"अंताजी माणकेश्वर गंधे" हे मराठा साम्राज्याच्या काळातील एक पराक्रमी सरदार होते, जे दिल्लीतील मराठा फौजेचे सेनापती होते. ते मूळचे अहिल्यानगर जिल्ह्यातील कामरगावचे होते. पानिपतच्या तिसऱ्या युद्धातील त्यांच्या योगदानाबद्दल ते ओळखले जातात... अंताजी गंधे हे कर्तृत्ववान होते. सुरवातीला छत्रपती शाहू महाराजांकडे होते. नंतर चिमाजी आप्पांची मर्जी हुशारीने संपादन केली. चिमाजी अप्पांनी त्यांना माळव्यावरील स्वारीत पराक्रम दाखविण्याची संधी दिली. त्या संधीचे त्यांनी सोने केले. बाजीराव पेशव्यांनी बुंदेलखंडाच्या स्वारीत त्यांना सामील करून घेतले. त्यांनी गोविंद बल्लाळ यांची बाजीरावांकडे कमावीसदार पदासाठी शिफारस केली. इ.स.१७३३ मध्ये त्यांच्या शिफारसीनुसार गोविंद बल्लाळ हे बुंदेलखंडाचे सर्वेसर्वा झाले. 'सागर' नावाचे शहर त्यांनी वसविले... मराठ्यांच्या बंदोबस्तासाठी दिल्लीच्या बादशहाने इ.स.१७३० च्या सुमारास महंमदशहा बंगश याची नेमणूक केली. बुंदेल खंडाप्रमाणेच मराठ्यांचा निःपात करण्याच्या कामास तो लागला. १९ मे १७३१ रोजी बंगश उज्जैनीस आला. त्याला अंताजी माणकेश्वर सामोरे गेले. पण त्याचा पराभव झाला. अंताजींस उत्तरेकडील राजकारणात शिंदे-होळकरांप्रमाणे सेनापती म्हणून महत्त्व प्राप्त झाले. दिल्लीला ७००० स्वारांचे ते मनसबदार होते. दिल्लीच्या राजकारणात त्यांनी फार मोठी कामगिरी केली. बादशहाकडून त्यांना इटावा व पुफुंब हे परगणे मिळाले. इ.स.१७५५ मध्ये ते दत्ताजी शिंदे यांचेकडे गेले. अंताजी गंधे व हिंगणे बंधू हे लष्करी अधिकारी मराठ्यांचे दिल्ली दरबारी राजकारण सांभाळणारे अत्यंत मातब्बर असे वकील होते. हिंगणे यांचा तेथे अधिक वकूब होता. अंताजी हे लष्करी बाण्यात अत्यंत धाडसी वृत्तीचे तसेच बोलण्यात व लिहिण्यात चतुर होते... #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त