#💔ताम्हिणी घाटातील अपघातात 6 जणांचा मृत्यू 🚨 ताम्हिणी घाटातील भीषण अपघात! पुण्यातील सहा तरुणांचा मृत्यू तीन दिवसांपासून बेपत्ता असलेले तरुण खोल दरीत मृतावस्थेत सापडले… 💔 कोकणात फिरायला गेलेल्या पुण्यातील उत्तम नगर–भैरवनाथ नगर येथील सहा तरुणांवर काळाने घाला घातला. महिंद्राची थार (MH12 YN 8004) ताम्हिणी घाटातील खोल दरीत कोसळली असून सर्व सहा जणांचा जागीच मृत्यू झाला आहे. १७ नोव्हेंबरच्या रात्री कोकणासाठी निघालेल्या या तरुणांचा तीन दिवसांपासून संपर्क होत नसल्याने घरच्यांनी तक्रार दिली होती. रायगड पोलिसांनी ड्रोनच्या सहाय्याने शोधमोहीम राबवताना ही दुर्घटना उघड झाली. मृतांमध्ये शहाजी चव्हाण, साहिल बोटे, महादेव कोळी, ओंकार कोळी, शिवा माने (सर्वजण – उत्तम नगर, पुणे) यांचा समावेश आहे. दरी अत्यंत खोल असल्याने बचावकार्य अवघड झाले. प्रशिक्षित रॅपलर्सच्या मदतीने मृतदेह बाहेर काढण्यात आले असून पुढील तपास रायगड पोलिसांकडून सुरू आहे.