🚩 आजचे ऐतिहासिक दिनविशेष 🚩 🚩🏇🏻🚩🏇🏻🚩🏇🏻🚩🏇🏻🚩🏇🚩 १ ऑक्टोबर १६५७ राजांनी राजगड सोडला आणि राजे कल्याण च्या दिशेने रवाना झाले 🚩🏇🏻🚩🏇🏻🚩🏇🏻🚩🏇🏻🚩🏇🚩 १ ऑक्टोबर १६७३ राजापूर विषयी बोलणीसाठी छत्रपती शिवाजीराजांनी भिमाजी पंडित नावाचा आपला वकील मुंबईकर इंग्रजांकडे पाठविला. एप्रिल १६७३ मध्ये मराठ्यांनी कर्नाटकात घुसून हुबळी येथे असलेली इंग्रजांची वखार लुटली तेव्हा त्या वखारलुटीची नुकसान भरपाई मागण्यासाठी थॉमस निकल्स नावाच्या मुत्सद्दयास इंग्रजांनी महाराजांकडे पाठविले. छत्रपती शिवाजीराजांना खूष करण्यासाठी कंपनीच्या अधिका-यांनी निकल्सला अनेक सूचना केल्या होत्या. त्यापैकी एक सूचना म्हणजे सिद्दींना आम्ही मदत करणार नाही असे शिवाजीराजांना आश्वासन द्यायचे. लाकूडफाटा आणि मीठ याच्या व्यापारामध्ये सवलती देण्याची राजांना विनंती करावी, शिवाय राजांना देण्यासाठी मोठा नजराणाही थॉमस निकल्स याचेबरोबर देण्यात आला. मे १६७३ रोजी निकल्स मुंबईहून निघाला आणि रायगडला पोहचला. रायगडचे वर्णन त्याने लिहून ठेवलेले आढळते. जून १६७३ रोजी छत्रपती शिवाजी महाराज आणि निकल्स यांची भेट झाली. हुबळीच्या लुटीच्या नुकसान भरपाईचा विषय निघताच शिवाजी महाराजांनी सांगितले की 'ही लूट नेमकी कुणी केली हे आम्हाला माहित नाही, त्यामुळे नुकसानभरपाईचा प्रश्न उरत नाही.' लाकूडफाटा व मीठ यांच्या व्यापारात सवलती देण्याचे महाराजांनी मान्य केले. थोडक्यात थॉमस निकल्सच्या भेटीतूनही फारसे काही निष्पन्न झाले नाही. निकल्स परत गेल्यावर शिवाजीराजांनी भिमाजी पंडित नावाचा आपला वकील मुंबईकर इंग्रजांकडे पाठविला. इंग्रजांशी बोलणी करून परत येतांना नारायण शेणवी नावाच्या इंग्रजांच्या हस्तकाला घेऊन तो रायगडाला परतला. या वाटाघाटीतून १०,००० होन नुकसानभरपाई इंग्रजांना देण्याचे छत्रपती शिवाजी महाराजांनी मान्य केले, त्यामुळे इंग्रज व शिवाजीराजे यांच्यातील तणावाचे संबंध संपले. #🙏शिवदिनविशेष📜 #📜इतिहास शिवरायांचा #🚩शिवरायांचे भक्त #🚩मी शिवबा भक्त #😇आमचे प्रेरणास्थान: छत्रपती🙏