#దొండకాయ #🩺ఆరోగ్య జాగ్రత్తలు
*అబ్బే దొండకాయలా అని తీసిపారేయొద్దు .. ఆరోగ్యానికి అమృతంలా పనిచేసే కూర ఇదే..❗*
చిన్నప్పటి నుంచి చాలామందికి దొండకాయలంటే భయం. "దొండకాయలు తింటే జ్ఞాపకశక్తి తగ్గిపోతుంది", "ఉన్న విషయాలు కూడా మర్చిపోతాం" అంటూ పెద్దలు చెప్పిన మాటలను నమ్మి ఇప్పటికీ ఈ కూరను దూరం పెడుతున్నారు.
కానీ ఈ మాటలకు శాస్త్రీయ ఆధారాలు ఎక్కడా లేవు. నిజానికి దొండకాయలు ఆరోగ్యానికి ఎంతో మేలు చేస్తాయి. ఇందులో ఉండే పోషకాలు మన శరీరాన్ని అనేక రకాలుగా కాపాడతాయి. దొండకాయ తిన్న తర్వాత కలిగే ప్రయోజనాలు తెలుసుకుంటే, ఇక దీన్ని వదిలిపెట్టాలనిపించదు.
రోగనిరోధక శక్తిని పెంచే పోషకాలు
దొండకాయల్లో విటమిన్ సి పుష్కలంగా ఉంటుంది. ఇది శరీరంలోని రోగనిరోధక శక్తిని పెంచడంలో కీలక పాత్ర పోషిస్తుంది. తరచూ జలుబు, దగ్గు, జ్వరం వంటి సమస్యలు ఎదుర్కొనే వారు తమ ఆహారంలో దొండకాయలను చేర్చుకుంటే మంచి ఫలితం ఉంటుంది. అంతేకాదు లో బీపీ సమస్య ఉన్నవారికి ఇది మంచి ఆహారం అని నిపుణులు చెబుతున్నారు. రక్తపోటు స్థాయిలను సమతుల్యంలో ఉంచడంలో దొండకాయలు సహాయపడతాయి. రోజూ కాకపోయినా వారానికి రెండు మూడు సార్లు తీసుకుంటే శరీరానికి కావాల్సిన శక్తి లభిస్తుంది.
ఇప్పటి జీవనశైలి కారణంగా పెద్దల్లో జీర్ణ సమస్యలు ఎక్కువవుతున్నాయి. మలబద్ధకం, అజీర్తి, గ్యాస్ వంటి సమస్యలు చాలామందిని ఇబ్బంది పెడుతున్నాయి. అలాంటి వారు దొండకాయలను ఆహారంలో చేర్చుకుంటే ఈ సమస్యల నుంచి ఉపశమనం పొందవచ్చు. ఇందులో ఉండే ఫైబర్ జీర్ణక్రియను మెరుగుపరుస్తుంది. రెండు మూడు రోజులకు ఒకసారి మాత్రమే మూత్ర విసర్జన అయ్యే వారికి ఇది చాలా ఉపయుక్తంగా ఉంటుంది. దొండకాయ కూర లేదా వేపుడు రూపంలో తీసుకుంటే పేగులు సరిగా పనిచేస్తాయి.
వారానికి కనీసం రెండు సార్లు దొండకాయలు తింటే చర్మ సమస్యలు దూరంగా ఉంటాయి. ముఖంపై మొటిమలు, దురద, అలర్జీలు వంటి సమస్యలు తగ్గుతాయి. అంతేకాదు సీజనల్ వ్యాధుల నుంచి కూడా ఇది రక్షణ కల్పిస్తుంది. "దొండకాయ తింటే నాలిక మందంగా అవుతుంది" అనే అపోహలను పక్కన పెట్టాలి. దొండకాయల్లో ఉండే యాంటీ ఆక్సిడెంట్లు శరీరంలోని హానికరమైన టాక్సిన్స్ను బయటకు పంపుతాయి. ఇవి క్యాన్సర్ వంటి ప్రాణాంతక వ్యాధులు వచ్చే అవకాశాన్ని కూడా తగ్గిస్తాయని పరిశోధనలు చెబుతున్నాయి. కాబట్టి అపోహలు నమ్మకుండా ఆరోగ్యానికి మేలు చేసే దొండకాయలను ధైర్యంగా మీ భోజన పట్టికలో చేర్చుకోండి.
