छ्त्रपती शिवाजी महाराज व छ्त्रपती संभाजी महाराज यांच्या अष्टप्रधान मंडळातील सन्मानित व्यक्ती म्हणजे क्षात्रतेज "सरसेनापती हंबीरराव मोहिते"...🙏🚩 ● छत्रपती शिवाजी महाराजांनी दिलेली सरसेनापती हंबीरराव यांची संस्कृत भाषेतील मुद्रा : श्री मछीवमहानुभाव सेनाधिष हंबीरराव ।। अर्थ : "अलभ्य, सत्यनिष्ठ, विचारवंत सेनाधिष हंबीरराव". हंबीरावांना दिलेली संस्कृत भाषेतील मुद्रा आणि त्याच्या अर्थावरून महाराजांचा त्यांच्याविषयी असलेला विश्वास आणि दृष्टिकोन समजून येतो. या मुद्रेत फक्त हंबीररावांचे वर्णन आहे व त्यांना सेनाधिष म्हणून गौरवण्यात आलेले दिसते. तसेच राजाभिषेक प्रसंगी त्यांना सोन्याच्या दांड्याची चवरी देण्यात आली जी राजाचे व देवत्वाचे प्रतीक समजले जाते. यावरून त्यांची अष्टप्रधान मंडळातील योग्यतापण समजून येते.. सेनापती हंबीरराव मोहिते, मराठा साम्राज्याचे अद्वितीय योद्धा आणि सेनानायक होते. त्यांच्या राजनीती व युद्धनीतीचा अभ्यास करणारे हे पुस्तक, इतिहासाच्या पानांमधून त्यांच्या विलक्षण नेतृत्वकौशल्याची व रणांगणातील त्यांच्या उल्लेखनीय कामगिरीची कहाणी सांगते. सेनापती हंबीररावांच्या काळात मराठा साम्राज्याने अनेक महत्त्वपूर्ण विजय प्राप्त केले व त्याचे श्रेय अनेकदा हंबीररावांच्या युद्धनीती व रणांगणातील कुशलतेला जाते. सरसेनापती हंबीरराव मोहिते यांचे नाव मराठा साम्राज्याच्या इतिहासात उज्ज्वलतेने उजळते. ते एक अद्वितीय सैनिक नेते, रणनीतिज्ञ आणि एक पराक्रमी योद्धा होते, ज्यांनी राजनीती, युद्धनीती, शौर्य आणि पराक्रम या क्षेत्रांतील आपल्या अभूतपूर्व कौशल्याने मराठा साम्राज्याची शक्ती व वैभव वृद्धिंगत केले. हंबीरराव मोहिते यांनी अनेक युद्धांमध्ये आपल्या सामरिक बुद्धिमत्तेचा प्रदर्शन केल आणि मराठा साम्राज्याच्या सैन्य ताकदीचा विस्तार केला. त्यांचे योगदान मराठा साम्राज्याच्या इतिहासात अजरामर आहे.. नेत्याच्या कामाचे मूल्यमापन त्यांनी भावी पीढी तयार करण्यासाठी केलेल्या कार्यावरून पण आपण करू शकतो. या मध्ये सुद्धा हंबीरराव सरस ठरतात. त्यांच्या सानिध्यात, प्रशिक्षणामुळे व मार्गदर्शनाखाली तयार झालेले, किती तरी सरदारांनी स्वराज्य टिकवण्यासाठी जीवाचे रान करून अलौकिक पराक्रम केला, त्यात महाराणी ताराराणीसाहेब, सेनापती संताजी घोरपडे, सेनापती धनाजी जाधव अशी नावे आपल्याला घेता येतील... • पुस्तक : क्षात्रतेज “सरसेनापती हंबीरराव मोहिते". • लेखक : विक्रमसिंह जयवंतराव मोहिते. #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त