#babu jagjeevan ram jayanthi #😍దేశభక్తి స్టేటస్✍️ #🇮🇳దేశం #👋విషెస్ స్టేటస్ #kcr బాబూ జగ్జీవన్ రామ్ జయంతి సందర్భంగా కేసీఆర్ నివాళులు!
స్వాతంత్య్ర సమరయోధుడు, భారత మాజీ ఉప ప్రధాని బాబూ జగ్జీవన్ రామ్ జయంతి సందర్భంగా జాతికి వారు అందించిన సేవలను బీఆర్ఎస్ అధినేత కేసీఆర్ గారు స్మరించుకున్నారు.
సామాజిక న్యాయం కోసం, వర్ణ వివక్షకు వ్యతిరేకంగా వారి పోరాటం కొనసాగిందని తెలిపారు. రక్షణ, వ్యవసాయ, కార్మిక వంటి కీలక శాఖలకు కేంద్ర మంత్రిగా బాధ్యతలు నిర్వర్తించి, స్వాతంత్ర్యానంతర స్వయంపాలనలో దేశ ప్రగతి కోసం తనవంతు కృషి చేశారని కొనియాడారు.
పదేండ్ల బీఆర్ఎస్ పాలనలో దళిత వర్గాలకు సామాజిక న్యాయం అమలు దిశగా గొప్ప కృషి సాగిందని అన్నారు. ఉప ముఖ్యమంత్రి వంటి పదవులతో నాటి ప్రభుత్వంలో ఎస్సీ (మాదిగ) కుల నాయకత్వానికి ప్రాధాన్యతనిచ్చిన విషయాన్ని కేసీఆర్ గుర్తుచేశారు. దళితుల సాధికారత కోసం దళిత బంధు వంటి విప్లవాత్మక పథకాన్ని అమలు చేయడంలో బాబూ జగ్జీవన్ రామ్ ఆలోచనల స్ఫూర్తి ఇమిడి ఉన్నదని కేసీఆర్ అన్నారు.
దళిత బహుజన కులాలకు రాజకీయ, ఆర్థిక తదితర రంగాల్లో సామాజిక న్యాయం దక్కినప్పుడే బాబూ జగ్జీవన్ రామ్ గారికి మనం అందించే ఘన నివాళి అని కేసీఆర్ తెలిపారు.
