📙 നോവൽ

352K Posts • 2147M views

1K views • 7 hours ago

#📙 നോവൽ - കാശിയുടെ പെണ്ണ് 💐 🔻പാർട്ട്_ 105 ✍️ രചന - ജിഫ്ന നിസാർ ❣️ കാർത്തുവിന്റെ മുറിയിൽ നിന്നുമുള്ള ബാൽക്കണിയിലെ ഊഞ്ഞാലിൽ അവൾ മുറിച്ചു കൊടുക്കുന്നാ ആപ്പിളും തിന്ന് കൊണ്ടവളോട് ചേർന്നിരിക്കുമ്പോഴാണ് ശിവയങ്ങോട്ട് കയറി ചെന്നത്... കാശിയുടെ തോളിൽ ചാരി അവനെ പറ്റിപിടിച്ചിരിക്കുന്നവൾ.. ആഹാ... ഇവിടിപ്പോ ആർക്കാ വയ്യായ്ക.." ആ കാഴ്ച നൽകിയ സന്തോഷത്തോടെ തന്നെയാണ് അവൻ അവർക്കടുത്തേക്ക് ചെന്നത്. നീ ജീവനോട് ഉണ്ടോ ഡാ നാറി.. " രണ്ടൂസമായിട്ടും അവനെ അങ്ങോട്ട് കാണാത്ത പരിഭവം കൊണ്ടാണ് കാശിയങനെ പറഞ്ഞത്. ഇല്ലെടാ..ഇന്നലെ ഞാൻ ചത്ത്..ഇന്ന് രാവിലെ കൂടി നിന്നെ വിളിച്ചു സംസാരിച്ചതെന്റെ പ്രേതമായിരുന്നു.." ശിവയുമൊരു ചിരിയോടെ അവർക്കിടയിലേക്ക് കയറി ചെന്നു. "ഇരിക്ക് ശിവേട്ട.. ദേ ഇത് കഴിക്ക്.." കാർത്തു ആ സംസാരങ്ങളൊന്നും തന്നെ ശ്രദ്ധിക്കാതെ അവനിരിക്കാൻ സ്ഥലം ചൂണ്ടി കാണിച്ചു കൊണ്ട് ആപ്പിൾ കഷ്ണം മുറിച്ചത് നീട്ടി. എനിക്ക് വേണ്ട കുഞ്ഞാറ്റ.. നീ അവന് തന്നെ കൊടുത്തേക്ക്... എങ്ങനെ ഉണ്ടെടാ ഇപ്പൊ.. വേദനയുണ്ടോ.. " രണ്ടു പേരോടുമായി സംസാരിച്ചു കൊണ്ട് തന്നെ ശിവ അവർക്കരികിൽ പോയിരുന്നു. വേദന.... അതൊക്കെ പോയെടാ.. ഇപ്പൊ ആകെയൊരു വലിച്ചിലും മടുപ്പും.. അത് മാറാൻ ഈ മരുന്നൊന്നും പോരാ.. " കാശുയുടെ മുഖം വലിഞു മുറുകി. മുഖം കടുത്തു.. അവനെന്താണ് ഉദ്ദേശിച്ചതെന്ന് ശിവക്കും മനസ്സിലായി. "നിങ്ങളെന്ന സംസാരിക്ക്. ഞാൻ താഴെ ഉണ്ടാവും.. ശിവേട്ടന് കുടിക്കാൻ എടുക്കാം.. കഴിച്ചിട്ട് പോയ മതി കേട്ടോ..ഞാൻ അമ്മയോട് പറയാം.."അടുത്ത ആരെയോ കണ്ട സന്തോഷമുണ്ടവൾക്ക്. കാരണം വന്നിരിക്കുന്നത് അവളുടെ പ്രിയപ്പെട്ടവന്റെ ഏറ്റവും പ്രിയപ്പെട്ട ഒന്നാണ്. ആ ഒരിഷ്ടം അവൾക്കും അവനോട് തോന്നുന്നുണ്ട്. എന്തേലും വേണേൽ വിളിച്ചോ ട്ടോ.. പോകും മുൻപ് അവൾ കാശ്യോടും ഓർമ്മിപ്പിച്ചു. "മ്മ്... ചെല്ല്. നിന്റച്ചനും അമ്മയ്ക്കും മോളെ നല്ലോണം മിസ് ചെയ്യുന്നുണ്ടാവും.. ഇവിടിപ്പോ ഏത് നേരവും എന്റെ കൂടെയല്ലേ.. അവർക്ക് അർഹമായ എന്തോ ഒന്ന് ഞാൻ നുഴഞ്ഞു കയറി കയ്യടക്കി വെച്ച പോലെ.. അത്‌ കൊണ്ടെന്റെ കുഞ്ഞാറ്റ കിളി പോയി കുറച്ചു നേരത്തെക്ക് അവരുടെ മോളായിക്കോ ട്ടോ.." തിരികെ പോകാൻ തിരിഞ്ഞവളോട് അവനല്പം കാര്യമായിട്ട് തന്നെ പറഞ്ഞു കൊടുത്തു. ശിവ സന്തോഷത്തോടെ ചിരിയോടെ അവരുടെയായ ആ സ്നേഹകാഴ്ചകളിലെക്ക് നോക്കിയിരുന്നു. കാശി അന്നങ്ങനെ ഒരു ധൈര്യം കാണിച്ചില്ലായിരുന്നെങ്കിൽ എന്ത് ദുരന്തമായേനെ രണ്ടിന്റെയും ലൈഫ്. അവനതാണ് ഓർത്തത്. മനസ്സ് നിറയാൻ ഇത് മതി ഇന്നിപ്പോൾ ഇണകിളികളെ പോലെ... കാർത്തു അതിന് ഉത്തരമൊന്നും പറയാതെ അവനെ നോക്കി ഒന്ന് ചിരിക്കുക മാത്രം ചെയ്തിട്ടിറങ്ങി പോകുകയും ചെയ്ത്.. എന്താടാ നിനക്കൊരു ചിരിയൊക്കെ.. " കാർത്തു പോയ വഴിയിൽ നിന്നും നോട്ടം മാറ്റിയ കാശി കാണുന്നത് തന്നെ നോക്കി ചിരിക്കുന്ന ശിവയെ. "ഒന്നുല്ല...! അതേ ചിരിയോടെ തന്നെ അവനൊന്നു തലയാട്ടി. മനസ്സിലായെന്ന പോലെ അതേ ചിരിയപ്പോൾ കാശിക്കുമുണ്ട്. "അവളില്ലാത്ത ഞാൻ ഭയങ്കര ബോറായി പോയേനെ... ശൂന്യമായി പോയേനെ.." പതിയെ അത് പറയുമ്പോൾ പോലും.. അന്ന് വരെയും അവന്റെ കണ്ണുകളിൽ മിന്നി മാഞ്ഞ ആ ഒരുവളോടുള്ള അടങ്ങാത്ത സ്നേഹമാണ് ശിവയറിഞ്ഞത്. "എന്നിട്ടാണോ ഡാ മഹാ പാപി.. ആ പാവം പെണ്ണിനെ നീ ചുമ്മാ കലിപ്പിട്ട് വെറുപ്പിച്ചത്.. മാനസ മൈന പാടി നടക്കാൻ പ്രാക്ടീസ് നടത്തിയ ആളാണ്‌.. എന്നിട്ടിപ്പോ അവന്റെയൊരു ഒലിപ്പീര്.." ശിവയത് അപ്പാടെ പുച്ഛിച്ചു വിട്ടു. പക്ഷേ കാശിക്കപ്പോഴും ചിരി തന്നെയാണ്. ശിവക്കത് സന്തോഷവും. "നാട്ടിലെന്താടാ വിശേഷം.. അത് പറയ്യ് നീ.. എനിക്കിങ്ങനെ ഇവിടെ ഇരുന്നിട്ട് എന്തോ പോലെ.." കാശി മുഖം ചുളിച്ചു. "ആഹ്.. തത്കാലം ആ എന്തോ പോലെ നീയങ്ങു വിഴുങ്ങിക്കോ.. അല്ലേൽ ശെരിയാവില്ല. മഹേഷിന്റെ കാര്യം ഒരു വശത്ത്.. പിന്നെ ഈ മുറിവും വെച്ചോണ്ട് ഇച്ചിരി അടങ്ങി ഇരിക്കാൻ നിനക്കിവിടാ സേഫ്.. അത് കൊണ്ട് മോൻ സഹിച്ചോ ട്ടാ.." "അവനെ ഞാൻ വെറുതെ വിടുമെന്നാണോ..." കാശി പല്ല് കടിച്ചു കൊണ്ടത് ചോദിച്ചു. വല്ലാത്തൊരു ദേഷ്യമുണ്ടപ്പോൾ അവന്റെ മുഖം നിറയെ.. മഹേഷിനെ ഓർക്കുമ്പോൾ പോലും അവന്റെ ഞരമ്പിൽ തീ പിടിക്കുന്നത് പോലാണ്. കയ്യോടെ അവന് കൊടുക്കാനുള്ളത് കൊടുത്തു തീർക്കാതെ അതിനി മാറില്ല. "ഇല്ലെന്നുറപ്പല്ലേ.. അത് കൊടുത്തു തീർക്കാൻ ഞാനും ഉണ്ടല്ലോ നിന്റെ കൂടെ.. പക്ഷേ ആദ്യം നീയൊന്ന് റെഡിയാവട്ടെ. അല്ലാതിപ്പോ തന്നെ വീര്യം കാണിക്കാനും പക തീർക്കാനും ഇറങ്ങി പോയാൽ നഷ്ടം നിനക്ക് തന്നെയാണ്.." ശിവ ഓർമ്മിപ്പിച്ചു. അച്ഛമ്മ അറിഞ്ഞോടാ..ഈ പുകിലൊക്കെ.വിളിയൊന്നും വന്നിട്ടില്ല..എനിക്കിത് വരെയും അങ്ങോട്ട്‌ വിളിച്ചാൽ വല്ലതും ചുഴിഞ്ഞറിയുമോ എന്ന് പേടിച്ചിട്ടാ.. ഞാൻ വിളിച്ചിട്ടും ഇപ്പൊ കുറച്ചായി.. വെറുതെ എന്തിന് അതിനെ കൂടി പേടിപ്പിക്കാൻ.. നീ വിശേഷം വല്ലതും അറിഞ്ഞോ... പിന്നെ " കാശി ചോദിച്ചപ്പോൾ ശിവ ഞെട്ടി കൊണ്ടവനെ നോക്കി. മനസ്സിലിരുന്ന് പുകയുന്നതെല്ലാം അവനോടായി പങ്ക് വെക്കാൻ ഒരവസരം കിട്ടിയത് പോലാണ് പിന്നെ തോന്നിയത്. അവനായിട്ട് തന്നെ ഒരു വഴി തുറന്നു തന്നിരിക്കുന്നു. എന്താടാ.." ശിവയുടെ മുഖഭാവത്തിൽ നിന്ന് തന്നെ കാശി എന്തൊക്കെയോ പ്രശ്നമുണ്ടെന്ന് ഊഹിച്ചെടുത്തു. അത്... ചെറിയൊരു പ്രശ്നമുണ്ട് കാശി.." ശിവയുടെ ശബ്ദം വല്ലാതെ നേർത്തു പോയിരിക്കുന്നു. "സസ്പെൻസ് ഇട്ട് കളിക്കാതെ നീ കാര്യം പറയുന്നുണ്ടോ ശിവ... കാശിക്ക് ടെൻഷനേറി തുടങ്ങി. അതിനൊപ്പം ദേഷ്യവും. ഒരൊറ്റ ശ്വാസത്തിൽ തനിക്കറിയാവുന്ന കാര്യങ്ങളെല്ലാം ശിവ പറയുബോൾ കാശി അവനെ മിഴിച്ചു നോക്കി. "ഇനിയിപ്പോ പേടിക്കാൻ ഒന്നുമില്ല കാശി. അവളിപ്പോ ഒക്കെയാണ്.." ആ ഇരിപ്പ് കണ്ടിട്ടൊരു സങ്കടത്തോടെ ശിവ പറഞ്ഞു. "അപ്പൊ.. ഇതൊക്കെ കഴിഞ്ഞിട്ട് കുറെ ദിവസം ആയോ ഡാ.." കാശിയുടെ നോട്ടം ശിവക്ക് നേരെ കൂർത്തു. "അല്ലടാ അത്...ഇതിനെ കുറിച്ചൊന്നും പറയാൻ പറ്റുന്ന അവസ്ഥയിൽ അല്ലായിരുന്നു നീയും. നിനക്കറിയാലോ..നിന്റെ ഡോക്ടർ തന്നെയാണ് ഇപ്പോഴൊന്നും നിന്നോട് പറയരുതെന്ന് നിർബന്ധിച്ചു പറഞ്ഞത്.." പറയാഞ്ഞതിൽ അവന് തന്നോട് നീരസം തോന്നുമോ എന്നൊരു ടെൻഷനുമുണ്ട് ശിവക്കും. "അത്രയും സീരിയസ് ആയിരുന്നു.. എന്നല്ലേ അപ്പോൾ അർഥം.." "എന്ന് ചോദിച്ചാൽ ആയിരുന്നു. പക്ഷേ പറഞ്ഞല്ലോ ഞാൻ.. ഇപ്പൊ ഒക്കെയാണ്..അവൾക്കൊരു കുഴപ്പവുമില്ല. ഇന്നോ നാളെയോ ഡിസ്ചാർജ് ആയേക്കും.. ഞാൻ ഹോസ്പിറ്റലിൽ പോയിരുന്നു.." "സമ്മതിച്ചു.. ഇപ്പൊ ഒക്കെയാണ്. പക്ഷേ അന്ന്.. അന്നെനിക്ക് കാണാൻ കഴിയാതെ...അവൾക്കെന്തെങ്കിലും പറ്റിയിരുന്നെങ്കിൽ.. എന്താവുമായിരുന്നു ശിവ.." അവനെന്താണ് ഉദ്ദേശിച്ചതെന്ന് ശിവക്ക് മനസ്സിലായി. "നീ വെറുതെ ടെൻഷൻ ആവാതെടാ.. അങ്ങനൊന്നും ഉണ്ടായില്ലല്ലോ.. അവളെയിപ്പോ മുറിയിലേക്ക് മാറ്റി.. പിന്നെ മറ്റൊരു ആശ്വാസം.. ഗായത്രിയെ അവളുടെ വീട്ടുകാർ അംഗീകരിച്ചു എന്നുള്ളതാ..." മറ്റൊന്നും ഓർക്കാതെ അവനൊരു ചിരിയോടെ പറയുമ്പോൾ വീണ്ടും കാശിയുടെ കണ്ണുകൾ ചുരുങ്ങി. "അതും ഇതും തമ്മിലെങ്ങനെ... സത്യം പറഞ്ഞോ ശിവ.. ഇനിയും എന്തൊക്കെയോ നിനക്ക് പറയാനുണ്ടല്ലോ.." കാശിയുടെ മുഖം വലിഞ്ഞു മുറുകി. ഭവ്യയുടെ ഗർഭം അടക്കം... അവൾ അമിത ഡോസിൽ ഗുളിക കഴിച്ചു ഹോസ്പിറ്റലിൽ ആയത് വിഷ്ണു ഗായത്രിയിൽ കുറ്റം ആരോപണം നടത്തിയത് അടക്കം ശിവക്ക് അവനു മുന്നിൽ പറയേണ്ടി വന്നു... "എനിക്ക്... ഹോസ്പിറ്റലിൽ പോണം ശിവ.. അവളെ കാണാൻ.." അതേ ഭാവത്തിൽ തന്നെ അവൻ എഴുന്നേറ്റു. "അല്ലെടാ... അവളിപ്പോ ഒക്കെയാണ്.. നീ ഈ തലയും വെച്ച്..." "പിന്നെ തലയിവിടെ ഊരി വെച്ച് പോകാനോക്കുമോ.. എടാ അവളെന്റെ അനിയത്തിയാണ്.ഇത്രേം ദിവസം ഞാനിതൊന്നും അറിഞ്ഞില്ലെന്നു പറയാമായിരുന്നു.. ഇനിയും എല്ലാം അറിഞ്ഞിട്ടും എനിക്കിവിടെ ഇങ്ങനെ തന്നെ ഇരിക്കാൻ കഴിയുമെന്ന് നിനക്ക് തോന്നുന്നുണ്ടോ ശിവ...." കാശി ഒച്ചയിട്ട് കൊണ്ടവനെ നോക്കി. മുൻപ് അവനോട് പറയാഞ്ഞത് എത്ര നന്നായി എന്നായിരുന്നു ശിവക്കാ നിമിഷം തോന്നിയത്. എന്താ.. എന്താ കാശ്യേട്ടാ.. പതിയെ പറ.. മുറിവ് വേദനിക്കും.." അവർക്ക് കുടിക്കാനുള്ളതുമായി വന്നിരുന്ന കാർത്തു പെട്ടന്നുള്ള ബഹളം കേട്ടിട്ട് ഓടി വന്നു. ഒന്നുല്ല കുഞ്ഞാറ്റ.. അവൻ ഹോസ്പിറ്റലിൽ പോകാൻ... അയ്യോ.. ന്ത്‌ പറ്റി.. വീണ്ടും വേദന വന്നോ.. തല എവിടേലും ഇടിച്ചോ.. " ശിവയത് പറഞ്ഞു മുഴുവനാക്കും മുൻപ് കാർത്തു കാശിയുടെ നെറ്റിയിലെ മുറിവിലേക്ക് നോക്കി വെപ്രാളത്തോടെ ചോദിച്ചു. "ഇവൾക്കറിയില്ലേ..." കാശി ശിവയോട് ചോദിച്ചു. "അവളറിഞ്ഞ പിന്നെയത് നീ അറിഞ്ഞത് പോലല്ലേ.." ശിവ തന്നെയാണ് കാർത്തുവിനോടും വിവരം പറഞ്ഞു കൊടുത്തത്.. ഞാനൂടി വരാ... കാശിയോട് പോകണ്ടാന്നൊന്നും പറഞ്ഞില്ല..കാർത്തു. പകരം പറഞ്ഞതങ്ങനെയാണ്. ഇതിനോടകം തന്നെ കാശി അവൾ കൊടുത്ത ജൂസും കുടിച്ച് കൊണ്ടകത്തേക്ക് കയറി പോയിരുന്നു.. 💥💥 സമ്മതിച്ചു വിഷ്ണു നാദ്.. താനും തന്റെ അമ്മയും ഇത്രയും നേരത്തെ കുമ്പസാരത്തിൽ ഗായത്രിക്ക് ഭവ്യയോടുള്ള വൈരാഗ്യവും അതിന്റെ പേരിൽ നടത്തിയ കൊലപാതകശ്രമവും. അതാണ് ഇവിടെ സംഭവിച്ചത്.എല്ലാം ഞങ്ങൾ സമ്മതിച്ചു.. പക്ഷേ.. അന്ന്.. അതായത് ഭവ്യ അബോധവസ്ഥയിൽ ഹോസ്പിറ്റലിൽ അഡ്മിറ്റ് ആയ അന്ന്.. അന്നവൾക്ക് മെഡിസിൻ കൊടുത്തത് വിഷ്ണു തന്നെയാണോ...? പോലീസ് ഓഫീസറുടെ ചോദ്യവും നോട്ടവും. ഭവ്യ അയാളോട് സത്യം പറഞ്ഞു കാണും. അതാവും ഈ ചോദ്യം.താൻ ഗുളിക പൊട്ടിച്ചു കൊടുക്കുമ്പോൾ അവൾക്ക് ബോധമുണ്ടായിരുന്നല്ലോ.. അത് കൊണ്ട് തന്നെ ഇനിയിപ്പോ കള്ളം പറഞ്ഞു കൊണ്ട് കൂടുതൽ പ്രശ്നമുണ്ടാക്കേണ്ട എന്നൊരു ഭാവത്തിൽ വിഷ്ണു ആണെന്ന് സമ്മതിച്ചു. " കൊടുത്തത് ഞാനാണ്. പക്ഷേ അതെനിക്ക് തന്നത് ദേ ഇവളാ.. ഇല്ലേൽ സാറ് ചോദിക്ക്..അപ്പോഴും ഞാൻ അറിഞ്ഞില്ല അതെനിക്കിങ്ങനേ നിൽക്കാനുള്ള ഒരു കാരണമാവുമെന്ന്.. " വിഷ്ണു ഗായത്രിയെ നോക്കി പല്ല് കടിച്ചു. അവൾ രാജശേഖരന്റെ കയ്യിൽ ചുറ്റി പിടിച്ചു നിൽപ്പുണ്ട്. "ഭവ്യ പറഞ്ഞത് പ്രകാരം.. ഞാൻ ആളെ വിട്ട് അവളുടെ റൂം സേർച്ച്‌ ചെയ്യിപ്പിച്ചു.. ആ വീട്ടിൽ ആരും അറിയാതെ ഭവ്യ സ്വന്തം മുറിയിൽ സിസിടിവി ക്യാമറ സ്ഥാപിച്ചത് ഇങ്ങനൊന്നും മുൻകൂട്ടി കണ്ടത് കൊണ്ടായിരിക്കുമല്ലോ .. ഇനിയിപ്പോ അതിനെ കുറിച്ച് വിഷ്ണുനാദെന്നാ ഏട്ടൻ എന്ത് പറയുന്നു..ഏഹ്.." അങ്ങേയറ്റം പരിഹാസം നിറഞ്ഞു നിൽക്കുന്ന ആ ചോദ്യത്തിൽ തന്നെ വിഷ്ണു അപകടം തിരിച്ചറിഞ്ഞു. സിസിടിവി.. അവളോ.. " അവൻ വിശ്വാസം വരാത്ത പോലെ എടുത്തു ചോദിച്ചു. "അതെ.. സിസിടിവി തന്നെ.. വിശ്വാസം വരുന്നില്ലേ നിനക്ക്.. എങ്കിൽ സംഭവം സത്യം തന്നെയാണ്.. കുരുട്ട് ബുദ്ധിയുടെ ആശാനായ വിഷ്ണുനാദിന്റെ അനിയത്തി തന്നെയാണ് ഭവ്യ ഈ കാര്യത്തിൽ.വിഷ്വൽ മാത്രമല്ല.. വോയ്‌സ് നോട്ട് അടക്കം നല്ലത് പോലെ പതിഞ്ഞു കിട്ടുന്ന അത്യാവശ്യം കോസ്റ്റലി ആയിട്ടുള്ള ആ സിസിടിവി പല സത്യങ്ങളും തുറന്നു കാട്ടിയിട്ട് തന്നെയാണ് വിഷ്ണു നാദേ ഞാനിപ്പോൾ നിന്റെ മുന്നിൽ...ഇങ്ങനെ നിവർന്നു നിൽക്കുന്നത്." ഓഫീസർക്ക് പരിഹാസ ചിരി തന്നെയാണ്. "നിങ്ങളെന്താ... ഈ കുറ്റം എന്റെ തലയിൽ കെട്ടി വെക്കാൻ നോക്കുന്നോ." ഉള്ളിലെ വിറയൽ അടക്കി കൊണ്ടവൻ ഉറക്കെ ചോദിച്ചതും ഓഫീസർ കൈ നിവർത്തി ഒരൊറ്റയടി.. വിഷ്ണു പിന്നിലേക്ക് ചാഞ്ഞു പോയി.. "കുറ്റം നല്ലത് പോലെ വെടിപ്പായി സാറ് ചെയ്തിട്ടും പിന്നെയും പൊട്ടൻ കളിക്കുന്ന നിന്റെ തലക്ക് ബെസ്റ്റ് ആക്ടർ അവാർഡ് തരികയാണ് വേണ്ടതെന്നു അറിയാഞ്ഞല്ലടാ പൊന്ന് മോനെ.. നീ എവിടം വരെയും പോകും എന്ന് നോക്കിയതല്ലേ..ഞാൻ " പൂർണ്ണമായും താനൊരു കെണിയിൽ വീണു കുരുങ്ങി പോയെന്നുള്ളത് വിഷ്ണുവിന് മനസ്സിലാക്കി കൊടുക്കുന്നത് കൂടിയായിരുന്നു ആ വാക്കുകൾ. അമിത ആത്മ വിശ്വാസമിപ്പോൾ തനിക്ക് പണിതന്നിരിക്കുന്നു. ഇത് വരെയും ചെയ്തു കൂട്ടിയതിൽ നിന്നും ലാഘവത്തോടെ ഊരി വന്നത് പോലൊരു രക്ഷ ഈ കാര്യത്തിൽ ഉണ്ടാവില്ല. കാരണം എതിരെ നിൽക്കുന്ന ശത്രു.. അത് പ്രബലനാണ്. ഭവ്യക്ക് വേണ്ടി കൊടുത്ത പരാതി എന്നാണ്. പക്ഷേ അതയാൽ അയാളുടെ മകൾക്ക് വേണ്ടി കൊടുത്തതാണ്. ഉറപ്പായും അയാളത് ചെയ്യും. കൂട്ടത്തിൽ തനിക്കുള്ള പണിയും. മകളെ ഉപദ്രവിച്ചു എന്നതും അവളുടെ ജീവിതം കരുതി കൂട്ടി നശിപ്പിച്ചു എന്നുള്ളതിനും കൂട്ടി ചേർത്ത് കിട്ടുന്ന ശിക്ഷ.. അത് ഒട്ടും ചെറുതാവില്ല. അവന്റെ കണ്ണുകൾ രാജശേഖരന്റെ നേരെയൊന്ന് പാളി.. കളി കാണുന്ന ലാഘവത്തോടെ മകളെയും ചേർത്ത് പിടിച്ചു കൊണ്ടുള്ള ആ നിൽപ്പ്.. അങ്ങനൊന്നും ഇനിയീ ജന്മത്ത് പ്രതീക്ഷിക്കുന്നില്ലാത്തവന് അതൊരു ഷോക്ക് തന്നെയാണ്. അതിന്റെ പരിണിത ഫലങ്ങൾ താങ്ങാനും പറ്റില്ല.. "നീയും നിന്റെ തള്ളയും കൂടി കുടുംബത്തിന്റെ സൽപ്പേര് മാങ്ങ തൊലി എന്നൊക്കെ പറഞ്ഞിട്ടിത് ഒതുക്കി തീർക്കാൻ നോക്കിയത് തന്നെ കള്ളത്തരമാണ്.അവിടെ മുതൽ ഡോക്ടർക്ക് നിങ്ങളെ സംശയമുണ്ടെന്ന് പറഞ്ഞു കഴിഞ്ഞു.. സൽപ്പേര് ഉള്ള കുടുംബത്തിനല്ലേ വിഷ്ണുനാദേ അത് നില നിർത്തേണ്ട കാര്യമുള്ളു. നീ കുടുംബം ഏറ്റെടുത്തതിൽ പിന്നെ എന്തോന്ന് പേര്.." പോലീസ് ഓഫീസർ ചുണ്ട് കോട്ടി കൊണ്ടത് പറയുമ്പോൾ വിഷ്ണു രക്ഷപ്പെട്ടു പോകാനുള്ള വഴികളെ കുറിച്ചാണ് ഓർത്തത് മുഴുവൻ. "ഇത് കേസാക്കിയ.. മകളെ നാണം കെടുത്തിയാൽ കെട്ടി തൂങ്ങി ചാവും എന്നല്ലേ നിങ്ങൾ ഡോക്ടറോട് പറഞ്ഞത്.. അന്വേഷിച്ചു വന്നപ്പോ നിങ്ങളെ പോലൊരു തള്ള ജീവിച്ചിരിക്കുന്നത് കൊണ്ടും പ്രതേകിച്ചു കാര്യമൊന്നുമില്ല.. അത് കൊണ്ട് ഇപ്പൊ വേണേലും അതാവാം കേട്ടോ സുഗന്ധി.. കാരണം ഇനിയങ്ങോട്ട് ഇതൊരു കേസാണ്.. അടപടലം പൂട്ടി ഞാൻ അന്വേഷിച്ചു സത്യം പുറത്ത് കൊണ്ട് വരും..ഉറപ്പ്.." അത് കൂടി കേട്ടതോടെ സുഗന്ധി വിറക്കാൻ തുടങ്ങി.. അവരുടെ നോട്ടം വിഷ്ണുവിന്റെ നേരെ നീണ്ടു. ആ മുഖത്തെ പതർച്ചയറിഞ്ഞതും അവരിൽ ബാക്കിയുള്ള ധൈര്യം കൂടി മാഞ്ഞു പോയി.. "ഇനിയെന്തേലും പറയാനുണ്ടോ ആവോ.." അങ്ങേയറ്റം പരിഹാസത്തോടെയുള്ള പോലീസിന്റെ ചോദ്യം. അതിന് ഉത്തരം പറയാൻ തിരിഞ്ഞ വിഷ്ണുവിന്റെ നോട്ടം ചെന്നു നിന്നത്.... വാതിൽക്കൽ ചാരി നിന്നിട്ടത് മുഴുവനും കേട്ടു എന്നൊരു ഭാവത്തിൽ.. മുറുക്കത്തിൽ നിൽക്കുന്ന കാശിയുടെ നേരെയാണ്.. തുടരും... നല്ല പഷ്ട് സീൻ.. ഈ കഥയിൽ ഞാൻ ഏറെ ആവേശത്തിൽ എഴുതിയത് ഇതാണ്.. ഈ സീൻ. എനിക്കേറെ ഇഷ്ടമുള്ളതും ഇത് തന്നെ.. കർമ.... വരിക തന്നെ ചെയ്യും.. തരിക തന്നെ ചെയ്യും.. റിവ്യൂ ഇടണേ.. സ്നേഹത്തോടെ jif❣️ #📔 കഥ #💞 പ്രണയകഥകൾ

• 24 shares

പ്രിയപ്പെട്ടവൾ

2K views • 26 days ago

❤️‍🔥 The women who destroyed Him ❤️‍🔥 Part 12 രാത്രി ഒമ്പത് മണി. ജോയിന്റ് പ്രോജക്ടുമായി ബന്ധപ്പെട്ട തുടർച്ചയായ മീറ്റിംഗുകൾക്ക് ശേഷം ഓഫീസിലെ കോൺഫറൻസ് റൂം പതിയെ ഒഴിഞ്ഞുതുടങ്ങി. മേശപ്പുറത്ത് ചിതറിക്കിടന്ന ഫയലുകളും ലാപ്ടോപ്പുകളും ദിവസത്തെ ക്ഷീണം പറഞ്ഞറിയിക്കുന്നുണ്ടായിരുന്നു. പുറത്ത് മിന്നലോടുകൂടിയ മഴ തുടങ്ങി. ഗ്ലാസ് ജനലിലൂടെ മഴത്തുള്ളികൾ നഗരത്തിന്റെ വെളിച്ചങ്ങളെ മങ്ങിച്ചുകൊണ്ടിരുന്നു. ─── "ഇന്നത്തേക്ക് ഇത്ര മതി." വിഹാൻ ഫയൽ അടച്ചു. "ബാക്കിയുള്ളത് നാളെ." എല്ലാവരും പതിയെ എഴുന്നേറ്റ് പുറത്തേക്ക് പോയി. അവസാനം കോൺഫറൻസ് റൂമിൽ അവനും ആധിഷയും മാത്രം ബാക്കിയായി. ആധിഷ തന്റെ ഫയലുകൾ ക്രമപ്പെടുത്തി ബാഗിൽ വെച്ചു. ഒരു വാക്കുപോലും പറയാതെ പുറത്തേക്ക് നടന്നു. വിഹാനും പതുക്കെ അവളുടെ പിന്നാലെ ഇറങ്ങി. ഓഫീസിന്റെ പ്രധാന കവാടം തുറന്നതും ശക്തമായ മഴ മുഖത്തേക്ക് അടിച്ചു. പാർക്കിംഗ് ഏരിയ മുഴുവൻ വെള്ളം നിറഞ്ഞിരുന്നു. ജീവനക്കാർ ഓടിക്കയറി കാറുകളിൽ കയറുകയായിരുന്നു. ചിലർ കുട തുറന്നു. ചിലർ മഴ കുറയാൻ കാത്തുനിന്നു. ആധിഷ ഒരു നിമിഷം മഴയിലേക്ക് നോക്കി ശേഷം യാതൊരു മടിയും കൂടാതെ മുന്നോട്ട് നടന്നു. അവളുടെ കൈയിൽ കുട ഉണ്ടായിരുന്നില്ല. വിഹാൻ അത് ശ്രദ്ധിച്ചു. അവൻ ഉടനെ തന്റെ കുട തുറന്ന് അവളുടെ അടുത്തേക്ക് നടന്നു. "ആധിഷ." അവൾ തിരിഞ്ഞുനോക്കി. വിഹാൻ കുട അവളുടെ നേരെ നീട്ടി. "ഇത് ഉപയോഗിക്കൂ." ആധിഷ കുടയിലേക്കും പിന്നെ വിഹാനിലേക്കും നോക്കി. "വേണ്ട." "മഴ വളരെ ശക്തമാണ്." "അറിയാം." "നീ നനയും." ആധിഷ ചെറുതായി മഴയിലേക്ക് നോക്കി. മഴത്തുള്ളികൾ അവളുടെ മുടിയിലും തോളുകളിലും വീഴാൻ തുടങ്ങി. "അതുകൊണ്ട് ഒന്നും സംഭവിക്കില്ല." വിഹാൻ ഒരു പടി മുന്നോട്ട് വന്നു. "ഇത് സഹായം അല്ല. സാധാരണ മര്യാദയാണ്." ആധിഷ കുറച്ചുനേരം അവനെ നോക്കി നിന്നു. "വിഹാൻ... എനിക്ക് ആളുകളുടെ നല്ല മനസ്സ് മനസ്സിലാകും..... പക്ഷേ... അത് സ്വീകരിക്കണമോ വേണ്ടയോ എന്നത് എന്റെ തീരുമാനമാണ്." അവൾ വീണ്ടും നടക്കാൻ തുടങ്ങി. വിഹാൻ അവളുടെ ഒപ്പം നടന്നു. കുട ഇപ്പോഴും അവന്റെ കൈയിൽ തുറന്നിരുന്നു. "എങ്കിൽ കുറഞ്ഞത് കാറ് വരെ എങ്കിലും—" ആധിഷ അവനെ തടഞ്ഞു. "എന്തുകൊണ്ടാണ് നീ ഇത്രയും ശ്രമിക്കുന്നത്?" ആ ചോദ്യം കേട്ട് വിഹാൻ കുറച്ചുനേരം മിണ്ടാതെ നിന്നു. അവന് മറുപടി അറിയില്ലായിരുന്നു. കുറച്ച് ദിവസങ്ങൾക്ക് മുമ്പ് അവൾ അവന്റെ എതിരാളി മാത്രമായിരുന്നു. ഇപ്പോൾ... അവൾ മഴയിൽ നനയുന്നത് പോലും അവന് അസ്വസ്ഥതയുണ്ടാക്കുകയായിരുന്നു. അവൻ പതുക്കെ പറഞ്ഞു. "അറിയില്ല. പക്ഷേ നിന്നെ ഇങ്ങനെ വിട്ടുപോകാൻ തോന്നിയില്ല." ആധിഷയുടെ കണ്ണുകൾ ഒരു നിമിഷം അവന്റെ മുഖത്ത് നിന്നു. ആ കണ്ണുകളിൽ ആദ്യമായി ഒരു ചെറിയ മാറ്റം. അത്ഭുതമോ... ചിന്തയോ... വിഹാന് മനസ്സിലായില്ല. അവൾ കൈ നീട്ടി. ഒരു നിമിഷം വിഹാൻ കുട അവൾ വാങ്ങുമെന്ന് കരുതി. പക്ഷേ... അവൾ കുട പതുക്കെ അവന്റെ നേരെ തിരികെ തള്ളി ശേഷം വളരെ ശാന്തമായി പറഞ്ഞു. "എനിക്ക് സഹായം ചോദിക്കേണ്ടിവന്നാൽ..." ഒരു നിമിഷം നിർത്തി. "ഞാൻ ചോദിക്കും..... അത് വരെ... എന്നെ എന്റെ രീതിയിൽ നടക്കാൻ അനുവദിക്കൂ." അത്ര മാത്രം. അവൾ തിരിഞ്ഞ് മഴയിലൂടെ നടന്നു. മഴ ശക്തമായി പെയ്തിട്ടും അവളുടെ നടത്തത്തിന് യാതൊരു മാറ്റവും ഉണ്ടായില്ല. വിഹാൻ അവിടെ തന്നെ നിന്നു. കുട അവന്റെ കൈയിൽ തന്നെ ഉണ്ടായിരുന്നു. മഴ അവന്റെ കാലുകളെ നനയിച്ചു.... പക്ഷേ അവന്റെ ശ്രദ്ധ മുഴുവൻ അകന്നുപോകുന്ന ആധിഷയിലായിരുന്നു. ആര്യൻ പിന്നിൽ നിന്ന് വന്ന് അവന്റെ തോളിൽ കൈവെച്ചു. "ഇപ്പോൾ മനസ്സിലായോ?" വിഹാൻ തിരിഞ്ഞുനോക്കി. "എന്ത്?" "അവളെ ജയിക്കാൻ നിന്നെ കൊണ്ട് പറ്റില്ല എന്ന്." വിഹാൻ വീണ്ടും ആധിഷ അകന്നുപോകുന്ന ദിശയിലേക്ക് നോക്കി ശേഷം ചെറുതായി ചിരിച്ചു. "എനിക്ക് ജയിക്കേണ്ട. എനിക്ക് അവളെ മനസ്സിലാക്കണം." ആര്യൻ നിശബ്ദനായി. കാരണം... വിഹാൻ അറിയാതെ തന്നെ മറ്റൊരു രേഖ കൂടി കടന്നിരുന്നു. അത് മത്സരത്തിന്റെ അതിരല്ലായിരുന്നു. അത് വികാരങ്ങളുടെ തുടക്കമായിരുന്നു. 🖤................. 🖤 രാവിലെ. മുംബൈ നഗരം ഉണർന്നത് ഒരു വാർത്തയോടെയായിരുന്നു. ബിസിനസ് ചാനലുകളിലല്ല... സോഷ്യൽ മീഡിയയിലായിരുന്നു അതിന്റെ തുടക്കം. ഒരു പ്രമുഖ ഓൺലൈൻ ന്യൂസ് പോർട്ടൽ ഒരു ചിത്രം പങ്കുവെച്ചിരുന്നു. മഴയുള്ള രാത്രിയിൽ... ഒരേ കുടയ്ക്ക് താഴെ നിൽക്കുന്ന വിഹാനും ആധിഷയും. യഥാർത്ഥത്തിൽ ആ ചിത്രം പൂർണ്ണമായിരുന്നില്ല. വിഹാൻ കുട നീട്ടുന്ന നിമിഷം മാത്രം ക്യാമറയിൽ പതിഞ്ഞിരുന്നു. അതിന് താഴെ വലിയ തലക്കെട്ട്. "Business Rivals... Or Something More?" മിനിറ്റുകൾക്കുള്ളിൽ വാർത്ത വൈറലായി. ഒരു ചാനൽ പറഞ്ഞു, "ഇന്ത്യയിലെ ഏറ്റവും ശക്തരായ രണ്ട് ബിസിനസ് ലീഡർമാർ പ്രണയത്തിലാണോ?" മറ്റൊരു ചാനൽ, "Corporate Partnership... Or Secret Relationship?" സോഷ്യൽ മീഡിയ പൊട്ടിത്തെറിച്ചു. #ViHisha #IceQueen #CorporateCouple #BusinessLoveStory ട്രെൻഡിംഗ് ലിസ്റ്റിൽ ഒന്നാമതെത്തി. ആയിരക്കണക്കിന് കമന്റുകൾ. "എതിരാളികൾ പ്രണയത്തിലാകുന്നത് സിനിമകളിൽ മാത്രമല്ലെന്ന് തോന്നുന്നു." "ഇവർ വിവാഹം കഴിച്ചാൽ ഇന്ത്യയിലെ ഏറ്റവും വലിയ ബിസിനസ് സാമ്രാജ്യം ഉണ്ടാകും." "ഇവരുടെ chemistry വേറെ ലെവലാണ്." മീമുകളും നിറഞ്ഞു. ഒരു ചിത്രത്തിൽ വിഹാൻ സ്യൂട്ടിട്ട് നിൽക്കുന്നു. അരികിൽ ആധിഷ. താഴെ ഒരു വരി. "From Bidding War to Wedding?" ദേവ് ഗ്രൂപ്പ് ഓഫീസ്. ആര്യൻ മൊബൈൽ നോക്കി ചിരി അടക്കാൻ പാടുപെടുകയായിരുന്നു. വിഹാൻ അകത്തേക്ക് വന്നതും അവൻ ഫോൺ നീട്ടി. "ഇത് കണ്ടോ?" വിഹാൻ സ്ക്രീനിലേക്ക് നോക്കി. ഒരു നിമിഷം... രണ്ട് നിമിഷം... പിന്നെ അവൻ അറിയാതെ ചിരിച്ചു. "ഇവർക്ക് വേറെ പണിയൊന്നുമില്ലേ?" ആര്യൻ ചിരിച്ചു. "ഇല്ല.... ഇപ്പോൾ മുഴുവൻ രാജ്യത്തിനും നീയും ആധിഷയും മാത്രമാണ് പണി." വിഹാൻ വീണ്ടും ഫോൺ വാങ്ങി കമന്റുകൾ വായിച്ചു. ചിലത് കണ്ടപ്പോൾ അവന് ചിരി വന്നു. ചിലത് കണ്ടപ്പോൾ തലകുലുക്കി. "ഇത് കുറച്ച് ദിവസത്തിനുള്ളിൽ അവസാനിക്കും." അവൻ ശാന്തമായി പറഞ്ഞു. ആര്യൻ പുരികം ഉയർത്തി. "നിനക്ക് പ്രശ്നമില്ലേ?" വിഹാൻ തോളുയർത്തി. "എനിക്ക് അറിയാം എന്താണ് സത്യം എന്ന്.... പക്ഷേ..." ആര്യൻ ചിരിച്ചു. "ആധിഷയുടെ പ്രതികരണം കാണാൻ എനിക്ക് കാത്തിരിക്കാനാവുന്നില്ല." ─── അതേസമയം... ആധിഷ ഗ്ലോബൽ വെഞ്ചേഴ്സ്. ഓഫീസിനുള്ളിൽ അസ്വാഭാവികമായ നിശബ്ദത. ജീവനക്കാർ തമ്മിൽ സംസാരിക്കുന്നുണ്ടെങ്കിലും അവൾ അടുത്തെത്തുമ്പോൾ എല്ലാവരും മിണ്ടാതെയായി. ആധിഷ തന്റെ ക്യാബിനിൽ കയറിയതും അവളുടെ അസിസ്റ്റന്റ് മീര അകത്തേക്ക് വന്നു. "മാഡം..." "പറയൂ." "ഇത്..." അവൾ ഫോൺ കൈമാറി. ആധിഷ സ്ക്രീനിലേക്ക് നോക്കി. ഒരു വാർത്ത. പിന്നെ മറ്റൊന്ന്. വീണ്ടും മറ്റൊന്ന്. ഓരോ വാർത്തയിലും ഒരേ വിഷയം. അവളും... വിഹാനും. അവളുടെ മുഖം ശാന്തമായിരുന്നു. പക്ഷേ കണ്ണുകളിലെ തണുപ്പ് കൂടിക്കൊണ്ടിരുന്നു. അവൾ ഫോൺ മേശപ്പുറത്ത് വെച്ചു. "ആരാണ് ഇത് ആദ്യം പ്രസിദ്ധീകരിച്ചത്?" മീര ഉടനെ മറുപടി പറഞ്ഞു. "ഒരു ഡിജിറ്റൽ മീഡിയ പോർട്ടൽ." "അവർക്ക് നിയമനോട്ടീസ് അയക്കൂ. പിന്നെ എല്ലാ ചാനലുകൾക്കും. അതുപോലെ ഈ വാർത്ത ഉടൻ പിൻവലിക്കണം." മീര അത്ഭുതപ്പെട്ടു. "ശരി, മാഡം." അവൾ പുറത്തേക്ക് പോയി. ആധിഷ ജനാലക്കരികിൽ ചെന്നു നിന്നു. താഴെ മാധ്യമപ്രവർത്തകർ കൂടി നിൽക്കുകയായിരുന്നു. ക്യാമറകൾ. മൈക്കുകൾ. ലൈവ് ടെലികാസ്റ്റ്. അവൾ കണ്ണുകൾ അടച്ചു. ഇത്ര വർഷമായി... സ്വന്തം സ്വകാര്യ ജീവിതം ലോകത്തിൽ നിന്ന് മറച്ചുവെച്ചിരുന്നു. ആരും അവളുടെ പേരിനൊപ്പം മറ്റൊരാളുടെ പേര് ചേർത്ത് സംസാരിച്ചിട്ടില്ല. പക്ഷേ ഇപ്പോൾ... ഒരൊറ്റ ചിത്രത്തിന്റെ പേരിൽ... അവളുടെ ജീവിതം വാർത്തയായി മാറിയിരുന്നു. ─── അതേ സമയം... വിഹാന്റെ ഫോൺ മുഴങ്ങി. സ്ക്രീനിൽ ഒരു മെസേജ്. From: Adhisha Rao വിഹാൻ ഉടനെ തുറന്നു. അതിൽ ഒരു വരി മാത്രം. ─── "ഈ അഭ്യൂഹങ്ങൾ എനിക്ക് വെറുപ്പാണ്. ഇത് ഉടൻ അവസാനിപ്പിക്കൂ." വിഹാൻ കുറച്ച് നിമിഷത്തേക്ക് സ്ക്രീനിലേക്ക് നോക്കി. അവൾ ആദ്യമായാണ് അവന് സ്വമേധയാ ഒരു സന്ദേശം അയച്ചത്. പക്ഷേ... അതിൽ ഒരു വികാരമേ ഉണ്ടായിരുന്നുള്ളൂ. കോപം. മുംബൈ നഗരത്തിൽ മഴ അവസാനിച്ചിരുന്നു. പക്ഷേ... ആധിഷയുടെ ഉള്ളിൽ ഇപ്പോഴാണ് ഒരു കൊടുങ്കാറ്റ് തുടങ്ങിയത്. To Be Continued... 🖤 #💌 പ്രണയം #📙 നോവൽ #നോവൽ #💞 പ്രണയകഥകൾ #📔 കഥ

𝓥 𝓲 𝓷 𝓪 𝔂 𝓪 𝓷

2K views • 21 hours ago

#📙 നോവൽ തന്നോട് ചെയ്തതും പറഞ്ഞതുമൊക്കെ കേട്ടതോടെ വേണിക്ക് അവളോട് തോന്നിയ സഹതാപം ദേഷ്യത്തിന് വഴിമാറി. ആ ദേഷ്യത്തിൽ മീരയുടെ അടുത്തേക്ക് പോകാനായി വാതിൽ മുഴുവനായും തുറന്ന് റൂമിലേക്ക് കടക്കാൻ തുനിഞ്ഞ വേണി ആ കാഴ്ച കണ്ട് വിറങ്ങലിച്ചു നിന്നുപോയി. മീര പത്മിനിയോട് പറഞ്ഞതൊക്കെ റൂമിനോട് ചേർന്നുള്ള ബാൽക്കണിയിൽ നിന്നിരുന്ന ശ്രീഹരിയും കേൾക്കുന്നുണ്ടായിരുന്നു. വില്ലേജ് ഓഫീസിൽ നിന്നിറങ്ങിയ ശ്രീഹരി വീട്ടിൽ പോകുന്ന വഴിക്കാണ് മീരയെ റൂമിലേക്ക് മാറ്റുന്ന കാര്യം അവളുടെ അച്ഛൻ വിളിച്ചു പറയുന്നത്. അത് കേട്ടതും പെട്ടെന്ന് വീട്ടിൽ പോയി കുളിച്ചു ഫ്രഷ് ആയി ഹോസ്പിറ്റലിലേക്ക് വരുകയായിരുന്നു അവൻ. ശ്രീഹരി വരുമ്പോ മീരയുടെ അച്ഛൻ ചായ വാങ്ങാൻ കാന്റീനിലേക്ക് പോവുകയായിരുന്നു. ആ സമയം മീരയെ അവിടേക്ക് കൊണ്ട് വരുന്നതേ ഉണ്ടായിരുന്നുള്ളൂ. പത്മിനിയും മകൾക്കൊപ്പം വരുകയായിരുന്നു. ഇതിനിടെ വില്ലേജ് ഓഫീസിൽ കൂടെ ജോലി ചെയ്യുന്ന ആരുടെയോ കാൾ വന്നപ്പോ ശ്രീഹരി റൂമിനോട് ചേർന്നുള്ള ബാൽക്കണിയിലേക്ക് മാറി നിന്നിരുന്നു. ഫോൺ സംഭാഷണം കഴിഞ്ഞ ശേഷം ശ്രീഹരി വിളിച്ച ആൾക്ക് വാട്ടസ്ആപ്പ് ൽ എന്തൊക്കെയോ ഫയലുകൾ അയക്കുമ്പോഴാണ് മീരയെ റൂമിൽ കൊണ്ട് വരുന്നത്. കർട്ടൻ കിടക്കുന്നത് കാരണം ശ്രീഹരി ബാൽക്കണിയിൽ നിൽക്കുന്നത് മീരയും അമ്മയും കണ്ടിരുന്നില്ല. വാട്സ്ആപ്പ് ൽ ഫയലുകൾ അയച്ച ശേഷം ശ്രീഹരി കർട്ടൻ നീക്കി മീരയുടെ അരികിലേക്ക് വരാൻ തുടങ്ങുമ്പോഴാണ് പത്മിനിയോടുള്ള അവളുടെ കുമ്പസാരം അവൻ കേൾക്കാനിടയായത്. അതോടെ നിമിഷങ്ങളോളം ബാൽക്കണിയിൽ തന്നെ അവൻ തറഞ്ഞു നിന്നുപോയി. മീരയും കിഷോറും ചേർന്ന് ചതിയിലൂടെ തന്നെയും വേണിയെയും പിരിക്കുകയായിരുന്നു എന്ന തിരിച്ചറിവ് ശ്രീഹരിയെ അമ്പേ തകർത്തു. താനവളെ തെറ്റിദ്ധരിച്ചതും ഒരിക്കലും പറയാൻ പാടില്ലാത്തതൊക്കെ പറഞ്ഞതുമൊക്കെ ഓർത്തപ്പോ അവന്റെ മനസ്സ് കുറ്റബോധം കൊണ്ട് നീറി. ആ നിമിഷം മീരയെ കൊന്ന് കളയാനുള്ള ദേഷ്യം തോന്നിപോയി അവന്. ഒരിക്കലും മീരയിൽ നിന്നും ഇങ്ങനെയൊരു ചതി ഉണ്ടായിട്ടുണ്ടാകുമെന്ന് സ്വപ്നത്തിൽ പോലും ശ്രീഹരി ചിന്തിച്ചിരുന്നില്ല. വേണിയോട് താൻ പറഞ്ഞതും ചെയ്തതുമൊക്കെ ഓർത്ത് സ്വയം ശപിച്ചു പോയി അവൻ. കിഷോറും മീരയും ചേർന്ന് തന്നെ പൊട്ടനാക്കിയതും മീരയുടെ ആത്മഹത്യാ നാടകവും കള്ളത്തരവും എല്ലാം പൊളിഞ്ഞിരിക്കുകയാണ്. സത്യങ്ങൾ അറിഞ്ഞു കഴിഞ്ഞതിനാൽ മീര തന്നോട് പറഞ്ഞതും ചെയ്തതുമൊക്കെ റീവൈൻഡ് ചെയ്ത് ചിന്തിച്ച ശ്രീഹരിക്ക് അവളുടെ കാപട്യം ബോധ്യമായി. വേണിയുടെ ഫോണിന്റെ ലോക്ക് മീരയുടെ ഫോണിന് വന്നതും വേണിയെ താൻ കുറ്റപ്പെടുത്തി സംസാരിച്ചപ്പോൾ സോഫ്റ്റ്‌ ആയിട്ട് അവൾ വേണിയെ സപ്പോർട് ചെയ്ത് സംസാരിച്ചതും എല്ലാ അർത്ഥത്തിലും തന്റെ ഭാര്യയാകാൻ മീര തിടുക്കം കൂട്ടിയതുമെല്ലാം ശ്രീഹരിക്ക് മീരയുടെ കള്ളത്തരം വെളിവാക്കുന്ന തെളിവുകളായി മാറി. ഇനി ഒരു നിമിഷം പോലും അവളെ തന്റെ ഭാര്യയായി വച്ചോണ്ടിരിക്കാൻ പാടില്ലെന്ന് അവൻ ചിന്തിച്ചു. അങ്ങനെ ഉറച്ച ഒരു തീരുമാനത്തിലെത്തിയ ശ്രീഹരി മീരയുടെ അടുത്തേക്ക് ക്രോധത്തോടെ അലറി കൊണ്ട് പാഞ്ഞു വന്ന് അവളുടെ കഴുത്തിൽ കിടന്ന താലി പൊട്ടിച്ചെടുക്കാൻ ശ്രമിച്ചു. ആ കാഴ്ച കണ്ടാണ് വേണി ഞെട്ടിത്തരിച്ചു നിന്ന് പോയത്. "എടീ വഞ്ചകി.... നീയും മറ്റവനും കൂടി ചേർന്ന് എന്നെയും എന്റെ വേണിയെയും ചതിക്കുകയായിരുന്നു അല്ലേ? ഇനി ഒരു നിമിഷം പോലും നിന്നെ ഞാനെന്റെ ഭാര്യയായി വച്ചോണ്ടിരിക്കില്ല." ഉച്ചത്തിൽ പറഞ്ഞു കൊണ്ട് ശ്രീഹരി മീരയുടെ മാലയിൽ പിടുത്തമിട്ടു. അപ്രതീക്ഷിതമായി ശ്രീഹരിയെ മുന്നിൽ കണ്ടതും പ്രേതത്തെ കണ്ട പോലെ അവളുടെ മുഖം വിളറി. താൻ അമ്മയോട് പറഞ്ഞതെല്ലാം അവനും കേട്ടെന്ന തിരിച്ചറിവ് മീരയെ ഞെട്ടിച്ചു. "ശ്രീ... ശ്രീയേട്ടാ..." സർവവും തകർന്നവളെ പോലെ മീര വിളിച്ചു. ശ്രീഹരി അവിടെ ഉണ്ടാകുമെന്ന് സ്വപ്നത്തിൽ പോലും അവൾ ചിന്തിച്ചിരുന്നില്ല. "ഇനി നീ എന്നെ അങ്ങനെ വിളിച്ച് പോകരുത് തേവിടിച്ചി... കൂടെപ്പിറപ്പിനെ പോലെ ഒപ്പം നടന്നിട്ട് അവളെ ചതിക്കാൻ എങ്ങനെ മനസ്സ് വന്നെടി നിനക്ക്.?" കോപത്താൽ മനസ്സിന്റെ നിയന്ത്രണം വിട്ട ശ്രീഹരി മീരയുടെ കഴുത്തിനു കുത്തിപ്പിടിച്ചു. "ശ്രീഹരി... മോനെ... അവളെ വിടെടാ... ഓപ്പറേഷൻ കഴിഞ്ഞു ഇപ്പോ ഇങ്ങോട്ട് വന്നതല്ലേ എന്റെ മോളെ. ആ അവളോട് ഇങ്ങനെയൊക്കെ ചെയ്തിട്ട് അവസാനം അവൾക്കെന്തെങ്കിലും പറ്റിയ ആര് സമാധാനം പറയും?" പത്മിനി ശ്രീഹരിയെ പിടിച്ചു മാറ്റാൻ ശ്രമിച്ചു. "ഇവൾക്കെന്ത് സംഭവിച്ചാലും അതൊന്നും ഇനി എന്നെ ബാധിക്കില്ല. ഞാൻ കെട്ടിയ ഈ താലി ഇനിയിവളുടെ കഴുത്തിൽ വേണ്ട. ചതിച്ചും വഞ്ചിച്ചും നേടിയതൊന്നും എല്ലാ കാലവും നിലനിൽക്കില്ല. അതുപോലെ എല്ലാം എല്ലാവരിൽ നിന്നും ഒരുപാട് കാലം ഒളിച്ചു വയ്ക്കാനും കഴിയില്ല. അതുകൊണ്ടല്ലേ ഇപ്പോ എങ്കിലും എല്ലാം അറിയാൻ എനിക്ക് സാധിച്ചത്." ശ്രീഹരി മീരയുടെ താലിയിൽ പിടിച്ചു വലിച്ചു. "എന്റെ താലീന്ന് വിട് ശ്രീയേട്ടാ... സർജറി കഴിഞ്ഞ ഉടനെ ഞാനിത് വീണ്ടും കഴുത്തിൽ അണിഞ്ഞത് ശ്രീയേട്ടനോടുള്ള ഇഷ്ടം കൊണ്ടാ. എന്നോട് ഈ അവസ്ഥയിൽ ഇങ്ങനെ ഒന്നും ചെയ്യരുത്. എല്ലാം ശ്രീയേട്ടനോടുള്ള ഇഷ്ടം കൊണ്ട് ഏട്ടനെ കിട്ടാൻ വേണ്ടി ചെയ്തതാ. എനിക്ക് മാപ്പ് തരണം." മീര കരഞ്ഞു കൊണ്ട് കൈകൂപ്പി. "കിഷോറിനോട് ഞാൻ ക്ഷമിച്ചാലും നിന്നോട് ഞാൻ ക്ഷമിക്കില്ലെടി. അവനെക്കാൾ നീയാ എന്റെ വേണിയോട് ചതി ചെയ്തത്. അതിന് നീ അനുഭവിക്കും." ശ്രീഹരി പ്രാകി. "ഈ താലി ശ്രീയേട്ടൻ പൊട്ടിച്ചെടുക്കരുത്. എങ്കിൽ സത്യമായിട്ടും ഞാനും മരിച്ചു കളയും." മീര അവനോട് കേണു. "അങ്ങനെയൊന്നും നീ മരിക്കില്ലെടി. മരിക്കാൻ ഞാൻ സമ്മതിക്കേമില്ല. അതുമല്ല മരിക്കാൻ ആയിരുന്നേൽ അന്ന് കിണറ്റിൽ വീണപ്പോഴോ ഈ സർജറിയോടെയോ അത് സംഭവിക്കുമായിരുന്നു. അങ്ങനെയൊന്നും നടക്കാത്ത സ്ഥിതിക്ക് ഇനി നീ ആത്മഹത്യയ്ക്ക് ശ്രമിച്ചാലും നീ എണീക്കാൻ വയ്യാതെ കിടന്ന് നരകിച്ചു ചാകേണ്ടി വരും. അതാണ് ദൈവം നിനക്ക് കാത്ത് വച്ചിരിക്കുന്ന ശിക്ഷ. അതൊക്കെ അനുഭവിക്കാതെ നിന്നെ മരിക്കാൻ വിടില്ല ഞാൻ. ശ്രീഹരി പകയോടെ മുരണ്ടു കൊണ്ട് മീരയുടെ കഴുത്തിൽ നിന്നും പൊട്ടിച്ചെടുത്ത്‌ ജനലിലൂടെ പുറത്തേക്ക് വലിച്ചെറിഞ്ഞു. അവന്റെ ആ നീക്കത്തിൽ മീരയും പത്മിനിയും വേണിയും ഒരുപോലെ ഞെട്ടിപ്പോയി. "നീ ഒരിക്കലും അങ്ങനെ ചെയ്യരുതായിരുന്നു മോനെ. എന്തൊക്കെ ചെയ്താലും പറഞ്ഞാലും മീര ഇപ്പോ നിന്റെ ഭാര്യയല്ലേ. അവൾ ഇങ്ങനെ ഇരിക്കുമ്പോ തന്നെ ഇങ്ങനെ വേണമായിരുന്നോ?" പത്മിനി കരഞ്ഞു പോയി. "ഇത്രയും ചെയ്ത ഇവളെ എന്റെ ഭാര്യയായി കാണാൻ എനിക്ക് ബുദ്ധിമുട്ടുണ്ട്. ഇവളും അവനും കൂടി ഓരോന്ന് കാട്ടി കൂട്ടിയത് കാരണം ഞാൻ വേണിയെ ഒത്തിരി തെറ്റിദ്ധരോച്ചിട്ടുണ്ട്. അതിന് എനിക്ക് ഇങ്ങനെ ശിക്ഷ കിട്ടിയെന്ന് ഞാൻ കരുതിക്കോളാം." ശ്രീഹരി ദേഷ്യത്തിൽ മുഖം വെട്ടിച്ചു. "എന്റെ താലി പൊട്ടിച്ചെന്ന് കരുതി ശ്രീയേട്ടനെ വിട്ട് ഞാൻ പോകുമെന്ന് കരുതണ്ട. ശ്രീയേട്ടൻ അടിച്ചാലും തൊഴിച്ചാലും എന്നെ വെറുത്താലും എനിക്ക് ശ്രീയേട്ടന്റെ കൂടെ ജീവിച്ച മതി. ഒരിക്കലും ഏട്ടന് ഞാൻ ഡിവോഴ്സ് തരുമെന്ന് കരുതണ്ട." മീരയ്ക്ക് വാശിയായി. "ഇത്രയും നാൾ നീ കണ്ട ശ്രീഹരിയെ ആയിരിക്കില്ല ഇനി നീ കാണാൻ പോകുന്നത്. അവസാനം മടുത്തിട്ട് നീ തന്നെ സ്വയം ഇറങ്ങി പോകാൻ എന്ത് ചെയ്യണമെന്ന് എനിക്കറിയാം." ശ്രീഹരി പകയോടെ പറഞ്ഞു. "ശ്രീയേട്ടൻ എന്നോട് എന്തൊക്കെ ദ്രോഹം ചെയ്താലും ഞാൻ ഏട്ടനെ വിട്ട് പോകില്ല." മീര വീറോടെ പറഞ്ഞു. അവൾ അത് പറയുമ്പോ ഓവർ സ്‌ട്രെയിൻ ചെയ്ത കാരണം മീരയുടെ തലയിൽ സർജറി കഴിഞ്ഞു മുറിവ് കെട്ടി വച്ചഭാഗത്ത്‌ നിന്നും ചോര പൊടിഞ്ഞു. അത് കണ്ടതും പത്മിനി ഭയന്ന് പോയി. "എനിക്കറിയാം നിന്നെ ഒഴിവാക്കണമെന്ന്." മീരയുടെ കഴുത്തിന് കുത്തി പിടിച്ചു അവൻ അത് പറഞ്ഞു. "ശ്രീയേട്ടാ... അവളെ വിട്." രംഗം വഷളാകുന്നത് കണ്ട് അവരുടെ അടുത്തേക്ക് വന്ന വേണി പറഞ്ഞു. അപ്രതീക്ഷിതമായി പിന്നിൽ വേണിയുടെ സ്വരം കേട്ട് ശ്രീഹരിയും മീരയും ഞെട്ടിപ്പോയി. തുടരും

• 37 shares