ഒരുപാട് മുഖങ്ങൾ കണ്ടിട്ടും ഹൃദയം ഓർത്ത് വയ്ക്കുന്നത് ആ ഒരാളെ മാത്രമാണ്... കാരണം കണ്ണുകൾക്ക് ഇഷ്ടപ്പെടുന്നത് രൂപത്തെയാകാം, പക്ഷേ മനസ്സ് ഇഷ്ടപ്പെടുന്നത് ഒരു ആത്മാവിനെയാണ്... കാണാതെ പോയ ദിവസങ്ങളേക്കാൾ, കാണുമെന്ന പ്രതീക്ഷയിൽ ജീവിച്ച നിമിഷങ്ങളാണ് എനിക്ക് കൂടുതൽ പ്രിയം... നിന്നോട് സംസാരിക്കാൻ ഒരു കാരണമെങ്കിലും തേടുന്ന ഈ മനസ്സ്, നിന്നെ മറക്കാൻ മാത്രം ഒരു കാരണവും കണ്ടെത്തുന്നില്ല... നീ എന്റെ സ്വന്തമാണെന്ന് ഞാൻ ഒരിക്കലും പറഞ്ഞിട്ടില്ല... പക്ഷേ എന്റെ ഹൃദയത്തിലെ ഏറ്റവും മനോഹരമായ ഇടം നിന്നുടേതാണെന്ന് മാത്രം എനിക്കറിയാം... ചില സ്നേഹങ്ങൾ പരസ്പരം പറയാതെ തന്നെ ഹൃദയങ്ങളിൽ എഴുതപ്പെട്ട കവിതകളാണ്... ദൂരങ്ങൾ ശരീരങ്ങളെ മാത്രം അകറ്റും, മനസ്സുകളെ അല്ല... അതുകൊണ്ടാണ് നിന്നെ കാണാതെ ഇരുന്നിട്ടും നിന്റെ സാന്നിധ്യം ഞാൻ ഓരോ ദിവസവും അനുഭവിക്കുന്നത്... നിന്നെ സ്വന്തമാക്കുക എന്നതല്ല എന്റെ സ്നേഹത്തിന്റെ അർത്ഥം... നീ എവിടെയായിരുന്നാലും സന്തോഷത്തോടെ ഇരിക്കട്ടെ എന്നതാണ് എന്റെ പ്രാർത്ഥനയുടെ ഏറ്റവും മനോഹരമായ സ്നേഹം .. കാരണം... ചില മനുഷ്യർ നമ്മുടെ ജീവിതത്തിലേക്ക് വരുന്നത് കൂടെ നടക്കാനല്ല... ഹൃദയത്തിൽ ആഴമുള്ള എന്താണ് സ്നേഹം എന്ന് പഠിപ്പിക്കാനാണ്...! ❤️ ✍️✍️ #📝 ഞാൻ എഴുതിയ വരികൾ

നമുക്കായി സമയം കണ്ടെത്തുന്നവർക്കായി കാത്തു നിൽക്കുക.... നമ്മളെ കേൾക്കുന്നവർക്ക് മുന്നിൽ സന്തോഷവും സങ്കടവും പറയുക. നമ്മളെ കേൾക്കാൻ നിൽക്കാത്തവർക്ക് മുന്നിൽ മൗനമാകുക.... നമ്മളോട് മിണ്ടാൻ നമ്മളോട് സന്തോഷം പങ്കിടാൻ... നമ്മളോട് സങ്കടങ്ങൾ പറയാൻ ചിലർ കാത്തു നിൽക്കും... അവരോടൊപ്പം അല്പം സമയം ചിലവഴിക്കുക.... കൂടെയുണ്ട് എന്ന് വരുത്തി തീർക്കാൻ ശ്രമിക്കാതെ ഇരിക്കുക... നമുക്ക് ആവശ്യം ഇല്ലേൽ അവരിൽ നിന്നും പൂർണമായി ഒഴിഞ്ഞു മാറുക.... കൂടെയുണ്ട് എന്ന് ഉള്ള വിശ്വാസം പിടിച്ചെടുക്കുന്നത് അതൊരുതരം വഞ്ചനയാണ്..... ഒന്ന് കിട്ടുമ്പോൾ മറ്റൊന്നിനെ മറക്കാതെ ഇരിക്കുക... കാരണം, ഒന്നിന് പകരമാകില്ല മറ്റൊന്ന്. ❤️✍️ #📝 ഞാൻ എഴുതിയ വരികൾ

എടോ.. എന്നിൽ നീ മാത്രം.. എടോ.... നിന്റെ സാമീപ്യം മാത്രം മതി, എന്റെ ഹൃദയത്തിന്റെ എല്ലാ നിയന്ത്രണങ്ങളും നിശ്ശബ്ദമായി അലിഞ്ഞുപോകാൻ... നിന്റെ കണ്ണുകൾ എന്നെ നോക്കുന്ന ഓരോ നിമിഷവും, എന്റെ ഉള്ളിൽ പറയാനാവാത്ത ഒരായിരം തിരമാലകൾ ഉയർന്നു വീഴുന്നു... നിന്നെ ചേർത്തുപിടിക്കുമ്പോൾ, ലോകം മുഴുവൻ നമ്മിൽ നിന്ന് അകന്നുപോകുന്നു...! ശേഷിക്കുന്നത് നിന്റെ ശ്വാസത്തിന്റെ ചൂടും, എന്റെ ഹൃദയമിടിപ്പിന്റെ താളവും മാത്രം... നിന്റെ നെറ്റിയിൽ വിരിയുന്ന ഒരു മൗനചുംബനം പോലും എന്റെ ആത്മാവിനെ മുഴുവനായി മത്താക്കാൻ പോന്നതാണ്...!! പ്രണയത്തിന് ഒരിക്കലും തൃപ്തിയില്ലെന്ന് ഞാൻ പഠിച്ചത് നിന്നിൽ നിന്നാണ്... എത്ര അകറ്റി മാറ്റിട്ടും നിന്നെ വിട്ട് ഞാൻ എങ്ങും പോകില്ല എന്ന് പറഞ്ഞു നീ എന്നിലേക്ക് എത്ര മനോഹരമായിട്ടാണ് ന എന്നെ നിന്റെ ഹൃദയത്തിൽ അടുപ്പിക്കുന്നത്.... 💞 കാരണം, ഓരോ കൂടിക്കാഴ്ചയും വീണ്ടും നിന്നെ കൊതിക്കാൻ പഠിപ്പിക്കുന്നു... ഓരോ പുഞ്ചിരിയും വീണ്ടും നിന്നെ പ്രണയിക്കാൻ നിർബന്ധിക്കുന്നു... അതുകൊണ്ടാണ് പ്രിയനേ.. എൻ ഹൃദയത്തിൽ ആർക്കും കടന്ന് വരാൻ കഴിയാത്ത ഒരിടത്തു നിന്നെ ഞാൻ ചേർത്ത് വെച്ചിരിക്കുന്നത്.. ❤️..... എത്ര മനോഹരമായിട്ടനാടോ തന്റെ ഈ പ്രണയം .. എന്നിലേക്ക് എത്തുന്നത് "നിന്റെ ആ ഹൃദയ താളം കേട്ടു നിന്നിൽ അലിഞ്ഞു ചേരണം ഈ ജന്മം മുഴുവൻ .. ❤️❤️ " സ്നേഹത്തോടെ .. അലീന ❤️ #📝 ഞാൻ എഴുതിയ വരികൾ

എന്റെ കണ്ണുകളിൽ വിരിയുന്ന ഓരോ സ്വപ്നത്തിനും നിന്റെ മുഖമാണ് നിറം നൽകുന്നത്. എന്റെ മൗനങ്ങൾ പോലും നിന്നോടാണ് സംസാരിക്കുന്നത്. കാറ്റ് എന്നെ തഴുകുമ്പോൾ അതിൽ ഞാൻ തേടുന്നത് നിന്റെ സാന്നിധ്യമാണ്... മഴ പെയ്യുമ്പോൾ ഓരോ തുള്ളിയിലും നിന്റെ സ്പർശമാണ് ഞാൻ അനുഭവിക്കുന്നത്... രാത്രി ഉറങ്ങുമ്പോഴും എന്റെ ഹൃദയം മാത്രം ഉണർന്നിരിക്കും... കാരണം അത് നിന്റെ ഓർമ്മകളെ കാവൽ നിൽക്കുകയാണ്. നിന്നെ സ്നേഹിക്കാൻ ഒരു കാരണം പോലും എനിക്ക് ഉണ്ടായിരുന്നില്ല... എന്നാലും, ഓരോ ശ്വാസം എടുക്കുമ്പോഴും നിന്നെ കൂടുതൽ കൂടുതൽ സ്നേഹിക്കാനുള്ള ആയിരം കാരണങ്ങൾ എന്റെ ഹൃദയം കണ്ടെത്തിക്കൊണ്ടിരുന്നു. ഒടുവിൽ എനിക്ക് മനസ്സിലായത്... നീ എന്റെ ജീവിതത്തിലെ ഒരു അധ്യായമല്ല... ഞാൻ വായിച്ചുതീർക്കാൻ കഴിയാത്ത എന്റെ ജീവിതത്തിന്റെ മുഴുവൻ പുസ്തകമാണ് നീ... നിന്നെ നഷ്ടപ്പെട്ടാലും ഈ പ്രണയം നഷ്ടപ്പെടില്ല... കാരണം ഈ പ്രണയം എന്റെ ഹൃദയത്തിൽ മാത്രമല്ല... എന്റെ ആത്മാവിന്റെ ആഴങ്ങളിൽ ദൈവം പോലും മായ്ക്കാൻ കഴിയാത്ത വിധം എഴുതപ്പെട്ടിരിക്കുന്നു.... #📝 ഞാൻ എഴുതിയ വരികൾ

💜💜നിന്നെ ഞാൻ ഹൃദയത്തിൽ സൂക്ഷിച്ചിട്ടില്ല... ഹൃദയം തന്നെ നിനക്കായി മാറ്റിവെച്ചിരിക്കുകയാണ്. അതുകൊണ്ടാവാം ഓരോ മിടിപ്പിലും എന്റെ ജീവനേക്കാൾ വ്യക്തമായി ഞാൻ കേൾക്കുന്നത് നിന്റെ പേരാണ്..." ❤️ #📝 ഞാൻ എഴുതിയ വരികൾ

💞അവളുടെ മടിയിൽ തലവെച്ചു കിടക്കുന്നവന്റെ കണ്ണിൽ നോക്കി അവൾ ഇങ്ങനെ പറഞ്ഞു .. 💞iഅതേയ്,,നമുക്ക് ഒരു യാത്ര പോകണം കേട്ടോ,,, "ദൂരെ ഒന്നും അല്ല,, അടുത്ത് ഏതെങ്കിലും കടൽ കാണാൻ,, "തിരമാല അലയടിച്ചു വരുമ്പോൾ കരയിലേയ്ക്ക് കൈ കോർത്തു പിടിച്ചു ഓടികയറാൻ,, "കടലിന്റെ ഭംഗി ആസ്വദിച്ചു കപ്പലണ്ടി കൊറിച്ചു നടക്കാൻ,,, തോളോട് തോൾ ചേർന്ന് ഇരുന്ന് കടലിനോട് സംസാരിക്കാൻ,,,, "നെഞ്ചോട് ചേർന്ന് നിന്ന് ആരും കാണാതെ ചുംബിക്കാൻ,,,,, "കടലിലേയ്ക്ക് ഇറങ്ങുമ്പോൾ എന്നെയും കൂട്ടണം കേട്ടോ,,,,, "ഒറ്റയ്ക്ക് ഇറങ്ങി പോകരുത്,, അത് എനിക്ക് പേടിയാണ്,,,,,, "ആളുകൾ കൂടുമ്പോൾ എന്റെ കയ്യിൽ മുറുകെ പിടിക്കണം,,,, " ആൾകൂട്ടത്തിന് നടുവിലൂടെ കൈ ചേർത്ത് പിടിച്ചങ്ങനെ നടക്കണം,,,,, "ഒരുമിച്ചൊരു അസ്തമയം കാണണം,,,,, "വഴിയോരകാഴ്ചകൾ കണ്ടു നടക്കുമ്പോൾ,, വഴിയരികിൽ കാണുന്ന കൊച്ച് കടകളിൽ നിന്ന് ഇഷ്ടപെട്ടതെല്ലാം വാങ്ങി തരണം,,,, "പൂഴി മണലിൽ കൊട്ടാരം ഉണ്ടാക്കി രസിക്കണം,,,, " എന്റെ മടിയിൽ തലചായ്ച്ചു കിടന്ന് മയങ്ങുന്ന ആ മുടിയിഴകൾ എനിക്ക് തഴുകി തലോടണം,,,,, "രാത്രിയിൽ സ്ട്രീറ്റ് ലൈറ്റ് വെട്ടത്തിൽ കൈകൾ പിടിച്ചു ചേർന്ന് നടക്കണം,,,, "ഒരുമിച്ചൊരു മഴ നനയണം,,,ആ മഴയിൽ കുതിർന്നു നിൽക്കുമ്പോൾ അഗാധമായി നീ എന്നെ പുണരണം,,,,, "ചുണ്ടുകൾ ശ്വാസം ലഭിക്കാതെ പിടയണം,,,, "മഴ പെയ്തു തണുത്തു നിൽക്കുമ്പോൾ നിന്നിലെ ചൂട് കൊണ്ട് നീ എനിക്ക് കമ്പിളി ആവണം,,,,, "നല്ല തണുപ്പുള്ള രാത്രിയിൽ ഐസ്ക്രീം കഴിക്കാൻ പോകണം,,,,, "അങ്ങനെ അങ്ങനെ നമുക്ക് ഒരുപാട് കാലം ജീവിക്കണം,,,,, "തനിച്ചാക്കി പോയാൽ ഉണ്ടല്ലോ,,,, "എവിടെ പോയാലും എന്നെയും കൂട്ടണം,,,,, "അതിപ്പോ മരണത്തിലേയ്ക്കായാലും,,, "ഇത്രയൊക്കെ മതിയടൊ,, ഈ ഭൂമിയിലെ സ്വർഗം അനുഭവിക്കാൻ,,,,! 💞💞 അവൻ അവളെ ഒന്ന് നോക്കി .. സ്നേഹത്തോടെ അവളുടെ നെറുകിൽ ചുംബിച്ചു . ❤️ എഴുത്തിന്റെ കൂട്ടുകാരി അലീന.. ❣️✍️ #📝 ഞാൻ എഴുതിയ വരികൾ

മനോഹരമായ ചിറകുകൾ കൊണ്ട് നിന്റെയരികിൽ പറന്നെത്തണം..... നിന്റെ മടിയിൽ വന്നിരുന്നു നിൻ്റെ ചെവിയിൽ കിന്നാരം ചൊല്ലി...... നീ മയങ്ങുമ്പോൾ മെല്ലെ പറന്നു ഇലകൾക്കിടയിൽ ഒളിച്ചിരിക്കണം...... നീ ഉണരുമ്പോൾ എന്നെ കാണാതാവുമ്പോൾ..... നിൻ്റെ നൊമ്പരം ദൂരെ നിന്ന് നോക്കി കണ്ട്..... അധികം നൊമ്പരപ്പെടുത്താതെ പറന്നു അരികിൽ ചെന്ന് ചേർന്നിരിക്കണം...... ഇറ്റുവീഴുന്ന ഓരോ മഴത്തുള്ളിയും നിന്റെ ചുംബനങ്ങൾ ആണെന്ന് നിൻ കാതോരം വന്നു മൊഴിയണം.... എന്നിൽ പെയ്യ്തിറങ്ങുന്ന ചാറ്റൽമഴ നിന്റെ തലോടലാവണം... കുളിരണിയിച്ച രാവുകൾ നമ്മുടെ പ്രണയത്തിന്റെ നിലവ് ആവണം..... എന്റെ മേൽ വന്നു പതിക്കുന്ന ഓരോ മഴത്തുള്ളികളും നിന്റെ ശ്വാസമായി മാറണം... ഇനിയും നിന്നോടുത്തു നനയാൻ ഒരു മഴക്കാലം എനിക്കായി നീ മാറ്റി വെച്ചേക്കണം.... അവിടെയും നിന്റെ ശ്വാസമായി മാറണം എനിക്ക്.. ഒരിക്കലും പെയ്യത് തോരാത്ത പ്രണയ മഴ... ❤️ അലീന 💞💞 ❣️❣️✍️✍️ #💞 പ്രണയകഥകൾ #📝 ഞാൻ എഴുതിയ വരികൾ