zodiac signs behaviour

#తెలుసుకుందాం #zodiac signs #zodiac signs behaviour వాయుతత్వ రాశులలో జన్మించిన వారి లక్షణాలు.........!! వాయుతత్వ రాశులు:- మిధునం, తుల, కుంభ రాశుల వారు వాయుతత్వానికి చెందినవారు. వాయుతత్వ రాశుల వారు ఆలోచనల మీద, ప్రణాళికల మీద, పధకములు వేయుట యందు గడుపుదురు. తెలివితేటలు, సామర్ధ్యంపై విశ్వాసం ఎక్కువ. సాంఘిక కార్యక్రమముల యందు కొత్త పధకాలు తయారు చేయుట, అనేక మందిని (స్నేహితులను, అధికారులను) కలుపుకొనిపోవుట. కొత్త విషయాలు తెలుసుకొనుట, కొత్త ప్రదేశాలు దర్శించుట వీరి అభిరుచులు. కష్టించి పని చేయటం కష్టం. మానవ జాతికి ఉపకరించు ఏ కార్యక్రమమైన వీరు చేపడతారు. నిస్వార్ధత, మానవ శ్రేయస్సు వీరి యందుండు లక్షణాలు. వాయుతత్వ రాశులనే కామ త్రికోణ రాశులంటారు. వాయుతత్వ రాశుల వారికి వ్యాపక శక్తి ఎక్కువ. ఇతరులను ఈజీగా నమ్మిస్తారు. మొదటి పరిచయంలోనే భాందవ్యాలు పెంచుకుంటారు. అందరిని కలుపుకొని పోతారు. మంచి విజ్ఞాన వంతులు. సామాజిక సంబంధాలు మెరుగు పరచుకుంటారు. తమ తెలివితేటలతో ఇతరులను తమ మాట వినేలా మార్చుకుంటారు. విమాన ప్రయాణాలపై ఆసక్తి ఎక్కువ. నిస్వార్ధత, మానవ శ్రేయస్సు వీరి యందుండు లక్షణాలు. ఎప్పుడు కొత్తగా ఏదో చేయాలనుకోవటం, కొత్తగా ఏదో చూడాలనుకోవటం వాయుతత్వ రాశుల వారి లక్షణాలు. మిధునరాశి :-మిధున రాశి మేషాదిగా తృతీయ రాశి కావటం వలన తరచుగా దగ్గరి ప్రయాణాలు చేస్తూ ఉంటారు. మధ్యవర్తిత్వం చేయటంలో సిద్ధహస్తులు. సోదరీ సోధరుల సహకారం కలిగి ఉంటారు. సమీప వ్యక్తుల ప్రభావం ఎక్కువ. సన్నిహితులు, బంధువుల సహకారం. ప్రాతినిధ్యం చేయటంలో మంచి నేర్పరులు. సందేశాలు పంపటంలో ముందుంటారు. సమాచారాన్ని సేకరించగల సమర్ధులు. రచనలు చేయటంలోను, వ్రాయటంలోను మంచి నైపుణ్యం కలవారు. చూచిన దానిని కావాలని కోరుకుంటారు. మిధునరాశి వారు పఠనా సామర్ధ్యం కలవారు. విన్న వాటిని, చూచిన వాటిని ఊహాత్మకంగా మలుస్తారు. వ్రాత సంబంధమైన వృత్తులలో రాణిస్తారు. ఇతరులతో ఎప్పుడూ సంభాషిస్తుంటారు. తన మనసులో ఉన్న ఆలోచనలను పుస్తక రూపంలో ప్రచురించగలరు. ప్రసారమాద్యమాల వృత్తి, ఉద్యోగాలు అనుకూలిస్తాయి. ఇతరులకు తమ బోధనల ద్వారా చైతన్యవంతులను చేస్తారు. మిధున రాశికి బుధుడు అధిపతి కావటం వలన ఎప్పుడూ ఏదో ఒకటి చదవటం, వినటం చేస్తూ ఉంటారు. పలు విషయాలను అధ్యయనం చేస్తారు. తులారాశి:- తులారాశి మేషాదిగా సప్తమ రాశి కావటం వలన సప్తమం దాంపత్య జీవితంపై ప్రభావం చూపుతుంది. ఈ రాశివారు కోరికలను అదుపులో ఉంచుకోలేరు. ఇతరులను లొంగదీసుకోవటంలో సిద్ధహస్తులు. లలితకళలపై ఆసక్తి ఎక్కువ. ఎప్పుడు ఆకర్షణీయంగా కనపడాలని కోరుకుంటారు. అందమైన దుస్తులను ధరిస్తారు. జీవిత భాగస్వామి కోరికలను తీరుస్తారు. సౌందర్య సాదనాలపై మక్కువ. బంగారు నగలను ధరించవలేనంటే వీరి తర్వాతే. ఎన్ని నగలు ఉన్నా ఇంకా ఏదో లేదనే అసంతృప్తిని వెలిబుస్తారు. వాటిని కొన్నదాకా విడిచిపెట్టరు. తులారాశికి శుక్రుడు అధిపతి కావటం వలన అందంగా, ఆకర్షణగా కనపడాలని కోరుకుంటారు. ఈ రాశివారికి దాపరికాలు ఎక్కువ. అందరిని కలుపుకొని ఐకమత్యంగా ఉండాలనుకుంటారు. సామాజిక సంబంధాలు బాగుంటాయి. ఈ రాశి వారికి విరోధులు ఎక్కువ. వీరిని పోటీలో గెలవటం కష్టం. లలితకళలు, నృత్యం మొదలగు వాటిలో ప్రవేశం ఉంటుంది. భవిష్యత్ కార్యక్రమాలపై ఆసక్తి ఎక్కువ. కుంభరాశి :- కుంభరాశి మేషాదిగా ఏకాదశ రాశి కావటం వలన ఎప్పుడూ ప్రయోజనం పొందాలనుకుంటారు. అభివృద్ధి పదంలో పయనిస్తారు. శ్రమకు తగిన ఫలితాన్ని ఆశిస్తారు. సమిష్టిగా ప్రయోజనం పొందాలనుకుంటారు. ఆదర్శాలు కలవారు. కొత్త కొత్త ఆశయాలు, కోరికలు కలవారు. అధికంగా స్నేహితులు కలవారు. వారి వలన ప్రయోజనం పొందుతారు. బంధు మిత్రుల సహకారం ఎక్కువ. కుంభరాశి శని అధిపతి కావటం వలన అందరిని కలుపుకొని నిదానంగా, నిలకడగా ఆలోచించి ముందడుగు వేస్తారు. ఈ రాశి వారు ముఖ్యంగా సమూహం, సముదాయం, సమిష్టి విషయాలపై మక్కువ చూపిస్తారు. ఎక్కువమందితో సంబందాలు ఉన్న సంస్ధలు, సహకార సంఘాలు, వివిధ శాఖలు, కార్పోరేషన్లు ఉన్న వృత్తి ఉద్యోగాలలో ప్రయోజనం, గుర్తింపు పొందుతారు. మానవతావాదులు.

జలతత్వ రాశులలో జన్మించిన వారి లక్షణాలు...........!! జలతత్వ రాశులు :- కర్కాటకం, వృశ్చికం, మీన రాశుల వారు జలతత్వ రాశులకు చెందినవారు. అధిపతులు వరుసగా చంద్రుడు, కుజుడు, గురువు. జలతత్వ రాశుల వారు ఆవేశపరులు, చిన్న చిన్న విషయాలకు ఆందోళన చెందటం, కష్ట సుఖాలు, సంపదలను గూర్చి ఎక్కువగా ఊహించుకోవటం. బార్యా పిల్లలతో ఎక్కువ ప్రేమాభిమానాలు కలిగి ఉంటారు. పరిసరాలకు ఆనుగుణంగా లోబడి ప్రవర్తిస్తారు. జలతత్వ రాశులవారు ఎక్కువగా ఆలోచిస్తారు. ఎప్పుడు ఊహాగానాలలో విహరిస్తారు. స్ఫురణ శక్తి కలవారు. ప్రతి విషయానికి వెంటనే ప్రతిస్పందిస్తారు. ప్రతి చిన్న విషయాలకు ఉద్వేగానికి లోనవుతారు. పరిస్ధితులకు అనుగుణంగా స్పందిస్తారు. చంచలమైన స్వభావం కలిగి ఉంటారు. భావనా శక్తి, కల్పనాశక్తి ఎక్కువ. ఎక్కువగా గేయ రచనలు చేయువారు ఈ తత్వానికి చెందినవారు అవుతారు. కర్కాటకరాశి :- కర్కాటరాశికి అధిపతి చంద్రుడు. కర్కాటక రాశి మేషాదిగా చతుర్ధరాశి కావటం వలన ఎప్పుడు మార్పులు కోరుకుంటారు. స్వాభిమానం కలవారు. భద్రతా ప్రమాణాలను పాటిస్తారు. ప్రతి పనిని జాగ్రత్తగా అమలు పరుస్తారు. చురుకుదనంతో పనిచేస్తారు. ఊహాత్మకంగా ఆలోచిస్తారు. జ్ఞాపకశక్తి అధికం. తమ అభిప్రాయాలను పరిస్ధితులకు అనుగుణంగా మార్పులు చేసుకుంటూ ఉంటారు. కొంతకాలం సంతోషంగా, కొంతకాలం దుఃఖంగా ఉంటారు. వీరి ముఖ కవళికలలో మార్పులు గమనించవచ్చు. కర్కాటక రాశి వారికి దేశాభిమానం ఎక్కువ. పరిసరాలకు అనుగుణంగా ఆత్మరక్షణ చేపడతారు. అమావాస్య, పౌర్ణమి, గ్రహణాల సమయంలో ఉద్రేకానికి లోనయ్యే అవకాశాలు ఎక్కువ. స్ధిరాస్ధుల విషయంలో మక్కువ కనబరుస్తారు. బంధుప్రీతి కలవారు. భవిష్యత్ అవసరాలకు అనుగుణంగా వసతులను ఏర్పరుస్తారు. జనాధరణపై ఆసక్తి. ఆహారపానీయాలు, రసద్రవ్యాలు, నిత్యవసరాలు, జన సంబంధ విషయాలు ఈ రాశి కారకత్వాలకు చెంది ఉంటాయి. వృశ్చికరాశి :- వృశ్చికరాశికి అధిపతి కుజుడు. వృశ్చికరాశి మేషాదిగా అష్టమ రాశి కావటం వలన అంతర్గత విషయాలను తెలియజేస్తుంది. ప్రతి చిన్న విషయాలను లోతుగా ఆలోచించి నిర్ణయం తీసుకుంటారు. అప్పటికప్పుడే తీవ్ర ప్రతిస్పందన కనబరుస్తారు. విపరీతమైన కోపం కలవారు. మొండి పట్టుదల కలవారు. ప్రతిపనిలో ధైర్య సాహసాలు కనబరుస్తారు. రహస్య ప్రవర్తన కలవారు. బలమైన కోరికలు కలవారు. దృఢ సంకల్పం కలవారు. ప్రతి పని విజయవంతంగా పూర్తి చేస్తారు. వృశ్చికరాశి వారు పరిస్ధితులను, పరిసరాలను, విషయాలను నిశితంగా పరిశోదిస్తారు. ఎటువంటి విషయాలకైనా సంసిద్ధత వహిస్తారు. ఎక్కడైనా నిర్భయంగా మాట్లాడతారు. ప్రతి విషయాన్ని, అంశాలను, జీవనోపాదిలోను కొన్నింటిని రహస్యంగా ఉంచుకుంటూ బయటకు బహిర్గతం చేయరు. ఈ రాశి వారికి గుప్త శత్రువులు ఎక్కువ. మూత్ర, గుద స్ధానాలు, జననేంద్రియ రుగ్మతలు ఈ రాశి వారికి కారకత్వాలుగా వర్తిస్తాయి. మీనరాశి:- మీనరాశి మేషాదిగా ద్వాదశ రాశి. ఈ రాశికి అధిపతి గురువు. ఈ రాశివారు ఊహాత్మకత కలవారు. కల్పనా చాతుర్యం కనబరుస్తారు. అనుకరణ శక్తి కలవారు. కళలపై ఆసక్తి కలవారు. సానుభూతిపరులు. ఆకర్షణవంతంగా కనబడాలనుకుంటారు. మంచి దానకర్ణులు. ఏకాంతంగా ఉంటూ ఊహాత్మకంగా ఆలోచిస్తారు. ఈ రాశివారు అధికంగా సైంటిస్టులు అవుతారు. ఉన్నది మొత్తం ఊడ్చిపెడతారు. ఉన్నది లేనట్టుగా లేనిది ఉన్నట్టుగా భ్రమలకు లోనవుతుంటారు. మీనరాశి వంచనకు లోనవుతారు. ప్రతి విషయంలో దాపరికం కనబరుస్తారు. ఆధ్యాత్మిక చింతన కలవారు. ధైవభక్తి కలవారు. రహస్య విషయాలను ఛేదించటంలో సిద్ధహస్తులు. నృత్య కళాకారులుగా రాణిస్తారు. విజ్ఞానవంతులు. మేధాశక్తితో భవిష్యత్ విషయాలను చక్కగా అందంగా తీర్చిదిద్దుకోగలరు. శరీరంలో పాదాలు ఈ రాశికి వర్తిస్తాయి. ఉన్నత విద్యలలో రాణిస్తారు. ఇతరులను అనుసరిస్తారు. #తెలుసుకుందాం #zodiac signs behaviour #zodiac signs

అగ్నితత్వ రాశులలో జన్మించిన వారి లక్షణాలు..........!! అగ్నితత్వ రాశులు :- మేషం, సింహాం, ధనస్సు రాశుల వారు అగ్నితత్వానికి చెందినవారు. వీటికి వరుసగా అధిపతులైన కుజ, సూర్య, గురువు అగ్నితత్వం కలిగి ఉంటారు. అగ్నితత్వ రాశుల వారు ఉష్ణ తత్వం కలిగి కోప స్వభావాలు కలిగిఉంటారు. అగ్నితత్వం కావటం వలన వికాసం, శక్తి సామర్ధ్యాలు, చైతన్యం, ప్రేరణ, సాహసం, పౌరుషం, కోపం మొదలగు లక్షణాలు కలిగి ఉంటారు. న్యాయకత్వం, దైర్యసాహసాలు, శత్రువులపైన విజయాలు. ఆరాటం, పోరాటం కలిగి ఉంటారు. ఇతరులను ఆకర్షించుట. ఇతరులను తమ అడుగు జాడలలో నడిపించుట. ఇతరులు పొగిడినచో పొంగిపోయి ఆపదలు కొని తెచ్చుకుందురు. అగ్నితత్వ రాశులలో లగ్నం గాని, రాశిగాని, ఎక్కువ గ్రహాలు గాని ఉన్నప్పుడు అగ్నితత్వ లక్షణాలు కలిగి ఉంటారు. ఎక్కువ మంది అధికారులు గాని, నాయకులు గాని, సైన్యాధిపతులు గాని అగ్నితత్వ రాశుల యందు లగ్నం గాని, చంద్రుడు గాని, సూర్యుడు గాని ఉండగా జన్మింతురు. వీటిని దర్మత్రికోణ స్ధానాలు అనికూడా అంటారు. మేషరాశి :- ప్రధమ రాశి కావటం వలన ప్రతి పనిలో ముందు ఉండాలని కోరుకుంటారు. ప్రతి పని చేయగలననే ఆత్మ విశ్వాసం, సంకల్ప శక్తి, ఇచ్చా శక్తి కలిగి ఉంటారు. ప్రతి పనిలో చొరవ చూపిస్తారు. ప్రధమ స్ధానం పొందటానికి, పేరు ప్రఖ్యాతలు సంపాదించటానికి ఉత్సాహం చూపిస్తారు. కుజరాశి అయినందున చురుకుదనం, దైర్యం, సాహసం, పౌరుషం, స్వేచ్చ, స్వతంత్ర ప్రవర్తన, నిర్భయంగా మాట్లాడటం, నిస్సంకోచంగా మాట్లాడటం, ఉన్నది ఉన్నట్టుగా మాట్లాడటం వీరి లక్షణాలు. ఆత్మవిశ్వాసం కలిగి ఉండటం, అహంభావం, అహంకారం కలిగి ఇతరులను లెక్క చేయక పోవటం. తల బిరుసుతనం, తొందరపాటు, ముందు వెనుక ఆలోచించకుండా ప్రతి పనిలో చొరవ చూపిస్తారు. రోషం, కోపం ఎక్కువ. తగాదాలకు ముందుంటారు. తనకు తోచిన విధంగా ప్రవర్తించటం. అన్నిరకాల పోటీలకు ముందుంటారు. ఒక ఉద్యమాన్ని, ఒక సంస్ధను నడపగలిగే నాయకత్వ లక్షణాలకు మేషరాశి కారకత్వం వహిస్తుంది. సింహారాశి:- సింహా రాశి పంచమ రాశి కావటం వలన ఈ రాశి వారికి స్ఫురణ శక్తి, సృజనాత్మక శక్తి కలిగి ఉంటారు. అధికార నిర్వహణా సామర్ధ్యం కలిగి ఉంటారు. వ్యూహాలను రచించటంలో నిపుణత కలిగిఉండటం, నీతి నియమాలు, లౌకిక ఙ్ఞానం, అంచనా వేయగలిగే సామర్ధ్యం, పరిపాలనా సామర్ధ్యం కలిగి ఉంటారు. శత్రువులను తెలివిగా ఎదుర్కొనే సామర్ధ్యం, ధైర్య సాహసాలు, పరాక్రమ వంతులుగా ఉంటారు. గుర్తింపును తెచ్చిపెట్టే క్రీడలు, కళలు, పందాలు, జూదం మొదలగు వాటిపై అభిలాష కలిగిస్తుంది. ఊహాత్మక సామర్ధ్యం కలిగి ఉండటం చేత విద్యా సంస్ధల నిర్వహణ, భోధన రంగాలలో రాణిస్తారు. రవి ఆరోగ్య కారకుడు కావటం వలన బాల వైద్యం, ప్రశుతి వైద్యం, హృద్రోగ చికిత్సలలో రాణిస్తారు. విశాల హృదయులు కావటం వలన అనేక సంక్షేమ కార్యక్రమాలు, ప్రజా ఉపయోగ కార్యక్రమాలు చేపడతారు. రవి రాశి కనుక పెత్తనం కలిగి ఉండాలనుకోవటం, ఇతరులు తనని అనుసరించాలనుకోవటం, తన మాటే నెగ్గాలనుకోవటం, ప్రతి విషయంలో పర్యవేక్షణ కలిగి ఉండటం, యాజమాన్య లక్షణాలు, అధికార నిర్వహణా సామర్ధ్యం, రాజకీయాలలో రాణింపు, న్యాయకత్వ నిర్వహణ, గౌరవ పదవులకు సింహరాశి ప్రాదాన్యత వహిస్తుంది. ధనస్సు రాశి :- పంచమానికి బావాత్ భావం కావటం వలన మంచి ఙ్ఞాపక శక్తి, ఆలోచనలను ఆచరణలో పెట్టగలిగే సామర్ధ్యం కలిగి ఉంటారు. గురుగ్రహానికి స్వక్షేత్రం కావటం వలన వివిధ శాస్త్రాల అద్యయనం, వివిధ అంశాలపై పరిశోదన, ఉన్నత విధ్యాభ్యాసం, భోదన, వైఙ్ఞానిక సంస్ధల నిర్వహణ, గ్రంధ రచన చేయగలగటం, ప్రచురణ, ప్రసంగించటం, ప్రసార మాద్యమాలను వినియోగించుకోవటం, వైఙ్ఞానికి, శాస్త్రీయ అంశాలపై సలహాలిచ్చే వృత్తుల పట్ల ఆసక్తి కలిగి ఉండటం. అర్హతను, అవకాశాలను సక్రమంగా వినియోగించటం. దూరం, వేగం లక్షణాలు కలిగిన ఈ రాశి వారి విదేశీ వ్యవహారాలలో రాణిస్తారు. సమాచార, పర్యాటక, రవాణా రంగాలలో రాణించగల సమర్దతను కల్పిస్తుంది. సత్వర ఫలితాలు పొందాలనే ఆరాటం, ఉత్సాహం కలిగిస్తుంది. వేదశాస్త్రం, న్యాయ శాస్త్రం, ఆర్ధిక శాస్త్రం, జ్యోతిష్య శాస్త్రం, తత్వ శాస్త్రం, రాజనీతి శాస్త్రం మొదలగు అద్భుత శాస్త్రాల పట్ల ఆసక్తి కలిగిస్తుంది. ధైవ భక్తి, ధర్మ చింతన, ఆశాభావం, ఉన్నతమై కోరికలు, ఆశయాలు కలిగి ఉండటం ఈ రాశి లక్షణాలు. #తెలుసుకుందాం #zodiac signs #zodiac signs behaviour

భూతత్వ రాశులలో జన్మించిన వారి లక్షణాలు..........!! భూతత్వరాశులు:- వృషభం, కన్య, మకర రాశులు భూతత్వానికి చెందినవి. వీటికి వరుసగా శుక్ర, బుధ, శని అధిపతులు. భూతత్వరాశుల వారు మంచి దృడమైన శరీరం కలిగి ఉంటారు. మంచి భోజన ప్రియులు. కూడబెట్టుట, ఏదైనా పనిని ప్రారంభించే ముందు లాభ నష్టములను బేరీజు వేసుకొని ప్రవర్తించెదరు. వ్యక్తిగత విషయాల యందు, ఊహా జగత్తుల యందు విహరించుట. బౌతిక విషయాల యందు, జీవనం నందు విశ్వాసం ఉండును. ఏదైనా పనిని ప్రారంభించిన వదిలిపెట్టరు. వీటిని అర్ధ త్రికోణ రాశులు అని కూడ అంటారు. మంచి జీవనోపాధి కలిగి ఉంటారు. కుటుంబ పోషణ బాధ్యత కలిగి ఉంటారు. కృషికి తగిన ఫలితాన్ని పొందుతారు. లౌకిక విషయాలపై, సామాజిక అంశాలపై మంచి అవగాహన కలిగి ఉంటారు. మంచి ఉపాధి కలిగి సంసార జీవితాన్ని సుఖవంతం చేసుకుంటారు. ప్రతి విషయంలోను ప్రయోజనాన్ని ఆశిస్తారు. తక్కువ శ్రమతో సంపాదించే తెలివితేటలు కలిగి ఉంటారు. విలాసవంతమైన జీవితంపై మక్కువ కలిగి ఉంటారు. కష్టపడి విజయం సాధిస్తారు. ప్రతి పని ఓర్పుగా నేర్పుగా చేస్తారు. సహనం, పోటీతత్వం కలిగి ఉంటారు. ముందు జాగ్రత్తగా భవిష్యత్ అవసరాలకు తగినట్టుగా కార్యక్రమాలను రూపకల్పన చేస్తారు. ధనాన్ని కూడబెట్టుకోవటం అలవాటుగా చేసుకుంటారు. ఆచి తూచి నెమ్మదిగా పనులను చక్కబెడతారు. వృషభరాశి:- వృషభరాశి మేషాది క్రమంలో రెండవ రాశి కావటం వలన ధనం కూడ బెట్టటం, కోరికలు కలిగి ఉండటం, విలువలకు ప్రాధాన్యత, ప్రయోజనాన్ని ఆశించి పెట్టుబడి పెట్టటం, కుటుంబ పరిరక్షణ మొదలగు అంశాలపై ఆసక్తి కలిగి ఉంటారు. సంపాదనను, స్ధిర, చరాస్ధులను, స్వంతమైన వస్తువులను సద్వినియోగం చేసుకొని సౌకర్యాలను, సౌఖ్యాలను అనుభవించటం చేస్తారు. ధనాన్ని, వస్తువులను, స్ధిర చరాస్ధులను భద్రంగా కాపాడుకుంటారు. సంపాదనా మార్గాలను అన్వేషిస్తారు. వృషభరాశికి అధిపతి శుక్రుడు కావటం వలన సౌందర్యానికి ప్రాధాన్యత ఇస్తారు. అందంగా కనపడాలనుకోవటం, ఆకర్షణగా కనపడాలనుకోవటం, అందమైన, ఆకర్షణీయమైన దుస్తులు ధరించాలని కోరుకుంటారు. ఖరీదైన ఆభరణాలపై మక్కువ కలిగి ఉంటారు. విలాస వంతమైన వస్తువులతో సౌఖ్యాలను అనుభవిస్తారు. ఖరీదైన వాహనంలో సుఖాలు కోరుకుంటారు. ఎప్పుడు నవ్వుతూ ఉండాలని కోరుకుంటారు. ఆకర్షణీయమైన చిత్రాలపై, ప్రకృతిపై మక్కువ. చిత్రలేఖనం, సంగీతం, పాటలు పాడటంపై ఆసక్తి కలిగిస్తుంది. బ్యాంకింగ్, వస్త్రాలు, వాహనాలు, భూ సంభంధమైన, గృహ సంభంధమైన వ్యాపారాలు లేదా ఉద్యోగాలలో రాణించే అవకాశాలు వృషభ రాశి వారికి ఉంటాయి. కన్యారాశి :- కన్యారాశి మేషాదిగా ఆరవ రాశి అయినందున కృషికి తగిన ప్రతిఫలాన్ని ఆశిస్తారు. కృషికి ప్రాధాన్యత కలిగి ఉండటం చేత ప్రయోజనాన్ని, సౌకర్యాలను పొందుతారు. సమగ్రమైన వివరాలు సేకరించటంలో అనుభవం కలిగి ఉంటారు. వివిధ రీతులలో, వివిధ పరిస్ధితులలో విషయాన్ని సేకరించగలిగే నైపుణ్యం కలిగి ఉంటారు. ప్రతి అంశాన్ని విశ్లేషణాత్మకంగా వివరించగలిగే సామర్ధ్యం కలిగి ఉంటారు. సమీక్షలు, సమావేశాలు జరిపి సమగ్రమైన నివేదిక సమర్పిస్తారు. సూక్ష్మ పరిశీలనా ఙ్ఞానాన్ని కలిగి ఉంటారు. ప్రతి అంశాన్ని, పరిస్ధితులను అంచనా వేయటం, ఖచ్చితమైన లెక్కలు వేయగలరు. కొలతలు, తూనికల పట్ల శ్రద్ధ వహిస్తారు. వ్రాయటం, లెక్కలు కట్టటం వంటి పనులపై మక్కువ. జీర్ణాశయ సమస్యలు కలిగి ఉంటారు. వ్యవసాయం, పాడి పరిశ్రమ, తోటలు, సాధు జీవులను పోషించటం, మొక్కలు పెంచటంపై మక్కువ. అంచనా వేయగలిగే వృత్తులలో రాణిస్తారు. ఇతరులకు ఎప్పుడూ అందుబాటులో ఉండాలని కోరుకుంటారు. తొందరగా ఒక అంచనాకు రాలేరు. ద్వంద రీతిలో ఆలోచిస్తారు. ఆరోగ్య సంబంధమైన ఆహార ధాన్యాలు, తినుభండారాలు, మందులు, పారిశుద్యం, వైధ్యం మొదలగు వృత్తి ఉద్యోగాలలో రాణింపు. శ్రమ సంబందమైన హస్తకళలు, కులవృత్తులు, నేత వస్త్రాలు, కుట్టుపని, పరిశ్రమలు, సేవా కార్యక్రమాలు, యంత్ర పరికరాలు, కార్మికులు, జీతం, ఉద్యోగం మొదలగు వృత్తి ఉద్యోగాలు కన్యారాశి లక్షణాలు. మకరరాశి :- మకరరాశి మేషాదిగా పదవ రాశి కావటం వలన ఉపాధి మార్గాలను సూచిస్తుంది. ఉద్యోగం, వ్యాపార వృత్తి, పరిశ్రమలు మొదలైన వాటి ద్వారా ఉపాధి మార్గాలను పొందుతారు. సంఘంలో పేరుప్రఖ్యాతలు సంపాదించాలని కోరుకుంటారు. ఎప్పుడు పై స్ధాయిలో ఉండాలనుకోవటం వలన రాజకీయ పదవి వరించే అవకాశం ఉంటుంది. అధికారం చూపించే వృత్తి, ఉద్యోగాలలో రాణిస్తారు. తను ఉన్నచోట పెద్ద మనుషులుగా చెలామణి అవుతారు. భాద్యతాయుతంగా ప్రవర్తిస్తారు. వయోవృద్ధులపై, అనాదలపై, మానసిక వికలాంగులపై మక్కువ కనబరుస్తారు. ప్రతి పని పట్టుదలగా జాగ్రత్తగా చేస్తారు. భద్రతా ప్రమాణాలను పాటిస్తారు. రక్షణ చర్యలు చేపడతారు. సహనం కలిగి ఉంటారు. నిదానంగా పనులు చక్కపెడతారు. నెమ్మదిగా శ్రమించి పని చేస్తారు. ప్రతి పని ఏకాగ్రతగా చేస్తారు. శ్రమతో కూడిన పనులు చేస్తూ కార్యసాధన లక్ష్యంగా ఎంచుకుంటారు. ఉన్నత స్ధాయికి రావాలనే ఆకాంక్ష. ప్రతి వారికి ఉపయోగపడే పనులు చేయటం. ప్రయోజనం, లాభం చేకూర్చే పనుల పట్ల ఆసక్తి కలిగి ఉండటం. స్వార్ధం, పోటీతత్వం లేకపోవటం. తరచుగా నడవటానికి ఇష్టపడతారు. చేతికి మట్టి, మరక అంటుకునే వృత్తి, ఉద్యోగాలలో రాణిస్తారు. ఖాళీగా లేకుండా ఎప్పుడూ ఎదో ఒక పని చేయటం చేస్తారు. మోకాళ్ళ నొప్పులు, కీళ్ళ నొప్పులు కలిగి ఉండటం మకరరాశి కారకత్వాలుగా చెప్పుకోవచ్చు. #తెలుసుకుందాం #zodiac signs behaviour #zodiac signs

రాశిని బట్టి నక్షత్రాలు అవయవముల విభజన.............!! జాతకచక్రంలో ఆయా నక్షత్రాలలో పాప గ్రహాలు ఉన్న,గ్రహాలు ఆయా నక్షత్రాలలో శుభత్వాన్ని కోల్పోయి,పాప గ్రహ వీక్షణ కలిగి పాప క్షేత్రాలలో ఉన్నప్పుడు ఆయా నక్షత్రాలకు సంబందించిన అవయవములకు చెందిన వ్యాదులు కలిగే అవకాశం ఉంది.నయం అయ్యే వ్యాదులు షష్టమ భావం ద్వారాను,నయం కాని వ్యాదులు అష్టమ భావం ద్వారాను,పంచమ భావానికి షష్టమ భావానికి సంబందం ఉంటే వ్యాది తొందరగా నయం అవుతుంది. అష్టమ భావానికి షష్టమ భావానికి సంబందం ఉంటే వ్యాది తొందరగా నయం కాదు. 1)మేషరాశి-తల,మెదడు అశ్విని నక్షత్రం 4 పాదాలు:- తల,తలలోని పెద్ద మెదడులోని వెనుక భాగము. భరణి నక్షత్రం 4 పాదాలు:- తల,తలలోని పెద్ద మెదడులోని ముందు భాగము. కృత్తిక 1 వ పాదం:- మెదడు ,మెదడులోని రక్త నాళాలు కళ్ళు విశేషించి కుడి కన్ను,దృష్టి. 2)వృషభరాశి:-ముఖము నుండి మెడ వరకు. కృత్తిక 2,3,4 పాదములు:-ముఖము,కుడిడికన్ను,కను రెప్పలు. రోహిణి నక్షత్రం 4 పాదాలు :-కుడి కన్ను,నోరు,నాలుక,మెడ,చిన్న మెదడు,లాలా జలం. మృగశిర నక్షత్రం 1,2 పాదాలు:-గొంతుక,స్వరపేటిక,టాన్సిల్స్. 3)మిధునరాశి:-మెడ నుండి ఛాతీ మద్య భాగం మరియు మెడ ఎముకలు. మృగశిర నక్షత్రం 3,4 పాదాలు:-చెవులు,భుజములు,మెడ ,ముక్కు నుండి పోయే శ్వాస కోశములు,ముక్కు. ఆరుద్ర నక్షత్రం 4 పాదాలు:-చెవి లోపలి భాగాలు ,మోచేయి పై భాగం. పునర్వసు నక్షత్రం 1,2,3 పాదాలు:-మెడ కింది భాగం,గొంతు కింద భాగం,ఆహార నాళిక ఆరంభ భాగం. 4)కర్కాటక రాశి:-ఛాతీ భాగం పునర్వసు నక్షత్రం 4 వ పాదం:-ఛాతీ,ఊపిరితిత్తులు,స్తనములు. పుష్యమి నక్షత్రం 4 పాదాలు:-రెండు ప్రక్కల రిబ్స్ అనబడే ఎముకలు,ఊపిరితిత్తులు,వాటిలోనికి వెళ్ళే గాలి గొట్టాలు. ఆశ్లేష నక్షత్రం 4 పాదాలు:-ఆహార నాళం,ఛాతీ కి సంబందించిన నరములు. 5)సింహరాశి:-బొడ్డుపైన ఉన్న కడుపు,గుండె మఖ నక్షత్రం 4 పాదాలు:-గుండె,వీపు,వెన్నుముఖబొడ్డుపైన ఉన్న కడుపు లోపలి భాగములు కాలేయం,గాల్ బ్లాడర్. పుబ్బ నక్షత్రం 4 పాదాలు:-గుండె లోపల గదులు,వెన్నుముక,వెన్నుముకకు సంబందించిన వాల్వులు. ఉత్తర 1 వ పాదం:-గుండె పనిచేసే భాగాలు,వాల్వులుగుండే లోపలి రక్తం,గుండే నుండి ఊపిరితిత్తులకు పోవు శ్వాస కోశం. 6)కన్యారాశి:-బొడ్డు కింద నున్న కడుపు భాగం ఉత్తర నక్షత్రం2,3,4 పాదాలు:-లివర్,క్లోమమ్,కడుపు భాగం,బొడ్డు,చిన్న ప్రేవులు. హస్త నక్షత్రం 4 పాదాలు:-రస గ్రంధులు,చిన్న ప్రేవులు.రసోత్పాదక క్రియలు. చిత్తా నక్షత్రం 1,2 పాదాలు:-పెద్ద ప్రేవులు,పొత్తి కడుపు,ఎపిండెక్స్. 7)తులా రాశి:- మక్కలు,మూత్ర పిండాలు. చిత్తా నక్షత్రం 2,3,పాదాలు:-మూత్ర పిండాలు,మక్కలలోని కండరాలు,గజ్జలు,వెన్ను వెనక భాగం నడుము. స్వాతి నక్షత్రం 4 పాదాలు:-మూత్రకృచ్చం,మూత్ర నాళాలు,మూత్రం నందలి మలినాలు. విశాఖ నక్షత్రం 1,2,3, పాదాలు;-మూత్ర కృచ్చం లోపలి భాగాలు. 8)వృశ్చిక రాశి :-బాహ్య జననేంద్రియాలు,గుదము.రెక్టమ్. విశాఖ 4 వ పాదం:-వీర్యోత్పత్తికి సంబందించిన గ్లాండ్ గర్భాశయం,జననేంద్రియాలు. అనురాధా నక్షత్రం 4 పాదాలు:-గుదము,రెక్టమ్,పొట్టి కడుపు.పెలోపియన్ నాళములు. జ్యేష్ట నక్షత్రం 4 పాదాలు:-గర్భాశయం,దానికి సంబందించిన నరాలు,అండములు. 9)దనస్సు రాశి:మక్కల నుండి మోకాళ్ళ వరకు ఉన్న భాగములు. మూల నక్షత్రం 4 పాదాలు:-మక్కలు,తొడలు,సియాటిక నరాలు. పూర్వాషాడ నక్షత్రం 4 పాదాలు:-పిరుదులు,తొడల కింది భాగం,వెన్నుముక చివరి భాగం. ఉత్తరాషాడ నక్షత్రం 1 వ పాదం:-తొడల చివరి భాగం,అందలి రక్త నాళములు. 10)మకర రాశి:-కాళ్ళు,చీల మండలు. ఉత్తరాషాడ 2,3,4 పాదాలు:-మోకాళ్ళు శ్రవణం 4 పాదాలు:-మోకాలి చిప్పలు. ధనిష్ట 1,2 పాదాలు:-మోకాలి చిప్ప,మోకాళ్ళు,మోకాళ్ళ లోని మజ్జ. 11)కుంభరాశి:-చీలమండలు ధనిష్ట 3,4 పాదాలు:-పిక్కలు,వాటి దిగువ భాగం. శతభిషం 4 పాదాలు:-చీల మండల ఎడమ భాగం. పూర్వాభాద్ర 1,2,3, పాదాలు:-చీల మండలు 12)మీనరాశి:-పాదాలు పూర్వాభాద్రా నక్షత్రం 4 వ పాదం:-చీల మండల వద్ద గల పాదముల అగ్రభాగం,మడమలు. ఉత్తరాభాద్ర నక్షత్రం 4 పాదాలు:-పాదాలు వీటికి సంబందించిన ఎముకలు. రేవతి నక్షత్రం 4 పాదాలు:-పాదాలలోని నరములు,పాదాల వ్రేళ్ళు. #తెలుసుకుందాం #zodiac signs behaviour #zodiac signs

నక్షత్ర ఫలములు.....!! 1. అశ్విని. శ్లోII సదైవ దేవాభ్యుదితో వినీతః సత్తన్వితః ప్రాప్త సమస్త.సంపత్ యోషావిభూషాత్మజ భూరితోషః స్యాదశ్వినీ జన్మని మానవస్య II తాత్పర్యం: అశ్వనీ నక్షత్రమందు పుట్టిన వారు వినయం గలవారు, దైవభక్తులు, సత్త్వగుణం కలిగినవారు, అనేక సంపదలు పొందువారు మరియు అలంకారములు, సంతోషము పొందువారు అయి ఉంటారు. 2. భరణి. శ్లోII సదాపకీర్తిః హి మహాపవాదః నానా వినోదైశ్చ వినీత కాలః జలేవిలాసీ చపలఃఖలు స్యాత్ ప్రాణిప్రణీతో భరణీషు జాతః II తాత్పర్యం: అపకీర్తి పొందువారు, అనేక కష్టములు పొందువారు, అనేక విధముల వినోదములు అనుభవించువారు, వ్యసనపరులు, చపల చిత్తులు, జల ప్రయాణము లందు ఇష్టము కలవారు అగుదురు. 3. కృత్తిక. శ్లోII క్షుధాధికః సత్యధనైర్విహీనః వృధాటనోత్పన్న మతిః కృతఘ్నః కఠోరవాక్ చాహిత కర్మకృత్ స్యాత్ చేత్ కృత్తికాయం మనుజః ప్రసూతః II తాత్పర్యం: ఆకలి ఎక్కువ కలవాడు, సత్య, ధనములు లేనివాడు, వృధాగా తిరుగువాడు, కృతజ్ఞత లేనివాడు, కఠోర చిత్తుడు, గూఢముగా పాపములు చేయువాడు అయి ఉంటాడు. 4. రోహిణి. శ్లోII స్యాద్ధర్మ కార్యే కుశలః కులీనః సుచారుదేహో విలసత్కలేబరః స్మరాగ్నినాకులితా ఖిలాశయో యోరోహిణీజః సధనీ సమానీ II తాత్పర్యం: ధర్మ కార్యములు చేయుట యందు నేర్పరి, అందమైన శరీరము కలవాడు, శృంగార భావములు మిక్కిలిగా కలవాడు, అభిమాన వంతుడు మరియు ధనవంతుడు అయి ఉంటారు. 5. మృగశిర. శ్లోII శరాసనాభ్యాస రతో వినీతః సదానురక్తో గుణినాంగుణేషు భక్తానుపస్నేహ భరేణ పూర్ణః సన్మార్గవర్తీ మృగజన్మ భాగీ II తాత్పర్యం: ఏకాగ్రత, సాంకేతిక విద్య, మంచి గుణములయందు అభిమానము, స్నేహశీలత, సన్మార్గ ప్రవర్తన మరియు వినయము కలిగి యుందురు. 6. ఆర్ద్ర. శ్లోII క్షుధాధికో లక్ష్మ శరీర కాంతిః కలిప్రియః కోపోయుతో వినీతః ప్రసూతికాలేచ భవేత్ కిలార్ద్రా సచార్ద్రచేతాః శరణాగతే పి II తాత్పర్యం: ఆకలి ఎక్కువ, మంచి దేహకాంతి, చెడు పనులయందు ఇష్టము, కోప స్వభావము, వినయము, కఠినమైనను ప్రతీకార వాంఛ కలిగి ఉందురు. 7. పునర్వసు. శ్లోII ప్రభూత మిత్రః కృతశాస్త్ర యత్నః సద్రత్నకామీ వరభూషణాఢ్యః దాతాప్రతాపీ వసుధాధిప శ్రీః పునర్వసౌయస్య భవేత్ప్రసూతిః II తాత్పర్యం: ఎక్కువమంది స్నేహితులు కలవారు, పనులు మరియు విద్య యందు నేర్పరితనం కలవారు, మంచి వస్తువులు కోరువారు, అలంకారములందు ఇష్టము, దాన గుణము, ధైర్యము కలవారు మరియు మంచి ఉద్యోగము చేయువారు యగుదురు. 8. పుష్యమి. శ్లోII ప్రసన్న గాత్రః పితృమాతృభక్తః స్వధర్మయుక్తో వినయాభియుక్తాః భవేన్మనుష్యఃఖలు పుణ్యజన్మా సమ్మానచామీకర వాహనాఢ్యః తాత్పర్యం: చక్కటి శరీర సౌష్టవము, తల్లిదండ్రుల యందు భక్తి, తను చేయు పనియండు శ్రద్ధ ఉత్సాహము, వినయము, పేరుప్రతిష్టలు, వాహన సోఖ్యము కలిగి యుందురు. 9. ఆశ్లేష. శ్లోII వృధాటనః స్యాదతి దుష్టచేతః కష్టప్రదస్యాపి వృధా జనానాం సర్వేసదర్పోహి శఠార్పితార్థః కందర్ప సంతప్త మనా మనుష్యః II తాత్పర్యం: అనవసరముగా తిరుగుట, చెడు మనస్సు, అసూయ, కష్టజీవితము, గర్వము, మొండితనము, కామ వాంఛ అధికముగా కలిగినవారై యుందురు. 10. మఖ. శ్లోII కఠోరచిత్తః పితృమాతృభక్తః తీవ్ర స్వభావః అనవద్య విద్యః చేజ్జన్మభంయస్య మఘానఘః స్యా -న్మతి సదారాతి వినాశ దక్షా II తాత్పర్యం: కఠినమైన మనస్సు, తల్లిదండ్రులయందు భక్తి, కోపము, మంచి విద్యాయోగము, శత్రువిజయము వంటి లక్షణాలు కలవారై ఉంటారు. 11. పుబ్బ. శ్లోII శూరస్త్యాగీ సాహసీ భూమిభర్తా కోపాక్రాంతః స్యాచ్ఛిరాలో తిదక్షః ధూర్తః క్రూరోఽ త్యంత వాతాధికఃప్రాక్ ఫల్గున్యశ్చేజ్జన్మ కాలేచ యస్య II తాత్పర్యము: ధైర్యము, త్యాగ గుణము, మంచి ఉద్యోగము, కోపము, కార్య కౌశల్యము, వాత గుణము, తన పనులు నెరవేర్చుకొనుటకు వినయము నటించుట, క్రూర స్వభావము కలవారు యగుదురు. 12. ఉత్తర ఫల్గుని. శ్లోII దాతా దయాళుః స్వజనే సుశీలః విశాలకీర్తిః సుమతి ప్రధానః ధీరోనరో త్యంత మృదుస్వభావః స్యాదుత్తరా ఫల్గునికా ప్రసూతిః II తాత్పర్యము: దానగుణము, దయ, తనవారి యందు ప్రేమ, గొప్ప కీర్తి, తెలివి, ధైర్యము, అత్యంత మృదుస్వభావము కలవారై ఉందురు. 13. హస్త. శ్లోII దాతాయశస్వీ సుతరాం మనస్వీ భూదేవ దేవార్చన కృన్న యజ్ఞః ప్రసూతికాలే కిల యస్య హస్తా హస్తస్థితా తస్య సమస్త సంపత్ II తాత్పర్యము: దానగుణము, కీర్తి, అభిమానము, సత్కార్యములు చేయుట, యజ్ఞములు, దేవాలయమునందు అర్చన చేయుట ఇష్టము, అధికమైన సంపదలు కలిగినవారు అయి ఉందురు. 14. చిత్త. శ్లోII ప్రతాపసంతాహిత శతృపక్షః దక్షోనయే చాపి విచిత్రవాసాః ప్రసూతికాలే యదితస్య చిత్రా బుద్ధిర్విచిత్రా ఖలుతస్య శాస్త్రే II తాత్పర్యము: చేయు పనులందు విజయము, ధైర్యము, రాజకీయములందు వ్యవహార నైపుణ్యం, వస్త్రములందు ఇష్టము, చిత్రవిచిత్రమైన మనోధర్మము, బుద్ధికుశలత, గ్రంథ పరిచయములచే అధిక జ్ఞానము కలిగినవారై ఉంటారు. 15. స్వాతి. శ్లోII కందర్పరూప ప్రభయా సమేతః కాంతాజన ప్రీతిరతి ప్రసన్నః స్వాతి ప్రసూతౌయది మహామతిః ప్రాప్త విభూతియోగః II తాత్పర్యము: సౌందర్యము, స్త్రీలయందు ఇష్టము, అతి ప్రసన్నమైన స్వభావము, తెలివి, సంపదలు కలగినవారై ఉంటారు. 16. విశాఖ. శ్లోII సదానురక్తో వివిధ క్రియాయాం సువర్ణకారైరపి సఖ్యమేతి యస్యప్రసూతౌ చ భవేద్విశాఖా సఖాన కస్యాపి భవేత్ప్రసూతః II తాత్పర్యము: అనేక పనులయందు కౌశల్యము, బంగారు పనివారితో, గొప్ప గొప్ప ఉద్యోగాస్తులతో పరిచయములు, అందరికీ ఇష్టులగువారై ఉంటారు. 17. అనురాధ. శ్లోII సత్ కీర్తి కాంతిశ్చ సదోత్సవః స్పాత్ జేతారిపూణాంచ కళాప్రవీణః స్యాత్సంభవే యస్య కిలానురాధః సంపత్ ప్రమాదౌ వివిధౌ భవేతాం II తాత్పర్యము: మంచికీర్తి, సుఖము, కళలయందు కౌశలం, అనేక రకములయిన కష్టములు, దీర్ఘాయువు కలిగిన వారై ఉందురు. 18. జ్యేష్ఠ. శ్లోII సత్ కీర్తి పుత్రైః వివిధైః సమేతః విత్తాన్వితో త్యంత లసత్ప్రతాపః శ్రేష్ట ప్రతిష్ఠో వికలస్వభావో జ్యేష్ఠా భవేద్యస్యచ జన్మకాలేII తాత్పర్యము: మంచి కీర్తి, పుత్ర సంతానము, సంపద, కార్యకుశలత, దుష్ట స్వభావము కలిగిన వారై ఉంటారు. 19. మూల. శ్లోII మూలం విరుద్ధావయవం సమూలం కులందహత్యేవ వదంతి సంతః చేదన్యథాతః పురుషా విశేషాత్ సౌభాగ్యమాయుశ్చ కులానువృద్ధిః II తాత్పర్యము: ఇందు జన్మించినవారు వికలాంగులుగా జన్మించినచో కులమునంతా నశింప చేయుదురు. శుభలక్షణములతో జన్మించినచో సౌభాగ్యము, ఆయువు, వంశవృద్ధి కలిగిన వారై ఉంటారు. 20. పూర్వాషాఢ. శ్లోII భూయో భూయాస్తూయ మానాను రక్తః భక్తోదేవే బంధుమాన్యో తి దక్షః పూర్వాషాఢాం జన్మకాలే యదిస్యాత్ ఆషాఢః స్యాత్ వైరివర్గే నితాంతమ్ తాత్పర్యము: అనేకమంది చేత మంచి వాడనిపించు కొనుట, భక్తి, బంధువులచే గౌరవింపబడువాడు, అతినేర్పరి, కార్యజయము కలిగిన వారై ఉంటారు. 21. ఉత్తరాషాఢ. శ్లోII దాతాదయావాన్ విజయీ వినీతః సత్కర్మచేత విభావైస్సమేతః కాంతా సుఖావాప్త సుఖోనితాంతః వేషే సువేషః పురుషో మనిషీII తాత్పర్యము: దయ, దాతృత్వము, వినయము, జయము, మంచి కర్మలు చేయుట, సంపద, సంతోషము, కుటుంబ సుఖము, మంచి వేషము, గొప్ప కీర్తి కలిగినవారై ఉంటారు. 22. శ్రవణం. శ్లోII శాస్త్రానురక్తో బహుపుత్రమిత్రః సత్పుత్రభక్తిః విజితారి వర్గః చేజ్జన్మకాలే శ్రవణాహియస్య ప్రేమా పురాణ శ్రవణే ప్రవీణః II తాత్పర్యము: అనేక విషయములందు ఆసక్తి, ఎక్కువ మంది పుత్రులు, మిత్రులు, శత్రు జయము, ప్రాచీన గాధలందు ఇష్టము కలిగినవారై ఉందురు. 23. ధనిష్ఠ. శ్లోII ఆచార జాతాదర చారుశీలః ధీశాలి సోదరబలవాన్ దయాలుః యస్యప్రసూతౌ చ భావేద్ధనిష్ఠా మహాత్ప్రతిష్ఠా సహితో నరం స్యాత్ II తాత్పర్యము: సంప్రదాయమునందిష్టము, తెలివి, సోదరులు ఎక్కువ కలవాడు, వారి వలన సహాయము పొందువాడు. గొప్ప కీర్తి ప్రతిష్ఠలు పొందువాడు అగును. 24. శతభిషం. శ్లోII శతభీతిరతి సాహసీ సదా నిష్ఠురోహి చతురో నరస్యాత్ వైరిణామతి శయేన దారుణో వారుణోడు యదియస్య సంభవే II తాత్పర్యము: అనేక భయములు, సాహసము, నిష్టూరము, తెలివి, శతృజయము కలిగినవారు అవుదురు. 25. పూర్వాభాద్ర. శ్లోII జితేంద్రియః సర్వకలాసు దక్షః జితారి పక్షః ఖలుతస్య నిత్యం భవేన్మహీయాన్ సుతారాం అపూర్వా పూర్యాదా భాద్రపదాప్రసూతౌ II తాత్పర్యము: ఇంద్రియ నిగ్రహము, అన్నిపనులయందు నేర్పరితనము, శతృజయము, కష్ట జీవితము కలిగినవారై యుందురు. 26. ఉత్తరాభాద్ర. శ్లోII ధనీ కులీనః కుశలః క్రియాదౌ భూపాల మన్యో బలవాన్ మహౌజాః సత్కర్మకర్తా నిజబంధు భక్తః యదురాభద్ర పదా ప్రసూతః II తాత్పర్యము: ధనము, గొప్ప వంశము, పనులు చేయుట యందు కేవలం కీర్తి, బలము, మంచి పనులు చేయుట, బంధు ప్రేమ సంభవించే వారై ఉంటారు. 27. రేవతి. శ్లోII చారుశీల విభవో జితేంద్రియః సత్ కులః స్వభవనైక మానసః మానవో నను భవేన్మహీపతిః రేవతీ భవతి యస్య జన్మభమ్ II తాత్పర్యము: రేవతి నక్షత్రమునందు జన్మించినవారు మంచి నడవడిక, ఇంద్రియ నిగ్రహం కలవారగుదురు. ఎప్పుడూ తమ ఇంటియందు మాత్రమే ఉండుటకు ఇష్టపడతారు. ఉన్నత స్థాయి జీవితము గడుపుదురు. ఇవన్నీ ఆయా నక్షత్రాలలో జన్మించినవారికి ఉండే ముఖ్య లక్షణములు. ఇతరవిషయాలు అప్పటి గ్రహస్థితులు, చుట్టుపక్కల వారి గ్రహ ప్రభావము ఇలా అనేక విషయాలపై ఆధారపడి ఉంటాయి...స్వస్తి..!! #తెలుసుకుందాం #zodiac signs #zodiac signs behaviour

రాశులు అనారోగ్యం - జాగ్రత్తలు............!! సాధారణంగా అనారోగ్యాలు పన్నెండు రాశులవారికి వేరువేరుగా ఉంటాయి. అవి రాకముందే కొన్ని రకాల జాగ్రత్తలు పాటించి ప్రయోజనం పొందవచ్చు. అసలు జ్యోతిష్య శాస్త్ర రీత్యా ఏయే రాశులవారికి ఎలాంటి అనారోగ్యాలు సూచించబడుతున్నాయి, వారు ఎలాంటి ఆహార నియమాలు పాటించాలి అనే విషయాలు తెలుసుకుందాం... మేషం... సాధారణంగా ఈ రాశివారికి తల, ఉదరం, పైత్యం, నత్తి, మూత్రపిండాలు, అగ్ని ద్వారా ఇబ్బందులు, కురుపులు (వ్రణాలు), చర్మానికి సంబంధించిన విచిత్ర వ్యాధులు కలిగే అవకాశం ఉన్నది. అంతేకాకుండా... అండవ్యాధులు, ఉష్ణంతో కూడిన కఫం, రక్తసంబంధ వ్యాధులు హెచ్చు. జాగ్రత్తలు: 1) ధ్యానం చేస్తూ ఉండాలి. 2) చల్లదనాన్ని ఇచ్చే పూలు (పూల సువాసన). 3) పసుపు, తేనె పరగడపున తీసుకోవాలి. 4) ఆహారంలో కందిపప్పు ఎక్కువగా ఉండాలి. వృషభం... గొంతు, హృదయం, మూలసంబంధ వ్యాధులు, అపస్మారక సంబంధ వ్యాధులు, కఫం, ట్రాన్సిల్స్‌, ఢిప్తీరియా, పయోరియా (పళ్ళకు సంబంధించిన వ్యాధి) వచ్చే అవకాశం ఎక్కు వ. గుహ్యావయవాలు, నాభి ప్రదేశాలను ఆరోగ్యవంతంగా ఉంచు కోవాలి. మూత్ర వ్యాధులు, రక్తహీ నత, ఉబ్బసం వంటివి కూడా కలుగవచ్చు. జాగ్రత్తలు: 1) ధ్యానం (మెడిటేషన్‌). 2) వ్యాయామం మిథునం... విశ్రాంతి లేకపోవడం, ఊపిరితిత్తుల వ్యాధులు, మనోవ్యాధి, ప్రాణవాయువు (ఆక్సిజన్‌ లేకపోవుట), మూలవ్యాధి, న్యుమోనియా, క్షయ, ఫ్లూ, అండవ్యాధులు, మానసిక రోగాలు, చెవుడు, తలనొప్పి, ఉన్మాదం (పిచ్చి) మొదలైన వ్యాధులు వచ్చే అవకాశం ఉన్నది. జాగ్రత్తలు: 1) పౌష్టికాహారం తీసుకోవడం. 2) గాలి, వెలుతురు ఉన్న గృహ నివాసం. 3) క్రీడలు, వ్యాయామం తప్పనిసరి. అంతేకాకుండా ఆరోగ్యాన్ని ప్రసాదించే మొలకెత్తిన పెసలు తినడం చాలా మంచిది. కర్కాటకం... రొమ్ము, జీర్ణకోశం, హృదయనాళాల సంబంధిత వ్యాధులు, నీరుపట్టడం, కఫం, కేన్సర్‌, హిస్టీరియా, కీళ్ళనొప్పులు, శోష, గొంతులో బాధ, మానసిక శారీరక బలహీనతలు, కంటికి సంబంధించిన అనారోగ్యాలు, అజీర్ణం, వరిబీజం వంటివి వచ్చే అవకాశం ఉన్నది. జాగ్రత్తలు: 1) ఎక్కువ ఆలోచనలు మానాలి. 2) యోగాసనాలు చెయ్యాలి. 3) తమను గురించి ఇతరులు ఏమనుకుంటున్నారో అనే అనుమానాలు విడనాడితే మంచిది. 4) మెడి టేషన్‌ చేయాలి. సింహం... వీపు, వెన్నెముక, హృదయం సంబంధించిన వ్యాధులు, హృదయ దౌర్భల్యం, గుండెదడ, నడుము నొప్పి, పండ్ల నొప్పి, ముఖవ్యాధి మొదలనవి సంభవించవచ్చు. జాగ్రత్తలు: 1) తమ మనసులోని భావాలు బహిరంగపరచడం. 2) సూర్యనమస్కారాలు, ప్రాణాయామం. 3) తమ పనులు తామే నిర్వహించడం. కన్య... పొట్ట, నాభి ప్రదేశం, వెన్నెము కింది భాగాలకు అనారోగ్యం, అజీర్ణం, విరేచ నాలు, అతిసారం, జీర్ణకోశ వ్యాధులు కలిగే అవకాశం ఉంది. జాగ్రత్తలు: 1) సమయానికి మితాహారం తీసుకోవడం. 2) వ్యాయామం, మొలకెత్తిన పెసలు. 3) ఆహారంలో కొవ్వు పదార్థాలు తగ్గింపు. 4) ఆత్మవిశ్వాసం పెంచుకోవడం. తుల... ఆందోళన, మూత్రపిండాలకు సంబంధించిన వ్యాధులు, మధుమేహం, మూత్ర సమస్యలు, శోష, కీళ్ళవాతం, పైత్యం, శిరోవ్యాధులు, మలబద్ధకం, రక్తహీనత కలిగే అవకాశాలు ఎక్కువ. జాగ్రత్తలు: 1) బొబ్బర్లు ఆహారంలో ఎక్కువగా తీసుకోవాలి. 2) యోగా, వ్యాయామం తప్పనిసరి. 3) అందరూ మీరు చెప్పినట్టే వినాలి అనే ధోరణి వదిలేయండి. వృశ్చికం... తొడలకు సంబంధించిన వ్యాధులు, అంటువ్యాధులు, చర్మ, సుఖవ్యాధులు, భగందరం, హృద్రోగాలు, కఫం మొదలగు వ్యాధులు కలగవచ్చు. జాగ్రత్తలు: 1) కందిపప్పు, పసుపు ఆహారంలో వాడాలి. 2) ఈ రాశివారికి చల్లని వాతావరణం మంచిది. 3) ఇతరులను తప్పుపట్టడం మాని... ప్రేమానురాగాలను పెంపొందించుకుంటూ... తప్పుచేయనివారు లోకంలో ఉండరని గుర్తించి సర్దుకోవడం మంచిది. ధనుస్సు: ప్రమాదాలకు గురికావడం, తొడలు, పిరుదులు, నరములు వీటికి సంబంధించిన అనారోగ్యములు, గాయాలు, రక్తదోషము అనారోగ్యము, చర్మవ్యాధులు, స్థూల శరీరం వలన కలిగే ఇబ్బందులు, ఊపిరితిత్తుల సమస్యలు, మధుమేహం.. మొదలైనవి కలిగే అవకాశం వుంది. జాగ్రత్తలు: 1. వ్యాయామం, ప్రాణాయామం 2. తగిన మోతాదులో ఆహరం 3. మొలకలొచ్చిన శనిగలు, అపక్వాహారం 4. ఎక్కువ బాధ్యతలు తలపైనే వేసుకోకుండా మానసిక ప్రశాంతి కోసం రెండుసార్లు ధ్యానం చేయటం మంచిది. మకరం: అజీర్ణం, రక్తదోషాలు, కీళ్ళనొప్పులు, చర్మవ్యాధులు, జలుబు, ఉన్నదరోగాలు, వాతసంబంధ అనారోగ్యాలు, మలమూత్ర వ్యాధులు, చలి, చెవుడు, వెన్నెముక వ్యాధి, క్యాన్సెర్‌, పక్షవాతం మొదలైనవి వానికి అవకాశం ఉంది. జాగ్రత్తలు: 1. వంటికి నువ్వుల నూనె పట్టించుకోవటం 2. నువ్వుపొడి ఆహారంలో వాడకం 3. ప్రాణయామం, సూర్య నమస్కారాలు 4. అపక్వాహారం తీసుకోవటం. కుంభం: నంజువ్యాధి, కంటి జబ్బు, నరాల జబ్బు, రక్తప్రసారదోషాలు, గుండెజబ్బు, బెణుకు నొప్పులు, కాళ్ళు, చీల మండల వ్యాధులు, అంటువ్యాధులు, జలోదరం, మలేరియా, నిద్రలేమి, రక్తపోటు మొదలైన అనారోగ్యాలకు అవకాశం ఉంది. జాగ్రత్తలు: 1. మకరరాశి వలె వీరు కూడా నువ్వుల నూనె మసాజ్‌, ఆహారంలో నువ్వులపొడి వాడటం, సూర్య నమస్కారాలు చెయ్యటం చేయాలి. 2. ప్రతిపనిలోను చురుకుదనం అలవర్చుకోవడం ద్వారా శరీరానికి అవసరమైన శక్తిని సమకూర్చుకోగలరు. మీనం: భాహాద్రేకం, బలహీనత, కీళ్ళజబ్బులు, పాదములు, కాలివేళ్ళు నీరు పట్టడం, మద్యపానాదుల వల్ల వచ్చే అనారోగ్యం, కణతులు, మలకోశం, ఆమ్లకోశం మొదలైన వానికి సంబంధించిన అనారోగ్యాలు కలిగే అవకాశం ఉంది. జాగ్రత్తలు: 1. మొలకలు వచ్చిన శనిగలు, మితహారం 2. పసుపు ఆహారంలో తీకుకోవటం 3. కవితా రచన భావోద్రేకాలను అదుపు చేస్తుంది. #తెలుసుకుందాం #zodiac signs behaviour #zodiac signs