#🙏जय माता दी पगडी म्हणून बसली तर *मुलगी...* मनगटावरती हक्काने बसली तर *बहीण...* चुलीजवळ मायेनी बसली तर *आई...* तिजोरीवर स्वस्तिक म्हणून बसली तर *बायको...* अंगणातील तुळस म्हणून बसली *सून...* चहात ईलायची म्हणून पडली तर *मैत्रीण...* गोष्टींच्या दुनियेत घेऊन गेली तर *आजी...* आणि मंदिराच्या गाभाऱ्यात बसली तर *देवी...* *इतकी सोप्पी आहेत तिची विविध रूपे...* *राम कृष्ण हरी, खरचं किती सोपी आहे समजायला ती*🙏🏻🌹 स्त्री शक्तीस सलाम.... एकंदरीत बायकांच्या मुडचा थांग लावणे तसे महाकठीणच. अगदी ऍडमला देखील इव्हच्या मनातले कळलं असेल की नाही हे त्या ब्रम्हदेवास सुद्धा सांगता येणार नाही. ब्रम्हदेवावरून आठवलं त्याला या सृष्टीचा निर्माता असे म्हणतात, त्याचा उल्लेख केल्यावर ब्रम्हा, विष्णू आणि महेश अशी त्रिमूर्ती आपल्या डोळ्यासमोर उभे राहते. पण मला वाटते ही त्रिमूर्ती नसून मागचा भाग तेवढा आपल्याला दिसत नाही आणि हा न दिसणारा भाग म्हणजे स्त्रीस्वरूप आदिशक्ती असावी. या सृष्टीच्या निर्मितीसाठी या आदिशक्तीचा देखील तितकाच सहभाग असावा अशी मला दाट शंका आहे. स्त्री म्हणजे एकाच वेळी अनेक भूमिका साकारणारी हरहुन्नरी कलावंतच. आई, बहीण, मुलगी, मैत्रीण, शिक्षिका, सहकारी, प्रियसी, पत्नी आदी भूमिका ति लीलया निभावत असते. आजच्या आधुनिक युगात अगदी शेतमजूर पासून ते अंतराळवीर अशा सर्वच क्षेत्रांत ती कुठेही मागे नाही. अशा या तमाम स्त्रीयांना, या नवदुर्गांना, आदिशक्तीला माझे नमन आणि या नवरात्र उत्सवाच्या सर्वांना खूप खूप शुभेच्छा... जगदंब!जगदंब!! जगदंब!!! जिजाऊ.....