ഭാര്യയുടെ അനിയൻ മൊബൈലിൽ എന്തോ ചീത്ത വീഡിയോ കാണുന്നത് അപ്രതീക്ഷിതമായി അൻവർ കാണാനിടയായി. ആ ഞെട്ടിക്കുന്ന കാഴ്ച്ച കണ്ടതും ദേഷ്യം കൊണ്ട് അൻവറിന്റെ രക്തം തിളച്ചു "ടാ..." തൊട്ട് പിറകിൽ നിന്നും അൻവറിന്റെ അലർച്ച കേട്ടതും വീഡിയോയിൽ നോക്കി ദൃതങ്കപുളകിതനായി നിന്നിരുന്ന അനിയൻ ഭയന്ന് വിറച്ചു. അവൻ മൊബൈൽ മറച്ചു പിടിച്ചു. അൻവർ അവന്റെ കയ്യിൽ നല്ലൊരു നുള്ള് കൊടുത്ത് കണ്ണുരുട്ടി "നീ എട്ടാം ക്ലാസ്സിൽ അല്ലേ എത്തിയൊള്ളൂ, അപ്പോഴേക്കും ആഷിക്ക് ബനായാ പാട്ടൊക്കെ കാണാൻ ആയോ...?" ഇതും പറഞ്ഞ് അനിയന്റെ ചെവിയിൽ പിടിച്ച് തിരിച്ചു. അനിയൻ വേദനകൊണ്ട് അലറി. അപ്പോഴാണ് ഭാര്യ സൽമ കുളി കഴിഞ്ഞ് വരുന്നത് "എന്താ ഇക്കാ, എന്തുപറ്റി...?" അൻവർ സൽ‍മയെ നോക്കി കണ്ണുരുട്ടി "നിന്റെ മൊബൈൽ എന്തിനാ ഇവന്റെ കയ്യിൽ കൊടുക്കുന്നത്...?" "എന്താ പറ്റിയേ ഇക്കാ...? ഞാൻ അവന് ഗെയിം കളിക്കാനാ മൊബൈൽ കൊടുത്തേ" "ഗെയിം... കോപ്പാണ്. ഇവനേ..., ആഷിക്ക് ബനായാഎന്ന റൊമാന്റിക് സോങ് കണ്ട് നിക്കാണ്. എന്നെ കണ്ടപ്പോൾ ഫോൺ മറച്ച് പിടിച്ചിരിക്കുന്നത് കണ്ടോ. മുട്ടേന്ന് വിരിഞ്ഞിട്ടില്ല, അപ്പോഴേക്കും ആഷിക്ക് ബനായാ" ഇത് കേട്ടപ്പോൾ നാണക്കേട് കൊണ്ട് തൊലി ഉരിയുന്ന പോലെ തോന്നി സൽമക്ക്. തന്റെ ഭർത്താവിന്റെ മുന്നിൽ ആകെ നാണം കെട്ടു എന്ന് അവൾ തിരിച്ചറിഞ്ഞു. അവരുടെ കല്യാണം കഴിഞ്ഞിട്ട് ഒരാഴ്ച്ചയേ ആയുള്ളൂ. ഭാര്യ വീട്ടിൽ വിരുന്നിന് വന്നതാണ് അൻവർ. ഭയങ്കര മെച്ചൂരിറ്റിയാണ് അൻവറിന് എന്ന് ഭാര്യയുടെ വീട്ടുകാരും കുടുംബക്കാരും എപ്പോഴും പറയും. ആവശ്യത്തിനേ സംസാരിക്കൂ, എന്നാലോ പറയുന്ന ഓരോ വാക്കും അത്രക്കും പവർഫുള്ളും ആണ്. അങ്ങനെയുള്ള ആളുടെ മുന്നിൽ തന്റെ അനിയൻ ചീത്ത വീഡിയോ കണ്ടത് ഒരു തരത്തിലും ന്യായീകരിക്കാൻ സൽമ മുതിർന്നില്ല. അവൾ അനിയനെ പൊതിരേ തല്ലി. ശബ്ദം കേട്ട് സൽമയുടെ ഉപ്പയും ഉമ്മയും വന്നു. സൽമ ദേഷ്യം കൊണ്ട് വിറച്ചു, അൻവർ അവളെ തടഞ്ഞു "അയ്യേ, എന്താടോ ഇങ്ങനെ...? അവൻ കുട്ടിയല്ലേ. നമ്മളല്ലേ അവന് നല്ല ബുദ്ധി പറഞ്ഞ് കൊടുക്കേണ്ടത്" ഇതും പറഞ്ഞ് അൻവർ അവനെ ചേർത്ത് പിടിച്ചു "മോനൂ, ഇങ്ങനുള്ള വീഡിയോ ഒന്നും ഇനി എന്റെ പൊന്നു കാണരുത് ട്ടോ, നിന്റെയൊക്കെ പ്രായത്തിൽ ഞാനൊക്കെ പാടത്തും പറമ്പിലുമൊക്കെ കളിച്ച് നടക്കായിരുന്നു. അന്ന് മൊബൈൽ ഒന്നും ഇല്ലാലോ" ഒന്ന് നിറുത്തിയിട്ട് അൻവർ അവന്റെ കണ്ണിലേക്ക് നോക്കി "ജീവിതം എന്ന് പറയുന്നത് ദൃധഞ്ചല പഞ്ചല മരതകമായ ഗുൽമോഹർ പൂക്കളിന്റെ അടുത്തുള്ള വാക മരം പോലെയാണ്. അതുകൊണ്ട് ഇനിയുള്ള കാലം മോശമായി ഒന്നും ചിന്തിക്കാതെ നല്ലത് മാത്രം ചിന്തിക്കൂ പൊന്നേ" ഇതും പറഞ്ഞ് അൻവർ അനിയനന്റെ നെറ്റിയിൽ വാത്സല്യത്തോടെ ചുംബിച്ചു. ഇത് കണ്ട് നിന്നിരുന്ന സൽമയുടെ ഉപ്പയും ഉമ്മയും നിറകണ്ണുകളോടെ ദൈവത്തിനോട് ആയിരം വട്ടം നന്ദി പറഞ്ഞു. ഇത്രയും മെച്ചൂരിറ്റിയുള്ള സൽസ്വഭാവിയായ ഒരു മരുമകനെ തങ്ങൾക്ക് തന്നല്ലോ എന്നോർത്ത് അവർ അഭിമാനം കൊണ്ടു. നിന്റെ ഭാഗ്യമാണ് മോളേ അൻവറിനെ ഭർത്താവായി കിട്ടിയത് എന്ന ഭാവത്തിൽ ഉമ്മ സൽ‍മയെ നോക്കി. "ഹോ!!! എന്തൊരു മെച്ചൂരിറ്റിയാ അൻവറിന്. എന്ത് മനോഹരമായിട്ടാ ആ കുട്ടിയെ അവൻ ഉപദേശിച്ച് നേർവഴിക്ക് ആക്കിയത്. റിയലി ഗ്രേറ്റ്‌" ഉപ്പയും ഉമ്മയും സൽമയും ഒരേ സമയം ഇങ്ങനെ മനസ്സിൽ ഓർത്തോണ്ട് നിൽക്കുമ്പോഴാണ് അടുക്കളയിൽ നിന്നും എന്തോ ഒരു ശബ്ദം കേട്ടത്. എല്ലാവരും കൂടെ അങ്ങോട്ട്‌ പോയിനോക്കി. അതൊരു പൂച്ച ചാടിയപ്പോൾ ചട്ടുകം നിലത്ത് വീണതിന്റെ ശബ്ദമായിരുന്നു. ചട്ടുകം കണ്ടപ്പോഴാണ് അൻവറിന് പെട്ടെന്നൊരു കാര്യം ഓർമ വന്നത്. അവൻ റൂമിലേക്ക് പോയി പോക്കറ്റിൽ നിന്നും ഒരു ഓയിൽമെന്റ് എടുത്ത് ബാത്‌റൂമിലേക്ക് പോയി കണ്ണാടിയുടെ മുന്നിൽ തിരിഞ്ഞ് നിന്നു... കല്യാണത്തിന് രണ്ട് ദിവസം മുന്നേ മുറി വൃത്തിയാക്കാൻ വേണ്ടി അൻവറിന്റെ മുറിയിൽ കയറിയ ഉമ്മ അവന്റെ ബെഡിനടിയിൽ നിന്നും കിട്ടിയ നാല് മുത്തുചിപ്പിയും എട്ട് ഫയറും ഒരു അയലത്തെ ചേട്ടത്തിയുടെ രസലീല എന്ന പുസ്തകവും കയ്യിൽ പിടിച്ച് അലറി "നാ#@₹& പോത്തിന്റെ അത്രേം വലിപ്പം ഉണ്ടായിട്ടും അവന്റെ ഒരു പുസ്തകം വായിക്കല്" ഇതും പറഞ്ഞ് ഉമ്മ അടുക്കളയിലേക്ക് ഓടി ചട്ടുകം ചൂടാക്കി അൻവറിന്റെ പിന്നാമ്പുറത്ത് വെച്ചതിലാണ് അവൻ ഇപ്പോൾ കണ്ണാടിയുടെ മുന്നിൽ തിരിഞ്ഞ് നിന്ന് അതി സൂക്ഷ്മതയോടെ ഓയിൽമെന്റ് തേച്ച് പിടിപ്പിക്കുന്നത്. മുറിവ് കുറച്ചൂടെ ഉണങ്ങാൻ ബാക്കിയുണ്ട്, രണ്ടാഴ്ച്ച ഓയിൽമെന്റ് തേക്കാനാ ഡോക്ടർ പറഞ്ഞിരിക്കുന്നത്... സിനാസ് അലി #📔 കഥ #📝 ഞാൻ എഴുതിയ വരികൾ #💞 പ്രണയകഥകൾ #📙 നോവൽ