപദേശിച്ചാൽ മതി. എന്നൊക്കെ പറഞ്ഞു നമ്മുടെ മെക്കിട്ട് കയറാൻ വരും... നമ്മുടെ മക്കളെ ഓർമ്മ വരുന്നതു കൊണ്ടാണ് ഇതിനെയൊക്കെ ഉപദേശിക്കാൻ തന്നെ പോകുന്നത്.. സുഷമ മാഡം വന്നില്ലേ സിസ്റ്റർ... വന്നിട്ടുണ്ട് ഇന്നത്തെ ഓ പി ഫുൾ ആണ്.... ഡോക്ടറിന്റെ ഒപ്പം നിൽക്കുന്ന ആ നഴ്സ് മീനാക്ഷി പറയുന്നത് കേൾക്കാം... ഈ പ്രായത്തിലുള്ള പിള്ളേർക്ക് തിന്നു എല്ലിനിടയിൽ കയറി കാണിക്കുന്ന ബഹളം ആണിതെന്ന്.... ഓരോന്നിനും ഒന്നും രണ്ടുമാസമൊക്കെ ആകുമ്പോഴാണ് അബോഷൻ ചെയ്യാനായി വരുന്നത്.. ഇതിന്റെയൊക്കെ വീട്ടുകാരെക്കുറിച്ച് ആലോചിക്കുമ്പോൾ വല്ലാത്ത സങ്കടം തോന്നുന്നു.... പറഞ്ഞിട്ട് കാര്യമില്ല... നമ്മുടേത് പോലുള്ള ചില പ്രൈവറ്റ് ഹോസ്പിറ്റലിൽ എങ്കിലും അബോർഷൻ പ്രക്രിയ ഇപ്പോഴും നടക്കുന്നുണ്ട്... സുഷമ ഡോക്ടർ നോക്കിയതിനു ശേഷം നേരെ പേഷ്യന്റിനെ മീനാക്ഷിയുടെ അടുത്തേക്ക് വിട്ടു. മീനാക്ഷിക്കു ആ കൊച്ചിനെ കണ്ടപ്പോൾ ദേഷ്യമാണ് തോന്നിയത്. ഫോം ഫിൽ ചെയ്തിട്ടു വരണം.... ഒട്ടും മയമില്ലാതെ മീനാക്ഷി ഒരു ഫോം ആ കുട്ടിയുടെ കയ്യിൽ കൊടുത്തു... രണ്ടുപേരും കൂടി മാറിയിരുന്നു ഫോം ഫിൽ ചെയ്തു മീനാക്ഷിയെ ഏൽപ്പിച്ചു.. മീനാക്ഷി ഫോം സൂഷ്മമായി പരിദോധിച്ചു. ഗാർഡിന്റെ കോളത്തിൽ എന്താ സൈൻ ചെയ്യാത്തത്.... ഭർത്താവിന്റെയോ അമ്മയുടെയോ ഒപ്പ് വേണം.... അങ്ങനെ നിങ്ങൾ പറയുന്നതുപോലെ സൈൻ ചെയ്യാൻ പറ്റില്ല... ഞങ്ങൾ ലിവിങ് ടുഗെതർ ആണ്.. അതുകൂടി കേട്ടതും മീനാക്ഷിക്കൂ ദേഷ്യം വന്നു.. അതൊന്നും പറഞ്ഞാൽ പറ്റില്ല. നിങ്ങൾ ഇതൊന്നും അറിഞ്ഞില്ലേ.. ലിവിങ് ടുഗെതർ ഇവിടെ നിയമ വിധേയാം ആക്കി..... ആഹാ എങ്കിൽ ഞാൻ അന്വേഷിച്ചതിനു ശേഷം... ബാക്കി പ്രോസസിങ് നടത്തി തരാം.. നിങ്ങൾ എന്തിനാ ആവശ്യമില്ലാത്ത കാര്യങ്ങൾ അന്വേഷിക്കുന്നെ.... മീനാക്ഷി ചവിട്ടി തുള്ളി ഡോക്റ്ററിന്റെ അടുത്തേക്ക് പോയി. ഡോക്ടർ ഇപ്പോൾ വന്ന പേഷ്യന്റ് ലിവിങ് ടുഗെതർ ആണ് അതുകൊണ്ട് സൈൻ ചെയ്തു തരാൻ ഒന്നും കഴിയില്ല എന്നാണ് പറയുന്നത്.. മാഡം ഇങ്ങനെയുള്ള കേസുകൾ അറ്റൻഡ് ചെയ്യുന്നതുകൊണ്ടാണ് ആൾക്കാർ അന്വേഷിച്ച് പിടിച്ച് ഇവിടേക്ക് വരുന്നത്... നമ്മുടെ ഹോസ്പിറ്റലിന് നന്നായി വരുമാനം കിട്ടുന്നുണ്ടല്ലോ അത് മാത്രം നോക്കിയാൽ പോരെ. താൻ അമ്മ വരണം അച്ഛൻ വരണം എന്നൊക്കെ പറഞ്ഞ് അവരെ ബുദ്ധിമുട്ടിക്കുമ്പോൾ,വഴിയെ പോകുന്ന ആരെയെങ്കിലും വിളിച്ചുകൊണ്ടുവന്ന് സൈൻ ചെയ്യിപ്പിച്ചാൽ നമ്മൾ അറിയാനാണോ പോകുന്നത് അതുകൊണ്ട് എന്തെങ്കിലും ആയിക്കൊണ്ടു പോട്ടെ.... താൻ കൂടുതൽ ബലം പിടിക്കാൻ ഒന്നും നിൽക്കണ്ട... അല്ല മാഡം എങ്കിലും ഇതൊക്കെ ചെയ്യുന്നത്... താൻ പോയി ആ കൊച്ചിനെ വിളിച്ചു തീയേറ്ററിലേക്ക് കൊണ്ടുവാടോ.... മാഡം എന്താന്ന് വെച്ചാൽ കാണിച്ചു കൂട്ടു... മീനാക്ഷി വലിച്ചു കയറ്റിവെച്ച മുഖവുമായി പേഷ്യന്റിന്റെ അടുത്തേക്ക് ചെന്നു... ആ കൊച്ചിനെയും വിളിച്ചുകൊണ്ടു ലേബർ റൂമിലേക്ക് ചെന്നു. 10 മിനിറ്റ് കഴിഞ്ഞപ്പോഴേക്കും സുഷമ ഡോക്ടറും എത്തി. പരിപാടികളൊക്കെ കഴിഞ്ഞ് രണ്ടു മണിക്കൂർ കഴിഞ്ഞപ്പോഴേക്കും ഒന്നും സംഭവിക്കാത്തത് പോലെ മീനാക്ഷിയെ നോക്കി ഒരു പുച്ഛചിരി സമ്മാനിച്ചുകൊണ്ട് ആ പെൺകുട്ടി പുറത്തേക്കുപോയി. എങ്കിലും ഇപ്പോൾ ഉള്ള പിള്ളേരുടെ കാര്യം. ഇതിനെയൊക്കെ ഇവന്മാർ കെട്ടുമോ എന്നു ദൈവത്തിനു മാത്രം അറിയാം. ഉച്ചക്ക് കഴിക്കാനിരിക്കുമ്പോൾ അന്നത്തെ സംസാരവിഷയം ഇതുതന്നെയായിരുന്നു.. കാലം പോകുന്ന പോക്ക്... വീട്ടിലെത്തിയിട്ടും ഇതുതന്നെയായിരുന്നു ചിന്തയിൽ.. അമ്മ ഇന്നെന്താ വൈകിയേ.... മകൾ അമ്മു ആലോചനയോടെ ഇരിക്കുന്ന മീനാക്ഷിയുടെ അടുത്തേക്ക് വന്നു. ഞാൻ ഓരോന്ന് ആലോചിച്ചു വെറുതെ ഇരിക്കുവായിരുന്നു.. നീ പോയി അമ്മക്ക് ഒരു കാപ്പി ഉണ്ടാക്കി താ... വല്ലാത്ത തലവേദന........ സുഗുണൻ വരുമ്പോളും മീനാക്ഷി കിടക്കുക തന്നെയായിരുന്നു.. ഫ്രഷായി അമ്മുക്കൊടുത്ത കട്ടനും കുടിച്ചു സുഗുണൻ മീനാക്ഷിയുടെ അടുത്തേക്ക് വന്നു. എന്താടി വയ്യേ.... ഒന്നുമില്ല സുഗുണേട്ടാ..... എടി നീ ഉച്ചക്ക് വിളിച്ചു എന്നോട് പറഞ്ഞപ്പോൾ ഞാൻ പറഞ്ഞതല്ലേ... ഇതൊന്നും തലയിൽ കയറ്റി നടക്കരുതെന്നു.. അതൊന്നുമില്ല.. ഞാൻ ഓക്കേ ആണ്... എനിക്കതു കേട്ടാൽ മതി... നീയിങ്ങനെ കിടന്നാൽ വീടുറങ്ങിയതുപോലെ ആകും... എനിക്കൊന്നുമില്ല ഞാനിപ്പോൾ വരാം.... ദിവസങ്ങൾ കടന്നുപോകുമ്പോൾ ഹോസ്പിറ്റലിലെ കാര്യങ്ങളും മുടക്കമില്ലാതെ കടന്നുപോയി. ഡോക്ടർ ഞാൻ നാളെ ലീവ് ആണ് ഒരു എൻഗേജ്മെന്റ് ആണ്... ഡ്യൂട്ടിക്ക് ഷെറിൻ കാണും... താൻ ഉള്ളതാണ് എന്റെ സമാധാനം..... ഇനിയിപ്പോൾ ഷെറിൻ... ഡോക്ടർ ആലോചനയൊടിരുന്നു.... മ്മ്മ്... സാരമില്ല..... ഇനിയിപ്പോൾ എന്തു ചെയ്യും... അത്യാവശ്യം ആയിപ്പോയി ഒഴിവാക്കാൻ കഴിഞ്ഞില്ല.. ശെരി നടക്കട്ടെ... എല്ലാം വേണ്ടേ ജീവിതത്തിൽ... വീട്ടിലെത്തുമ്പോൾ അമ്മുവിന് വലിയ സന്തോഷം.... അവളുടെ കൂട്ടുകാരിയുടെ ഏട്ടനാണ് ചെക്കൻ... രണ്ടും കൂടി എന്തോ പ്ലാനും പദ്ധതിയും നടപ്പിലാക്കുന്നുണ്ട്.....നാളെ എൻഗേജ്മെന്റന്. അമ്മേ ഇവിടുന്നു വണ്ടിയുണ്ട് നമുക്കതിൽ പോകാം... രാവിലേ എത്രമണിക്കാണ് എന്നൊക്കെ അന്വേഷിക്കണം.... കൃത്യ സമയത്തു തന്നെ പുറപ്പെട്ടു. മണ്ഡപത്തിൽ ചെക്കന്റെ അടുത്തേക്ക് വന്നിരുന്ന പെണ്ണിനെ തന്നെ മീനാക്ഷി നോക്കിയിരുന്നു. എവിടെയോ കണ്ടിട്ടുണ്ട്.... ഈ കൊച്ചിനെ..... ആലോചന കാടുകയറിയപ്പോൾ ഓർമ്മയിൽ ആ മുഖം തെളിഞ്ഞു. സുഗുണേട്ടാ.... എന്താടി അലറുന്നെ..... ഇങ്ങു വന്നേ.... ആ കൊച്ചുണ്ടല്ലോ... കുറ്റം പറയരുതല്ലോ നല്ല കൊച്ചു..... അവനു നന്നായി ചേരും.... എന്റെ പൊന്നു മനുഷ്യ.... ആ പെങ്കൊച്ചാണ് കുറച്ചു നാൾ മുൻപ് അബോർഷൻ ചെയ്യാൻ ഹോസ്പിറ്റലിൽ വന്നത്... മീനാക്ഷി നീ ആവശ്യമില്ലാതെ ഒന്നും വിളിച്ചു പറയല്ലേ... ഞാൻ സത്യമാണ് പറയുന്നത്.... അതാ കൊച്ചു തന്നെയാണ്.. നിനക്കുറപ്പാണോ..... ഉറപ്പാണ് സുഗുണേട്ടാ.. ഇക്കാര്യത്തിൽ ഞാൻ കള്ളം പറയുമോ..... നമ്മൾ പറഞ്ഞാൽ അവര് വിശ്വസിക്കില്ല.. ഇനിയെന്ത് ചെയ്യും നമ്മൾ പറഞ്ഞാൽ ആരും വിശ്വസിക്കില്ല.. എങ്കിലും ആ കൊച്ചൻ പാവം അതുകണ്ടാണ്... അവർക്കു ആലോചിക്കാൻ ഇഷ്ടം പോലെ സമയം കിട്ടിയിട്ടും അത് ചെയ്യാതെ .. നമ്മൾ എന്തെങ്കിലും പറഞ്ഞാൽ എല്ലാപേരും ചേർന്നു നമ്മളെ ഒറ്റപെടുത്തും..... വിവാഹത്തിന് മുൻപ് അവർക്കു അന്വേഷിക്കാൻ തോന്നട്ടെ.... നമുക്ക് അത്രയും പ്രാർഥിക്കാം... എന്നാലും എനിക്ക് ആകെ വിഷമം.. എല്ലാം കഴിഞ്ഞു വീടെത്തിയിട്ടും മീനാക്ഷിക്കു സമാധാനം ഇല്ല.. ഒടുവിൽ രണ്ടും കല്പ്പിച്ചു ചെക്കന്റെ അമ്മയോട് വിവരം പറഞ്ഞു... കേൾക്കണോ പുകിൽ അവരുടെ മോനു നല്ലൊരു ആലോചന വന്നതിന് മുടക്കാനുള്ള പരിപാടിയാണ്.. എന്നുപറഞ്ഞു തുടങ്ങി പൂരം...പിന്നെ വായിൽ വന്ന തെറി മുഴുവൻ വിളിച്ചു പറഞ്ഞു അവർ... എല്ലാം കേട്ടുകൊണ്ട് മിണ്ടാതെ പോന്നു... സംസാരം അവിടെവച്ചു അവസാനിപ്പിച്ചു..... മനസിനെ പഠിപ്പിച്ചു അറിയാത്ത പിള്ള ചൊറിയുമ്പോൾ അറിയും. രചന ഇഷ്ടമായെങ്കിൽ എന്തേലും രണ്ടു വരി കുറിച്ചിട്ടു പോണേ, വേറൊന്നിനും അല്ല എന്റെ ഒരു സന്തോഷത്തിന് 😍 #📔 കഥ

ദർശന നീ ഇതൊന്നും ഇത്രയും നാൾ അറിഞ്ഞില്ലല്ലോ.... കൂട്ടുകാരി സ്മൃതി പറഞ്ഞു കേട്ടപ്പോൾ അവൾ വായും തുറന്നു നിന്നു... അവൾ ആള് ശെരിയല്ല....... എന്റെ സ്മൃതി എനിക്ക് മനസിലാകുന്ന ഭാഷയിൽ പറ... എടി ആ ലക്ഷ്മിയും നിന്റെ ഭർത്താവും തമ്മിൽ ഭയങ്കര ചാറ്റിംഗ് ആണെന്ന്.. ദർശന വായും തുറന്നു നിന്നു..... നിന്നോട് ഈ പച്ചകള്ളമൊക്കെ ആരു പറഞ്ഞു.. എന്നോട് പറഞ്ഞതാര് എന്നതാണോ ഇവിടിപ്പോൾ അത്യാവശ്യം. നിന്റെ ഭർത്താവും ലക്ഷ്മിയുമായി ഉള്ള റിലേഷൻ നീ അറിയുന്നില്ല.. അതിനെക്കുറിച്ചാണ് ഞാൻ പറയുന്നത്... നിനക്ക് സംശയം ഒന്നും ഇതുവരെ തോന്നിയില്ലേ ദർശന... സ്മൃതി സംശയ രൂപേണ ചോദിക്കുമ്പോൾ അവൾക്കു ആകെ ആശയ കുഴപ്പമായി... എടി അവന്റെ പെരുമാറ്റത്തിൽ ഒന്നും നിനക്ക് ഇതുവരെയും ഒരു സംശയവും തോന്നിയില്ലേ.... ദർശന മുൻപത്തെ പല സംഭവങ്ങളും ആലോചിച്ചു.. നിനക്കിവിടെയൊക്കെ വൃത്തിയാക്കിയിട്ടാൽ എന്താ ദർശനെ കുഴപ്പം.... വന്നു കയറിയ ഉടനെ തന്നെ മനു അവളുടെ നേർക്കു ചാടാൻ തുടങ്ങി.. മനുവേട്ടൻ ഇതെന്തിനാ വന്നു കയറിയ ഉടനെ തന്നെ ഓരോ കുറ്റം പറയാൻ തുടങ്ങുന്നത്.. മോൻ കളി പ്രായമല്ലേ അപ്പോൾ എത്ര അടുക്കി വച്ചാലും അവൻ എല്ലാം വാരിവലിച്ചിടും. ഇനിയിപ്പോൾ എല്ലാം കുഞ്ഞിന്റെ തലയിൽ വച്ച് കെട്ടിയാൽ മതി നിനക്ക് പണിയെടുക്കാൻ വയ്യാ അത് തന്നെ കാര്യം.... കുറച്ചുനാളായി മനുവിന്റെ കുറ്റപ്പെടുത്തലുകൾ വളരെ അസഹ്യമായി തുടങ്ങിയിട്ടുണ്ട്.. ആരോടും പോയി പരാതി പറഞ്ഞിട്ട് കാര്യമില്ല കാരണം ഇത് ഞാനായിട്ട് തെരഞ്ഞെടുത്ത ജീവിതമാണ്... എല്ലാo സഹിക്കുകയേ നിവൃത്തിയുള്ളൂ....അതുകൊണ്ടുതന്നെ പലതും ദർശന കണ്ടില്ലെന്നു കരുതി.. മനു വൈകുന്നേരം ഓഫീസിൽ നിന്നും വന്നാൽ ഉടനെ തന്നെ മൊബൈലുമായി കട്ടിലിൽ കിടക്കും. അപ്പോൾ കുഞ്ഞ് ഏന്തി വലിഞ്ഞ് അവന്റെ അച്ഛന്റെ അടുത്ത് എത്തിയ ഉടനെ തന്നെ ദർശനേ വിളിക്കാൻ തുടങ്ങും.. നീ വന്നു കുഞ്ഞിനെ എടുക്കു ഞാൻ ഓഫീസിൽ നിന്ന് ആകെ മുഷിഞ്ഞാണ് വന്നത്... ദർശന കുഞ്ഞിനെയും മടിയിൽ എടുത്തു വച്ചുകൊണ്ട് മനുവിന് ഒപ്പം ഇരിക്കുകയാണെങ്കിൽ അതിനും കിട്ടും വഴക്ക്... ഈ സ്വഭാവം നല്ലതല്ല നീ മൊബൈൽ യൂസ് ചെയ്യുമ്പോൾ ഞാൻ നിന്റെ അടുത്ത് വന്നിരിക്കാറില്ലല്ലോ പിന്നെന്തിനാ നീ ഇവിടെ വന്നിരിക്കുന്നത്.... നിനക്ക് അടുക്കളയിൽ വേറെ പണിയില്ലേ... ഈ മനുവേട്ടന് ഇതെന്തു പറ്റി കുറച്ചു ദിവസമായി തുടങ്ങിയിട്ട്... ഞാൻ എന്തു തെറ്റ് ചെയ്തിട്ട... ദർശന വലിച്ചു കയറ്റിയ മുഖവുമായി എഴുന്നേറ്റ് പോയി.. കഴിഞ്ഞ കുറച്ചു മാസങ്ങൾ ആയി മനുവേട്ടന്റെ സ്വഭാവത്തിൽ വല്ലാത്ത മാറ്റമുണ്ട് തൊടുന്നതിനും പിടിക്കുന്നതിനും എല്ലാം ദേഷ്യം കാണിക്കും. കുഞ്ഞിനോട് പോലും വളരെ ദേഷ്യത്തിലാണ് സംസാരിക്കുന്നത്. രാത്രിയിൽ കിടക്കാൻ ബെഡ് കുടഞ്ഞ് വിരിക്കുമ്പോൾ പതിവില്ലാതെ മനു നിലത്ത് പായ വിരിച്ച് കിടക്കാൻ ഒരുങ്ങുന്നു... മനുവേട്ടൻ ഇതെന്താ കാണിക്കുന്നത് ബെഡിൽ കയറി കിടക്ക്.... ഇല്ല എനിക്ക് വല്ലാത്ത നടുവേദന ഡോക്ടറെ കാണിച്ചപ്പോൾ കുറച്ചുദിവസം നിലത്തുകിടക്കാൻ പറഞ്ഞു ബെഡ് ഒഴിവാക്കാൻ.... അത് ഏതു ഡോക്ടർ ആണ്... നീയൊന്നു ശല്യം ചെയ്യാതെ ഇരിക്കുന്നുണ്ടോ ദർശന.. രാവിലെ മുതൽ ഒരുപാട് ടെൻഷൻ സഹിച്ചു ജോലിചെയ്‌തിട്ടു വരുന്നതാണ്.. എനിക്കല്പം സമാധാനവും സ്വസ്ഥതയും വേണം.. പൊട്ടിവന്ന കരച്ചിൽ കടിച്ചമർത്തി അവൾ അവൾ തലയിണയിൽ മുഖം ചേർത്തു കിടന്നു...... മനുവേട്ടന്റെ ജോലിയിൽ ഉള്ള തിരക്ക് കാരണമായിരിക്കും തന്നോട് ഇങ്ങനെയൊക്കെ പറയുന്നതെന്ന് മനസ്സിനെ പറഞ്ഞു പഠിപ്പിച്ചു... അതുകൊണ്ടുതന്നെ അതത്ര കാര്യമാക്കിയിട്ടുമില്ല. ഏകദേശം രണ്ടാഴ്ച കഴിയുംവരെ മനുവേട്ടൻ സ്ഥിരം ബെഡിൽ കിടക്കാതെയായി.. അപ്പോൾ വല്ലാത്ത സംശയം തോന്നി ഒരിക്കൽ വീണ്ടും മനുവേട്ടനോട് ഇതിനെക്കുറിച്ച് ചോദിച്ചു . അപ്പോൾ മനുവേട്ടൻ പറഞ്ഞ മറുപടി ഇപ്പോൾ എന്തോ ആയുർവേദ ട്രീറ്റ്മെന്റ് ആണെന്നും അതുകൊണ്ടുതന്നെ കുറെനാൾ ഇങ്ങനെ കഴിയണമെന്ന് വൈദ്യൻ പറഞ്ഞു എന്ന്... മനുവേട്ടൻ എന്നോട് ആയുർവേദ ട്രീറ്റ്മെന്റ് ആണെന്നുള്ളതിനെ കുറിച്ച് ഒന്നും സംസാരിച്ചിരുന്നില്ലല്ലോ... എന്തിനാ മനുവേട്ടാ എന്നിൽ നിന്നും എല്ലാം ഇങ്ങനെ ഒളിക്കുന്നത് ഞാൻ എന്തെങ്കിലും തെറ്റ് ചെയ്തു.... നീ എന്തെങ്കിലും തെറ്റ് ചെയ്തെന്ന് ഞാൻ പറഞ്ഞോ ദർശന... എന്തെങ്കിലും പറയും മുമ്പേ തന്നെ നിനക്ക് എന്താ ഇത്രയും കരച്ചിൽ. ഇങ്ങനെ കരയുന്ന പെണ്ണുങ്ങൾ ക ള്ളികളാണ് എന്നാണ് പറയുന്നത്... എന്റെ സങ്കടം കൊണ്ടാണ് ഞാൻ കരഞ്ഞത് അല്ലാതെ കള്ളി ആയതുകൊണ്ടൊന്നുമല്ല ഈ ഇടയായി മനുവേട്ടൻ എന്നിൽ നിന്ന് എന്തൊക്കെയോ മറച്ചു പിടിക്കുന്നുണ്ട്.... നീ എപ്പോഴും ഇങ്ങനെ എന്നെ സംശയത്തോടെ കൂടി നോക്കുന്നത് കൊണ്ട് തന്നെയാണ് ഞാൻ നിന്നിൽ നിന്നും പലതും മറച്ചുവയ്ക്കുന്നത്... ഞാൻ സംശയിക്കുന്നതാണോ കുറ്റം മനുവേട്ടൻ എന്നോട് എന്തോ ഒളിക്കുന്നുണ്ട് എന്ന് പലതവണ എനിക്ക് തോന്നിയിട്ടുണ്ട്.... എടി നീ ജോലിക്ക് പോകുന്നില്ല ഞാൻ നിന്നെ സംശയിക്കുന്നുണ്ടോ എന്തെങ്കിലും കാര്യം പറഞ്ഞു.പിന്നെ നീ എന്തിനാ എന്നെ ആവശ്യമില്ലാതെ സംശയിക്കുന്നത്.... എനിക്ക് മനുവേട്ടനോട് ഒരു സംശയവുമില്ല...... ഇനി ഞാൻ ഒരിക്കലും ഈ രീതിയിൽ സംസാരിക്കുകയുമില്ല... ദർശന ആലോചിച്ചു കൊണ്ടിരിക്കുന്നത് കണ്ടപ്പോൾ സ്മൃതി അവളുടെ കയ്യിൽ പതിയെ തട്ടി... നീ എന്തുവാടെ ഈ ആലോചിച്ചു കൊണ്ടിരിക്കുന്നത് ഞാൻ പറയുന്നത് വല്ലതും കേൾക്കുന്നുണ്ടോ... അല്ല സ്മൃതി നീ ഓരോന്ന് പറഞ്ഞപ്പോൾ ഞാൻ ആലോചിക്കുകയായിരുന്നു മനുവേട്ടന്റെ ഭാഗത്തുനിന്നും സംശയിക്കത്തക്ക രീതിയിലുള്ള പല സംഭവങ്ങളും ഉണ്ടായിട്ടുണ്ട്... പക്ഷേ ഞാൻ അതെല്ലാം പറയുമ്പോൾ മനുവേട്ടൻ എന്റെ സംശയമാണെന്നും ഞാൻ സ്വസ്ഥത കൊടുക്കുന്നില്ല എന്നും പറഞ്ഞ് എന്നെ വഴക്കു പറയുമായിരുന്നു അതുകൊണ്ടാണ് ഞാൻ പിന്നെ ഇതിനെക്കുറിച്ച് ഒന്നും സംസാരിക്കാത്തത്... ഇപ്പോൾ നീ കൂടി പറയുന്നത് കേൾക്കുമ്പോൾ എനിക്ക് എന്തോ വല്ലാത്ത പേടി തോന്നുന്നു... ദർശന ഞാൻ നിന്നെ പേടിപ്പിക്കുന്നതിന് വേണ്ടി പറഞ്ഞതല്ല സത്യമായ കാര്യങ്ങൾ നീ മനസ്സിലാക്കണം.. മനുവിന് ലക്ഷ്മിയുമായി എന്തൊക്കെയോ കണക്ഷൻ ഉണ്ടെന്നാണ് ലക്ഷ്മിയുടെ ഒരു സുഹൃത്തിലൂടെ ഞാൻ അറിഞ്ഞത്..... ദയവുചെയ്ത് നീ എന്താണ് അറിഞ്ഞത് എന്ന് എന്നോട് സത്യസന്ധമായി പറയണം.. മനുവേട്ടൻ ഇപ്പോൾ നിന്റെ ഒപ്പം അല്ലേ കിടക്കുന്നത് ദർശന.... ഇല്ല സ്മൃതി കഴിഞ്ഞ മൂന്നു നാല് മാസമായി മനുവേട്ടൻ ട്രീറ്റ്മെന്റ് എന്നും നടുവേദന എന്നും ഓരോരോ കാരണങ്ങൾ പറഞ്ഞു എന്നിൽ നിന്നും ഒഴിവായി കൊണ്ടിരിക്കുകയാണ്.ഞാൻ കൂടുതലായി എന്തെങ്കിലും ചോദിക്കുകയാണെങ്കിൽ ആവശ്യമില്ലാത്ത രീതിയിലുള്ള വ്യാഖ്യാനങ്ങൾ കൊടുത്തു എന്റെ വാ അടപ്പിക്കാനാണ് പതിവ്... മനുവേട്ടൻ മനപ്പൂർവം മാറി കിടക്കുന്നതാണ് നീയുമായി ഒരുതരത്തിലുള്ള ശാരീരിക ബന്ധത്തിൽ ഏർപ്പെടില്ലെന്ന് മനുവേട്ടൻ ലക്ഷ്മിക്ക് വാക്ക് കൊടുത്തിട്ടുണ്ട്.... നിന്നെ അവർ രണ്ടുപേരും കൂടി ചേർന്ന് പറ്റിക്കുകയാണ് ദർശന നിന്നെ..നീ അത് ആദ്യം മനസ്സിലാക്കുക.മനുവേട്ടൻ ഒരു വർഷം നിന്നോടൊപ്പം അകന്നു മാറിയിരുന്നതിനുശേഷം ഡൈവോഴ്സ് ഫയൽ ചെയ്ത് നിന്നിൽ നിന്നും അകന്ന് ലക്ഷ്മിയോടൊപ്പം കൂടെ പോകുവാനാണ് പ്ലാൻ.... സ്മൃതി അതിന് ലക്ഷ്മിക്ക് ഭർത്താവും രണ്ടു മക്കളുമുണ്ട്. അല്ലെങ്കിൽ തന്നെ ഈ ലക്ഷ്മി മനുവേട്ടനെക്കാൾ മൂത്തതാണ്.. അതൊന്നും എനിക്കറിയില്ല.. പറഞ്ഞിട്ടും കാര്യമില്ല..അവരെല്ലാം പ്ലാൻ ചെയ്തു വച്ചിരിക്കുകയാണ് ഇനിയെങ്കിലും നീ നിന്റെ പൊട്ടത്തരം മനസ്സിലാക്കി ഇതെല്ലാം അന്വേഷിച്ച് ശരിയാണോ എന്ന് കണ്ടെത്താൻ നോക്ക്. നിന്റെ ജീവിതം ഇല്ലാതാകരുത് എന്ന് കരുതി മാത്രമാണ് ഞാൻ ഇത്രയും നിന്നോട് പറഞ്ഞത് .. അന്ന് വൈകുന്നേരം ദർശന കുഞ്ഞിനെയും കൊണ്ട് നേരെ ലക്ഷ്മിയുടെ അടുത്തേക്ക് പോയി. ഫ്ലാറ്റിനു മുന്നിൽ ചെന്ന് നിൽക്കുമ്പോൾ അവൾ ആദ്യം മനുവിന്റെ ഫോണിലേക്ക് വിളിച്ചു.. ഒന്ന് രണ്ട് തവണബെൽ അടിച്ചുകഴിഞ്ഞു അറ്റൻഡ് ചെയ്തു... എന്താ ഈ നേരത്ത് വിളിച്ചത് ഞാൻ ഈ സമയം മീറ്റിങ്ങിൽ ആണെന്ന് നിന്നോട് പലവട്ടം പറഞ്ഞതല്ലേ... ഇല്ല മനുവേട്ടാ ഒരു അത്യാവശ്യ കാര്യം പറയുന്നതിന് വേണ്ടി വിളിച്ചതാണ്... മീറ്റിംഗ് കഴിഞ്ഞ് ഞാൻ നിന്നെ തിരികെ വിളിക്കാം.... ദർശന എന്തെങ്കിലും പറഞ്ഞുകഴിയും മുൻപ് കട്ട് ചെയ്തു.... കിടക്കയിൽ ലക്ഷ്മിയെയും ചേർത്ത് കിടക്കുമ്പോൾ അവന് കുറച്ചു പോലും കുറ്റബോധം തോന്നിയില്ല... ലക്ഷ്മിയുടെ ഫ്ലാറ്റിന്റെ മുന്നിൽ വന്നു നിന്നുകൊണ്ട് അവൾ ബെല്ലടിച്ചു.... ഈ നേരത്ത് നിന്റെ ഭർത്താവ് വരില്ലെന്നല്ലേ പറഞ്ഞത് ... വരില്ല മനു.... വേറെ ആരെങ്കിലും ആയിരിക്കും.. ഞാനൊന്നു നോക്കിയിട്ട് വരാം അഴിഞ്ഞുലഞ്ഞ മുടി വാരി കെട്ടിവെച്ച് ഡ്രസ്സ് എല്ലാം നേരെയാക്കി ലക്ഷ്മി ഡോർ തുറന്നു... മുന്നിൽ നിൽക്കുന്ന ദർശനയെ കണ്ടതും അവളുടെ കണ്ണ് പുറത്തേക്ക് തള്ളി വന്നു... ദർശന തല ഉള്ളിലേക്ക് ഇട്ട് ചുറ്റും ഒന്ന് നോക്കി... എന്താ ദർശന നീ ഇവിടെ...നീ ആരെയാ നോക്കുന്നത്... എന്റെ ഭർത്താവിന് ഇവിടെ നീയുമായി എന്തോ ബന്ധമുണ്ടെന്ന് ഞാൻ അറിഞ്ഞു അതൊന്നു നേരിൽ കണ്ട് മനസ്സിലാക്കാം എന്ന് കരുതി വന്നതാണ്... ആവശ്യമില്ലാതെ വായിൽ തോന്നുന്നത് വിളിച്ചു പറഞ്ഞാൽ കരണം അടിച്ചു പുകക്കും ഞാൻ.. ആവശ്യമുള്ളതാണോ ഇല്ലാത്തതാണോ എന്ന് അകത്തു കയറി നോക്കിയതിനു ശേഷം പറയാം.. ലക്ഷ്മിയെ തള്ളി മാറ്റിക്കൊണ്ട് ദർശന കുഞ്ഞിനെയും കൊണ്ട് അകത്തേക്ക് കയറി.. ഡോർ പോലും അടയ്ക്കാൻ നിൽക്കാതെ ലക്ഷ്മി അവൾക്ക് പിന്നാലെ പാഞ്ഞു. നീ ഇത് എന്താ അതിക്രമിച്ച വീട്ടിൽ കയറുകയാണോ ഞാൻ വിളിച്ച് ആളുകളെ കൂട്ടും മോഷ്ടിക്കാൻ വന്നതാണെന്ന് പറഞ്ഞു.. ബെഡ്റൂമിലേക്ക് ചെല്ലുമ്പോൾ കണ്ടു ഒരു ബർമുഡ മാത്രം ഇട്ടു കിടക്കുന്ന മനുവിനെ.. കൊള്ളാം ഇതായിരുന്നു അല്ലേ നിങ്ങളുടെ മീറ്റിംഗ്.. ഈ മീറ്റിംഗ് കഴിഞ്ഞതിനുശേഷമാണോ നിങ്ങൾ എന്നെ വിളിക്കാമെന്ന് പറഞ്ഞത്. നിങ്ങൾ പറഞ്ഞതെല്ലാം വിശ്വസിച്ച ഞാനൊരു പൊട്ടിയാണ്.നേരിട്ട് കാണാൻ കഴിഞ്ഞത് എന്റെ ഭാഗ്യം... നിന്നോട് ആരാടീ ഇവിടെ വരാൻ പറഞ്ഞത് ഇറങ്ങിപ്പോടി ശക്തിയായിദർശനയെ തള്ളുമ്പോഴേക്കും ആരോ ഒരാൾ അവരെ വീഴാതെ പിടിച്ചിരുന്നു.. മനുവും ലക്ഷ്മിയും ഞെട്ടിപ്പോയി കൂടെ വന്ന ആളെ കണ്ടു.... ലക്ഷ്മിയുടെ ഭർത്താവും ... മനുവിന്റെ അച്ഛനും.. ലക്ഷ്മിയും ആകെ വിളറി വെളുത്ത് കടലാസ് പോലെയായി.. എന്റെ രണ്ടു മക്കളെ വയറ്റിൽ ചുമന്ന് നീ തന്നെ എന്നോട് ഇത് ചെയ്തല്ലോ..... ഈ പെൺകുട്ടി വന്നു പറയുമ്പോൾ ആദ്യം എനിക്ക് വിശ്വസിക്കാൻ കഴിഞ്ഞില്ല... പക്ഷേ ഇപ്പോൾ എല്ലാം നേരിൽ കണ്ട് ബോധ്യമായി... എന്റെ ജീവിതത്തിലും എന്റെ മക്കളുടെ മനസ്സിലും അവർക്ക് ഇങ്ങനെ ഒരു അമ്മ വേണ്ട.. നിന്നെക്കുറിച്ച് പലപ്പോഴും പലതും ഇവൾ പറഞ്ഞപ്പോൾ അതെല്ലാം വിശ്വസിക്കാതെ നിന്നെ അത്രമാത്രം വിശ്വസിച്ചതിന് കിട്ടിയ കൂലി കൊള്ളാം.. ഇനി നിന്നെ ഞങ്ങൾക്ക് ആവശ്യമില്ല...ഇതൊക്കെ ഒന്ന് കണ്ടു ബോധ്യപ്പെടണമെന്നുണ്ടായിരുന്നു. അതുകഴിഞ്ഞു.... അച്ഛന്റെ കയ്യും പിടിച്ച് റൂമിൽ നിന്ന് പുറത്തേക്ക് ഇറങ്ങുമ്പോൾ.. പ്രണയിച്ചു സ്വന്തമാക്കിയ ജീവിതം.. ഒരു നിമിഷം കൊണ്ട് തട്ടിത്തെറിപ്പിക്കാൻ മനുവിന് കഴിഞ്ഞല്ലോ എന്നുള്ളതായിരുന്നു ദർശനയുടെ മനസ്സ് നിറയെ..... ഇതുപോലെയുള്ള ലക്ഷ്മി മാർ കാരണം ജീവിതം നഷ്ടമായ ഒരുപാട് ദർശനമാർ നമുക്ക് ചുറ്റുമുണ്ട്. രചന ഇഷ്ടമായെങ്കിൽ എന്തേലും രണ്ടു വരി കുറിച്ചിട്ടു പോണേ, വേറൊന്നിനും അല്ല എന്റെ ഒരു സന്തോഷത്തിന് 😍 #📔 കഥ

പതിവുപോലെ ഓഫീസിൽ ഇരിക്കുമ്പോൾ സ്റ്റീഫന്റെ ഫോൺ വന്നു... എവിടെയാടി ഞാനിപ്പോൾ അതുവഴി വരുമ്പോൾ നിന്നെ കണ്ടില്ലല്ലോ.... നിന്റെ ഓഫീസിനു മുന്നിൽ ഏതവനൊക്കെയാടി നിൽക്കുന്നെ... അതിൽ നിന്റെ ഇപ്പോഴത്തെ ആൾ ആരാണ്... വെറുതെ അല്ലേടി നിനക്കിപ്പോൾ എന്നെ കണ്ണിൽ പിടിക്കാത്തത്... ഞാനൊരു മണ്ടൻ...... കാണിച്ചുതരാമെടി ..... സ്റ്റീഫൻ ആരെന്നു... സ്റ്റീഫനിൽ നിന്നും പുളിച്ച തെറി വരാൻ തുടങ്ങിയതും ഇന്ദു ഫോൺ ചെവിയിൽ നിന്നും മാറ്റി ടേബിളിൽ വച്ചു. സ്റ്റീഫന്റെ വായിൽ നിന്നും അസഭ്യവർഷം പെയ്തുകൊണ്ടിരുന്നു. ഇപ്പോൾ സ്ഥിരം ഇതാണ്.. ദിവസവും വിളിച്ച് എന്തെങ്കിലുമൊക്കെ പറഞ്ഞില്ലെങ്കിൽ അയാൾക്ക് ഉറക്കം വരില്ല. അത് കേട്ട് കേട്ട് ശീലമായതുകൊണ്ട് തന്നെ ഫോൺ മാറ്റിവെച്ച് ഇന്ദു കുഞ്ഞിനെയും ചേർത്തുപിടിച്ചു കിടന്നുറങ്ങി ... സ്റ്റീഫന് കൂലി പണിയാണ്. ദിവസവും ജോലിക്ക് പോകില്ല കൂട്ടുകാരോടൊപ്പം കറങ്ങി നടക്കും. വൈകുന്നേരം ആകുമ്പോഴേക്കും ആരെങ്കിലുമൊക്കെ കുടിക്കാൻ വാങ്ങി കൊടുത്തുകഴിഞ്ഞാൽ അതും കഴിച്ചു വീട്ടിൽ വന്നു കിടന്നു ആകെ ബഹളമാണ്. കോളേജിലും സ്കൂളിലും പഠിക്കുന്ന രണ്ട് മക്കളുണ്ട് ഇന്ദുവിനും സ്റ്റീഫനും കൂടി. ഡിഗ്രിക്ക് പഠിച്ചുകൊണ്ടിരുന്ന ഇന്ദുവിനെ സ്റ്റീഫനുവേണ്ടി കെട്ടിക്കൊടുത്തത് വീട്ടുകാർ ആലോചിച്ചുറപ്പിച്ചതാണ്. പഠിത്തം കഴിഞ്ഞു മതി കല്യാണം എന്ന് ആവതു പറഞ്ഞു നോക്കിയെങ്കിലും ആരും അത് ചെവിക്കൊണ്ടില്ല. അങ്ങനെ ഡിഗ്രിക്കാരിയായ ഇന്ദുവിന് നാലാം ക്ലാസുകാരൻ ഭർത്താവായി . ആദ്യം ഒന്നും ഇന്ദുവിനു സ്റ്റീഫനുമായി പൊരുത്തപ്പെട്ട് പോകാൻ കഴിഞ്ഞില്ല. മാത്രവുമല്ല സ്റ്റീഫന് ഇന്ദുവിനെ സംശയമായിരുന്നു.. അവൾ എന്ത് ചെയ്യുന്നതിലും അവൻ കുറ്റം കണ്ടെത്തി. ഡിഗ്രി പഠനം പൂർത്തിയാക്കി. വീട്ടിൽ അവളെ വെറുതെ ഇരുത്തണ്ട എന്തെങ്കിലും ജോലിക്ക് വിടാമെന്ന് സ്റ്റീഫന്റെ വീട്ടുകാർ അഭിപ്രായപെട്ടപ്പോൾ... സ്റ്റീഫൻ അതിനെ എതിർത്തു.അങ്ങനെ അവൾ ജോലിക്ക് പോയി സമ്പാദിച്ച് കൊണ്ടുവരേണ്ട ആവശ്യമെന്നും ഇവിടെ ഇപ്പോൾ ഇല്ല. അവനിലെ സംശയരോഗം ദിനംപ്രതി വർദ്ധിച്ചുകൊണ്ടിരുന്നു. ദിവസങ്ങൾ കഴിയുന്തോറും അതിന്റെ വ്യാപ്തിയും കൂടി കൊണ്ടേയിരുന്നു. സംശയ രോഗം മൂത്ത സ്റ്റീഫൻ ജോലിക്ക് തന്നെ പോകാതെയായി... ഇതിനിടയിൽ ഇന്ദു ഗർഭിണിയായി. അവളെ കാണുന്നതിനായി അച്ഛനും അമ്മയും വീട്ടിലെത്തി.ഇന്ദു ആരോടും ഒന്നും തന്നെ പറഞ്ഞില്ല. സുഖമില്ലാതെ ഇരിക്കുന്ന അച്ഛൻ തന്റെ ജീവിതം ഇ ങ്ങനെയാണെന്ന് അറിഞ്ഞാൽ അത് സഹിക്കില്ല എന്ന് അവൾക്കറിയാമായിരുന്നു. അതുകൊണ്ടുതന്നെ അവൾ അവരുടെ മുന്നിൽ അവൾ സന്തോഷം അഭിനയിച്ചു നിന്നു.... പ്രസവത്തിനു വേണ്ടി അവളെ വീട്ടിലേക്ക് ക്ഷണിച്ചുകൊണ്ട് പോകുന്ന സമയത്ത് സ്റ്റീഫൻ എതിർത്തു.. ഒരു കാരണവശാലും അവളെ വീട്ടിലേക്ക് വിടില്ലെന്ന് അവൻ കട്ടായം പറഞ്ഞു. ഒടുവിൽ എല്ലാവർക്കും അവന്റെ നിർബന്ധത്തിന് കീഴടങ്ങേണ്ടി വന്നു. ഇന്ദുവിനെ നോക്കുന്നതിനായി അമ്മ സ്റ്റീഫന്റെ വീട്ടിൽ വന്നുനിന്നു. ഒരു കുഞ്ഞു ഉണ്ടായിട്ടും സ്റ്റീഫന്റെ സ്വഭാവത്തിന് മാറ്റമൊന്നും ഉണ്ടായില്ല. അയാൾ പണിക്കൊന്നും പോകാതെ വീട്ടിൽ തന്നെ കഴിഞ്ഞുകൂടി. വൈകുന്നേരം ആകുമ്പോൾ സുഹൃത്തുക്കൾ ആരെങ്കിലും വിളിച്ചുകൊണ്ടുപോയി വയറു നിറയെ കുടിപ്പിച്ചു വിടും. അതുകഴിഞ്ഞ് വീട്ടിലെത്തിയാൽ പിന്നെ അടിയും ബഹളവും ആണ്.. ഏറെനാൾ ഇന്ദു എല്ലാം സഹിച്ചു മുന്നോട്ട് പോയി. ഒടുവിൽ നിവർത്തിയില്ലാതെ ഒരു ദിവസം കുഞ്ഞിനെയും എടുത്തുകൊണ്ട് വീട്ടിലേക്ക് പോയി. അപ്പോഴാണ് വീട്ടുകാർ ഇന്ദു അനുഭവിച്ചിരുന്ന പീഡനങ്ങൾl എന്തെല്ലാമാണെന്ന് മനസ്സിലാക്കിയത്... വീടിനടുത്തുള്ള ഒരു ഇലക്ട്രോണിക്സ് ഷോപ്പിലേക്ക് ആളിനെ ആവശ്യമുണ്ട് എന്ന് കേട്ട് ഇന്ദു അവിടെ ജോലിക്ക് പോയി.. രാവിലെ 9:30 മുതൽ വൈകുന്നേരം 5 മണി വരെ നിന്നാൽ മതി. കുഞ്ഞിന്റെ കാര്യങ്ങളെല്ലാം നോക്കി അമ്മയെ ഏൽപ്പിച്ചതിനു ശേഷം അവൾ ജോലിക്ക് പോകും. ഉച്ചയ്ക്ക് ഊണ് കഴിക്കാനായി വീട്ടിൽ വരുമ്പോൾ കുഞ്ഞിനെ കുളിപ്പിച്ച് മുലയൂട്ടി ഉറക്കും.. അതിനുശേഷം തിരികെ ഷോപ്പിലേക്ക് പോകും. ആരിൽനിന്നോ സ്റ്റീഫൻ അറിഞ്ഞു ഇന്ദു ജോലിക്കു പോകുന്ന വിവരം.. കട കണ്ടുപിടിച്ച് അതിനു മുന്നിൽ വന്നു നിന്ന് ഒരു ദിവസം ബഹളം തുടങ്ങി.. ഒടുവിൽ അങ്ങോട്ടും ഇങ്ങോട്ടും കയ്യാങ്കളിയായപ്പോൾ ആരോ പോലീസിനെ വിളിച്ചു വിവരം അറിയിച്ചു.. പോലീസ് വന്നു പിടിച്ചു കൊണ്ടു പോയപ്പോൾ. ഇന്ദുവിന്നെയും സ്റ്റേഷനിലേക്ക് വിളിപ്പിച്ചു... എസ് ഐ ഒരു നല്ല മനുഷ്യനായത് കൊണ്ട് തന്നെ കാര്യങ്ങളെല്ലാം തിരക്കി ഇ ന്ദുവിനോട്.. വീട്ടിൽ നിന്ന് ഉപദ്രവം സഹിക്കാൻ വയ്യാതെയായപ്പോഴാണ് സാർ ഞാൻ കുഞ്ഞിനെയും കൊണ്ട് ഇറങ്ങിയത്. ഇപ്പോൾ എന്നെ ജോലി ചെയ്തു പോലും ജീവിക്കാൻ സമ്മതിക്കില്ല എന്ന് തീരുമാനിച്ചിറങ്ങിയിരിക്കുകയാണ്. വൈകുന്നേരം ആകുമ്പോൾ ഫോൺ വിളിച്ച് ചീത്ത പറയും. ചിലപ്പോൾ വീടിനു മുന്നിൽ വന്നു നിന്ന് കല്ലെറിയും.. ഇങ്ങനെയുള്ള ഒരാളോടൊപ്പം എങ്ങനെയാണ് കഴിയുന്നത്. ദയവുചെയ്ത് എന്നെ ജീവിക്കാൻ അനുവദിക്കണമെന്ന് അയാളോട് പറയണം. പ്രായമായ അച്ഛനും അമ്മയും മാത്രമേ ഇപ്പോൾ ഞങ്ങൾക്കുള്ളൂ. എന്റെ കുഞ്ഞിന്റെ ആവശ്യത്തിന് പോലും എനിക്ക് അവരുടെ മുന്നിൽ കൈ നീട്ടേണ്ട അവസ്ഥയാണ്. ആ കുഞ്ഞിനെയും വളർത്തി ഞാൻ എങ്ങനെയെങ്കിലും ജീവിച്ചു കൊള്ളാം എന്നെ ഒന്ന് ഉപദ്രവിക്കാതെ ഒഴിഞ്ഞു പോയാൽ മതി.. ഞാൻ നിന്നെ മനസ്സമാധാനത്തിൽ ജീവിക്കാൻ സമ്മതിക്കില്ല.. ഞാനിന്ന് കടയുടെ അടുത്ത് കൂടി വന്നപ്പോൾ നീ ആരോടാണ് കൊഞ്ചിക്കൊഴഞ്ഞുകൊണ്ട് നിന്നത്.. അവനാണോടി നിന്റെ ഇപ്പോഴത്തെ രഹസ്യക്കാരൻ... എനിക്ക് സംശയമുണ്ടെടീ ഈ കുഞ്ഞ് എന്റേതാണോ എന്ന്... അത്രയും ആയപ്പോഴേക്കും ഇന്ദുവിന്റെ നിയന്ത്രണം വിട്ടിരുന്നു .... നിങ്ങളൊരു മനുഷ്യനാണോ. എന്റെ കുഞ്ഞിനോട് പോലും ചിലപ്പോൾ എനിക്ക് വെറുപ്പ്‌ തോന്നാറുണ്ട്... അത് നിങ്ങളുടെയാണല്ലോന്ന് ഓർക്കുമ്പോൾ ഞാനൊരു ഭാര്യയാണെന്ന് പോലും ഓർക്കാതെ നിങ്ങൾ എന്നോട് കാണിച്ചു കൂട്ടിയ ദ്രോഹവും പീഡനവുമാണ് ആ കുഞ്ഞു....... ഒരുകുഞ്ഞുണ്ടാകേണ്ടത് ഭാര്യയുടെയും ഭർത്താവിന്റെയും പ്രേമത്തിൽ നിന്നാവണം... മനസ്സുകൊണ്ടും ശരീരം കൊണ്ടും അവരുടെ പ്രണയം പകുത്തു കൊണ്ടാകണം ഒരു കുഞ്ഞു ഉണ്ടാകേണ്ടത്.... അല്ലാതെ തന്നെ പോലെയുള്ളവരുടെ കാമം തീർക്കാൻ വേണ്ടിയല്ല...ഭാര്യയെ ഒരു ഭോഗ വസ്തുവായി മാത്രം കാണുന്ന തന്നെ..... മതിയായി സാറെ.... വീട്ടിൽ പച്ചക്കറി വിൽക്കാൻ വരുന്നവർ മുതൽ അയലത്തെ വീട്ടിലെ മക്കളുടെ പ്രായമാകാനുള്ള കുഞ്ഞുങ്ങളെ വരെ കൂട്ടി ഇയാൾ എന്നെ പറയും..... കുടിച്ചുകൊണ്ട് വന്നുകഴിഞ്ഞാൽ പിന്നെ ഇയാൾക്ക് എന്താണ് പറയുന്നത് ചെയ്യുന്നത് എന്ന ബോധമില്ല. ഇങ്ങനെയുള്ള ഒരാളോടൊപ്പം എങ്ങനെയാണ് സാർ ഞാൻ കഴിയേണ്ടത്. ആത്മഹത്യ ചെയ്യാതെ പിടിച്ചുനിൽക്കുന്നത് ഈ കുഞ്ഞിനെയും എന്റെ അച്ഛനെയും അമ്മയെയും ഓർത്താണ്... നിങ്ങൾ ധൈര്യമായി പൊയ്ക്കോളൂ ഇനി ഇയാൾ നിങ്ങളെ ശല്യം ചെയ്യാത്ത വിധത്തിൽ ഞങ്ങൾ നോക്കിക്കൊള്ളാം. സ്റ്റേഷനിൽ നിന്ന് ഇറങ്ങി നടക്കുമ്പോൾ തന്റെ വിധിയെ കുറിച്ച് ഓർത്ത് ഇന്ദു പൊട്ടിക്കരയുകയായിരുന്നു.. അടുത്ത ദിവസം തന്നെ അച്ഛനെയും അമ്മയെയും കൂട്ടികൊണ്ട് ഒരു വക്കീലിനെ പോയി കണ്ടു. ഒരു മ്യൂച്ചൽ ഡിവോഴ്സിന് ഒരിക്കലും സ്റ്റീഫൻ തയ്യാറാവില്ലെന്ന് അവൾക്ക് അറിയാമായിരുന്നു. കൗൺസിലിങ്ങിനും മറ്റുമായി വിളിച്ചിട്ടും അയാൾ വരാൻ കൂട്ടാക്കിയില്ല. രണ്ടു വർഷത്തെ നിരന്തരമായ ശ്രമത്തിനൊടുവിൽ ഇന്ദുവിന് ഡിവോഴ്സ് ലഭിച്ചു.. പക്ഷേ കോടതിയിൽ നിന്നും പുറത്തിറങ്ങുമ്പോൾ.. സ്റ്റീഫൻ ഇന്ദു വിനെ കാണുന്നതിനായി കാത്തു നിന്നു. എന്നിൽ നിന്നും മോചനം കിട്ടി നീ വിജയിച്ചു എന്ന് കരുതണ്ട.. സന്തോഷത്തോടുകൂടി ജീവിക്കാൻ ഞാൻ അനുവദിക്കില്ല.. അയാൾ വെറും വാക്ക് പറഞ്ഞതായിരിക്കും എന്ന് കരുതി. പക്ഷേ അതല്ല എന്ന് മനസ്സിലാക്കാൻ അധികം സമയം വേണ്ടി വന്നില്ല.. കുഞ്ഞിന് സുഖമില്ലാത്തതുകൊണ്ട് അന്ന് അല്പം നേരത്തെയാണ് ഇന്ദു ജോലിചെയ്യുന്നിടത്തു നിന്നും ഇറങ്ങിയത്. വഴിയിൽ തന്നെ കുഞ്ഞുമായി അമ്മ കാത്തുനിൽക്കുന്നുണ്ടായിരുന്നു ഹോസ്പിറ്റലിൽ പോകാൻ .. ഇന്ദുവും അമ്മയും കൂടി കുഞ്ഞിനെയും കൊണ്ട് ഓട്ടോയിൽ ഹോസ്പിറ്റലിൽ പോയി തിരികെ വീട്ടിൽ എത്തുമ്പോൾ നേരം നന്നായി ഇരുട്ടിയിരുന്നു.. അച്ഛനിപ്പോൾ പഴയതുപോലെ ആരോഗ്യം ശരിയല്ല അതുകൊണ്ട് പല കാര്യങ്ങൾക്കും അമ്മയാണ് കൂടെ വരുന്നത്.... ഇടവഴി കഴിഞ്ഞ് വീട്ടിലേക്ക് തിരിയുന്ന ഇടാംഇരുട്ടാണ്.. മൊബൈലിന്റെ സഹായത്തിൽ ഇന്ദുവും അമ്മയും നടക്കുമ്പോഴാണ് പിന്നിൽ നിന്ന് ആരോ ഒരാൾ ചാടി വീഴുന്നത്.. അമ്മ ഉടനെ തന്നെ കുഞ്ഞുമായി നിൽക്കുന്ന ഇന്ദുവിനെ തള്ളി നിലത്തേക്കിട്ട്... പെട്ടെന്ന് ചാടി വീണ ആൾ കയ്യിലിരുന്ന് ആയുധം കുത്തിയിറക്കി... അമ്മയുടെ ഉച്ചത്തിലുള്ള നിലവിളിയാണ് ആദ്യം കേട്ടത്.... തൊട്ടു പിന്നാലെ തന്നെ അയാളുടെയും... എന്താണ് സംഭവിക്കുന്നത് എന്ന് ഇന്ദുവിന് ആദ്യം മനസ്സിലായില്ല..... നിലവിളി കേട്ട് ആൾക്കാർ ഓടി കൂടുമ്പോഴാണ് രക്തത്തിൽ കു ളിച്ചുകിടക്കുന്ന സ്റ്റീഫനേയും അമ്മയെയും കണ്ടത്... ഹോസ്പിറ്റലിൽ കൊണ്ടുപോകാൻ നോക്കുമ്പോഴേക്കും രണ്ടുപേരും മരിച്ചിരുന്നു.. സ്റ്റീഫൻ ആദ്യം അമ്മയെ ഉപദ്രവിക്കുകയായിരുന്നു..... അമ്മയെ കുത്തിയതിനുശേഷം ഉപദ്രവിക്കാനായി തിരിക്കുമ്പോൾ അമ്മ കയ്യിൽ കിട്ടിയ മരക്കഷണം ഉപയോഗിച്ച് സ്റ്റീഫന്റെ തലയിൽ അടിച്ചു...അതിനുശേഷം അമ്മ കത്തി വലിച്ചൂരിൽ സ്റ്റീഫനെ കുത്തുകയായിരുന്നു.... അമ്മ അത് ചെയ്തില്ലായിരുന്നുവെങ്കിൽ ഒരുപക്ഷേ അത് ഇന്ദു ചെയ്യുമായിരുന്നു... അങ്ങനെ സ്റ്റീഫൻ എന്ന അധ്യായം എന്നന്നേക്കുമായി അടഞ്ഞു.,.. തളച്ചയിൽ തളരാതെ ഇന്ദുവും കുഞ്ഞും അച്ഛനും അവരുടെ ജീവിതവുമായി മുന്നോട്ടു പോയി രചന ഇഷ്ടമായെങ്കിൽ എന്തേലും രണ്ടു വരി കുറിച്ചിട്ടു പോണേ, വേറൊന്നിനും അല്ല എന്റെ ഒരു സന്തോഷത്തിന് 😍 #📔 കഥ

ഹലോ..... ഇത് kseb യിൽ വർക്ക്‌ ചെയ്യുന്ന പ്രസന്നന്റെ വീടല്ലേ.. അതെ നിങ്ങൾ ആരാ... ഞാൻ കുറച്ചു ദൂരെന്ന.... നിങ്ങളുടെ അച്ഛനു വിവാഹലോചന നടക്കുന്നുണ്ട് എന്നറിഞ്ഞു.... ഞങ്ങടെ അമ്മക്ക് വേണ്ടി ആലോചിക്കാനാണ്..... ആ..... ഇപ്പോൾ മനസിലായി..... സുധാകരേട്ടൻ പറഞ്ഞത് നിങ്ങളുടെ അമ്മയുടെ ആലോചനയെ കുറിച്ചാണോ... അതെ.... നമുക്കൊന്ന് നേരിൽ കണ്ടു സംസാരിക്കാം... മൊബൈൽ കട്ട് ചെയ്ത് പോക്കറ്റിൽ വയ്ക്കുമ്പോൾ പ്രസന്നൻ ചിന്തയോടെ സീറ്റിലേക്ക് ചാരിയിരുന്നു... പെട്ടെന്ന് തന്നെ അവൻ എഴുന്നേറ്റ് ഫോണെടുത്ത് പ്രസീതയുടെ ഫോൺ നമ്പറിലേക്ക് വിളിച്ചു... രണ്ട് ബെല്ലടിച്ചപ്പോഴേക്കും കോൾ അറ്റൻഡ് ആയി... ഹലോ പ്രസന്നേട്ടാ എന്താ കാര്യം... നീ ജോലിയിലായിരുന്നോ മോളെ... ഇല്ല ഏട്ടാ മോളെ കുളിപ്പിച്ചു ഉറക്കി.... ഇപ്പോഴാണ് പത്രം ഒന്ന് നോക്കാൻ സമയം കിട്ടിയത്. ഞാൻ മാട്രിമോണിയയിൽ വിവാഹ പരസ്യം നോക്കുകയായിരുന്നു.. അക്കാര്യം പറയുന്നതിനു വേണ്ടിയാണ് ഞാൻ നിന്നെ വിളിച്ചത്.... എന്താ ചേട്ടാ എന്തെങ്കിലും ആലോചന ശരിയായിട്ടുണ്ടോ... നീ ഒന്ന് സമാധാനിക്കെടി ഞാൻ ഒന്ന് പറയട്ടെ... മാട്രിമോണിയയിൽ ഒന്നും നോക്കിയിട്ട് ഇതുവരെയും ഒന്നും ആകാത്തത് കൊണ്ട് ഞാനെന്റെ ഓഫീസിൽ കൂടെ വർക്ക് ചെയ്യുന്ന സുധാകരനോട് പറഞ്ഞിരുന്നു. നാലഞ്ചു ദിവസമായി അവൻ ലീവിലായിരുന്നു.. ഇന്നൊരാൾ എന്നെ വിളിച്ചിരുന്നു സുധാകരൻ പറഞ്ഞിറ്റ് വി ളിക്കുകയാണെന്നാണ് പറഞ്ഞത്. അവരുടെ അമ്മയ്ക്ക് വേണ്ടിയാണത്രെ വിളിക്കുന്നത്. ഞാനിപ്പോൾ അയാളോട് ചോദിച്ചു സുധാകരേട്ടൻ പറഞ്ഞത് നിങ്ങളുടെ അമ്മയുടെ ആലോചനയെ കുറിച്ചാണോ എന്ന്. അയാൾക്ക് എന്നെ വിശദമായി ഒന്ന് കാണണമെന്ന് പറഞ്ഞിട്ടുണ്ട്. ഞാൻ എന്തായാലും ഇന്ന് അയാളെ ഒന്നു പോയി കണ്ടിട്ട് വരാം.. എന്റെ മനസ്സ് പറയുന്ന ഏട്ടാ ഇത് നടക്കുമെന്ന് ഏട്ടൻ ധൈര്യമായി പോയി കണ്ടിട്ട് വാ... അതല്ലെടീ ഗിരീശനെ എങ്ങനെ പറഞ്ഞു മനസ്സിലാക്കും എന്നാണ്... അതിനെക്കുറിച്ച് ഏട്ടൻ ആലോചിക്കേണ്ട. ഗിരീഷേട്ടൻ ഇനി എന്തു പറഞ്ഞാലും നമ്മുടെ ഈ തീരുമാനത്തിൽ നിന്നും നമ്മൾ പിന്നോട്ടില്ല. നമ്മുടെ അച്ഛന്റെ കാര്യമാണ് അതിൽ അഭിപ്രായം പറയാൻ മാത്രമേ ഇവർക്ക് പറ്റൂ തീരുമാനമെടുക്കേണ്ടത് നമ്മളാണ്. ഏട്ടന്റെ തീരുമാനത്തിൽ എന്തെങ്കിലും മാറ്റം ഉണ്ടോ.... അതെന്താണ് ഇനി അങ്ങനെ ചോദിച്ചത് ആ തീരുമാനം അത്ര പെട്ടെന്ന് മാറാൻ പറ്റുന്നതാണോ... അല്ലല്ലോ.... ഏട്ടന്റെ തീരുമാനം തന്നെയാണ് എന്റെയും തീരുമാനം.ബാക്കിയൊക്കെ നമ്മൾ പറഞ്ഞതുപോലെ... ആ ശരി,ഞാൻ പിന്നെ ഫോൺ വയ്ക്കുക അയാളെ പോയി കണ്ടതിനു ശേഷം നിന്നെ വിളിക്കാം.. അപ്പുറത്തു ഫോൺ കട്ടായതും പ്രസന്നൻ കസേരയിൽ നിന്ന് എണീറ്റു.. ഉണ്ണിത്താന്റെ രണ്ടു മക്കളിൽ മൂത്ത ആളാണ് പ്രസന്നൻ. കെഎസ്ഇബിയിൽ എൻജിനീയറായി വർക്ക് ചെയ്യുന്നു. പ്രസന്നന്റെ ന്റ് ഇളയത് പ്രസീത.. പ്രസീത വിവാഹം കഴിഞ്ഞ് ഭർത്താവ് ഗിരീഷന്റെ ഒപ്പം അവന്റെ വീട്ടിലാണ്.. ഗിരീശൻ ഒരു പ്രൈവറ്റ് ബാങ്കിലെ മാനേജർ ആണ്. ഒരു മോൾ ഉണ്ട് ഒന്നര വയസ്സുള്ള..... അമ്മ മരിച്ചതിൽ പിന്നെ പ്രസീതയുടെയും പ്രസന്നന്റെയും അച്ഛൻ ഉണ്ണിത്താൻ ഒറ്റയ്ക്കാണ്.... അമ്മയ്ക്ക് ക്യാൻസർ ആയിരുന്നു എന്ന് കണ്ടുപിടിക്കാൻ വൈകിപ്പോയി.സുഖമില്ലാതായി ഏകദേശം ആറുമാസത്തോളം അമ്മ കിടപ്പിൽ തന്നെയായിരുന്നു. ഒരുപാട് കഷ്ടപ്പെട്ടിട്ടാണ് അമ്മ മരിച്ചത്. അമ്മയുടെ മരണത്തോടുകൂടി അച്ഛൻ ആകെ തകർന്നു പോയി. അച്ഛനെ ആ ഒറ്റപ്പെടലിൽ നിന്നും പുറത്തേക്ക് കൊണ്ടുപോകുവാനായി ഒരുപാട് ശ്രമിച്ചു പക്ഷേ നടന്നില്ല. നിവൃത്തിയില്ലാതെ ഒരു ഡോക്ടറെ കാണിക്കേണ്ട അവസ്ഥ വരെ എത്തി. ഡോക്ടറുടെ വിശദമായ പരിശോധനയിൽ നിന്നാണ് അച്ഛൻ കടുത്ത മാനസിക സംഘർഷത്തിലാണ് എന്ന് മനസ്സിലാക്കുന്നത്.. അമ്മയുടെ മരണവുമായി പൊരുത്തപ്പെടാനോ ആ ശൂന്യതയെ അതിജീവിക്കുവാനോ അച്ഛനെക്കൊണ്ട് കഴിയുന്നില്ല. വിവാഹം കഴിഞ്ഞ് ഏകദേശം 40 വർഷത്തെ ദാമ്പത്യ ജീവിതത്തിന് വിരാമം ഇട്ടു കൊണ്ടുള്ള അമ്മയുടെ മടക്കം അച്ഛനെ കടുത്ത ആഘാതത്തിൽ ആക്കിയിട്ടുണ്ട്. പക്ഷേ അത് മറ്റുള്ളവരുടെ മുന്നിൽ പ്രകടിപ്പിക്കാൻ കഴിയാതെ ഉള്ളിലൊതുക്കി അച്ഛൻ ഒരു പ്രത്യേക അവസ്ഥയിലേക്ക് മാറുകയാണ്. എന്ത് കാര്യത്തിനും ഭാര്യയെ ആശ്രയിച്ചു കഴിഞ്ഞിരുന്ന അച്ഛന്റെ മനസ്സ് ഇപ്പോൾ അവർ ഇല്ല എന്ന സത്യത്തെ ഉൾക്കൊള്ളുവാൻ കഴിയാത്ത ഒരു സ്ഥിതിയിൽ എത്തിയിരിക്കുന്നു.. അതിൽ നിന്നും ഒരു മാറ്റം ഇപ്പോൾ ആവശ്യമാണ് അത് സാധ്യമായില്ലെങ്കിൽ അച്ഛൻ ഒരു മാനസിക രോഗിയായി മാറും. വീട്ടിൽ ആരൊക്കെയുണ്ട് നിങ്ങളുടെ... ഞാനും വൈഫും മകനും മാത്രം... എനിക്കും വൈഫിനും ജോലിയുണ്ട് രാവിലത്തെ പണികളൊക്കെ കഴിഞ്ഞ് ഞങ്ങൾ ഒമ്പതര മണിയാകുമ്പോൾ ഓഫീസിലേക്ക് ഇറങ്ങും.എട്ടര മണിയാകുമ്പോൾ മോന്റെ സ്കൂൾ ബസ് വരും അവനെയും യാത്രയാക്കും.. അതുകഴിയുമ്പോൾ പിന്നെ വീട്ടിൽ അച്ഛൻ തനിച്ചാണ്... വൈകുന്നേരം ഞങ്ങൾ രണ്ടുപേരും വരുമ്പോഴേക്കും ഏകദേശം 6:00 മണി കഴിയും. മോൻ സ്കൂളിൽ നിന്ന് വന്ന നേരെ ട്യൂഷൻ ഒക്കെ പോയിക്കഴിഞ്ഞു വീടെത്തുമ്പോൾ ഏകദേശം 8 മണിയാകും.. അപ്പോൾ ഈ സമയങ്ങളിൽ എല്ലാം പ്രസന്നന്റെ അച്ഛൻ വീട്ടിൽ ഒറ്റയ്ക്കായിരിക്കും.. ഓഫീസിൽ നിന്ന് ഞാൻ എത്തിക്കഴിഞ്ഞാൽ അച്ഛനോടൊപ്പം സമയം ചെലവഴിക്കാൻ ശ്രമിക്കും ഡോക്ടർ പക്ഷേ അച്ഛനാ റൂമിൽ നിന്ന് പുറത്തേക്ക് വരുന്നതിനു പോലും താൽപര്യം ഇല്ലാത്ത മട്ടിൽ ഇരിക്കും... ഞാനൊരു കാര്യം പറഞ്ഞാൽ നിങ്ങൾക്ക് മനസ്സിലാകുമോ പ്രസന്നൻ. വാർദ്ധക്യത്തിൽ എത്തുന്ന ഓരോ മാതാപിതാക്കളും കുഞ്ഞുങ്ങളെ പോലെയാണ്. മറ്റുള്ളവരുടെ സാമീപ്യം ആഗ്രഹിക്കും. അമ്മയുടെ വേർപാടുമായി അച്ഛൻ ഇതുവരെയും പൊരുത്തപ്പെടാൻ കഴിയാത്ത ഈ ഒരു സാഹചര്യത്തിൽ. അച്ഛന്റെ ഈ ഒറ്റപ്പെടൽ അതൊരു വലിയ പ്രശ്നം തന്നെയാണ്. നിങ്ങളുടെ ഞാൻ ഒരിക്കലും കുറ്റം പറയില്ല കാരണം നിങ്ങൾ കിട്ടുന്ന സമയം അച്ഛനോടൊപ്പം ചിലവാക്കാൻ ശ്രമിക്കുന്നുണ്ട്. അവധി ദിവസങ്ങളിൽ അനിയത്തി കുഞ്ഞുമായി എത്തി മുഴുവൻ സമയവും അച്ഛനോടൊപ്പം ആയിരിക്കും .... അച്ഛനെ ഈ അവസ്ഥയിൽ നിന്നും പുറത്തേക്ക് കൊണ്ടുവരാൻ നിങ്ങൾ കൂടെ തന്നെ ഉണ്ടാകണം... ഞാൻ എന്തായാലും ഒരു മാസം ലീവ് എടുക്കാം. എന്തെങ്കിലും അത്യാവശ്യം പറഞ്ഞു ലീവ് സാൻക്ഷനാക്കി അച്ഛനോടൊപ്പം ചെലവഴിക്കാൻ നോക്കാം... ഒരു മാസത്തോളം ഇല്ലെങ്കിൽ പോലും ഒരു 15 ദിവസം അച്ഛനോടൊപ്പം ഇടപഴകുമ്പോൾ തന്നെ അച്ഛന്റെ സ്വഭാവത്തിൽ മാറ്റം വരും.... ഡോക്ടർ പറഞ്ഞതുപോലെ തന്നെ പ്രസന്നൻ അത് അനുസരിച്ച്. രാവിലെ ഭാര്യയും കുഞ്ഞും പോയിക്കഴിഞ്ഞാൽ പ്രസന്നൻ ഭക്ഷണവുമായി അച്ഛനോടൊപ്പം ഇരുന്നു കഴിക്കും. ഭക്ഷണം കഴിച്ചു കഴിഞ്ഞ് രണ്ടുപേരുംകൂടി അൽപനേരം വർത്തമാനം ഒക്കെ പറഞ്ഞിരുന്നതിനുശേഷം അച്ഛനെയും കൂട്ടി പുറത്തേക്ക് ഇറങ്ങി നടക്കും.. വീടിനടുത്ത് തന്നെയുള്ള ഒരു ചെറിയ പാർക്കിൽ ധാരാളം കുട്ടികളും വൃദ്ധ മാതാപിതാക്കളും ഒക്കെ വന്നിരുന്ന സമയം ചെലവഴിക്കും . അവിടെ ചെന്നിരിക്കുമ്പോൾ അവിടുത്തെ കാഴ്ചകളിലും സമ പ്രായക്കാരായ ആൾക്കാരെ കാണുമ്പോൾ അവരോടുള്ള ഇടപഴകലുകളിലും ഒക്കെ അച്ഛനിൽ ചെറിയ മാറ്റങ്ങൾ വരുത്തി തുടങ്ങി.... ഡോക്ടർ പറഞ്ഞതുപോലെ തന്നെ ഏകദേശം ഒരു മാസമായപ്പോൾ അച്ഛൻ പഴയ ഒരു സ്ഥിതിയിലേക്ക് തിരികെ വന്നു. ഇപ്പോൾ പ്രസന്നൻ ജോലിക്ക് പോയി തുടങ്ങിയെങ്കിലും അച്ഛൻ പതിവായി ആ പാർക്കിൽ പോയി സുഹൃത്തുക്കളുമായി സംസാരത്തിൽ ഏർപ്പെടാൻ ഉണ്ട്... അടുത്ത തവണ ഡോക്ടറെ കാണാൻ പോകുമ്പോൾ പ്രസന്നൻ അയാളുടെ മനസ്സിൽ തോന്നിയ ഒരു ആശയം മുന്നോട്ടുവച്ചു.. അച്ഛന്റെ ഈ ഒറ്റപ്പെടലിൽ നിന്നും അച്ഛൻ ഒരു കൂട്ട് ആവശ്യമാണെന്ന് എനിക്ക് മനസ്സിലായി ഡോക്ടർ. അച്ഛനൊരു പുനർവിവാഹം എന്നതിനെക്കുറിച്ച് ഞാനിപ്പോൾ ചിന്തിക്കുന്നുണ്ട്. അച്ഛനെപ്പോലെ ഭർത്താവ് നഷ്ടപ്പെട്ടു തനിയെ ജീവിക്കുന്ന ഏതെങ്കിലും അമ്മമാരിൽ നിന്നും ഒരു വിവാഹാലോചന സ്വീകരിച്ചാലോ എന്ന് ആലോചിക്കുകയാണ് അതാകുമ്പോൾ അച്ഛനെ മിണ്ടിയും പറഞ്ഞുമിരിക്കാൻ ഒരാൾ ആയല്ലോ... നിങ്ങളുടെ ആ ചിന്ത വളരെ നല്ലതാണ് പ്രസന്നൻ. ഈ വയസ്സുകാലത്ത് വിവാഹം കഴിച്ചു ഹണിമൂൺ ആഘോഷിക്കാൻ ആണോ എന്ന് പലരും കളിയാക്കിയേക്കാം പക്ഷേ ഒറ്റപ്പെടലിന്റെ വേദനയും പേറി നടക്കുന്നവർക്ക് മിണ്ടാനും പറയാനും ഒരാൾ കൂടെയുണ്ടാകുന്നത് ഒരു ആശ്വാസമാണ്... അങ്ങനെ വില്ലിങ് ആയ ആരെങ്കിലും നിങ്ങൾക്കറിയാമെങ്കിൽ അത് എത്രയും പെട്ടെന്ന് നടത്തുന്നതായിരിക്കും നല്ലത്.. പ്രസന്നൻ സുധാകരൻ പറഞ്ഞ ആളുമായി സംസാരിച്ചു. അയാളുടെ അച്ഛൻ മരിച്ചിട്ട് അഞ്ചുവർഷമായി ഈ അഞ്ചുവർഷംകൊണ്ട് അമ്മ അനുഭവിക്കുന്ന മാനസിക പിരിമുറുക്കം മനസ്സിലാക്കിയതുകൊണ്ടാണ് ആ മക്കൾ അമ്മയ്ക്ക് മറ്റൊരു വിവാഹം കഴിക്കുന്നതിലൂടെ അമ്മയ്ക്ക് ഒരു കൂട്ട കുമല്ലോ എന്ന ചിന്തയിൽ എത്തിച്ചേർന്നത്... അച്ഛനോട് ആദ്യം അഭിപ്രായം ചോദിച്ചപ്പോൾ എതിർക്കാൻ തുടങ്ങിയെങ്കിലും പ്രസന്നയും അവന്റെ ഭാര്യയുടെയും പ്രസീതയുടെയും തീരുമാനപ്രകാരം വിവാഹത്തിന് സമ്മതിച്ചു. പ്രസീതയുടെ ഭർത്താവ് ഗിരീശൻ ആദ്യമേ തന്നെ ഉടക്കുമായി വന്നെങ്കിലും തങ്ങളുടെ അച്ഛന്റെ ജീവിതകാര്യത്തിൽ ഇടപെടുന്നതിന് ഗിരീഷിന്റെ ആവശ്യമില്ലെന്ന് തന്നെ പ്രസീത തറപ്പിച്ചു പറഞ്ഞു. അങ്ങനെയാണ് ആ വിവാഹം തീരുമാനിച്ചത്.... അമ്പലനടയിൽ നിന്ന് ഉണ്ണിത്താൻ നൽകിയ താലി ഏറ്റുവാങ്ങുമ്പോൾ സരോജിനി അമ്മയുടെ മുഖത്ത് നിറഞ്ഞ പുഞ്ചിരിയായിരുന്നു. വിവാഹം കഴിഞ്ഞ് ഹണിമൂൺ ആഘോഷിക്കാൻ പോകുന്ന ദമ്പതികളായ അല്ല മറിച്ച് ഈ ജീവിത സായാഹ്നത്തിൽ പരസ്പരം ഒരു കൈത്താങ്ങ് അതായി മാറുന്നതിനു വേണ്ടി കിട്ടിയ ഒരു കൂട്ട്......അതായിരുന്നു ഈ വിവാഹം കൊണ്ട് അവർക്ക് കിട്ടിയത്... പരസ്പര സന്തോഷങ്ങളും സങ്കടങ്ങളും പങ്കുവയ്ക്കാനുള്ള ഒരു കരുതൽ... അച്ഛനമ്മമാരുടെയും മനസ്സ് മനസ്സിലാക്കുന്ന മക്കളായി മാറിയതിൽ പ്രസന്നനും പ്രസീതയ്ക്കും ഒക്കെ ഒരു വലിയ പങ്കുണ്ട്... നമുക്കിടയിൽ ഇല്ലാതെ പോയ ചില മക്കൾ........ രചന ഇഷ്ടമായെങ്കിൽ എന്തേലും രണ്ടു വരി കുറിച്ചിട്ടു പോണേ, വേറൊന്നിനും അല്ല എന്റെ ഒരു സന്തോഷത്തിന് 😍 #📔 കഥ