ਫਰੀਦਕੋਟ ਦੇ ਦੋ ਅਗਾਂਹਵਧੂ ਕਿਸਾਨ, ਅਮਰਜੀਤ ਸਿੰਘ ਢਿੱਲੋਂ (ਮੈਂਬਰ ਪੀ.ਏ.ਯੂ., ਮੈਨੇਜਮੈਂਟ ਬੋਰਡ) ਅਤੇ ਰਜਿੰਦਰ ਕੌਰ ਨੂੰ 20 ਫਰਵਰੀ, 2026 ਨੂੰ ਚੰਡੀਗੜ੍ਹ ਵਿੱਚ ਨੈਸ਼ਨਲ ਬੈਂਕ ਫਾਰ ਐਗਰੀਕਲਚਰ ਐਂਡ ਰੂਰਲ ਡਿਵੈਲਪਮੈਂਟ (ਨਾਬਾਰਡ) ਦੁਆਰਾ ਆਯੋਜਿਤ ਇੱਕ ਸਮਾਗਮ ਵਿੱਚ ਪੰਜਾਬ ਦੇ ਮਾਣਯੋਗ ਵਿੱਤ ਮੰਤਰੀ, ਸ. ਹਰਪਾਲ ਸਿੰਘ ਚੀਮਾ ਨੇ 'ਜ਼ਿਲ੍ਹਾ ਫਰੀਦਕੋਟ ਵਿੱਚ ਡਰੈਗਨ ਫਲਾਂ ਦੀ ਕਾਸ਼ਤ ਦਾ ਪ੍ਰਸਿੱਧੀਕਰਨ: 'ਫਸਲੀ ਵਿਭਿੰਨਤਾ ਅਤੇ ਪਾਣੀ ਸੰਭਾਲ ਵੱਲ ਇੱਕ ਕਦਮ' ਪ੍ਰੋਜੈਕਟ ਤਹਿਤ ਡਰੈਗਨ ਫਲਾਂ ਦੀ ਕਾਸ਼ਤ ਰਾਹੀਂ ਫਸਲੀ ਵਿਭਿੰਨਤਾ ਵਿੱਚ ਸ਼ਾਨਦਾਰ ਯੋਗਦਾਨ ਪਾਉਣ ਲਈ ਸਨਮਾਨਿਤ ਕੀਤਾ।#NABARD #farmers #faridkot #CropDiversification #agriculture #award #punjab #📑ਸ਼ੇਅਰਚੈਟ ਜਾਣਕਾਰੀ 📑

ਪੀ.ਏ.ਯੂ. ਦੇ ਡਾ. ਮਨਮੋਹਨ ਸਿੰਘ ਆਡੀਟੋਰੀਅਮ ਵਿਖੇ ਅੱਜ ਅਸਟੇਟ ਆਰਗੇਨਾਈਜ਼ੇਸ਼ਨ ਦੇ ਸਹਿਯੋਗ ਨਾਲ ਸਾਬਕਾ ਵਾਈਸ ਚਾਂਸਲਰ ਡਾ ਮਹਿੰਦਰ ਸਿੰਘ ਰੰਧਾਵਾ ਯਾਦਗਾਰੀ ਦੋ ਦਿਨਾਂ ਸਾਲਾਨਾ ਫਲਾਵਰ ਸ਼ੋਅ ਆਰੰਭ ਹੋਇਆ। ਇਸ ਸ਼ੋਅ ਨੇ ਰੰਗ-ਬਿਰੰਗੇ ਫੁੱਲਾਂ ਦੀ ਮਨਮੋਹਕ ਛਬੀ ਰਾਹੀਂ ਬਸੰਤ ਰੁੱਤ ਦੇ ਮੌਲਣ ਦਾ ਅਦਭੁਤ ਨਜ਼ਾਰਾ ਪੇਸ਼ ਕੀਤਾ। ਆਸ ਪਾਸ ਦੇ ਇਲਾਕਿਆਂ ਵਿਚੋਂ ਫੁੱਲ ਉਤਪਾਦਕਾਂ ਅਤੇ ਫੁੱਲ ਪ੍ਰੇਮੀਆਂ ਨੇ ਸ਼ੋਅ ਵਿੱਚ ਸ਼ਿਰਕਤ ਕੀਤੀ ਅਤੇ ਵੱਖ-ਵੱਖ ਡਿਜ਼ਾਈਨਾਂ ਅਤੇ ਵਰਗਾਂ ਵਿੱਚ ਫੁੱਲਾਂ ਦੀਆਂ ਬਹੁ-ਰੰਗੀ ਕਿਸਮਾਂ ਦਾ ਪ੍ਰਦਰਸ਼ਨ ਕੀਤਾ। ਸ਼ੋਅ ਦਾ ਉਦਘਾਟਨ ਕਰਦੇ ਹੋਏ, ਮੁੱਖ ਮਹਿਮਾਨ ਡਾ. ਸਤਬੀਰ ਸਿੰਘ ਗੋਸਲ, ਵਾਈਸ-ਚਾਂਸਲਰ ਨੇ ਫੁੱਲਾਂ ਦੀ ਖੇਤੀ ਕਰਨ ਵਾਲਿਆਂ ਅਤੇ ਫੁੱਲ ਪ੍ਰੇਮੀਆਂ ਦੀ ਦਿਲਚਸਪੀ ਅਨੁਸਾਰ ਹਰ ਸਾਲ ਸ਼ੋਅ ਕਰਵਾਉਣ ਦੀ ਵਿਰਾਸਤ ਨੂੰ ਅੱਗੇ ਵਧਾਉਣ ਲਈ ਫਲੋਰੀਕਲਚਰ ਅਤੇ ਲੈਂਡਸਕੇਪਿੰਗ ਵਿਭਾਗ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਕਿਹਾ ਕਿ ਫੁੱਲ ਰੂਹ ਨੂੰ ਸੁੰਦਰਤਾ ਨਾਲ ਤਾਂ ਭਰਦੇ ਹੀ ਹਨ, ਇਨ੍ਹਾਂ ਦੀ ਨਾਜ਼ੁਕ ਛੋਹ ਮਨ ਨੂੰ ਤਣਾਅ ਤੋਂ ਮੁਕਤ ਕਰਕੇ ਚਾਵਾਂ ਨੂੰ ਉਤਸ਼ਾਹਿਤ ਕਰਦੀ ਹੈ। ਉਨ੍ਹਾਂ ਕਿਹਾ ਕਿ ਫੁੱਲਾਂ ਦੀ ਖੇਤੀ ਦੇ ਕਿੱਤੇ ਦੇ ਵਿਕਾਸ ਨੇ ਫੁੱਲਾਂ ਦੀ ਖਰੀਦ ਨੂੰ ਵਧਾ ਦਿੱਤਾ ਹੈ, ਇਸ ਤਰ੍ਹਾਂ, ਉਤਪਾਦਕਾਂ ਅਤੇ ਵਿਕਰੇਤਾਵਾਂ ਲਈ ਲਾਭਦਾਇਕ ਹਾਲਾਤ ਪੈਦਾ ਹੋ ਰਹੇ ਹਨ। ਡਾ ਗੋਸਲ ਨੇ ਕਿਹਾ ਕਿ ਯੂਨੀਵਰਸਿਟੀ ਨੇ ਇਸ ਖੇਤਰ ਵਿੱਚ ਵਪਾਰਕ ਪੱਖੋਂ ਸ਼ਾਨਦਾਰ ਫੁੱਲਾਂ ਦੀ ਖੋਜ ਵੀ ਕੀਤੀ ਹੈ, ਜਿਸ ਨਾਲ ਖੇਤੀ ਵਿਭਿੰਨਤਾ ਦਾ ਢੁਕਵਾਂ ਬਦਲ ਪੇਸ਼ ਹੋਇਆ ਹੈ।ਮਹਿਮਾਨ ਵਜੋਂ ਪੀ.ਏ.ਯੂ. ਦੇ ਫਲੋਰੀਕਲਚਰ ਦੇ ਸਾਬਕਾ ਪ੍ਰੋਫੈਸਰ, ਅਤੇ ਫਲੋਰੀਕਲਚਰ, ਖੇਤੀਬਾੜੀ ਅਤੇ ਪ੍ਰੋਸੈਸਡ ਫੂਡ ਪ੍ਰੋਡਕਟਸ ਐਕਸਪੋਰਟ ਡਿਵੈਲਪਮੈਂਟ ਅਥਾਰਟੀ ਦੇ ਸਾਬਕਾ ਰਾਸ਼ਟਰੀ ਸਲਾਹਕਾਰ ਡਾ. ਏ.ਪੀ.ਐਸ. ਗਿੱਲ ਨੇ ਕਿਹਾ ਕਿ ਫੁੱਲ ਬਸੰਤ ਰੁੱਤ ਦੀ ਲਾਸਾਨੀ ਸੁੰਦਰਤਾ ਨੂੰ ਪੇਸ਼ ਕਰਦੇ ਹਨ। ਖੇਤੀ ਭਿੰਨਤਾ ਨੂੰ ਉਤਸ਼ਾਹਿਤ ਕਰਨ ਲਈ ਬਾਗਬਾਨੀ ਨੂੰ ਮਹੱਤਵਪੂਰਨ ਬਦਲ ਕਰਾਰ ਦਿੰਦਿਆਂ ਡਾ ਗਿੱਲ ਨੇ ਫੁੱਲਾਂ ਦੇ ਬੀਜ ਉਤਪਾਦਨ ਅਤੇ ਕਾਸ਼ਤ ਨੂੰ ਲੰਬੇ ਸਮੇਂ ਤੱਕ ਚੱਲਣ ਵਾਲਾ ਸਥਿਰ ਕਾਰੋਬਾਰ ਕਿਹਾ।#punjabagriculturaluniversity #ViceChancellor #flowershow #PAU #punjab #ludhiana #📑ਸ਼ੇਅਰਚੈਟ ਜਾਣਕਾਰੀ 📑

ਪੀ.ਏ.ਯੂ. ਦੇ ਖੇਡ ਸਟੇਡੀਅਮ ਵਿਚ ਡਾਇਰੈਕਟੋਰੇਟ ਪਸਾਰ ਸਿੱਖਿਆ ਦੀ ਨਿਗਰਾਨੀ ਹੇਠ ੫੯ਵੀਂ ਸਲਾਨਾ ਐਥਲੈਟਿਕ ਮੀਟ ਦਾ ਉਦਘਾਟਨੀ ਸਮਾਗਮ ਹੋਇਆ। ਇਸ ਸਮਾਗਮ ਵਿਚ ਵਿਸ਼ੇਸ਼ ਮਹਿਮਾਨ ਵਜੋਂ ਸ. ਯੁਰਿੰਦਰ ਸਿੰਘ ਹੇਅਰ, ਆਈ ਪੀ ਐੱਸ, ਸ਼ਾਮਿਲ ਹੋਏ, ਜਦਕਿ ਸਮਾਰੋਹ ਵਿੱਚ ਮੁੱਖ ਮਹਿਮਾਨ ਦੇ ਤੌਰ 'ਤੇ ਪੀ.ਏ,ਯੂ. ਦੇ ਵਾਈਸ ਚਾਂਸਲਰ ਡਾ. ਸਤਿਬੀਰ ਸਿੰਘ ਗੋਸਲ ਨੇ ਸ਼ਿਰਕਤ ਕੀਤੀ। ਉਦਘਾਟਨੀ ਸਮਾਰੋਹ ਵਿਚ ਯੂਨੀਵਰਸਿਟੀ ਦੇ ਉੱਚ ਅਧਿਕਾਰੀ, ਡੀਨ, ਡਾਇਰੈਕਟਰ ਵਿਭਾਗਾਂ ਦੇ ਮੁਖੀ, ਅਧਿਆਪਨ, ਗੈਰ ਅਧਿਆਪਨ ਕਰਮਚਾਰੀ, ਖਿਡਾਰੀ ਅਤੇ ਵਿਦਿਆਰਥੀ ਭਰਪੂਰ ਗਿਣਤੀ ਵਿਚ ਹਾਜ਼ਰ ਰਹੇ। ਸ. ਯੁਰਿੰਦਰ ਸਿੰਘ ਹੇਅਰ ਨੇ ਵੱਖ-ਵੱਖ ਟੀਮਾਂ ਦੇ ਮਾਰਚ ਪਾਸਟ ਤੋਂ ਸਲਾਮੀ ਲਈ ਅਤੇ ਭਾਗ ਲੈਣ ਵਾਲੇ ਖਿਡਾਰੀਆਂ ਨੂੰ ਸ਼ੁਭ ਕਾਮਨਾਵਾਂ ਦਿੱਤੀਆਂ। ਸ. ਹੇਅਰ ਨੇ ਕਿਹਾ ਕਿ ਸਫਲਤਾ ਵਿਸ਼ੇਸ਼ ਤੌਰ ਤੇ ਖੇਡਾਂ ਦੇ ਖੇਤਰ ਵਿਚ ਇੱਕੋ ਦਿਨ ਵਿਚ ਹਾਸਲ ਨਹੀਂ ਹੁੰਦੀ, ਇਸਲਈ ਲੰਮਾ ਸੰਘਰਸ਼, ਸਖਤ ਮਿਹਨਤ, ਦ੍ਰਿੜ ਨਿਸ਼ਚਾ ਅਤੇ ਆਪਣੇ ਨਿਸ਼ਾਨੇ ਤੇ ਟੇਕ ਬਣਾਈ ਰੱਖਣੀ ਪੈਂਦੀ ਹੈ। ਉਹਨਾਂ ਖਿਡਾਰੀਆਂ ਨੂੰ ਜਿੱਤ ਹਾਰ ਦੀ ਥਾਂ ਭਾਗ ਲੈਣ ਅਤੇ ਹਰ ਵਾਰ ਮੈਦਾਨ ਵਿੱਚੋਂ ਕੋਈ ਸਬਕ ਲੈ ਕੇ ਨਿਕਲਣ ਲਈ ਪ੍ਰੇਰਿਤ ਕੀਤਾ। ਸ. ਯੁਰਿੰਦਰ ਸਿੰਘ ਨੇ ਆਖਿਆ ਕਿ ਪੀ.ਏ.ਯੂ. ਨੇ ਹਮੇਸ਼ਾ ਸਿਰਕੱਢ ਖਿਡਾਰੀ ਪੈਦਾ ਕੀਤੇ ਹਨ ਅਤੇ ਆਸ ਹੈ ਕਿ ਇਹ ਰਵਾਇਤ ਆਉਂਦੇ ਸਮੇਂ ਵਿਚ ਵੀ ਜਾਰੀ ਰਹੇਗੀ। ਪੀ.ਏ.ਯੂ. ਦੇ ਵਾਈਸ ਚਾਂਸਲਰ ਨੇ ਪੀ.ਏ.ਯੂ. ਵੱਲੋਂ ਖੇਡਾਂ ਦੇ ਮੈਦਾਨਾਂ ਵਿਚ ਕੀਤੀਆਂ ਪ੍ਰਾਪਤੀਆਂ ਦਾ ਜ਼ਿਕਰ ਕੀਤਾ। ਉਹਨਾਂ ਕਿਹਾ ਕਿ ਕਿਸੇ ਸੰਸਥਾ ਨੇ ਆਪਣੇ ਵਿਦਿਆਰਥੀਆਂ ਅਤੇ ਖਿਡਾਰੀਆਂ ਨੂੰ ਖੇਡਾ ਦੇ ਮੈਦਾਨਾਂ ਤੋਂ ਇਲਾਵਾ ਜ਼ਿੰਦਗੀ ਨਾਲ ਜੂਝਣ ਦਾ ਜ਼ਜ਼ਬਾ ਪ੍ਰਦਾਨ ਕਰਨਾ ਹੁੰਦਾ ਹੈ ਅਤੇ ਇਸ ਗੱਲ ਦੀ ਖੁਸ਼ੀ ਹੈ ਕਿ ਪੀ.ਏ.ਯੂ. ਨੇ ਆਪਣੇ ਵਿਦਿਆਰਥੀਆਂ ਨੂੰ ਇਸ ਜ਼ਜ਼ਬੇ ਨਾਲ ਭਰਪੂਰ ਕੀਤਾ ਹੈ। ਉਹਨਾਂ ਖਿਡਾਰੀਆਂ ਨੂੰ ਨਿਰੰਤਰ ਅਨੁਸ਼ਾਸਨ ਵਿਚ ਰਹਿ ਕੇ ਅੱਗੇ ਵਧਣ ਅਤੇ ਖੇਡਣ ਲਈ ਕਿਹਾ।#punjabagriculturaluniversity #athlete #PAU #students #seminar #ViceChancellor #📑ਸ਼ੇਅਰਚੈਟ ਜਾਣਕਾਰੀ 📑

ਸਿਕੰਦਰ ਸਿੰਘ ਨੇ ਕਮਾਈ ਨੂੰ ਲਾਗ਼ਤ ਬਣਾ, ਕਰ ਲਏ ਨਗ ਪੰਜ ਤੋਂ ਪੰਜਾਹਪੰਜਾਬ ਇੱਕ ਖੇਤੀ ਮੋਹਰੀ ਸੂਬਾ ਹੈ ਜਿੱਥੇ ਬਹੁਤੇ ਵਸਨੀਕ ਖੇਤੀਬਾੜੀ ਕਰਕੇ ਆਪਣੇ ਪਰਿਵਾਰ ਨੂੰ ਪਾਲਦੇ ਹਨ। ਖੇਤੀ ਦੇ ਨਾਲ-ਨਾਲ ਜੇਕਰ ਕੋਈ ਲਾਹੇਵੰਦ ਸਹਾਇਕ ਕਿੱਤਾ ਵੀ ਅਪਨਾ ਲਿਆ ਜਾਵੇ ਤਾਂ ਸੋਨੇ ਤੇ ਸੁਹਾਗੇ ਵਾਲੀ ਗੱਲ ਹੋ ਜਾਂਦੀ ਹੈ। ਡੇਅਰੀ ਫਾਰਮਿੰਗ ਦਾ ਧੰਦਾ ਵੀ ਇੱਕ ਲਾਹੇਵੰਦ ਧੰਦਾ ਹੈ ਅਤੇ ਪਰਿਵਾਰ ਦੀ ਰੋਜ਼ਾਨਾ ਆਮਦਨ ਲਈ ਸਹਾਇਕ ਹੈ। ਅਜਿਹਾ ਧੰਦਾ ਕਰਨ ਵਾਲਾ ਅਗਾਂਹਵਧੂ ਸਫ਼ਲ ਕਿਸਾਨ ਹੈ - ਸਿਕੰਦਰ ਸਿੰਘ, ਜਿਸ ਦੀ ਉਮਰ 35 ਸਾਲ ਹੈ, ਜੋ ਪਿੰਡ ਜਵਾਹਰਕੇ, ਤਹਿਸੀਲ ਅਤੇ ਜ਼ਿਲ੍ਹਾ ਮਾਨਸਾ ਦਾ ਰਹਿਣ ਵਾਲਾ ਹੈ।ਸਿਕੰਦਰ ਸਿੰਘ ਦੀ ਪੜਾਈ ਦੇ ਨਾਲ-ਨਾਲ ਪਸ਼ੂਆਂ ਵਿੱਚ ਸ਼ੁਰੂ ਤੋਂ ਹੀ ਰੁਚੀ ਰਹੀ ਹੈ ਅਤੇ ਉਸਨੇ 10+2 ਕਰਨ ਤੋਂ ਬਾਅਦ ਆਮ ਰਵਾਈਤੀ ਖੇਤੀ ਅਪਣਾਈ । ਪਰ ਪਸ਼ੂਆਂ ਨਾਲ ਪਿਆਰ ਉਸਨੂੰ ਸਾਲ 2018 ਵਿਚ ਡੇਅਰੀ ਫਾਰਮਿੰਗ ਦੇ ਸਹਾਇਕ ਕਿੱਤੇ ਵੱਲ ਖਿੱਚ ਲਿਆਇਆ। ਸ਼ੁਰੂਆਤ ਵਿੱਚ ਘਰ ਦੀਆਂ 4-5 ਮੱਝਾਂ ਦੇ ਨਾਲ ਇੱਕ ਗਾਂ ਹੋਰ ਖਰੀਦ ਕੇ ਡੇਅਰੀ ਫਾਰਮਿੰਗ ਦਾ ਧੰਦਾ ਸ਼ੁਰੂ ਕੀਤਾ। ਸ਼ੁਰੂ ਵਿੱਚ ਇਹਨਾਂ ਦੀ ਸਾਂਭ-ਸੰਭਾਲ ਘਰ ਵਿੱਚ ਵਿੱਚ ਹੀ ਕੀਤੀ ਪਰ ਫਿਰ ਹੋਰ ਪਸ਼ੂ ਖਰੀਦਣ ਤੋਂ ਬਾਅਦ ਆਪਣਾ ਫਾਰਮ ਪਿੰਡ ਤੋ ਬਾਹਰ ਬਣਾ ਲਿਆ। ਅੱਜ ਸਿਕੰਦਰ ਕੋਲ ਲਗਭਗ 30 ਵਧੀਆ ਨਸਲ ਦੀਆਂ ਮੱਝਾਂ ਜਿਨਾਂ ਵਿੱਚ ਮੁਰ੍ਹਾ ਨਸਲਾਂ ਮੁੱਖ ਹਨ ਅਤੇ 15 ਐੱਚ ਐੱਫ ਗਾਂਵਾਂ ਹਨ। ਨਸਲ ਸੁਧਾਰ ਲਈ ਇੱਕ ਸਾਂਡ ਵੀ ਰੱਖਿਆ ਹੋਇਆ ਹੈ। ਫਾਰਮ ਉਤੇ ਰੋਜ਼ਾਨਾ ਔਸਤਨ 4-4.25 ਕੁਇੰਟਲ ਦੁੱਧ ਪੈਦਾ ਹੰਦਾ ਹੈ। ਇਹ ਦੁੱਧ ਦੀ ਵਿੱਕਰੀ ਮਾਨਸਾ ਸ਼ਹਿਰ ਦੇ ਬਾਰਹਟਾ ਚੌਂਕ ‘ਤੇ ਸਿਕੰਦਰ ਆਪ ਹੀ ਕਰਦਾ ਹੈ। ਉਹ ਖਰੀਦਦਾਰਾਂ ਨੂੰ ਦੁੱਧ ਦੀ ਸ਼ੁੱਧਤਾ ਦੀ ਪੂਰੀ ਗਰੰਟੀ ਦੇਂਦਾ ਹੈ, ਸ਼ੁੱਧ ਅਤੇ ਸਾਫ-ਸੁਥਰਾ ਦੁੱਧ ਦੇ ਚਾਹਵਾਨ ਲੋਕੀ ਲਾਈਨਾਂ ‘ਚ ਲੱਗ ਕੇ 70 ਰੁਪਏ ਪ੍ਰਤੀ ਲੀਟਰ ਦੇ ਹਿਸਾਬ ਨਾਲ ਖਰੀਦ ਲੈਂਦੇ ਹਨ। ਦੁੱਧ ਨੂੰ ਵੇਚਕੇ 2.5-3.0 ਲੱਖ ਰੁਪਏ ਅਤੇ ਪਸ਼ੂਆਂ ਦੀ ਖਰੀਦ-ਵੇਚ ਕਰਕੇ 1-1.25 ਲੱਖ ਰੁਪਏ ਪ੍ਰਤੀ ਮਹੀਨਾ ਮੁਨਾਫਾ ਕਮਾਉਂਦਾ ਹੈ।ਸਿਕੰਦਰ ਸਿੰਘ ਨੇ ਪਸ਼ੂਆਂ ਦੇ ਪਾਲਣ ਪੋਸ਼ਣ ਉੱਤੇ ਹੋਣ ਵਾਲੇ ਖਰਚੇ ਅਤੇ ਆਮਦਨ ਬਾਰੇ ਹਿਸਾਬ ਰੱਖਣ ਲਈ ਵਹੀ-ਖਾਤਾ ਵੀ ਲਗਾਇਆ ਹੋਇਆ ਹੈ। ਮਾੜਾ ਅਤੇ ਘੱਟ ਦੁੱਧ ਦੇਣ ਵਾਲੇ ਪਸ਼ੂਆਂ ਦੀ ਛਾਂਟੀ ਕਰਕੇ ਵੇਚ ਦਿੰਦਾ ਹੈ। ਪਸ਼ੂਆਂ ਲਈ ਫੀਡ ਆਪਣੇ ਘਰ ਵਿੱਚ ਹੀ ਤਿਆਰ ਕਰਦਾ ਹੈ । ਪਸ਼ੂਆਂ ਦੇ ਸ਼ੈੱਡ ਆਧੁਨਿਕ ਢੰਗ ਨਾਲ ਬਣਾਏ ਹੋਏ ਹਨ, ਜੋ ਕਿ ਪੂਰੇ ਹਵਾਦਾਰ ਅਤੇ ਪਸ਼ੂਆਂ ਲਈ ਅਰਾਮਦਾਇਕ ਹਨ। ਹਰ ਮੱਝ ਲਈ ਵੱਖਰਾ-ਵੱਖਰਾ ਰਹਿਣ ਦਾ ਪ੍ਰਬੰਧ ਹੈ ਅਤੇ ਪਸ਼ੂਆਂ ਦੇ ਥੱਲੇ ਮੈਟ ਵਿਛਾਏ ਹੋਏ ਹਨ ਤਾਂ ਜੋ ਪਸ਼ੂ ਆਰਾਮ ਨਾਲ ਬੈਠ ਕੇ ਜੁਗਾਲੀ ਕਰ ਸਕਣ ਅਤੇ ਪਸ਼ੂਆਂ ਨੂੰ ਕਿਸੇ ਤਰ੍ਹਾਂ ਦੀ ਕੋਈ ਸੱਟ ਨਾ ਲੱਗੇ। ਸਿਕੰਦਰ ਸਿੰਘ ਨੇ ਆਪਣੀਆਂ ਮੱਝਾਂ ਦੇ ਲਈ ਸਾਫ਼ ਸੁਥਰੇ ਪੀਣ ਵਾਲੇ ਪਾਣੀ ਦਾ ਵੀ ਵਧੀਆ ਪ੍ਰਬੰਧ ਕੀਤਾ ਹੋਇਆ ਹੈ ਅਤੇ ਗਰਮੀ ਦੇ ਅਸਰ ਨੂੰ ਘਟਾਉਣ ਲਈ ਫਾਰਮ ਦੇ ਵਿੱਚ ਹੀ ਇੱਕ ਪੱਕਾ ਟੋਭਾ ਵੀ ਬਣਾਇਆ ਹੋਇਆ ਹੈ । ਇਸ ਟੋਭੇ ਵਿੱਚ ਮੱਝਾਂ ਗਰਮੀ ਤੋਂ ਰਾਹਤ ਅਤੇ ਅਰਾਮਦਾਇਕ ਮਹਿਸੂਸ ਕਰਦੀਆਂ ਹਨ। ਪਸ਼ੂਆਂ ਨੂੰ ਸਿਹਤਮੰਦ ਰੱਖਣ ਲਈ ਯੂਨੀਵਰਸਿਟੀ ਦੀ ਸਿਫਾਰਸ਼ ਅਨੁਸਾਰ ਨਿਯਮਤ ਤੋਰ ਤੇ ਕੀੜ੍ਹੇਮਾਰ ਦਵਾਈਆਂ ਦੀ ਵਰਤੋਂ ਅਤੇ ਟੀਕਾਕਰਨ ਕੀਤਾ ਜਾਂਦਾ ਹੈ । ਮੱਝਾਂ ਪਾਲਣ ਦਾ ਕਿੱਤਾ ਸਿਕੰਦਰ ਸਿੰਘ ਦਾ ਪਰਿਵਾਰਕ ਕਿੱਤਾ ਹੋਣ ਕਰਕੇ ਪਸ਼ੂਆਂ ਦੀਆਂ ਆਮ ਬਿਮਾਰੀਆਂ ਅਤੇ ਹੋਰ ਸਮੱਸਿਆਵਾਂ ਦੇ ਹੱਲ ਲਈ ਉਹ ਤੁਰੰਤ ਹੀ ਪਸ਼ੂ ਮਾਹਿਰਾਂ ਦੀ ਸਲਾਹ ਲੈ ਲੈਂਦਾ ਹੈ।ਸਿਕੰਦਰ ਸਿੰਘ ਦੇ ਅਨੁਸਾਰ ਹਰਾ ਚਾਰਾ, ਸਾਈਲੇਜ਼, ਫੀਡ, ਤਾਜ਼ਾ ਪਾਣੀ ਅਤੇ ਸਵੱਛਤਾ ਹੀ ਸਫ਼ਲ ਡੇਅਰੀ ਫਾਰਮ ਦਾ ਮੁੱਖ ਅਧਾਰ ਹਨ । ਫੀਡ ਅਤੇ ਖਣਿਜ ਮਿਸ਼ਰਣ (ਧਾਤਾਂ ਦਾ ਚੂਰਾ) ਯੂਨੀਵਰਸਿਟੀ ਦੀ ਸਿਫਾਰਸ਼ ਅਨੁਸਾਰ ਦਿੱਤਾ ਜਾਂਦਾ ਹੈ। ਉਹ ਡੇਅਰੀ ਦੇ ਧੰਦੇ ਵਿੱਚ ਆਉਂਦੀਆਂ ਮੁਸ਼ਕਿਲਾਂ ਦੇ ਹੱਲ ਲਈ ਅਤੇ ਖੇਤੀ ਵਿੱਚ ਨਵੀਂਆਂ ਖੋਜਾਂ ਲਈ ਕ੍ਰਿਸ਼ੀ ਵਿਗਿਆਨ ਕੇਂਦਰ, ਮਾਨਸਾ ਨਾਲ ਹਮੇਸ਼ਾਂ ਸੰਪਰਕ ਵਿੱਚ ਰਹਿੰਦਾ ਹੈ। ਆਪਣੀ 14 ਏਕੜ ਜ਼ਮੀਨ ਵਿੱਚ ਸਿਕੰਦਰ ਸਿੰਘ ਕਣਕ, ਝੋਨਾ, ਮੱਕੀ, ਚਰੀ, ਜਵੀ, ਬਰਸੀਮ ਅਤੇ ਮੌਸਮੀ ਸਬਜ਼ੀਆਂ ਦੀ ਕਾਸ਼ਤ ਕਰਦਾ ਹੈ। ਉਸਦਾ ਵਧੇਰੇ ਧਿਆਨ ਆਪਣੇ ਹੀ ਖੇਤ ਵਿੱਚ ਹਰੇ ਚਾਰੇ ਦੇ ਉਤਪਾਦਨ ਅਤੇ ਸਾਈਲੇਜ਼ ਵੱਲ ਵੀ ਹੈ ਜਿਸ ਦੁਆਰਾ ਘੱਟ ਕੀਮਤ ਵਿੱਚ ਵਧੇਰੇ ਦੁੱਧ ਪੈਦਾ ਕੀਤਾ ਜਾਂਦਾ ਹੈ। ਸਿਕੰਦਰ ਸਿੰਘ ਇੱਕ ਅਗਾਂਹਵਧੂ ਕਿਸਾਨ ਹੈ ਅਤੇ ਪਿਛਲੇ 5 ਸਾਲਾਂ ਤੋਂ ਝੋਨੇ ਦੀ ਪਰਾਲੀ ਨੂੰ ਅੱਗ ਨਾ ਲਾ ਕੇ ਵਾਤਾਵਰਨ ਨੂੰ ਪ੍ਰਦੂਸ਼ਿਤ ਹੋਣ ਤੋਂ ਬਚਾਉਣ ਵਿੱਚ ਵੀ ਯੋਗਦਾਨ ਪਾਉਂਦਾ ਆ ਰਿਹਾ ਹੈ। ਝੋਨੇ ਦੀ ਕਟਾਈ ਉਪਰੰਤ ਕੁਝ ਪਰਾਲੀ ਦੀਆਂ ਬੇਲਰ ਨਾਲ ਗੱਠਾਂ ਬਣਵਾ ਕੇ ਫਾਰਮ ਤੇ ਰੱਖ ਲੈਂਦਾ ਹੈ ਅਤੇ ਇਹਨਾਂ ਨੂੰ ਡੇਅਰੀ ਫਾਰਮ ਦੇ ਪਸ਼ੂਆਂ ਥੱਲੇ ਸੁੱਕ ਪਾਉਣ ਲਈ ਵਰਤਦਾ ਹੈ ਅਤੇ ਬਾਕੀ ਖੇਤਾਂ ਵਿਚ ਹੈਪੀ ਸੀਡਰ ਅਤੇ ਸੁਪਰ ਸੀਡਰ ਨਾਲ ਬਿਜਾਈ ਕਰਦਾ ਹੈ। ਜਿਸ ਨਾਲ ਉਸ ਦੀ ਮਿੱਟੀ ਦੀ ਸਿਹਤ ਵਿੱਚ ਵੀ ਸੁਧਾਰ ਹੋਇਆ ਹੈ।ਸਿਕੰਦਰ ਸਿੰਘ ਵੱਲੋਂ ਚਲਾਇਆ ਜਾ ਰਿਹਾ ਡੇਅਰੀ ਫਾਰਮ ਨਾ ਸਿਰਫ ਉਸ ਲਈ ਰੋਜ਼ੀ-ਰੋਟੀ (ਲਾਭਦਾਇਕ ਉੱਦਮ) ਦੇ ਪੱਖੋਂ ਲਾਹੇਵੰਦ ਸਾਬਤ ਹੋਇਆ ਹੈ, ਸਗੋਂ ਨੇੜਲੇ ਪਿੰਡਾਂ ਦੇ ਹੋਰ ਬੇਰੁਜ਼ਗਾਰ ਨੋਜਵਾਨਾਂ ਨੂੰ ਵੀ ਇਸ ਲਾਭਕਾਰੀ ਕਿੱਤੇ ਬਾਰੇ ਗੰਭੀਰਤਾ ਨਾਲ ਸੋਚਣ ਲਈ ਮਜ਼ਬੂਰ ਕੀਤਾ ਹੈ ਕਿਉਂਕਿ ਡੇਅਰੀ ਫਾਰਮ ਦਾ ਧੰਦਾ ਇੱਕ ਕਾਮਯਾਬ ਧੰਦਾ ਹੈ। ਹੁਣ ਸਿਕੰਦਰ ਸਿੰਘ ਨੇ ਪਸ਼ੂ ਪਾਲਣ ਦੇ ਕਿੱਤੇ ਨੂੰ ਮੁੱਖ ਕਿੱਤੇ ਵਜੋਂ ਅਪਨਾ ਲਿਆ ਹੈ ਅਤੇ ਖੇਤੀਬਾੜੀ ਨੂੰ ਕੇਵਲ ਸਹਾਇਕ ਕਿੱਤੇ ਵਜੋਂ ਕਰਦਾ ਹੈ। ਸਿਕੰਦਰ ਸਿੰਘ ਆਪਣੇ ਇਸ ਮੱਝਾਂ ਪਾਲਣ ਦੇ ਕਿੱਤੇ ਤੋਂ ਅੱਜ ਪੂਰੀ ਤਰ੍ਹਾਂ ਨਾਲ ਸੰਤੁਸ਼ਟ ਹੈ ਅਤੇ ਹਮੇਸ਼ਾਂ ਦੂਜੇ ਕਿਸਾਨਾਂ ਨੂੰ ਪਸ਼ੂ ਪਾਲਣ ਦੇ ਕਿੱਤੇ ਨੂੰ ਵਧੀਆ ਢੰਗ ਨਾਲ ਕਰਨ ਲਈ ਅਤੇ ਇਸ ਤੋਂ ਵਧੇਰੇ ਆਮਦਨ ਲੈਣ ਲਈ ਸਿੱਖਿਅਤ ਕਰਦਾ ਰਹਿੰਦਾ ਹੈ। ਸਿਕੰਦਰ ਸਿੰਘ ਦੀਆਂ ਮੱਝਾਂ ਨੂੰ ਦੇਖਣ ਲਈ ਦੂਜੇ ਕਿਸਾਨ ਅਕਸਰ ਆਉਂਦੇ ਰਹਿੰਦੇ ਹਨ ਅਤੇ ਪ੍ਰਭਾਵਸ਼ਾਲੀ ਡੇਅਰੀ ਦੇ ਕਿੱਤੇ ਨੂੰ ਦੇਖ ਕੇ ਬਹੁਤ ਉਤਸ਼ਾਹਿਤ ਹੁੰਦੇ ਹਨ । ਅਸੀਂ ਵੀ ਆਸ ਕਰਦੇ ਹਾਂ ਕਿ ਸਿਕੰਦਰ ਸਿੰਘ ਆਪਣੇ ਇਸ ਕਿੱਤੇ ਵਿੱਚ ਦਿਨ ਦੁੱਗਣੀ ਅਤੇ ਰਾਤ ਚੌਗਣੀ ਤੱਰਕੀ ਕਰੇ ਅਤੇ ਆਪਣੇ ਸੂਬੇ ਦਾ ਨਾ ਪੂਰੀ ਦੁਨੀਆਂ ਵਿੱਚ ਰੌਸ਼ਨ ਕਰੇ।#progressive #successmindset #success #initiative #motivation #dairyfarming #📑ਸ਼ੇਅਰਚੈਟ ਜਾਣਕਾਰੀ 📑

ਪੀ.ਏ.ਯੂ. ਦੇ ਪਸਾਰ ਸਿੱਖਿਆ ਵਿਭਾਗ ਵਿਚ ਪੀ ਐੱਚ ਡੀ ਕਰਨ ਵਾਲੇ ਵਿਦਿਆਰਥੀ ਕੁਮਾਰੀ ਸਿਲੇਸ਼ ਕਾਵਿਆ ਦੀ ਚੋਣ ਪਾਬੀ ਦੇ ਵਿਦਿਆਰਥੀ ਓਰੀਐਂਟੇਸ਼ਨ ਪ੍ਰੋਗਰਾਮ ਲਈ ਹੋਈ ਹੈ। ਇਹ ਚੋਣ ਰਾਸ਼ਟਰੀ ਕ੍ਰਿਸ਼ੀ ਵਿਕਾਸ ਯੋਜਨਾ-ਰਫਤਾਰ ਤਹਿਤ ਭਾਰਤ ਸਰਕਾਰ ਦੇ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਮੰਤਰਾਲੇ ਤਹਿਤ ਹੋਈ। ਇਸ ਯੋਜਨਾ ਦਾ ਉਦੇਸ਼ ਖੋਜ ਅਤੇ ਕਾਢ ਨਾਲ ਜੁੜੇ ਵਿਦਿਆਰਥੀਆਂ ਨੂੰ ਖੇਤੀ ਕਾਰੋਬਾਰ ਦੇ ਨਵੇਂ ਵਿਚਾਰਾਂ ਲਈ ਤਿਆਰ ਕਰਨਾ ਹੈ। ਜ਼ਿਕਰਯੋਗ ਹੈ ਕਿ ਕੁਮਾਰੀ ਕਾਵਿਆ ਆਪਣੀ ਪੀ ਐੱਚ ਡੀ ਦੀ ਖੋਜ ਵਿਭਾਗ ਦੇ ਮਾਹਿਰ ਡਾ. ਮਨਮੀਤ ਕੌਰ ਦੀ ਨਿਗਰਾਨੀ ਹੇਠ ਕਰ ਰਹੇ ਹਨ। ਇਸ ਯੋਜਨਾ ਤਹਿਤ ਇਹ ਖੋਜਾਰਥੀ ਆਪਣੀ ਪੀ ਐੱਚ ਡੀ ਖੋਜ ਨੂੰ ਕਿਸਾਨਾਂ ਦੇ ਖੇਤ-ਖਾਤਿਆਂ ਦੇ ਪ੍ਰਬੰਧ ਵੱਲ ਸੇਧਿਤ ਕਰੇਗੀ। ਵਿਦਿਆਰਥੀ ਨੇ ਆਪਣੀ ਤਜ਼ਵੀਜ਼ ਅਨੁਸਾਰ ਅਵਾਜ਼ ਅਧਾਰਿਤ ਮੋਬਾਈਲ ਐਪ ਜੋ ਖੇਤ ਖਾਤਿਆਂ ਦੀ ਸੰਭਾਲ ਕਰੇ ਨੂੰ ਕਿਸਾਨਾਂ ਦੀ ਅਵਾਜ਼ ਦੇ ਨਮੂਨੇ ਨਾਲ ਤਿਆਰ ਕਰਨ ਅਤੇ ਖੇਤੀ ਆਮਦਨ ਦੇ ਪ੍ਰਬੰਧਨ ਲਈ ਯੋਜਨਾ ਤਿਆਰ ਕਰਨਾ ਹੈ। ਇਸ ਤਹਿਤ ਲੋੜੀਂਦੀ ਸਹਾਇਤਾ ਤੋਂ ਬਿਨਾਂ ਖੋਜਾਰਥੀ ਨੂੰ ਚਾਰ ਲੱਖ ਰੁਪਏ ਦੀ ਇਮਦਾਦ ਯੋਜਨਾ ਨੂੰ ਅਮਲੀ ਰੂਪ ਦੇਣ ਲਈ ਦਿੱਤੀ ਜਾਵੇਗੀ। ਪੀ.ਏ.ਯੂ. ਦੇ ਵਿਦਿਆਰਥੀਆਂ ਨੂੰ ਅਕਾਦਮਿਕ ਖੋਜ ਦੇ ਨਾਲ-ਨਾਲ ਕਾਰੋਬਾਰ ਅਤੇ ਕਿਸਾਨੀ ਭਲਾਈ ਵਾਸਤੇ ਤਕਨਾਲੋਜੀ ਅਧਾਰਿਤ ਸਮਾਧਾਨ ਤਿਆਰ ਕਰਨ ਦੇ ਮਾਮਲੇ ਵਿਚ ਇਹ ਵੱਡੀ ਪਹਿਲਕਦਮੀ ਹੈ। ਪੀ.ਏ.ਯੂ. ਦੇ ਵਾਈਸ ਚਾਂਸਲਰ ਡਾ. ਸਤਿਬੀਰ ਸਿੰਘ ਗੋਸਲ, ਅਪਰ ਨਿਰਦੇਸ਼ਕ ਸੰਚਾਰ ਡਾ. ਤੇਜਿੰਦਰ ਸਿੰਘ ਰਿਆੜ, ਪਸਾਰ ਸਿੱਖਿਆ ਵਿਭਾਗ ਦੇ ਮੁਖੀ ਡਾ. ਵਿਪਨ ਰਾਮਪਾਲ ਨੇ ਕੁਮਾਰੀ ਕਾਵਿਆ ਅਤੇ ਡਾ. ਮਨਮੀਤ ਕੌਰ ਨੂੰ ਇਸ ਪ੍ਰਾਪਤੀ ਲਈ ਵਧਾਈ ਦਿੱਤੀ।#punjabagriculturaluniversity #student #goodnews #PAU #PABI #phdstudent #📑ਸ਼ੇਅਰਚੈਟ ਜਾਣਕਾਰੀ 📑

ਪੀਏਯੂ-ਕ੍ਰਿਸ਼ੀ ਵਿਗਿਆਨ ਕੇਂਦਰ (ਕੇਵੀਕੇ), ਗੁਰਦਾਸਪੁਰ ਨੇ 23.02.2026 ਨੂੰ ਆਪਣੀ 34ਵੀਂ ਵਿਗਿਆਨਕ ਸਲਾਹਕਾਰ ਕਮੇਟੀ ਦੀ ਮੀਟਿੰਗ ਦਾ ਆਯੋਜਨ ਕੀਤਾ, ਜਿਸ ਵਿੱਚ ਵਿਸਥਾਰ ਸਿੱਖਿਆ ਡਾਇਰੈਕਟੋਰੇਟ, ਪੀ.ਏ.ਯੂ. ਲੁਧਿਆਣਾ ਅਤੇ ਆਈਸੀਏਆਰ-ਏਟੀਏਆਰਆਈ, ਜ਼ੋਨ-1 ਸ਼ਾਮਲ ਸਨ। ਇਸ ਮੀਟਿੰਗ ਦੀ ਪ੍ਰਧਾਨਗੀ ਡਾ. ਪ੍ਰਭਜੋਧ ਸਿੰਘ ਸੰਧੂ, ਵਧੀਕ ਨਿਰਦੇਸ਼ਕ ਪਸਾਰ ਸਿੱਖਿਆ, ਪੀ.ਏ.ਯੂ. ਲੁਧਿਆਣਾ ਨੇ ਕੀਤੀ, ਡਾ. ਐਚਐਸ ਰੰਧਾਵਾ, ਡਾਇਰੈਕਟਰ, ਰੀਜਨਲ ਸਟੇਸ਼ਨ ਗੁਰਦਾਸਪੁਰ, ਨੇ ਖੋਜ ਨਿਰਦੇਸ਼ਕ, ਪੀਏਯੂ ਲੁਧਿਆਣਾ ਦੇ ਪ੍ਰਤੀਨਿਧੀ ਵਜੋਂ ਸ਼ਿਰਕਤ ਕੀਤੀ। ਇਸ ਸਮਾਗਮ ਵਿੱਚ ਡਾ. ਭੁਪਿੰਦਰ ਸਿੰਘ ਢਿੱਲੋਂ, ਐਸੋਸੀਏਟ ਡੀਨ, ਖੇਤੀਬਾੜੀ ਸੰਸਥਾ, ਗੁਰਦਾਸਪੁਰ; ਡਾ. ਨਰਿੰਦਰਦੀਪ ਸਿੰਘ, ਡੀਈਐਸ (ਐਸਐਮ), ਐਫਏਐਸਸੀ ਗੁਰਦਾਸਪੁਰ; ਲਾਈਨ ਵਿਭਾਗਾਂ ਦੇ ਮੁਖੀ; ਰੀਜਨਲ ਸਟੇਸ਼ਨ ਗੁਰਦਾਸਪੁਰ ਦੇ ਵਿਗਿਆਨੀ; ਪ੍ਰਗਤੀਸ਼ੀਲ ਕਿਸਾਨ ਅਤੇ ਕਿਸਾਨ ਬੀਬੀਆਂ ਵੀ ਸ਼ਾਮਲ ਸਨ।#punjabagriculturaluniversity #KrishiVigyanKendra #gurdaspur #farmers #kvk #📑ਸ਼ੇਅਰਚੈਟ ਜਾਣਕਾਰੀ 📑

Ludhiana ਦੇ Farmer Amandeep Singh ਨੇ ਸੋਧੇ ਹੋਏ ਗੰਧਲੇ ਪਾਣੀ ਦੀ ਸਿੰਚਾਈ ਲਈ ਵਰਤੋਂ ਕਰਕੇ Punjab ਦੀ ਕਿਰਸਾਨੀ ਨੂੰ ਦਿੱਤਾ ਸੁਨੇਹਾ #📑ਸ਼ੇਅਰਚੈਟ ਜਾਣਕਾਰੀ 📑

ਪੀ.ਏ.ਯੂ. ਨੇ ਡਾ. ਗੁਰਦੇਵ ਸਿੰਘ ਖੁਸ਼ ਜੈਨੇਟਿਕਸ, ਪਲਾਂਟ ਬਰੀਡਿੰਗ ਅਤੇ ਬਾਇਓਤਕਨਾਲੋਜੀ ਸੰਸਥਾਨ ਵਿਖੇ ਡਿਜ਼ੀਟਲ ਤਰੀਕਿਆਂ ਰਾਹੀਂ ਸਥਿਰ ਖੇਤੀਬਾੜੀ ਦੀ ਪੈਮਾਇਸ਼ ਵਿਸ਼ੇ 'ਤੇ ਇਕ ਰੋਜ਼ਾ ਕੌਮਾਂਤਰੀ ਕਾਨਫਰੰਸ ਦਾ ਆਯੋਜਨ ਕੀਤਾ। ਇਸ ਕਾਨਫਰੰਸ ਵਿਚ ਦੇਸ਼-ਵਿਦੇਸ਼ ਤੋਂ ਪ੍ਰਸਿੱਧ ਖੇਤੀ ਵਿਗਿਆਨੀ ਮਾਹਿਰ ਅਤੇ ਵਿਦਵਾਨ ਸਥਿਰ ਖੇਤੀਬਾੜੀ ਪ੍ਰਬੰਧ ਦੀਆਂ ਤਕਨਾਲੋਜੀਆਂ ਜੀਨ ਵਿਗਿਆਨ ਅਤੇ ਨਵੀਨ ਵਿਧੀਆਂ ਦੀ ਪੈਮਾਇਸ਼ ਬਾਰੇ ਆਪਣੀਆਂ ਧਾਰਨਾਵਾਂ ਵਿਚਾਰਨ ਲਈ ਇਕੱਤਰ ਹੋਏ। ਕਾਨਫਰੰਸ ਦਾ ਆਰੰਭ ਕੈਨੇਡਾ ਦੀ ਸਾਸਕਾਚਵਾਨ ਯੂਨੀਵਰਸਿਟੀ ਦੇ ਖੋਜ ਬਾਰੇ ਉਪ ਪ੍ਰਧਾਨ ਡਾ. ਬਲਜੀਤ ਸਿੰਘ ਗਿੱਲ ਦੀ ਟਿੱਪਣੀ ਨਾਲ ਹੋਇਆ। ਡਾ. ਗਿੱਲ ਨੇ ਦੁਨੀਆਂ ਭਰ ਦੀ ਭੋਜਨ ਸੁਰੱਖਿਆ ਨੂੰ ਮੌਜੂਦਾ ਸਮੇਂ ਖੇਤੀਬਾੜੀ ਸਾਹਮਣੇ ਸਭ ਤੋਂ ਅਹਿਮ ਚੁਣੌਤੀ ਅਤੇ ਟੀਚੇ ਵਜੋਂ ਪੇਸ਼ ਕਰਦਿਆਂ ਕਿਹਾ ਕਿ ਨਵੀਆਂ ਖੋਜਾਂ ਅਤੇ ਸਾਂਝਦਾਰੀਆਂ ਨਾਲ ਇਸਦੇ ਹੱਲ ਲਈ ਯਤਨ ਕੀਤੇ ਜਾਣੇ ਚਾਹੀਦੇ ਹਨ। ਇਸ ਦੌਰਾਨ ਉਹਨਾਂ ਨੇ ਵਿਗਿਆਨ ਅਧਾਰਿਤ ਵਿਧੀਆਂ ਦੀ ਮੁੜ ਵਿਉਂਤਬੰਦੀ ਬਾਰੇ ਵੀ ਗੱਲ ਕੀਤੀ। ਨਾਲ ਹੀ ਡਾ. ਗਿੱਲ ਨੇ ਦੱਸਿਆ ਕਿ ਉਹਨਾਂ ਦੀ ਯੂਨੀਵਰਸਿਟੀ ਨੇ ਫਸਲਾਂ ਦੀਆਂ 500 ਤੋਂ ਵਧੇਰੇ ਉੱਨਤ ਕਿਸਮਾਂ ਦਾ ਵਿਕਾਸ ਕਰਕੇ ਨਾ ਸਿਰਫ ਉਤਪਾਦਕਤਾ ਵਧਾਈ ਬਲਕਿ ਵਾਤਾਵਰਨ ਪੱਖੀ ਅਤੇ ਪੋਸ਼ਣ ਅਧਾਰਿਤ ਫਸਲਾਂ ਦੇ ਵਿਕਾਸ ਵੱਲ ਧਿਆਨ ਦਿੱਤਾ ਜਿਸ ਨਾਲ ਸੰਸਾਰ ਪੱਧਰ ਦੀ ਭੋਜਨ ਸੁਰੱਖਿਆ ਲਈ ਢੁੱਕਵੇਂ ਕਦਮ ਚੁੱਕੇ ਜਾ ਸਕੇ| ਡਾ. ਗਿੱਲ ਨੇ ਕਿਹਾ ਕਿ ਇਸ ਵਿਧੀ ਨੂੰ ਸੰਸਾਰ ਪੱਧਰ 'ਤੇ ਲਾਗੂ ਕਰਕੇ ਲੋਕਾਂ ਦੀ ਭਲਾਈ ਲਈ ਵਿਸ਼ਵੀ ਸੰਸਥਾਵਾਂ ਵਿਚਕਾਰ ਸਾਂਝ ਅਤੇ ਸਹਿਯੋਗ ਨੂੰ ਵਿਕਸਿਤ ਕਰਨ ਦੀ ਲੋੜ ਹੈ।ਪੀ.ਏ.ਯੂ. ਦੇ ਵਾਈਸ ਚਾਂਸਲਰ ਡਾ. ਸਤਿਬੀਰ ਸਿੰਘ ਗੋਸਲ ਨੇ ਪੀ.ਏ.ਯੂ. ਵੱਲੋਂ ਖੇਤੀ ਦੇ ਰੂਪਾਂਤਰਣ ਲਈ ਕੀਤੇ ਜਾ ਰਹੇ ਯਤਨਾਂ ਦੀ ਗੱਲ ਆਪਣੀ ਟਿੱਪਣੀ ਵਿਚ ਕੀਤੀ। ਉਹਨਾਂ ਕਿਹਾ ਕਿ ਦੇਸ਼ ਨੂੰ ਅੰਨ ਦੀ ਕਮੀ ਨਾਲ ਜੂਝਦੇ ਖਿੱਤੇ ਤੋਂ ਵਾਧੂ ਅਨਾਜ ਵਾਲਾ ਮੁਲਕ ਬਨਾਉਣ ਵਿਚ ਪੀ.ਏ.ਯੂ. ਦੀ ਵਿਗਿਆਨਕ ਰਹਿਨੁਮਾਈ ਦਾ ਭਰਪੂਰ ਯੋਗਦਾਨ ਹੈ। ਡਾ. ਗੋਸਲ ਨੇ ਕਣਕ ਦੀਆਂ ਉੱਨਤ ਕਿਸਮਾਂ ਦੇ ਵਿਕਾਸ ਲਈ ਸਿਮਟ ਮੈਕਸੀਕੋ ਅਤੇ ਚੌਲਾਂ ਦੀਆਂ ਵਾਤਾਵਰਨ ਪੱਖੀ ਕਿਸਮਾਂ ਲਈ ਕੌਮਾਂਤਰੀ ਚੌਲ ਖੋਜ ਸੰਸਥਾਨ ਫਿਲਪਾਈਨਜ਼ ਨਾਲ ਲੰਮੇ ਸਮੇਂ ਦੀ ਸਾਂਝਦਾਰੀ ਦਾ ਜ਼ਿਕਰ ਕੀਤਾ। ਉਹਨਾਂ ਕਿਹਾ ਕਿ ਪੀ.ਏ.ਯੂ. ਨੇ ਦਹਾਕਿਆਂ ਤੋਂ ਪੰਜਾਬ ਦੀ ਕਿਸਾਨੀ ਨੂੰ ਵਿਗਿਆਨਕ ਤੌਰ ਤੇ ਸਥਿਰ ਅਤੇ ਮੁਨਾਫ਼ੇ ਵਾਲੀ ਬਨਾਉਣ ਲਈ 980 ਤੋਂ ਵਧੇਰੇ ਫਸਲਾਂ ਦੀਆਂ ਕਿਸਮਾਂ ਖੋਜੀਆਂ ਹਨ। ਕਣਕ ਅਤੇ ਝੋਨੇ ਵਿਚ ਵਿਸ਼ਵ ਵਿਚ ਸਿਖਰ ਦੀ ਉਤਪਾਦਨ ਸਮਰਥਾ ਵਾਲਾ ਖਿੱਤਾ ਬਣਨ ਲਈ ਪੰਜਾਬ ਦੇ ਕਿਸਾਨਾਂ ਨੇ ਪੀ.ਏ.ਯੂ. ਵੱਲੋਂ ਵਿਕਸਿਤ ਕੀਤੀਆਂ ਤਕਨੀਕਾਂ ਉੱਪਰ ਪੂਰਾ ਭਰੋਸਾ ਪ੍ਰਗਟਾਇਆ ਹੈ। ਬਦਲਦੀ ਖੇਤੀ ਦੀਆਂ ਲੋੜਾਂ ਅਨੁਸਾਰ ਨਵੇਂ ਡਿਜ਼ੀਟਲ ਅਤੇ ਸੂਖਮ ਤਰੀਕਿਆਂ ਬਾਰੇ ਗੱਲ ਕਰਦਿਆਂ ਉਹਨਾਂ ਕਿਹਾ ਕਿ ਏ ਆਈ ਅਤੇ ਆਈ ਓ ਟੀ ਦੇ ਨਾਲ-ਨਾਲ ਸੈਂਸਰ ਅਧਾਰਿਤ ਵਿਧੀਆਂ ਅਤੇ ਸਵੈ ਸੰਚਾਲਿਤ ਮਸ਼ੀਨਰੀ ਤਰੀਕਿਆਂ ਨੇ ਖੇਤੀ ਨੂੰ ਸੂਖਮਤਾ ਭਰਪੂਰ ਕਿੱਤਾ ਬਣਾਇਆ ਹੈ। ਮੌਜੂਦਾ ਸਮੇਂ ਵਿਚ ਜੀ ਆਈ ਐੱਸ ਤਕਨੀਕ ਦੀ ਵਰਤੋਂ ਕਰਕੇ ਖੇਤੀ ਲਾਗਤਾਂ ਦੀ ਪੈਮਾਇਸ਼ ਬਾਰੇ ਖੋਜ ਕੀਤੀ ਜਾ ਰਹੀ ਹੈ ਅਤੇ ਵਾਤਾਵਰਨ ਦੀ ਸਾਂਭ ਅਤੇ ਸੁਰੱਖਿਆ ਦੇ ਖੇਤਰ ਵਿਚ ਵੀ ਡਿਜ਼ੀਟਲ ਤਕਨੀਕਾਂ ਨੂੰ ਅਪਣਾਇਆ ਜਾ ਰਿਹਾ ਹੈ। ਇਸਦੀ ਪ੍ਰਮਾਣਿਕਤਾ ਲਈ ਡਾ. ਗੋਸਲ ਨੇ ਬੀਤੇ ਵਰ੍ਹੇ ਪੰਜਾਬ ਵਿਚ ਆਏ ਹੜ੍ਹਾਂ ਤੋਂ ਬਾਅਦ ਮਿੱਟੀ ਦੀ ਪਰਖ ਲਈ ਕੀਤੀਆਂ ਕੋਸ਼ਿਸ਼ਾਂ ਦਾ ਹਵਾਲਾ ਦਿੱਤਾ। ਉਹਨਾਂ ਕਿਹਾ ਕਿ ਨਵੀਆਂ ਪੀੜੀਆਂ ਨੂੰ ਖੇਤੀ ਨਾਲ ਜੋੜਨ ਅਤੇ ਖੇਤੀ ਨੂੰ ਕਾਰੋਬਾਰੀ ਅਧਾਰਿਤ ਕਿੱਤਾ ਬਨਾਉਣ ਦੀ ਦਿਸ਼ਾ ਵਿਚ ਡਿਜ਼ੀਟਲ ਤਕਨੀਕਾਂ ਦਾ ਯੋਗਦਾਨ ਹੋਰ ਵਧੇਗਾ। ਪੀ.ਏ.ਯੂ. ਵੱਲੋਂ ਇਸ ਪੱਖ ਤੋਂ ਹਰ ਸੰਭਵ ਖੋਜ ਕੀਤੇ ਜਾਣ ਦਾ ਅਹਿਦ ਵੀ ਡਾ. ਗੋਸਲ ਨੇ ਕੀਤਾ।ਗੁਰੂ ਅੰਗਦ ਦੇਵ ਵੈਟਨਰੀ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਡਾ. ਜਤਿੰਦਰਪਾਲ ਸਿੰਘ ਦੇ ਇਸ ਮੌਕੇ ਪਸ਼ੂ ਧਨ ਅਤੇ ਵੈਟਨਰੀ ਵਿਗਿਆਨ ਵਿਚ ਉਪਯੋਗ ਕੀਤੀਆਂ ਜਾਣ ਵਾਲੀਆਂ ਡਿਜ਼ੀਟਲ ਤਕਨੀਕਾਂ ਦੇ ਹਵਾਲੇ ਨਾਲ ਆਪਣੀ ਗੱਲ ਰੱਖੀ। ਉਹਨਾਂ ਕਿਹਾ ਕਿ ਏ ਆਈ ਦੀ ਮਦਦ ਨਾਲ ਖੇਤੀ ਨੂੰ ਸੁਖਾਲਾ, ਸਟੀਕ ਅਤੇ ਸੰਭਾਵਨਾਵਾਂ ਭਰਪੂਰ ਬਨਾਉਣਾ ਸੰਭਵ ਹੈ। ਇਸਦੇ ਨਾਲ ਹੀ ਉਹਨਾਂ ਨੇ ਗਡਵਾਸੂ ਵੱਲੋਂ ਖੇਤੀਬਾੜੀ ਸਥਿਰਤਾ ਲਈ ਡਿਜ਼ੀਟਲ ਤਰੀਕਿਆਂ ਦੀ ਵਰਤੋਂ ਸੰਬੰਧੀ ਕੀਤੀਆਂ ਜਾ ਰਹੀਆਂ ਪਹਿਲਕਦਮੀਆਂ ਦਾ ਜ਼ਿਕਰ ਕੀਤਾ।#punjabagriculturaluniversity #ViceChancellor #internationalconference #agriculture #📑ਸ਼ੇਅਰਚੈਟ ਜਾਣਕਾਰੀ 📑