*நரசிம்மர் ஆலயங்கள்* *பஞ்ச நரசிம்ம தலங்கள்* *02-மங்கைமடம் வீர‌* *நரசிம்மர்* கார்த்திகை மாதம் சிவபெருமனை போல நரசிம்மருக்கும் முக்கியமானது, அவ்வகையில் ஒரே நாளில் தரிசித்துவிடும் ஐந்து நரசிம்ம தலங்களில் இரண்டாம் தலமான மங்கைமடம் வீரநரசிம்மர் ஆலயம் முக்கியமானது இது சீர்காழியிலிருந்து பூம்புகார் செல்லும் சாலையில் முதல் தலமான‌ திருக்குறையலூருக்கு அடுத்து அமைந்துள்ளது, இதன் வரலாறும் சிவபெருமானோடு சம்பந்தபட்டது இரண்யன்கசிபு என்பவன் சிவனிடமிருந்தும் யமனிடமிருந்தும் சில வரங்களை வாங்கியிருந்தான், அந்த கொடியவனுக்கு வரம் அருளிய பாவத்தில் இவர்களுக்கும் பங்கு இருந்தது, அந்த பாவம் தீர அவர்கள் நரசிமம்ரை வழிபட்ட இடமே இந்த மங்கை மடம், அப்படி எழுந்தவ்ர் இந்த வீர நரசிம்மர் இந்த வீர நரசிம்ம கோலம் என்பது பகவான் பாற்கடலில் பள்ளி கொள்ளும் இரண்டாம் நிலை தத்துவம், முதல் ஆலயமான திருகுறையலூர் பர தத்துவம் எனும் வைகுண்டத்தை சொல்வது இது பாற்கடலை சொல்லும் தத்துவம் அதாவது பகவான் மன்னிப்பு அருள்பவராக இருக்கின்றார், உலக இயக்கத்தை காக்க தர்மத்தை காக்க பாற்கடலில் எல்லாம் அறிந்த அறிதுயிலில் இருக்கின்றார் என்பதை சொல்லும் தாத்பரியம் சிவனும் யமனும் மயனும் இரண்யகசிபுவுக்கு துணை செய்ததை வரம் கொடுத்ததை உதவியதை பகவான் அறிந்தே இருந்தார் ஆனலும் அதை வெளிகாட்டாமல் அவர்கள் செய்த தவறை உணரும்போது அதனை மன்னிதார் , பகவான் எல்லாவற்றையும் அறிந்திருக்கின்றார் அவரிடம் எல்லாவற்றுக்கும் தீர்வு உண்டு என்பதை சொல்லும் தலம் இது அறிந்தும் அறியாமலும் செய்த பாவங்களினால் வந்த கர்மவினைகள் இங்கு கழியும், எவ்வித பழியோ குற்றமோ இருந்தால் அது உடனே நீங்குமிடம் இது இது வாய்தலமுமாகும், பொதுவாக வாயுதங்களில் அறியாமையால் அல்லது அன்பால் செய்யபடும் எல்லா குற்றங்களும் மன்னிக்கபடும் தன்மை உண்டு, கண்ணப்பநாயனாரின் திருக்காளகஸ்தி அதற்கான தலம், இந்த கோவிலுக்கும் அதே சக்தி உண்டு இங்கு நர்சிம்மராக பகவான் வீரகோலம் காட்டினாலும் அதன் தத்துவம் பாற்கடல் தத்துவம் அதாவது பாம்பணையில் பரமன் படுத்திருக்கும் தத்துவம் என்பதால் நாகதோஷங்களை விலக்கும் இடமும் இதுதான் இந்த இடம் மங்கைமடம் என பெயர் வர காரணமானவர் திருமங்கை ஆழ்வார், அவரின் மனமாற்றம் குமுதவல்லி நாச்சியாரிடம் இருந்து தொடங்கும், நாச்சியார்தான் அவரிடம் தினமும் 1008 அந்தணர்க்கு ஒருவருடம் உணவிட சொல்லி கேட்பார் அப்படி இங்கு மடம் அமைத்து திருமங்கை ஆழ்வார் தினமும் 1008 பேர்க்கு உணவளித்தார், அதற்காக பெரிய தோட்டத்தை அமைத்திருந்தார், அந்த இடம் இன்றும் "பெருந்தோட்டம்" என்ற அடையாளமாக உண்டு இந்த தலத்தின் ஸ்ரீசெங்கமல புஷ்கரணி விஷேஷமானது பகவான் இங்கு வீர நரசிம்மராக அருள்பாலிக்கின்றார் என்பது வீரம் எனும் ஒரு வார்த்தையில் கடந்து செல்லுதல் அல்ல, வீரம் என்பது வெறும் பராக்கிரமம் அல்ல வெறும் உடல்பலம் அல்ல, மனதால் ஒருவிஷயத்தை செய்துவிடலாம் என மட்டும் நம்புவதும் வீரம் அல்ல‌ வீரம் என்பது பராக்கிரமத்தால் மற்றவர்களை வெல்லுதல் மட்டும் அல்ல, தன்னை வெல்லுதல் என அறுதியிட்டு சொன்ன மதம் இந்துமதம், எவன் தன்னை கட்டுபடுத்தி தர்மத்தையும் இறைவனையும் தேடுவானோ அவனையே உண்மையான வீரன் எனவும் அந்த ஞானமதம் குறிப்பிட்டு காட்டியது ஒவ்வொரு மனதிலும் அகங்காரம் உண்டு, பேராசை உண்டு, இன்னும் ஏகபட்ட மயக்கங்கள் உண்டு. அந்த மயக்க குரோதங்களையெல்லாம் யார் வெற்றி கொள்வானோ அவனே முக்தி அடைவான் என்றது இந்துக்கள் போதனை வீரத்தின் உச்சபட்சம் தன்னை வெல்வது தன் ஆசைகளையும் மாய மயக்கங்களையும் வெல்வது, தான் எனும் அகந்தையினை வெல்வது, தன் மனதில் விடாபிடியாக இருந்து தன்னை ஆட்டுவிக்கும் ஆசைகளை வெல்வது அது அல்லாது ஒருவன் ஞானம் பெற முடியாது எல்லாம் தன்னால் நடப்பது என்றும், "நான்" எனும் அகந்தையும் ஆங்காரமும் கொண்டவனுக்கு ஒரு காலமும் முக்தியுமில்லை நிம்மதியுமில்லை. எவன் இந்த உடல் வெறும் கூடு இதில் ஆன்மா அமர்ந்து இறைஉத்தரவால் கர்மாவினை மட்டும் செய்கின்றது என கருதுவானோ அவனிடம் அகங்காரம் இராது ஞானம் பெருகும் இந்த சிந்தை உள்ளவன் வெற்றியில் மகிழ்வதில்லை, தோல்வியில் கதறுவதுமில்லை, பெரும் இழப்புகளில் கதறுவதுமில்லை, உலகமே காலடியில் கிடந்தாலும் ஏறெடுத்து பார்ப்பதுமில்லை அதில் தர்ம ஞானத்தை கலந்தவன் காலத்துக்கும் நிலைக்கின்றான் தன்னை வெல்லுதல் தன் மனதை வெல்லுதல் ரஜோ குணத்தை வெல்லுதல் என அந்த பலத்தை தரும் ஆலயம் இது, தன்னை தன் குறையினை ஒப்புகொள்வது பெரும் வீரம், அதற்கு தனி தைரியமும் மனபலமும் வேண்டும் அதை தரும் ஆலயம் இது இந்த ஆலயம் எடுத்த காரியத்தை முடிக்கும் வைராக்கியம் தரும் பெரும் நல்ல முடிவினை அருளை பெற்றும் தரும் திருமங்கை ஆழ்வார் இங்கு பெரும்பணி செய்துதான் அன்னதானம் செய்துதான் அடுத்தகட்டத்து உயர்ந்தார், அவரைபோல் மனதிடம் மிகுந்த ஒருவரை மிகுந்த மனபலமு தவபலமும் கொண்ட இன்னொருவர் இல்லை, அந்த அளவு அவருக்கும் மனதைரியம் பலம் என எல்லாமும் கொடுத்த ஆலயம் இது கார்த்திகை மாதம் என்பது கர்மா செய்ய பலம் வேண்டும் மாதம், கர்மத்தை செய்ய அதை மனவலிமையுடன் செய்ய வரம்வேண்டும் மாதம், கார்த்திகை மாத நோன்புகளெல்லாம் அப்ப‌டியானவை வழிபாடும் அப்படியானது அந்த கார்த்திகையில் கர்மத்தை செய்ய வரம்தரும் ஆலயங்களில் இது முக்கியாமானது, திருமங்கை ஆழ்வாரின் கர்மபலன் அப்படித்தான் மிக தீவிரமானது இந்த ஆலயத்தில்வழிபட்டால் மணவாழ்வு இனிதாகும், நல்வாழ்வு வாய்க்கும், திருமண வாழ்வும் ஒரு கர்மமே, அந்த கர்மத்தை சரியாக செய்ய இவ்வாலயம் அருள்தரும் மணவாழ்வு என்றல்ல எல்லா கர்மமும் செய்ய மனதிடமும் வைராக்கியமும் தன்னை வென்று தன் ஆசைகளை வென்று கர்மம் செய்யும் மனபலமும் அவசியம் அதனை இந்த ஆலயம் தரும் இங்கு சென்று அந்த செங்கமல குள்த்தில் குளித்து தயிசாதம் அன்னதானம் நைவேத்யம் செய்து வணங்குவது சிறப்பு, அங்கு திருமங்கை ஆழ்வார் போல் அடியார்களுக்கு அன்னதானமிட்டால் எல்லோருக்கும் அன்னமிட்டால் இன்னும் இன்னும் சிறப்பு தானத்தில் சிறந்தது அன்னதானம் என்பது சாதாரணம் அல்ல, அன்னதானம் ஒன்றில்தான் மானிடன் நிறைவு கொள்வான் வேறு எந்த தானம் கொடுத்தாலும் அவனுக்கு நிறைவு வராது, இந்த உடல் கர்மம் செய்ய வந்தது, ஒவ்வொருவரும் அன்னத்தோடு சக்திபெற்று தொடர்ந்து கர்மம் செய்ய வழிவகை செய்வது பெரும் புண்ணியம் , அந்த புண்ணியத்தை இங்கு செய்தால் இறையருள் நிரம்ப நிரம்ப வந்து சேரும், நரசிம்மரின் திருவருளில் எல்லா பாவகர்மாவும் தீர்ந்து புண்ணிய கர்மா அதிகரிக்கும் , எல்லா தோஷமும் நீங்கி ஷேமம் ஒன்றே பெருகி நிற்கும். மங்கைமடம் வீர‌ நரசிம்மர் படம் #🖌பக்தி ஓவியம்🎨🙏 #முருகன் ஸ்டேட்டஸ் #முருகன் வீடியோஸ்#முருக கடவுள் #பக்தி வீடியோஸ் # #🍀🍀 தெய்வ தரிசனம் 🍀🍀பக்தி பாடல்& படங்கள்🔷🔶கடவுள்🔶🔷ஆன்மீக தகவல்கள் 🍃🍃 #🥰அன்புடன் காலை வணக்கம்🌞 #🕉️முருகன் ஸ்டேட்டஸ் வீடியோ🎥 #🕉️ ஓம் பழனி மலை முருகா போற்றி போற்றி 🦚🙏