💝 ജീവന്റെ വെളിച്ചമായി അര്‍ജുന്‍; 4 പേര്‍ക്ക് പുതുജീവൻ സമ്മാനിച്ച് മടക്കം

#💝 ജീവന്റെ വെളിച്ചമായി അര്‍ജുന്‍; 4 പേര്‍ക്ക് പുതുജീവൻ സമ്മാനിച്ച് മടക്കം 💝സംസ്ഥാനത്ത് വീണ്ടും മരണാനന്തര അവയവദാനം. വാഹനാപകടത്തില്‍ മരിച്ച കണ്ണൂര്‍ സ്വദേശിയായ യുവാവിന്റെ ഹൃദയം ഉള്‍പ്പെടെ 4 അവയവങ്ങള്‍ നാലുപേര്‍ക്ക് പുതുജീവനേകും. 23 കാരനായ എം കെ അര്‍ജുന്റെ ഹൃദയമാണ് ദാനം ചെയ്യുന്നത്. അര്‍ജുന്റെ ഹൃദയം രാവിലെ കണ്ണൂരില്‍ നിന്ന് കൊച്ചിയിലേക്ക് എയര്‍ ആംബുലന്‍സ് മാര്‍ഗം എത്തിക്കുമെന്നാണ് അറിയിച്ചിരിക്കുന്നത്. കണ്ണൂര്‍ ആസ്റ്റര്‍ മിംസില്‍ നിന്ന് ആസ്റ്റര്‍ മെഡിസിറ്റി കൊച്ചിയിലേക്കാണ് ഹൃദയം എത്തിക്കുന്നത്. കൊച്ചി ആസ്റ്റര്‍ മെഡിസിറ്റിയില്‍ ചികിത്സയിലുള്ള മലപ്പുറം സ്വദേശിയായ 48 കാരന് ഹൃദയം മാറ്റിവയ്ക്കും. കരള്‍ കോഴിക്കോട് ബേബി മെമ്മോറിയല്‍ ആശുപത്രിയിലേക്ക് കൊണ്ടുപോകും. വൃക്കകള്‍ കണ്ണൂരിലെ ആസ്റ്റര്‍ മിംസ് ആശുപത്രിയിലേക്കും മറ്റൊന്ന് കോഴിക്കോട് മെഡിക്കല്‍ കോളേജിലേക്കും കൊണ്ടുപോയി ചികിത്സയിലുള്ള രോഗികള്‍ക്ക് ദാനം ചെയ്യും. ബൈക്ക് അപകടത്തെ തുടര്‍ന്ന് അര്‍ജുന് മസ്തിഷ്‌ക മരണം സംഭവിക്കുകയായിരുന്നു. ഇക്കഴിഞ്ഞ 28-ാം തിയതിയാണ് അപകടമുണ്ടാകുന്നത്. ഇന്നലെയാണ് അര്‍ജുന്റെ മസ്തിഷ്‌ക മരണം സ്ഥിരീകരിച്ചത്. കണ്ണൂര്‍ ആസ്റ്റര്‍ മിംസ് ആശുപത്രിയില്‍ ചികിത്സയിലിക്കെയാണ് അര്‍ജുന്റെ മരണം സംഭവിച്ചത്.

ജീവന്റെ തുടിപ്പുകൾ പങ്കുവെച്ച് അർജുൻ വിടവാങ്ങി. ബൈക്കപകടത്തിൽ പരിക്കേറ്റ് മസ്തിഷ്കമരണം സംഭവിച്ച വളക്കൈയിലെ എം.കെ. ഗണേശൻ തങ്കമണി ദമ്പതിമാരുടെ മകൻ അർജുനിന്റെ (23) അവയവങ്ങൾ ഇനി അഞ്ചുപേർക്ക് പുതുജീവനേകും. സങ്കടക്കടലിലും മകന്റെ അവയവങ്ങൾ ദാനംചെയ്യാനുള്ള വലിയ മാതൃകയാണ് രക്ഷിതാക്കൾ കാട്ടിയത്. രണ്ട് ദിവസം മുൻപ് ബൈക്കിൽ ടിപ്പറിടിച്ച് പരിക്കേറ്റ് കണ്ണൂർ മിംസിൽ ചികിത്സയിലായിരുന്ന അർജുന്റെ മരണം ഞായറാഴ്ച പുലർച്ചെയാണ് സ്ഥിരീകരിച്ചത്. മസ്തിഷ്കമരണം സംഭവിച്ചയുടൻ മാതാപിതാക്കളുമായി ചർച്ചചെയ്ത് അവയവങ്ങൾ ദാനംചെയ്യാൻ തീരുമാനിക്കുകയായിരുന്നു. തുടർന്ന് ഡോക്ടർമാരുമായി സംസാരിച്ച് സമ്മതപത്രവും നൽകി. ഹൃദയം, വൃക്കകൾ, കരൾ, കണ്ണുകൾ എന്നിവയാണ് ദാനംചെയ്തത്. ഹൃദയം കണ്ണൂരിലെ ഡി.എസ്.സി. സെൻററിൽ എത്തിച്ച് എയർ ആംബുലൻസ് വഴി കൊച്ചി ആസ്റ്റർ മിംസിലെ 48-കാരനായ മലപ്പുറം സ്വദേശിക്ക് കൈമാറും. #💝 ജീവന്റെ വെളിച്ചമായി അര്‍ജുന്‍; 4 പേര്‍ക്ക് പുതുജീവൻ സമ്മാനിച്ച് മടക്കം