📔 കഥ

കൂട്ട്............ പതിനാറാം ഭാഗം ആ യാത്രയിലൂട നീളം അവളൊരു പ്രതിമയായി തോന്നിയവന്...... ഒന്ന് ചലിക്കുക പോലും ചെയ്യാതെ പുറത്തേക്ക് മിഴികൾ നട്ടിരിക്കുന്നവളുടെ കണ്ണുകളെങ്കിലും അനങ്ങുന്നുണ്ടോയെന്നവനിടക്കൊന്ന് പാളി നോക്കിയിരുന്നു....... ഇടക്ക് മുത്തശ്ശി യെന്തോ ചോദിച്ചപ്പോൾ മാത്രം പതിഞ്ഞ ശബ്ദത്തിൽ മറുപടി കൊടുക്കുന്നത് കേട്ടു ..... ഏറെ നേരത്തെ യാത്രക്ക് ശേഷം ആ കാറൊന്ന് നിശ്ചലമായതും അവളുടെ ഹൃദയം വല്ലാതെ മിടിക്കാൻ തുടങ്ങിയിരുന്നു.... പുതിയ ഇടം.... പുതിയ ജീവിതം.... പുതിയ പരീക്ഷണങ്ങൾ.... ഇറങ് മോളെ...... മുത്തശ്ശിയുടെ ശബ്ദം കേട്ടപ്പോഴാണ് അവൾ ചിന്തകളിൽ നിന്നോന്നുണർന്നത്..... അപ്പോഴാണ് ഡോർ തുറന്ന് പിടിച്ചു നിൽക്കുന്നവർ തന്നെയാണ് നോക്കുന്നതെന്നും അവളറിഞ്ഞത്.... അവൾ പെട്ടെന്നൊരു ധൃതിയോടെ പുറത്തേക്കിറങ്ങി ... തനിക്ക് മുമ്പിൽ തലയുയർത്തി നിൽക്കുന്ന ആ വലിയ വീട് മുഴുവനായി കാണാനെന്ന വണ്ണം അവൾ കണ്ണുകളൊന്ന് മുകളിലേക്കുയർത്തിയിരുന്നു...... റ ആകൃതിയിൽ നിൽക്കുന്ന ആ വീടിന്റെ ഉമ്മറം തന്നേ ഒരു വീടിനോളം വലിപ്പമുണ്ടെന്ന് തോന്നും.... അത്രത്തോളം വിശാലമായിരുന്നു..... വലിയ മുറ്റത്തെ പൊടി പടലങ്ങളെ തഴുകി യൊരു കാറ്റ് വരുമ്പോൾ അതവളിലൊരു അപരിചിതത്വം നൽകി... വലത് കാല് വെച്ച് കയറിക്കോളു..... അമ്മായി കയ്യിലെ നില വിളക്ക് അവളുടെ കയ്യിലേക്ക് കൊടുത്തു കൊണ്ടത് പറയുമ്പോഴാണ് ചുറ്റുപാടിനെ വീക്ഷിച്ചിരുന്ന ഹൃദയം ഒരു നിമിഷം അകത്തേക്ക് നീങ്ങിയത്........ ആ പടിയിലേക്ക് വലത് കാലു വെച്ച് കയറുമ്പോ ൾ കയറുന്ന തനിക്ക് മാത്രമല്ല അത് നോക്കി നിൽക്കുന്നവന്റെ മുഖത്തും നിറഞ്ഞ നിസ്സംഗതയാണ്‌...... എന്നാൽ മുത്തശ്ശി മാത്രം നിറഞ്ഞ സന്തോഷത്തിലാണ്...... അവളാ വീടിനുള്ളിലേക്ക് കയറുമ്പോൾ അവിടെയൊരു കല്യാണ വീടാണെന്ന യാതൊരു ഭാവവുമുണ്ടായിരുന്നില്ല..... ആളുകളോ വിവാഹത്തിന്റെ തിരക്കുകളോ ഒന്നും തന്നേ.... ആകേ ക്കൂടി ആ വലിയ വീട് ശൂന്യമായിരുന്നു...... മുകളിലാണ് നിങ്ങളുടെ മുറി...... അവിടെയുള്ള അലമാരയിൽ കുട്ടിക്ക് വേണ്ട ഡ്രെസ്സുകളുണ്ട്.. അങ്ങോട്ട് ചെന്നോളൂ.... അമ്മായി അത് പറഞ്ഞതും താഴെ നിരയായി കാണുന്ന മുറികൾ വെറുതെയൊന്ന് നോക്കിയിരുന്നവൾ.... ആകെ ക്കൂടി ക്ഷീണിച്ച അവൾക്ക് ഇനി അത്രയും പടികൾ കൂടി കയറാൻ വയ്യെന്ന് തോന്നി പ്പോയി..... ആ വീട്ടിലാകെ നിറഞ്ഞു നിൽക്കുന്ന സുഖമുള്ള തണുപ്പിൽ അവൾക്കാ തറയിൽ തന്നേ കിടന്നൊന്നുറങ്ങാൻ തോന്നി..... അത്രയേറെ ക്ഷീണിച്ചു പോയിട്ടുണ്ടായിരുന്നവൾ....... മുകളിൽ ചെന്നാദ്യം കാണുന്ന മുറിയാ.....മോള് കയറിക്കോ.... ഞാൻ ചായ ഉണ്ടാക്കട്ടെ.... വീണ്ടും ഒരു ആശങ്ക യൊടെ നിൽക്കുമ്പോഴാണ് അമ്മായി അതും പറഞ്ഞ് അടുക്കളയിലേക്ക് നടന്നത്..... മുത്തശ്ശി അവിടെയുള്ള ചാരു കസേരയിൽ ചാരിയിരുന്നിരുന്നപ്പോഴേക്കും....... തന്റെ കൂടെ കാറിൽ വന്നിറങ്ങിയവനെങ്കിൽ അകത്തേക്ക് കയറിയിട്ടുമില്ല.... ആകേ ക്കൂടി ആ വീട്ടിൽ മൂടിക്കെട്ടി നിൽക്കൂന്നൊരു നിശബ്ദത..... അത്രയും ആളുകളുടെ ബഹളങ്ങൾക്കിടയിൽ  നിന്ന് ശ്മശാന മൂകമായ ഒരിടത്തേക്കാണ് കയറി വന്നിരിക്കുന്നത്...... ഇത് വരെ താൻ വിചാരിച്ചിരുന്നത് ഈ വിവാഹം വെറുതെയെന്നത് അവനും തനിക്കും മാത്രമാണ് അറിയുക എന്നായിരുന്നു.... പക്ഷെ ഇപ്പൊ തോന്നുന്നു ആരും ഇതൊരു വിവാഹമായി കണ്ടിട്ടില്ലെന്ന്.... ഒരു വിവാഹ വീടിന്റെ യാതൊന്നും അവിടെയില്ല ... തങ്ങൾ ഈ നാല് പേരല്ലാതെ ആ വീടിന്റെ ചുറ്റ് ഭാഗത്ത് പോലും ഒരാളെ കാണാനില്ല..... ഒരു പക്ഷെ ഈ വിവാഹം ആ മുത്തശ്ശിയുടെ മനസ്സിൽ മാത്രമായിരിക്കാം....... നൂറ് ചിന്തകളോടെ അവളാ കോണിപ്പടികൾ കയറി...... ഇട നാഴി തുടങ്ങുന്നിടത് കാണുന്ന തുറന്നിട്ട ആ മുറിയിലേക് തന്നേ യവൾ കയറി.... ഒരു പക്ഷെ ഇതിലേക്ക് കയറാൻ പറ്റുമോ എന്നും അവൾക്കറിയില്ലായിരുന്നു...... ആ വലിയ മുറിയിലേക് കയറിയതും എന്തോ വല്ലാത്തൊരു സുഖം തോന്നിയിരുന്നവളുടെ മനസ്സിന്....... അത്രയും വലിപ്പമുള്ള ആ മുറിയിൽ വലിയ വലിയ ജനാല കളാണ്.... അവയുടെ പാളികൾ തുറന്നിട്ടത് കൊണ്ട് തന്നേ പുറത്ത് നിന്നും വീശുന്ന കാറ്റിൽ അവ അടയുകയും തുറയുകയും ചെയ്യുന്നുണ്ട്...... എങ്കിലും പുറത്തെ കാഴ്ചകൾ മറക്കാനെന്ന വണ്ണം നീളമുള്ള വെള്ള കർട്ടനീട്ടിട്ടുണ്ട്..... അവളാ കർട്ടനൊന്ന് കൈ കൊണ്ട് മാറ്റിയതും പുറത്ത് കാണുന്ന കാഴ്ച എന്തിനോ ഉള്ളിലൊരു സുഖം പകരുന്നത് അവളറിഞ്ഞു... അത്രയും വലിയൊരു മുറ്റമാണുള്ളതെന്ന് താഴെ നിൽക്കുമ്പോൾ തോന്നിയിരുന്നില്ല..... ഇരു വശങ്ങളിലും പല തരത്തിലുള്ള മരങ്ങളാണ്...... ആ വഴി അവസാനിക്കുന്നിടത്ത് കാണുന്ന പടിപ്പുര..... പടിപ്പുര യുടെ ചുമരിലും മതിലിലുമായി ചുറ്റി പിണഞ്ഞു കിടക്കുന്നത് വള്ളി മുല്ലയാണെന്ന് ഒന്ന് കൂടി സൂക്ഷിച്ചു നോക്കി അവളുറപ്പിച്ചു .... പടിപ്പുരക്കപ്പുറം വിശാലമായ നെൽ വയലാണ്...... നെൽ വയലിനോരത്തായി നിൽക്കുന്ന കവുങ്ങിൻ തോപ്പ്...... അതിനേക്കാളെല്ലാം അവളെ ആകർശിച്ചത് നേരെ മുറ്റത് പുതപ്പ് വിരിച്ചത് പോൽ പരന്നു കിടക്കുന്ന ആ പൂക്കളാണ്....... ഇലകളെ ഭംഗിയിൽ ഒതുക്കി നിർത്തുന്ന ചീനി മരത്തിന്റെ ഇളം റോസ് നിറത്തിലുള്ള പൂക്കൾ..... പുതുതായി കണ്ട കാഴ്ചകളെല്ലാം ഹൃദയത്തിലേക്ക് പകർത്തി വെച്ചവൾ...... വലിയ കട്ടിലിനോരത്തായി വെച്ച നില കണ്ണാടിയിലേക്ക് അവളൊന്നു തിരിഞ്ഞു..  ചുവന്ന സാരിയിൽ ‌ ആഭരങ്ങളിട്ടൊരു കല്യാണ പെണ്ണിനെ പോലെ കണ്ടതും അവൾക്ക് സ്വയം പുച്ഛം തോന്നി..... അവൾക്കിതിൽ നിന്നെത്രയും വേഗം പുറത്ത് കടന്നാ പഴയ ഗംഗ യാവാൻ തോന്നി.... ഈ വേഷത്തിൽ നിൽക്കുമ്പോൾ പോലും താൻ മറ്റാരോ ആയത് പോലെ.... അവളാ തടിയലമാര പതിയെ തുറന്നു..... അതിൽ അടുക്കി വെച്ച ചുരിദാറുകളിലെ മുകളിൽ വെച്ചത് തന്നേ കയ്യിലെക്കെടുക്കുമ്പോഴും അപ്പുറത്തായി അടുക്കി വെച്ച അവന്റെ ഷർട്ടുകളിൽ കൈ പോലും തട്ടാതിരിക്കാൻ അവൾ പ്രത്യേകം ശ്രദ്ധിച്ചിരുന്നു..... അവൾ പെട്ടെന്ന് ഇടനാഴിയിൽ കാണതക്ക വിദമുള്ള ആ ബാത്റൂമിലേക്ക് കയറി...... തലയിലൂടെ വെള്ളം വീഴുമ്പോൾ ഒരു സുഖം തോന്നിയിരുന്നു...... ഉള്ളിലെ നോവുകളെ കുറിച്ചോർമ വന്നതും വന്നതും വീടിനെ കുറിച്ചൊർമ വന്നു..... മുത്തശ്ശിയെ കാണാൻ തോന്നി.... അമ്മയെ യൊന്നു കെട്ടി പ്പിടിക്കാൻ തോന്നി..... തല വഴി വെള്ളമൊഴിക്കുമ്പോൾ ആ ഓർമകളുടെ നനവും അതിലൂടെ ഒലിച്ചിറങ്ങി....... തല തൂവർത്തി അവിടെയുള്ള സ്റ്റാൻഡിലേക്ക് മുണ്ട് നിവർത്തിയിട്ട് താഴെക്കിറങ്ങും മുമ്പേ അവളൊന്നു കൂടി ആ വലിയ നിലകണ്ണാടിയിലേക്ക് നോക്കി.... പഴയ ഗംഗ യേ കാണാൻ..... മഞ്ഞ നിറത്തിലുള്ള ആ ചുരിദാറിൽ ഇത് വരെയില്ലാത്ത തരമൊരു ഭംഗി അവൾക്ക് സ്വയം തോന്നിയിരുന്നു...... എന്തോ ആകെ ക്കൂടി ഒരു മാറ്റം........ എന്താണെന്നവൾ സ്വയമൊന്ന് കൂടി നോക്കി..... ഡ്രെസ്സും ആഭരണങ്ങളുമെല്ലാം അഴിച്ചിട്ടും വരുന്ന ആ മാറ്റം തങ്ങി നിന്നത് കഴുത്തിൽ കിടക്കുന്ന താലി മാലയിലായിരുന്നു.... അവളുടെ നെഞ്ചിലൊരു വലിവ് തോന്നി...... ഈ മാറ്റം ഒരു മുന്നറിയിപ്പാണോ എന്നൊരു ഭയവും...... അവൾ പതിയെ താഴെക്കിറങ്ങി...... മരത്തിന്റെ കോണിപ്പടികളിൽ അവളുടെ കാലടികളുടെ ശബ്ദം ഉയർന്നു കേട്ടു..... വരു..... ചായ കുടിക്കാം..... അമ്മായി വന്നത് പറയുന്നതും അവളവർക്ക് പിറകെ നടക്കുമ്പോഴായിരുന്നു കോലായും ഇട നാഴിയും കഴിഞ്ഞുള്ള ആ ഭാഗത്തേക്ക് കടന്നത്.... വലിയ ഊണ് മേശക്കരികിലായി ഒരു ചെറിയ നടു മുറ്റം.... അവളല്പം കൗതുകത്തോടെയാണ് അത് നോക്കി കണ്ടത് .... പക്ഷെ ആർക്കും ആവശ്യമില്ലെന്ന വണ്ണം അതിലൊരു തുളസി തറ മാത്രമേയുള്ളു.... ആ തുളസിയും ആകെ വരണ്ടുണങ്ങി യാണ്‌ നിൽക്കുന്നത്...... അമ്മായി നീട്ടിയ ചായ വാങ്ങി ചുണ്ടോട് ചേർക്കുമ്പോഴും അവളുടെ കണ്ണുകൾ ആ തുളസി തറയെ ചുറ്റിയായിരുന്നു...... ഗൗതം.... നിനക്ക് ചായ യിതാ......... പെട്ടെന്ന് അമ്മായി യത് പറഞ്ഞപ്പോഴാണ് അവന്റെ സാന്നിധ്യം അവൾ മനസ്സിലാക്കിയത്.... അപ്പോഴും അവൾ തലയുയർത്തിയില്ല...... വേണ്ട...... ഞാൻ പിന്നേ കുടിച്ചോളാം.... അത്ര മാത്രം പറഞ്ഞാ ഗൗരവമുള്ള ശബ്ദം കോണിപ്പടികളിലെ ഉയർന്ന കാലടികളായി അകന്ന് പോയി...... എങ്കി..... ഞങ്ങളിറങ്ങുവാണ് കേട്ടോ...... ചായ കുടിച്ചു കഴിഞ്ഞാ അടുക്കളയിലേക്ക് ചെന്നപ്പോഴാണ് പെട്ടെന്ന് അമ്മായിയത് പറഞ്ഞത്..... ഒരു നിമിഷം ഗംഗ യൊന്നു ഞെട്ടി പ്പോയി.... മുത്തശ്ശിയും ഏകദേശം പോകാനെന്ന വണ്ണം ഒരുങ്ങി നിൽക്കുന്നുണ്ട്.... അവർ കൂടി പോയാലുള്ള ഈ വീടിന്റെ നിശബ്ദതയെ കുറിച്ചോർത്ത് അവൾക്കപ്പഴേ ഭയം തോന്നിയിരുന്നു...... ഇന്ന്.... ഇന്ന് തന്നേ പോകണോ...... അല്പം മടിയോടെയാണ് അവളത് ചോദിച്ചതെങ്കിൽ കൂടി  ആ ചോദ്യം അവൾക്കത്രയേറെ അത്യാവശ്യമായിരുന്നു..... മാഷ് വരും മുൻപ് പോട്ടെ.....മാഷിന് ഈ വിവാഹത്തോട് വല്യ താല്പര്യമൊന്നുമില്ല.... ഈ വീട്ടിലേക്ക് വേറൊരാൾ വരുന്നതേ ഇഷ്ടമല്ല..... ഇതെല്ലാം മുത്തശ്ശി യുടെ നിർബന്ധാ.... അപ്പൊ പിന്നേ വന്നു കയറുമ്പോൾ തന്നേ ഞങ്ങളെ കാണേണ്ടല്ലോ യെന്ന് കരുതിയാ..... അമ്മായി അത് പറഞ്ഞതും വീണ്ടും അവളുടെ ഹൃദയത്തിലൊരു പ്രകമ്പനം..... മാഷെന്ന് പറഞ്ഞത് ഇവിടുത്തെ അച്ഛനെ യായിരിക്കുമെന്ന് അവളുഹിച്ചു.... ഇത്ര നേരമായിട്ടും ഇത് വരെ അങ്ങനെയൊരാളെ കണ്ടില്ലല്ലോ എന്ന് താനും ചിന്തിച്ചിരുന്നു..... മകന്റെ വിവാഹത്തിന് പങ്കെടുക്കാതിരിക്കാൻ മാത്രം എന്ത്‌ തിരക്കായിരിക്കും അയാൾക്.... അതോ ഇനി ഇഷ്ടമില്ലാത്തത് കൊണ്ട് കൂടാതിരുന്നതാവുമോ.... ഒന്നും അറിയുന്നില്ലായിരുന്നവൾക്ക് ...                                    (തുടരും) Aysha Akbar #📝 ഞാൻ എഴുതിയ വരികൾ #💞 പ്രണയകഥകൾ #📖 കുട്ടി കഥകൾ #📔 കഥ