പറിച്ചെറിയാൻ ശ്രമിക്കുന്നതൊക്കെയും മുറുക്കെ പിടിക്കുന്നതാണ് ശീലം. അത് കേവലമൊരു ഫ്രണ്ട് ഷിപ് ആയ പോലും!. കണ്ണൂർകാരൻ 🌹🌹🌹🌹🌹 #👌 വൈറൽ വീഡിയോസ് #💑 സ്നേഹം #❤ സ്നേഹം മാത്രം 🤗 #🙋‍♀️ എൻ്റെ സ്റ്റാറ്റസുകൾ #💃 Reels വീഡിയോസ്

എത്ര കാലമായി അവളെന്റെ ഫ്രണ്ട്ലിസ്റ്റിലുണ്ട്? അറിയില്ല. അവളെന്റെ സുഹൃത്തായത് തന്നെ ഞാൻ ശ്രദ്ധിച്ചിരുന്നില്ല. ഷെയർ ചാറ്റ് പ്രൊഫൈലിൽ സ്ത്രീ സുഹൃത്തുക്കളും ഇരിക്കട്ടെ എന്ന് വിചാരിച്ച കാലത്ത് കൂടെ കൂട്ടിയതാവണം. ഞാൻ എന്റെ ഫോട്ടോ സ്റ്റാറ്റസ് ഇട്ടതിലാണ് അവളാദ്യം മെസ്സേജ് അയച്ചത്. ഞാനെടുത്ത ഫോട്ടോയുടെ അതേ രൂപത്തിലുള്ള ഫോട്ടോ അയച്ചിട്ട് "നോക്ക് നമ്മളൊരു പോലെയില്ലേ " എന്ന് ചോദിച്ചു. ഞാൻ നോക്കിയപ്പോൾ മുടി ചീകി വെച്ചത് മാത്രം ഒരുപോലിരിക്കുന്നു. എന്നാലും അവളെ സന്തോഷിപ്പിക്കാൻ വേണ്ടി ഞാൻ പറഞ്ഞു. "അതെ ഒരുപോലിരിക്കുന്നു". മറ്റുള്ളവർക്ക് ചെറിയ സന്തോഷം നൽകുമെങ്കിൽ ചെറിയ കളവൊക്കെ പറയുന്നതിൽ തെറ്റില്ല എന്നാണെന്റെ തോന്നൽ. അതായിരുന്നു ഞങ്ങളുടെ ആദ്യസംഭാഷണം. പിന്നീടങ്ങോട്ടുള്ള സ്നേഹത്തിന്റെ പടികയറ്റം അതിദ്രുതമായിരുന്നു. രണ്ടു ലോകത്തിരുന്നു രണ്ട്പേർ പരസ്പരം സ്നേഹിച്ചു വിശ്വസിച്ചു. ഒന്നിച്ചു കരഞ്ഞു ഒന്നിച്ചു ചിരിച്ചു ഒന്നിച്ചുറങ്ങി പക്ഷേ ഫോണിന്റെ അപ്പുറവും ഇപ്പുറവുമാണെന്ന് മാത്രം. അവൾക്ക് എന്നേക്കാൾ 5 വയസ്സ് കുറവ് ഉണ്ട് പക്ഷെ അതിനൊന്നും ഇവിടെ പ്രസക്തിയില്ല. സ്നേഹത്തിനായുള്ള എന്റെ ദാഹമറിഞ്ഞു അവളെന്നെ സ്നേഹമൂട്ടി. ഞാൻ ഒമ്പത്മണിക്കേ കിടന്നുറങ്ങും. അവൾക്കാണെങ്കിൽ രാത്രിയുറക്കം ഒട്ടുമില്ല. ഞാൻ ഉറക്കത്തിലും അവളുടെ വാക്കുകൾക്ക് കാതോർക്കും. മറുപടി പറയും. പിറ്റേന്ന് രാവിലെ ഞാൻ ഉറക്കത്തിൽ പറഞ്ഞ കാര്യങ്ങൾ പറഞ്ഞു അവളെന്നെ കളിയാക്കും. അപ്പുറവും ഇപ്പുറവും ഫോണിലിരിക്കെ തന്നെ ഞങ്ങളുടെ ജീവിതമൊഴുകി. അവളെ പോലെ ഒരാളുണ്ടെങ്കിൽ ലോകത്ത് വേറെയാരും വേണ്ടന്ന് തോന്നും. എനിക്കും അങ്ങനെ തന്നെ തോന്നി. എന്റെ ലോകം അവള് മാത്രമായി ചുരുങ്ങി. ഏകാന്തതയുടെ സന്തതസഹചാരിയായിരുന്ന ഞാൻ അവളിലൂടെ ലോകം കണ്ടു. അവൾ സ്നേഹിക്കുന്നവരെ സ്നേഹിച്ചു. അവൾ വെറുത്തവരെ വെറുത്തു. ഒരിക്കൽ അവൾക്കൊരു കൂട്ടുകാരനെ കിട്ടി പോവേണ്ടി വന്നു. എന്നോടുള്ള സംസാരം കുറഞ്ഞു. അങ്ങോട്ട് പോയി ആരെയും ശല്യപെടുത്തി ശീലമില്ലാത്ത ഞാൻ ഒരു മിസ്സ്‌ യൂ എന്ന് മാത്രം ടെക്സ്റ്റ്‌ മെസ്സേജ് അയച്ച് കാത്തിരുന്നു. ഒരു മാസം അതൊരു വർഷം പോലെ എന്നെ ഉരുക്കി. ജീവിതത്തോടെനിക്ക് മടുപ്പ് തോന്നി.കടുത്ത ഡിപ്രഷൻ,ആത്മഹത്യ ചെയ്യാനുള്ള ആഗ്രഹം, മരിക്കാനുള്ള എളുപ്പവഴികൾ ഞാൻ ഗൂഗിൾ ചെയ്തു നോക്കി. തൂങ്ങിയാടുന്ന കയറുകൾ സ്വപ്നം കണ്ടു. ഒരു മാസത്തിനു ശേഷം അവൾ തിരിച്ചു വന്നു. അപ്പോളേക്കും ആരുടെ അടുത്തേക്ക് ആണോ പോയത് അയാൾ അവളെ അടിമ ആക്കി കഴിഞ്ഞിരുന്നു . ഞാൻ വീണ്ടുമവളുടെ സ്നേഹത്തിൽ മയങ്ങി കിടന്നു. ഒരു സുപ്രഭാതത്തിൽ എല്ലാം മാറി മറിഞ്ഞു. ഒരു ചതി. വിശ്വാസത്തിന് വില കൽപിക്കാത്ത വാക്കുകൾ നുണകൾ ചേർത്ത വിഭവമായി എനിക്കെറിഞ്ഞു നൽകി. എനിക്കൊട്ടുമേ പരിചയമില്ലാത്ത ഒരാളെ പോലെ അവൾ... എങ്ങനെയാണ് ഏറ്റവും പ്രിയപ്പെട്ട ആ ഒരാൾ ക്ഷണ നേരം കൊണ്ട് എനിക്കൊട്ടുമേ പരിചയമില്ലാത്ത ഒരാളായി മാറിയത്. ഞാനരെയും വെറുക്കാറില്ല. വെറുക്കാൻ എനിക്കാവില്ല.ഉള്ളിലെ വേദന പുറത്ത് പറഞ്ഞു കളയും പക്ഷെ ചതിക്കപ്പെട്ടതിന്റെ വേദന. അത് ഏറ്റവും പ്രിയപ്പെട്ട ഒരാളിൽ നിന്നാവുമ്പോഴുള്ള ആഘാതം, അത് സ്നേഹത്തിനും എത്രയോ മുകളിലാണെന്ന് തോന്നുന്നു. ബോധമനസ്സ് സ്നേഹത്തെ തേടുന്ന അബോധമനസ്സിനെ ശാസിച്ചു കൊണ്ടിരിക്കും. "തൊടാതിരിക്കട്ടെ ഈ മട്ടിലൊരു സ്നേഹവുമിനിയെന്നെ" എവിടെയാണെങ്കിലും സന്തോഷമായിരിക്കട്ടെ... പ്രിയമുള്ളവളെ മരണം വരെയുള്ള പ്രാർത്ഥനകൾ നിനക്കെന്റെ വസിയ്യത്തായ് കുറിച്ച് വെക്കുന്നു... നിയെന്നെ കടലാസെന്ന് വിളിച്ചു. ആ കടലാസ് നിറയെ സ്നേഹമെന്നെഴുതി ഒടുവിലതൊരു... വേണ്ട അതിനൊരവസാനമില്ലാത്ത സ്വപ്നമായിരുന്നു... കണ്ണൂർകാരൻ 🥺🥺🥺🥺🥺🥺 #💃 Reels വീഡിയോസ് #❤ സ്നേഹം മാത്രം 🤗 #🙋‍♀️ എൻ്റെ സ്റ്റാറ്റസുകൾ #💑 സ്നേഹം #👌 വൈറൽ വീഡിയോസ്

ചില മനുഷ്യർ അവരുടെ പങ്കാളിയെ/ആത്മമിത്രത്തെ തിരഞ്ഞെടുത്തു കഴിഞ്ഞാൽ പിന്നെ അവർക്ക് ചുറ്റും കറങ്ങി കൊണ്ടിരിക്കും. സ്നേഹവും കരുതലും കൊണ്ട് അവരെ പൊതിഞ്ഞു പിടിച്ചിട്ടുണ്ടാവും. സ്വന്തം പാരന്റ്സിന് പോലും പിന്നെയവരെ സ്നേഹിക്കാൻ കിട്ടിയെന്ന് വരില്ല. അങ്ങനെയൊരു പങ്കാളി ഉള്ളവർക്ക് ഈ ആളല്ലാതെ മറ്റൊരു ലോകവുമുണ്ടാവില്ല. അയാളുമായി ബന്ധപ്പെട്ട കാര്യങ്ങൾ അല്ലാതെ വ്യക്തിപരമായ യാതൊന്നും ബാക്കിയില്ലാതായി പോകും. സ്നേഹത്തിന്റെ ആ മാസ്മരിക വലയത്തിൽ കിടന്നു തനിക്കെന്തൊക്കെ സംഭവിക്കുന്നു. എന്ന് പോലും ഇവർക്ക് നിശ്ചയമുണ്ടാവില്ല. വ്യക്തിപരമായ ഇഷ്ടങ്ങൾ കഴിവുകൾ അങ്ങനെ പലതും അയാൾ അറിയാതെ തന്നെ നഷ്ടപ്പെടുത്തിയിട്ടുണ്ടാവും. ഇനിയെങ്ങാനും ആ വലയത്തിൽ നിന്നും രക്ഷപ്പെടാൻ വല്ല ശ്രമവും നടത്തിയാൽ ഭീഷണിയോ കാലിൽ വീഴലോ, ആത്മഹത്യഭീഷണിയോ അങ്ങനെ പലവഴികളും അവർ തേടിയെന്നിരിക്കും. അത്തരം മനുഷ്യരെ സ്‌നേഹിക്കുന്നവർക്ക് ആ ബന്ധത്തിൽ നിന്ന് ഇനിയൊരു തിരിച്ചു പോക്കുണ്ടാവില്ല . പോകാൻ അവർ സമ്മതിക്കുകയുമില്ല. സദാ അവരുടെ നോട്ടം പങ്കാളിക്ക് മേലുണ്ട്. ഒരുത്തരം ട്രോമ ബോഡിങ്. കാണുന്നവർക്ക് അത് എത്ര മഹത്തരമായ സ്നേഹമെന്ന് തോന്നാം. പരസ്പരം വളരാൻ സഹായിക്കുകയും വഴിക്കാട്ടികളായി മാറുകയും ഒരു വ്യക്തിയെ അയാളായിട്ട് തന്നെ അംഗീകരിക്കുകയും ചെയ്യുമ്പോൾ മാത്രമേ ആരോഗ്യകരമായ ബന്ധമാണ് അതെന്ന് പറയാൻ കഴിയൂ. കണ്ണൂർകാരൻ 🥺🥺🥺🥺 #👌 വൈറൽ വീഡിയോസ് #🙋‍♀️ എൻ്റെ സ്റ്റാറ്റസുകൾ #💑 സ്നേഹം #❤ സ്നേഹം മാത്രം 🤗 #💃 Reels വീഡിയോസ്

അതും ഒരു രസം അല്ലേ 😂😂😂😂😂😂😂 കണ്ണൂർകാരൻ 😂😂😂😂😂 #💃 Reels വീഡിയോസ് #❤ സ്നേഹം മാത്രം 🤗 #💑 സ്നേഹം #🙋‍♀️ എൻ്റെ സ്റ്റാറ്റസുകൾ #👌 വൈറൽ വീഡിയോസ്

ഇച്ചറീല പ്രേമം ന്നച്ചാൽ ന്താന്ന് പിന്നെന്താച്ചാ ഓളെ കണ്ടോടം മൊതൽക്ക് വിചാരൊക്കെ ഓളെ പറ്റിയെന്നെ ഇനി അയിനെന്നെണോ പ്രേമം ന്ന് പറിയ? ദുനിയാവിൽ മരിച്ചോളാം ഒപ്പരണ്ടാവും ന്നുള്ള ഒരു കറാറും ഒർപ്പുംല്ല. ന്നിട്ടും സ്നേഹം തോന്നേന്നെ. ഉള്ളും പൊറും നെറഞ്ഞു നിക്കെന്നെ. അപ്പോ ഇച്ച് വെറുതെനെ തോന്നാ ഒരു ജിന്നെന്നെ ട്ടോ മൂപ്പര്. ല്ലാച്ചാൽ മറക്കാൻ കെരുതുമ്പോ മാഞ്ഞു പോകൂലെ ഖൽബ്ന്ന്. മുന്നേ മൊഹബത്ത് മൂത്ത് പിരാന്ത് വന്നോല് ണ്ട് ത്രെ ലൈലാമജ്‌നൂൻലെ കഥെല്ള്ള പോലെയ്. എന്തൊരു ഭാഗ്യന്നെലെ പിരാന്ത് പുടിച്ചണ രീതിക്ക് ഒരാള് മ്മളെ പ്രേമിച്ചാൻ ണ്ടെങ്കില്. അള്ളോ മ്മളെ മൂപ്പര്ക്ക് കിറുവേം പ്രേമൊക്കെ എത്രേം മാണെങ്കിലും കൂടിക്കോട്ടെ പച്ചെങ്കി പിരാന്ത് വരണ്ട. ഞമ്മക്ക് ലൈലേം മജ്നും പോലെ പ്രേമിച്ച മതി ഓലെ മായിരി പിര്യണ്ട. പിരിഞ്ഞാലെല്ലേ പിരാന്താവാ മരിച്ചോളം കറാറ്ല്ലാതെ പ്രേമിച്ചാലെ... തേട്ടം മുയുവനും ഇപ്പോ അതെന്നെ ഞങ്ങളെ മരിച്ചോളാം പിരിച്ചല്ലേ റബ്ബേന്ന്... തിരിയാത്തോൽക്ക് പരിഭാഷ:-👇 എനിക്കറിയില്ല പ്രണയം എന്ന് വെച്ചാൽ എന്താണെന്ന്. എന്താണെന്ന് വെച്ചാൽ അവനെ കണ്ടത് മുതൽ എന്റെ ചിന്തകൾ മുഴുവൻ അവനെപ്പറ്റിയാണ്. ഇനി അതിന് തന്നെയാണോ പ്രേമം എന്ന് പറയുന്നത്. ഈ ലോകത്ത് മരണം വരെ നമ്മൾ ഒന്നിച്ചുണ്ടാവും എന്നൊരു കരാറിലും ഒപ്പ് വെച്ചിട്ടില്ല. ഒരുറപ്പും തന്നിട്ടുമില്ല. എന്നിട്ടും സ്നേഹം തോന്നുന്നു. മനസ്സിന്റെ ഉള്ളിലും പുറമെയും അവനിങ്ങനെ നിറഞ്ഞു നിൽക്കുമ്പോൾ അവനൊരു ജിന്നാണെന്ന് വെറുതെ തോന്നിപോകുന്നു. അല്ലെങ്കിൽ മറക്കണം ന്ന് കരുതിയാൽ മറക്കാൻ കഴിയില്ലേ?!. പണ്ട് പ്രേമം കടുത്ത് പ്രാന്തായി പോയവരുണ്ട് ത്രെ. ലൈലമജ്‌നൂൻ എന്ന കഥയിലെ പോലെ. നമ്മളെ പ്രാന്ത് പിടിച്ച പോലെ പ്രേമിക്കാൻ ഒരാൾ ഉണ്ടെങ്കിൽ അതൊരു മഹാഭാഗ്യമാണ്. അള്ളോഹ് സ്നേഹം പ്രേമം ഒക്കെ എത്ര വേണമെങ്കിലും കൂടിക്കോട്ടെ പക്ഷെ എന്റെ പ്രിയപ്പെട്ടവന് പ്രാന്ത് വരണ്ട. നമുക്ക് ലൈലയെയും മജ്നുവിനെയും പോലെ തമ്മിൽ പ്രണയിക്കാം. അവരെ പോലെ പക്ഷെ പിരിയാതിരിക്കാം. പ്രണയിച്ചവർ തമ്മിൽ പിരിയുമ്പോഴാണ് പ്രണയം പ്രാന്തായി മാറുന്നത്. നമുക്ക് മരിക്കുവോളം ഒരു കരാറുമില്ലാതെ പ്രണയിക്കാം. ഇപ്പോളെന്റെ പ്രാർത്ഥന മുഴുവൻ മരണം വരെ ഞങ്ങളെ പിരിക്കല്ലേ റബ്ബേ എന്നാണ്. കണ്ണൂർകാരൻ 🌹🌹🌹🌹🌹 #👌 വൈറൽ വീഡിയോസ് #🙋‍♀️ എൻ്റെ സ്റ്റാറ്റസുകൾ #💑 സ്നേഹം #❤ സ്നേഹം മാത്രം 🤗 #💃 Reels വീഡിയോസ്

എത്ര ബലവാനായ മനുഷ്യനും പതറിപോകുന്ന നിസ്സഹായനായി നോക്കി നിൽക്കേണ്ടി വരുന്ന രണ്ട് സാഹചര്യങ്ങൾ ജീവിതത്തിലുണ്ടാവാം. ഒന്ന് ചായയിൽ മുക്കിയ ബിസ്കറ്റ് വായിലേക്ക് എത്തുന്ന മുൻപ് ചായയിലേക്ക് തന്നെ വീണു പോകുന്നത്. രണ്ട് കുളിക്കുന്നതിനിടയിൽ സോപ്പ് ടോയ്‌ലെറ്റിൽ വീണു പോകുന്നത്. പുതിയ സോപ്പ് ആണെങ്കിൽ ആ സങ്കടം തീരുകയേ ഇല്ല. രണ്ട് സന്ദർഭങ്ങളിലും മനുഷ്യർ പെട്ടന്ന് സ്റ്റക്ക് ആയിട്ട് എന്താ ചെയ്യേണ്ടത് എന്നറിയാതെ വിഷമിച്ചു പോകും. വിഷമിക്കരുത് നമ്മളെ വേണ്ടാത്തവരെ നമുക്കും വേണ്ട. പോട്ടെങ്ങട്!. വിജ്ഞാന പ്രദമായ ഇത്തരം അറിവുകൾ പകർന്നു നൽകുമ്പോൾ അതിനടിയിൽ വന്നു ചളി കമന്റ് ഇടുന്നവരെ ഉറുമ്പ് കടിക്കട്ടെ... കണ്ണൂർകാരൻ 😂😂😂😂 #💃 Reels വീഡിയോസ് #❤ സ്നേഹം മാത്രം 🤗 #💑 സ്നേഹം #🙋‍♀️ എൻ്റെ സ്റ്റാറ്റസുകൾ #👌 വൈറൽ വീഡിയോസ്

എന്റെ പ്രൊഫൈൽ എടുത്തു നോക്കുമ്പോൾ ഒരു നല്ല കുട്ടി ഇമേജ് എന്നൊരു ധാരണ എന്നെ കുറിച്ച് തോന്നുമെന്ന്. പറഞ്ഞത് ഒന്നും രണ്ടും പേരല്ല. അങ്ങനെയുണ്ടോ ഞാൻ അതേ കുറിച്ച് ചിന്തിച്ചിട്ടില്ല. ആർകെങ്കിലും അങ്ങനെ ഞാനൊരു നല്ല വ്യക്തി ആണെന്നൊക്കെ എന്റെ എഴുത്തുകൾ കണ്ടൊക്കെ തോന്നിയാൽ ചുമ്മാ തോന്നലാണ്. ഞാനെഴുതുന്ന കഥകളിൽ ഞാനാണ് ഹീറോ അവിടെ എന്റെ വ്യക്തിത്വം തിളക്കവും കുറവുകൾ ഇല്ലാത്തതുമായിരിക്കും. എന്നാൽ വ്യക്തി ജീവിതത്തിൽ അതിനെതിരെയാവാലോ. ഒന്നാമത് ഈഗോ തലയിൽ ചുമന്നു നടക്കുന്നൊരു വ്യക്തിയാണ് ഞാൻ. അഹങ്കാരം എന്ന വാക്ക് കണ്ടുപിടിച്ചത് തന്നെ എന്നെപോലെ ആരെയെങ്കിലും കണ്ടിട്ടാവണം. എന്നെ പരിഗണിക്കുന്ന മനുഷ്യരെ ഞാൻ ഉള്ളം കയ്യിലെടുത്തു ഓമനിക്കും. എന്നാൽ എന്നോട് അല്പമെങ്കിലും അവഗണന പോലെ എന്തങ്കിലും തോന്നിയാൽ തന്നെ ചുരുട്ടി കൂട്ടി വലിച്ചെറിയും. എന്താണെന്ന് വെച്ചാൽ എനിക്കെന്റെ ഈഗോക്ക് മുകളിൽ സഹാനുഭൂതി എന്നൊരു വികാരമേയില്ല. ഞാൻ മറ്റുള്ളവരെ സന്തോഷിപ്പിക്കാൻ ഒന്നും ചെയ്യാറില്ല. ആരെങ്കിലും എന്നെ സന്തോഷിപ്പിക്കണം എന്നുമില്ല. ഇനി അങ്ങനെ ആരെങ്കിലും എന്നെ സന്തോഷിപ്പിക്കുന്നുണ്ടെങ്കിൽ അതെനിക്ക് എന്തോ പ്രതേകത ഉള്ളത്‌ കൊണ്ട് മാത്രമാണ്. സ്നേഹം കൊണ്ടല്ല. നിങ്ങളെന്നെ സ്നേഹിച്ചോ ഞാൻ നിങ്ങളെ സ്നേഹിക്കില്ല. നിങ്ങളെന്നെ പരിഗണിച്ചോ പക്ഷെ എനിക്ക് നിങ്ങളെ പരിഗണിക്കാൻ വയ്യ. ഇതാണ് എന്റെ രീതി. പ്രേമത്തിന് വേണ്ടി ഒരു പുസ്തകം തന്നെ എഴുതി. എഴുത്തുകളിൽ അധികവും തരളയായ കാമുകിഭാവങ്ങൾ. പ്രേമം സ്നേഹം പോലുള്ള ലോല വികാരങ്ങളിൽ ഞാൻ വിശ്വസിക്കുന്നില്ല. എല്ലാം വെറും തട്ടിപ്പ്. മനുഷ്യൻ കണ്ടുപിടിച്ച ഏറ്റവും വലിയ നുണയാണ് ഈ പ്രേമം സ്നേഹം എന്നതൊക്കെ. മനുഷ്യർ പരസ്പരം ഉപയോഗിക്കാൻ വേണ്ടി സന്തോഷം കണ്ടെത്താൻ വേണ്ടി ഉപയോഗിക്കുന്ന തന്ത്രങ്ങളാണ് പേരിട്ടു വിളിക്കുന്ന ഓരോ ബന്ധങ്ങളും. ഞാനുപേക്ഷിച്ച മനുഷ്യരേയുള്ളു എന്നെ ഇന്ന് വരെ ആരും ഉപേക്ഷിട്ടില്ല. സ്നേഹം സൗഹൃദം എല്ലാമെല്ലാം ഞാൻ വലിച്ചെറിയുന്നു എന്നിട്ടും എനിക്ക് പിന്നാലെ വരുന്ന മനുഷ്യർ. അങ്ങേയറ്റം സ്നേഹത്തിൽ വിശ്വസിക്കുന്ന സാധുക്കളാണോ. എനിക്കറിയില്ല. ഞാനവരെ ഉപേക്ഷിക്കാൻ എന്തോ ചില കാരണങ്ങൾ ഉണ്ടായിരുന്നു. ഇടയ്ക്കിടെ അവർക്കെന്നെ മിസ്സ്‌ ചെയ്യുന്നു. ഞാനില്ലായ്മയിൽ അവർ ദുഖിക്കുന്നു എന്നല്ല. മറ്റാരും ഇല്ലാതിരിക്കുമ്പോൾ എങ്ങനെയോ അവർക്കെന്നെ ഓർമ വന്നു. അതിനാൽ എനിക്കവരോട് സഹതാപം പോലും തോന്നുന്നുമില്ല. ജീവിതത്തിൽ ഇന്നോളം ഏതെങ്കിലും പദവിയിൽ ഞാനൊന്നുമായിട്ടില്ല. ഈ നല്ല എന്ന് കൂട്ടി ചേർത്ത യാതൊന്നും എനിക്ക് മാച്ചാവില്ല. സ്നേഹിക്കാൻ കൊള്ളാത്ത സൗഹൃദം പങ്കിടാൻ കൊള്ളാത്ത സ്നേഹിക്കപ്പെടാൻ യാതൊരു യോഗ്യതകളുമില്ലാത്ത എന്നെ വെറും വെറുതെ പോലും ആരും നല്ലതായി തെറ്റിദ്ധരിക്കരുത്. ഇതൊരു കുമ്പസാരമായി കണക്കാക്കാം. കണ്ണൂർകാരൻ 🌹🌹🌹🌹🌹 #👌 വൈറൽ വീഡിയോസ് #💑 സ്നേഹം #🙋‍♀️ എൻ്റെ സ്റ്റാറ്റസുകൾ #❤ സ്നേഹം മാത്രം 🤗 #💃 Reels വീഡിയോസ്

പ്രണയത്തിലായിരിക്കുമ്പോൾ ശിഖരത്തിൽ ഉയർന്ന് നിൽക്കുന്ന ഇലകളാണ് മനുഷ്യർ. ഉപേക്ഷിക്കപ്പെടുമ്പോൾ വേരുകളിലേക്ക് നിസ്സഹായമായി അറ്റ് വീഴാൻ വിധിക്കപ്പെട്ട പാഴിലകൾ. കണ്ണൂർകാരൻ 🌹🌹🌹🌹🌹 #💃 Reels വീഡിയോസ് #❤ സ്നേഹം മാത്രം 🤗 #🙋‍♀️ എൻ്റെ സ്റ്റാറ്റസുകൾ #💑 സ്നേഹം #👌 വൈറൽ വീഡിയോസ്

കഥയും കവിതയുമൊക്കെ എന്നെയുപേക്ഷിച്ചു പോയെന്ന് തോന്നുന്നു. മനസ്സിന് തൃപ്തി തോന്നുന്ന ഒന്നും ഈ മൂന്ന് മാസം എഴുതാനായിട്ടില്ല. ഏറെക്കുറെ അക്ഷരങ്ങളുമായുള്ള എന്റെ ബന്ധം തീർന്നെന്ന് തോന്നുന്നു. 💔 കണ്ണൂർകാരൻ 🌹🌹🌹🌹 #👌 വൈറൽ വീഡിയോസ് #💑 സ്നേഹം #❤ സ്നേഹം മാത്രം 🤗 #🙋‍♀️ എൻ്റെ സ്റ്റാറ്റസുകൾ #💃 Reels വീഡിയോസ്

വാക്കുകളില്ലായിരുന്നെങ്കിൽ നമ്മളെങ്ങനെ മിണ്ടും? കണ്ണുകൾ വാക്കുകളെ വഹിക്കുമ്പോൾ ഭാഷയെന്തിനാണ്...! കണ്ണൂർകാരൻ 🌹🌹🌹🌹 #💃 Reels വീഡിയോസ് #❤ സ്നേഹം മാത്രം 🤗 #🙋‍♀️ എൻ്റെ സ്റ്റാറ്റസുകൾ #💑 സ്നേഹം #👌 വൈറൽ വീഡിയോസ്