मन जुळणं महत्त्वाचं. संभाषण जुळणं महत्त्वाचं. आदर आणि विश्वास महत्त्वाचे. बाकी सगळं दुय्यम आहे. समाज काय म्हणेल हा प्रश्न असतो, पण आयुष्य समाज जगत नाही — आपण जगतो. आणि म्हणूनच आपल्याला आयुष्यात काय हवं इतकंच महत्वाचं असावं.. समाजमान्य रितीच्या बंधनात राहून मनसोक्त जगता येत नाही...नाहीच..! ती तिच्या पन्नाशी कडे झुकणारी.. हा आता पस्तिशी गाठत होता....लोकलच्या गर्दीत, मॉडर्न समजल्या जाणाऱ्या कुठल्याश्या कॅफेत, थिएटरच्या रांगेत, रिक्षात बसल्या बसल्या..येणारे जाणारे प्रत्येकजण यांच्याकडे कुतूहलाने बघायचे.. कॅफेतल्या पोरी एकमेकींना इशारे करायच्या.. त्याच्या-तिच्या नजरेतून हे सुटलं, त्यांना कळत न्हवत अशातला भाग नाही.. पण या दुनियेची फिकीर त्यांनी कधीच नाकारली होती... दुनियेला फाट्यावर मारत हे खुशाल एकमेकांत मग्न रहायचे. त्यांना स्वतःचा आनंद गवसला होता.. आणि इतकंच पुरेस होत.. #❤️I Love You

आजकाल नात्यांमध्ये एक नवीन शब्द खूप ऐकायला मिळतो प्रायव्हसी. पण खरं सांगायचं तर, आपण त्याचा अर्थच चुकीचा समजतोय. प्रायव्हसी म्हणजे गुपित नाही. प्रायव्हसी म्हणजे विश्वास. मोबाईलपासून सुरू झालेली शंका पूर्वी भांडणं वेगळी असायची. आजचं भांडण कशावर होतं? मोबाईलवर. “पासवर्ड का बदललास?” “ऑनलाईन होतास, रिप्लाय का नाही दिलास?” “फोन दे बघू जरा.” विश्वासाच्या जागी तपास सुरू झाला की नातं हळूहळू दमायला लागतं. नवरा–बायको असो किंवा प्रेमसंबंध जर सतत एकमेकांची चौकशीच करायची असेल, तर ते नातं नसून चौकशी कक्ष बनतं. सोशल मीडियावरचं उघडं आयुष्य आज लोकं आपलं नातं जगण्यासाठी नाही, दाखवण्यासाठी जगतात. प्रत्येक वाढदिवस पोस्ट. प्रत्येक भांडण स्टेटस. प्रत्येक सरप्राईज रील. जगाला सगळं माहित असतं पण दोघांमध्ये संवाद नसतो. नातं जितकं सार्वजनिक होतं, तितकं त्यातलं खासपण कमी होतं. प्रायव्हसी म्हणजे दुरावा नाही काही जण म्हणतात “लग्न झालं की प्रायव्हसी कसली?” पण प्रत्येक माणसाला स्वतःची एक जागा हवीच असते. स्वतःचे विचार, स्वतःचे मित्र, स्वतःचा वेळ. जर जोडीदाराच्या प्रत्येक क्षणावर हक्क गाजवला, तर प्रेम गुदमरायला लागतं. अति संशय नात्याचा सायलेंट किलर संशय सुरुवातीला छोटा असतो. पण तो मनात वाढत जातो. “तो हसला का?” “ती उशिरा आली का?” “त्याने कोणाला लाईक केलं?” हे प्रश्न जेव्हा रोजचे होतात, तेव्हा आदर कमी होतो. आणि जिथे आदर संपतो, तिथे प्रेम जास्त दिवस टिकत नाही. विश्वास म्हणजे मोकळं आकाश नातं टिकवायचं असेल तर एकमेकांना श्वास घेऊ द्या. प्रायव्हसी म्हणजे लपवणं नाही, तर विश्वासाने जगू देणं आहे. जर प्रत्येक गोष्ट सिद्ध करावी लागत असेल, तर नातं आधीच कमजोर झालेलं असतं. शेवटचा विचार प्रायव्हसी संपली की नातं लगेच संपत नाही. पण प्रायव्हसी संपली की विश्वास कमी होतो. विश्वास कमी झाला की संवाद तुटतो. आणि संवाद तुटला की नातं हळूहळू मरतं. नातं जपायचं असेल तर एकमेकांवर नजर नाही, विश्वास ठेवा. कारण प्रेमात बंधन असू शकतं, पण बंदीगृह नसावं. #❤️I Love You

आजची पोस्ट खास करून महिलांना क्रॉस कॉमेंट करणाऱ्या साठी आहे.... आजच्या सोशल मीडियाच्या काळात, विशेषतः शेअर चॅट सारख्या प्लॅटफॉर्मवर, काही चाळीशीतील पुरुष थेट महिलांच्या कॉेंटमध्ये “फ्रेंड रिक्वेस्ट पाठवली, एक्सेप्ट कर”, “इनबॉक्समध्ये ये”, “माझा मेसेज बघ” अशा प्रकारचे संदेश टाकताना दिसतात. काही जण तर दोन-तीन दिवसांच्या ओळखीमध्येच “माझं तुझ्यावर खूप प्रेम आहे” असंही बोलायला लागतात. पण हा मार्ग योग्य आहे का? आणि अशा पद्धतीने कोणी खरंच प्रेम जिंकू शकतं का? प्रथम एक गोष्ट स्पष्ट समजून घ्यायला हवी महिलांसाठी सुरक्षितता ही सर्वात मोठी प्राथमिकता असते. सोशल मीडियावर प्रत्येक अनोळखी प्रोफाइल म्हणजे संभाव्य धोका असू शकतो, असा विचार अनेक महिलांच्या मनात असतो. कारण त्यांना अनेकदा अनावश्यक मेसेज, चुकीचे कमेंट्स किंवा त्रासदायक अनुभव आलेले असतात. त्यामुळे एखादा पुरुष जर थेट इनबॉक्समध्ये येण्याचा आग्रह करत असेल, तर ती महिला अस्वस्थ होणे स्वाभाविक आहे. प्रेम म्हणजे केवळ “I love you” म्हणणं नव्हे. प्रेम म्हणजे विश्वास, आदर आणि संयम. एखाद्या महिलेला दोन दिवसांत प्रेमाची कबुली देणं हे तिच्यासाठी संशयास्पद ठरू शकतं. कारण खरे प्रेम हे ओळख वाढल्यानंतर, स्वभाव समजून घेतल्यानंतर आणि परस्पर सन्मान निर्माण झाल्यानंतर हळूहळू तयार होतं. महिला लगेच कोणावर विश्वास ठेवत नाहीत, हे वास्तव आहे. त्या समोरच्या व्यक्तीचा स्वभाव, त्याचे बोलणे, त्याची वागणूक, त्याचा आदरभाव हे सगळं शांतपणे निरीक्षण करतात. जर एखादा पुरुष सतत आग्रह करत असेल, वारंवार मेसेज करत असेल किंवा लगेच प्रेम व्यक्त करत असेल, तर महिला दोन गोष्टींपैकी एक करतात एकतर ब्लॉक करतात किंवा पूर्ण दुर्लक्ष करतात. मग योग्य मार्ग कोणता? सर्वात आधी, महिलांशी संवाद साधताना आदर ठेवा. कमेंटमध्ये साधं आणि सुसंस्कृत बोलणं ठेवा. जर फ्रेंड रिक्वेस्ट पाठवली असेल, तर ती स्वीकारण्याचा निर्णय तिच्यावर सोडा. वारंवार आग्रह करणं टाळा. लक्षात ठेवा जिथे दबाव असतो तिथे प्रेम वाढत नाही. दुसरं म्हणजे, स्वतःचं व्यक्तिमत्त्व घडवा. तुमच्या पोस्ट, तुमचे विचार, तुमची भाषा यावरूनच महिला तुमच्याबद्दल मत बनवतात. जर तुमच्या प्रोफाइलवर सकारात्मकता, कुटुंबाचा आदर, जबाबदारी आणि सुसंस्कृत वर्तन दिसत असेल, तर विश्वास आपोआप तयार होतो. तिसरं म्हणजे, संयम ठेवा. प्रेमाला वेळ द्या. एखादी महिला तुमच्याशी बोलायला लागली, तरी लगेच भावनिक होऊन “माझं तुझ्यावर प्रेम आहे” असं म्हणू नका. आधी मैत्री मजबूत करा. तिच्या आवडी-निवडी समजून घ्या. तिचं ऐका. तिच्या सीमांचा आदर करा. महिलांना सुरक्षित वाटणं अत्यंत महत्त्वाचं असतं. जर तुमच्या बोलण्यात सभ्यता, शब्दांत प्रामाणिकपणा आणि वागण्यात स्थिरता असेल, तर ती हळूहळू विश्वास ठेवू लागते. विश्वास हा प्रेमाचा पाया आहे. तो एकदा तयार झाला, की प्रेम आपोआप फुलतं. भावांनो, प्रेम जिंकण्यासाठी घाई करू नका. सोशल मीडियावर दाखवलेलं आकर्षण हे क्षणिक असू शकतं, पण आदर आणि विश्वास हे कायमचं नातं निर्माण करतात. एखाद्या महिलेला हे जाणवू द्या की तुमच्यामुळे तिला असुरक्षित वाटणार नाही. तिच्या निर्णयांचा सन्मान करा. लक्षात ठेवा खरं प्रेम मागून मिळत नाही, ते कमावावं लागतं. संयम, सन्मान आणि प्रामाणिकपणा ठेवा. ती स्वतःच तुमच्याकडे आकर्षित होईल. 💛 🖋️ संजय बरळ ( पुणेकर ) #❤️I Love You

प्रेमाला खरंच कोणत्याही प्रतीकांची गरज नसते… कारण प्रेम स्वतःच एक अनुभूती आहे. तरीसुद्धा आपण त्याला व्यक्त करण्यासाठी काही चिन्हं शोधत असतो. फुलं देतो, छोट्या भेटवस्तू देतो, एखादा खास दिवस साजरा करतो. पण या सगळ्यांच्या पलीकडे जे असतं, तेच खरं प्रेम असतं. खरं प्रतीक म्हणजे शब्दांशिवाय समजून घेणं. तुझ्या डोळ्यांत दिसणारा विश्वास, जो सांगतो की “मी आहे तुझ्यासाठी.” तुझ्या चेहऱ्यावर उमटलेलं साधं हसू, जे मनातील सर्व थकवा दूर करतं. हातात हात घेतल्यावर मिळणारी शांतता, जी कोणत्याही वचनापेक्षा जास्त मजबूत असते... हीच प्रेमाची खरी चिन्हं आहेत. एक साधं आलिंगन, जे भीती नाहीशी करतं… एक नजर, जी हजारो शब्दांपेक्षा जास्त बोलते… आणि एक स्मित, जे दिवसाला अर्थ देतं... ही प्रतीके विकत मिळत नाहीत. त्यांना किंमत नसते, पण त्यांचं मोल अमोल असतं. कारण ती मनापासून येतात. प्रेमाचं सर्वात मोठं प्रतीक म्हणजे “सोबत”. सुखाच्या क्षणी टाळ्या वाजवणं सोपं असतं, पण दुःखाच्या काळात खांद्याला खांदा लावून उभं राहणं... हेच खरं प्रेम असतं. चुका झाल्या तरी समजून घेणं, राग आला तरी दूर न जाणं, आणि प्रत्येक वादानंतर पुन्हा हातात हात घेणं. यातच प्रेमाची ताकद दिसते. प्रेम म्हणजे सतत काहीतरी दाखवणं नाही, तर न बोलताही जाणवणं आहे. जेव्हा दोन मनं एकमेकांसाठी प्रामाणिक असतात, तेव्हा कोणत्याही प्रतीकांची गरज उरत नाही. कारण त्या नात्यातील विश्वास, आपुलकी आणि साथ हाच प्रेमाचा खरा आणि शाश्वत अर्थ असतो. #❤️I Love You #TrueLove #CoupleGoals