പഴയകാലത്തെപ്പറ്റി പറയാൻ നൂറു നാവാണ് മനുഷ്യരിൽ പലർക്കും .. പക്ഷേ, വേറേ പലർക്കുമത് ഓർക്കാൻപോലും ഇഷ്ടമല്ലാത്ത വേദനകളാണ് !! ചിലർക്കത് കളിപ്പാട്ടങ്ങളുടെ കിലുക്കമാണെങ്കിൽ, മറ്റു പലർക്കുമത് വിശന്നവയറിൻ്റെ നോവാണ് ! വീഴ്ചകളുടെ ആഴം കണ്ടവർക്ക് പിന്നീട് വരാനിരിക്കുന്ന ഒരു താഴ്ചയും ഭയമുണ്ടാക്കില്ല. അവർ , അവരുടെ ജീവിതം തകർച്ചകളിൽ നിന്ന് തുന്നിച്ചേർത്തതാണ് നനുത്ത മണ്ണിൽ വളരുന്ന ചെടികൾക്ക് ചെറിയൊരു കാറ്റടിച്ചാൽ പോലും വേരുകൾക്ക് ഇളക്കം തട്ടും. പാറയിടുക്കുകളിൽ, കൊടുങ്കാറ്റുകളോട് പോരാടി വളരുന്ന വന്മരങ്ങളുടെ വേരുകൾ ഭൂമിയുടെ ആഴങ്ങളിലേക്കാണ് ഇറങ്ങിച്ചെല്ലുന്നത്. അടിത്തറ ഇളക്കുന്ന കാറ്റുകൾ ആ മരങ്ങളെ ആടിയുലച്ചേക്കാം, പക്ഷേ അവയെ വീഴ്ത്താൻ കഴിയില്ല. ഭൂതകാലത്തിൽ കഠിനമായ പ്രതിസന്ധികളിലൂടെ കടന്നുപോയ മനുഷ്യരും ഇതുപോലെയാണ്. അനുഭവങ്ങളുടെ തീക്കാറ്റിൽ ഉലഞ്ഞുലഞ്ഞ് ഒടുവിൽ പാറപോലെ ഉറച്ചുപോയവരാണവർ !! കഠിനമായ വേദനകളുടെയും കണ്ണീരിന്റെയും ഭൂതകാലം ഒരു മനുഷ്യനെ കൂടുതൽ കരുത്തനാക്കിമാറ്റും .. നഷ്ടപ്പെടാൻ ഒന്നുമില്ലാത്ത അവസ്ഥയല്ല അത്, എന്ത് നഷ്ടപ്പെട്ടാലും വീണ്ടും പൂത്തുലയാൻ കഴിയുമെന്ന ആത്മവിശ്വാസമാണത് .. വീഴ്ചകൾ അവരെ ഭയപ്പെടുത്തുന്നില്ല, വീണിടത്തുനിന്ന് എങ്ങനെ എഴുന്നേൽക്കണമെന്ന് അവർ പഠിച്ചിട്ടുണ്ടാവും .. അവർ സ്വന്തം ജീവിതം കൊണ്ട് പഠിച്ചവരാണ്. ആടിയുലഞ്ഞ ഭൂതകാലമുള്ളവർക്ക് ചുറ്റും അനുഭവങ്ങളുടെ ഒരു അദൃശ്യ കവചമുണ്ട്. ... അത്രമേൽ സുന്ദരമല്ലാത്ത ഭൂതകാലമാണ് മനുഷ്യരെ അത്രമേൽ കരുത്തരാക്കുന്നത് !! അവർക്കൊരിക്കലും പരാജയങ്ങളെ ഭയമുണ്ടാകില്ല .. അവരെ ഭയപ്പെടുത്താൻ ആർക്കും കഴിയുകയുമില്ല .. അല്ലെങ്കിലും, തോറ്റു തോറ്റ് തോൽവിയോടുള്ള പേടിമാറിയ മനുഷ്യരെയൊക്കെ ആർക്കാണ് ഭയപ്പെടുത്താനാവുക ? ........................ ♥️✍️ #✍️Life_Quotes #👨‍👨‍👧‍👦 ജീവിതം #💭 Best Quotes #💓 ജീവിത പാഠങ്ങള്‍ #🙋‍♀️ എൻ്റെ സ്റ്റാറ്റസുകൾ ˡⁱˢᵗᵉⁿᵉʳ ⁱⁿ ˢⁱˡᵉⁿᶜᵉ

ബന്ധങ്ങളുടെയെല്ലാം തുടക്കം അത്യന്തം മനോഹരമാണ് .. വരണ്ട മണ്ണിലേക്ക് പുതുമഴ പെയ്യുമ്പോലെയുള്ള ഒരനുഭൂതിയാണപ്പോൾ ..! തുടക്കകാലത്ത് എല്ലാത്തിനും തിടുക്കമാണ് .. പരസ്പരം കാണാൻ തിടുക്കം പരസ്പരം സംസാരിക്കാൻ തിടുക്കം ഇത്തിരിനേരം ഒന്നിച്ചിരിക്കാൻ തിടുക്കം .. അങ്ങനെയങ്ങനെ എല്ലാത്തിനും വല്ലാത്ത തിടുക്കമാണ് ! പിരിഞ്ഞിരിക്കുന്ന ഒരു നിമിഷത്തിനുപോലും ഒരു യുഗത്തിൻ്റെ ദൈർഘ്യം തോന്നും ! ഇത്തിരിനേരം ഒന്നിച്ചിരുന്നാൽപ്പിന്നെ പ്രപഞ്ചം മുഴുവനും അവരിലേക്കൊതുങ്ങിയപോലെ അവർക്കു തോന്നും ! ഒരു ദിവസത്തിന് ഇത്ര ദൈർഘ്യം പോരെന്നു തോന്നും ! കുത്തിയൊഴുകുന്ന ഒരു നദി കുറേക്കഴിഞ്ഞ് സമതലത്തിലെത്തുമ്പോൾ ശാന്തമായൊഴുകുന്നപോലെ, ഒരു ഘട്ടം കഴിയുമ്പോൾ ഈ തിടുക്കമൊക്കെ ഇല്ലാതാവും !! പകരം, പരസ്പരം അകന്നിരിക്കാനുള്ള തിരക്കുകൾ കണ്ടെത്താൻ തുടങ്ങും .. തിരക്കിനിടയിലും സമയം കണ്ടെത്തിയിരുന്നവർ അകന്നിരിക്കാൻവേണ്ടി മാത്രം ഇല്ലാത്ത തിരക്കുകൾ സൃഷ്ടിക്കാൻ തുടങ്ങും .. പച്ചപ്പുല്ലിൽ വീണ് തിളങ്ങിനിന്ന മഞ്ഞുതുള്ളി സൂര്യപ്രകാശമേൽക്കുമ്പോൾ ആവിയാകുന്നതുപോലെ, ആദ്യമുണ്ടായിരുന്ന കൗതുകം പതിയെ അപ്രത്യക്ഷമാകും .. ഒരു ചോദ്യത്തിന് നൂറ് മറുപടികൾ ഒറ്റശ്വാസത്തിൽ പറഞ്ഞവർ ഒഴുക്കൻ മറുപടി പറഞ്ഞ് ഒഴിവാകാൻ നോക്കും .. ഒരു വീട്ടിൽ ഒരു മേൽക്കൂരയ്ക്കു കീഴിൽ ഒരുമിച്ചു കഴിഞ്ഞാൽപ്പോലും മനസ്സുകൾ തമ്മിൽ കാതങ്ങൾ അകലെയാവും ! ഒരു റെയിൽവേ സ്റ്റേഷനിൽ രണ്ടു ദിശയിലേക്കു പോകാൻ തീവണ്ടി കാത്തുനിൽക്കുന്ന രണ്ട് യാത്രികരെപ്പോലെ അവർ ! അപൂർവ്വം ചിലതൊഴികെ, മനുഷ്യരുടെ മനസ്സിനുള്ളിൽ മറ്റൊരു മനുഷ്യന് ഒരു കാലാവധിയുണ്ട് .. ആ കാലാവധി കഴിഞ്ഞാൽ എത്രയൊക്കെ ശ്രമിച്ചാലും പിടിച്ചുനിർത്താൻ പറ്റാതെ വഴിപിരിഞ്ഞുതുടങ്ങും .. ഒരു വൃക്ഷത്തിൽ നിന്ന് അതീവ നിശ്ശബ്ദമായി കൊഴിഞ്ഞു പോകുന്നൊരു ഇലയെപ്പോലെ ചിലർ ഒരു വാക്കുപോലും പറയാതെ പടിയിറങ്ങിപ്പോകും !! അങ്ങനെ പോകാൻ ഒരിടമില്ലാത്തവരും ... അങ്ങനെ പോകാൻ സമൂഹത്തെ ഭയക്കുന്ന വേറെ ചില മനുഷ്യരും ആരെയോ ബോധിപ്പിക്കാൻ ഒന്നിച്ചാണെന്ന് അഭിനയിക്കുന്നു ! കൃത്രിമശ്വാസം നൽകി നിലനിർത്തിപ്പോകുന്ന ഒരു ജീവനെപ്പോലെ ചില ജീവിതങ്ങൾ അങ്ങനെയും .. തിടുക്കങ്ങളിൽ തുടങ്ങി തിരക്കുകളിൽ മങ്ങി മടുപ്പിൻ്റെ തണുപ്പിൽ മരവിച്ചുപോകുന്ന ബന്ധങ്ങൾ ! ബന്ധങ്ങൾ ആത്മാർത്ഥമാണെങ്കിൽ തിരക്കുകൾ ഒരു തടസ്സമല്ല, അല്ലാത്തയിടങ്ങളിൽ തിരക്കുകൾ പലതും മടുപ്പിനെ മൂടിവയ്ക്കാൻ മനുഷ്യരണിയുന്ന മുഖംമൂടികൾ മാത്രമാണ് .. ഇതിനിടയിൽ മടുപ്പുകളില്ലാതെ തിരക്കുകൾ തടസ്സമാകാതെ മനോഹരമായി മുന്നോട്ടുപോകാൻ കഴിയുന്നവരൊക്കെയും ഈ പ്രപഞ്ചത്തിലെ ഏറ്റവും ഭാഗ്യം ചെയ്തവർ ! .............................................. ♥️✍️ ˡⁱˢᵗᵉⁿᵉʳ ⁱⁿ ˢⁱˡᵉⁿᶜᵉ #💓 ജീവിത പാഠങ്ങള്‍ #✍️Life_Quotes #👨‍👨‍👧‍👦 ജീവിതം #💭 Best Quotes #💭 എന്റെ ചിന്തകള്‍

#🙁തേപ്പ് #😞 വിരഹം #😔വേദന #😔സങ്കടം #👋Good bye

#💐Have a Nice Day🌞 #😍 Have a Good Day #🌞 ഗുഡ് മോണിംഗ് #🌞Good Morning Status #ശുഭ ദിനം

#ശുഭ ദിനം #🌞 ഗുഡ് മോണിംഗ് #🌞Good Morning Status #💝 ആശംസകള്‍

പലരുടെയും ജീവിതത്തിൽ എപ്പോഴും ഒരു വിളിപ്പുറത്ത് നിൽക്കുന്ന ചിലരുണ്ടാകും. രാത്രിയെന്നോ പകലെന്നോ ഇല്ലാതെ, സ്വന്തം തിരക്കുകൾ പോലും മാറ്റിവെച്ച്, ഒന്നു ഫോൺ വിളിച്ചാൽ അല്ലെങ്കിൽ ഒരു സന്ദേശമയച്ചാൽ ഉടനെ ഓടിയെത്തുന്നവർ. തുടക്കത്തിൽ നമ്മൾ അവരെ വളരെ ബഹുമാനത്തോടെയും സ്നേഹത്തോടെയും നോക്കിക്കാണും. നമ്മുടെ വലിയൊരു ഭാഗ്യമാണ് അവരെന്ന് മറ്റുള്ളവരോട് പറഞ്ഞെന്നിരിക്കും .. പക്ഷേ, ദിവസങ്ങൾ കഴിയുമ്പോൾ ഈ കാഴ്ചയ്ക്ക് നിറം മങ്ങാൻ തുടങ്ങും. അവർ അങ്ങനെയാണെന്ന ഉറപ്പ് മനസ്സിന്റെ ഉള്ളിൽ വീഴുന്നതോടെ, നമ്മൾ അവരെ ശ്രദ്ധിക്കാതാകും. അവരോട് സംസാരിക്കുമ്പോൾ കാണിച്ചിരുന്ന താല്പര്യം കുറയും. അവർ പറയുന്ന കാര്യങ്ങൾ കേൾക്കാൻ മടി തോന്നും. ഒരു മുറിയുടെ ചുവരിൽ ചായം പൂശിക്കഴിഞ്ഞാൽ ആദ്യം കുറച്ചുദിവസത്തേക്ക് അതീവ ശ്രദ്ധകൊടുക്കും നമ്മൾ .. ഇത്തിരി അഴുക്കുപുരണ്ടാൽ #✍️Life_Quotes #💓 ജീവിത പാഠങ്ങള്‍ #💭 Best Quotes #💑 സ്നേഹം പെട്ടന്നത് തുടച്ചുമാറ്റും .. ആരെങ്കിലുമവിടെ കാലുയർത്തിയൊന്ന് ചവിട്ടിനിൽക്കുന്നതു കണ്ടാൽ നമ്മൾ അസ്വസ്ഥരാകും ! കുറച്ചു നാൾ കഴിഞ്ഞാൽ നമ്മൾ തന്നെ അവിടെ ചവിട്ടിനിൽക്കാൻ തുടങ്ങും !! എപ്പോഴും ലഭ്യമാകുന്ന മനുഷ്യർ ഒടുവിൽ ഒരുതരം ശീലമായി മാറും. ശീലമായതിനൊന്നും പ്രത്യേക പരിഗണനകൾ കിട്ടാറില്ല. അവർ ചെയ്യുന്ന വലിയ ത്യാഗങ്ങൾ പോലും " ഓ ... അതിൽ കാര്യമില്ല, അയാളുടെ സ്വഭാവം അങ്ങനെയാ " എന്ന ഒറ്റ വരിയിൽ നമ്മൾ നിസ്സാരമായി ഒതുക്കിക്കളയും. സ്നേഹത്തിന് ഒരു അതിരുണ്ടാവണം എന്ന് പറയുന്നത് മറ്റൊന്നും കൊണ്ടല്ല, നമ്മുടെ സാന്നിധ്യം മറ്റൊരാൾക്ക് ഒരിക്കലും ശീലമാകരുത് ! ചിലപ്പോഴൊക്കെ നമ്മൾ അല്പം മാറിനിൽക്കേണ്ടി വരും. വല്ലപ്പോഴും മാത്രം പെയ്യുന്ന മഴയെയാണ് ഭൂമി കാത്തിരിക്കുന്നത്. എല്ലാദിവസവും പെയ്താൽ അത് വെറും ചെളിയും ശല്യവുമായി മാറും. അതുപോലെ, നമ്മുടെ സ്നേഹവും കരുതലും മറ്റുള്ളവർക്ക് ഒരു ശല്യമായി മാറുന്നതിന് മുൻപ്, സ്വന്തം മൂല്യം മനസ്സിലാക്കി ഒരല്പം അകലം പാലിക്കാൻ നമ്മൾ പഠിക്കണം. സ്നേഹം തിരിച്ചുകിട്ടിയാലും ഇല്ലെങ്കിലും നൽകുന്ന സ്നേഹത്തിന് വിലയില്ലാതാകുന്നത് നമ്മളെത്തന്നെ ഇല്ലാതാക്കുന്നതിന് തുല്യമാണ്. ഏറ്റവും പ്രിയപ്പെട്ടവർക്ക് എപ്പോഴും ലഭ്യമാവുക, അല്ലാത്തയിടങ്ങളിൽ അൽപ്പം അതിര് നിശ്ചയിക്കണം !! ............................................... ♥️✍️ ˡⁱˢᵗᵉⁿᵉʳ ⁱⁿ ˢⁱˡᵉⁿᶜᵉ #👨‍👨‍👧‍👦 ജീവിതം

#🤣 കോമഡി കോമഡി 😆 #🤔 ചിരിയും ചിന്തയും #😅 നാടൻ കോമഡി #🥳 മലയാളം കോമഡി സ്റ്റാറ്റസ് #😹 തമാശ തമാശ

ഒരു മനുഷ്യൻ മറ്റൊരു മനുഷ്യനെ ഉപേക്ഷിച്ചു കളയുന്നത് ഒരു വൻമരം കടപുഴകി വീഴുന്നതുപോലെയാണ് .. വലിയ ശബ്ദത്തോടെ വലിയ നാശനഷ്ടങ്ങൾ തീർത്താണ് ഒരു മരം കടപുഴകി വീഴുന്നത് ! പക്ഷേ, ഒരു മനുഷ്യൻ മറ്റൊരു മനുഷ്യനെ മാറ്റിനിർത്തി അവഗണിക്കുന്നത് ഒരു മരം ഉണങ്ങുന്നതുപോലെയാണ്. അത് നിശ്ശബ്ദമാണ് ... പതിയെപ്പതിയെ ഇലകൾ ഉണങ്ങി, വേരുകൾ വരണ്ട് ഏറ്റവുമൊടുവിൽ മാത്രമേ അതിൻ്റെ പൂർണത നമ്മൾ അറിയുകയുള്ളൂ ! ഫലത്തിൽ രണ്ടും ഏതാണ്ടൊരുപോലെയാണ് ! ഒരുപാട് സ്നേഹിച്ച മനുഷ്യരിൽ നിന്നും ഒരുപാട് പ്രിയപ്പെട്ട ഇടങ്ങളിൽ നിന്നും മാറ്റിനിർത്തപ്പെടുന്നവരുടെ വേദന പറഞ്ഞറിയിക്കാനാവാത്തതാണ് .. ഒറ്റ വാതിൽ മാത്രമുള്ള ഒരു വലിയ വീടിനുള്ളിൽ ഒരാളെ കടത്തിവിട്ട് വാതിലടയ്ക്കുകയും ... പിന്നെ സാവധാനത്തിൽ ഓരോ ജനാലകളെ അടച്ച് .. അതിലേക്കുള്ള എല്ലാ വെളിച്ചവും വായുസഞ്ചാരവും പതിയെപ്പതിയെ പൂർണമായി ഇല്ലാതാക്കുന്നതുപോലെ ഭയാനകമായൊരു അവസ്ഥയാണത് ! ഒടുവിൽ ആ ഇരുട്ടറയിൽ ഒറ്റപ്പെട്ട് പുറത്തേക്കു കടക്കാനാവാതെ പരിഭ്രാന്തരാകുന്ന നിമിഷത്തിലേ അതൊരു തടവറയാണെന്ന് തിരിച്ചറിയുകയുള്ളൂ .. മരം ഉണങ്ങുന്നതുപോലെ സ്നേഹത്തിൻ്റെ ഇലകൾ കൊഴിഞ്ഞ് വാക്കുകളുടെ വേരുകളുണങ്ങി മറുപടികളുടെ നീർച്ചാൽ നിലച്ച് അങ്ങനെയങ്ങനെ സാവധാനത്തിൽ മാറ്റിനിർത്തലുകൾക്രമേണ ഉപേക്ഷിക്കലായി മാറും ! ഒരാളെ പെട്ടെന്നുപേക്ഷിക്കാൻ കഴിയാതെ വരുമ്പോൾ ക്രമേണയുള്ള ഉപേക്ഷിക്കലാണ് മാറ്റിനിർത്തലുകൾ .. പെട്ടെന്നൊരാളും ഒരാളെ മാറ്റിനിർത്തില്ല, ഉപേക്ഷിക്കാനുള്ള തീരുമാനമെടുത്തശേഷം അതിലേക്കുള്ള വഴിതെളിക്കലാണത് .. അതവർ എത്രയോ മുമ്പേ ആലോചിച്ചുറപ്പിച്ചിട്ടുണ്ടാവും .. നമ്മൾ തിരിച്ചറിയുന്നത് അവസാനത്തിലാണെന്ന് മാത്രം ! മരം ഉണങ്ങുന്നതുപോലെ പതിയെപ്പതിയെ ...നിശ്ശബ്ദമായി ... ഏറ്റവുമൊടുവിൽ മാത്രം തിരിച്ചറിയപ്പെടുന്നത് വാക്കുകൾ ഉണങ്ങിത്തുടങ്ങുമ്പോൾത്തന്നെ അത് തിരിച്ചറിയുക ... ................................................ ♥️✍️ ˡⁱˢᵗᵉⁿᵉʳ ⁱⁿ ˢⁱˡᵉⁿᶜᵉ #✍️Life_Quotes #💓 ജീവിത പാഠങ്ങള്‍ #💔 Heartbroken Couple 😢 #💭 Best Quotes #💭 Inspirational Quotes

#💓 ജീവിത പാഠങ്ങള്‍ #💭 Best Quotes #😔 ഇമോഷണൽ സ്റ്റാറ്റസ് 😍 #🙋‍♀️ എൻ്റെ സ്റ്റാറ്റസുകൾ #✍️Life_Quotes

#💔 Heartbroken Couple 😢 #🙁തേപ്പ് #😔 ഇമോഷണൽ സ്റ്റാറ്റസ് 😍 #💭 Best Quotes #💓 ജീവിത പാഠങ്ങള്‍