"കണ്ടവന്റെ അടുക്കളയിൽ പാത്രം കഴുകാനല്ല ഞാനെന്റെ കൊച്ചിനെ പഠിപ്പിച്ചത് " അമ്മയുടെ ശബ്ദം ഉയർന്നപ്പോൾ ഞാൻ പോലും അതിശയത്തോടെ നോക്കി... "തൊള്ള തൊറക്കാത്തെടീ " എന്ന് ദേഷ്യത്തോടെ അച്ഛൻ പറഞ്ഞെങ്കിലും അമ്മ അതൊന്നും വകവെച്ചതെ ഇല്ല "ഈ അമ്മയാണോ പത്തു ഇരുപതു വർഷം ഒന്നും മിണ്ടാതെ അച്ഛന്റെ ഉപദ്രവവും അച്ഛമ്മേടെ കുത്തുവാക്കുകളും സഹിച്ചത് " ഞാൻ മനസ്സിലോർത്തു...... ഓർമ്മവച്ച പ്രായം മുതൽ മനസ്സിലോടിയെത്തുന്നത് എന്നെയും കൊണ്ട് തൊഴുത്തിനുള്ളിൽ മറഞ്ഞിരിക്കുന്ന അമ്മയുടെ രൂപം ആണ്... അച്ഛൻ എന്നും നാലുകാലിൽ ആണ് വരുന്നത്... അച്ഛന് പ്രതേയ്കിച്ചു ജോലി ഒന്നും ഇല്ലെങ്കിലും അച്ഛമ്മക്ക് പെൻഷൻ ഉണ്ടായിരുന്നു.... വീട്ടുകാര്യത്തിന് ഒരു രൂപ അച്ഛമ്മ കൊടുത്തില്ലെങ്കിലും അച്ഛന് കുടിക്കാൻ കാശ് കൊടുക്കും.... കുടിച്ചിട്ടു വന്നാലേ അമ്മയെ തെറി വിളിക്കുകയും ഉപദ്രവിക്കുകയും ചെയ്യൂ ..അതു കാണാൻ അവർക്ക് പ്രത്യേക താല്പര്യം ആണ്... പടിപ്പുരയിൽ അച്ഛന്റെ ശബ്ദം കേൾക്കുമ്പോഴേ അമ്മയുടെ മുഖം വിളറി വെളുക്കും... എന്നെയും കൊണ്ട് രാത്രിയുടെ മറവിൽ പലസ്ഥലങ്ങളിൽ അഭയം തേടും.. പലപ്പോഴും അച്ഛമ്മ ഞങ്ങളെ കാട്ടിക്കൊടുക്കും.....പിന്നെ പൊതിരെ തല്ലും കേട്ടാലറക്കുന്ന തെറിവിളികളും ആണ് ഒരക്ഷരം മിണ്ടാതെ എല്ലാം സഹിക്കുന്ന അമ്മയെ കാണുമ്പോൾ പലതവണ നെഞ്ചു പൊടിഞ്ഞിട്ടുണ്ട്... "നമുക്കീ അച്ഛനെ വേണ്ട ...." എന്ന് പറയുമ്പോൾ 'അതുകൊണ്ടല്ലേ എന്റെ കുഞ്ഞുനെ കിട്ടിയെ ' എന്ന് അമ്മ പറയും "തള്ള വേലി ചാടിയാൽ മകള് മതില് ചാടുമെന്നാ... " എന്ന് അച്ചമ്മ എന്നെ നോക്കി പറയും . അടുക്കളപ്പണി പഠിപ്പിച്ചില്ലെങ്കിലും അതൊക്കെ ഇവൾടെ അമ്മ പഠിപ്പിച്ചു കാണും എന്ന് പുച്ഛത്തോടെ എപ്പോഴും പറയും .. ഒളിഞ്ഞും തെളിഞ്ഞും പലതവണ ഞാൻ ഇതു കേട്ടിട്ടുള്ളതാണ് "എന്താമ്മേ ഇങ്ങനെ പറയുന്നേ .... " "പ്രായത്തിന്റെ പക്വത ഇല്ലാത്തതു കൊണ്ട് അമ്മയ്ക്ക് ഒരു അബദ്ധം പറ്റിയിട്ടുണ്ട് മോളെ...." അമ്മ അതു പറയുമ്പോൾ കണ്ണു നിറഞ്ഞിരുന്നു... വീട്ടുകാർ അംഗീകരിക്കാത്തതു കൊണ്ട് ഒളിച്ചോടി.... പക്ഷെ സാധനങ്ങൾ വാങ്ങാൻ പോയ അയാള് തിരിച്ചു വന്നില്ല.... ചതിക്കപ്പെട്ടു എന്ന് പിന്നീട് മനസ്സിലായി.. അന്ന് ജോലിയോ ഒന്നും നോക്കാതെ അച്ഛനെക്കൊണ്ട് എന്നെ കെട്ടിച്ചു..അന്നു മുതൽ.... അമ്മ പാതിയിൽ നിർത്തി അങ്ങനെ എന്റെ ഡിഗ്രി പഠനം കഴിയാറായി ഇരിക്കുമ്പോൾ ആണ് അച്ഛൻ ഒരു ആലോചന ആയി വരുന്നത്... പയ്യന് പ്രതേയ്കിച്ചു ജോലിയും കൂലിയും ഒന്നുമില്ല അച്ഛന്റെ കൂടെ വെള്ളമടിയാണ് പരിപാടി....അയാളുടെ അമ്മക്ക് വയ്യാതെ ആയപ്പോൾ ഒരു അടുക്കളകാരിയുടെ കാര്യം പറഞ്ഞപ്പോൾ ആണ് അച്ഛന് ഇങ്ങനെ ഒരാശയം മനസ്സിൽ തോന്നിയത് എന്നെക്കെട്ടിച്ചെന്നും ആയി... അയാൾക്ക് ഫ്രീ ആയൊരു വേലക്കാരിയും... ഇതിലും അമ്മ മൗനം പാലിക്കുമോ എന്ന് ഞാൻ ഭയപ്പെട്ടു.... എന്റെ കണക്കുകൂട്ടലുകൾ തെറ്റിച്ചു കൊണ്ട് അമ്മ ശക്തമായി പ്രതികരിച്ചു... "അടുക്കളകാരി ആക്കാൻ അല്ല എന്നെ വളർത്തിയതെന്നും...എന്റെ കൊച്ചിന്റെ ജീവിതം നശിപ്പിക്കാൻ നോക്കിയാൽ അരിഞ്ഞു തള്ളും " എന്നു കേട്ടപ്പോൾ ശക്തമായ മുഖമടച്ചുള്ള ഒരടിയായിരുന്നു അച്ഛൻ കൊടുത്തത്. "കൊരക്കുന്നോടീ ശവമേ " എന്ന് പറഞ്ഞു അന്ന് അമ്മയെ കൊല്ലാതെ കൊന്നു "നമുക്കീ അച്ഛനെ വേണ്ടല്ലേ അമ്മേ " എന്ന് പറയുമ്പോൾ പതിവു മറുപടിക്കു പകരം ഒന്നു മൂളി.... അപ്പോഴേക്കും നല്ലൊരു ജോലിയും അതിൽ നിന്നുള്ള വരുമാനം കൊണ്ട് വാടകക്ക് ഒരു ചെറിയ വീടും ഞാൻ റെഡിയാക്കിയിരുന്നു... ഉടുതുണിയായി അമ്മക്കൊപ്പം ഇറങ്ങുമ്പോൾ ഞാൻ അമ്മയോടായി പറഞ്ഞു....... "ഇത്രയും കാലം തന്നതിൽ ഒരു പങ്കെങ്കിലും തിരിച്ചു കൊടുത്തേര് എന്ന് " അച്ഛന്റെ ഇടതു കവിളിൽ നല്ല കിണ്ണൻകാച്ചിയ പൊട്ടീര് കൊടുത്ത് ഇറങ്ങുമ്പോൾ താലിമാല പൊട്ടിച്ചെറിയാനും അമ്മ മറന്നില്ല.. Nb: ഉരുകി ജീവിക്കുന്ന പല സാധു ജന്മങ്ങളും പ്രിയപ്പെട്ടവർക്കു വേണ്ടിയാണ് തീയായി മാറുന്നത്..... #📝 ഞാൻ എഴുതിയ വരികൾ #📔 കഥ #💞 പ്രണയകഥകൾ #📙 നോവൽ രചന - മഞ്ജു ജയകൃഷ്ണൻ

''എന്റെ ദേവീ ... ഞാൻ ചാകാൻ പോകുവാ ...അങ്ങേരിത് അറിയുമ്പോ എന്നാരിക്കും പുകില് ..എന്റെ കർത്താവെ . .മനോജേ ..വേണ്ടടാ ... ഇനി അടിച്ചാലവൾ ചത്തുപോകും '' മുറ്റത്തു നിന്ന് ഉമ്മറത്തേക്ക് കാലെടുത്തുവെച്ചപ്പോൾ അകത്തുനിന്നും കേട്ട ആക്രോശവും നിലവിലയും തേങ്ങലുകളും ശിവന്റെ നെഞ്ചിലൊരാന്തൽ തെളിച്ചു . വാതിലിൽ കൊട്ടിയതും അകത്തുനിന്ന് അടക്കംപറച്ചിലുകളും തേങ്ങലുകളും മുരളുകളും കേട്ടു , ക്രമേണ അത് നിശ്ചലമായി . ''ശാരദെ ..'' വാതിലിൽ കൊട്ടി വിളിച്ചപ്പോൾ തന്നെ വാതിൽ തുറന്ന ശാരദയുടെ മുഖം കണ്ടതും ശിവൻ മുഖത്ത് സ്വാഭാവികമായ ഭാവം നിലനിർത്താൻ ശ്രമിച്ചുകൊണ്ട് അകത്തേക്ക് കയറി . '' കുഞ്ഞോളെ ...എന്നാ ഉണ്ടെടി വിശേഷം ..എത്ര ദിവസമുണ്ട് അവധി ?'' കയ്യിൽ കരുതിയ എത്താക്കപ്പവും പരിപ്പുവടയും നീട്ടിക്കൊണ്ടു ചോദിച്ചപ്പോൾ മായ പൊട്ടിക്കരഞ്ഞുകൊണ്ട്‌ മുറിയിലേക്കോടി . ശിവൻ തിരിഞ്ഞു നോക്കിയപ്പോൾ മകൻ മനോജ് വിളറിയ മുഖമോടെ നിൽപ്പുണ്ട് . '' അവള് ..അവള് നശിച്ചു അച്ഛാ ....ആക്സിഡന്റ് പറ്റി ആശൂത്രീലായതല്ല . അവളാത്മഹത്യക്ക് ശ്രമിച്ചതാ . ഏതോ ഒരു പയ്യൻ അവളെ ... '' ശാരദ വിമ്മിക്കരഞ്ഞുകൊണ്ടു ഭിത്തിയിലൂടെ ഉരഞ്ഞയാളുടെ കാൽക്കൽ വീണപ്പോൾ ശിവന്റെ കണ്ണുകൾ ഒന്ന് നിറഞ്ഞു . കണ്ണുകൾ പുറംകൈ കൊണ്ട് ആരുമറിയാതെ തുടച്ചിട്ടയാൾ മകനെ തിരിഞ്ഞു നോക്കി . മനോജ് അച്ഛന്റെ നോട്ടം കണ്ടു പതിയെ തന്റെ മുറിയിലേക്ക് കയറി . '' നീ ചോറ് വിളമ്പ് ..ഞാനൊന്ന് കുളിക്കട്ടെ '' യാതൊന്നും സംഭവിച്ചിട്ടില്ലാത്ത പോലെ എന്നത്തേയും പോലെ മുറിയിലേക്ക് കയറിയ ഭർത്താവിനെ കണ്ണ് തുറപ്പിച്ചു ശാരദ നോക്കി നിൽക്കെ ശിവൻ തോർത്തുമെടുത്തു വെളിയിലേക്കിറങ്ങി . എന്തുചെയ്യണമെന്നറിയാതെ അതെ നിലയിൽ നിന്ന ശാരദയെ മനോജിന്റെ ശബ്ദമാണുയർത്തിയത് '' ചോറ് ചൂടാക്കമ്മേ ... അച്ഛനിപ്പോ വരും '' മനോജിന്റെ സ്വരത്തിൽ എന്തെന്നില്ലാത്ത വേവലാതിയുണ്ടായിരുന്നു . കാരണം നിശ്ശബ്ദനായ അച്ഛനെയായിരുന്നു അവനേറെ ഭയപ്പെട്ടത് . അമ്മ എത്രയടിച്ചാലും അവന് നോവില്ലായിരുന്നു , എന്നാൽ അച്ഛന്റെ ഒരു നോട്ടം കൊണ്ടവൻ തെറ്റുകൾ തിരുത്തിയിരുന്നു . മനോജ് മാത്രമല്ല മായയും ഭയന്നിരുന്നത് അച്ഛന്റെ സൂക്ഷമതയോടെയുള്ള ആ നോട്ടത്തെയും നിശ്ശബ്ദതയെയയുമാണ് . കാരണം അത് കഴിഞ്ഞുവരുന്ന അച്ഛന്റെ മൂർച്ചയേറിയ അനുഭവങ്ങളടങ്ങിയ സംസാരങ്ങൾ നെഞ്ചിൽ മുറിവേൽപ്പിച്ചിരുന്നു പലപ്പോഴും . പുറത്തച്ഛന്റെ ശബ്ദം കേൾക്കാതായപ്പോൾ മായ ജീവനൊടുക്കാനുള്ള ചിന്തയിലായിരുന്നു . '' മായെ ... വാതിൽ തുറക്ക് ... അച്ഛനിപ്പോ വരും '' അതറിഞ്ഞെന്നോണം മനോജ് വാതിലിൽ മുട്ടിയതും അടുത്ത നിമിഷം തന്നെ മായ വാതിൽ തുറന്നു പുറത്തിറങ്ങി വീർത്തുകെട്ടി ഖനീഭവിക്കുന്ന മുഖത്തോടെയാണെങ്കിലും ഇടക്കൊഴുകിയിറങ്ങുന്ന കണ്ണീർതുള്ളികളെ കൈത്തണ്ട കൊണ്ട് തുടച്ച് മായ അടുക്കളയിൽ അമ്മ ചൂടാക്കി വെച്ച ചോറും കറികളുമൊന്നായി ഊണുമേശയിൽ നിരത്തി . കുളിച്ചു തോർത്തുമുടുത്തുകൊണ്ടു ഇറയത്തേക്ക് കയറിയ അച്ഛന്റെ കയ്യിലേക്ക് മനോജ് കൈലിയും നനയാത്ത തോർത്തും നീട്ടി ഹാളിലേക്ക് മടങ്ങി . എന്നത്തേയും പോലെ ഒരു ദിനം ... പക്ഷെ അകമേ കാർമേഘങ്ങൾ ഉരുണ്ടുകൂടി പെയ്യാറായിരുന്നു . '' പരിപ്പ് വടയുണ്ടെടി പൊതിയിൽ '' മായയുടെ കഞ്ഞിയിലേക്ക് മോരൊഴിച്ചിട്ട് ശിവൻ പറഞ്ഞപ്പോൾ മായക്ക് കരച്ചിലടക്കാനായില്ല . '' ആഹാരത്തിന്റെ മുന്നിൽ ഇരുന്ന് കരയരുതെന്നാ കാർന്നോന്മാർ പറയുന്നേ . അതെന്തുകൊണ്ടാണെന്നറിയില്ല . എന്നാലും ഒരു നേരത്തെ അന്നം കിട്ടാത്ത എത്രയോ പേര് ഈ ലോകത്തുണ്ട് . അവരെയോർക്കുമ്പോൾ നമുക്ക് കിട്ടിയ ആഹാരത്തിന് ദൈവത്തിന് നന്ദി പറയുകയാണ് വേണ്ടത് . സന്തോഷത്തോടെ വേണം ആഹാരം കഴിക്കാൻ '' മായ ഒന്നും മിണ്ടാതെ പരിപ്പ് വടയും മോരൊഴിച്ച ചൂട് കഞ്ഞിയിലേക്കിട്ടു കഴിക്കാൻ തുടങ്ങി . ചെറുപ്പം മുതലേ അവള്‍ക്കിഷ്ടമാണ് കഞ്ഞിയില്‍ മോരൊഴിച്ചു അല്‍പം അച്ചാറും മൊരിഞ്ഞ പപ്പടവടയും കൂട്ടിക്കഴിക്കുന്നത് . പഴങ്കഞ്ഞി ആയാല്‍ കൂടുതലിഷ്ടം . അതുകൊണ്ട് തന്നെ അവള്‍ക്കായി പപ്പടവടയും കൊണ്ടായിരിക്കും ശിവന്‍ എന്നും തന്നെ വരാറ് . മനോജിനുള്ളതും , ശാരദക്കേറെ ഇഷ്ടമുള്ള പഴപൊരിയും വൈകിട്ട് വരുമ്പോൾ ശിവന്റെ കയ്യിലുണ്ടാകും . മനോജ്‌ പഠിക്കാൻ ആവറേജ് ആണ് . ഡിഗ്രി ഒരു വിധത്തിൽ പാസായി ഇപ്പോൾ ഒരു വാഹന ഷോറൂമിൽ സെയിൽസിൽ വർക്ക് ചെയ്യുന്നുണ്ട് . മായ പ്ലസ് ടൂ കഴിഞ്ഞപ്പോൾ നേഴ്‌സിംഗിന് കേരളത്തിലെ പല കോളേജുകളിലും അപ്ലൈ ചെയ്‌തെങ്കിലും കിട്ടിയില്ല . ഏഴു ലക്ഷത്തോളം രൂപയാകും പഠിച്ചിറങ്ങുമ്പോൾ എന്നത് കൊണ്ട് അകെ വിഷമത്തിൽ ഇരിക്കുമ്പോഴായിരുന്നു ശിവന്റെ മുതലാളിയുടെ കൂട്ടുകാരൻ വഴി ബാംഗ്ലൂരിൽ സീറ്റ് ലഭിക്കുന്നത് . കഴിഞ്ഞ ദിവസം അവൾക്കൊരു ആക്സിഡന്റ് ഉണ്ടായി കുഴപ്പമില്ല , ആരേലും വന്നാൽ വീട്ടിലേക്ക് വിടാമെന്ന് വിളിച്ചറിയിച്ചപ്പോൾ കുട്ടൻ അനിയത്തിയെ കൂട്ടാനായി ബാംഗ്ലൂരിലേക്ക് പോയതാണ് ശിവൻ ഹൌസ് ബോട്ട് ഡ്രൈവറാണ് . സീസണിൽ കിട്ടുന്ന തുക എല്ലാറ്റിനും തികയില്ലാത്തത് കൊണ്ട് ബുക്കിംഗ് ഇല്ലാത്തപ്പോൾ കിട്ടുന്ന പണിക്ക് പോകും . മനോജിനും ചെറിയ വരുമാനം ആയപ്പോഴാണ് തെല്ലൊരാശ്വാസമായത് . കയർ ഫാക്ടറിയിൽ ജോലിയുണ്ടായിരുന്ന ശാരദ ശാരീരികപ്രശ്നനങ്ങളാൽ ജോലി വേണ്ടാന്ന് വെച്ചിരുന്നു . '' മക്കളെ .... '' ഊണ് കഴിഞ്ഞ് അവസാന പാത്രവും കഴുകി വെക്കുമ്പോഴാണ് ശിവന്റെ വിളി മായയുടെ ഉള്ളിൽ നിന്നൊരാന്തലുണ്ടായി . ശാരദ കണ്ണ് നിറച്ചുകൊണ്ട് മകളെ നോക്കി . മനോജ് തന്റെ മുറിയിൽ നിന്നൊരു നിമിഷം കൊണ്ട് ഉമ്മറത്തെ അരപ്രേസിൽ ഇരിപ്പുറപ്പിച്ചിരുന്നു .ഊണ് കഴിഞ്ഞ് അരപ്രേസിൽ എല്ലാവരോടുമൊത്തിരിക്കുമ്പോഴാണ് ശിവൻ എല്ലായ്‌പ്പോഴും മനസ് തുറക്കാറുള്ളത് .. മക്കളുമങ്ങനെ തന്നെ . എത്രവലിയ പ്രശ്നങ്ങൾ ആണെങ്കിലും ഉറങ്ങാനായി എഴുന്നെറ്റവിടെ നിന്നും പോകുമ്പോൾ അപ്പൂപ്പൻ താടി പോലെ ഭാരമില്ലാത്ത മനസായിരിക്കും അച്ഛനോടൊപ്പമുള്ള സംസാരത്തിനൊടുവിലവർക്ക് . . '' ചോക്കലേറ്റാ .. ഇറ്റലിക്കാരായിരുന്നു ഇന്ന് ഗസ്റ്റ് '' അമ്മയും മകളും കൂടെ അരപ്രേസിൽ വന്നിരുന്നപ്പോൾ ശിവൻ വിദേശ നിർമിത മിട്ടായി അവർക്ക് നേരെ നീട്ടി . അത് വാങ്ങി കവർ പൊട്ടിച്ചു വായിലിട്ടെങ്കിലും മധുരത്തിനേക്കാൾ അവർക്ക് എന്തോ ചവർപ്പ് കലർന്നൊരു രുചിയായിരുന്നു അനുഭവപ്പെട്ടത് . '' പണ്ടൊരു രാത്രിയിൽ നല്ല മഴയുണ്ടായിരുന്നു . കായലിൽ നിന്ന് കടലിലേക്ക് കയറിയില്ലങ്കിലും അടുത്തായാണ് ബോട്ട് നങ്കൂരമിട്ടത് . ജെർമ്മനീന്നുള്ള ഗസ്റ്റ് ആയിരുന്നു . ഞാൻ ശെരിക്കുമോർക്കുന്നുണ്ട് . സാധാരണ രാത്രി സ്റ്റേ ആണേൽ ഞാനും ജോമോനുമൊക്കെ തിരിച്ചുപോരും . അന്ന് നല്ല മഴയും വേലിയേറ്റ സാധ്യതയും കണ്ടു രാത്രി പോരണ്ടാന്ന് തീരുമാനിച്ചു . ഗസ്റ്റിനും ചെറിയ പേടി . അന്നേരമാ കുഞ്ഞേട്ടൻ നിന്റമ്മേനെ ആശൂത്രീൽ ആക്കീന്ന് പറഞ്ഞു വിളിക്കുന്നെ . കുട്ടൻ അവരുടെ കൂടെ ആശൂത്രീലുണ്ട് . എനിക്ക് പോരാനും പോരാതിരിക്കാനും വയ്യ . എന്റെ ടെൻഷൻ അറിഞ്ഞോണ്ടാണോ എന്തോ ഗസ്റ്റ് ചോദിച്ചു എന്താ കാര്യമെന്ന് . കാര്യം പറഞ്ഞപ്പോൾ തനിച്ചു പോകണ്ട ബോട്ട് മടക്കിക്കോളാൻ പറഞ്ഞു . ജെട്ടിക്കടുത്ത് വല്ലോം ഇട്ടാൽ മതിയെന്ന് . ''' ''എനിക്കുണ്ടായ സന്തോഷം . ഞാൻ ആശൂത്രീൽ എത്തുമ്പോ നീയുണ്ടായി കഴിഞ്ഞിരുന്നു . എനിക്ക് കയ്യിൽ മേടിക്കാൻ കഴിഞ്ഞില്ല . കുഞ്ഞേട്ടന്റെ അമ്മ കുട്ടനെ മടിയിലിരുത്തി അവന്റെ കയ്യിലേക്ക് കുഞ്ഞോളെ .. നിന്നെ കൊടുത്തു . '' മായ ഉണ്ടായ ആ ദിവസം മനസിലോർത്തെടുത്തുകൊണ്ട് ശിവൻ സംസാരിച്ചു തുടങ്ങിയപ്പോൾ ശാരദക്ക് കണ്ണീരടക്കിപ്പിടിക്കാൻ ശ്രമിച്ചെങ്കിലും നടന്നില്ല . മനോജ് ഒലിച്ചിറങ്ങിയ ഈറ തുടച്ചിട്ട് അച്ഛനെ നിർന്നിമേഷനായി നോക്കിയിരുന്നു . മായയുടെ വായിലൂടെയും കണ്ണിലൂടെയും ഈറ ഒഴുകി തുണി നനച്ചിരുന്നു .വായടക്കാൻ പോലുമാവാതെ ശ്വാസം കിട്ടാതെ അവൾ വേവലാതിപ്പെട്ടപ്പോൾ മനോജ് അവളെ നെഞ്ചിലേക്ക് ചായ്ച്ചു മുടിയിലൂടെ കയ്യോടിച്ചു . '' അന്ന് മുതൽ ഞങ്ങളും ദേ ഇവനും നിന്നെ ജീവനെ പോലാ കൊണ്ട് നടക്കുന്നെ ... ആ നീയാണ് ''' ശിവൻ ഒന്ന് നിർത്തി മായയെ നോക്കി . അവൾ ആർത്തലച്ചു കൊണ്ട് മനോജിന്റെ തോളിൽ മുഖമമർത്തി കരഞ്ഞു . '' ഇങ്ങു നോക്ക് ... '' പൊടുന്നനെ മായ കരച്ചിലൊരുവിധം അടക്കി അച്ഛനെ നോക്കി . അച്ഛൻ അധികം അടിച്ചിട്ടില്ല ., നോട്ടം കൊണ്ട് തെറ്റിനെ തിരുത്തുന്ന അച്ഛന്‍ ഒരിക്കല്‍ കയ്യോങ്ങിയത് വാശിപിടിച്ചു കരഞ്ഞതിനാണ് . ആവശ്യങ്ങൾ പറയാം ..അതിന് വാശിപിടിക്കണ്ട കാര്യമില്ല .. മുഖമൊന്ന് ചുളിക്കാതെ മുഖത്ത് വിരോധമോ പരിഭ്രാന്തിയോ സങ്കടമോ ഭാവിക്കാതെ തങ്ങൾക്ക് പറയാനുള്ള കാര്യങ്ങൾ മുഖത്ത് നോക്കി സംസാരിക്കണം എന്നായിരുന്നു അച്ഛൻ പഠിപ്പിച്ചിരുന്നത് . ''' അച്ഛൻ പത്താം ക്‌ളാസ് വരെയേ പഠിച്ചിട്ടുള്ളൂ . ആഴമുള്ള കായലും കടലുമാണ് കരയേക്കാൾ കൂടുതൽ അച്ഛന്റെ ലോകം . പക്ഷെ ലോകത്തിന്റെ നാനാദിക്കുകളിൽ വരുന്നഎന്റെ ഗസ്റ്റുകളിൽ നിന്നെനിക്ക് കിട്ടിയ കുറെ അറിവുകളുണ്ട് . അറിവുകൾ അല്ല ..ഈ ലോകത്ത് ഉള്ള പല തരം ആളുകളുടെ സ്വഭാവങ്ങൾ വികാരങ്ങൾ . .''' '' ഈ ഇരുപത്തിയൊന്നാം നൂറ്റാണ്ടിൽ സ്ത്രീപുരുഷ ബന്ധങ്ങൾക്ക് അത്ര വിലയൊന്നുമില്ലങ്കിലും നമ്മുടെ ഭാരതത്തിൽ സ്ത്രീയുടെ ചാരിത്ര്യത്തിനു വളരെ പ്രാധാന്യമുണ്ട് . '' മായ ശ്വാസമടക്കി അച്ഛനെ നോക്കി . ശാരദയും മനോജും ഒട്ടൊരു ഭയത്തോടെ അയാളെയും മായയെയും മാറി മാറി നോക്കുന്നുണ്ടായിരുന്നു . ''എന്നാൽ അതിലും വലുത് ഒന്നുണ്ട് ... നിങ്ങളെക്കാൾ ഉപരി ഞങ്ങൾ മാതാപിതാക്കൾക്ക് ആകുമത് വലുത് ''' '' നിന്റെ ... നിന്നെപ്പോലുള്ള മക്കളുടെ ജീവൻ '' ശിവന്റെ കണ്ഠം ഇടറി '' ഒരു നിമിഷം കൊണ്ട് അവസാനിപ്പിക്കാനായിരുന്നെങ്കിൽ അമ്മേടേ ഉദരത്തിൽ നിന്ന് പുറത്തേക്ക് വരുന്ന പിഞ്ചുമുഖം കാണാൻ പത്തുമാസം കാത്തിരുന്നതെന്തിനായിരുന്നു ? പിച്ചവെക്കുമ്പോൾ കാലിടറാതെ ചാടി പിടിച്ചിരുന്നത്, കിന്നരിപ്പല്ല് മുളയ്ക്കുന്നത് കാണാൻ ..അതുകൊണ്ടൊരു കടിയുമ്മ കിട്ടാൻ കൊതിച്ചത് .. അരയിൽ പലഹാരപ്പൊതിയും കൊണ്ട് ഞങ്ങൾ എന്തിനാ വീട്ടിലേക്ക് വന്നിരുന്നത് ?'' ''നിങ്ങളുടെ സന്തോഷം കാണാൻ .. നിങ്ങടെ സ്നേഹം അനുഭവിക്കാൻ അല്ലെ ... ആ സ്നേഹവും ലാളനയും ഒരു നിമിഷം കൊണ്ട് നീ മടക്കി തരാൻ നോക്കി ... നിന്റെ ജീവിതം അവസാനിപ്പിച്ച് കൊണ്ട് ..അല്ലെ ..'' ''അച്ഛാ ... '' മായയുടെ ശബ്ദം പുറത്തേക്ക് വന്നില്ല . തന്നെ ഒരാൾ നശിപ്പിച്ചതോ ഒന്നും ആ അച്ഛന് വിഷയം അല്ലായെന്നവൾക്ക് തോന്നി പകരം താൻ ജീവനോടുക്കാൻ ശ്രമിച്ചതായിരുന്നു അച്ഛനെ വേദനിപ്പിച്ചതെന്നറിഞ്ഞപ്പോഴാണ് അവളാകെ തകർന്നു പോയത് '' കുട്ടാ ... നീയെന്തിനാണവളെ തല്ലിയത് ? അതാണോ ഒരു ചേട്ടന്റെ കർത്തവ്യം എന്ന് നീ പഠിച്ചിട്ടുള്ളത് . നിനക്കെന്തവകാശമാണ് തല്ലാനും കൊല്ലാനുമുള്ളത് ? നീ തല്ലിക്കൊല്ലുന്നതും അവൾ ആത്മഹത്യ ചെയ്യുന്നതുംതമ്മിലെന്ത് വ്യത്യാസമാണുള്ളത് . തല്ലാനും കൊല്ലാനുമല്ല ഞാൻ എന്റെ മക്കളെ വളർത്തിയത് . മാതാപിതാക്കൾക്കും സഹോദരങ്ങൾക്കും ശാസിക്കാനും നേർവഴിക്ക് നടത്താനും അധികാരമുണ്ട് ..അതിൽ കൂടുതൽ ഒരാളുടെ മേൽ യാതൊരു അവകാശവുമില്ല . ഒരാളുടെ കൂട്ടുകെട്ടും അവരുടെ ജീവിതവുമൊക്കെ അവരവർ തന്നെയാണ് തീരുമാനിക്കേണ്ടത് .അതിനുള്ള സ്വാതന്ത്ര്യവും അവർക്കുണ്ട് . തെറ്റാണെങ്കിൽ തിരുത്താം എന്നല്ലാതെ നമ്മുടെ ആജ്ഞകൾ ആരുടെമേലും അടിച്ചേൽപ്പിക്കാൻ നമുക്കവകാശമില്ല . ഒരു പൗരന്റെ മൗലികാവകാശങ്ങളിൽ പെടുന്നതാണ് ഇതെല്ലാം '' 'നീ നിന്റെ ഫ്രണ്ട് മെറിനുമായി നീ സിനിമക്ക് പോയിട്ടില്ലേ ? ബീച്ചിലും പാർക്കിലും പോയിട്ടില്ലേ ? അതെന്താ പരിശുദ്ധ പ്രണയമാണോ ? മക്കളെ ... ചതി നടക്കും വരെ എല്ലാ പ്രണയവും പരിശുദ്ധമാണ് . അങ്ങനെയാണ് നാം കരുതുന്നത് . '' മായയുടെ ശിരസ്സിലൂടെ തലോടി ആശ്വസിപ്പിച്ചിരുന്ന മനോജിന്റെ കൈകൾ നിശ്ചലമായിരുന്നു . മെറിൻ കൂടെ പഠിച്ചതാണ് . അന്യ മതസ്തരായതിനാൽ ഒരിക്കലും ഇരുവരുടെയും വീട്ടിൽ അനുവദിക്കില്ലായെന്നും പറഞ്ഞുനോക്കാം , എന്നാൽ വീട്ടുകാരെ വെറുപ്പിച്ച് തങ്ങൾക്കൊരു ജീവിതം വേണ്ടാന്നും ഇരുവരും ആലോചിച്ചുറപ്പിച്ചിട്ടുണ്ടായിരുന്നു . '' നീയവളെ വഞ്ചിച്ചിട്ടില്ലല്ലോ എന്നായിരിക്കും ഇപ്പോൾ നിന്റെ മനസ്സിൽ '' ''ഇല്ല ..അച്ഛാ ... രണ്ടുപേരുടെയും വീട്ടിൽ അനുവാദം തന്നില്ലെങ്കിൽ വിവാഹം കഴിക്കില്ലെന്ന് ഞങ്ങൾ തീരുമാനിച്ചിട്ടുണ്ട് '' '' ഭ്ഭാ .... ''' ശിവൻ ക്രൂദ്ധനായി കയ്യോങ്ങിക്കൊണ്ട് ചാടിയെണീറ്റു . മായ ഒരുനിമിഷം കൊണ്ട് തന്റെ വിഷമം മറന്ന് ഏട്ടന്റെ മുന്നിൽ അച്ഛന് വിലങ്ങായി നിന്നു അച്ഛനെ ഇത്ര ക്രൂദ്ധനായി ഇതുവരെ കണ്ടിട്ടില്ല '' അങ്ങനെയൊരു അനുവാദം കിട്ടില്ലെന്ന്‌ തോന്നിയെങ്കിൽ നിങ്ങളെന്തിനാണ് പ്രണയിച്ചേ ? നേരമ്പോക്കിനോ ? വീട്ടുകാരുടെ അനുവാദം കിട്ടിയില്ലെങ്കിൽ വിവാഹം കഴിക്കില്ലെന്ന് രണ്ടാളും തീരുമാനിച്ചിട്ടുണ്ട് പോലും !!'' ''അതോടെ എല്ലാം കഴിഞ്ഞോ ? നിങ്ങൾക്ക് വേണ്ടന്ന് വെക്കാനെളുപ്പമാണ് . മനസ്സറിഞ്ഞൊരാളെ സ്നേഹിച്ചാൽ ജീവൻ പോകും വരെ അവരുടെ ഓർമ മനസിൽ നിന്ന് പോകുമെന്ന് കരുതുന്നുണ്ടോ ? പക്ഷെ പിന്നീട് നിങ്ങളുടെ ജീവിതത്തിലേക്ക് വരുന്നൊരാളെ പൂർണഹൃദയത്തോടെ, സംതൃപ്തിയോടെ സ്നേഹിക്കുമെന്നുറപ്പുണ്ടോ ? . എത്ര വിശാല മനസ്കനായാലും ഒരു താരതമ്യം ഉണ്ടാകും .എല്ലാറ്റിനും വരാൻ പോകുന്ന പങ്കാളിയോടാണ് നിങ്ങൾ ചതി ചെയ്യുന്നത് ..അല്ലാതെ സ്വന്തം മനസിനോടോ ശരീരത്തിനോടോ അല്ല .'' ശിവൻ വീണ്ടും കസേരയിൽ ഇരുന്നപ്പോൾ ശാരദയുടെ ശ്വാസം ഒന്ന് നേരെ വീണു '' പ്രണയം നല്ലതാണ് .. ശരീരം കളങ്കപ്പെട്ടാൽ അയാളെ മാത്രമേ ബാധിക്കൂ .. പക്ഷെ മനസ് കളങ്കപ്പെട്ടാൽ കൂടെയുള്ളവരെ മുഴുവൻ ബാധിക്കും. ഒരാക്സിഡന്റിൽ ശരീരം മുഴുവൻ വൃണപ്പെട്ടാലും അത്യാധുനിക ചികിത്സാസംവിധാനങ്ങൾ ഉള്ള ഇക്കാലത്തു സമയം എടുത്താണെങ്കിലും ശരീരാവയവങ്ങളെ പഴയ നിലയിലെത്തിക്കാനാകും . എന്നാൽ മുറിവേൽക്കുന്നത് മനസിനായാൽ ചികിൽസിക്കാൻ നമ്മളെക്കൊണ്ട് മാത്രമേ സാധിക്കൂ . ഉപദേശങ്ങളും കൗൺസിലിംഗുമൊക്കെ സഹായകമാകുമെങ്കിലും മനസ് പൂർവ്വ സ്ഥിതിയിൽ ആക്കേണ്ടത് നമ്മൾ തന്നെയാണ് .. അതിന് ഫലപ്രദമായ ചികിത്സയില്ല '' ''കുഞ്ഞോളെ ... നീ ചെറുപ്പമാണ് . ലോകം ഇതുകൊണ്ടൊന്നും അവസാനിക്കുന്നില്ല . ലോകത്തെവിടെയും ഇതൊരു അസാധാരണ സംഭവവുമല്ല ഇക്കാലത്ത് . നീ പഠിക്കണം ..ജോലി നേടണം . മറ്റൊരു വിവാഹവും കുഞ്ഞുങ്ങളുമൊക്കെ നിന്റെ തീരുമാനങ്ങളാണ് . കാലം മായ്ക്കാത്ത മുറിവുകളില്ല . ജീവിതം അവസാനിപ്പിക്കാൻ ഒരു നിമിഷം മതി . പക്ഷെ ആ ജീവിതം ഇതുവരെ എത്തിയത് , എത്തിച്ചതെങ്ങെനെയെന്ന് ചിന്തിച്ചാൽ ആരുമതിന് തുനിയില്ല . മക്കളുടെ ചിരിയും കളിയും ലഭിച്ച സ്നേഹവും മുത്തങ്ങളും ഓർത്താൽ ഒരച്ഛനും അമ്മയും എന്ത് കാര്യത്തിനായാലും മക്കളെ ഒരു പരിധിയിൽ കവിഞ്ഞു, മനസ് മുറിവേൽക്കും പോലെ സംസാരിക്കുകയുമില്ല . അത് നിനക്ക് മനസ്സിലാകണമെങ്കിൽ നീയുമൊരു അമ്മയാകണം . '''' '' ഇല്ലച്ഛാ ...എനിക്ക് ജീവിക്കണം .എനിക്ക് നിങ്ങളെയൊക്കെ വിട്ട് പോകാനാവില്ല '' മായ പൊട്ടിക്കരച്ചിലോടെ നെഞ്ചിലേക്ക് വീണപ്പോൾ ശിവൻ അവളെ അരുമയോടെ തലോടി ആശ്വസിപ്പിക്കുന്നത് കണ്ടപ്പോൾ ശാരദ ആനന്ദാശ്രുക്കൾ പൊഴിച്ചു . '' കുട്ടാ ... മാത്യു സാർ അൽപം പുരോഗമനചിന്താഗതിക്കാരനാണ് . നിന്നെ ചെറുപ്പം മുതലേ അറിയാം അദ്ദേഹത്തിന് . നിങ്ങളുടെ സ്നേഹബന്ധമറിഞ്ഞപ്പോൾ എന്നെ വന്നു കണ്ടിരുന്നു . രണ്ടാൾക്കും ഒരു ജോലി ആകട്ടെ എന്ന് ഞങ്ങൾ പറഞ്ഞു തീരുമാനിച്ചതാണ് . ഒരു കാര്യം മാത്രം . അവൾ അന്യമതത്തിൽ പെട്ടവളാണ് . അതുകൊണ്ടു തന്നെ ജീവിത സാഹചര്യങ്ങളും ശീലങ്ങളും ഒക്കെ നമ്മളിൽ നിന്നും മാറ്റമുണ്ടാകും . വിശ്വാസങ്ങളുടെ പേരിൽ നിങ്ങൾ തമ്മിൽ അകൽച്ചയുണ്ടാകരുത് . നിന്റെ വിശ്വാസങ്ങൾ പോലെ തന്നെ മൂല്യമേറിയതാണ് അവളുടേതും . അതുകൊണ്ടു അവളെയും നിങ്ങൾക്കുണ്ടാകുന്ന കുഞ്ഞുങ്ങളെയും മതവിശ്വാസങ്ങൾ അടിച്ചേൽപ്പിക്കരുത് . പ്രണയിക്കാം ..അത് സ്വത്ത് സ്വന്തമാക്കാനോ മത- രാഷ്ട്രീയങ്ങളിലേക്ക് ആളെ ചേർക്കാനോ ആവരുത് .. പ്രണയം മനസുകൾ തമ്മിലുള്ള ബന്ധമാകണം '' ഉറങ്ങാനായി കിടന്നപ്പോൾ വാതിൽക്കൽ വന്നു നിന്ന് പറഞ്ഞ അച്ഛന്റെ വാക്കുകൾ കേട്ട് മനോജ് നെഞ്ചിൽ കൈവെച്ചു മുകളിലേക്ക് നോക്കി ... താൻ വിശ്വസിക്കുന്ന ദൈവത്തിന് നന്ദി പറഞ്ഞുകൊണ്ട് . -സെബിൻ ബോസ് #📝 ഞാൻ എഴുതിയ വരികൾ #📔 കഥ #💞 പ്രണയകഥകൾ #📙 നോവൽ

ഫോണിൽ msgnte വൈബ്രേറ്റിംഗ് കേട്ടപ്പോ തന്നെ മനസ്സിലായി... അത് കൊണ്ട് തന്നെ ശ്രദ്ധിക്കാനേ പോയില്ല.. ഡാ മനൂ കുറേ നേരമായല്ലോ msg വരുന്നു. ആരാ ഇങ്ങനെ msg വിട്ടോണ്ടിരിക്കുന്നത്. ഫ്രീ ടൈമിൽ എങ്കിലും അതൊന്ന് നോക്കിക്കൂടെ...? ഓ.. എന്തിന് ? അതിന്റെ ആവശ്യം ഒന്നും ഇല്ല. ഓ.. അത് നിന്റെ ഭാര്യ യാണ് അല്ലേ? ഉം.. അത് എന്താടാ നീ കാൾ എടുക്കാത്തത്? ഓ.. വേറെ പണിയില്ല. കുത്തിയിട്ടതും മുളച്ചതും ഒക്കെ പറഞ്ഞോണ്ടിരിക്കും ഇവിടെ നല്ല വർക്കിലാ എന്നറിഞ്ഞൂടെ അവൾക്ക്? മാസത്തിൽ ചിലവിന് ക്യാഷ് കൊടുക്കുന്നുണ്ട്.. പിന്നെ അവൾക്ക് എന്തിന്റെ കേടാ. ഫുഡ്‌ കഴിച്ചോ? ഉറങ്ങിയോ? പിന്നെ ഉ മ്മ അത് പറഞ്ഞു. ഇത് പറഞ്ഞു. ഇല്ലാത്ത കുറ്റോം കുറവും ഒക്കെ പറയും. ഉമ്മയും അതേ ഭാര്യയും ഇതേ പല്ലവിയാ.. അല്ലെങ്കിലേ ഇവിടെ നൂറായിരം പ്രശ്നങ്ങൾ ഉണ്ട്. അത് അടുക്കളയിൽ ആ പൊട്ടകുളത്തിൽ കിടക്കുന്ന തവളക്ക് ഉണ്ടോ അറിയുന്നു.. ഒന്ന് ഫ്രീ ആയപ്പോൾ എ ടുത്ത് നോക്കി.. പരാതികളുടെയും പരിഭവങ്ങളുടെയും നീണ്ട നിര.. വീട്ടിലെ കോഴികൾ ചൂട് കൂടി ചത്തു. കീരി.. Naya കോഴി കളെ പിടിക്കും.എന്നൊക്കെ നിങ്ങളോട് ഞാൻ പറഞ്ഞു.. തൊടിയിലെ മരങ്ങൾ മുറിക്കണ്ടാന്ന്. ആര് കേൾക്കാൻ.. ഇവിടെ ചൂട് സഹിക്കാൻ വയ്യ മനുഷ്യാ... തുടങ്ങി .. ദേഷ്യം വന്ന് ഫോൺ കട്ടിലിൽ ഇട്ട് ഞാൻ എന്റെ പാട്ടിന് പോയി.. വൈകുന്നേരത്തിനുള്ളിൽ 50000രൂപ വേണം. എവിടെ നിന്നുണ്ടാക്കും. ഒരെത്തും പിടിയും കിട്ടുന്നില്ല.. അതിനിടക്കാ അവളുടെ തേങ്ങേൽ കോഴി കുറുക്കൻ പറഞ്ഞോണ്ട്... കാൽ ഉയർത്തി ആഞ്ഞൊരു ചവിട്ട് ചുമരിനിട്ട് കൊടുത്തു.. അതാവുമ്പോ പ്രതികരിക്കില്ലാലോ. എന്റേതായ തിരക്കുകളിൽ ടെൻഷനിൽ ഞാൻ മുഴുകി.. ശശി ഏ ട്ടന്റെ കാൾ കണ്ടപ്പോൾ കാർ സൈഡാക്കി നിർത്തി. നിന്റെ ക്യാഷ് ok ആയോ? ഇല്ല ഏട്ടാ... ആ എന്നാ ഞാൻ തത്കാലം തരാം.. പക്ഷേ ഞാൻ പറയുന്നത് നീ കേൾക്കണം.. ഞാൻ ഇവിടെ മാർക്കറ്റിൽ ഉണ്ട്.. ശശി ഫോൺ വെച്ചു. ശശി ഏ ട്ടൻ തത്കാലം കാശ് കടം തന്നു... നീ റൂമിൽ എ ത്തുമ്പോൾ വിളിക്ക്. അപ്പോളേക്കും എന്റെ വർക്കും തീരും.ഞാൻ റൂമിൽ വന്നിട്ട് സംസാരിക്കാം. Ok.. By ഏട്ടാ.. രാത്രി 12 മണി ആയി ഒന്ന് ഫ്രീ ആയപ്പോൾ.. ശശി ഏട്ടൻ റൂമിൽ ഉണ്ട് ഞാൻ എത്രയും പെട്ടെന്ന് കാശ് തിരിച്ചു തരാം.താങ്ക്സ് മനു പറഞ്ഞു ഉം.. ഡാ എനിക്ക് ഇന്ന് ഈ ഭൂമിയിൽ ആരാ ഉള്ളത് എന്ന് നിനക്കറിയോ? എന്റെ ലൈഫ് നിനക്കറിയോ? ഇല്ല.. പേഴ്സിൽ നിന്ന് ഒരു ഫോട്ടോ എടുത്തു. എന്റെ ഭാര്യ ആണത്... 18 വർഷം ഞങ്ങൾ ഒരുമിച്ച് ജീവിച്ചു. ഞാനും മക്കളും അവൾക്ക് ജീവനാണ്. നിന്റെ പെണ്ണിനെ പ്പോലെ തന്നെ ഇടക്ക് ഇടക്ക് അവൾ msg വിടും. ഒരു ഹഗ്ഗ്‌ തരോ? ഒരു ഫ്രഞ്ച് കിസ് തരോ എന്നൊക്കെ ആവും ചോദ്യo. മക്കൾക്ക് മക്കൾ ആയാലും നമ്മൾ ഇങ്ങനെ എന്നും പ്രണയിച്ചുകൊണ്ടിരിക്കണം. അല്ലേ ഏട്ടാ ഉം. ഞാനും മൂളും.. എന്റെ സ്വരം ഒന്ന് മാറിയാൽ എന്റെ പെണ്ണ് കരയും.. അവൾക്ക് അത്രക്ക് ഇഷ്ടം ആണ് എന്നെ.... ഒരു തൊട്ടാവാടി. ഞാൻ ഒന്ന് വിളിക്കാഞ്ഞാൽ ആ പാവത്തിന് ഉറക്കം പോലും ഉണ്ടാവില്ല. കാമുകീ കാമുകന്മാരായിരുന്നു ഞങ്ങൾ.. എന്നിട്ട്? ബാക്കി പറയ്. ശശി ഏ ട്ടാ.. ചേച്ചിക്ക് സുഖo അല്ലേ? പെട്ടെന്ന് എന്നെ കെട്ടിപിടിച്ച് ശശി ഏ ട്ടൻ കരഞ്ഞു. കാര്യം എന്ത് എന്നറിയാതെ ഞാൻ നിന്നു. ആ കൈകളിൽ മുറുകെ പിടിച്ചു. കരച്ചിൽ തെല്ലൊന്ന് അടങ്ങിയപ്പോൾ വീണ്ടും ഏ ട്ടൻ പറയാൻ തുടങ്ങി. ഒരിക്കൽ ഒരു msg വന്നു എന്റെ ഭാര്യ അയച്ചതാണ് എനിക്ക്. ഞാൻ മറ്റൊരാളുടെ കൂടെ പോവുന്നു. നിങ്ങളെ ഉപേക്ഷിച്ച്... എന്നെ കൂടാതെ അവന് ശ്വാസം മുട്ടുന്നു എന്ന്. ഞാനും അവനും അത്രയേറെ സ്നേഹത്തിൽ ആയി.. എന്റെ കൈകാൽ ഒക്കെ തണുത്ത് മരവിക്കുന്ന പോലെ. നെഞ്ച് വേദനിക്കുന്നപോലെ. തളർന്ന് ഞാൻ ഇരുന്നു.. എന്റെ പെണ്ണ് എന്നെ കളിപ്പിക്കാൻ പറഞ്ഞതാണോ? നോർമൽ ആയപ്പോൾ അവളെ എന്റെ ഭാര്യയെ വിളിച്ചു. ആരും ഫോൺ എ ടുത്തില്ല. അമ്മക്കും അച്ഛനും ഒക്കെ വിളിച്ചു. നേരം ഉച്ചയായപ്പോൾ അനിയന്റെ msg വന്നു. ഏട്ടാ ഏടത്തിയമ്മ പോയി... ഞാൻ വിചാരിച്ചത് അവൾ... നീ കാര്യം പറയ്.. ഞാൻ അവനോട് ദേഷ്യപെട്ടു. അവൻ മറുപടി ഒന്നും പറഞ്ഞില്ല.. പകരം ഒരു ഫോട്ടോ അയച്ചു തന്നു. എന്റെ പൊട്ടിപെണ്ണിന്റെ ഫോട്ടോ... അവൾ മരിച്ചുകിടക്കുന്ന ഫോട്ടോ... എന്റെ കയ്യിൽ നിന്നും ഫോൺ വീണു. കൂട്ടുകാർ എല്ലാവരും ചേർന്ന് എന്നെ നാട്ടിലേക്ക് ഫ്ലൈറ്റ് കേറ്റി.. വിറങ്ങലിച്ചു കിടക്കുന്ന എന്റെ വായാടിയുടെ ജീവനറ്റ ശരീരം എനിക്ക് സഹിക്കാൻ ആയില്ല. ഒന്നല്ല ഒരായിരം വട്ടം വിളിക്കും. കലപില കൂട്ടും . പിണങ്ങിയിരിക്കും. പക്ഷേ ഞാൻ ഒന്ന് വിളിച്ചാ മതി അവളുടെ എല്ലാ പിണക്കവും മാറും. ഇന്ന് അവൾ എന്നെ വിട്ട് പോയിട്ട് 7 വർഷം കഴിഞ്ഞു. പക്ഷേ അവൾ എ ന്റൊപ്പം ഉണ്ട്. എന്റേത് മാത്രമായി.. നഷ്ടപെടുമ്പോൾ മാത്രമാണ് വില അറിയുന്നത്.. ഒരിക്കലും അവൾ വരില്ല എന്ന് ഓർമ വരുമ്പോൾ തളർന്നു പോവും ഞാൻ.. അതേ എനിക്ക് തനിച്ചൊന്നിരിക്കണം. ഏ ട്ടൻ പുറത്തേക്ക് പോയി. ചിലപ്പോൾ മതി വരോളം കരയാനാവും. കിടന്നിട്ട് ഉറക്കം വന്നില്ല. മനുവിന് നാട്ടിൽ ഈ നേരത്ത് 2.30. Am. അവൾ തഹജ്ജുദ് നിസ്കരിക്കാൻ എണീച്ചിട്ടുണ്ടാവോ? വിളിക്കണോ? ജസ്റ്റ്‌ ഒരു msg വിട്ടു. നീ ഉറങ്ങിയോ?. Msg. ൽ നീല വര കണ്ടു. പിന്നെ ചറപറാ മെസ്സേജ് ആയിരുന്നു. എന്നെ നിങ്ങൾക്ക് വേണ്ടാതായോ? ശല്യമായോ? ക്ഷമയോടെ അവൾക്ക് മറുപടി കൊടുത്തു എന്റെ പെണ്ണേ.. ഒരുപാട് ഇഷ്ടമാ എനിക്ക് നിന്നെ... ജോലി തിരക്ക് ഓരോ പ്രശ്നങ്ങൾ... അതാ ഞാൻ.. സാരല്ല ഇക്കാ .. നിങ്ങൾ വിളിച്ചൂലോ.. അവളുടെ ചിരി കുപ്പിവള പോലെ കിലുങ്ങി. അവളുടെ സംസാരം കേ ട്ട് ഉമ്മയും വന്നു.. കുറേ നേരം സംസാരിച്ചപ്പോൾ ആശ്വാസം ആയി. എന്തോ ഇന്ന് കിടന്നപ്പോൾ അവൾ അടുത്തുണ്ടെങ്കിലോ എന്ന് തോന്നിപ്പോയി. .ഒരു hugg ന്റെ ചിത്രം അയച്ചപ്പോൾ ഒത്തിരി hugg msg... അറിയാതെ ചിരിച്ചുപോയി... ഇത്രയേ ഉളളൂ എന്റെ പെണ്ണ്... നീ പാതി നാൻ പാതി കണ്ണേ... അറിയാതെ 2 വരി മൂളി.. എന്നാ റെക്കോർഡ് ഇട്ടാലോ.. എന്റെ പെണ്ണിന് ഞാൻ അയച്ചു കൊടുത്തു.ഞാൻ പാടിയത് അവൾ ഇടക്കിടെ ചോദിക്കും രണ്ട് വരി തരോ എന്ന്.. പതിയെ ഞാനും ഉറക്കത്തിലേക്ക്... രചന - താഹിറ #📝 ഞാൻ എഴുതിയ വരികൾ #📔 കഥ #💞 പ്രണയകഥകൾ #📙 നോവൽ

നിങ്ങളെ ആരേം കണ്ടോണ്ടല്ല ഞാനീ സ്ഥാപനം തുടങ്ങിയത്.... താല്പര്യം ഇല്ലാ എങ്കിൽ വരണ്ട.... തോന്നിയ പോലെ വരാനും വരാതെ ഇരിക്കാനും പറ്റില്ല.... കണ്ണൻ മുതലാളിയുടെ ഉയർന്ന ശബ്ദത്തിനു മുന്നിൽ തലകുനിച്ചു ഉഷ നിൽക്കുന്നുണ്ട്..... കസ്റ്റമറേ ഡീൽ ചെയ്യുക ആരുന്നെങ്കിലും എൽസി യുടെ കണ്ണ് കാഷ്യർ കൗണ്ടറിലേക്ക് ആയിരുന്നു... ഈ പെണ്ണിന്റെ വായിൽ എന്തോന്നാ..... വരാതെ ഇരുന്നതിന്റെ കാരണം അങ്ങോട്ടു തൊള്ള തുറന്നു പറഞ്ഞാൽ എന്താ.... എന്നു എൽസി ചിന്തിച്ചു... അതേയ് ആ പച്ച കളർ ഒന്നു കാണിക്കുമോ.. എൽസിയുടെ മുന്നിലുള്ള കസ്റ്റമർ വിരൽ ചൂണ്ടിയ ഭാഗത്തേക്ക്‌ എൽസി പെട്ടന്ന് തിരിഞ്ഞു... മാഡം.. അത് ചെറുപയർ പച്ച ആണ്.... അത് ഈ ടോപ് നു മാച് ആവില്ല.... കുറച്ചൂടെ ബ്രയ്റ്റ് ആയിട്ടുള്ള പച്ച ആണ് ചേരുക.... എന്നു പറഞ്ഞു എങ്കിലും അവർ കാണിച്ചു കൊടുത്ത ലെഗിൻസ്, കവറിൽ നിന്നും പുറത്തെടുത്തു കാണിച്ചു... എന്നാ. പിന്നെ ആദ്യം കാണിച്ചതു മതി..... കുന്നു കൂടി കിടക്കുന്ന തുണികൾക്ക് അടിയിൽ നിന്നും ആദ്യം എടുത്തിട്ട ലെഗിൻസ് അവർ തന്നെ വലിച്ചു പുറത്തെടുത്തു.... വേറെ എന്താ മാഡം....എൽസി ചുണ്ടിലൊരു പുഞ്ചിരിയോടെ ചോദിച്ചു... ഇത് മതി.... ഓക്കേ... പെട്ടന്നത് കവറിൽ ആക്കി അവരുടെ കൈയിലേക്ക് കൊടുത്തു... കാശ് അവിടെ അടച്ചോളൂ..... എൽസി കഷ്യർ കൗണ്ടറിലേക്ക് കൈ ചൂണ്ടി.. മുന്നിൽ കിടക്കുന്ന തുണി കൂമ്പാരം കണ്ടു എൽസിയ്ക്ക് കരച്ചിൽ വന്നു.. കട തുറന്നപ്പോൾ കേറി വന്ന കസ്റ്റമർ ആണ്.. ഒരു ലെഗിൻസ് ആണ് അവർക്കു വേണ്ടിയിരുന്നതും.... പക്ഷേ... ഒരു രസം പോലെ കണ്ണിൽ കണ്ട ചുരിദാർ ഒക്കെ എടുത്തു നോക്കി... ഓരോന്ന് എടുത്തു നിവർത്തി നെഞ്ചിലേക്ക് ഇട്ടു കണ്ണാടി ക്കു മുന്നിൽ പോയി അവർ നിൽക്കുന്നുണ്ടാരുന്നു... ആദ്യ കസ്റ്റമർ ഇറങ്ങി പോയാൽ ഉള്ള ഭവിഷ്യത്തു ഓർത്തു ഉഷ ഒന്നും മിണ്ടാതെ നിന്നതാണ്... ക്യാഷ് കൗണ്ടറിൽ ആള് ചെന്നപ്പോൾ ഉഷ യോട് അയാൾ പറഞ്ഞു... ഇനി ഒരു മുന്നറിയിപ്പ് ഉണ്ടാവില്ല.. ടൈം കീപ്‌ ചെയ്യാൻ പറ്റുന്നില്ല എങ്കിൽ കടയിൽ ഞാൻ കയറ്റില്ല..... പൊക്കോ..... തലകുനിച്ചു ഉഷ എൽസിക്ക് അരികിലെത്തി....എൽസിയെ നോക്കി . വരണ്ട ഒരു പുഞ്ചിരി മുഖത്തു വിടർന്നപ്പോൾ നിറഞ്ഞു നിന്ന കണ്ണിൽ നിന്നും കണ്ണുനീർ അടർന്നു വീണു.... അയ്യേ.. നീ കരയുവാ..... എൽസി മെല്ലെ ചോയ്ച്ചു.... അതിനും അവൾ ഒന്നും പറഞ്ഞില്ല.... ഉഷേ.... ഇതൊന്നു മടക്കാൻ കൂടിക്കെ.... എൽസി അവളോട്‌ പറഞ്ഞു.... മിനി വന്നില്ലേ ചേച്ചി.. ഉഷ ചോദിച്ചു... ഇല്ല.. ഓൾടെ കൊച്ചിന് പനി.....അവൾ രാവിലെ വിളിച്ചു ലീവ് പറഞ്ഞപ്പോളാ നീ താമസിച്ചു കേറി വന്നത്.. അതാ കണ്ണേട്ടൻ അങ്ങനൊക്കെ... സാരല്യ... എനിക്കിതു ശീലം ആണ്.. ഉഷ പിന്നെയും ചിരിച്ചു.... കോട്ടയത്തെ ജില്ലാ ആശുപത്രിയുടെ ഗേറ്റ് നു തൊട്ട് മുന്നില ആണ് സരയൂ ഗാർമന്റ്സ്.... താരതമ്യേനെ ചെറുതല്ലാത്ത തുണിക്കട... അവിടുത്തെ സ്റ്റാഫ് ആണ് എൽസി എന്ന നാല്പത്തഞ്ചു കാരിയും ഉഷ എന്ന മുപ്പതു കാരിയും പിന്നെ മിനി എന്നൊരു പുതിയ പെണ്ണും.... അത്യാവശ്യം കച്ചവടം ഉണ്ടാരുന്ന കടയിൽ കൊറോണ യ്ക്ക് ശേഷം എല്ലാം അവതാളത്തിൽ തന്നെയാണ്... എന്നാലും മൂന്നു സ്റ്റാഫ് ഇല്ലാതെ പറ്റില്ല എന്നതാണ് സത്യം.... കടയുടെ ഓണർ കടതുറന്നു പതിനൊന്നു ആകുമ്പോ.... ടൗണിലുള്ള മറ്റൊരു കടയിലേക്ക് പോകും..... അപ്പോൾ മിനി എന്ന സ്റ്റാഫ് ആണ് കഷ്യർ കൗണ്ടറിൽ ഉണ്ടാകുന്നത്.... എൽസിയും ഉഷയും ആറേഴ് കൊല്ലമായി അവിടെ തന്നെയാണ് ജോലി ചെയ്യുന്നത്.... എൽസി ഞാൻ പോകുന്നു... വല്ലാതെ തിരക്ക് വന്നാൽ ശ്യാമിനെ വിളിക്കണം... കണ്ണൻ മുതലാളി കസേരയിൽ നിന്നും എണീറ്റു.... പുറത്തേക്കു നടന്നു..... ഇന്നെന്താ താമസിച്ചേ ഉഷേ..... മുതലാളി പോയി കഴിഞ്ഞാ കിട്ടുന്ന ആകെയുള്ള സ്വാതന്ത്ര്യം ഇത്തിരി ശബ്ദം ഉയർത്തി സംസാരിക്കാൻ പറ്റും എന്നുള്ളതാണ്... താമസിച്ചു...... ഉദാസീനമായി അവൾ പറഞ്ഞു... ഇന്നലയും മിനിഞ്ഞാന്നുമൊക്കെ അരമുക്കാൽ മണിക്കൂർ ലേറ്റ് ആയല്ലേ നമ്മൾ ഇവിടുന്നു ഇറങ്ങി പോയെ.... അതൊന്നും കണക്കിൽ പെടില്ലേ.... എൽസി അവളുടെ മുഖത്തേക്ക് നോക്കി എനിക്കറിയില്ല..... കണ്ണേട്ടനോട് ഞാൻ ഇതുവരെ തിരിച്ചൊന്നും പറഞ്ഞിട്ടില്ല... ഉഷ പതിഞ്ഞ ച്ചിരിയോടെ പറഞ്ഞപ്പോളും ആ കണ്ണ് നിറഞ്ഞു വരുന്നത് എൽസി കണ്ടു എന്നോട് അധികം ആരും ചാടാൻ വരില്ല... എനിക്കുറപ്പാണ്.... നമ്മൾ എന്താ അടിമകൾ ആണോ..... പത്തു മണിക്കൂർ ജോലിയും ചെയ്യണം വായിലിരിക്കുന്നതൊക്കെ കേൾക്കുകേം വേണം.... എൽസി പിന്നെയും നിന്നു പിറുപിറുത്തു... എൽസി ചേച്ചി അടിമ അല്ല.... പക്ഷെ ഞാൻ അടിമയെപ്പോലെ അല്ലേ.... രൂപ അമ്പതിനായിരം കൊടുക്കാൻ ഉണ്ട്.... എന്നിട്ടും മാസശമ്പളത്തിൽ നിന്നും അയ്യായിരം മാത്രം അല്ലേ പിടിക്കുന്നുള്ളു... ഇനീം ഒരു കൊല്ലം കൊടുത്താൽ മാത്രേ അത് തീരു....അപ്പോൾ അടുത്ത കടം വാങ്ങാനുള്ള എന്തെങ്കിലും കാരണം ദൈവം ഒപ്പിച്ചു തന്നോളും... ഉഷ ചിരിച്ചു കൊണ്ട് പറഞ്ഞു... മടക്കി തീർന്ന തുണികൾ രണ്ടാളും കൂടി അതാത് സ്ഥലങ്ങളിൽ വെച്ചപ്പോൾ അടുത്ത കസ്റ്റമർ കയറി വന്നു.... ഉഷേ.... എന്റെ ബാഗിൽ പാലപ്പം ഉണ്ട്... ഞാൻ ഇവരെ മാനേജ് ചെയ്തോളാം പോയി കഴിക്കു.... ഇതൊരു പതിവാണ്.... ഉഷയ്ക്ക് വേണ്ടി എന്നും ഉണ്ടാകും എന്തെങ്കിലും ഒക്കെ കഴിക്കാനായി എൽസിയുടെ ബാഗിൽ.... കിടപ്പിലായ അമ്മയെയും.... ബുദ്ധി വളർച്ച ഇല്ലാത്ത ചേട്ടനെയും പരിചരിച്ചു.. അവർക്കു ഉള്ളതൊക്കെ കൊടുത്തു.... അടുക്കളയിലെ പണികൾ ഒക്കെ തീർത്തു വരുമ്പോൾ ഉഷ എന്നും പട്ടിണി ആയിട്ടാകും വരുന്നതെന്ന് എൽസിക്ക് ഉറപ്പാണ്... എൽസിക്ക് വീട്ടിൽ ജോലി ചെയ്തു സഹായിക്കാൻ മോളുണ്ട്.... ഓട്ടോ ഡ്രൈവർ ആയ ഭർത്താവ് ഫിലിപ്പ് ചേട്ടനും കൂടെ കൂടും.... സന്തോഷം സമാധാനം കുടുംബ ജീവിതം... കസ്റ്റമറേ ഡീൽ ചെയ്തു.... കാശും വാങ്ങി പെട്ടിയിൽ ഇട്ടു കഴിഞ്ഞപ്പോൾ ഉഷ കഴിച്ചിട്ട് വന്നു..... ഉഷ...ഡിഗ്രിക്ക് പഠിക്കുമ്പോൾ ആണ് അവളുടെ അച്ഛൻ പെട്ടന്ന് മരിക്കുന്നതു.... അതുവരെ സന്തോഷകരം ആയിരുന്നു ജീവിതം...ചെറിയ ചെറിയ സ്ഥലകച്ചോടം ഒക്കെ നടത്തി അത്യാവശ്യം കുഴപ്പം ഇല്ലാതെ ജീവിക്കുന്ന സമയത്ത് പെട്ടന്നൊരു ദിവസം കുഴഞ്ഞു വീണു മരിച്ചു.... ഉഷയുടെ അമ്മയ്ക്ക് താങ്ങാവുന്നതിലും അപ്പുറം ആയിരുന്നു ആ വേർപാട്... കല്യാണപ്രായം ആയ മകൾ..... ബുദ്ധി വളർച്ച ഇല്ലാത്ത മൂത്ത മകൻ.... ആകെ ഉള്ളത് ചെറുതെങ്കിലും മനോഹരമായ കുഞ്ഞൊരു വീട്.... ബാങ്ക് ബാലൻസ് ആയി ഒരു ലക്ഷത്തിൽ കുറയാത്ത കൊറച്ചു തുക.... പക്ഷെ.... അവർക്കു ഭർത്താവിന്റെ വേർപാടുമായി പൊരുത്തപ്പെടാൻ പിന്നെ ആയില്ല... ആഹാരം കഴിക്കാതെ.... എന്തൊക്കെയാ പ്രതീക്ഷിച്ചു അവർ വാതില്പടിയിൽ ഇരുപ്പായി.... മകന്റെ കാര്യങ്ങൾ എല്ലാം നോക്കി ഇരുന്ന ആ അമ്മയ്ക്ക് അങ്ങനൊരു മകൻ കൂടെ ഉള്ളത് മറന്നത് പോലെ ആയി... അമ്മയുടെ മനസ് കൈവിട്ടു പോകുക ആണെന്ന് അറിഞ്ഞപ്പോൾ ഉഷ ഭയന്ന് പോയി.... താങ്ങായി ആരും ഇല്ലാത്ത അവസ്ഥ.....അമ്മ കൂടി ഇല്ലാ എങ്കിൽ.... അവൾക്കതു ചിന്തിക്കാൻ പോലും ആയില്ല... വിളിക്കാത്ത ഈശ്വരന്മാരില്ല... പക്ഷെ ആ വിളികൾ എല്ലാം വെറുതെ ആയി... ഒരു ദിവസം ആ അമ്മയും വീണു... ഒന്നിനോടും പ്രതികരിക്കാൻ ഇല്ലാതെ കൊറേ നാൾ...... ആശുപത്രി വാസം......ബാങ്ക് ബാലൻസ് കാലി ആയപ്പോൾ അമ്മയെ വീട്ടിലേക്കു കൊണ്ട് വന്നു....പിന്നെ ആണ് ജീവിത സമരം തുടങ്ങിയത്....അങ്ങിനെ എത്തി പെട്ടതാണ് സരയു വിൽ.... നീയെന്താ ആലോചിക്കുന്നേ.... സങ്കടം ആയോ.... എൽസി വന്നു ചുമലിൽ തൊട്ടപ്പോൾ ആണ് അവൾ ഓർമ്മയിൽ നിന്നും ഉണർന്നത്... എനിക്കോ..... എന്നു ചോദിച്ചു ഉഷ ചിരിച്ചു.... എനിക്ക് ഇതൊക്കെ ശീലം ആയതല്ലേ.... എന്നാലേ... രണ്ടു ചാക്ക് നിറയെ നൈറ്റി വന്നിട്ടുണ്ട്... അത് സൈസ് നോക്കി വെക്കാം... ഉം..... അവൾ മൂളി.... എന്താടി.... നീയൊന്നു ഉഷാർ ആയിക്കെ പെണ്ണെ... എൽസി അവളുടെ ചുമലിൽ വേദനിപ്പിക്കാതെ തല്ലി... പെട്ടന്ന് ഉഷ ഒന്ന് വിതുമ്പി.... അയ്യോ.. എന്നാ കൊച്ചേ.... എൽസി അവളെ ചുമലിൽ പിടിച്ചു ചേർത്ത് നിർത്തി ചോയ്ച്ചു... ഇന്നലെ ഹരിയേട്ടൻ എന്നോട് ചോദിക്കുവാ...അമ്മേനേം എന്നേം വിഷം തന്നു കൊന്നാൽ ഉഷ മോള് രക്ഷപെടുമോ ന്നു.... ഉഷ എൽസിയുടെ മുഖത്തേക്ക് നോക്കാതെ പറഞ്ഞു..... ഹരിയേട്ടൻ അപ്പുറത്ത് പിള്ളേരുടെ ഒപ്പം കളിക്കാൻ ചെന്നപ്പോൾ ആരോ പറഞ്ഞത്രേ.... അതോണ്ട് ഞാനിന്നലെ ചോർ കഴിക്കാൻ കൊടുത്തപ്പോൾ ഹരിയേട്ടനു പേടിയാണെന്ന്.... അത് പറഞ്ഞതും അവൾ ഒന്നു പൊട്ടിക്കരഞ്ഞു നിലത്തേക്കു ഇരുന്നു.... ഞാൻ എങ്ങിനാ..... എന്ത് പറഞ്ഞാ ഏട്ടനെ സമാധാനിപ്പിക്കുക .....എനിക്കിന്നലെ ഉറങ്ങാൻ കഴിഞ്ഞില്ല..... ഹരിയേട്ടൻ ഇന്നലെ പട്ടിണിയാരുന്നു.... എന്റെ കയ്യീന്ന് വാങ്ങി കഴിക്കാൻ പേടിയാത്രേ.... നാല്പതു വയസ് ഉണ്ടേലും ഒരു എട്ടു വയസുകാരെന്റെ ബുദ്ധി അല്ലേ അതിനുള്ളൂ... അതിനും പേടി കാണില്ലേ.... എനിക്ക് അതിനേക്കാൾ വിഷമം ആയതു എന്നെ പേടി ആണെന് ഹരിയേട്ടൻ പറഞ്ഞപ്പോൾ... അമ്മയുടെ മുഖത്തും ഞാനാ പേടി കണ്ടു.... ഞാനാർക്ക് വേണ്ടിയാ ജീവിക്കുന്നെ എൽസേ.ച്ചി..... ഇന്നലെ എന്നെ പേടിച്ചു രണ്ടാളും ചോറ് കഴിക്കാതെ കിടന്നു.... അവർക്കു വേണ്ടി അല്ലേ ഞാൻ ജീവിക്കുന്നെ.... എനിക്ക് അവരല്ലാതെ മറ്റാരാ ഉള്ളെ..... പിന്നെയും എന്തൊക്കെയോ പറഞ്ഞവൾ കരഞ്ഞു.... തറയിൽ ഇരുന്ന അവളുടെ ചാരെ എൽസി ചേർന്നിരുന്നു..... സാരല്യ.... അയാൾ കുഞ്ഞിനെ പോലെ ആണെന്ന് നീയല്ലേ പറയാറ്...പോട്ടെ.... പെട്ടനാണ് കൊറേ ആളുകൾ കടയിലേക്ക് കയറി വന്നത്.... എടീ....കസ്റ്റമർ...... വാ... എൽസി ഉഷയുടെ കൈ പിടിച്ചു എണീപ്പിച്ചു.....കണ്ണും മുഖവും അമർർത്തി തുടച്ചിട്ടു മുഖത്തു ഒരു ഒട്ടിച്ച ചിരിയുമായി പെട്ടന്ന് ഉഷ ചോദിച്ചു.... എന്താ മേഡം വേണ്ടത്..... ചുരിദാർ ടോപ് ന്റെ സെക്ഷനിലേക്ക് ഉഷയോടൊപ്പം മൂന്നാലു ആളുകൾ നടന്നു... വിഷാദം കലർന്ന ചിരിയോടെ അവൾ അവരെ ഡീൽ ചെയ്യുന്നത് നോക്കി എൽസി നിന്നു... കർത്താവേ ഇന്ന് ആളുകൾ ഇഷ്ടം പോലെ വരണേ എന്നവർ പ്രാർത്ഥിച്ചു.... ഇനിയും വീടിനെ പറ്റി ഓർക്കാതെ ഇരിക്കണം എങ്കിൽ കച്ചവടം നടക്കണം..... അപ്പോളും ചിരിച്ചമുഖവുമായി ഉഷ നല്ലൊരു സെയിൽസ് ഗേൾ ആയി കഴിഞ്ഞിരുന്നു... അൻവർ താമരശ്ശേരി #📝 ഞാൻ എഴുതിയ വരികൾ #📙 നോവൽ #📔 കഥ #💞 പ്രണയകഥകൾ

"അനൂപേട്ടാ ഓഫീസിലെ ഫങ്ക്ഷന് ഈ ചുരിദാർ ഇട്ടാ മതിയോ..." ഗോൾഡൻ കളർ പൂക്കൾ ഉള്ള ഇളം പച്ച ചുരിദാർ ഉയർത്തി ഉത്സാഹത്തോടെ ധന്യ ചോദിച്ചു "ട്രെൻഡ് ൽ നിന്നെടുത്ത ആ പച്ച ചുരിദാർ ഇല്ലേ...ഗോൾഡൻ കളർ പൂക്കൾ ഉള്ള അത് ഇട്ടാ മതി' ധന്യ ഉയർത്തി കാട്ടിയ ആ ചുരിദാറിൽ ഒന്ന് ഏറുകണ്ണിട്ട് നോക്കിയിട്ട് വീണ്ടും മൊബൈലിൽ ശ്രദ്ധയൂന്നികൊണ്ട് അനൂപ് പറഞ്ഞു ഉത്സാഹത്തോടെ ഉയർത്തി കാട്ടിയ ചുരിദാർ താഴ്ത്തിയ ധന്യയുടെ മുഖത്തെ ഉത്സാഹം പെട്ടന്ന് ഒലിച്ചുപോയി 'ഏട്ടാ ഞാൻ കാണിച്ചത് എന്താ...? ഏട്ടൻ കണ്ടത് എന്താ...? മൊബൈലിൽ നിന്ന് ശ്രദ്ധ തിരിച്ച അനൂപ് വീണ്ടും ധന്യയുടെ കൈയ്യിലെ ചുരിദാറിലേക്ക് നോക്കി "ഓ.. സോറി, ഇതല്ലേ ട്രെൻഡിൽ നിന്ന് നമ്മൾ വാങ്ങിയ ചുരിദാർ, ങാ..ഇത് തന്നെ ഇട്ടാ മതി.. ഇതാ നിനക്ക് ചേരുന്നേ " "ഞാൻ എഡിറ്റ് ചെയ്യുന്ന തിരക്കിലായിരുന്നു.. " ഒരു വിഡ്ഢി ചിരി ചിരിച്ചുകൊണ്ട് അനൂപ് അവളെ നോക്കി "കഷ്ടം...." ചിറി കോട്ടി എന്തോ പിറുപിറുത്തുകൊണ്ട് തന്റെ ദേക്ഷ്യം പ്രകടിപ്പിച്ച ധന്യ അവിടുന്ന് ബെഡ്ഡ് റൂമിലേക്ക്‌ പോയി അന്ന് ധന്യയുടെ ഓഫീസ്, വാടക കെട്ടിടത്തിൽ നിന്ന് പുതിയതായി കിട്ടിയ വാടക കെട്ടിടത്തിലേക്കു മാറുന്ന ഉൽഘാടന ഫങ്ക്ഷൻ ആയിരുന്നു "ഏട്ടാ ഞാൻ ഇറങ്ങുവാണെ... കുട്ടികളെ നോക്കിക്കോണേ " മൊബൈൽ, ക്യാമറ സ്റ്റാൻഡിൽ വച്ചുകൊണ്ട് മക്കളുടെ ഡാൻസ് ഷൂട്ട് ചെയ്യുവായിരുന്ന അനൂപിനെ നോക്കി ധൃതിയിൽ സ്കൂട്ടി എടുത്തുകൊണ്ടു ധന്യ പറഞ്ഞു "ആ..ശരി..." ധന്യയെ നോക്കാതെ കൈ ഉയർത്തി അനൂപ് പറഞ്ഞു "ധന്യേ ഒന്ന് നിന്നെ...ഇനാഗുറേഷൻ കഴിഞ്ഞു പോരാൻ നേരം ഒരു ഫെവി ക്യുക്ക് വാങ്ങിച്ചോണേ" ധന്യയുടെ അടുത്തേക്ക് വന്ന അനൂപ് പറഞ്ഞു "ഉം... ഞാൻ പോട്ടെ ഒത്തിരി ലേറ്റ് ആയി എല്ലാവരും എത്തിക്കാണും " ധന്യ പോയതും അനൂപ് മക്കളുമൊത്തുള്ള ഷൂട്ടിംങിലേക്ക് തിരിഞ്ഞു ഓഫീസ് ഇനാഗുറേഷൻ കഴിഞ്ഞ് വന്ന ധന്യയുടെ മുഖം ഇരുണ്ടിരിക്കുകയായിരുന്നു 'എന്തേ നിന്റെ മുഖത്തിന്‌ ഒരു തെളിച്ചമില്ലായ്മ ? അനൂപ് ചോദിച്ചു അനൂപേട്ടന്റെ ആരാ ഞാൻ. ? ഉച്ചത്തിലാണ് ധന്യ അത് ചോദിച്ചത് "ഭാര്യ..." "ഭാര്യയോടുള്ള എന്തെങ്കിലും കടമ അനൂപേട്ടൻ ചെയ്യാറുണ്ടോ, എന്നെ കെയർ ചെയ്യാൻ ഒരല്പം സമയം എങ്കിലും അനൂപേട്ടൻ നീക്കിവെക്കാറുണ്ടോ" അവളുടെ കണ്ണ് നനയുന്നുണ്ടായിരുന്നു.. ധന്യേ അതിന്മാത്രം എന്തുണ്ടായി. ? "ഒന്നും ഉണ്ടായില്ല, ഞാൻ കോമാളിയാകേണ്ടതായിരുന്നു ,അനൂപേട്ടൻ എന്നെ ഒന്ന് ശ്രദ്ധിച്ചിരുന്നെങ്കിൽ അങ്ങനെ സംഭവിക്കുകയില്ലായിരുന്നു. " "ഞാൻ പോകുമ്പോൾ ഈ ചെറിയ ചീപ്പ് എന്റെ മുടിയിൽ ഉടക്കി ഇരുപ്പുണ്ടായിരുന്നു" ബാഗിൽ നിന്ന് ചീപ്പ് ഉയർത്തികാട്ടി അമർഷത്തോടെ ധന്യ പറഞ്ഞു "ഓഫീസിലേക്ക് കയറുമ്പോ അടുത്തിടെ ട്രാൻസ്ഫർ ആയി വന്ന വിഷ്ണുവിന്റെ കണ്ണിൽ പെട്ടതുകൊണ്ട് ചീപ്പ് തലയിൽ ഇരുന്നത് മറ്റാരും കണ്ടില്ല " 'ങാ...ഭർത്താവ് ഉണ്ടായിട്ട് എന്താ കാര്യം എന്നെ കെയർ ചെയ്യണമെങ്കിൽ വേറെ ആരെങ്കിലും വേണം" നെടുവീർപ്പിട്ടുകൊണ്ട് ധന്യ മക്കളുടെ മുറിയിലേക്ക് പോയി അനൂപ് ഒരു നിമിഷം ആലോചിച്ചു നിന്നു "നിന്നെ ഞാൻ കെയർ ചെയ്യുന്നില്ല എന്നത് നിന്റെ തോന്നലാ..." രാത്രിയിൽ ധന്യ ബെഡ്ഡ് റൂമിലേക്ക് വന്നതും അനൂപ് പറഞ്ഞു "ഉം..... ഒന്ന് അമർത്തി മൂളിയ ശേഷം ധന്യ ബെഡ്‌ഡിലേക്ക് കിടന്നു "സ്കൂളിൽ അദ്ധ്യാപകൻ ആയതുകൊണ്ട് കിട്ടുന്ന വെക്കേഷനിലല്ലേ ഞാൻ മക്കളെ വച്ച് റീൽസ് ചെയ്യുന്നത്, ഇപ്പൊ അഞ്ഞൂറ് സബ്സ്ക്രൈബ്ഴ്സ് കഴിഞ്ഞു, ക്യാഷ് കിട്ടുന്ന കാര്യം കൂടി അല്ലെ ഒപ്പം മക്കളുടെ ഉള്ളിലെ കഴിവുകൾ പുറത്ത് കൊണ്ടുവരികയും ചെയ്യാം " "അതൊന്നും അല്ല നിങ്ങൾ എപ്പോഴും മൊബൈലിൽ എൻഗേജ് തന്നെയാ, അത് പോട്ടെ നമുക്ക് എവിടെയെങ്കിലും കറങ്ങാൻ ഒക്കെ പോകാമെന്നു എത്ര പ്രാവശ്യം പറഞ്ഞിട്ടുണ്ട്, നിങ്ങൾക്ക് അപ്പോഴൊക്കെ നിങ്ങളുടെ കാര്യം. " "അതൊക്കെ നിന്റെ തോന്നലാ, ഞാനും എന്തെങ്കിലും കാര്യത്തിൽ ബിസിയാകുന്നത് നമുക്ക് പ്രയോജനം ഉള്ള കാര്യത്തിനല്ലേ ' "ഓ..മതി മതി..ന്യായം പറച്ചിൽ' അനൂപിന്റെ മനസ്സിൽ രൂപം കൊണ്ട എന്തോ ഒരു ആശയകുഴപ്പം മുഖത്ത് മിന്നി മറയുന്നുണ്ടായിരുന്നു 'വിഷ്ണു നീ ഇന്നലെ ആ ചീപ്പ് കണ്ടില്ലായിരുന്നെങ്കിൽ ആകെ കുളമായി പോയേനെ..' "പിന്നെ എന്നാ ഉണ്ടെടാ, ഇപ്പൊ എനിക്കും ഓഫീസിൽ പോകാനുള്ള വിരസത മാറി നിന്റെ വരവോടെ " ധന്യ അടക്കത്തിൽ സംസാരിക്കുന്നത് ശ്രദ്ധിക്കുവാനിടയായ അനൂപ് അമ്പരന്ന് നിന്നുപോയി അനൂപിന്റെ മനസ്സിൽ പല പല ചിന്തകൾ മിന്നി മറഞ്ഞു പോയി 'ശരി വെച്ചേക്കേടാ, അങ്ങേര് വീഡിയോ പിടുത്തം കഴിഞ്ഞു ഇപ്പൊ വരും ബ്രേക്ക്‌ ഫാസ്റ്റ് അന്വേഷിച്ച്" "ഒക്കെ.. പിന്നെ വിളിക്കാം...." ശ്വാസം നിലച്ച പോലെ നിന്ന അനൂപ് പെട്ടന്ന് അവിടുന്ന് വെളിയിലേക്ക് പോയി "അമ്മേ ഈ അച്ഛൻ ഞങ്ങടെ വീഡിയോ പിടിക്കുന്നില്ല, ഞങ്ങൾ എത്ര നേരം കൊണ്ട് പറയുന്നതാ" "അനൂപേട്ടാ എന്താ വീഡിയോ ചെയ്യാത്തെ ? ക്യാമറ സ്റ്റാൻഡിനു അടുത്ത് കസേരയിൽ എന്തോ ആലോചിച്ചു ഇരിക്കുന്ന അനൂപിനെ നോക്കി ധന്യ പറഞ്ഞു "ഏയ്‌ ഒരു തലവേദന ബിപി കുറഞ്ഞതാന്ന് തോന്നുന്നു" "രണ്ടു ദിവസമായി ഞാൻ ശ്രദ്ധിക്കുന്നു എന്താ നിങ്ങൾക്ക് പറ്റിയത്. ? ശുണ്ഠിയോടെ അനൂപിനെ ഒരു നോട്ടം നോക്കി അവൾ അവിടുന്ന് പോയത് നോക്കി നിന്ന അനൂപ് വീണ്ടും ചിന്തയിലായി അടുത്ത ദിവസം രാവിലെ ധന്യ കുളിമുറിയിൽ കയറിയതും അനൂപ് അവളുടെ മൊബൈൽ ധൃതിയിൽ നോക്കാൻ തുടങ്ങി "ങേ ലോക്ക് ഇട്ടിരിക്കുന്നു.." "ഇതുവരെ ലോക്ക് ഇടാതിരുന്ന അവൾ മൊബൈലിൽ ലോക്ക് ഇട്ടിരിക്കുന്നു" അനൂപിന്റെ മനസ്സിൽ കാർമേഘങ്ങൾ ഉരുണ്ടു കൂടി തോർത്ത്‌ എടുക്കാൻ മറന്നു പോയ ധന്യ ബാത്ത് റൂമിൽ നിന്നിറങ്ങി വന്ന ധന്യയെ കണ്ടതും അനൂപ് മൊബൈൽ പെട്ടന്ന് താഴെ വച്ചു തപ്പി തടഞ്ഞു അനൂപിനെ സൂക്ഷിച്ചൊരു നോട്ടം നോക്കി അവൾ കടന്നു പോയി "അപ്പൊ നമുക്ക് അടുത്ത സെക്കന്റ്‌ സാറ്റർഡേ പോകാം, കുറച്ചു നേരം അങ്ങനെ ബീച്ചിൽ ഇരിക്കാം അല്ലെ...നീ ബുള്ളറ്റിൽ ആണോ വരുന്നേ " ഉം.. "ഓ ചേട്ടൻ എന്നെ എങ്ങും കൊണ്ടുപോകില്ല..ഉം പുള്ളിക്കാരന് ചെറിയ സംശയം തോന്നിതുടങ്ങിയെന്നാ തോന്നുന്നേ....." "ശരി ഒക്കെ...." ധന്യ സ്വരം താഴ്ത്തി സംസാരിക്കുന്നത് മറഞ്ഞു നിന്ന് കേട്ട അനൂപിന്റെ പെരുവിരൽ മുതൽ തല വരെ പെരുക്കാൻ തുടങ്ങി അന്ന് രാത്രിയിൽ ധന്യ ബെഡ്ഡ്റൂമിലേക്ക് കയറിയതും "സോറി... നിനക്ക് എന്നോട് ഇപ്പൊ ആ പഴയ സ്നേഹം ഇല്ല അല്ലെ.. എന്റെ മനസ്സിൽ നൂറ് ശതമാനവും നീ മാത്രമേ ഉള്ളൂ.. പക്ഷേ നിനക്ക് അങ്ങനെയല്ലാന്ന് എനിക്ക് തോന്നി തുടങ്ങി.. എങ്ങനെയല്ലാന്ന്..? എടുത്തടിച്ചുകൊണ്ട് ധന്യ ചോദിച്ചു വിഷ്ണു നിനക്ക് ആരാ ? അനൂപിന്റെ ചോദ്യത്തിന് നേരിയ വിറയൽ ഉണ്ടായിരുന്നു "നിങ്ങൾക്ക് എന്നെ കെയർ ചെയ്യാൻ സമയം ഇല്ലല്ലോ അപ്പൊ എന്നെ കെയർ ചെയ്യാൻ ആരെങ്കിലും വന്നാൽ പിന്നെ ഞാൻ വേണ്ടാന്ന് പറയണോ...." അനൂപിന്റെ മുഖം ഇരുണ്ടു രക്തമയം ഇല്ലാതായി ഉള്ളിൽ നിന്ന് വന്ന ചിരി പിടിച്ചു നിർത്താൻ ധന്യക്ക് കഴിഞ്ഞില്ല ഒന്നും മനസ്സിലാകാതെ അനൂപ് അന്തിച്ചിരുന്നു "വിഷ്ണു ആരെന്നറിയണ്ടേ.. എന്റെ കൂടെ മുൻപ് ജോലി ചെയ്ത ഇപ്പോ ഞങ്ങളുടെ ഓഫീസിലേക്ക് ട്രാൻസ്ഫർ ആയി വന്ന കുറുമ്പി പെണ്ണ്.. വിഷ്ണുപ്രിയ.....നല്ലൊരു ബുള്ളറ്റ് ഉണ്ട് അവൾക്ക് മിക്കവാറും അതിലാ അവൾ വരുന്നത് " ധന്യക്ക് ചിരി നിർത്താൻ കഴിഞ്ഞില്ല.. മനസ്സിൽ ഉരുണ്ടു കൂടിയ കാർമേഘങ്ങൾ പെട്ടന്ന് അപ്രതീക്ഷിതമായതിന്റെ കുളിർമയിൽ അനൂപിലും ചിരി വിടർന്നു.. "കെയർ ചെയ്തില്ലെങ്കിൽ പിടിച്ചു വാങ്ങാൻ ചെറിയ ഒരു തന്ത്രം എടുത്തല്ലേ പറ്റൂ...അല്ലെങ്കിൽ ഈ ആണുങ്ങൾ ഒരു പരിഗണനയും തരില്ല " ധന്യ മനസ്സിൽ പറഞ്ഞു അടുത്ത ദിവസം രാവിലെ സ്കൂട്ടിയുമായി ധന്യ ഓഫീസിലേക്ക് പോകാൻ നേരം അനൂപ് കുട്ടികളുമായി വീഡിയോ എടുക്കുവായിരുന്നു. ദേ ഞാൻ പോകുവാണ്, ഇവിടെ കിടക്കുന്ന ഈ പ്ലാസ്റ്റിക് കൂട് എടുത്തു പുറകിൽ ഇട്ടേക്കണേ "ങാ... ശരി...." ധന്യയെ നോക്കാതെ കൈ പൊക്കി കാണിച്ചുകൊണ്ട് മൊബൈലിൽ തന്നെ ശ്രദ്ധ കേന്ദ്രീകരിച്ചു നിൽക്കുന്ന അനൂപിനെ താടിക്ക് കൈ കൊടുത്തുകൊണ്ട് ധന്യ ഒരു നിമിഷം നോക്കി നിന്നുപോയി.. എന്തോ മിന്നിയ പോലെ പെട്ടന്ന് അനൂപ്, അവളുടെ അടുത്തേക്ക് ഓടി വന്നു "ദേ കെയർ ചെയ്യുന്നില്ല എന്ന പരിഭവം വേണ്ടാട്ടോ " പുഞ്ചിരിയോടെ അനൂപ് അത് പറയുമ്പോൾ നാണത്തിൽ മുങ്ങിയ ഒരു പുഞ്ചിരി സമ്മാനിച്ചുകൊണ്ട് അവൾ കടന്നുപോയി ## ഗിരീഷ് കാവാലം ## #📝 ഞാൻ എഴുതിയ വരികൾ #📔 കഥ #💞 പ്രണയകഥകൾ #📙 നോവൽ

ഹലോ..... രഞ്ജു... നീ ഉറങ്ങ്യോ.... ഞാനിവിടെ എത്തി.... രഞ്ജു... നീ എത്തിയോ...ഞാൻ ടിവി കാണായിരുന്നു .. ഉറങ്ങീട്ടില്ല... എത്ര നേരായി കാത്തിരിക്കുന്നു.. എന്താ ഇത്ര വൈകിയേ.. രാഹുൽ... എല്ലാരും ഉറങ്ങീട്ട് വേണ്ടേ വരാൻ... നോക്ക് ഞാൻ വരട്ടെ അങ്ങോട്ട് . കുഴപ്പൊന്നുല്ലാലോ.... രഞ്ജു.. നിനക്ക് പേടിയുണ്ടോ....ഇവിടെ മുത്തശ്ശിയും അനിയത്തിയും മാത്രോള്ളു... അവരൊക്കെ ഉറങ്ങി... അമ്മയും അച്ഛനും ഇവിടില്ലെന്നു ഞാൻ പറഞ്ഞതല്ലേ.. അവർ ഒരു കല്യാണത്തിന് പോയതാ.... രാഹുൽ.... ഞാനൊരു രണ്ട് മിനിറ്റ് കൊണ്ട് എത്തും.... മിസ്സ്‌ അടിക്കുമ്പോ വാതിൽ തുറക്കണം.. ഓക്കേ..... രഞ്ജു എന്ന രഞ്ജിനിക്ക് വയസ്സ് 18.. ഡിഗ്രിക്ക് പഠിക്കുന്നു... രാഹുൽ അവളുടെ ക്ലാസ്സ്‌മേറ്റ് ആണ്... അതിലുപരി അവർ ഇന്നത്തെ കമിതാക്കളാണ് .. ക്ലാസ്സ്‌ കഴിഞ്ഞ് ഒരുപാട് നേരം മുട്ടി ഉരുമ്മിയും തൊട്ടു തലോടിയും അവർ സംസാരിക്കാറുണ്ട്.... സൗഹൃദത്തിനിടെയിലെ പ്രണയം ഇടക്ക് അതിരു വിടുന്നതായി തോന്നിയാലും അവരത് കാര്യമാക്കാറില്ല... അന്നും വൈകുന്നേരം ക്ലാസ് കഴിഞ്ഞ് ഒഴിഞ്ഞ ക്ലാസ്സ്‌റൂമിൽ വെച്ചു അവർ പ്രണയം പങ്കുവെച്ചു.. അവന്റെ തമാശയിൽ പുഞ്ചിരി വിടർത്തിയ അവളുടെ ചുണ്ടിൽ അവനൊന്നു മെല്ലെ വിരലമർത്തി....പിന്നെ മെല്ലെ ചുണ്ടുകൾ പരസ്പരം കോർത്തിണക്കി.. അവളുടെ കണ്ണുകൾ അവനെ തന്നെ തീക്ഷണമായി നോക്കി... ആ കണ്ണുകൾ അവനോട് എന്തൊക്കെയോ മന്ത്രിച്ചു കൊണ്ടിരുന്നു... ആ തിരിച്ചു പോക്കാണ് ഇന്ന് രാഹുലിനെ അവളുടെ വീട്ടിലേക്കെത്തിച്ചത്... അതും ഈ രാത്രി.... വീട്ടിലെത്തിയപ്പോ അച്ഛനും അമ്മയും ഇന്ന് രാത്രി ഇവിടുണ്ടാകില്ലെന്നു അനിയത്തി രാഗി പറഞ്ഞപ്പോ സത്യത്തിൽ മനസ്സിൽ ലഡ്ഡു പൊട്ടി..... അപ്പോഴേ വിളിച്ചു പറഞ്ഞു.. രാത്രിയിതാ ആളിവിടെ എത്തി...... മിസ്സ്‌ അടിച്ചപ്പോ അവൾ മെല്ലെ വാതിൽ തുറന്നു.. മഴയില്ലെങ്കിലും റൈൻകോട്ടും തൊപ്പിയുമിട്ടാണ് അവൻ വന്നിരിക്കുന്നെ... പുറത്ത് തണുത്ത കാറ്റടിക്കുന്നു... അഴിച്ചിട്ടിരിക്കുന്ന മുടി കാറ്റിൽ അലക്ഷ്യമായി പാറി നടക്കുന്നുണ്ട്... പെട്ടെന്നുള്ള അങ്കലാപ്പിൽ അവൾ അവന്റെ കൈ പിടിച്ചു മുറിയിലേക് കൊണ്ടുപോയി.... ഒരു ചുവന്ന റോസാപൂ കണക്കെ റെഡ് സാരിയിൽ അവൾ അതീവ സുന്ദരിയായിരിക്കുന്നു.... നേർത്ത സാരി ഇഴകളിലൂടെ മുഴുത്ത മാറിടം എന്തിനൊക്കെയോ കൊതിച്ചു നിൽക്കുന്നത് അവൻ കണ്ടു... അരക്കെട്ടിൽ ചുറ്റിയൊതുക്കിയ സാരി... അവൻ അവളെ തന്റെ കണ്ണുകളാൽ ബലാത്സംഗം ചെയ്തു...... അരക്കെട്ടിൽ ചുറ്റി പിടിച്ചു മുഖം ചേർത്തു പിടിച്ചു ചുണ്ടിലൊരു കടി...... ശേഷം കണ്ണ് തുറന്നപ്പോ അവൻ നെട്ടി പോയി... രഞ്ജുവിന്റെ അനിയത്തി അവര് നിൽക്കുന്ന റൂമിൽ കട്ടിലിൽ കിടന്നുറങ്ങുന്നു.... അവനാകെ നെട്ടി തരിച്ചു..... അവളെങ്ങാനും ഉണർന്നാൽ..... എന്നാൽ രഞ്ജുവിന്റെ കാമകേളിയിൽ പിന്തിരിയാൻ അവനു തോന്നിയില്ല.... ഒരു മുറിയിൽ മുത്തശ്ശി ഉറങ്ങുന്നു.... അച്ഛന്റേം അമ്മയുടെയും റൂം ലോക്ക് ചെയ്താണ് അവര് പോയത്... വേറെ റൂം ഇല്ലെന്നും അനിയത്തി ചെറിയ കുട്ടിയല്ലേ അവൾ കട്ടിലിൽ കിടക്കട്ടെ നമുക്ക് നിലത്തു കിടക്കാംന്നു പറഞ്ഞു അവളവന് ധൈര്യം നൽകി.... അവനെ ചേർത്തു നിർത്തി കവിളിലൊരു ഉമ്മ കൊടുത്തപ്പോ ആൾ ഫ്ലാറ്റ് ആയി.. ടെൻഷൻ ഉണ്ടെങ്കിലും കാമാസക്തി അവർക്ക് ധൈര്യം നൽകി.... നിലത്തു പായ വിരിച്ചു അവർ മെല്ലെ കിടന്നു.... ആദ്യമായി എന്തൊക്കെയോ കിട്ടാൻ പോകുന്ന ആവേശത്തിലാണ് രണ്ടുപേരും.. അവൻ അവളുടെ മേനിയിൽ മെല്ലെ കൈ വച്ചു....നെഞ്ച് പട പടാ ഇടിക്കുന്നു... കഴുത്തിൽ മുഖമമർത്തി.. ചെറുതായി കിളിർത്ത കുറ്റിത്താടികൊണ്ട് മെല്ലെ തഴുകി.. അപ്പോഴേക്കും നെഞ്ചിൽ നിന്നു സാരി അഴിഞ്ഞു വീണു... ആലില പോലെ ഇളകി കളിക്കുന്ന വയറിലും പുക്കിളിലും അവൻ വിരലോടിച്ചു... കാലുകൾ പരസ്പരം കെട്ടുപിണയുന്നതിനിടെ കാൽ തട്ടി ഉണ്ടായ ശബ്ധത്തിൽ അനിയത്തി രാഗി നെട്ടിയുണർന്നു... എണീറ്റു നോക്കുമ്പോ തന്റെ ചേച്ചിയതാ ഏതോ ഒരു ആളിന്റെ കൂടെ കെട്ടിപിടിച്ചു കിടക്കുന്നു.... ചേച്ചി എന്ന വിളിയിൽ രഞ്ജുവും രാഹുലും കുതറി നീറ്റു.... എന്ത് പറയണമെന്ന് അറിയാതെ അവർ കുഴങ്ങി.... രഞ്ജു എന്തൊക്കെയോ കാരണങ്ങൾ പറഞ്ഞു അവളെ സോപ്പിടാനും ആരോടും പറയരുതെന്ന് ഭീഷണി പെടുത്തി.... ആറാം ക്ലാസ്സിൽ പഠിക്കുന്ന രാഖിക്ക് ഇതൊന്നും മനസിലായില്ല അവൾ മുത്തശ്ശിയെ വിളിക്കാനായി തുനിഞ്ഞു... പെട്ടെന്ന്....... പെട്ടെന്ന് രഞ്ജു അവളുടെ മുഖമമർത്തി പിടിച്ചു.... സാഹചര്യങ്ങൾ നമ്മളെ മൃഗതുല്യരാക്കുമെന്ന് പറയും പോലെ രഞ്ജുവിലെ മൃഗീയത പുറത്തു വന്നു... രഹസ്യം ആരുമറിയാതിരിക്കാനും സ്വയരക്ഷക്കുമായി അവളുടെ നിർദേശപ്രകാരം രാഹുലും അവളും ചേർന്ന് തലയണ അമർത്തി രാഖിയെ ശ്വാസം മുട്ടിച്ചു കൊന്നു.... സ്വന്തം അനിയത്തി കണ്മുന്നിൽ പിടഞ്ഞു മരിച്ചിട്ടും രഞ്ജുവിലെ ക്രൂരത അടങ്ങിയില്ല.... അച്ഛനും അമ്മയും വീട്ടിലില്ലാത്ത തക്കത്തിന് ഏതോ ചെക്കനെ മുറിയിൽ കയറ്റിയെന്ന ചീത്തപ്പേരു പേടിച്ചു സ്വയരക്ഷക്കായി വീട്ടിൽ കള്ളൻ കയറിയതായും അനിയത്തിയെ ബലാത്സംഗം ചെയ്തു കൊന്നതായും വരുത്തി തീർക്കാൻ കാമുകനെ കൊണ്ട് സ്വന്തം അനിയത്തിയെ പീഡനത്തിനിരയാക്കി.... അതും ശ്വാസം കിട്ടാതെ പിടഞ്ഞു വീണ അതെ സമയം.... അനിയത്തിയുടെ മരണത്തിൽ അവൾക്ക് യാതൊരു ദയയും തോന്നിയില്ല... സ്വന്തം സാരി മാറ്റി ചുരിദാർ ഇട്ടു.... ഡ്രെസ്സിൽ കുറച്ചു പൊറലുകൾ വരുത്തി.. നെട്ടി ചുമരിലിടിച്ചു മുറിയാക്കി....തനിക്കും പരിക്ക് പറ്റിയെന്ന തെളിവിനായി... എന്തുചെയ്യണമെന്ന് അറിയാതെ ടെൻഷനായി നിന്ന രാഹുലിന് അവൾ ധൈര്യം നൽകി.. അവിടെ നിന്നും വേഗം പൊക്കോളാൻ പറഞ്ഞു... രഞ്ജുവിൽ വന്ന അസാധാരണ ധൈര്യം കണ്ട് രാഹുൽ അന്തം വിട്ടു... അവൻ വേഗം അവിടെ നിന്നും പോയി..... ഇനിയെന്താകുമെന്ന പേടിയിൽ അവൾക്ക് ഉറങ്ങാൻ കഴിഞ്ഞില്ല മുറിക്കുള്ളിൽ തങ്ങി നിൽക്കുന്ന ചുടു ചോരയുടെ മണം അവളെ വീർപ്പുമുട്ടിച്ചു... പിന്തിരിഞ്ഞു നോക്കാൻ അവൾക്കായില്ല... സത്യം പുറംലോകം അറിയാതിരിക്കാൻ താൻ എത്ര വലിയ തെറ്റാണ് ചെയ്തിരിക്കുന്നത്... ചേച്ചി എന്ന വിളി അവളുടെ കാതുകളിൽ കേൾക്കാൻ തുടങ്ങി... നേരം പുലർന്നാൽ എന്താകുമെന്ന് അവൾ ഭയപ്പെട്ടു...... ഏറെ നേരം കഴിഞ്ഞ് അവൾ അറിയാതെ ഉറക്കത്തിലേക്ക് വഴുതി വീണു... ചേച്ചി.... നെറ്റിയിൽ മുറിവ് പറ്റിയല്ലോ.... വേദനിക്കുന്നുണ്ടോ.. രഞ്ജു നെട്ടി തരിച്ചു പുറകിലേക്ക് നോക്കി... അവൾ ഭയത്താൽ മുഖം വിളറി വെളുത്തു.... ചേച്ചി എന്തിനാ പേടിക്കുന്നെ... ഞാൻ ചേച്ചിയുടെ അനിയത്തികുട്ടിയല്ലേ.... ചേച്ചിക്ക് ഒരു ആവശ്യം വന്നപ്പോ എന്നെയങ്ങു കൊന്നുകളന്നുലെ... അച്ഛനോടും അമ്മയോടും എന്ത്‌ മറുപടി പറയും... ചേച്ചിടെ കൂട്ടുകാരൻ ഇനി ചേച്ചിയെ സ്വീകരിക്കോ..... ചേച്ചി എന്തിനാ ഇങ്ങനൊരു മണ്ടത്തരം ചെയ്തെ.... നമ്മളെത്ര സ്നേഹത്തിൽ കഴിഞ്ഞിരുന്നതാ.... അച്ഛനും അമ്മയ്ക്കും രണ്ട് മക്കളേം ഒരുമിച്ച് നഷ്ടകുംപോ എന്ത്‌ വേദനയുണ്ടാകും... നമുക്കിടയിൽ എന്തിനാ വേറൊരാളെ കൊണ്ടുവന്നെ.. അതോണ്ടല്ലേ ഇങ്ങനൊക്കെ ഉണ്ടായേ.... എത്ര ദിവസം ചേച്ചി ഇങ്ങനെ പേടിച്ചു കഴിയാ..... എല്ലാം നഷ്ടയിലെ ഇപ്പോ..... അനിയത്തീടെ വാക്കുകൾ കൂരമ്പ് പോലെ അവളുടെ മനസ്സിൽ തറച്ചു ..കുറ്റബോധത്താൽ അവൾ വിങ്ങി.... നെട്ടി കണ്ണ് തുറന്നു നോക്കുമ്പോ അനിയത്തി രാഗി തണുത്തു മരവിച്ചു കിടക്കുന്നു.... എങ്ങലടിച്ചു പൊട്ടി കരയാനെ അവൾക്ക് ആയുള്ളൂ.... ഈ നശിച്ച നേരത്തെ അവൾ മനസ്സിൽ ശപിച്ചു.... പുറത്ത് നല്ല മഴ പെയ്യുന്നു.... തിമിർത്തു പെയ്യുന്ന മഴയിൽ കുറ്റബോധത്താൽ കണ്ണിൽ നിന്നും കണ്ണീർതുള്ളികൾ ഒഴുകിതുടങ്ങി... താല്കാലിക സുഖത്തിനായി തന്റെ ജീവിതത്തിലെ നിത്യസുഖം കളഞ്ഞതിൽ നൂറുവട്ടം അവൾ അവളെ തന്നെ ശപിച്ചു...... ശ്രദ്ധിക്കുക... സാഹചര്യങ്ങളാണ് നമ്മെ കുറ്റക്കാരാക്കുന്നത്... വിദ്യ പ്രദീപ്‌ #📝 ഞാൻ എഴുതിയ വരികൾ #📔 കഥ #💞 പ്രണയകഥകൾ #📙 നോവൽ