#బ్రేవ్ సోల్డర్ ఆఫ్ Christ ||20~05~2026|| ప్రభువైన యేసుక్రీస్తు నామమున మీ అందరికీ వందనాలు Well come to @బైబిల్ స్వాగ్ అఫీషియల్; ప్రపంచ సాక్ష్యాల నిధి —06 జాన్ వెస్లీ టెస్టిమోనీ (సాక్ష్యం / అతని జీవితం ఎలా యేసు క్రీస్తుని కలిసాదు) పార్ట్ 01 ✍️లోకమంతా దేవుని ప్రేమను తెలుసుకోవాలని.. సత్యం కోసం వెతికిన ఎందరో మహానుభావుల జీవితాల్లో దేవుడు చేసిన అద్భుత కార్యాలను, వారి 'ప్రపంచ సాక్ష్యాల' రూపంలో మీ ముందుకు తెస్తున్నాను. చదవండి, ఆశీర్వదించబడండి, ఇతరులకు పంచండి! జాన్ వెస్లీ 1703లో ఇంగ్లాండ్‌లోని ఎప్వర్త్ అనే గ్రామంలో జన్మించారు. ఆయన తండ్రి శామ్యూల్ వెస్లీ ఒక దైవ సేవకుడు, తల్లి సుసన్నా వెస్లీ అత్యంత భక్తిపరురాలు. వెస్లీ జీవితంలో అత్యంత కీలకమైన ఘట్టం ఆయన ఐదేళ్ల వయసులో జరిగింది. ఒక రాత్రి వారి ఇంటికి నిప్పు అంటుకుంది. కుటుంబ సభ్యులందరూ బయటపడినా, చిన్నారి వెస్లీ మాత్రం మంటల మధ్య ఇంట్లోనే చిక్కుకుపోయారు. ఇంటి కప్పు కూలిపోయే సరిగ్గా నిమిషం ముందు, ఒకరు మరొకరి భుజాల మీద ఎక్కి కిటికీ గుండా వెస్లీని ప్రాణాలతో బయటకు తీశారు. ఈ సంఘటన వెస్లీ మనసులో బలంగా నాటుకుపోయింది. దేవుడు తనను ఏదో గొప్ప కార్యం కోసమే మంటల నుండి రక్షించాడని ఆయన నమ్మారు. అందుకే తనను తాను మంటలో నుండి తీయబడిన కొరివిగా చెప్పుకునేవారు. చదువులో వెస్లీ చాలా తెలివైనవారు. ఆక్స్‌ఫర్డ్ విశ్వవిద్యాలయంలో చదువుకుంటున్న సమయంలో, తన తమ్ముడు చార్లెస్ వెస్లీ మరియు మరికొందరు స్నేహితులతో కలిసి ఒక కూటాన్ని ఏర్పాటు చేశారు. వారు ప్రతిరోజూ క్రమం తప్పకుండా బైబిల్ చదవడం, ప్రార్థించడం, జైలులో ఉన్నవారిని సందర్శించడం మరియు పేదలకు సహాయం చేయడం వంటి పనులు చేసేవారు. వారి పద్ధతులు చాలా కఠినంగా, క్రమశిక్షణతో ఉండేవి కాబట్టి ఇతరులు వారిని ఎగతాళి చేస్తూ మెథడిస్టులు (ఒక పద్ధతిని పాటించేవారు) అని పిలిచేవారు. అదే పేరు తరువాతి కాలంలో ఒక పెద్ద క్రైస్తవ విభాగానికి పునాది అయ్యింది. అయితే, ఇన్ని చేస్తున్నా వెస్లీ మనసులో రక్షణ గురించిన పూర్తి నిశ్చయత ఉండేది కాదు. ఒకసారి అమెరికాకు ఓడలో ప్రయాణిస్తున్నప్పుడు భయంకరమైన తుఫాను వచ్చింది. వెస్లీ మరణ భయంతో వణికిపోతుంటే, అదే ఓడలో ఉన్న కొందరు మొరేవియన్ క్రైస్తవులు మాత్రం చాలా ప్రశాంతంగా పాటలు పాడుతూ దేవుని స్తుతిస్తున్నారు. వారిని చూసిన వెస్లీకి, తనలో ఏదో వెలితి ఉందని అర్థమైంది. ఇంగ్లాండ్‌కు తిరిగి వచ్చిన తర్వాత, 1738 మే 24వ తేదీ సాయంత్రం ఆల్డర్స్‌గేట్ స్ట్రీట్‌లో జరుగుతున్న ఒక కూటమికి వెళ్లారు. అక్కడ లూథర్ రాసిన రోమీయుల పత్రిక వ్యాఖ్యానాన్ని ఎవరో చదువుతుండగా విన్నప్పుడు, వెస్లీ హృదయంలో ఒక వింతైన వెచ్చదనం కలిగింది. క్రీస్తు మాత్రమే తనను పాపం నుండి, మరణం నుండి రక్షించాడని ఆ క్షణంలో ఆయనకు పూర్తి నమ్మకం కలిగింది. అదే ఆయన జీవితంలో నిజమైన మారుమనస్సు పొందిన సమయం. ఆ తర్వాత వెస్లీ వెనక్కి తిరిగి చూడలేదు. అప్పట్లో చర్చి అధికారులు ఆయనను చర్చి లోపల ప్రసంగించనివ్వకపోతే, ఆయన లోకమే నా పరిచర్య క్షేత్రం అని ప్రకటించి బయట మైదానాల్లో, వీధుల్లో ప్రసంగించడం మొదలుపెట్టారు. గుర్రం మీద ప్రయాణిస్తూ ఇంగ్లాండ్ అంతటా వేల మైళ్లు ప్రయాణించారు. దాదాపు 40 వేల ప్రసంగాలు చేశారు. సామాన్య ప్రజలకు అర్థమయ్యేలా సువార్తను బోధిస్తూ, పేదరికం, బానిసత్వం మరియు మద్యపానానికి వ్యతిరేకంగా పోరాడారు. తన సంపాదనలో చాలా తక్కువ భాగాన్ని మాత్రమే తన కోసం ఉంచుకుని, మిగిలినదంతా పేదలకు, పరిచర్యకు ఇచ్చేవారు. జాన్ వెస్లీ మరణించే వరకు దేవుని పనిలో అలుపెరగకుండా కష్టపడ్డారు. ఆయన చనిపోయేటప్పుడు అందరూ మెచ్చుకునేలా అత్యంత భక్తిపరుడిగా, నిస్వార్థ సేవకుడిగా కన్నుమూశారు. దేవుని పట్ల ఆయనకు ఉన్న ఆసక్తి, క్రమశిక్షణ మరియు ఆత్మల పట్ల ఉన్న భారము నేటికీ కోట్లాది మంది క్రైస్తవులకు గొప్ప ప్రోత్సాహాన్ని ఇస్తున్నాయి. #✝జీసస్ త్యాగాలు #I ❤️️ ఇండియన్ ఆర్మీ💖 #🕌నమాజ్ #🔱రుద్రాభిషేకము

#బ్రేవ్ సోల్డర్ ఆఫ్ Christ నా ఫ్యూచర్ ప్లాన్స్ ఏమిటి అని కొంత మంది అడిగారు వాళ్ళకి నా క్లారిటీ. జీవితంలో కొన్ని విషయాలు తెలుసుకున్న నేను ఈ నిర్ణయం తీసుకున్నాను. జీవితంలో ఎవరిపై ఆధారపడకుండా ఒంటరిగా స్ట్రాంగ్‌గా బ్రతకాలి అనుకునే వాళ్లు ఒక విషయం గుర్తుపెట్టుకోవాలి. ఈ ప్రపంచంలో మిమ్మల్ని ఎవరూ ప్రత్యేకంగా పట్టించుకోరు, ఎవరి లైఫ్‌లో వాళ్లు బిజీగా ఉంటారు కాబట్టి ఎవరి పనుల్లో వాళ్లను ఉండనిస్తూ అందరికీ ఇవ్వాల్సిన గౌరవాన్ని ఇచ్చేసి మన దారిలో మనం వెళ్ళిపోవడమే బెటర్. అయితే, ఈ ప్రయాణంలో ఒంటరితనం అనేది చాలా భయంకరమైనది, దాన్ని జయించాలంటే జీవితంలో ఒక బాధ్యతను భుజాన వేసుకోవాలి. మనకి 30 ఏళ్ల వయసు దాటాక, ఒకరిని నేను పూర్తిగా పోషించగలను, ఒక మంచి లైఫ్ ఇవ్వగలను అనే ఆర్థిక స్తోమత, కెపాసిటీ మనకు ఉందని వంద శాతం నమ్మకం కుదిరినప్పుడు అనాథ పిల్లలను లీగల్‌గా దత్తత తీసుకుని పెంచుకోవడం స్టార్ట్ చేయాలి. చట్టప్రకారం ఒంటరి పురుషుడికి అబ్బాయిని దత్తత ఇచ్చే రూల్స్ ఉన్నాయి కాబట్టి, ఒక అనాథ పిల్లవాడిని తెచ్చుకుని నా సొంత కొడుకులా పెంచడం నా బాధ్యత. రేపు ఆ పిల్లవాడు పెరిగి పెద్దయ్యాక వాడి కెరీర్, పెళ్లి అని వాడు బిజీ అయినా, కనీసం వాడికి ఒక మంచి భవిష్యత్తు ఇచ్చాననే తృప్తి మనకు ఉంటుంది. ఆ తర్వాత మన స్తోమతను బట్టి, మొదటి పిల్లవాడికి విషయాలు అర్థమయ్యే వయసు వచ్చాక, మరో అనాథ పిల్లవాడికి తోడుగా నిలబడాలి. ఇలా మన జీవితాంతం వీలైనంత మంది పిల్లలకి అండగా ఉంటే, అటు తల్లిదండ్రులు లేని పిల్లలకి ఒక గూడు దొరుకుతుంది, ఇటు మనకి కూడా ఒంటరితనం అనే బాధ లేకుండా జీవితం ఒక అర్థవంతమైన మార్గంలో ప్రశాంతంగా సాగిపోతుంది.

#బ్రేవ్ సోల్డర్ ఆఫ్ Christ ||13~05~2026|| ప్రభువైన యేసుక్రీస్తు నామమున మీ అందరికీ వందనాలు Welcome to @బైబిల్ స్వాగ్ అఫీషియల్; స్పెషల్ మెసేజ్ 12 మారుమనస్సు కంటినీటి ప్రదర్శన కాదు, నీ జీవిత ప్రయాణ దిశ మార్పు!పాపాన్ని ఒప్పుకోవడం కాదు పాపాన్ని విడిచిపెట్టడమే మారుమనస్సు చాలామంది ప్రార్థనలో ప్రభువా నేను పాపిని అని అడుగుతారు, కానీ ప్రార్థన ముగియగానే మళ్ళీ అదే పాపపు బురదలోకి వెళ్తారు. ఇది మారుమనస్సు కాదు, ఇది దేవునితో ఆడుకునే వెటకారం. మారుమనస్సు అంటే గ్రీకు భాషలో 'మెటానోయా' (Metanoia) — అంటే నీ ఆలోచనా విధానంలో పూర్తి మార్పు. నీవు పాపం వైపు వెళ్తున్న ప్రయాణాన్ని 360 డిగ్రీలు వెనక్కి తిప్పి, దేవుని వైపు నడవడమే నిజమైన మారుమనస్సు. పాపం చేసినప్పుడు వచ్చే భయం మారుమనస్సు కాదు, పాపం పట్ల కలిగే అసహ్యమే మారుమనస్సు. మారుమనస్సు పొందుడి, పరలోకరాజ్యము సమీపించియున్నది (మత్తయి 3:2) అని బాప్తిస్మమిచ్చు యోహాను మొదటి హెచ్చరిక చేశాడు. ఈ మార్పు లేకపోతే నువ్వు ఎన్ని బాప్తిస్మాలు తీసుకున్నా, ఎన్ని చర్చిలకు వెళ్ళినా అది వ్యర్థం. పశ్చాత్తాపం లేని భక్తి - దేవుని ఉగ్రతకు ఆహ్వానం మారుమనస్సు అనేది ఒక ఎమోషన్ కాదు, అది ఒక యాక్షన్. జక్కయ్య తన పాపాలను విడిచిపెట్టడమే కాకుండా, తాను చేసిన అన్యాయానికి పరిహారం చెల్లించాడు. అది నిజమైన మారుమనస్సు! ఈ రోజు చర్చిల్లో వేషధారణ భక్తి పెరిగిపోయింది. లోకం నీ నీతిని చూసి మెచ్చుకోవచ్చు, కానీ దేవుడు నీ అంతరంగపు మార్పును చూస్తున్నాడు. మారుమనస్సు పొందకపోయిన యెడల మీరందరును అలాగే నశింతురు (లూకా 13:3) అని యేసు ప్రభువు నేరుగా హెచ్చరించారు. దేవుని ఎరుగని వారు నీ ప్రవర్తన చూసి దేవుని వైపు రావాలి కానీ, నీ వేషధారణ చూసి దేవునిని దూషించకూడదు. యవనస్తులారా.. మనసును మార్చుకోండి, ముసుగును కాదు! నేటి యవనస్తులకు మారుమనస్సు అంటే ఒక ఆదివారం నాటి అనుభూతిగా మారిపోయింది. బైబిల్ చదివేటప్పుడు భక్తిగా ఉండటం, ఫోన్ పట్టుకోగానే అపవిత్రతలోకి వెళ్ళిపోవడం మారుమనస్సు అనిపించుకోదు. మీ హృదయములను చింపుకొనుడి గాని మీ వస్త్రములను కాదు" (యోవేలు 2:13). దేవునికి నీ నటన అక్కర్లేదు, నీ నిజాయితీ కావాలి. యవ్వన కాలపు ఇచ్ఛలను విడిచిపెట్టి, క్రీస్తు లాగా పవిత్రంగా ఉండాలని తీర్మానం చేసుకోవడమే నీవు దేవునికి ఇచ్చే అతిపెద్ద సాక్ష్యం. మారుమనస్సు లేని యవ్వనం, పునాది లేని భవనం లాంటిది.. అది ఎప్పుడైనా కూలిపోవచ్చు. సత్యం తెలియని వారికి మీరు ఇచ్చే సాక్ష్యం ఏది? దేవుని ప్రేమను ఇంకా రుచి చూడని వారు మిమ్మల్ని చూసి క్రైస్తవ్యాన్ని అర్థం చేసుకుంటారు. నీలో మార్పు లేనప్పుడు, నీ మాటలో పవిత్రత లేనప్పుడు, నీవు చేసే ప్రార్థనలకు విలువ ఉండదు. మారుమనస్సు పొందిన వ్యక్తి పాత జీవితాన్ని మళ్ళీ తాకడు. కుక్క తన వాంతికి తిరిగినట్టు, మారుమనస్సు పొందిన తర్వాత మళ్ళీ అదే పాపంలో పడితే, నీకు దేవుని కృప కంటే ఉగ్రతే ఎక్కువగా ఉంటుంది. నీతికి, అనీతికి మధ్య ఉన్న గోడను పడగొట్టి, కేవలం దేవుని నీతిలో నడవడమే క్రైస్తవ్యం. గొడ్డలి వేరున ఉంది!మారుమనస్సు పొందడానికి దేవుడు నీకు సమయం ఇస్తున్నాడు అంటే అది ఆయన బలహీనత కాదు, అది ఆయన దీర్ఘశాంతం.మారుమనస్సునకు తగిన ఫలములను ఫలించుడి (మత్తయి 3:8). బాప్తిస్మం అనేది ఒక ప్రారంభం మాత్రమే, కానీ మారుమనస్సు అనేది ప్రతిరోజూ నీ జీవితంలో కనబడాలి. వేషధారణను విడిచిపెట్టు, లోకాన్ని ప్రేమించడం ఆపు, దేవుని ఎదుట నీ హృదయాన్ని కుమ్మరించు. నిజమైన మారుమనస్సు నిన్ను పరలోకానికి చేరుస్తుంది, వేషధారణ భక్తి నిన్ను నాశనానికి నడిపిస్తుంది. నిన్ను నీవు పరిశోధించుకో.. నీవు నిజంగా మారిన మనస్సుతో ఉన్నావా? లేక కేవలం మారిన వేషంతో ఉన్నావా? #✝జీసస్ త్యాగాలు #🔱రుద్రాభిషేకము #🕌నమాజ్ #I ❤️️ ఇండియన్ ఆర్మీ💖

#బ్రేవ్ సోల్డర్ ఆఫ్ Christ ||12~05~2026|| ప్రభువైన యేసుక్రీస్తు నామమున మీ అందరికీ వందనాలు Welcome to @బైబిల్ స్వాగ్ అఫీషియల్; స్పెషల్ మెసేజ్ 11 వేషధారణ భక్తికి వినాశనం: మారుమనస్సు లేని బాప్తిస్మం పరలోకానికి దారి కాదు! చాలామంది చర్చికి రావడం అంటే ఒక సామాజిక అలవాటుగా, ఒక కుల గుర్తింపుగా భావిస్తున్నారు. కానీ బైబిల్ చెబుతున్న సత్యం ఏంటంటే: "దేవుడు వెక్కిరింపబడడు; మనుష్యుడు ఏమి విత్తునో అదే కోయును" (గలతీయులకు 6:7). పైన తెల్లని బట్టలు వేసుకుని, చేతిలో బైబిల్ పట్టుకుని, హృదయం నిండా లోకపు ఆశలు, కుళ్లు, కుతంత్రాలు పెట్టుకుని చర్చి గడప తొక్కితే అది దేవునిని అవమానించడమే. దేవుడు నీ నోటి మాటలను చూడడు, నీ హృదయపు లోతులను చూస్తాడు. సత్యం తెలియని వారైనా, విశ్వాసులైనా తెలుసుకోవాల్సిన నిశితమైన సత్యం ఇదే—దేవుని కన్ను నుండి ఏదీ మరుగై ఉండదు. భక్తి అనేది ఒక ముసుగుగా వాడుకునే వారికి దేవుని తీర్పు నిప్పుల వర్షంలా కురుస్తుంది. బాప్తిస్మం అంటే సర్టిఫికేట్ కాదు - అది పాత జీవితానికి సమాధి,నేడు బాప్తిస్మం అంటే కేవలం నీళ్లలో మునగడం, పేరు మార్చుకోవడం, లేదా పెళ్లి కోసం తీసుకునే ఒక అర్హతగా మారిపోయింది. ఇది దేవుని దృష్టిలో అత్యంత హేయమైన విషయం. బాప్తిస్మం అంటే "క్రీస్తుతో కూడా పాతిపెట్టబడటం (రోమీయులకు 6:4). అంటే నీ పాత అలవాట్లు, నీ చెడ్డ బుద్ధులు, నీ అబద్ధాలు, నీ వ్యభిచార తలంపులు ఆ నీళ్లలోనే సమాధి అయిపోవాలి. బాప్తిస్మం తీసుకున్న తర్వాత కూడా అదే పాత జీవితాన్ని, అదే లోకపు పాపాలను కొనసాగిస్తుంటే, నువ్వు పొందింది బాప్తిస్మం కాదు, కేవలం నీళ్లలో స్నానం మాత్రమే. మారుమనస్సు లేని బాప్తిస్మం కేవలం ఒక ఆచారమే తప్ప, అది నిన్ను నరకానికి వెళ్లకుండా ఆపలేదు. నీతి లేని బాప్తిస్మం నీ ఆత్మకు ఉరితాడుగా మారుతుంది. యేసు ప్రభువు ఎవరో తెలియని అంధకార భక్తి చాలామందికి యేసు ప్రభువు అంటే కేవలం అద్భుతాలు చేసేవాడు, స్వస్థత ఇచ్చేవాడు, లేదా ఆశీర్వదించేవాడు మాత్రమే అని తెలుసు. కానీ ఆయన ఎవరో అసలు మర్మం తెలియడం లేదు. ఆయన పరిశుద్ధుడు, ఆయన నీతిమంతుడు, ఆయన పాపాన్ని దహించే అగ్ని. ప్రభువా ప్రభువా అని నన్ను పిలుచు ప్రతివాడును పరలోకరాజ్యములో ప్రవేశింపడు (మత్తయి 7:21). యేసుక్రీస్తు బోధలను అనుసరించకుండా, ఆయన పవిత్రతను నీ జీవితంలో ప్రతిబింబించకుండా చర్చికి రావడం వల్ల ఎటువంటి ప్రయోజనం లేదు. ఆయన నీ కోసం ప్రాణం పెట్టింది నిన్ను పాపంలోనే ఉంచడానికి కాదు, నిన్ను పాపం నుండి విడిపించడానికి. ఈ సత్యం తెలియకుండా చేసే ఏ ఆరాధన అయినా అది దేవుని ప్రేమను ఇంకా రుచి చూడని వారికి తప్పుడు సాక్ష్యంగా మిగిలిపోతుంది. యవనస్తులారా.. లోకానికి, దేవునికి మధ్య ఊగిసలాడకండి నేటి యవనస్తుల్లో చాలామంది ముందు లోకాన్ని అనుభవిద్దాం, ఒక ఏజ్ వచ్చాక భక్తి చేద్దాం అనే భ్రమలో ఉన్నారు. దేవుని వాక్యం హెచ్చరిస్తోంది: యవ్వన కాలమందే నీ సృజనకర్తను స్మరించుకొనుము (ప్రసంగి 12:1). చర్చికి వచ్చి ఆరాధనలో పాల్గొంటూనే, బయట లోకపు పోకడలతో, అపవిత్రమైన అలవాట్లతో జీవించేవారు లోకస్తుల దృష్టిలో క్రైస్తవ్యాన్ని చులకన చేస్తున్నారు. మీ ప్రవర్తన వల్లే దేవుని నామము దూషించబడుతోంది. పౌరుషం అంటే పాపంతో రాజీ పడటం కాదు, పాపాన్ని కాళ్లతో తొక్కి పారవేసి పవిత్రంగా బ్రతకడం. వేషధారణతో కూడిన భక్తి నీ జీవితాన్ని నాశనం చేస్తుంది. ఒక హెచ్చరిక - దేవుని నీతి అందరికీ సమానమే క్రైస్తవులమని చెప్పుకుంటూ తప్పు చేసేవారు ఉన్నారని దేవుడిని తక్కువగా చూడకండి. దేవుడు పక్షపాతి కాడు. తన పేరిట పిలవబడే వారైనా సరే, తప్పు చేస్తే దేవుడు వారిని కఠినంగా శిక్షిస్తాడు. చర్చికి రావడం వల్ల ఎవరూ నీతిమంతులు అయిపోరు, క్రీస్తు రక్తము ద్వారా హృదయం కడగబడినప్పుడే మార్పు వస్తుంది. నిజమైన క్రైస్తవ్యం అంటే ఒక మతం కాదు, అది ఒక పవిత్రమైన జీవన విధానం. ఈ లోకం ఇచ్చే తాత్కాలిక సుఖాల కోసం శాశ్వతమైన పరలోకాన్ని పోగొట్టుకోకండి. దేవుని తీర్పు దినాన ఏ ముసుగులు పని చేయవు, ఏ చర్చి సభ్యత్వం నిన్ను కాపాడదు. ఇప్పుడే మారుమనస్సు పొందండి సమయం మించిపోతోంది, దేవుని కృపా కాలం ముగిసిపోతోంది. నామకార్థపు భక్తిని వదిలిపెట్టి, నిజమైన దేవుని వైపు తిరగండి. బాప్తిస్మం తీసుకున్నామని గర్వపడకండి, ఆ బాప్తిస్మానికి తగిన ఫలాలను మీ జీవితంలో చూపించండి. గొడ్డలి చెట్ల వేరున ఉంచబడియున్నది మంచి ఫలము ఫలించని ప్రతి చెట్టు నరకబడి అగ్నిలో వేయబడును (మత్తయి 3:10). చర్చికి రావడం నీ బాధ్యత, కానీ దేవుని లాగా పవిత్రంగా బ్రతకడం నీ ప్రాణ బాధ్యత. వేషధారణను విడిచి, సత్యంలో నడవండి, అప్పుడే మీరు దేవుని బిడ్డలుగా పిలవబడతారు. #✝జీసస్ త్యాగాలు #🔱రుద్రాభిషేకము #🕌నమాజ్ #I ❤️️ ఇండియన్ ఆర్మీ💖

#బ్రేవ్ సోల్డర్ ఆఫ్ Christ ||12~05~2026|| ప్రభువైన యేసుక్రీస్తు నామమున మీ అందరికీ వందనాలు Well come to @బైబిల్ స్వాగ్ అఫీషియల్; స్పెషల్ మెసేజ్ 10 గమనిక✓ నేను ఎవర్ని తీర్పు తీర్చడం లేదు, నేను నీతిమంతుని కాకపోయినా, నేను ఈ తప్పు మాత్రం చేయను. పాపాన్ని ఖండించడం తీర్పు తీర్చడం కాదు - అది బాధ్యత! నన్ను విమర్శించే వారు తీర్పు తీర్చవద్దు అనే వాక్యాన్ని వాడుతున్నారు. కానీ అదే బైబిల్ ఇలా చెబుతోంది: నిష్ఫలమైన అంధకార క్రియలలో పాలివారై ఉండక వాటిని ఖండించుడి (ఎఫెసీయులకు 5:11). ఒక పాస్టర్ హోదాలో ఉండి అత్యాచారం చేసిన వ్యక్తిని సమర్థించడం లేదా ఆ తప్పును ప్రశ్నించే వారిని నోరు మూయమనడం క్రైస్తవ్యం కాదు, అది మూర్ఖత్వం. తప్పును తప్పు అని చెప్పడం తీర్పు తీర్చడం కాదు, సత్యాన్ని చాటడం. అన్యాయం జరిగినప్పుడు మౌనంగా ఉండేవాడు కూడా ఆ పాపంలో పాలివాడే! నేను నీతిమంతుడిని అని చెప్పుకోవడం లేదు, కానీ నా దేవుడు నీతిమంతుడు. ఆయన నామాన్ని వాడుకుని ఒక కామాంధుడు మృగంలా ప్రవర్తిస్తే, దేవుని బిడ్డగా నా రక్తం మరగడం సహజం. నీతిని ఆకలిదప్పులు గలవారు ధన్యులు అని వాక్యం చెబుతోంది. మనం పాపులమే కావచ్చు, కానీ పాపాన్ని సమర్థించేవారం కాదు. ఒక చిన్నారిపై దారుణం జరిగితే, "నీతిమంతుడివా" అని ప్రశ్నించే వారి వివేకం ఎటు పోయింది? పవిత్రత గురించి మాట్లాడే అధికారం ప్రతి విశ్వాసికి ఉంది. దేవుని సేవకులుగా పిలవబడే వారు తప్పు చేసినప్పుడు, అది వ్యక్తిగత పాపం మాత్రమే కాదు, అది దేవుని రాజ్యానికి చేసే ద్రోహం. విశ్వాసఘాతకులైన బోధకుల వల్ల దేవుని నామము అన్యజనుల మధ్య దూషింపబడుచున్నది (రోమీయులకు 2:24). ఈ రోజు వే 2 న్యూస్ లో అన్యులు దేవుడిని దూషిస్తున్నారంటే కారణం ఎవరో తెలుసా? తప్పు చేసిన ఆ వ్యక్తి, మరియు ఆ తప్పును కప్పిపుచ్చాలని చూసే మీలాంటి వారు. సత్యం మాట్లాడేవారిని విమర్శించే ముందు, దేవుని నామానికి జరుగుతున్న అవమానాన్ని చూడండి. యవనస్తులారా.. వెనకడుగు వేయకండి! సత్యం మాట్లాడేటప్పుడు లోకం నిన్ను విమర్శిస్తుంది, ఒక్కోసారి నీ సొంతవారే నిన్ను తప్పు పడతారు. కానీ గుర్తుంచుకో, మనం మనుషులను సంతోషపెట్టేవారం కాదు, దేవునిని సంతోషపెట్టేవారం. సత్యము మిమ్మును స్వతంత్రులనుగా చేయును. ఒక తప్పుడు వ్యక్తిని వెనకేసుకొచ్చే సంఘం క్షేమంగా ఉండదు. మనం వ్యక్తిని ద్వేషించడం లేదు, ఆ వ్యక్తిలోని మృగత్వాన్ని ద్వేషిస్తున్నాం. ఆ చిన్నారికి జరిగిన అన్యాయంపై స్పందించడం ప్రతి క్రైస్తవుని బాధ్యత. దేవుడు ప్రేమామయుడే, కానీ ఆయన నీతిమంతుడైన న్యాయాధిపతి. తప్పును వెనకేసుకొచ్చే వారు కూడా దేవుని తీర్పుకు లోనవుతారు. గలతీయులకు రాసినట్టు మనుష్యుడు ఏమి విత్తునో అదే కోయును". నిందితుడికి మద్దతు ఇచ్చే వారు కూడా వినాశనాన్నే విత్తుతున్నారు. మేము నిశ్శబ్దంగా ఉండము, సత్యం వైపు నిలబడతాము. దేవుని నామము పరిశుద్ధపరచబడాలి, అపవిత్రులు కచ్చితంగా శిక్షించబడాలి. #✝జీసస్ త్యాగాలు #🕌నమాజ్ #🔱రుద్రాభిషేకము #I ❤️️ ఇండియన్ ఆర్మీ💖

#బ్రేవ్ సోల్డర్ ఆఫ్ Christ ||10~05~2026|| ప్రభువైన యేసుక్రీస్తు నామమున మీ అందరికీ వందనాలు Well come to @బైబిల్ స్వాగ్ అఫీషియల్; స్పెషల్ మెసేజ్ 9 ఇటీవల వే2 న్యూస్ (Way2News) యాప్‌లో ఒక పాస్టర్ చేసిన తప్పు గురించి వస్తున్న వార్తలు, దాని కింద దేవుని దూషిస్తూ చేస్తున్న కామెంట్లు చూస్తుంటే ఒకటి మాత్రం స్పష్టంగా అర్థమవుతోంది. మనుషులు చేసే పాపానికి దేవుడిని నిందించడం మూర్ఖత్వం. పరిశుద్ధ గ్రంథమైన గలాతీయులకు రాసిన పత్రిక 6:7 లో దేవుడు మనల్ని ఇలా హెచ్చరిస్తున్నారు: "మోసపోకుడి, దేవుడు వెక్కిరింపబడడు; మనుష్యుడు ఏమి విత్తునో ఆ పంటనే కోయును." దైవదూషణ చేసేవారికి మరియు దైవద్రోహులకు హెచ్చరిక! కర్మ ఫలం తప్పదు లోకం అనుకోవచ్చు.. ఒక పాస్టర్ తప్పు చేశాడు కదా, దేవుడు ఎక్కడ ఉన్నాడని? కానీ లేఖనం గంభీరంగా హెచ్చరిస్తోంది: "మోసపోకుడి, దేవుడు వెక్కిరింపబడడు; మనుష్యుడు ఏమి విత్తునో ఆ పంటనే కోయును" (గలతీయులకు 6:7). ఒక వ్యక్తి తన అపవిత్రమైన కోరికల కోసం పాపాన్ని విత్తితే, వాడు వినాశనాన్ని కోయక తప్పదు. దేవుడు ప్రేమగలవాడే, కానీ ఆయన న్యాయవంతుడు. పవిత్రమైన ముసుగు వేసుకున్నంత మాత్రాన చేసిన పాపం పుణ్యమైపోదు. దేవుడు తన కళ్లముందే జరుగుతున్న అన్యాయాన్ని చూస్తూ ఊరుకోడు, సమయం వచ్చినప్పుడు ఆయన తీర్పు పిడుగులా పడుతుంది. వ్యక్తి చేసిన తప్పు - దైవానికి ఆపాదించకండి ఆ యాప్ లో కామెంట్లు చేసేవారు ఒకటి గుర్తుంచుకోవాలి: ఒక డాక్టర్ తప్పు చేస్తే వైద్యశాస్త్రం తప్పు కాదు, ఒక లాయర్ తప్పు చేస్తే చట్టం తప్పు కాదు. అలాగే, దైవ సేవకుడిగా చెప్పుకునే ఒక వ్యక్తి మృగంగా మారితే అది దేవుని తప్పు కాదు, అది ఆ వ్యక్తిలోని వినాశకరమైన స్వభావం. "దేవుడు వెక్కిరింపబడడు" అంటే అర్థం ఇదే—ఏ మనిషి కూడా దేవుని నామాన్ని వాడుకుని తప్పించుకోలేడు. దూషించేవారు తెలుసుకోవాల్సింది ఏంటంటే, దేవుడు ఇలాంటి పనులను అందరికంటే ఎక్కువగా అసహ్యించుకుంటాడు. ఆయన తన నామానికి కళంకం తెచ్చే వారిని విడిచిపెట్టడు. ముసుగు వీరులారా.. మీ అంతం భయంకరం గా ఉండబోతుంది ఆధ్యాత్మిక బోధనలు చేస్తూ, తెర వెనుక ఇలాంటి అంధకార క్రియలు చేసేవారికి బైబిల్ ఇచ్చే వార్నింగ్ చాలా స్ట్రాంగ్‌గా ఉంటుంది. "మీరు చేయు పాపము మిమ్మును పట్టుకొనును" (సంఖ్యాకాండము 32:23). నువ్వు వేసుకున్న తెల్ల చొక్కా నీ లోపల ఉన్న కుళ్లును దాచలేదు. పవిత్రమైన సేవను వ్యాపారంగా, వ్యభిచారంగా మార్చుకున్న ప్రతి ఒక్కరికీ దేవుని ఉగ్రత పాత్ర సిద్ధంగా ఉంది. యవనస్తులారా, ఇలాంటి వారిని చూసి భ్రమపడకండి. నిజమైన భక్తికి పవిత్రత ప్రాణం. అది లేనివాడు ఎవడైనా సరే, వాడు దేవుని రాజ్యానికి శత్రువే. దేవుడు శపిస్తాడని ఒక పాపను భయపెట్టడం అనేది పిరికిపంద చర్య. బైబిల్ నేర్పే పౌరుషం ఏంటంటే.. అన్యాయం జరిగినప్పుడు బాధితుల పక్షాన నిలబడటం. "నీతిని అనుసరించుడి, అన్యాయమును ద్వేషించుడి." ఎవరైనా దేవుని పేరు చెప్పి మిమ్మల్ని తప్పు చేయమని ప్రేరేపిస్తే, వాడు పాస్టర్ అయినా సరే.. వాడిని నిలదీయండి. దేవుడు ఎప్పుడూ సత్యం వైపు ఉంటాడు. అన్యులు మన దేవుని దూషించకుండా ఉండాలంటే, మన మధ్య ఉన్న ఇలాంటి కలుపు మొక్కలను ఏరివేయడంలో మనం ముందుండాలి. పంట సిద్ధంగా ఉంది ఈ రోజు కామెంట్లు చేస్తున్న వారు, తప్పు చేసిన వారు అందరూ తెలుసుకోవాలి—దేవుని లెక్క చాలా ఖచ్చితంగా ఉంటుంది. విత్తిన ప్రతి విత్తనానికి కోత ఉంటుంది. ఆ బాలిక రక్తానికి, ఆమె పడిన వేదనకు దేవుడు ఖచ్చితంగా తీర్పు తీరుస్తాడు. యవనస్తులారా, లోకపు దూషణలకు భయపడకండి, దేవుని నీతికి కట్టుబడి ఉండండి. పవిత్రతతో కూడిన జీవితమే దేవునికి మనం ఇచ్చే నిజమైన గౌరవం. పాపాన్ని ద్వేషించండి, నీతిని ప్రేమించండి. "మోసపోకుడి, దేవుడు వెక్కిరింపబడడు; మనుష్యుడు ఏమి విత్తునో ఆ పంటనే కోయును." తప్పు చేసిన వ్యక్తి ఎవడైనా సరే, అది శిక్షార్హమైన నేరం. ఒక వ్యక్తి చేసే క్రియలకు దేవుడు బాధ్యుడు కాదు. విత్తనం వేసింది మనిషి అయితే, ఆ చేదు ఫలాన్ని కూడా ఆ మనిషే అనుభవించాలి. మనుషులు తమ అజ్ఞానంతో దేవుని దూషించినంత మాత్రాన ఆయన మహిమ తగ్గదు. దేవుని నామాన్ని అడ్డం పెట్టుకుని అక్రమాలు చేసే వారికి ఆయన తీర్పు తప్పదు. క్రియలు చేసేది మనుషులు, కానీ నిందలు మాత్రం దేవుడికా? కామెంట్లలో దేవుని దూషించే వారు ఒకసారి ఆలోచించండి.. పాపం చేసిన వ్యక్తికి శిక్ష పడాలి కానీ, దేవుని నామానికి కాదు. #✝జీసస్ త్యాగాలు #🕌నమాజ్ #🔱రుద్రాభిషేకము #I ❤️️ ఇండియన్ ఆర్మీ💖

#బ్రేవ్ సోల్డర్ ఆఫ్ Christ హెచ్చరిక: ఒక దేశద్రోహి గురించి..!! పార్ట్ 3 1. మద్యపాన నిషేధంపై స్పష్టమైన హామీ తమిళనాడులో మద్యం వల్ల ఎన్నో కుటుంబాలు నాశనమవుతున్నాయని విజయ్ ఆవేదన వ్యక్తం చేశారు. "ప్రభుత్వమే మద్యం అమ్మడం అనేది సిగ్గుచేటు. మేము అధికారంలోకి వస్తే విడతల వారీగా సంపూర్ణ మద్యపాన నిషేధాన్ని అమలు చేస్తాం" అని ప్రకటించారు. ఆదాయం కంటే ప్రజల ఆరోగ్యమే ముఖ్యమని ఆయన నమ్మకం. 2. గవర్నర్ వ్యవస్థ & నీట్ (NEET) పరీక్ష రాష్ట్ర హక్కుల విషయంలో ఆయన చాలా కఠినంగా మాట్లాడారు: గవర్నర్ వ్యవస్థ: రాష్ట్ర ప్రభుత్వ నిర్ణయాలను అడ్డుకునే గవర్నర్ వ్యవస్థ అవసరం లేదని, రాష్ట్ర స్వయంప్రతిపత్తిని కాపాడుకుంటామని చెప్పారు. NEET: విద్యార్థుల ఆత్మహత్యలకు కారణమవుతున్న నీట్ పరీక్షను తమిళనాడులో రద్దు చేస్తామని, విద్యను తిరిగి రాష్ట్ర జాబితాలోకి తీసుకురావడానికి పోరాడతామని హామీ ఇచ్చారు. 3. తమిళ భాష & సంస్కృతి తమిళం మన మూలం అని చెబుతూనే, హిందీ రుద్దుడును (Hindi Imposition) వ్యతిరేకించారు. అయితే, ఇతర భాషల పట్ల ద్వేషం ఉండకూడదని, కానీ తమిళనాడులో తమిళమే ప్రథమ భాషగా ఉండాలని స్పష్టం చేశారు. పరిపాలన అంతా తమిళంలోనే జరగాలని కోరారు. 4. "నేను రాజకీయాల్లోకి ఎందుకు వచ్చాను?" తన వ్యక్తిగత కెరీర్ గురించి మాట్లాడుతూ ప్రజల మనసు గెలుచుకున్నారు: "నేను సినిమాల్లో కోట్లు సంపాదిస్తున్నాను, నా కెరీర్ టాప్‌లో ఉంది. కానీ ఆ డబ్బు, పేరు మీరే ఇచ్చారు. ఇప్పుడు ఆ రుణాన్ని తీర్చుకోవడానికి, మీ కోసం కష్టపడటానికి సినిమాను వదిలేసి వచ్చాను." "నేను ఇక్కడికి టైంపాస్ చేయడానికి రాలేదు, రాజకీయాల్లో ఒక పాములాగా (Snake) చాలా నిశ్శబ్దంగా, వ్యూహాత్మకంగా ఉండి ప్రజలకు మేలు చేస్తాను." 5. మహిళల భద్రత & గౌరవం స్త్రీల రక్షణ కోసం ప్రత్యేక చట్టాలు మరియు పోలీస్ వ్యవస్థలో మార్పులు తెస్తామని చెప్పారు. ప్రభుత్వ పథకాల్లో మహిళలకు సమాన వాటా మరియు నిర్ణయాధికారం కల్పిస్తామని హామీ ఇచ్చారు. 6. అవినీతిపై యుద్ధం "ప్రభుత్వ కార్యాలయాల్లో ప్రతి పనికి లంచం అడుగుతున్నారు. ఈ సిస్టమ్‌ను ప్రక్షాళన చేయాలి. డిజిటల్ గవర్నెన్స్ ద్వారా అవినీతిని అంతం చేస్తాం" అని చెప్పారు. విజయ్ ప్రసంగం వెనుక ఉన్న ఫిలాసఫీ: ఆయన ప్రసంగం మొత్తం "వ్యూహం + సిద్ధాంతం + ఆవేశం" తో సాగింది. ఒకవైపు పెరియార్ చెప్పిన సామాజిక సమానత్వం, మరోవైపు అంబేడ్కర్ చెప్పిన రాజ్యాంగబద్ధమైన హక్కులు, ఇంకోవైపు కామరాజర్ చూపిన నిజాయితీ.. ఈ మూడింటి కలయికే నా రాజకీయం అని విజయ్ నిరూపించారు. ఈ విషయాలన్నీ క్రమ పద్ధతిలో ప్రజల్లోకి వెళ్లడం వల్లే, 2026 ఎన్నికల్లో 108 సీట్లతో ఆయన ఒక పెద్ద శక్తిగా ఎదగగలిగారు. సామాన్యులే నాయకులుగా మారిన ఈ ప్రస్థానం ఇప్పుడు తమిళనాడు రాజకీయాల్లో ఒక కొత్త చరిత్రను రాస్తోంది. #I ❤️️ ఇండియన్ ఆర్మీ💖 #🇮🇳 మన దేశ సంస్కృతి #🤩తమిళ్ హీరో ఫ్యాన్స్🔥 #📖జనరల్ ఇన్ఫర్మేషన్👩‍💼