*शेवटचे गावाला भेटून जा !* गाव आता मरत चाललं आहे... गाव कधीही म्हातारं होत नव्हतं. पिढी दर पिढी ते तरुण होत जायचं पण, आता गाव कधी नव्हे ते इतकं थकलं आहे... मरणासन्न गावाला एकदाचे भेटून जा. कदाचित तू येण्याआधी गाव मरून गेलेलं असेल. आधी गावातून सळसळतं तारुण्य महानगराच्या दिशेने सरकलं आणि पुढे परदेशातही स्थिरावलं. नंतर गावची शाळा सोडून शिकण्यासाठी खळाळतं बालपण शहराकडे निघालं. आधी काही घरांना कुलूपं लागली... मग एक अख्खी गल्ली निर्मनुष्य झाली. उद्या आणखी काही गल्ल्या रिकाम्या होतील. मग पाहता पाहता अख्खं गाव वृद्धाश्रम झालं असेल. गिलावा लावलेल्या नि पोतारा मारलेल्या भिंतीची घरे आता उरलीत कुठे ? काँक्रिटच्या निर्मनुष्य गल्ल्या मात्र गावाची शोभा झाल्यात. रात्रीच्या भजनाचा गळा आम्ही केंव्हाच घोटला आहे गावाची जत्रा तुझी वाट पाहते तोवर येऊन जा. अजून तरी जत्रेत कुंभार मडके आणि भोई शेव कुरमुरे विकतोय. उद्या येशील तेंव्हा कदाचित सोयाबीन चिल्ली आणि शेजवान चटणी खाशील. गावची नदी अजून तरी पावसाळ्यापुरती तरी वाहतेय. उद्या येशील तेंव्हा सगळ्या गावचा प्लास्टिक कचरा वाहून नेणारी गटार पाहशील. नदीच्या डोहात जाळे लावून भुईमुगाच्या शेंगा धुतल्या... तो काळ कधीच उलटलाय. आताच आलास तर तुरीच्या ओल्या शेंगां तरी खाशील. अन्यथा मोझांबिकची तूर आणि ऑस्ट्रेलियाचा कापूस आम्हाला उध्वस्त करून गेलेला पाहशील. आताच गावाला भेटून जा कारण अजून तरी शिक्षकाला गुरुजी म्हणणारे नि बापाची मर्जी सांभाळणारी पोरं तुला भेटतील...(?) शेवटचे येऊन जा सांगतो कारण जर्सी असली तरी गाय आणि आईला माय म्हणणारे गावात थांबलेत. म्हणून म्हणतो… गावाला भेटायला शेवटचे येऊन जा ! गावचं गावपण मरणाला टेकले आहे. म्हणून म्हणतो… गावाला भेटायला शेवटचे येऊन जा ! गावचं गावपण मरणाला टेकले आहे. 🙏🙏🌹🌹 #🎑जीवन प्रवास #🤩जीवनाबद्दल कोट्स 📝 #💭माझे विचार #🙂सत्य वचन #🙂माणुसकीच नात

*डिटॅच होता आलं पाहिजे* अटॅच तर होतोच आपण, डिटॅच होता आलं पाहिजे! वार्धक्याच्या पाऊलखुणा चाल करताहेत अंगावर कधी गुडघे पाय तर कधी दुखते आहे कंबर, ठाव सोडणाऱ्या दातांना हसून बाय म्हणलं पाहिजे अटॅच तर होतो आपण डिटॅच होता आलं पाहिजे !! लेक व्हावी जावयाची मुलगा सुनेचा झाला पाहिजे आत्तापर्यंत आपलेच होते आता एकमेकांचे झाले पाहिजे नातवंडे ही आपली असली तरी ती आहे त्यांची संपत्ती एवढी समज यायला पाहिजे अटॅच तर होतो आपण डिटॅच होता आलं पाहिजे !! ऑफिसच्या व व्यवसायाच्या खुर्चीशीही किती अटॅच होतो आपण .... पैसा पद प्रतिष्ठेचेही गुलाम होतो आपण.... टायर्ड होण्याआधी रिटायर होता आलं पाहिजे .... अटॅच तर होतोच आपण डिटॅच होता आलं पाहिजे !! ज्याने दिली चोच तो देईल चारा पाणी... भरवणारे कोण आपण.... तो आहे दुसरा कोणी..... शरीर नश्वर, आत्म्याशी तादात्म्य होता आलं पाहिजे .... अटॅच तर होतोच आपण डिटॅच होता आलं पाहिजे !! धन-संपत्ती-माया खुप खुप जपली आपण... आता हे सर्व उपभोगावयाचे आहे - काही राहुन गेले असेल तर ते वेळीच उरकुन घ्यावयाचे आहे.... संपत्ती वर वारसांचे तंटे होऊ नयेत ही व्यवस्था वेळीच करून ठेवायला पाहिजे .... अटॅच तर होतोच आपण डिटॅच होता आलं पाहिजे !! माझे माझे खुप केले आपण...... आता हे सर्व येथेच सोडून जायचे आहे, आता आपली खरी संपत्ती मुले-सुना व नातवंडे हीच आहेत हे समजुन घेतले पाहीजे, अटॅच तर होतोच आपण डिटॅच होता आलं पाहिजे !! रडत रडत आलो होतो आपण ----- हसत हसत जायचे आहे. *अटॅच तर होतोच आपण* *डिटॅच होता आलं पाहिजे !!* 🙏🌹🙏🌹🙏 #🤩जीवनाबद्दल कोट्स 📝 #🎑जीवन प्रवास #🙂सत्य वचन #🎭Whatsapp status #☺️प्रेरक विचार