#🎼 ഹൃദയരാഗങ്ങൾ #📝 ഞാൻ എഴുതിയ വരികൾ #💞 പ്രണയകഥകൾ #📖 കുട്ടി കഥകൾ #🎻 കുട്ടിക്കവിതകൾ

✨നബി ﷺ യുടെ മകൾ… ഒരു മുസ്ലിം. അവളുടെ ഭർത്താവ്… അന്നേരം മുസ്ലിം അല്ല. പക്ഷേ… അവൻ അവളെ വിട്ടില്ല. വർഷങ്ങൾ കഴിഞ്ഞ് അവൻ ഇസ്ലാം സ്വീകരിച്ചു… അവരുടെ പ്രണയം വീണ്ടും ഒന്നായി... 🫶🏻🩶✨ #❤️Ishq Mubarak #💘 Love Quotes #💞 പ്രണയകഥകൾ

AD #bjpindia

ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6PEZD99?d=n&ui=v64j8rk&e1=cമന്ത്രകോടി :പാർട്ട്‌ -21🌺💚 മഹിയെ കാത്തിരുന്നു മടുത്തതും മെറിൻ മുകളിലെ മുറിയിലേക്ക് കയറി വന്നു..... അവളിൽ വല്ലാത്തൊരു ദേഷ്യം നിറഞ്ഞു..... ഒന്നാമത്തെ കാര്യം വിശപ്പ്......രണ്ടാമത് ഫുഡിന് വേണ്ടിയുള്ള കാത്തിരിപ്പ്. വല്ലാത്തൊരു പിരിമുറുക്കത്തോടെ മുറിയിലേക്ക് പോകാൻ തുടങ്ങുമ്പോഴാണ് ബാൽക്കാണിയിലെ ആ കാഴ്ചയവൾ കാണുന്നത്..... ഭാമയുടെ മടിയിൽ തലവച്ച് കിടക്കുന്ന നന്ദൻ...... ഭാമ അവളുടെ കൈവിരലുകൾ കൊണ്ട് അവന്റെ മുടിയിൽ പതിയെ ഇഴക്കുന്നുണ്ട്. ഇരുവരും പരസ്പരം മുഖത്തോട് മുഖം നോക്കുകയാണ്..... ഒറ്റ നോട്ടമേ നോക്കിയുള്ളൂ...... ശേഷം വെട്ടിത്തിരിഞ്ഞതുപോലെ മെറിൻ അകത്തേക്ക് കയറിപ്പോയി.... പക്ഷേ ഇതൊന്നുമറിയാതെ ഇരുവരും അവരുടേതായ പുതു ലോകത്തായിരുന്നു ....... നന്ദന്റ ചുണ്ടിലൊരു ഇളം ചിരിയുണ്ടിപ്പോൾ.... എന്തുകൊണ്ടെന്നറിയില്ല അത്രമേൽ മനോഹരമായൊരു ചിരി. അത് ഭാമയുടെ മുഖത്തേക്കും പകർന്നു വന്നിട്ടുണ്ട് . ആ നിമിഷങ്ങളിൽ എപ്പോഴോ ആണ് പുറത്തുപോയ മഹിയും കയറി വരുന്നത്..... വണ്ടിയുടെ താക്കോൽ കൊടുക്കാനായി ബാൽക്കാണിയിലേക്ക് തിരിയുമ്പോഴായിരുന്നു അവനാ കാഴ്ച കാണുന്നത്..... ഒരു നിമിഷം അവനവിടെ തന്നെ നിന്നുപോയി...... ശേഷം പെട്ടന്ന് ബോധത്തിലേക്ക് വന്നു അവർ തന്നെ കാണുന്നതിന് മുൻപ് വേഗം അവിടെ നിന്നും മുറിയിലേക്ക് നടന്നു..... തന്റെ റൂമിന്റെ വാതിൽപ്പടിയിൽ വന്നുകയറുമ്പോൾ അവന്റെ മനസ്സ് നേരത്തേ കണ്ട കാഴ്ചയിൽ കുടുങ്ങി കിടക്കുകയായിരുന്നു.... ഇഷ്ടമല്ലാത്ത കല്യാണമായിരുന്നില്ലേ..... ഇത്ര പെട്ടന്ന് ഇവർ സ്നേഹിച്ചു തുടങ്ങിയോ എന്ന ചിന്ത യായിരുന്നു അവന്റെയുള്ളിൽ. മുറിക്കുള്ളിലേക്ക് കയറുമ്പോൾ കണ്ടിരുന്നു തന്നെ കാത്തിരിക്കുന്നവളെ...... ഏതോ ചിന്തയിലാണ്..... മുഖം ദേഷ്യത്തിൽ വലിഞ്ഞു മുറുകിയിരിക്കുന്നു..... മഹി മെല്ലെ അകത്തേക്ക് കയറി ഡോർ ലോക് ചെയ്തു. ആ ശബ്ദം കേട്ടതും മെറിൻ പെട്ടന്ന് മുന്നിലേക്ക്‌ നോക്കി...... ഓഹ്...... വന്നോ..... ഞാൻ കരുതി ഇന്ന് വിശന്ന് മരിച്ചാലും മഹി എത്തില്ലന്ന്..... രാത്രി അല്ലേ മെറിൻ..... ഒത്തിരി ദൂരെ പോയിട്ടാ വാങ്ങിയേ.... വാങ്ങിക്കൊണ്ടു വന്ന ഫുഡ്‌ ടേബിളിലേക്ക് വച്ചുകൊണ്ടവൻ പറഞ്ഞു..... എഴുന്നേറ്റ് വാ...... കഴിക്കാം... അടുത്ത് കിടന്ന കസേര കൂടി മേശക്കടുത്തേക്ക് നീക്കികൊണ്ടവൻ പറഞ്ഞു. വിശപ്പിന്റെ വിളി അധികമായതു കൊണ്ട് കൂടുതൽ ഉടക്കാൻ നിന്നില്ല. നേരെ ബാത്‌റൂമിലേക്ക് പോയി കൈ കഴുകി വന്നു. അപ്പോഴേക്കും മഹി ഓരോന്നായി തുറന്ന് വച്ചിരുന്നു..... എഴുന്നേറ്റ് അവനും ഒന്ന് കൈ കഴുകി വന്നു. നല്ല വിശപ്പുള്ളത് കൊണ്ട് മെറിൻ ഒന്നും മിണ്ടിയില്ല പകുതിയോളം നന്നായി കഴിച്ചു..... മഹി...... മ്മ്മ്മ് ...... മെറിൻ വിളിച്ചതും അവൻ ഫോണിൽ നോക്കിയിരുന്ന് കഴിച്ചുകൊണ്ടിരുന്നവൻ തലയുയർത്തി നോക്കി..... നന്ദൻ വിവാഹം കഴിച്ച പെൺകുട്ടിയെ അല്ലേ നിനക്ക് വേണ്ടി കണ്ടുവച്ചിരുന്നത്...... ഇപ്പോഴെന്താ അങ്ങനൊരു ചോദ്യം എന്നപോലെ നെറ്റി ചുളിച്ചുകൊണ്ട് അവൻ അവളെ നോക്കി. ശേഷം അതേ എന്ന് തലയാട്ടി..... അന്ന് പ്രശ്നങ്ങൾക്കിടയിൽ ഉണ്ടായ കല്യാണമല്ലേ...... അവൻ അതേ യെന്ന് വീണ്ടും തലയാട്ടി..... എന്നിട്ട് അവരെ കണ്ടാൽ ഒരുപാട് നാളായി കണ്ട് ഇഷ്ടപ്പെട്ടു വിവാഹം കഴിച്ചവരെ പ്പോലെ ഉണ്ടല്ലോ........ ഒന്ന് ഒന്നൊര മാസം കൊണ്ടൊക്കെ ഇത്രേം അടുക്കാൻ പറ്റോ? സംശയത്തോടെ അവനെ നോക്കി ചോദിച്ചു. അവർ നേരത്തേ പരിചയമുണ്ട് മെറിൻ.... അതെങ്ങനെ... അവൾ ചോദിച്ചു... നമ്മുടെ ട്യൂഷൻ അക്കാദമിയിലേ ടീച്ചർ ആണ് ഭാമ .... നന്ദൻ സ്കൂളിലും അവിടെയും മാറി മാറി പഠിപ്പിക്കുന്നുണ്ട്.... അതുകൊണ്ട് ഇരുവർക്കും നല്ലതുപോലെ അറിയാമായിരിക്കും....... ആയിരിക്കാം പക്ഷെ മഹി വിവാഹത്തിൽ നിന്ന് പിന്മാറിയ ഉടനെ നന്ദനെ കെട്ടാൻ അവൾ സമ്മതിച്ചില്ലേ....... അതിലെന്തോ ഇല്ലേ..... അവന്റെ ഉള്ളിലേക്ക് കരട് വീഴ്ത്താനെ ന്നോണം അവൾ ചോദിച്ചു ..... എന്തില്ലേന്ന്‌... അവർ തമ്മിൽ..... നിർത്ത് മെറിൻ അവളെ പറഞ്ഞു പൂർത്തിയാക്കാൻ അനുവദിക്കാതെ അവൻ ശബ്ദമുയർത്തി...... നിനക്ക് ദേഷ്യം വരാൻ പറഞ്ഞതല്ല മഹി എനിക്ക് തോന്നിയകാര്യമാ ഞാൻ പറഞ്ഞു വന്നത്..... മെറിൻ ചുണ്ട് കോട്ടിക്കൊണ്ട് പറഞ്ഞു... പിന്നെ ആ സന്ദർഭത്തിൽ അവർ എന്ത് ചെയ്യണമായിരുന്നു....... നാണം കെട്ട് തലതാഴ്ത്തണമായിരുന്നോ? അതോ ആത്മഹത്യ ചെയ്യണമായിരുന്നോ? ഒന്നോർത്തോ നമ്മൾ കാരണമാ ഇത്രയും പ്രശ്നങ്ങൾ ഉണ്ടായത്. അവൾ ഒന്നും മിണ്ടിയില്ല. സത്യത്തിൽ നിന്നെക്കാൾ വിവേകമുണ്ട് ആ കുട്ടിക്ക്... മര്യാദക്ക് കഴിച്ചിട്ട് എഴുന്നേറ്റ് പോകാൻ നോക്ക്..... ദേഷ്യത്തോടെ അത്രയും പറഞ്ഞുകൊണ്ട് അവൻ കഴിപ്പ് മതിയാക്കി എഴുന്നേറ്റ് ബാത്റൂമിലേക്ക് നടന്നു.... 💖💖💖💖 ഇതേ സമയം തങ്ങളെ ക്കുറിച്ചുള്ള ചർച്ചകൾ അറിയാതെ മുറിക്കുള്ളിൽ സുഖനിദ്ര യിലേക്ക് വീഴുകയായിരുന്നു നന്ദനും ഭാമയും. ഇരുവരുടെയും ചുണ്ടുകളിൽ മൃദുലമായൊരു പുഞ്ചിരി തത്തിക്കളിക്കുന്നുണ്ടായിരുന്നു അപ്പോഴും. 💚💚💚💚 മോളെ പ്രതേകിച്ച് ചെയ്യാൻ ഒന്നുമില്ല കേട്ടോ അവരൊക്കെ വരുന്നതല്ലേ ഞാൻ ഉച്ചക്കിങ്ങ് എത്തിയേക്കാം. ഹ്മ്മ്... അമ്മ തിരക്ക് പിടിക്കണ്ട .... പതിയെ വന്നാൽ മതി...... പല്ലവിക്കും ഇന്ന് പോണ്ടല്ലോ മോളും അവളും കൂടി കുറച്ചു കഴിഞ്ഞ് ആ തൊടിയിലേക്ക് ഇറങ്ങണെ.... ഏതൊക്കെയോ പച്ചക്കറികൾ പാകമായി നിൽപ്പുണ്ട്.... ഹാ ...... ഇറങ്ങിയേക്കാം..... അവൾ പറഞ്ഞുകൊണ്ട് അമ്മയ്ക്ക് പിന്നാലെ ഹാളിലേക്ക് വന്നു...... ഇന്ന് ഭാമയുടെ വീട്ടിൽ നിന്ന് എല്ലാവരും ഇങ്ങോട്ടേക്ക് വരുന്നുണ്ടെന്ന് വിളിച്ചു പറഞ്ഞു. അതുകൊണ്ട് ട്യൂഷൻ സെന്ററിലേക്ക് പോകാതെ ലീവ് എടുത്തിരിക്കുകയാണവൾ. ദേവകിയമ്മ അവർ വരുന്നത് പ്രമാണിച്ച് ഉച്ചക്ക് തിരിച്ചെത്താം എന്നുള്ള തീരുമാനത്തിലാണ്. പല്ലവിക്കിന്ന് ഓഫ്‌ ആണ്. അതുകൊണ്ട് കൂടിയാണ് ഉച്ചവരെ പോകാമെന്നവർ കരുതിയത്. നന്ദൻ ഇറങ്ങിയോ മോളെ....... നന്ദേട്ടൻ ഇറങ്ങീട്ട് കുറച്ച് നേരമായി..... ഹ്മ്മ്മ്..... മഹിയേയും ആ കുട്ടിയും താഴേക്ക് കണ്ടിട്ടില്ല ആഹാരമെല്ലാം ഡയിനിങ് ടേബിളിൽ വച്ചേക്ക് വേണമെങ്കിൽ കഴിക്കട്ടെ.... അല്ലെങ്കിൽ അവർക്ക് ഇഷ്ടപ്പെട്ടത് ഉണ്ടാക്കി കഴിക്കട്ടെ..... ഹ്മ്മ്..... ദേവകിയമ്മ പറഞ്ഞതും അവൾ തലയാട്ടി...... അമ്മ ഇറങ്ങട്ടെ...... ഹ്മ്മ്മ്..... അവൾ ശെരിയെന്നപോൽ മൂളിയതും അവർ പോകാനിറങ്ങി. ഭാമ ഉമ്മറത്തുനിന്നും തിരിഞ്ഞ് അകത്തേക്ക് കയറി..... ഇന്ന് രാവിലെയാണ് അപ്പ വിളിച്ചത്..... എല്ലാവരും ഒരുമിച്ച് വരുന്നുണ്ടെന്നും പറഞ്ഞു. വളരെ സന്തോഷം തോന്നി...... തന്നെ കാണാൻ വരുന്നതു കൊണ്ടാകും അപ്പയുടെ ശബ്ദത്തിലും ആ സന്തോഷം അറിയാനുണ്ട്...... എന്തായാലും ഉച്ചക്കായിരിക്കും എത്തുക. അവർക്ക് വേണ്ടി അത്യാവശ്യം കറികൾ ഒരുക്കിയിട്ടുണ്ട്..... ഒന്ന് രണ്ട് കറികൾ കൂടി ഉണ്ടാക്കി പായസം കൂടി ഉണ്ടാക്കിയാൽ പണി കഴിഞ്ഞു. അതിന് വേണ്ടി അടുക്കളയിലേക്ക് പോകാൻ തുടങ്ങുമ്പോഴായിരുന്നു കോണിപ്പടികളിൽ നിന്ന് തന്നെ തന്നെ നോക്കി നിൽക്കുന്ന മഹിയെ കാണുന്നത്...... തുടരും...... 💚🌺 കുറച്ചേ ഉള്ളൂ.... ബാക്കി നാളെ തരാം. ലൈക് ചെയ്ത് അഭിപ്രായങ്ങൾ എഴുതണേ.. കണ്ണൂർകാരൻ ❤️❤️❤️❤️❤️ #📚 ട്വിസ്റ്റ് കഥകൾ #💞 പ്രണയകഥകൾ #✍ തുടർക്കഥ #📙 നോവൽ #📔 കഥ