#శ్రావణమాసంలో ముఖ్యమైన పండుగలు #శ్రీహరిహరుల శుభ అధ్యాత్మిక పవిత్ర మాసం "శ్రావణ మాసం" ప్రారంభం #శ్రావణమాసం విశిష్టత #మన పండుగలు #మన పండుగలు. ( festivals )
*శుభ శ్రావణం*
హిందువులకు పరమ పవిత్రమాసంగా భావించబడే మాసం శ్రావణం. "వాగర్ధా వివ సంపృక్తి వాగర్ధ ప్రతిప త్తయే, జగతః పితరం వందే పార్వతీపరమేశ్వరం "అని మహాకవి కాళిదాసు వాగర్ధముల జ్ఞానానికై పార్వతీ పర మేశ్వరులను ప్రార్థించాడు. వాగర్థములవలె కూడియున్న పార్వతీ పరమేశ్వరులు జగజ్జననీ జనకులు. "ఈశానాం సర్వ విజ్ఞానం". ఎల్లవిద్యలకు ఈశ్వరుడు పార్వతీ పతియే. అందుకే వేదం 'ప్రథమో దైవ్యో భిషక్' అని స్తుతిస్తున్నది. "అంత్యజోవిధిమోనిపివా, మూర్థోవా, పండితోవా, పంచాక్షరీం జపేన్నిష్టో ముచ్యతే పాప పంజ రాత్" అని శివపురాణం తెలుపుతున్నది. పూజాసంస్కా రాదులు తెలియని వారునూ, వేదం తెలియని వారై ననూ, మూర్ఖులూ, పండితులూ ఎవరైననూ, "ఓం నమఃశివాయ" అని పంచాక్షరీ జపం పఠిస్తే, సర్వపా పాలూ, కష్టాలూ, దు:ఖాలూ పటాపంచలవుతాయని శివపురాణం స్పష్టం చేస్తున్నది. "నభోమా సేతుయో మర్త్య: లింగం శైవం సమర్చయేత్, పశ్యేద్యా పూజితం దేవం, సాయుజ్యం సోనిధి గచ్ఛతి". లోకేశ్వ రుడు, అభయంకరుడైన శంకరుని శ్రావణమాసం అందునా ప్రత్యేకించి, సోమవారం మహన్యాస పూర్వక రుద్రాభిషేకంతో పూజిస్తే శివసాయుజ్యం పొందగలని పురాణాలు విశదీకరిస్తున్నాయి. 'న్యాసము' అనగా 'ఐక్యము' చేసుకోవడం. పూజకు పూర్వం రుద్రుడిని, లింగంలో నిలుపుకుని, తాను రుద్రుడై, ఆ రుద్రుడిని అభిషేకించాలి. అందులకై మహన్యాస పూర్వక రుద్రాభిషేకంతో, కనీసం శ్రావణ సోమవారమైనా శివున్ని పూజించి, నిరాహారం, ఉపవాసం లేక ఏకభుక్తం చేయాలి. "సోమవారం వ్రతం కార్యం, శ్రావణీవై యధావిధి, శక్తేన్ పోషణం కార్యం, అధవా నిశిభోజనం". "సోమవారే చతుర్దశ్యాం, కృష్ణపక్షే విశేషితః, శ్రావణే పూజయేర్లింగం, శ్రేయోర్ధ రాఘవార్చితం". ద్వాదశ మాసాల్లో శ్రావణం అత్యంత శ్రేష్టమైన పవిత్రమాసం, వేసవి తాపం తోనున్న జీవకోటికి వర్షాలతో సేదతీరి ప్రాణం లేచి వస్తుంది. పొడి పంటలు, కూరగాయలు సమృ ద్ధియై పుష్పాలు, వృక్షాలు పచ్చదనంతో కళకళలాడుతూ, వింతశోభలు కూర్చుకుంటాయి ఈకా లంలో, పూజాక్రతువులకు, దానధర్మాలకు, దాతలకు, భోక్తలకు అనువైన మాసమిది. సృష్టి, స్థితి, లయ కారులైన జగజ్జననీ జనకులు పార్వతీ పరమేశ్వరులు ఈపరమపవిత్ర మాసంలోనే సృష్టికార్యాన్ని ప్రారంభించారని పెద్దల ఉవాచ. మానవ దంపతులుకూడా శ్రావణ మాసాన్ని శుభదినాలుగా ఎంచు కుంటారు. అంతేగాక శ్రావణ మాసంలో హిందూ పండగలు అధికంగా ఉంటాయి. శ్రావణ సోమ వారం శివారాధన, శ్రావణ మంగళవారం గౌరీ పూజ, శుక్రవారం- వరలక్ష్మీవ్రతం, శనివారం-విష్ణుపూజ, నాగుల చవితి, నాగపంచమి, శ్రీకృష్ణ జన్మాష్టమి, ఉపాకర్మ (యజ్ఞోపవీత ధారణం), రాఖీ పండగ, పొలాల అమావాస్య, మొదలగు పండగలు ఉండే శ్రావణమాసం లక్ష్మీపార్వతులకేగాక, హిందు వులకు అత్యంత ఇష్టదాయకం. జలప్రియుడైన గంగాధరునికి దోసెడు నీటితో అభిషేకించి, పిడికెడు భస్మం పూసి, ఒకే ఒక్కమారేడు పత్రం సమర్పించి, కైమోడ్పులిడితే సంతుష్టుడై సర్వ భోగాలను సమకూ ర్చగలడని ప్రతీతి.
*🚩 ┈┉┅━❀~ ॐ డైలీ విష్ ॐ ~❀━┅┉┈ 🚩*
