🙏ଜୟ ଜଗନ୍ନାଥ ସ୍ବାମୀ

#🙏ଜୟ ଜଗନ୍ନାଥ ସ୍ବାମୀ🙏 #🙏ଜୟ ଜଗନ୍ନାଥ ସ୍ବାମୀ #ଜୟ ଜଗନ୍ନାଥ ସ୍ବାମୀ #🙏🌺ଜୟ ଜଗନ୍ନାଥ ସ୍ବାମୀ ନୟନ ପଥ ଗାମୀ 🌺🙏 #ଶ୍ରୀ ଜଗନ୍ନାଥ ମନ୍ଦିର ସୂଚନା* ଅଦ୍ୟ ତା୧୯.୭.୨୦୨୬ରିଖ,ରବିବାର ଆଷାଢ଼ ଶୁକ୍ଳ ପଞ୍ଚମୀ ତିଥିରେ ଶ୍ରୀବିଗ୍ରହମାନଙ୍କ *ବନକଲାଗି* ନୀତି ଶ୍ରୀଗୁଣ୍ଡିଚା ମନ୍ଦିର ଆଡ଼ପ ମଣ୍ଡପରେ ଅନୁଷ୍ଠିତ ହେବ। ଏଣୁ ଦ୍ୱିତୀୟ ଭୋଗମଣ୍ଡପ ଭୋଗ ଶେଷ ହେବାପରେ ଆପାତତଃ ରାତ୍ର ଘ.୯.୦୦ଟିକା ଠାରୁ ବିଳମ୍ବିତ ରାତ୍ର ଘ.୩.୦୦ ଟିକା ପର୍ଯ୍ୟନ୍ତ ସର୍ବସାଧାରଣ ଦର୍ଶନ ବନ୍ଦ ରହିବ। SJTA

#🙏🌺ଜୟ ଜଗନ୍ନାଥ ସ୍ବାମୀ ନୟନ ପଥ ଗାମୀ 🌺🙏 #🙏ଜୟ ଜଗନ୍ନାଥ ସ୍ବାମୀ🙏 #ଜୟ ଜଗନ୍ନାଥ ସ୍ବାମୀ #ଜୟ ଜଗନ୍ନାଥ ସ୍ବାମୀ #ଜୟ ଜଗନ୍ନାଥ ସ୍ବାମୀ ଜଣ🙏🙏 #ଜୟ ଜଗନ୍ନାଥ ସ୍ବାମୀ ଜଣ🙏🙏 #🙏ଜୟ ଜଗନ୍ନାଥ ସ୍ବାମୀ 🙏 *ଓଁ ଶ୍ରୀଜଗନ୍ନାଥ ସ୍ବାମୀ ନୟନ ପଥଗାମୀ ଭବତୁ ମେ* 🙏🌸🚩 🕸️🕸️🕸️🕸️🕸️🕸️🕸️🕸️🕸️🕸️🕸️🕸️ ✍️ କ୍ଷେତ୍ର ପରିକ୍ରମା ଅବସରରେ "*ଶ୍ରୀଜୀଉମାନଙ୍କ ଚଢ଼େଇ ଗୁହା ପର୍ବତରେ ରହଣି*"-:-:୧୫୧୦ ଖ୍ରୀଷ୍ଟାବ୍ଦରେ ସୂର୍ଯ୍ୟବଂଶୀ ମହାରାଜା ପ୍ରତାପରୁଦ୍ରଦେବଙ୍କ ରାଜତ୍ଵ କାଳରେ ଆଫଗାନ ଶାସକଙ୍କ ଶ୍ରୀମନ୍ଦିର ଉପରେ ଆକ୍ରମଣ ଫଳରେ ସ୍ବଳ୍ପଦିନ ପାଇଁ ଚିଲିକା ମଧ୍ୟସ୍ଥ ଚଢ଼େଇ ଗୁହା ପର୍ବତରେ ଅବସ୍ଥାନ କରିଥିଲେ। ଗବେଷକ ଡଃ ସତ୍ୟ ଷଡ଼ଙ୍ଗୀଙ୍କ ଉଲ୍ଲେଖ ପ୍ରକାରେ ପ୍ରତାପରୁଦ୍ରଦେବଙ୍କ ରାଜତ୍ଵର ଅ୧୭ଙ୍କ ଅର୍ଥାତ୍ ୧୫୧୦ ଖ୍ରୀଷ୍ଟାବ୍ଦରେ ବଙ୍ଗ ଦେଶରୁ (ମାଦଳା ପାଞ୍ଜିରେ ଉଲ୍ଲେଖ ଗୌଡଦେଶ) ଆଫଗାନ ଶାସକ ହୁସେନ ଶାହ ଓଡ଼ିଶା ଆକ୍ରମଣ କରି କଟକ ରାଜଧାନୀ ପର୍ଯ୍ୟନ୍ତ ମାଡ଼ି ଆସିଥିଲେ। ସେତେବେଳେ ପ୍ରତାପରୁଦ୍ର ଦେବ ବିଦ୍ରୋହ ଦମନ ନିମନ୍ତେ ଦାକ୍ଷିଣାତ୍ୟରେ ଅବସ୍ଥାନ କରୁଥିଲେ। ଦାୟିତ୍ଵରେ ଥିବା ଗୋବିନ୍ଦ ବିଦ୍ୟାଧର ଆଫଗାନ ବାହିନୀକୁ ପ୍ରତିରୋଧ ନକରି ସାରଙ୍ଗ ଗଡ଼ରେ ଆତ୍ମଗୋପନ କରିଥିଲେ। ତେଣୁ ସେବକମାନେ ଶ୍ରୀମନ୍ଦିର ଓ ଶ୍ରୀକ୍ଷେତ୍ର ଉପରେ ଆକ୍ରମଣ ଆଶଙ୍କା କରି ମହାପ୍ରଭୁଙ୍କୁ ଶ୍ରୀମନ୍ଦିର ରତ୍ନସିଂହାସନରୁ ସ୍ଥାନାନ୍ତରିତ କରି ଚିଲିକା ମଧ୍ୟସ୍ଥ ଚଢ଼େଇ ଗୁହା ପର୍ବତକୁ ନେଇ ଯାଇଥିଲେ। କ୍ରମଶଃ

#ଜୟ ଜଗନ୍ନାଥ ସ୍ବାମୀ #🙏ଜୟ ଜଗନ୍ନାଥ ସ୍ବାମୀ #ଜୟ ଜଗନ୍ନାଥ ସ୍ବାମୀ ଜଣ🙏🙏 #ଜୟ ଜଗନ୍ନାଥ ସ୍ବାମୀ ନୟନ ପଥ ଗାମୀ ଭାବତୁମେ #🕉️🌹ଜୟ ଜଗନ୍ନାଥ ସ୍ବାମୀ🌹 🕉️ ମହାପ୍ରଭୁଙ୍କର ରଥର ନାମ ତାଳଧ୍ଵଜ କାହିଁକି ଶ୍ରୀଜଗନ୍ନାଥଙ୍କ ରଥର ନାମ ଯେପରି ‘ନନ୍ଦିଘୋଷ’, ଶ୍ରୀବଳଭଦ୍ର ଙ୍କ ରଥର ନାମ ସେପରି ‘ତାଳଧ୍ୱଜ’ । ଏ ନାମ ପଛରେ ମଧ୍ୟ ଅନେକ ରହସ୍ୟ ରହିଛି ଶ୍ରୀବଳଭଦ୍ର ବଡ଼ଭାଇ । ବଡ଼ଠାକୁର । ତେଣୁ ତାଙ୍କ ରଥକୁ କେହି କେହି ‘ବଡ଼ବାଡ଼ ରଥ’ ବୋଲି ବି କହନ୍ତି । ତେବେ ତାଙ୍କ ରଥର ଆଉ ଗୋଟିଏ ନାମ ‘ଲାଙ୍ଗଳଧ୍ୱଜ’ । ତାଙ୍କର ଦୁଇ ଆୟୁଧ ହେଉଛି- ‘ହଳ’ ଓ ‘ମୂଷଳ’ । ଏଥିରୁ ହଳ ବା ‘ଲଙ୍ଗଳ’ ଅନୁସାରେ ତାଙ୍କ ରଥର ନାମ ‘ଲାଙ୍ଗଳଧ୍ୱଜ’ ହୋଇଛି । କିନ୍ତୁ ତାଙ୍କ ରଥର ନାମ କାହିଁକି ‘ତାଳଧ୍ୱଜ’ ତା ପଛରେ ଅନେକ ରହସ୍ୟ ରହିଛି । ଅତିବଡ଼ୀ ଜଗନ୍ନାଥ ଦାସଙ୍କ ଓଡ଼ିଆ ଭାଗବତରେ ‘ତାଳଧ୍ୱଜ’ର ଉଲ୍ଲେଖ ଅଛି । ଏହା ଅନୁସାରେ, ‘ତାଳଧ୍ୱଜ’ ଥିଲା ଶ୍ରୀକୃଷ୍ଣଙ୍କ ବଡ଼ଭାଇ ବଳରାମଙ୍କ ରଥ । ସେ ଦୃଷ୍ଟିରୁ ପୁରୀ ରଥଯାତ୍ରାରେ ବଳଭଦ୍ରଙ୍କ ରଥର ନାମ ‘ତାଳଧ୍ୱଜ’ ହୋଇଛି । ଭାଗବତକାର ଜଗନ୍ନାଥ ଦାସ ଲେଖିଛନ୍ତି- ଏବେ ହେ ଶୁଣ କୁରୁବୀର । ଦ୍ୱାରକାପୁରେ ହଳଧର ।। ସୁହୃଦ ଦରଶନ ସଧେ । ବିଜୟ ତାଳଧ୍ୱଜ ମଧ୍ୟେ ।। ତେବେ, ଏହାର ନାମ କାହିଁକି ତାଳଧ୍ୱଜ, ତା’ ପଛରେ ଗୋଟିଏ ଉପାଖ୍ୟାନ ଅଛି । ସେହି ଉପାଖ୍ୟାନ ଅନୁସାରେ, ବଳରାମଙ୍କର ପ୍ରିୟ ପାନୀୟ ହେଉଛି ‘କାଦମ୍ବରୀ’ । ଏହା ‘ତାଳ’ ଜାତୀୟ ଏକ ବୃକ୍ଷର ପୁଷ୍ପକେଶର ପାଖରୁ ଝରୁଥିବା ରସ । ଏହି କାଦମ୍ବରୀ ପାଇଁ ବଳରାମ ‘ତାଳକେତୁ’ ନାମକ ଏକ ରାକ୍ଷସକୁ ବଧ କରିଥିଲେ । ସେହି ରାକ୍ଷସ ତାହାର ଶେଷଇଚ୍ଛା ରୂପେ ତାଙ୍କ ରଥର ଧ୍ୱଜରେ ଅବସ୍ଥାନ କରିବାପାଇଁ ଅନୁରୋଧ କରିଥିଲା । ବଳରାମ ତାହାର ଇଚ୍ଛା ପୂରଣ କରିଥିଲେ । ତେଣୁ ତାଙ୍କ ରଥର ନାମ ‘ତାଳଧ୍ୱଜ’ ହେଲା । କିନ୍ତୁ ‘ସ୍କନ୍ଦପୁରାଣ’ରେ ଏ ସଂପର୍କରେ ଏକ ତାତ୍ତ୍ୱିକ ପ୍ରସଙ୍ଗ ଅଛି । ସେଥିରେ ‘ତାଳଧ୍ୱଜ’ର ‘ତାଳ’କୁ ‘ଆଦର୍ଶ’ ବା ଦର୍ପଣ ସହ ଯୋଡ଼ା ଯାଇଛି । ତାହା ଅନୁସାରେ- ବଳଭଦ୍ର ସୁନିର୍ମଳ ଜ୍ଞାନ ରୂପକ ଦର୍ପଣଦ୍ୱାରା ଏ ସଂସାରର ସମସ୍ତ ଜୀବ ଓ ଜଡ଼ଙ୍କୁ ଦର୍ଶନ କରନ୍ତି । ତାଙ୍କ କରତଳ ବା ହାତ ପାପୁଲିରେ ଏହି ନିର୍ମଳ ଦର୍ପଣ ରହିଥାଏ । ଏଥରୁ ତାଙ୍କ ରଥର ନାମ ‘ତାଳଧ୍ୱଜ’ । ତାଳଧ୍ବଜ ରଥ ଅନ୍ୟ ନାମ : ହଳଧ୍ୱଜ / ଲଙ୍ଗଳଧ୍ୱଜ ରଥ ପ୍ରଦାନ କର୍ତ୍ତା : ତାଳ ବନରେ ଦେବତା ଙ୍କ ଦ୍ଵାରା ପ୍ରଦତ୍ତ ରଥ ନିର୍ମାଣ : ମୟ ବ୍ୟବହୃତ କାଠ ସଂଖ୍ୟା : ୭୩୧ - ୬୩୧ ଉଚ୍ଚତା : ୩୯ ଫୁଟ ୪ଇଞ୍ଚ ( ୩୨ ହାତ ୧୦ ଆଙ୍ଗୁଳି ) ଚକ ସଂଖ୍ୟା : ୧୪ (୧୪ ଭୁବନ ଅନୁପାତ) ଚକ ଅର : ୧୪ ଚକ ବ୍ୟାସ : ୬.୫ ଫୁଟ ଆବରଣ : ନୀଳଲୋହିତ ଅଧୀଶ୍ଵର : ବଡ଼ଠାକୁର ବଳଭଦ୍ର , ରାମ ଓ କୃଷ୍ଣ ଭଦ୍ର ପୀଠ ର ଆକାର : ଅଷ୍ଟାଦଳ ପଦ୍ମକୃତି ଆୟୁଧ : ହଳ ଓ ମୁଷଳ ସାରଥୀ : ମାତଳୀ ରଥ ରକ୍ଷକ : ବାସୁଦେବ ଓ ଭାସ୍କର ରଥ ଦେବତା : ଶେଷ ଶାୟୀ ରଥ ଦେବୀ : କେତୁ ଭଦ୍ରା ରଥ ଶକ୍ତି : ଜୟ ଦୁର୍ଗା ଓ ଶୂଳୀ ଦୁର୍ଗା ରଥ ଭୈରବ : କ୍ଷେତ୍ରପାଳ ରଥ ଶିରରେ : ଅନନ୍ତ ନାଗ ରଥ ପାଳକ : ଆଦିଶେଷ ରଥ ଯକ୍ଷ : ପ୍ରଚଣ୍ଡ ଦଉଡ଼ି ନାମ : ବସୁକୀ ୪ ଅଶ୍ୱ : ଶଙ୍ଖ , ସୁଚିତ୍ର , ଅଙ୍ଗଦ , ମେଘନାଦ ଗନ୍ଧର୍ବ : ହୁ-ହୁ ନେତର ନାମ : ଉନ୍ମନି ଦ୍ୱାରପାଳ : ନନ୍ଦ ଓ ସୁନନ୍ଦ ରଥ ପ୍ରତିହାର : ସୁଶୀଳ ଓ ଅତିଶୀଳ ଋଷି ପଟାରେ ଋଷି : ଅଙ୍ଗିରା , ପୌଲସ୍ତ୍ୟ , ପୁଲହ , ଅଗସ୍ତି , ଆତ୍ରେୟ , କାଶ୍ୟପ , ମୁଦ୍ଗଲ ଦଧିନଉତି : ଭୁବନ କୋଷ ରଥର କୁମ୍ଭ : ଭୁବନ , ପୃଥିବୀ , ବିଶ୍ୱ , ଚକ୍ରାୟୁଧ ହ୍ରୁଁ ବୀଜ ମୂର୍ଦ୍ଧାରେ : କେତୁ ଭଦ୍ରା ଚର ଦେବତା : ବ୍ରହ୍ମା ଓ ଶିବ ଚାରଣ : ମହା ସିଦ୍ଧ ଓ ଉଲେମୀ ଗର୍ଭଧୀଶ୍ଵର ଅଷ୍ଟ ଶକ୍ତି: ତୁଙ୍ଗୀ , ତୁଙ୍ଗ ଭଦ୍ରା , ପ୍ରଭା , ସୁପ୍ରଭା , ଧାତ୍ରୀ , ବିଧାତ୍ରୀ , ନନ୍ଦା , ସୁନନ୍ଦା ଧ୍ବଜାରେ ବିରାଜିତ ସଂକେତ : ଅଷ୍ଟଦଳ ପଦ୍ମ , ତାଳ / ଦର୍ପଣ ରଥ ର ଶୂନ୍ୟ ଚକ୍ର ନାମ : କାଳ ସଂହାର / ପିନାକ ଦଧିନଉତି ଉପ ରିସ୍ଥ କଳସତ୍ରୟ : ଚନ୍ଦ୍ର , ସୂର୍ଯ୍ୟ , ବିଦ୍ୟୁତ ରଥ ରତ୍ନ : ମାର୍କତ ବ୍ରହ୍ମ ସଦନର ଉଭୟ ପାର୍ଶ୍ୱସ୍ଥ ଉପାସକ : ଶିବ ଓ ନାରଦ ଓଲଟ ଶୁଆ : ଶ୍ରଦ୍ଧା ଓ ବିଶ୍ୱାସ ରଥ ପୀଠ : ମେରୁ କୈଳାଶ ପୀଠର କ୍ଷେତ୍ର ଫଳ : ୩୪ ବର୍ଗ ଫୁଟ ଚନ୍ଦ୍ର ତାପ : କନକ ମେଖଳା ରଥାଧିପ : ବୃହତ ନାସ ରଥା ସୀନ ଅପସରା : ସମ୍ମୁଖ - ଜୟା ଓ ବିଜୟା ପୃଷ୍ଠ ଭାଗ - ଚଣ୍ଡା ଓ ଚଣ୍ଡ ରୂପା ବାମ ଭାଗ - ନନ୍ଦା ଓ ଅନନ୍ଦା ଦକ୍ଷିଣ ଭାଗ - ସନନ୍ଦା ଓ ତିଲୋତ୍ତମା ସମ୍ମୁଖ ଦ୍ୱାରର ଚିତ୍ର : ପଞ୍ଚ ପତ୍ର ବିଶିଷ୍ଟ ତାଳ ପତ୍ର ପାର୍ଶ୍ୱ ଦେବା/ଦେବୀଗଣ : କାର୍ତ୍ତୀକେୟ, ସର୍ବମଙ୍ଗଳା, ମୃତ୍ୟୁଞ୍ଜୟ, ପ୍ରଳମ୍ବରୀ, ହଳଯୁଦ୍ଧା, ନଟମ୍ବର, ମୁକ୍ତେଶ୍ୱର ଓ ଶେଷଦେବ ଇତ୍ୟାଦି ଶିଳ୍ପଶାସ୍ତ୍ର ଅନୁଯାୟୀ ଗଠିତ ଏହି ରଥ ଦର୍ଶନ ରେ ସର୍ବ ବିଘ୍ନ ବିନାଶ ହୋଇଥାଏ l

#🙏ତିନି ଦିଅଁଙ୍କ ବିଭିନ୍ନ ବେଶ👑 #ଜୟ ଜଗନ୍ନାଥ #🙏ଜୟ ଜଗନ୍ନାଥ ସ୍ବାମୀ #💐ଶୁଭେଚ୍ଛା #🌷ଶୁଭ ଗୁରୁବାର ସୁଚିନ୍ତା ☺

#ଶୁଭ ସନ୍ଧ୍ଯା 🙏☕ #🪔ଶୁଭ ସନ୍ଧ୍ୟା 🌄 #🌸ପବିତ୍ର ଅଣସର ତ୍ରୟୋଦଶୀ🙏🪔 #🙏ଜୟ ଜଗନ୍ନାଥ ସ୍ବାମୀ #ଜୟ ଜଗନ୍ନାଥ -: ll *ରାଜପ୍ରସାଦ ବିଜେ ନୀତି* ll :- ଶାସ୍ତ୍ରରେ କୁହାଯାଇଛି, ସବୁ କ୍ଷେତ୍ର ମଧ୍ୟରେ ରାଜା ହେଉଛି ‘ପୁରୁଷୋତ୍ତମ’ କ୍ଷେତ୍ର ବା ପୁରୀ। ପୁଣି କୁହାଯାଇଛି, ସବୁ ଦେବତାଙ୍କ ମଧ୍ୟରେ ରାଜା ହେଉଛନ୍ତି ‘ପୁରୁଷୋତ୍ତମ’ ବା ଶ୍ରୀଜଗନ୍ନାଥ। ଏହା ଅଣସର ସମୟର ଏକ ନୀତିରୁ ମଧ୍ୟ ସ୍ପଷ୍ଟ ଭାବେ ପ୍ରତିପାଦିତ ହୁଏ। ଅଣସର ଘରେ ଜରରେ ପଡ଼ିଥିବା ଠାକୁରମାନଙ୍କୁ କେବଳ ଯେ ପଣାଭୋଗ କରାଯାଇଥାଏ, ତାହା ନୁହେଁ। ସେହି ତରଳ ଭୋଗ ସହିତ ଲିଆ, ଗୁଡ଼ଖଈ ଏବଂ ପଣସ, ଆମ୍ବ ଆଦି ଶୀତଳ ଭୋଗ ମଧ୍ୟ କରାଯାଇଥାଏ। ଏହି ଭୋଗ ପିଢ଼ା ଆଦି ପଡ଼ି ଓ ଘଣ୍ଟି ଆଦି ବାଜି ହୁଏନାହିଁ। ଏହା ସର୍ପା ମଣୋହି ବିଧିରେ କେବଳ ଦୁଇ ହାତରେ ଟେକିଧରି ସମର୍ପଣ କରାଯାଇଥାଏ। ଅଣସର ଏକାଦଶୀ ଦିନ ଦଶମୂଳ ମୋଦକ ଲାଗି ପରେ ଠାକୁରମାନେ ସୁସ୍ଥ ହୋଇ ଉଠିଛନ୍ତି । କାଲି ସେମାନଙ୍କୁ ଚନ୍ଦନଲାଗି ମଧ୍ୟ କରାଯାଇଛି। ସେହି ଘୋରା ଚନ୍ଦନରେ କର୍ପୂର, କେଶର ଆଦି ମିଶିଥାଏ। ରାଘବ ଦାସ ମଠ ଦେଇଥିବା ୨୨ ହାଣ୍ଡି ଖଇ ଓ କୋରା ଏବଂ କଦଳୀ, ପଣସ, ଆମ୍ବ ଆଦି ଫଳ ଭୋଗ ହୁଏ। ପାଳିଆ ଖୁଣ୍ଟିଆ ସେବକ ମଣିମା ଡାକ ଦେଇଥାଆନ୍ତି ଏବଂ ହଡ଼ପ ନାୟକ ସେବକ ବିଡ଼ିଆ (ପାନ) ମଣୋହି ଯୋଗାଇଥାଆନ୍ତି। ପୂର୍ବରୁ କେବଳ ସୁବାସିତ ଶୁକ୍ଳ ପୁଷ୍ପ ଲାଗି ହେଉଥିବା ବେଳେ, ଏକାଦଶୀ ଠାରୁ ଶ୍ରୀବିଗ୍ରହମାନେ ବିଭିନ୍ନ ରଙ୍ଗର ସୁବାସିତ ଫୁଲ ଓ ତୁଳସୀ ଆଦି ଲାଗି ହୋଇଛନ୍ତି। ଆଜି ଆଷାଢ କୃଷ୍ଣପକ୍ଷ ଦ୍ୱାଦଶୀ ତିଥି ଏହି ତିଥିରେ ଅଣସର ଦ୍ୱାଦଶୀ ନୀତି ପାଳିତ ହୋଇଥାଏ । ଏହି ନୀତି ବିଶେଷ ମହତ୍ତ୍ବପୂର୍ଣ୍ଣ କାରଣ, ଏହିଦିନ ରାଜପ୍ରାସାଦକୁ ରାଜପ୍ରସାଦ ବିଜେ କରାଯାଏ। ରାଜପ୍ରାସାଦ ହେଉଛି ଶ୍ରୀମନ୍ଦିର ସିଂହଦ୍ୱାରର ଅନତିଦୂରରେ, ବଡ଼ଦାଣ୍ଡର ରଥଖଳାଠାରେ ଥିବା ଶ୍ରୀନଅର। ଏହା ଗଜପତି ରାଜାଙ୍କ ନିବାସ। ରାଜପ୍ରସାଦ ହେଉଛି ରାଜ୍ୟର ରାଜା ରୂପେ ସ୍ୱୀକୃତ ଶ୍ରୀଜଗନ୍ନାଥଙ୍କର ପ୍ରସାଦ। ଏ ପ୍ରସଙ୍ଗରେ ସୂଚନାଯୋଗ୍ୟ ଯେ ପରମ୍ପରାକ୍ରମେ ଗଜପତି ରାଜାମାନେ ଶ୍ରୀଜଗନ୍ନାଥଙ୍କୁ ହିଁ ରାଜ୍ୟର ରାଜା ରୂପେ ସ୍ୱୀକାର କରି, ନିଜେ ରାଉତ ବା ସେବକରୂପେ ତାଙ୍କର ସେବା କରି ଆସିଛନ୍ତି। ଶ୍ରୀଜଗନ୍ନାଥ ସ୍ୱୀକୃତ ହୋଇଛନ୍ତି ରାଷ୍ଟ୍ରଦେବତା ରୂପେ। ଏଣୁ ଅଣସର ଦ୍ୱାଦଶୀ ଦିନ ରାଜାଙ୍କ ପ୍ରାସାଦକୁ ରାଜପ୍ରସାଦ ବିଜେ ହୋଇଥାଏ। ଏହି ରାଜପ୍ରସାଦ କ’ଣ, ତାହା ବିଶେଷ ମହତ୍ତ୍ବପୂର୍ଣ୍ଣ। ତାହା ପ୍ରଭୁଙ୍କୁ ଭୋଗ ବା ନୈବେଦ୍ୟ ହୋଇଥିବା କୌଣସି ପ୍ରକାରର ପ୍ରସାଦ ନୁହେଁ। ତାହା ହେଉଛି ପ୍ରଭୁଙ୍କ ଶ୍ରୀଅଙ୍ଗର ଛଡ଼ା ସାମଗ୍ରୀ। ଅଣସର ଘରେ ନୂତନ ଭାବରେ ଶ୍ରୀବିଗ୍ରହମାନଙ୍କର ଅଙ୍ଗଗଠନ ପୂର୍ବରୁ, ତାଙ୍କ ଶ୍ରୀଅଙ୍ଗରୁ ଯେଉଁସବୁ ଚନ୍ଦନ, କରାଳ, ପାଟଡୋର ଇତ୍ୟାଦିକୁ ବାହାର କରି ଦିଆଯାଇଥାଏ, ସେହିଥିରୁ କିଛିକୁ ରୁପାଥାଳିରେ ପଟୁଆର ସହ ଶ୍ରୀନଅରକୁ ନିଆଯାଏ। ଘଣ୍ଟ, ଛତା ଓ କାହାଳୀ ଆଦି ସହିତ ସେହି ପଟୁଆର ଯାଏ। ତାହାଦ୍ୱାରା ରାଜାଙ୍କୁ ସୂଚିତ କରାଯାଏ ଯେ ପ୍ରଭୁ ସୁସ୍ଥ ହେଲେଣି। ଆଜି ସକାଳ ସୁଦ୍ଧା ଭୋଗମଣ୍ଡପ ନୀତି ସରିବା ପରେ , ଭଣ୍ଡାରଘରୁ ରୂପା ଥାଳି ନେଇ ଦକ୍ଷିଣ ଦ୍ୱାର ଲଣ୍ତାବର୍ତ୍ତ ଉପରେ ଆସ୍ଥାନ ପ୍ରତିହାରୀ ପକାଇଥିବା ପାହାଡା ଉପରେ ରଖାଯାଇଥାଏ । ଚାଙ୍ଗଡା ମେକାପ ଯୋଗାଇଥିବା ପାଟକନା ସେହି ରୂପା ଥାଳି ମାନଙ୍କଉପରେ ପକାଇ ଦିଆଯାଏ।ଦଇତାପତି ସେବକ ମାନେ ଅଣସର ପିଣ୍ଡିରୁ ଶ୍ରୀ ଅଙ୍ଗଚନ୍ଦନ , କରାଳ ଓ ପାଟଡୋରି ଉକ୍ତ ଥାଳିରେ ରଖି ଘଣ୍ଟ , ଛତ୍ର , କାହାଳୀ ସହ ତଳିଛ ମହାପାତ୍ର ଓ ପ୍ରଧାନୀ ସେବକ ହାତ ପଇଠ ହୋଇ ଆଗେ ଆଗେ ପଟୁଆରରେ ଶ୍ରୀନଅର ଅଭିମୁଖେ ଯାଇଥାନ୍ତି । ଶ୍ରୀନଅରରେ ଉପସ୍ଥିତ ହେବା ପରେ ସେଠାରେ ରାଜାଙ୍କ ଛୁଆଁ ଶାଢ଼ୀମାନ ଦଇତା , ପତିମହାପାତ୍ର , ତଢାଉ , ଦେଉଳ କରଣ ଓ ତଳିଛ ମହାପାତ୍ର ପ୍ରଦାନ କରନ୍ତି । ସେଠାରେ ଗଜପତି ମହାରାଜ ପ୍ରସାଦ ସେବନ ପରେ ଦଇତାପତି ସେବକମାନେ ମହାପ୍ରଭୁଙ୍କ ସୁସ୍ଥତା ସଂପର୍କରେ ଗଜପତିଙ୍କୁ ଅବଗତ କରିବା ସହ ରଥଯାତ୍ରା ଓ ଗୁପ୍ତନୀତି ସଂପର୍କରେ ସୂଚନା ଦେବେ । ଏ ପ୍ରସଙ୍ଗରେ ଉଲ୍ଲେଖନୀୟ ଯେ ଅଣସର ନୀତି ଶେଷ ନହେବା ପର୍ଯ୍ୟନ୍ତ ଠାକୁରମାନଙ୍କୁ ଲାଗି ହେଉଥିବା ଫୁଲ, ଚନ୍ଦନ ଆଦିକୁ ଅଣସର ଘରୁ ବାହାରକୁ ନିଆ ନ ଯିବାର ବିଧାନ ରହିଛି। ନୀଳାଦ୍ରି ମହୋଦୟରେ ଏ ନେଇ ନିଷେଧ ଅଛି। ତେବେ କେବଳ ଅଣସରରେ ଲାଗି ହେଉଥିବା ଫୁଲ, ଚନ୍ଦନ ଆଦି ନୁହେଁ, ଅଣସରବେଳେ ଠାକୁରମାନଙ୍କୁ ଭୋଗ ହେଉଥିବା ଆମ୍ବ, ପଣସ ଆଦି ଫଳର ଚୋପା ଓ ମଞ୍ଜି ଇତ୍ୟାଦିକୁ ମଧ୍ୟ ଅଣସର ଶେଷ ନହେବା ପର୍ଯ୍ୟନ୍ତ ବାହାରକୁ ନିଆଯାଏ ନାହିଁ। ଅଣସର ଘରର ଗୁପ୍ତନୀତିରେ ବହୁ ସଂଖ୍ୟକ ଦଇତା ସେବକଙ୍କ ସହ ପତି ସେବକ ଭାଗ ନେଇଥାନ୍ତି। ସେମାନେ ସେଠାରେ ମୁଖ୍ୟତଃ ସେହି ଫଳ ଓ ଛେନା ଭୋଗ ଆଦି ଖାଇ ଥାଆନ୍ତି। କିନ୍ତୁ ସେହି ବିପୁଳ ପରିମାଣର ଚୋପା ଓ ମଞ୍ଜି ଆଦି ବର୍ଜ୍ୟ ସାମଗ୍ରୀ ସେହିପରି ଅଣସର ଘରେ ଜମା ହୋଇ ରହିଥାଏ। ତାହାକୁ ଜୁଣ କୁହାଯାଏ। ଦୀର୍ଘ ୧୫ଦିନ ସେହିପରି ରହିବାପରେ, ନବଯୌବନ ଦର୍ଶନ ଦିନ, ଅର୍ଥାତ୍ ଶୁକ୍ଳ ପ୍ରତିପଦାର ପ୍ରାତଃ କାଳରେ ହିଁ ସେସବୁକୁ ମନ୍ଦିର ମଧ୍ୟରୁ ବାହାର କରାଯାଏ। କିନ୍ତୁ ବିସ୍ମୟକର ବିଷୟ ଏହି ଯେ ଦୀର୍ଘ ପନ୍ଦରଦିନ ଧରି ମନ୍ଦିର ଭିତରେ ଗଦାହୋଇ ରହିଥିଲେ ମଧ୍ୟ ସେଥିରୁ ଦୁର୍ଗନ୍ଧ ହୋଇ ନ ଥାଏ।🙏❤️

#🌸ପବିତ୍ର ଅଣସର ତ୍ରୟୋଦଶୀ🙏🪔 #🪔ଶୁଭ ସନ୍ଧ୍ୟା 🌄 #ଜୟ ଜଗନ୍ନାଥ #🙏ଜୟ ଜଗନ୍ନାଥ ସ୍ବାମୀ #ଶୁଭ ସନ୍ଧ୍ଯା 🙏☕

#🌸ପବିତ୍ର ଅଣସର ତ୍ରୟୋଦଶୀ🙏🪔 #🪔ଶୁଭ ସନ୍ଧ୍ୟା 🌄 #ଶୁଭ ସନ୍ଧ୍ଯା 🙏☕ #🙏ଜୟ ଜଗନ୍ନାଥ ସ୍ବାମୀ #ଜୟ ଜଗନ୍ନାଥ