മനസ്സറിയാതെ ഭാഗം 7 🌹🌹🌹🌹🌹🌹🌹🌹 രാവിലെ രാജീവ് എഴുന്നേറ്റപ്പോൾ പതിവ് പോലെ തനിക്കുള്ള ചായ മേശയിൽ കണ്ടില്ല... അവൻ എഴുന്നേറ്റ് അടുക്കളയിലേക്ക് ചെന്നു.. രാജീവിനെ കണ്ടിട്ടും അവനെ കാണാത്തത് പോലെ രമണി ജോലിയിൽ മുഴുകി.. "അമ്മേ ചായ.."... അവൻ രമണിയോട് പറഞ്ഞു... രമണി അവനെ ഒന്നു നോക്കിയിട്ട് വീണ്ടും ജോലിയിൽ മുഴുകി.. "അമ്മേ അമ്മയോട് ആണ് പറഞ്ഞത്... അമ്മയ്ക്ക് എന്താ ചെവി കേൾക്കില്ലേ..."... രാജീവ് ദേഷ്യത്തോടെ പറഞ്ഞു.. "എന്റെ ചെവിക്ക് ഇത്തിരി കേൾവിക്കുറവ് ഉണ്ട്... അതു കൊണ്ട് നീ പറഞ്ഞത് കേട്ടില്ല.... ഒ... നീ വാങ്ങുന്ന സാധങ്ങൾ ആയതു കൊണ്ടായിരിക്കും എല്ലാം എറിഞ്ഞു പൊട്ടിക്കുന്നത്.. ഞങ്ങളൊക്കെ നിനക്ക് ശല്യങ്ങൾ അല്ലേ..."... "അമ്മ എന്തൊക്കെ ആണ് പറയുന്നത്..."... "സത്യമായ കാര്യങ്ങൾ ആണ് പറയുന്നത്.. ഇന്നലെ രാത്രി നീ അല്ലേ പറഞ്ഞത് ഞങ്ങൾ ഒന്നു പോയി തരാമോ എന്ന്.. അദ്ദേഹം പോയപ്പോൾ കൂടെ പോയാൽ മതിയായിരുന്നു... എങ്കിൽ എനിക്ക് ഇങ്ങനോനും കേൾക്കേണ്ടി വരില്ലായിരുന്നു..." നേര്യതിന്റെ തുമ്പു കൊണ്ട് കണ്ണും മൂക്കും തുടച്ചിട്ട് രമണി ജോലി തുടർന്നു.. അപ്പോഴാണ് താൻ ഇന്നലെ അവരോട് ദേഷ്യപ്പെട്ടത് രാജീവ് ഓർത്തത്.... "എന്റെ അമ്മേ എന്നോട് ക്ഷമിക്ക്... ഇന്നലെ ജോലി സ്ഥലത്ത് ഇത്തിരി പ്രശ്നം ഉണ്ടായി.. അതിന്റെ ടെൻഷനിൽ ആണ് ഇന്നലെ വീട്ടിലേക്ക് വന്നത്... അതു കൊണ്ടാണ് ഞാൻ നിങ്ങളോട് ദേഷ്യപ്പെട്ടത്..."... രാജീവ് അവരുടെ പിണക്കം മാറ്റാൻ എന്നോണം ചെറിയൊരു കള്ളം പറഞ്ഞു.. "എന്നാൽ ആ കാര്യം നിനക്ക് ഞങ്ങളോട് പറഞ്ഞാൽ പോരായിരുന്നോ.. എന്തുണ്ടെങ്കിലും ഞങ്ങളോട് പറയില്ല.. മനസിൽ ഓരോന്ന് വെച്ചോണ്ടിരുന്ന് എന്തെങ്കിലും അസുഖം പിടിച്ചാലോ.."... രമണി വെപ്രാളത്തോടെ പറഞ്ഞു കൊണ്ട് രാജീവിന്റെ അടുത്തേക്ക് ചെന്നു.. തന്നോടുള്ള അമ്മയുടെ സ്നേഹം കണ്ടപ്പോൾ രാജീവിന് അവരോട് കള്ളം പറഞ്ഞതിൽ കുറ്റബോധം തോന്നി.. അവന്റെ കണ്ണുകൾ നിറഞ്ഞു... "നിന്റെ കണ്ണുകൾ നിറഞ്ഞല്ലോ... നിന്നെ വിഷമിപ്പിക്കാൻ പറഞ്ഞതല്ല... എനിക്കും ചിത്തുവിനും നീ മാത്രമേ ഉള്ളൂ.... എന്റെ വിഷമം കൊണ്ട് ഞാൻ ഓരോന്ന് പറഞ്ഞതാണ്.. നീ വിഷമിക്കേണ്ട.."... "എനിക്ക് വിഷമം ഒന്നും ഇല്ല അമ്മേ..."... രാജീവ് പറഞ്ഞു... "എത്രയും പെട്ടെന്ന് നിന്റെ വിവാഹം നടത്തണം... എനിക്ക് വയ്യാതെ വരിക ആണ്... നിന്റെ കാര്യം എങ്കിലും നല്ലപോലെ നടക്കട്ടെ..".... "വീട്ടു ജോലി ചെയ്യാൻ വേണ്ടി അമ്മയ്ക്ക് ഒരാളെ വേണം.. അതിന് ഞാൻ വിവാഹം കഴിക്കണം അങ്ങനെ അല്ലേ അമ്മ ഉദേശിച്ചത്...".. രാജീവ് ചിരിയോടെ ചോദിച്ചു... "പോടാ ചെക്കാ... ഞാൻ അങ്ങനെ ഒന്നും ഉദ്ദേശിച്ചില്ല.. നീ കെട്ടുന്ന കൊച്ചിന് ജോലി ഉണ്ടെങ്കിലും ഇല്ലെങ്കിലും എനിക്ക് ഒന്നുമില്ല.. നിങ്ങൾ സന്തോഷത്തോടെ ഇരുന്നാൽ മതി.."... "എന്നാൽ നമുക്ക് ആ ചേച്ചിയെ ഏട്ടന് വേണ്ടി ആലോചിച്ചാലോ...."... ചിത്തു അവിടേക്ക് വന്നു പറഞ്ഞു.... "ആഹാ തമ്പുരാട്ടി എഴുന്നേറ്റോ... ഞാൻ അങ്ങോട്ട് വരാൻ ഇരിക്കുക ആയിരുന്നു.."... "ഇന്ന് അവധി അല്ലേ അമ്മേ.. അതു കൊണ്ടാണ് ഞാൻ ഇത്രയും നേരം കിടന്നത്...".. "മ്.... അവധി ആയത് കൊണ്ട് ഞാൻ ഒന്നും പറയുന്നില്ല.."... "അമ്മ ഞാൻ പറഞ്ഞതിന് മറുപടി പറഞ്ഞില്ല...". ചിത്തു വീണ്ടും പറഞ്ഞു.. "അതിന് ആ കുട്ടിയുടെ മുത്തശ്ശിയെ കണ്ട് ഒന്നു സംസാരിക്കട്ടെ.. അതിന് ശേഷം തീരുമാനിക്കാം..."... രമണി പറഞ്ഞു... "വേണ്ട.... എനിക്ക് ഇപ്പോൾ കല്യാണം വേണ്ട... സമയമാകുമ്പോൾ ഞാൻ പറയാം... അപ്പോൾ നിങ്ങൾ ഏതെങ്കിലും പെണ്കുട്ടിയെ കണ്ടു പിടിച്ചാൽ മതി..."... രാജീവ് പറഞ്ഞു.... "ലക്ഷ്മി ചേച്ചിയെ ഞങ്ങൾക്ക് ഇഷ്ടമായി... നമുക്ക് ആ ചേച്ചിയെ തന്നെ നോക്കാമെന്നേ.."... ചിത്തു ചിരിച്ചു കൊണ്ട് പറഞ്ഞു... "ചിത്തൂ.. നീ ആവശ്യമില്ലാത്ത കാര്യമൊന്നും പറയേണ്ട.... "... അവളോട് ദേഷ്യപ്പെട്ടിട്ട് രാജീവ് അവന്റെ മുറിയിലേക്ക് പോയി.. "ലക്ഷ്മി ചേച്ചിയെ പറ്റി പറയുമ്പോൾ ആണല്ലോ ഏട്ടന് ദേഷ്യം... ഇനി ഇവർ തമ്മിൽ തെറ്റിയോ..."... ചിത്തു സംശയത്തോടെ രമണിയെ നോക്കി.. "സത്യം... ഞാനും ശ്രദ്ധിച്ചു.. ഇന്നലെ രാവിലെ വളരെ സന്തോഷത്തിൽ പോയവൻ ആണ്.. വൈകിട്ട് വന്നത് എങ്ങനെ ആണ്.. എന്തോ ഉണ്ട്... ആ ലക്ഷ്മിയെ ഒന്നു വിളിച്ചു നോക്കിയാലോ...".... രമണി പറഞ്ഞു... "എന്റെ അമ്മേ ഞാൻ ഒരു സംശയം പറഞ്ഞെന്നെ ഉള്ളൂ.... ഇനി നമ്മൾ ആ ചേച്ചിയെ വിളിച്ചു ചോദിച്ചാൽ ആ ചേച്ചിക്ക് എന്തു തോന്നും...".... ചിത്തു പറഞ്ഞു.. "അതും ശരിയാ.. എന്തു കാരണം പറഞ്ഞാണ് നമ്മൾ വിളിക്കുന്നത്.. ഇവന് ആ കുട്ടിയെ ഇഷ്ടം ആണെന്ന് കരുതി ആ കുട്ടിക്ക് ഇവനോട് അങ്ങനെ ആവണം എന്നില്ലല്ലോ...".. "എന്നാൽ ഞാൻ മനുവേട്ടനെ ഒന്നു വിളിച്ചു നോക്കാം... "... ചിത്തു വേഗം ഫോണും എടുത്തു കൊണ്ട് വെളിയിലേക്ക് പോയി.. അവൾ മനുവിനെ വിളിക്കാൻ ആയി അവന്റെ നമ്പർ ഡയൽ ചെയ്തു.. ഒന്നു രണ്ടു പ്രാവശ്യം ബെൽ അടിച്ചതിന് ശേഷം ഫോണ് കട്ടായി... പിന്നീട് വിളിക്കാൻ തുടങ്ങുമ്പോൾ ആണ് മനുവിന്റെ കോൾ വന്നത്... "എന്താടി.. നീ എന്തിനാ ഇത്ര രാവിലെ തന്നെ വിളിച്ചത്.. അവിടെ എന്തെങ്കിലും പ്രശ്നം..."... ചിത്തു കോൾ എടുത്ത ഉടൻ തന്നെ മനു ചോദിച്ചു... "എന്റെ ഏട്ടാ നിർത്തി നിർത്തി ചോദിക്ക് എങ്കിൽ അല്ലേ എനിക്ക് മറുപടി പറയാൻ പറ്റൂ..".. ചിത്തു ചിരിച്ചു... "പെണ്ണേ കളിക്കാതെ കാര്യം പറ...".... മനുവിന്റെ ദേഷ്യത്തോടെ ഉള്ള ശബ്ദം കേട്ട് അവൾ കാര്യം പറഞ്ഞു.... മനു അത് കേട്ട് ചിരിക്കാൻ തുടങ്ങി.. "നിന്റെ ഏട്ടന് പനി പിടിച്ചിരിക്കുക ആണ്...".. മനു പറഞ്ഞു.. "പനിയോ.. എന്നിട്ട് ഏട്ടന് കുഴപ്പം ഒന്നും ഇല്ലല്ലോ..."... ചിത്തു സംശയത്തോടെ ചോദിച്ചു.. "എടി പൊട്ടി... നിന്റെ ഏട്ടന് ലക്ഷ്മി ചേച്ചിയെ ഇഷ്ടം ആണ്... പക്ഷേ ഇന്ന് ഏട്ടൻ ഹോസ്പിറ്റലിൽ വന്നപ്പോൾ ചേച്ചി എന്റെ അടുത്ത്. ഇരുന്ന് എനിക്ക് ഫുഡ് തരിക ആയിരുന്നു..".. "ചേച്ചി ഫുഡ് തന്നെന്നോ..".... "പിന്നെ... ലക്ഷ്മി ചേച്ചിയെ ഞാൻ എന്റെ സ്വന്തം ചേച്ചി ആയിട്ട് ഏറ്റെടുത്തു.... ഇനി രാജീവേട്ടനെ കൊണ്ട് ലക്ഷ്മി ചേച്ചിയെ വിവാഹം കഴിപ്പിക്കണം..".. മനു ചിരിച്ചു കൊണ്ട് പറഞ്ഞു... "അതൊക്കെ ശരി.. ഇന്ന് ഏട്ടൻ ഹോസ്പിറ്റലിൽ വന്നിട്ട് എന്തു സംഭവിച്ചു..."... "അതോ...".... അങ്ങനെ പറഞ്ഞിട്ട് മനു ചിരിച്ചു.. "കഷ്ടം ഉണ്ട്... ബാക്കി കൂടി പറ ഏട്ടാ..."... മനു നടന്ന സംഭവങ്ങൾ പറഞ്ഞു.. "ചുമ്മാതെ അല്ല ഏട്ടൻ ഇന്നലെ തൊട്ടതിനും പിടിച്ചതിനും എല്ലാം ദേഷ്യപ്പെട്ടത്... രാത്രിയിൽ ഒരു ഗ്ലാസ് എറിഞ്ഞു പൊട്ടിക്കുകയും ചെയ്തു... ഇന്ന് രാവിലെ ലക്ഷ്മി ചേച്ചിയുടെ കാര്യം പറഞ്ഞപ്പോൾ ഏട്ടൻ ദേഷ്യപ്പെട്ടു പോയി..."... "മ്.... കാര്യങ്ങൾ കൈ വിടുന്നതിനു മുന്നേ ലക്ഷ്മി ചേച്ചിയെ കണ്ട് സംസാരിക്കണം.. നാളെ വൈകിട്ട് ചേച്ചി ടൗണിൽ നിൽക്കാം എന്ന് പറഞ്ഞിട്ടുണ്ട്...."... മനു പറഞ്ഞു.. "എന്നാൽ ഞാൻ കൂടി വരാം... എന്റെ ഭാവി നാത്തൂനെ ഒന്നു കൂടി കാണുകയും ചെയ്യാം..."... ചിത്തു ചിരിച്ചു കൊണ്ട് പറഞ്ഞു.... "നിന്റെ ഇഷ്ടം.. എന്നാൽ ഞാൻ നാളെ വൈകിട്ട് കോളേജിൽ വരാം... അവിടെ നിന്ന് നമുക്ക് ഒരുമിച്ചു ചേച്ചിയുടെ അടുത്തേക്ക് പോകാം..."... മനു പറഞ്ഞത് കേട്ട് ചിത്തു തുള്ളി ചാടി. "താങ്ക്സ് ഏട്ടാ..."... അവൾ കോൾ കട്ട് ചെയ്തിട്ട് രമണിയുടെ അടുത്തേക്ക് ചെന്നു.. 🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹 "ഈ പെണ്ണിന് ഇതെന്തു പറ്റി.."... മനു ഒരു ചിരിയോടെ പറഞ്ഞിട്ട് അവന്റെ മുറിക്ക് അകത്തേക്ക് പോയി… പിറ്റേ ദിവസം രാവിലെ സഹദേവൻ അവന്റെ മുറിയിലേക്ക് ചെന്നു… "നീ മരുന്ന് കഴിച്ചോ..."... അയാൾ ചോദിച്ചു.. "ഇല്ല.."...ഒരു അമ്പരപ്പോടെ അവൻ പറഞ്ഞു.. "സമയത്തിന് മരുന്ന് കഴിക്കണം.. പിന്നെ പുറത്തേക്ക് ഒന്നും ബൈക്കിൽ പോകേണ്ട... പ്രത്യേകിച്ച് അന്ന് പോയത് പോലെ...".... "ഇല്ല.. പക്ഷേ ഇന്ന് ചേച്ചിയെ കാണാൻ ചെല്ലാം എന്ന് പറഞ്ഞിട്ടുണ്ട്.."... മനു പറഞ്ഞു..എം ചേച്ചി എന്ന് മനു പറഞ്ഞപ്പോൾ സഹദേവൻ സംശയത്തോടെ അവനെ നോക്കി... "ലക്ഷ്മി ചേച്ചിയെ....".. അയാൾ സംശയത്തോടെ നോക്കുന്നത് കണ്ട് മനു പറഞ്ഞു.. "മ്... എപ്പോൾ ആണ് പോകുന്നത്..."... "വൈകിട്ട് ചേച്ചി ടൗണിൽ നിൽക്കാം എന്ന് പറഞ്ഞിട്ടുണ്ട്... അത് കൊണ്ട് വൈകിട്ട് പോകും...".. "പോയിട്ട് പെട്ടെന്ന് വന്നേക്കണം..."... സഹദേവൻ പറഞ്ഞിട്ട് പുറത്തേക്ക് പോയി.. മനു ഒരു ചിരിയോടെ ഭക്ഷണം കഴിക്കാൻ വേണ്ടി പോയി... 🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹 "അമ്മേ നമ്മൾ പറഞ്ഞത് ശരിയാണ്.. ലക്ഷ്മി ചേച്ചിയെ സംബന്ധിച്ചുള്ള കാര്യത്തിനാണ് ഏട്ടൻ ഇങ്ങനെ ദേഷ്യപ്പെടുന്നത്". "അതെന്തിന്....".. രമണി ചോദിച്ചതിന് മനു അവളോട് പറഞ്ഞ കാര്യം ചിത്തു രമണിയോട് പറഞ്ഞു.... "ആഹാ.. അത് കൊള്ളാമല്ലോ... "... അവർ ചിരിയോടെ പറഞ്ഞു... "ഞാൻ നാളെ മനുവേട്ടന്റെ ഒപ്പം ചേച്ചിയെ കാണാൻ പോകുന്നുണ്ട്... എന്റെ ഏട്ടത്തി ആയിട്ട് ഇവിടേക്ക് വരാൻ ചേച്ചിക്ക് സമ്മതം ആണോ എന്ന് ചോദിക്കാൻ...".. ചിത്തു ചിരിച്ചു കൊണ്ട് പറഞ്ഞു.. "ആ കുട്ടി സമ്മതം പറഞ്ഞാൽ മതിയായിരുന്നു.... എനിക്ക് അതിനെ വളരെ ഇഷ്ടപ്പെട്ടു..".... രമണിയും ചിരിച്ചു കൊണ്ട് പറഞ്ഞു... പിറ്റേന്ന് വൈകിട്ട് മനു ബൈക്കും എടുത്തു കോളേജിലേക്ക് പോയി ചിത്തുവിനെ വിളിച്ചു കൊണ്ട് ടൗണിലേക്ക് ചെന്നു.. അവരെ കാത്ത് ലക്ഷ്മി അവിടെ നിൽപ്പുണ്ടായിരുന്നു.. അവർ മൂന്നു പേരും കൂടെ ഒരു കോഫി ഷോപ്പിലേക്ക് കയറി.. ലക്ഷ്മി കോഫിക്ക് ഓർഡർ കൊടുത്തു... "ഇന്ന് എന്താ ചിത്തുവും മനുവിനൊപ്പം..."... ലക്ഷ്മി ചിരിച്ചു കൊണ്ട് ചോദിച്ചു.... "ചേച്ചിയെ കാണാൻ വരുന്നുണ്ടെന്ന് മനുവേട്ടൻ പറഞ്ഞു... അപ്പോൾ ഞാനും കൂടെ വരുന്നുണ്ട് എന്ന് പറഞ്ഞു.. മനുവേട്ടൻ കോളേജിൽ വന്നു. അങ്ങനെ ഞാൻ ഇപ്പോൾ ഇവിടെ എന്റെ ചേച്ചിയുടെ അടുത്ത് ഇരിക്കുന്നു..."... ചിത്തു ചിരിച്ചു... അത് കേട്ട് മനുവും ലക്ഷ്മിയും ചിരിച്ചു... "ഇനി പറ എന്താണ് മനുവിന് എന്നോട് പറയാൻ ഉള്ളത്.."... "അത്...".. പെട്ടെന്ന് ലക്ഷ്മി ചോദിച്ചപ്പോൾ മനുവിന് അവളോട് കാര്യം പറയാൻ ഒരു മടി തോന്നി... "നീ പറയെട... എന്തായാലും നീ എന്റെ സഹോദരൻ ആയില്ലേ.... അപ്പോൾ എന്തു വേണമെങ്കിലും എന്നോട് പറയാം..".... "ചേച്ചിക്ക് ആരെയെങ്കിലും ഇഷ്ടം ആണോ....".... മനു ചോദിച്ചു... "മ്... എനിക്ക് എല്ലാവരെയും ഇഷ്ട്ടം ആണ്.. നിങ്ങളെയും ഇഷ്ടം ആണ്.... അത് കൊണ്ടല്ലേ ഞാൻ ഇപ്പോൾ നിങ്ങളോടൊപ്പം ഇരിക്കുന്നത്....".. "ആ ഇഷ്ട്ടം അല്ല ചേച്ചി....."... ചിത്തു പറഞ്ഞു.. "പിന്നെ എങ്ങനെ ഉള്ള ഇഷ്ടം ആണ് ചിത്തു ഉദ്ദേശിച്ചത്...".... "അത് പിന്നെ...".. ചിത്തു എന്ത് പറയണം എന്നറിയാതെ മനുവിനെ നോക്കി... "എനിക്ക് ആരോടെങ്കിലും പ്രേമം ഉണ്ടോ എന്നാണോ ചോദിച്ചത്...".. ചിത്തുവിന്റെ മുഖത്തെ പരിഭ്രമം കണ്ട് ചിരിച്ചു കൊണ്ട് ലക്ഷ്മി ചോദിച്ചു... "അതേ.. അത് തന്നെ...."... ചിത്തു പറഞ്ഞു.. "അങ്ങനെ ഇതു വരെ ആരോടും തോന്നിയിട്ടില്ല.."... "ഇനി വേണമെങ്കിൽ തോന്നാമല്ലോ.."... മനു ചിരിച്ചു കൊണ്ട് ലക്ഷ്മിയെ നോക്കി... ലക്ഷ്മി മനുവിനെ സൂക്ഷിച്ചു നോക്കി... "നീ ബ്രോക്കർ പണി തുടങ്ങിയോ..." ലക്ഷ്മി അവനെ കളിയാക്കി ചോദിച്ചു... "എന്റെ ചേച്ചി , ചേച്ചിയുടെ ഭാവിക്ക് വേണ്ടി ഈ അനിയൻ ഒരു നല്ല കാര്യം ചെയ്യാമെന്ന് വെച്ചാൽ ഇങ്ങനെ കളിയാക്കരുത് കേട്ടോ..."... "എന്നാൽ നീ വളച്ചു കെട്ടില്ലാതെ കാര്യം പറ".. ലക്ഷ്മി ചിരിച്ചു കൊണ്ട് പറഞ്ഞു... "ചേച്ചിക്ക് രാജീവ് ഏട്ടനെ ഇഷ്ടം ആണോ.."... "ആണ്... നിങ്ങളെ പോലെ എനിക്ക് രാജീവ് ഏട്ടനെയും ഇഷ്ടമാണ്.... ഇത് ചോദിക്കാൻ ആണോ നിങ്ങൾ എന്നെ ഇവിടെ വിളിച്ചു വരുത്തിയത്....".... "എന്റെ ചേച്ചി... ചേച്ചിയെ എന്റെ ഏട്ടത്തി ആക്കിയാൽ കൊള്ളാമെന്ന് ഉണ്ട്... എന്റെ രാജീവ് ഏട്ടനെ കൊണ്ട് ചേച്ചിയെ വിവാഹം കഴിപ്പിക്കാൻ ഞങ്ങൾക്ക് ആഗ്രഹം ഉണ്ട്... ചേച്ചിക്ക് എന്റെ ഏട്ടനെ ഇഷ്ടം ആണോ എന്ന് അറിയാൻ ആണ് ഞങ്ങൾ അങ്ങനൊക്കെ ചോദിച്ചത്..."... ചിത്തു പെട്ടെന്നു പറഞ്ഞു... "നിങ്ങൾ എന്തൊക്കെ ആണ് പറയുന്നത്... ഞാൻ എങ്ങനെ..".. "ചേച്ചി സമ്മതിക്കണം.. രാജീവ് ഏട്ടന് ചേച്ചിയെ ഇഷ്ടം ആണ്...".. അങ്ങനെ പറഞ്ഞിട്ട് ചിത്തു തലേന്ന് നടന്ന കാര്യങ്ങൾ പറഞ്ഞു... "ഒ... അങ്ങനെ ആണ് അല്ലേ... ചുമ്മാതെ അല്ല ഞാൻ ഇന്നലെ വിളിച്ചപ്പോൾ എന്നോട് ദേഷ്യപ്പെട്ടത്..."... ലക്ഷ്മി ചിരിച്ചു കൊണ്ട് പറഞ്ഞു... "ഏട്ടന് ദേഷ്യം ഇത്തിരി കൂടുതൽ ആണ്... ചേച്ചി വേണം അതൊക്കെ ഇനി മാറ്റി എടുക്കാൻ...".. ചിത്തു പറഞ്ഞു... "എന്റെ കാര്യം ഒക്കെ അറിഞ്ഞിട്ടാണോ നിങ്ങൾ ഈ ഒരു കാര്യവും ആയിട്ട് വന്നത്.."... "ചേച്ചിയെ പറ്റി എല്ലാം ഞങ്ങൾക്ക് അറിയാം.... അതു കൊണ്ട് എന്റെ ഏട്ടനെ ഇഷ്ടം അല്ലെന്ന് ഒന്നും പറയേണ്ട... വീട്ടിൽ അമ്മ ചേച്ചിയുടെ അഭിപ്രായം എന്താണ് എന്ന് അറിയാൻ കാത്തിരിപ്പുണ്ട്..".... ലക്ഷ്മിയോട് ചിത്തു പറഞ്ഞിട്ട് എഴുന്നേറ്റു... "നീ എവിടെ പോണ്...".. മനു ചോദിച്ചു... "ഞാൻ മുഖം ഒന്ന് കഴുകിയിട്ട് വരാം.. ".. അതും പറഞ്ഞു ചിത്തു വാഷ് റൂമിലേക്ക് പോയി.. മനുവും ലക്ഷ്മിയും ഓരോന്ന് പറഞ്ഞിരുന്നു... ഈ സമയത്താണ് രാജീവ് അവിടേക്ക് വന്നത്... മനുവിനെയും ലക്ഷ്മിയെയും അവിടെ കണ്ട് അവൻ ഒന്നു ഞെട്ടി... ലക്ഷ്മി രാജീവിനെ കണ്ടു.... അവൾ എഴുന്നേറ്റ് അവന്റെ അടുത്തേക്ക് പോകാൻ തുടങ്ങിയപ്പോൾ രാജീവ് ദേഷ്യത്തോടെ ലക്ഷ്മിയെ ഒന്നു നോക്കിയിട്ട് പുറത്തേക്ക് വേഗത്തിൽ നടന്നു പോയി... തുടരും ✍️✍️സന്തോഷ് ശശി.... #💞 പ്രണയകഥകൾ #📙 നോവൽ #📔 കഥ #കഥ,ത്രില്ലെർ,ഹൊറർ #✍ തുടർക്കഥ