#🍲 ഭക്ഷണപ്രേമി _*🌶️ ഇന്നത്തെ പാചകം 🍳*_ _*തിരുവാതിരപ്പുഴുക്ക്*_ +------+-------+-------+-------+ ```ഇന്ന് ധനുമാസത്തിലെ തിരുവാതിര... ധനുമാസത്തിൽ തിരുവാതിര നാളിൽ സ്ത്രീകൾ അനുഷ്ഠിക്കുന്ന വ്രതത്തിന്റെ ഭാഗമായുള്ള ഭക്ഷണമാണ് തിരുവാതിരപ്പുഴുക്ക് . ചില നാടുകളിൽ ഇതിന് എട്ടങ്ങാടി പുഴുക്ക് എന്നും പറയും. കേരളത്തിലെ പ്രധാനപ്പെട്ട ആഘോഷങ്ങളിലൊന്നാണ് തിരുവാതിര. ധനുമാസത്തിലെ തിരുവാതിര നക്ഷത്രത്തിലാണ് ഈ ആഘോഷം. വിശ്വാസമനുസരിച്ച് ഈ നക്ഷത്രം പരമശിവന്റെ പിറന്നാളായതുകൊണ്ടാണ് അന്ന് തിരുവാതിര ആഘോഷം നടത്തുന്നത്. മംഗല്യവതികളായ സ്ത്രീകൾ നെടുമാംഗല്യത്തിനു വേണ്ടിയും കന്യകമാർ വിവാഹം വേഗം നടക്കാൻ വേണ്ടിയും തിരുവാതിര വ്രതംഎടുക്കുന്നു.``` ________________________ *ആവശ്യമുള്ള സാധനങ്ങൾ* _________________________ _കപ്പ - 1( ചെറുത് )_ _കാച്ചിൽ - 150 ഗ്രാം_ _ചേന - 150 ഗ്രാം_ _ചേമ്പ് - 150 ഗ്രാം_ _മധുരക്കിഴങ്ങു - 2 എണ്ണം_ _കൂർക്ക - 10 എണ്ണം_ _മത്തങ്ങാ - 100 ഗ്രാം_ _ഏത്തക്ക - 1 എണ്ണം_ _വൻപയർ - 1/2 കപ്പ്‌_ _________________________ *അരപ്പിന്* ________________________ _തേങ്ങാ ചിരകിയത് 3/4 കപ്പ്‌_ _ജീരകം - 3/4 ടീസ്പൂൺ_ _പച്ചമുളക് - എരിവിന് അനുസരിച്ചു_ _കറി വേപ്പില_ _മഞ്ഞൾ പൊടി - 1/2 ടീസ്പൂൺ_ _ഉപ്പ്_ ________________________ *പാചകരീതി* _________________________ _കപ്പ ചെറുതായി മുറിച്ചു വേറെ വേവിച്ചെടുക്കാം._ _വൻപയർ കുതിർത്തു വേറെ വേവിച്ചു വെക്കുന്നുണ്ട്._ _ബാക്കിയുള്ള എല്ലാ കൂട്ടുകളും തൊലി കളഞ്ഞു കഴുകി വൃത്തിയാക്കി മുറിച്ചെടുക്കാം. ശേഷം ഇവയെല്ലാം കൂടി ഒരു കുക്കറിൽ ഉപ്പ്, കുറച്ചു മഞ്ഞൾ പൊടി, മുളകുപൊടി, ആവശ്യത്തിന് വെള്ളം ഒഴിച്ച് വേവിച്ചെടുക്കാം. ഇതിലേക്ക് കപ്പയും, വേവിച്ച വൻപയറും അരച്ച കൂട്ടും ചേർത്ത് അരപ്പ് വേകുന്നത് വരെ അടച്ചു വക്കണം. പുഴുക്ക് നന്നായി കുഴഞ്ഞു ലൂസായി ഇരിക്കണം എന്നുള്ളവർക്ക് കുറച്ച് വെള്ളം കൂടി ഒഴിച്ചു കൊടുക്കാം._ _ശേഷം നന്നായി ഇളക്കി എടുക്കാം. എല്ലാവരും ചെയ്തു നോക്കുക തീർച്ചയായും ഇഷ്ടപ്പെടും._ +--------+-------+-----–+-----+