13000 ശമ്പളമുള്ള ടീച്ചര്മാരുടെ അക്കൗണ്ടില് കോടികളുടെ ലഹരിപ്പണം! റിസോര്ട്ടുകളില് ലഹരി പാര്ട്ടികള്, ഡെലിവറി ബോയിയുടെ അക്കൗണ്ടില് 1 കോടി; വടകര എംഡിഎംഎ കേസില് അദ്ധ്യാപികമാരുടെ സ്വത്ത് കണ്ടുകെട്ടാന് പോലീസ്! കാവ്യയുടെ വിദേശയാത്രയും ദുരൂഹം; ബെംഗളൂരുവിലേക്കും വയനാട്ടിലേക്കും അന്വേഷണം നീളുന്നു
വടകര എംഡിഎംഎ കേസില് അദ്ധ്യാപികമാരുടെ സ്വത്ത് കണ്ടുകെട്ടാന് പോലീസ്!
വടകര: വടകരയില് എംഡിഎംഎ കേസുമായി ബന്ധപ്പെട്ട് അറസ്റ്റിലായ താത്കാലിക അധ്യാപികമാര് ഉള്പ്പെടെയുള്ള അഞ്ച് പ്രതികളുടെയും സ്വത്തുക്കള് കണ്ടുകെട്ടാനുള്ള നടപടികളിലേക്ക് പോലീസ് കടക്കുന്നു. ലഹരി വില്പ്പനയിലൂടെ ഇവര് സ്വത്തുക്കള് വാങ്ങിക്കൂട്ടിയിട്ടുണ്ടെങ്കില് എന്ഡിപിഎസ് (NDPS) നിയമപ്രകാരം അവ പിടിച്ചെടുക്കുമെന്ന് കണ്ണൂര് റേഞ്ച് ഡിഐജി കെ. കാര്ത്തിക് വാര്ത്താ സമ്മേളനത്തില് അറിയിച്ചു.
കഴിഞ്ഞ 28-ാം തീയതി പിടിയിലായ സഫുവാന് ഉള്പ്പെടെ അഞ്ച് പേരാണ് കേസില് നിലവില് പോലീസിന്റെ പിടിയിലായിട്ടുള്ളത്. ഏറ്റവും ഒടുവില് അറസ്റ്റിലായ പേരാമ്പ്ര ബിആര്സിയിലെ താത്കാലിക അധ്യാപിക നീഷ്മ, ഇരിട്ടി സ്വദേശിയായ ഡെലിവറി ഏജന്റ് ജിജില് കുര്യാക്കോസ് എന്നിവരടക്കം ചൊവ്വാഴ്ച മാത്രം രണ്ടുപേര് വലയിലായി. ഇതോടെ കേസില് അറസ്റ്റിലായ അധ്യാപികമാരുടെ എണ്ണം മൂന്നായി (കാവ്യ, കീര്ത്തന, നീഷ്മ).
അക്കൗണ്ടുകളിലേക്ക് ഒഴുകിയെത്തിയത് കോടികള്
പന്ത്രണ്ടായിരവും പതിമൂവായിരവും രൂപ മാത്രം മാസശമ്പളമുള്ള അധ്യാപികമാരുടെ ബാങ്ക് അക്കൗണ്ടുകളില് ലക്ഷക്കണക്കിന് രൂപയുടെ ഇടപാടുകളാണ് പോലീസ് കണ്ടെത്തിയത്. കഴിഞ്ഞ ആറു മാസത്തിനിടെ പത്ത് ലക്ഷത്തിലേറെ രൂപ അധ്യാപികമാരുടെ അക്കൗണ്ടുകളിലേക്ക് എത്തിയതായി അന്വേഷണത്തില് തെളിഞ്ഞു.
കൂടാതെ, കേസിന്റെ പ്രധാന കണ്ണിയെന്ന് കരുതുന്ന ഡെലിവറി ബോയ് ജിജിലിന്റെ അക്കൗണ്ടിലൂടെ കഴിഞ്ഞ ഒരു വര്ഷത്തിനിടെ ഒരു കോടി രൂപയിലധികം രൂപയുടെ ഇടപാടുകള് നടന്നിട്ടുണ്ട്. ഡെലിവറി ജോലിയുടെ മറവില് ലഹരി വില്പ്പന നടത്തിയിരുന്ന ഇയാളുടെ അക്കൗണ്ടിലേക്ക് അധ്യാപികമാര് ഉള്പ്പെടെയുള്ളവര് പണം അയച്ചു നല്കിയതിന്റെ തെളിവുകളും പോലീസിന് ലഭിച്ചു.
ആവശ്യക്കാരില് നിന്ന് ഡിജിറ്റലായി ശേഖരിക്കുന്ന പണം 10,000 അല്ലെങ്കില് 20,000 രൂപയാകുമ്പോള് നീഷ്മ നേരിട്ട് ലഹരി മൊത്തവ്യാപാരികള്ക്ക് അയച്ചുകൊടുക്കുന്ന രീതിയായിരുന്നു പിന്തുടര്ന്നിരുന്നത്. പണം എടിഎമ്മുകള് വഴി പിന്വലിക്കുകയോ മറ്റു അക്കൗണ്ടുകളിലേക്ക് മാറ്റുകയോ ചെയ്യുന്ന ശാസ്ത്രീയമായ രീതിയാണ് സംഘം ഉപയോഗിച്ചത്.
#😱കാവ്യയുടെ വിദേശയാത്രയും ദുരൂഹം; അധ്യാപികമാരുടെ അക്കൗണ്ടിൽ കോടികൾ #🆕 ലേറ്റസ്റ്റ് അപ്ഡേറ്റ് #📹 ക്രൈം ഫയൽ #📰ബ്രേക്കിങ് ന്യൂസ് #📳 വൈറൽ സ്റ്റോറീസ്
