🚩 काही घटना, माणस आपलं आयुष्य बदलवून टाकतात😍 शाळेला असताना मराठीचा एक धडा होता एतद्देशीयांचे राज्य व्हावे 'तो खरतर कुरुंदकरांनी लिहिलेल्या 'छत्रपती शिवाजी महाराज जीवन रहस्य' या छोट्या पुस्तिकेमधील उतारा. तो वाचताना एक वेगळा पैलू समजला आणि मग वाचताना कुठल्याही घटना गोष्टीचे वेगवेगळे पैलू समजून घेऊन विश्लेषण करण्याचा नाद लागला. जेव्हा स्वार्थासाठी लोकांनी छत्रपती शिवाजी हे नाव चलनी नाणं म्हणून वापरणं सुरु केलंय त्या काळात लिहिणं अजून जास्त गरजेचं आहे. अस म्हणतात चांगला सेनापती चांगला राजा असेलच अस नाही. चांगला राजा चांगला सेनापती असेलच अस नाही. युद्ध जिंकण, लढाया जिंकण ह्यापलीकड जिंकलेल्या राज्यातल्या माणसांची मन जिंकण अतिशय अवघड असतय. आधी आणि नंतरही कदाचित युद्धशास्त्र , लढाईचा आवाका ह्या निकषावर त्यांच्यापेक्षा जास्त शूर,पराक्रमी राजे होऊन गेलेले असतील मात्र युद्ध जिंकण्यापलीकडे काय करायला हव ह्याच अचूक भान असलेला राजा म्हणजे छत्रपती शिवाजी महाराज. स्वप्न सगळेच पाहतात, काही लहान काही मोठे काही आवाक्यातले काही आवाक्याबाहेरचे. मात्र शहाजीराजांनी बघितलेलं स्वप्न अशक्यप्राय आणि प्रचंड मोठा आवाका असलेल होत. आपल्या भूमीवर आपलच राज्य असाव स्वराज्य असाव हे स्वप्न. त्यासाठी त्यांनी मांडलेला राजकारणाचा पट आणि खेळ प्रचंड मोठा होता. महाराष्ट्रात जिजाऊनी शिवाजीराजांना घेऊन स्वराज्याचा पाया घालायचा तयाला पाठबळ देण्याच काम शहाजीराजे दक्षिणेत राहून करणार. शिवाजीराजांना दीर्घायुष्य लाभल असत तर कदाचित तरुण संभाजीराजांच्या मदतीने भारताच्या राजकारणाचा इतिहास बदलला असता. पण इतिहासात जर तरला स्थान नसतय. राजांच्या आयुष्यातल्या डोळे दिपवून टाकणाऱ्या घटना, अफजलखान वध, पन्हाळा सुटका , शाहिस्तेखान अथवा आग्र्याहून सुटका हे प्रसंग बाजूला ठेवून राजे बघितले तर मग त्यांच व्यक्तिमत्व अजून उत्तुंग आणि भव्य दिसत. छोटे छोटे तपशील घेऊन अभ्यासले तरीही ज्या प्रदेशावर आपण राज्य करतोय त्या प्रजेला राज्य आणि राजा आपला वाटला पाहिजे ह्या भावनेतून त्यांनी सगळे निर्णय घेतले. जुलमाचा रामराम घालून, पैशासाठी लढणारी फौज सगळ्याच राजांकडे होती मात्र हे राज्य आपल आहे ह्या भावनेतून राजासाठी आणि राज्यासाठी हसत मृत्यूला कवटाळणारे जिगरबाज वीर निर्माण करण आणि ती प्रेरणा माणसांच्या मनात निर्माण करण हे खर राजेपण. शिवछत्रपतीना आणि त्यांना घडवणाऱ्या राजमातेला मानाचा त्रिवार मुजरा 🚩 #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त