மகளிருக்கான இலவச பேருந்து திட்டம் ரத்தா?
தமிழகத்தில் மகளிருக்கான கட்டணமில்லா பேருந்து சேவை நிறுத்தப்பட்டதாக தகவல் கசிந்த நிலையில், தமிழக அரசு விளக்கம் அளித்துள்ளது. அதாவது, மகளிருக்கான கட்டணமில்லா பேருந்து சேவை நிறுத்தப்பட்டதாகப் பரப்பப்படும் வதந்தி என தமிழக அரசு விளக்கம் அளித்துள்ளது. தமிழகத்தில் பெண்களுக்காக பல்வேறு நலத்திட்டங்கள் கொண்டு வரப்பட்டு வருகிறது.
கடந்த திமுக ஆட்சியில் பெண்களின் நலனுக்காக பல்வேறு திட்டங்களை ஸ்டாலின் கொண்டு வந்தார்.
அதாவது, திமுக ஆட்சியில் 2021ஆம் ஆண்டு மகளிர் விடியல் பயணத் திட்டம் தொடங்கப்பட்டது. இந்த திட்டம் மூலம் சாதாரண நகரப் பேருந்துகளில் மகளிர் இலவசமாக கட்டணமின்றி பயணம் மேற்கொள்ளலாம். இந்த திட்டம் பெண்கள் மத்தியில் பெரும் வரவேற்றை பெற்று வருகிறது.
மகளிர் இலவச பேருந்து திட்டம் மூலம் பெண்கள் மாதம் ரூ.888 வரை சேமிக்கின்றனர். இந்த திட்டம் தமிழகத்தில் தொடங்கப்பட்டதை அடுத்து, மற்ற மாநிலங்களிலும் கொண்டு வரப்பட்டது. இந்த நிலையில், தற்போது தமிழகத்தில் தவெக ஆட்சி நடந்து வருகிறது. தமிழக முதல்வராக விஜய் பொறுப்பேற்றுக் கொண்டார். இந்த நிலையில், திமுக ஆட்சியில் கொண்டு வரப்பட்ட திட்டங்கள் தொடரப்படுமா என்ற கேள்வி எழுந்துள்ளது.
தமிழக அரசு விளக்கம்
முன்னாள் முதல்வர் ஸ்டாலின் கூட முந்தைய ஆட்சி திட்டங்களை செயல்படுத்த வேண்டும் என விஜய்க்கு கோரிக்கை வைத்தார். தொடர்ந்து, நேற்று கூட, சட்டமன்றத்தில் எதிர்க்கட்சி தலைவர் உதயநிதி கூறியிருந்தார். எனவே, முந்தைய அரசு கொண்டு வந்த நலத்திட்டங்கள் தொடரும் என முதல்வர் விஜய் தெரிவித்தார். இந்த நிலையில், சமூக வலைதளங்களில் மகளிருக்கான கட்டணமில்லா பேருந்து சேவை நிறுத்தப்படுவதாக தகவல் வெளியாகி உள்ளது. இதற்கு தற்போது தமிழக அரசின் தகவல் சரிபார்ப்பகம் விளக்கம் அளித்துள்ளது.
#மகளிர் இலவச பேருந்து திட்டம் #📰ட்ரெண்டிங் தகவல்கள்🔴