▬▬▬▬▬▬ஜ۩۞۩ஜ▬▬▬▬▬▬ *🚩आजचे ऐतिहासिक शिवदिनविशेष🚩* ▬▬▬▬▬▬ஜ۩۞۩ஜ▬▬▬▬▬▬ *🚩२३ फेब्रुवारी १७३९ चिमाजी आप्पांच्या वसई मोहिमेत मानाजी आंग्रे यांनी रेवदंडयावर हल्ला चढवला. चिमाजी आप्पा यांनी १७३९ साली फिरंगणाच उच्चाटन केल. ४ वर्षे सुरु असलेल्या मोहिमेचा शेवट वसई जिंकून साजरा केला गेला. वसईच्या लढाईत विजय प्राप्त करून* *🚩(२३ मे १७३९)पोर्तुगीजांचे त्या परिसरातील वर्चस्व नष्ट करण्याच्या महापराक्रमामुळे चिमाजींचे नाव लोकमानसात रुजले आहे. या मोहिमेवरून आणलेल्या पोर्तुगीज घडणीच्या भल्याथोरल्या पितळी घंटा आजही महाराष्ट्रात जागोजागी पाहायला मिळतात. मराठी भाषेत वाक्प्रचाराच्या रूपाने ती कायमची विराजमान झालेली आहे! पण याव्यतिरिक्तसुद्धा चिमाजींचे कर्तृत्व किती मोठे होते. थोरले बंधू बाजीराव पेशवे । (पेशवेकाल १७२०-४०) यांच्या झगमगत्या कारकीर्दीत चिमाजीआप्पांनी सदैव त्यांना सावलीसारखी साथ दिली. या जोडीचा निर्देश काही वेळा 'राम-लक्ष्मण' असा केला जातो, यातच काय ते आले. अर्थात लक्ष्मण हा कितीही गुणी व कर्तृत्ववान असला तरी रामाच्या कर्तत्वापुढे त्याचे कर्तृत्व काहीसे झाकोळून जाते, तसेच चिमाजींबाबत घडले आहे. धोरण आणि अंमलबजावणी याबाबतींतील मुख्य कर्ताकरविता आणि योजक महापुरुष बाजीराव पेशवाच होता आणि चिमाजी हा त्याबाबतची योग्य समज असलेला निष्ठावंत बंध व सखा होता. बाजीराव चिमाजीआप्पा यांच्या कर्तृत्वाबाबतचे हे मर्म ध्यानी घेतल्याशिवाय त्यांच्या श्रेष्ठत्वाचा पैस समजू शकत नाही. पिता बाळाजी विश्वनाथ यांनी घातलेल्या पायावरून कर्तत्वाचे भलेमोठे उडाण बाजीरावाने घेतले आणि या उड्डाणात त्याच्यासह झेपावलेला उपग्रह म्हणजे चिमाजीआप्पा!स्वराज्याचे संस्थापक आणि मराठयांच्या अस्मितेची प्रेरक शक्ती असणाऱ्या शिवछत्रपतींची पुण्याई आणि छत्रपती शाहमहाराज यांची छत्रछाया अशा दुहेरी आधारशिळेमुळे हे उड्डाण शक्य झाले. नव्या दमाच्या नेतृत्वाची एक बहुजातीय फळी बाजीरावाने उभी केली. मराठयांच्या राजकारणाला उत्तराभिमुख बनवून मराठा । साम्राज्यविस्ताराला चालना देण्यात बाजीराव पेशव्यांचे योगदान महत्त्वपूर्ण होते आणि चिमाजींचे सारे जीवितकार्य त्याला पूरक होते.* *🚩~✾꯭𝅦𝅦𝆭 जय जिजाऊ आऊसाहेब जय शिवराय जय शंभुराजे✾꯭𝅦𝅦𝆭~🚩* #🙏शिवदिनविशेष📜