સુરત સમાચાર

#સુરત સમાચાર #સુરત #💥 સુરત અપડેટ્સ #અમે સુરતી #📰 5 ડિસેમ્બર ના સમાચાર ભાવનગર લઠ્ઠાકાંડ બાદ સુરત પોલીસની પ્રોહિબિશન ડ્રાઇવ વધુ તેજ કરવામાં આવી છે. આ દરમિયાન રાંદેર પોલીસે રામનગરની આનંદ-મંગલ સોસાયટીના એક મકાનમાં રેડ કરી વિદેશી દારૂ અને બિયરના 5,508 બોટલ-ટીન જપ્ત કર્યા છે. પોલીસના જણાવ્યા મુજબ મકાનમાંથી 5,148 નાની-મોટી દારૂની બોટલ અને 360 બિયર ટીન મળી આવ્યા હતા. જપ્ત કરાયેલા જથ્થાની કિંમત ₹13.62 લાખથી વધુ હોવાનું સામે આવ્યું છે. આ કેસમાં મનુ ઉર્ફે મોન્ટુ રાધેશ્યામ સહાનીની ધરપકડ કરવામાં આવી છે, જ્યારે મનુ ઉર્ફે પંજાબી સહાનીને વોન્ટેડ જાહેર કરાયો છે. દારૂ ઉપરાંત મોબાઈલ અને મોપેડ સહિત કુલ ₹14.27 લાખથી વધુનો મુદ્દામાલ કબજે કરાયો છે. મહત્વની વાત એ છે કે પોલીસની પ્રાથમિક તપાસમાં રાંદેરમાંથી ઝડપાયેલા આ જથ્થાનો ભાવનગર લઠ્ઠાકાંડ સાથે કોઈ સીધો સંબંધ સામે આવ્યો નથી. મનુ સહાની સામે અગાઉ પણ અમરોલી, રાંદેર અને પાલ પોલીસ સ્ટેશનમાં હત્યાના પ્રયાસ, રાયોટિંગ અને પ્રોહિબિશન સહિતના 4 ગુના નોંધાયેલા હોવાનું પોલીસે જણાવ્યું છે. હવે તપાસનો મુખ્ય ફોકસ એ છે કે આ દારૂનો જથ્થો ક્યાંથી લાવવામાં આવ્યો હતો અને કોને સપ્લાય કરવાનો હતો. બીજી તરફ પોલીસે વાણિયા મહોલ્લામાંથી હર્ષદ ઉર્ફે હસો રમણભાઈ પટેલને પણ ઝડપી પાડ્યો છે. તેની પાસેથી વિદેશી દારૂ, કાર અને બે મોબાઈલ સહિત ₹4,28,805નો મુદ્દામાલ જપ્ત કરાયો છે. Surat prohibition drive, Rander liquor raid, Royal Stag seizure Surat, 5508 liquor bottles seized, Surat police raid, foreign liquor Gujarat, Rander crime news, Gujarat prohibition case #SuratNews #Rander #ProhibitionDrive #SuratPolice #CrimeNews