✍️....നീ എന്നത് എന്നിലെ ഒറ്റവരി കവിതയാവട്ടെ.. 🫴✨ سچـͧــͪــͨــᷧــᷤـــو🍃✍️ #ഭ്രാന്തൻ ചിന്തകൾ #ഞാൻ എഴുതിയ വരികൾ

അത്രമേൽ സ്നേഹിക്കുന്നവരുടെ ഉള്ളിൽ നിന്നും അത്രമേൽ വേദനിപ്പിക്കുന്നു ചില വാക്കുകൾ വരാറുണ്ട്. ഒരു നിമിഷം നമ്മൾ ഭൂമി പിളർന്നു പോകുന്നത് പോലെ തോന്നും. എന്നിട്ടും നമ്മൾ അവരെ മാത്രം നെഞ്ചോട് ചേർക്കും ഇനിയും വേദനിക്കും എന്നറിഞ്ഞിട്ടും.! سچـͧــͪــͨــᷧــᷤـــو🍃✍️ #ഞാൻ എഴുതിയ വരികൾ #ഭ്രാന്തൻ ചിന്തകൾ എന്നിലെ വരികൾ.

ഒരുപാട് സങ്കടം തോന്നുന്ന നിമിഷങ്ങളിൽ ചെന്നിരിക്കാൻ തോന്നാറുള്ള ഒരിടമാണ് "കടൽത്തീരം" പക്ഷേ എന്നെ ഏറെ ചിന്തിപ്പിച്ച കാര്യം ഇതായിരുന്നു അത്രമേൽ മനസ്സ് നുരഞ്ഞു മറിയുമ്പോഴും അതിനേക്കാൾ ശക്തിയിൽ ആഞ്ഞടിച്ചു വരുന്ന കടലിനു എങ്ങനെ ഇത്രമേൽ നമ്മേ ശാന്തമാക്കാൻ സാധിക്കുന്നു! ഒന്നിറങ്ങി നടന്നാൽ പ്രകൃതിയിൽ തന്നെ പടച്ചോൻ നമ്മേ നിയന്ത്രിക്കാൻ ഓരോന്നിനും കഴിവ് കൊടുത്തിട്ടുണ്ടാവണം...! سچـͧــͪــͨــᷧــᷤـــو🍃✍️ #ഭ്രാന്തൻ ചിന്തകൾ #ഞാൻ എഴുതിയ വരികൾ

ഓരോ രാവ്‌ ഇരുട്ടി വെളുക്കുമ്പോഴും എന്റെ മുഖം വീരുപമാണ് ആർക്കൊക്കെയോ വേണ്ടി പൊട്ടിച്ചിരിച്ചും തമാശകൾ പറഞ്ഞു ഇരുന്നപ്പോഴും ഞാൻ അറിയാതെ പോയ ഒന്നുണ്ട് എന്റെ മുഖത്ത് ഞാൻ ഏറെ സ്നേഹിച്ചവർ തേച്ചു തന്ന ഛായങ്ങൾ ഉണ്ടെന്ന് അതാണ് എന്നെ ചിരിപ്പിക്കുന്നത് എന്നും. അവ മായ്ച്ചു കളഞ്ഞപ്പോൾ യഥാർത്ഥ എന്നെ ഞാൻ കണ്ടു കണ്ണുകൾ രണ്ടും കലങ്ങി ചുണ്ടുകൾ വരണ്ടു ഒരു വല്ലാത്ത വിരൂപമായ എന്നെ തന്നെ ഞാൻ ഒത്തിരി നേരം നോക്കി നിന്നു എന്നിട്ട് സ്വയം ചോദിച്ചു കഴിഞ്ഞോ നിന്റെ രംഗബോധമില്ലാത്ത അരങ്ങിലെ കോമാളി വേഷം.. ഇല്ല അത്‌ അങ്ങനെ അവസാനിക്കുന്ന ഒന്നാണോ ദിനം പ്രതി നമ്മിലേക്ക് കയറി വരുന്ന പലരും കൊണ്ടുവരുന്നത് ഇതേ ഛായങ്ങൾ തന്നെ അല്ലെ എനിക്ക് ചിരിക്കാൻ ഈ ഛായങ്ങൾ ഇന്നേറെ ആവിശ്യമാണ്. കാരണം എന്റെ കണ്ണു നീരുകൾ ആരും കാണില്ല എന്റെ മനസ്സ് വിങ്ങി പൊട്ടുന്നതും ആരും കാണില്ല അവർക്ക് മുമ്പിൽ അല്ലങ്കിൽ ഈ ലോകത്തിന് മുമ്പിൽ ഞാൻ എന്ന രൂപം കോമാളി ആണ്. ചിലപ്പോൾ ഈ ലോകം തന്നെ വെട്ടിപിടിച്ചവനെ പോലെ സ്വയം മറന്നു ചിരിക്കും കാരണം ഈ ലോകം തന്നെ ആത്മാർഥമായി സ്നേഹിക്കുന്നവർക്ക് ചില നേരം സമ്മാനിക്കുന്ന ഓമന പേരാണ് കോമാളി. കോമാളികൾക്ക് എവിടെയാടോ മിഴികൾ നിറയ്ക്കാൻ നേരം അവർ ഇരുളുകൾ ഛായം പൂശി വെളിച്ചം കണ്ടവർ അല്ലെ.. അതെ ഞാൻ കോമാളി ആണ് എന്റെ പ്രിയപെട്ടവർ എനിക്ക് സമ്മാനിച്ച സുന്ദരമായ നാമം... سچـͧــͪــͨــᷧــᷤـــو🍃✍️ #ഞാൻ എഴുതിയ വരികൾ #ഭ്രാന്തൻ ചിന്തകൾ

എന്റെ മരണ യാത്രയിൽ നിന്നും.... Inna lillahi vainna ilaihi rajihoon...... അതെ ദൈവത്തിന്റെ ഭവനത്തിൽ നിന്നും ആ വാക്ക് ഒഴുകി നാടാകേ പരന്നിരിക്കുന്നു. അതെന്റെ മരണ വാർത്ത ആയിരുന്നു ജീവിച്ചിരിക്കുമ്പോൾ ഒരുപാട് കൊതിച്ചു പോയ ദിനം. പലപ്പോഴും വിധിയുടെ വിളയാട്ടത്തിൽ രക്ഷപെട്ടു. കുറച്ചു വൈകി ആണേലും ഈ വിഡ്ഢി പെണ്ണിനേയും തേടിയത് വന്നിരിക്കുന്നു. വിരലിൽ എണ്ണാൻ പറ്റുന്ന ജീവനുകൾക്ക് ഇടയിൽ ഇന്നൊരുപാട് മുഖങ്ങൾ തിക്കും തിരക്കും കൂട്ടി എന്നെ കാണുവാൻ വെമ്പുന്നു. ഇവരൊക്കെ ആരായിരുന്നു എനിക്കറിയാവുന്ന മുഖങ്ങൾ ഒഴിച്ചു ബാക്കി എല്ലാം മരണ വീട് അലങ്കരിക്കാൻ വരുന്നവർ ആയിരുന്നു എന്ന് മനസ്സിലായി. അവരുടെ അലങ്കാരം വസ്ത്രമോ പൂവോ അല്ല മറിച്ചു ഖബറിന്റെ ഇരുളറയിലേക്ക് എന്നെ കൊണ്ടുവെക്കുന്ന നേരമത്രയും ഞാൻ പോലും അറിയാത്ത എന്റെ സവിശേഷതകൾ പറഞ്ഞു പരസപ്പരം കരയുക. എന്ത് നല്ല ആചാരം ജീവനുള്ളപ്പോൾ എനിക്ക് സമ്മാനിക്കാത്ത പലതും ഇന്നവർ വാക്കുകൾ ആയും ചുംബനങ്ങൾ ആയും സമർപ്പിക്കുന്നു. ഒന്നുറക്കെ സംസാരിക്കാൻ കൊതിയാവുന്നു. എന്നെ കെട്ടിപിടിച്ചു ചുംബിക്കുന്നവരെ പിടിച്ചു മാറ്റാൻ എന്റെ കൈകൾക്കും ശക്തി ഇല്ലാതായിരുക്കുന്നു. എന്റെ വീടിന്റെ ഓരോ ദിശയിലും ജനപ്രവാഹം തന്നെ പക്ഷേ എന്തിനാണ് ഇവരുടെ വിലപ്പെട്ട സമയങ്ങൾ എനിക്കായി ഇപ്പോ നൽകുന്നത്. ഒന്നടുത്തിരിക്കോ എനിക്ക് ഒരുപാട് സംസാരിക്കാൻ ഉണ്ടെന്ന് ഞാൻ പറഞ്ഞതല്ലേ പലരോടും അന്നാരും സമയമില്ലന്ന് പറഞ്ഞു അവരുടെ ലോകത്തേക്ക് ചേക്കേറുമ്പോൾ നിറഞ്ഞ മിഴികളാൽ നോക്കി നിന്നപ്പോൾ ഞാൻ അറിഞ്ഞില്ല. ഇവരൊക്കെ free ആവുന്നത് ഞാൻ ഇല്ലാതാവുമ്പോൾ ആണെന്ന്.. മരണം എന്ന വാക്കിൽ ജീവിതം എന്ന വാക്കിനേക്കാൾ അർത്ഥമുണ്ട് എന്ന് മനസിലാക്കി തന്നിരിക്കുന്നു ഉറ്റവരും ഉടയവരും.. "അസർ നിസ്ക്കാരത്തിന് മുൻപായി മയ്യത്ത് എടുക്കണം " മുതിർന്ന ആരുടെയോ ശബ്ദം കാതിൽ പതിഞ്ഞു..ഹാ എടുക്കണം എന്തിന് വേണ്ടി എന്നെ ഇങ്ങനെ കിടത്തണം ഞാൻ സ്വയം ഉള്ളിൽ മന്ത്രിച്ചു.. "വെള്ളം ചൂടായി എന്നാ പിന്നെ കുളിപ്പിക്കാൻ എടുക്കട്ടേ " ചൂടുവെള്ളം എന്തിനാ എനിക്ക് പച്ച വെള്ളം മതി ഹോ ഇതൊക്കെ ഇനി ആരേലും കേൾക്കോ.. ഉമ്മ്ഹ നടു നല്ല വേദന ഇച്ചിരി ചൂടുവെള്ളം ഉണ്ടാക്കി തരോ രണ്ട് ഓല കത്തിച്ചു നിനക്ക് തന്നെ ചൂടാക്കി എടുത്തൂടെ.. അതും ശരിയാ അത് എനിക്ക് ചെയ്യാൻ മാത്രമുള്ളതെ ഉള്ളു. പക്ഷേ ചെയ്യാൻ പറ്റാതെ വരുമ്പോൾ അല്ലെ ചെയ്തു തരോ എന്ന് ചോദിക്കേണ്ടി വരുന്നേ. ദേ നോക്ക് ഇന്ന് ഞാൻ ഒന്നും പറഞ്ഞില്ല ഒരു ചെമ്പ് വെള്ളം ചൂടാക്കാൻ നാല് അഞ്ചു പേർ കുളിപ്പിക്കാൻ അതിലും കൂടുതൽ ആളുകൾ എന്തോ വല്ലാത്ത അസ്വസ്ഥത അനുഭവപ്പെടുന്നു. കാണാൻ ഉള്ളവരൊക്കെ പെട്ടന്ന് കണ്ടോളി കുളിപ്പിച്ചു കഴിഞ്ഞാൽ പിന്നെ കാണിക്കില്ല. ഇനിയും കാണാൻ ആളുകളോ hy എന്തിന് മ്യൂസിയം കാണാൻ വരുന്ന പോലെ എല്ലാരും എന്നെ ഇങ്ങനെ കാണുന്നേ. എനിക്ക് ഏറ്റവും പ്രിയപെട്ടവർ അതെ അവർ മാത്രം കണ്ടാൽ മതി എന്നെ അല്ലേലും ഇവരൊക്കെ കണ്ടിട്ട് എന്തിനാ. അപ്പോഴും അവർക്ക് പറയാൻ ഒരുപാട് ഉണ്ടാകും എന്റെ മുഖം ചിരിച്ചിട്ട് ആണോ വെളുത്തിട്ട് ആണോ അങ്ങനെ നീളുന്നു മരണ ശേഷവും എന്നിലെ വർണ്ണനകൾ. ഊതിന്റെ മണവും ഖുർആനിന്റെ വചനവും എന്റെ കണ്ണുകളെ ഈറനണിയിക്കുന്നുണ്ട് 😥 കുറച്ചു സമയം കൂടി കഴിഞ്ഞാൽ ഏതേലും നാലു ആളുകളുടെ തോളിൽ കേറി ഞാൻ എന്റെ അവസാന വാഹനത്തിൽ യാത്രയാകും. യാത്രായാക്കാൻ ഒരു നാടുമുഴുവൻ കാത്തിരിക്കുന്നുണ്ട്. അസർ ബാങ്ക് കൊടുക്കുന്നതിനു തൊട്ടു മുമ്പായി ഞാൻ എന്റെ പ്രിയപെട്ടവരിൽ നിന്നെല്ലാം യാത്രവാങ്ങി. പള്ളിക്കകത്തേക്ക് നീങ്ങി എനിക്ക് വേണ്ടിയുള്ള ജനാസ കൂടി കഴിഞ്ഞപ്പോൾ ഇനി ഞാൻ ഉറങ്ങേണ്ട ആറടി മണ്ണിലേക്ക് അവർ ഇറക്കി വെച്ചു ചെരിച്ചാണ് അവർ എന്നെ കിടത്തിയിരിക്കുന്നത് allah...😥 ഇത് വരെ കണ്ട ഒരാള് പോലും ഇന്നെന്റെ കൂട്ടിന് ഇല്ലാലോ റബ്ബേ 😥എന്റെ മുഖത്തേക്ക് മൂന്ന് പിടി മണ്ണ് വീണിരിക്കുന്നു പതിയെ എന്നിലേക്ക് ഒരു ഇരുൾ മൂടി വന്നു allah നീ മാത്രമാണ് ഇനി എന്റെ തുണ. എന്റെ തലയ്ക്കു മുകളിൽ അവർ ഒരു മൈലാഞ്ചി ചെടി വെച്ചിരിക്കുമോ? എന്റെ നാമം പകർത്തിയ മീസാൻ കല്ലോ? ഉള്ളിലെന്തൊക്കെയോ പരക്കം പായുന്നു. ജീവിച്ചിരിക്കുമ്പോൾ കിട്ടാത്ത പലതും മരിച്ചു കഴിയുമ്പോൾ കിട്ടും എന്ന് പറയാറുണ്ട് അവർ എല്ലാം ചെയ്തു കാണും. ഇനി ഓരോ വെള്ളിയാഴ്ച ദിവസവും ഞാൻ അവർക്കായി കാത്തിരിക്കും അന്നേലും അവർ എനിക്കായി ഒരു പ്രാർത്ഥന സമ്മാനിക്കാൻ വരാതിരിക്കില്ല. ജനിച്ചാൽ ഒരു മരണമേ ഉള്ളു എനിക്കും നിങ്ങൾക്കും മരണം വിളിക്കുന്ന സമയത്ത് കൂടെ ചെല്ലാതെ വഴിയില്ല. ഉള്ള കാലം സ്നേഹിച്ചും കൊടുത്തും വെറുപ്പിക്കാതെ പരിഹസിക്കാതെ മുന്നേറാൻ നമുക്ക് സാധിക്കട്ടെ.. ഞാൻ ഉറങ്ങട്ടെ ഇനി നിങ്ങൾ വിളിച്ചാൽ ഉണരാത്ത എന്റെ മാത്രം ലോകത്തായി ഒരൽപ നേരം... സ്നേഹത്തോടെ...... . سچـͧــͪــͨــᷧــᷤـــو🍃....✍️ #ഞാൻ എഴുതിയ വരികൾ #ഭ്രാന്തൻ ചിന്തകൾ

രാത്രിയുടെ യാമങ്ങളിലേക്ക് വഴുതി വീണപ്പോൾ മുന്നിൽ തെളിഞ്ഞ ചിത്രങ്ങൾ എല്ലാം അത്രമേൽ മനസ്സിനെ സന്തോഷിപ്പിക്കുന്നവയായിരുന്നു.. സ്വപ്നങ്ങളുടെ പറുദീസയിൽ സ്വയം മറന്നു പോയ എന്നെ ഞാൻ തന്നെ ഹൃദയത്തോട് ചേർത്ത് പിടിച്ചു... കണ്ണുകൾ പതിയെ ശക്തമായി അടച്ചു പിടിച്ചു... സൂര്യന്റെ നിലാവെളിച്ചം ജനാല വഴി മുഖത്തേക്ക് ചെറു ചൂട് തന്നെങ്കിലും അപ്പോഴും പൂർണമാവാത്ത കിനാവിന്റെ മന്തതയിൽ ആയിരുന്നു ഞാൻ.. കണ്ണ് തുറക്കണോ വേണ്ടയോ എന്ന ചിന്തയിൽ തിരിഞ്ഞു കിടന്നു... അപ്പോഴാണ് ഞാൻ ഒരു സത്യം തിരിച്ചറിഞ്ഞത് പതിവ് പോലെ ഇന്നും പാതി വഴിയിൽ അപ്പൂർണ്ണമായിരിക്കുന്നു ഞാൻ കണ്ടതെല്ലാം... നീ എന്ന കിനാവിന് ഉദയവുമില്ല അസ്തമയവുമില്ല അതിങ്ങനെ ഒറ്റ വരി കവിത പോലെ എന്നിലങ്ങനെ............................. തുടരുന്നു..... . سچـͧــͪــͨــᷧــᷤـــو🍃✍️ #ഭ്രാന്തൻ ചിന്തകൾ #ഞാൻ എഴുതിയ വരികൾ

മിണ്ടാതായാൽ മറന്ന് പോകുമെന്ന് ആരോ നിന്നെ പറഞ്ഞു പറ്റിച്ചിരിക്കുന്നു.. സത്യത്തിൽ ആ മൗനത്തിലൂടെയാണ് നീ വീണ്ടും പുനർജനിക്കുന്നത് തന്നെ. അപ്പോൾ പിന്നെ മറവിക്ക് അവിടെ എന്ത് സ്ഥാനമാണ് ഉള്ളത്. ഓർക്കാൻ ഒത്തിരി ഓർമ്മകൾ സമ്മാനിച്ചാവും നീ മടങ്ങുക. ആ ഓർമ്മകൾക്ക് ജീവൻ നൽകുക എന്നത് എന്റെ മാത്രം കടമയാണ്. കടമകൾക്കിടയിൽ ജീവിക്കാൻ മറന്നാലും നീ എന്നത് ഒരു മായ സ്വപ്നമാണ്. ഒരു പക്ഷേ നമുക്കിടയിലെ സങ്കടമാവാം അല്ലങ്കിൽ ദേഷ്യമാവാം അതും അല്ലങ്കിൽ പേരറിയാത്ത മറ്റെന്തോ ആവാം.. മൗനം എന്നത് രണ്ടക്ഷരമല്ലെന്ന് ഇനി എങ്കിലും നീ തിരിച്ചറിയുക. . سچـͧــͪــͨــᷧــᷤـــو🍃✍️ #❤ സ്നേഹം മാത്രം 🤗 #ഞാൻ എഴുതിയ വരികൾ #ഭ്രാന്തൻ ചിന്തകൾ

ഓർത്തിരിക്കാൻ മാത്രം ഓർമ്മയിൽ ഒരിടം നൽക്കുന്നവരുണ്ട് ആ ഓർമ്മകൾക്ക് മാത്രം പറയാൻ ഉള്ള ഒരുപാട് കഥകളും ഉണ്ടാവും... ഒന്ന് വിങ്ങാനും ഒന്ന് പുഞ്ചിരിക്കാനും പാകത്തിൽ അത് നമ്മളിൽ പടർന്നു പൂത്തു തളിർത്തിട്ടും ഉണ്ടാവും...🥀 . سچـͧــͪــͨــᷧــᷤـــو🍃...✍️ #ഞാൻ എഴുതിയ വരികൾ #ഭ്രാന്തൻ ചിന്തകൾ #എന്റെ ചിന്തകൾ