✍️ ഇന്ന് 04 ഏപ്രിൽ 2026, ദുഃഖ ശനിയാഴ്ച എന്ന് അറിയപ്പെടുന്നു. ദുഃഖവെള്ളിയുടെ വേദനയ്ക്കും ഈസ്റ്ററിന്റെ സന്തോഷത്തിനുമിടയിലുള്ള പ്രത്യാശയുടെയും കാത്തിരിപ്പിന്റെയും ദിനമായ ഈ ദുഃഖ ശനിയാഴ്ച പ്രധാനമായും പാപത്തിൽ മരിച്ച് ക്രിസ്തുവിനോടൊപ്പം ഉത്ഥാനം ചെയ്യാനും, ജീവിതത്തിലെ ശൂന്യതയിലും ക്രിസ്തുവിനെ തേടിയിറങ്ങി പ്രത്യാശ കണ്ടെത്താനുമുള്ള സന്ദേശമാണ് നമുക്ക് പകർന്നു നൽകുന്നത്.
ഈ ദിവസത്തെ പ്രധാനമായും അനുസ്മരിക്കുന്ന സന്ദേശങ്ങൾ കാത്തിരിപ്പിന്റെ ദിനം, പ്രത്യാശയുടെ ദിനം, ഉത്ഥാനത്തിനായുള്ള ഒരുക്കദിനം, ആത്മപരിശോധന ദിനം എന്നിവയാണ്.
കുരിശുമരണത്തിന് ശേഷം കല്ലറയിൽ അടയ്ക്കപ്പെട്ട യേശുവിനായുള്ള പരിശുദ്ധ അമ്മയുടെയും ശിഷ്യന്മാരുടെയും കാത്തിരിപ്പിനെ "കാത്തിരിപ്പിന്റെ ദിനം" ആയി ഈ ദിവസം അനുസ്മരിക്കുന്നു.
മരണത്തിന് മേൽ ജീവൻ വിജയിക്കുമെന്ന ഉറച്ച വിശ്വാസത്തോടെയുള്ള കാത്തിരിപ്പായി ഈ ദിനം പ്രത്യാശയുടെ ദിനം ആയി അനുസ്മരിക്കുന്നു.
ഈ ദിവസം നാം അനുഷ്ഠിക്കുന്ന ആചാരങ്ങൾ നമ്മളെ ഉത്ഥാനത്തിന്റെ (ഈസ്റ്റർ) മഹത്വത്തിലേക്ക് പ്രവേശിക്കുവാനുള്ള "ഉത്ഥാനത്തിനായുള്ള ഒരുക്കദിനം" ആയി അനുസ്മരിക്കുന്നു.
ജീവിതത്തിലെ ഇരുണ്ട നിമിഷങ്ങളിലും ദൈവത്തിന്റെ ഇടപെടൽ ഉണ്ടാകുമെന്ന് വിശ്വസിക്കാനും, ആത്മീയമായി ഉണരാനും ഈ ദിനം "ആത്മപരിശോധന ദിനം" ആയി അനുസ്മരിക്കുന്നു.
പ്രിയമുള്ളവരെ, നമ്മുടെ ബന്ധുക്കളിലും സ്വന്തക്കാരിലും മിത്രങ്ങളിലും നമ്മുടെ ദേശത്തും നമ്മിൽ നിന്ന് വേർപെട്ടു പോയ വിശ്വാസികളുടെ ആത്മശാന്തിക്ക് വേണ്ടിയും പ്രത്യാശയുടെയും, പ്രാർത്ഥനയുടെയും ദിനമായും ഈ ദിവസം ഭക്തിയോടുകൂടി നമുക്ക് ആചരിക്കാം.
കടപ്പാട് :
ബിനോജ് ബാബു
ദി ഹാപ്പി ഫാമിലി
#😇 ഇന്നത്തെ ചിന്താവിഷയം #💞 നിനക്കായ് #⛪ദുഃഖ ശനി ##ദുഃഖ ശനി
