#ନମୋ ଭଗବତେ ବାସୁଦେବାୟ #🚩ସନାତନ ଧର୍ମ💪 #🙏ପୁରୀ ବଡ଼ଦେଉଳ କଥା #🙏ଜଗନ୍ନାଥ ମନ୍ଦିର🙏 #🌻ଶୁକ୍ରବାର ସ୍ପେଶାଲ ଷ୍ଟେଟସ🌻
🙏*ଓଁ ଶ୍ରୀଜଗନ୍ନାଥ ସ୍ବାମୀ ନୟନ ପଥଗାମୀ ଭବତୁ ମେ* 🙏🌸🚩
🕸️🕸️🕸️🕸️🕸️🕸️🕸️🕸️🕸️🕸️🕸️
✍️ କ୍ଷେତ୍ର ପରିକ୍ରମା ଅବସରରେ "*ଶ୍ରୀମନ୍ଦିରର ରତ୍ନଭଣ୍ଡାର*"-:-
ରତ୍ନ ସାଧାରଣତଃ ୩୬ ପ୍ରକାରର। ସେଥିମଧ୍ୟରୁ ନଅ ଗୋଟି ପ୍ରଧାନ ବା ମହାରତ୍ନ ଅଟେ। ରତ୍ନ ଅପେକ୍ଷା ସେହି ଶ୍ରେଣୀ ନିକୃଷ୍ଟ ପଦାର୍ଥକୁ ଉପରତ୍ନ କୁହାଯାଏ।ଯଥା,କର୍ମେଣି,
ସ୍ଫଟିକ ବା ମର୍ମର।୩୬ ପ୍ରକାର ରତ୍ନ ନାମ ପ୍ରଦତ୍ତ କରାଗଲା।୧- ବଜ୍ର ୨- ମରକତ ୩- ପଦ୍ମରାଗ ୪- ମୌକ୍ତିକ ୫- ଇନ୍ଦ୍ରନୀଳ ୬- ମହାନୀଳ ୭- ବୈଦୁର୍ଯ୍ଯ ୮- ଚନ୍ଦ୍ରକାନ୍ତ ୯- ସୂର୍ଯ୍ୟକାନ୍ତ ୧୦- ସ୍ଫଟିକ ୧୧- ମହାନଳ ୧୨- କର୍କେତନ ୧୩- ପୁଷ୍ପରାଗ ୧୪- ରାଜପଟ ବା ରାଜ୍ଯପର୍ଯ୍ଯଙ୍କ ୧୫-
ରାଜମୟ ୧୬- ସୌଗନ୍ଧିକ ୧୭-
ଗନ୍ଧ ୧୮- ଶଙ୍ଖ,୧୯- ବ୍ରହ୍ମମୟ ୨୦- ଗୋମେଦ ୨୧-ରୁଧିରାକ୍ଷ ୨୨- ଉଲ୍ଲାତକ ବା ଭଗ୍ନାତକ ୨୩-
ଧୁଳୀ ୨୪- ତୁତ୍ଥକ ୨୫- ସୀସ ୨୬- ପୀଲୁ ୨୭- ପ୍ରବାଳକ ୨୮ - ଗିରି ବ୍ରଜ ୨୯- ଭୁଜଙ୍ଗମଣି ୩୦-
ଚିଚ୍ଚିଭ ୩୧- ପିଣ୍ଡ ୩୨- ଭ୍ରାମର ୩୩- ଉତ୍ପଳ ୩୪- ଗନ୍ଧଶସ୍ଯକ ୩୫- ଜ୍ଯୋତୀୟକ ଓ ୩୬- ଭାଗ୍ୟ। ଏତଦବ୍ୟତୀତ ନଅ ଗୋଟି ମହାରତ୍ନ ହେଉଛନ୍ତି -
୧- ହୀରା ବା ବଜ୍ର ହୀରକ ୨- ମୁକ୍ତା ବା ମୋତି ୩- ପ୍ରବାଳ ବା ପୋହଳା ୪- ଗୋମେଦ ବା ହଳଦିଆ ରତ୍ନ ୫- ଇନ୍ଦ୍ରନୀଳ ବା ନୀଳା ୬- ବୈଦୁର୍ଯ୍ଯ ୭- ପୁଷ୍ପରାଗ ବା ପୋଖରାଜ ବା ପଦ୍ମରାଗ ୮- ପାଚି ବା ମରକତ ବା ପାନ୍ନା ବା ହରିବର୍ଣ୍ଣ ୯- ମାଣିକ୍ୟ ବା ନାଲି ରତ୍ନ।
ଶାସ୍ତ୍ର ମାନଙ୍କରେ ରତ୍ନ ମଙ୍ଗଳ ମୟ ଓ ଶୁଭଙ୍କର ବୋଲି ବର୍ଣ୍ଣିତ ହୋଇ ଅଛି। ରାଜା ମାନେ ଯଥାର୍ଥ ରତ୍ନ ମାନଙ୍କୁ ସୁବର୍ଣ୍ଣ ମଣ୍ଡିତ କରି କରିବାର ଉପଦେଶ ରହିଛି। ଗରୁଡ଼ ପୁରାଣରେ ରତ୍ନ ମାନଙ୍କର ଗୁଣ, ଜାତି, ମୂଲ୍ୟ ଓ ପରୀକ୍ଷା ସମ୍ବନ୍ଧରେ ବିସ୍ତୃତ ବିବରଣୀ ଉଲ୍ଲେଖ ରହିଛି। ଏପରିକି ରତ୍ନ ଶବ୍ଦ ସହିତ ସାମଗ୍ରୀ ବା ବସ୍ତୁ ଜଡ଼ିତ ରହିଛି।ଯଥା, ରତ୍ନ ଦୀପ, ରତ୍ନ ମାଳି, ରତ୍ନ ଅଳଙ୍କାର, ରତ୍ନ ବେଦୀ, ରତ୍ନ ମୁଦ୍ରିକା, ରତ୍ନ ଚିତା ଓ ରତ୍ନଭଣ୍ଡାର ଆଦି। ଶାସ୍ତ୍ର ବର୍ଣ୍ଣନା ଅନୁଯାୟୀ ସ୍ବୟଂ ଭଗବାନ ବିଷ୍ଣୁ ଅଳଙ୍କାର ଓ ରତ୍ନ ପ୍ରିୟ ଅଟନ୍ତି। ଦାରୁବ୍ରହ୍ମ ରୂପୀ ଶ୍ରୀବିଗ୍ରହମାନଙ୍କୁ ମହାବିଷ୍ଣୁ ସ୍ବରୂପରେ ଉପାସନା କରାଯାଉଥିବା, ବହୁ ପ୍ରାଚୀନ କାଳରୁ ଶ୍ରୀମନ୍ଦିରରେ ମହାପ୍ରଭୁଙ୍କ ଦୈନନ୍ଦିନ ସେବାପୂଜା, ଯାନିଯାତ୍ରା,
ବେଶ ଇତ୍ୟାଦିରେ ବହୁ ପ୍ରକାରର ରତ୍ନ ଖଚିତ ଅଳଙ୍କାର ବ୍ୟବହୃତ ହୋଇଆସୁଛି।
ପୁରୀ ଜିଲ୍ଲା ଗେଜେଟିୟରରେ ଶ୍ରୀମନ୍ଦିର ରତ୍ନ ଭଣ୍ଡାର ସଂପର୍କରେ ଉଲ୍ଲେଖ ରହିଛି ଯେ, ହିନ୍ଦୁ ଧର୍ମାବଲମ୍ବୀ ରାଜା ଓ ଭାରତରେ ବହୁ ବଦାନ୍ୟ ବ୍ୟକ୍ତିଙ୍କ ପ୍ରଦତ୍ତ ବିଭିନ୍ନ ଧନରତ୍ନ ଶ୍ରୀମନ୍ଦିର ରତ୍ନ ଭଣ୍ଡାରକୁ ସମୃଦ୍ଧ କରିଥିଲା। ସୋମବଂଶୀ ରାଜା ମାନେ ଶ୍ରୀ ପୁରୁଷୋତ୍ତମ କ୍ଷେତ୍ରରେ ବିଭିନ୍ନ ମନ୍ଦିର ମାନ ନିର୍ମାଣ ପୂର୍ବକ ତହିଁର ସେବାପୂଜା, ଉତ୍ସବ ଇତ୍ୟାଦି ପାଳନ ନିମନ୍ତେ ସ୍ବଳ୍ପ ପରିମାଣର ସ୍ବର୍ଣ୍ଣ ଓ ଜମି ଖଞ୍ଜି ଥିଲେ। ମାଦଳା ପାଞ୍ଜିର ରାଜଭୋଗ ଇତିହାସରୁ ଜଣାଯାଏ ଯେ, ଗଙ୍ଗ ବଂଶୀୟ ପ୍ରଖ୍ୟାତ ନରପତି ଅନଙ୍ଗ ଭୀମ ଦେବ ବିଭିନ୍ନ ରାଜ୍ୟଜୟକରି ଓ ଅନ୍ୟାନ୍ୟ ସୂତ୍ରରୁ ମୋଟ ୪୭ ଲକ୍ଷ ୮୮ ହଜାର ମାଢ ସୁନା ରାଜ କୋଷରେ ଜମା କରିଥିଲେ।ଶ୍ରୀ ଜଗନ୍ନାଥ ମହାପ୍ରଭୁଙ୍କ ସ୍ବର୍ଣ୍ଣ ଅଳଙ୍କାର ନିର୍ମାଣ ନିମନ୍ତେ ତହିଁରୁ ସେ ଦୁଇ ଲକ୍ଷ ପଚାଶ ହଜାର ମାଢ ସୁନା ଶ୍ରୀମନ୍ଦିରକୁ ପ୍ରଦାନ କରିବା ସମେତ ଦଶ ହଜାର ସ୍ବର୍ଣ୍ଣ ମୁଦ୍ରା ଶ୍ରୀମନ୍ଦିର ରତ୍ନଭଣ୍ଡାରକୁ ଦାନ କରିଥିଲେ। ଅନଙ୍ଗ ଭୀମ ଦେବ ରାଜସିଂହାସନରେ ଅଭିଷିକ୍ତ ହେଲା ବେଳକୁ ଶ୍ରୀମନ୍ଦିର ନିର୍ମାଣ କାର୍ଯ୍ୟ ଶେଷ ହୋଇ ନଥିଲା। ଶ୍ରୀଜୀଉ ମାନଙ୍କ ତ୍ରିକାଳ ପୂଜାକୁ ଧୂପ ଷୋଡ଼ଶ ଉପଚାରର ପାତ୍ର, ରାଜନୀତି ବିଧି ଛତ୍ର ଚାମର, ସୁନା ଚକା ଶିକୁଳି,ମଞ୍ଚ ନାରାଚକୁ ଅଙ୍ଗ ଆଭରଣ, ସର୍ବାଙ୍ଗ ଭରଣ,କନକ ମୁଣ୍ଡାଇ ସୁନା ଆଭରଣ ପ୍ରଭୃତି ନିର୍ମାଣ କାର୍ଯ୍ୟ ପାଇଁ ନୀଳକଣ୍ଠ ରାଜଗୁରୁ ମହାପାତ୍ର ପରମହଂସ ବାଜପେୟୀଙ୍କ ଜିମାରେ ବାର ଲକ୍ଷ ଚାଳିଶ ହଜାର ମାଢ ସୁନା ଦିଆ ଯାଇଥିଲା।
କ୍ରମଶଃ
