📖 *മആരിഫുൽ ഹദീസ്* 📖
⛔
`ഹദീസ്
👉 `ദുആ സ്വീകരിക്കപ്പെടുന്ന പ്രത്യേക സമയങ്ങൾ`
عَنْ جَابِرٍ، قَالَ: سَمِعْتُ النَّبِيُّ صَلَّى اللَّهُ عَلَيْهِ وَسَلَّمَ، يَقُولُ: إِنَّ فِي اللَّيْلِ لسَاعَةً لَا يُوَافِقُهَا رَجُلٌ مُسْلِمٌ، يَسْأَلُ اللهَ خَيْرًا مِنْ أَمْرِ الدُّنْيَا وَالْآخِرَةِ، إِلَّا أَعْطَاهُ إِيَّاهُ، وَذَلِكَ كُلَّ لَيْلَةٍ (رواه مسلم)
ജാബിർ (റ) നിവേദനം. റസൂലുല്ലാഹി അരുളി: രാത്രി ഒരു പ്രത്യേക സമയമുണ്ട്. ഏതെങ്കിലും ദാസൻ അല്ലാഹുവിനോട് ഇഹത്തിലെയോ, പരത്തിലെയോ എന്തെങ്കിലും നന്മ അപ്പോൾ ചോദിച്ചാൽ അല്ലാഹു തീർച്ചയായും അത് നൽകുന്നതാണ്. അല്ലാഹുവിൻ്റെ ഈ ഔദാര്യം ഏതെങ്കിലും പ്രത്യേക ദിവസത്തിൽ മാത്രമല്ല, എല്ലാ രാത്രിയിലും ഉണ്ടായിരിക്കുന്നതാണ്. (മുസ്ലിം)
📖 `വിവരണം`
തഹജ്ജുദ് നമസ്കാരവുമായി ബന്ധപ്പെട്ട് അബൂഹുറയ്റ (റ) നിവേദനം ചെയ്ത ഒരു ഹദീസ് മുമ്പ് കഴിഞ്ഞിട്ടുണ്ട്. റസൂലുല്ലാഹിﷺ അരുളി: രാത്രിയുടെ അവസാനത്തെ മൂന്നിലൊന്നാം ഭാഗത്ത് അല്ലാഹു ഭൂമിയോട് അടുത്ത ആകാശത്തേക്ക് ഇറങ്ങി വരുന്നതും ചോദിക്കാനോ, മാപ്പിരക്കാനോ ആരെങ്കിലും ഉണ്ടെങ്കിൽ നൽകാമെന്ന് അറിയിക്കുന്നതുമാണ്. പ്രസ്തുത ഹദീസിന്റെ വെളിച്ചത്തിൽ ഈ ഹദീസിൽ പറയപ്പെട്ട രാത്രിയിലെ സ്വീകാര്യതയുടെ സമയം അവസാനത്തെ ഭാഗമാണെന്ന് നിജപ്പെടുന്നു.
ചുരുക്കത്തിൽ മേൽ പറയപ്പെട്ട ഹദീസുകളുടെ അടിസ്ഥാനത്തിൽ താഴെ കൊടുക്കുന്ന പ്രത്യേക സമയങ്ങളിലും വിശിഷ്ട സന്ദർഭങ്ങളിലും ദുആ സ്വീകരിക്കപ്പെടുന്നതാണ്: ഫർള് നമസ്കാരങ്ങൾക്ക് ശേഷം, ഖുർആൻ പൂർത്തീകരണ ശേഷം, ബാങ്കിനും ഇഖാമത്തിനും ഇടയിൽ, യുദ്ധ മൈതാനത്ത് പോരാട്ട സമയത്ത്, മഴ പെയ്യുന്ന സന്ദർഭം, കഅ്ബത്തുല്ലാഹ് ദൃഷ്ടിയിൽ പെടുമ്പോൾ, അല്ലാഹു അല്ലാത്ത ആരും കാണാനില്ലാത്ത വിജന സ്ഥലത്ത് നമസ്കരിച്ച ശേഷം, ജിഹാദിൻ്റെ ഭൂമിയിൽ, ബലഹീനരായ കൂട്ടുകാരും മാറിപ്പോയി ഒറ്റപ്പെടുമ്പോൾ, രാത്രിയുടെ അന്തിമയാമത്തിൽ.
ലൈലത്തുൽ ഖദ്റിൻ്റെ രാത്രിയിലും അറഫാ ദിനത്തിൽ അറഫാ മൈതാനിയിലും ജുമുഅ ദിനത്തിൻ്റെ വിശിഷ്ട സമയത്തും നോമ്പ് തുറക്കുന്നേരത്തും ഹജ്ജ്-ജിഹാദ് യാത്രകളിലും രോഗത്തിന്റെയും യാത്രയുടെയും സന്ദർഭങ്ങളിലും ദുആ സ്വീകരിക്കുമെന്ന് പ്രതീക്ഷി ക്കാവുന്നതാണെന്ന് അറിയിച്ച മറ്റുചില ഹദീസുകളിൾ മുമ്പ് യഥാസ്ഥലങ്ങളിൽ വിവരിച്ചിട്ടുണ്ട്. ഇവിടെ ഒരു കാര്യം പ്രത്യേകം ഓർക്കുക: ദുആ ഇരക്കുക എന്നതുകൊണ്ടുള്ള ഉദ്ദേശം ദുആയുടെ വാക്കുകളും രൂപങ്ങളും മാത്രമല്ല, പ്രത്യുത മുമ്പ് പറഞ്ഞതുപോലെ ആത്മാർത്ഥ മനസ്സോടെ ദുആ ഇരക്കലാണ്. അതെ, ഗുണമുള്ള വിത്തിൽ നിന്നും മാത്രമേ മുള പൊട്ടുകയുള്ളൂ.
#എന്റെ തൂലിക📝 #🕋 ഇസ്ലാമിക് സ്റ്റാറ്റസ്
