#🧟 പ്രേതകഥകൾ! #📙 നോവൽ #✍ തുടർക്കഥ #✍️ വട്ടെഴുത്തുകൾ #💥💤🌟 ഷെഫ് അലി ( കഥയും കഥാപാത്രങ്ങളും സാങ്കല്പികം. മരിച്ചവരോ മരിക്കാൻ പോകുന്നവരോ ആയി സാമ്യം തോന്നിയാൽ യാദൃശ്ചികം മാത്രം) …………………………………………… പത്തനംതിട്ടയിലെ ഇലന്തൂർ കവല പിന്നിട്ട്, റബ്ബർ മരങ്ങൾ ആകാശത്തെ മറച്ചുപിടിക്കുന്ന ആ ഇടുങ്ങിയ മൺപാതയിലൂടെ സഞ്ചരിക്കുമ്പോൾ അന്തരീക്ഷത്തിലെ തണുപ്പിന് ഒരു പ്രത്യേക കാഠിന്യമുണ്ടായിരുന്നു. പടർന്നുപന്തലിച്ചു നിൽക്കുന്ന മരങ്ങൾക്കിടയിലൂടെ സൂര്യപ്രകാശം മണ്ണിൽ തൊടാൻ മടിച്ചുനിന്ന ആ പ്രദേശം പകൽസമയത്തുപോലും സന്ധ്യയുടെ മയക്കത്തിലായിരുന്നു. ആ വഴിയുടെ അറ്റത്താണ് കാലപ്പഴക്കം ചെന്ന മനയ്ക്കൽ തറവാട് സ്ഥിതി ചെയ്യുന്നത്. കരിങ്കല്ലിൽ പണിത ആ വീടിന്റെ ഭിത്തികളിൽ പായൽ പിടിച്ചു തുടങ്ങിയിരുന്നു. ചുറ്റുമുള്ള റബ്ബർ തോട്ടത്തിൽ നിന്നുള്ള ചീവീടുകളുടെ നിർത്താതെയുള്ള കരച്ചിൽ ആ വീടിന് ഒരു പ്രേതാലയത്തിന്റെ പ്രതീതി നൽകിയെങ്കിലും നാട്ടുകാർക്ക് അലി അക്ബർ വെറുമൊരു ശാന്തനായ അയൽവാസി മാത്രമായിരുന്നു. എല്ലാ വെള്ളിയാഴ്ചയും വെളുത്ത ജൂബ്ബയും മുണ്ടും ധരിച്ച്, കയ്യിലൊരു കറുത്ത കുടയുമായി കവലയിലേക്ക് നടന്നുപോകുന്ന അലിയെ കാണുമ്പോൾ നാട്ടുകാർ സ്നേഹത്തോടെ വിശേഷങ്ങൾ അന്വേഷിക്കുമായിരുന്നു. “അലിഭായ്, ഇന്ന് പുതിയ മരുന്നുകൾ വല്ലതും ഉണ്ടാക്കുന്നുണ്ടോ” എന്ന് ചോദിക്കുന്ന അയൽക്കാരോട്, “പിന്നില്ലാതെ, വടക്കേ നാട്ടിൽ നിന്ന് ഒരു പ്രത്യേക ഓർഡർ വന്നിട്ടുണ്ട്, അതിന്റെ തിരക്കിലാ” ചിരിച്ചുകൊണ്ട് അലി മറുപടി നൽകും. തന്റെ തറവാടിന് മുന്നിലെ ബോർഡിൽ അലി എഴുതിവെച്ചിരുന്നത് ആയുർവേദ ചികിത്സയും പ്രത്യേക വിഭവങ്ങളും എന്നായിരുന്നു. നാട്ടിലെ പലരും കരുതിയത് അയാൾ അപൂർവ്വമായ ഔഷധക്കൂട്ടുകളും ആയുർവേദ അച്ചാറുകളും ഉണ്ടാക്കി വിദേശത്തേക്ക് കയറ്റി അയക്കുന്ന തിരക്കിലാണെന്നാണ്. എന്നാൽ ആ കരിങ്കല്ല് ചുവരുകൾക്കുള്ളിലെ വലിയ അടുക്കളയിൽ അലി നിർമ്മിച്ചെടുത്തത് ആധുനിക മനുഷ്യന്റെ സങ്കൽപ്പങ്ങൾക്ക് അതീതമായ ഒരു നരകമായിരുന്നു. അവിടത്തെ അന്തരീക്ഷത്തിൽ എപ്പോഴും മസാലകളുടെ ഗന്ധത്തേക്കാൾ ഉപരിയായി ഇരുമ്പ് കത്തുന്നതുപോലെയുള്ള ഒരു ചുവയനുഭവപ്പെടുമായിരുന്നു. ……… പുറംലോകം ഉറങ്ങുന്ന അർദ്ധരാത്രികളിൽ അലി തന്റെ ഐഫോണിലെ 'ടോർ' ബ്രൗസർ വഴി ലോകത്തിന് കാണാൻ കഴിയാത്ത ഇന്റർനെറ്റിന്റെ ഇരുണ്ട ഇടനാഴികളിലേക്ക് പ്രവേശിക്കുമായിരുന്നു. അവിടെ അയാൾ ഷെഫ് അലിയായിരുന്നു. ലോകത്തിന്റെ പല കോണുകളിലിരുന്ന് നരഭോജികളായ മനുഷ്യർ അയാളുടെ ഓരോ പാചക വീഡിയോകൾക്കായും ശ്വാസമടക്കി കാത്തിരുന്നു. “ഷെഫ്, അടുത്ത വിഭവം എപ്പോഴാണ്, ഞങ്ങൾക്ക് പുതിയ രുചികൾ വേണം “ എന്ന് ഡാർക്ക് വെബ് ചാറ്റ് റൂമുകളിൽ ആരാധകർ ബഹളം വെക്കുമ്പോൾ, “ക്ഷമയോടെ കാത്തിരിക്കൂ സുഹൃത്തുക്കളെ, ഗുണമേന്മയുള്ള മാംസം വളർത്തിയെടുക്കാൻ സമയമെടുക്കും” എന്ന് അലി ശാന്തമായി ടൈപ്പ് ചെയ്യും. അലിയുടെ ഓരോ നീക്കവും ഒരു ശസ്ത്രക്രിയയുടെ കൃത്യതയോടെയായിരുന്നു. മരിക്കാൻ ആഗ്രഹം ഉള്ളവരെ പരസ്യം വഴി അയ്യാൾ തേടി അങ്ങനെ ഒരുപാട് പേർ ഇലന്തൂരിൽ എത്തി അവർ പലയിടത്തേക്കായി എക്സ്പോർട്ട് ചെയ്യപ്പെട്ടു ……. അങ്ങനെ ആ ഇരുണ്ട ഇടനാഴികളിലാണ് എറണാകുളത്തെ പ്രമുഖ ഐടി കമ്പനിയിലെ സീനിയർ പ്രോഗ്രാമറായ ആദർശ് എന്ന യുവാവ് അലിയെ കണ്ടെത്തുന്നത്. ആഡംബര ജീവിതത്തിനിടയിലും ആദർശ് വലിയൊരു ശൂന്യത അനുഭവിച്ചിരുന്നു. ജോലിയിലെ അമിതമായ സ്ട്രെസ്സും ആവർത്തിച്ചുള്ള പ്രണയപരാജയങ്ങളും അയാളെ ഒരു വിചിത്രമായ മാനസികാവസ്ഥയിലേക്ക് എത്തിച്ചു. മരിക്കണം എന്ന ആഗ്രഹത്തേക്കാൾ, തന്റെ മരണം ഒരു കലയായി മാറണമെന്നും ഒരു സ്ത്രീയുടെ കൈകളാൽ താൻ കൊലചെയ്യപ്പെടണമെന്നും ഭക്ഷിക്കപ്പെടണമെന്നും അയാൾ അതിയായി ആഗ്രഹിച്ചു. അലിയുടെ പ്രൊഫൈലിലെ ഷെഫ് അലി എന്ന പേര് തന്റെ വിഭ്രാന്തിയിൽ ആദർശ് വായിച്ചത് ഷെഫാലി എന്നായിരുന്നു. ഷെഫാലി എന്ന സുന്ദരിയായ ഒരു കൊലയാളി തനിക്ക് വേണ്ടി പത്തനംതിട്ടയിലെ ഏതോ ഒരു ഗ്രാമത്തിൽ കാത്തിരിക്കുന്നു എന്ന് അയാൾ ഉറച്ചു വിശ്വസിച്ചു. ഭൂമിക്ക് ഭാരമാകാതെ മടങ്ങാം എന്നും നിങ്ങളുടെ മരണം ഒരു പാഴാകലാകരുത് എന്നും തുടങ്ങിയ അലിയുടെ പരസ്യവാചകങ്ങൾ ആദർശിനെ വല്ലാതെ ആകർഷിച്ചു. പ്രത്യേകിച്ച്, മാംസത്തിന്റെ ഗുണമേന്മയിൽ വിട്ടുവീഴ്ചയില്ലെന്നും വ്യായാമം ചെയ്യുന്നവർക്ക് മുൻഗണനയുണ്ടെന്നുമുള്ള കുറിപ്പ് ആദർശിലെ വിചിത്രമായ അഹന്തയെ തൃപ്തിപ്പെടുത്തി. “ പ്രിയപ്പെട്ട ഷെഫാലി, എനിക്ക് നിന്റെ കൈകളാൽ അവസാനിക്കണം, അതൊരു പ്രണയപൂർണ്ണമായ മരണമാകണം” എന്ന് ആദർശ് അയച്ച സന്ദേശത്തിന്, “ വരൂ നിന്റെ ശരീരം എന്റെ അടുക്കളയിൽ അനശ്വരമാകും “എന്നായിരുന്നു അലിയുടെ മറുപടി. ആദർശ് എത്തുന്നതിന് മുൻപ് തന്നെ അലിയുടെ അടുക്കള പലരെയും വിഭവങ്ങളാക്കി മാറ്റിയിരുന്നു. ഓരോ വ്യക്തിയുടെയും ശീലങ്ങൾക്കും ശരീരപ്രകൃതിക്കും അനുസരിച്ചാണ് അലി അവരെ പാകം ചെയ്തിരുന്നത്. അമിതമായി മദ്യപിച്ചിരുന്ന ബിജു എന്ന ലോറി ഡ്രൈവറുടെ മാംസത്തിന് ഒരു പ്രത്യേക ലഹരിയുണ്ടെന്ന് അലി കണ്ടെത്തിയിരുന്നു. അതുകൊണ്ട് തന്നെ കടുപ്പമുള്ള മസാലകൾ ചേർത്ത് ഒരു പ്രത്യേക 'ബീഫ് റോസ്റ്റ്' ശൈലിയിലാണ് അലി അയാളെ തയ്യാറാക്കിയത്. ബാങ്ക് മാനേജരായിരുന്ന വേണുവിന്റെ ശരീരത്തിലെ അമിതമായ കൊഴുപ്പ് അലി പാഴാക്കിയില്ല. ആ നെയ്യ് ഉരുക്കിയെടുത്ത് പിന്നീട് വന്ന ഇരകളെ വറുക്കാൻ അയാൾ ഉപയോഗിച്ചു. തന്റെ ശരീരം സംരക്ഷിച്ചിരുന്ന ജിം ട്രെയിനർ സുരേഷിനെ അലി 'സ്റ്റീക്ക്' ആക്കി മാറ്റാനാണ് ഇഷ്ടപ്പെട്ടത്. മാംസപേശികൾക്ക് നല്ല ഉറപ്പുള്ളതിനാൽ അത് ഏറെ നേരം ചവച്ചിറക്കാമെന്ന് അലി തന്റെ ഓൺലൈൻ ആരാധകരോട് വീഡിയോയിൽ പറയുന്നുണ്ടായിരുന്നു. എന്നാൽ തികച്ചും ഓർഗാനിക് ആയ ഭക്ഷണം മാത്രം കഴിച്ച് വളർന്ന സജിത്ത് എന്ന കർഷകന്റെ കരൾ അലിക്ക് ഏറ്റവും പ്രിയപ്പെട്ട വിഭവമായിരുന്നു. സജിത്തിന്റെ കരൾ കഴിക്കുമ്പോൾ അതിൽ പച്ചമണ്ണിന്റെയും പ്രകൃതിയുടെയും ഗന്ധമുണ്ടെന്ന് അലി തന്റെ ഡയറിയിൽ കുറിച്ചു വെച്ചു. ഇരകളുടെ അവസാന നിമിഷങ്ങൾ അലി തന്റെ ഹൈ-ഡെഫനിഷൻ ക്യാമറയിൽ പകർത്തുകയും ബാക്കി ഉള്ള ഓരോ അവയവവും സിപ്‌ലോക്ക് കവറുകളിൽ പേരെഴുതി ഫ്രീസറിൽ അടുക്കി വെക്കുകയും ചെയ്യുമായിരുന്നു. അലി ഓരോ പാത്രത്തിലും മാംസം വിളമ്പുമ്പോൾ അതൊരു പൂജ പോലെ ഭക്തിയോടെയാണ് ചെയ്തിരുന്നത്. ഓരോ കഷ്ണവും എങ്ങനെ മുറിക്കണം, എങ്ങനെ വേവിക്കണം എന്നതിനെക്കുറിച്ച് അയാൾക്ക് കൃത്യമായ ശാസ്ത്രമുണ്ടായിരുന്നു. ….. ഒരു ശനിയാഴ്ച വൈകുന്നേരം തന്റെ അവസാനത്തെ സോഷ്യൽ മീഡിയ പോസ്റ്റ് ഷെഡ്യൂൾ ചെയ്തിട്ടാണ് ആദർശ് ഇലന്തൂരിലെത്തുന്നത്. കാറിൽ നിന്നിറങ്ങിയ ആദർശ് ഷെഫാലി എന്ന സുന്ദരിയെ പ്രതീക്ഷിച്ചു നിൽക്കുമ്പോൾ ഗേറ്റ് തുറന്ന് വന്നത് നരച്ച താടിയും വിടർന്ന കണ്ണുകളുമുള്ള അലിയായിരുന്നു. ആദർശ് പരിഭ്രമത്തോടെ ചുറ്റും നോക്കി “ഷെഫാലി അവ..ൾ എ..വിടെ അ..വളാണല്ലോ എന്നെ ഇങ്ങോട്ട് ക്ഷണിച്ചത് “എന്ന് വിക്കലോടെ ചോദിച്ചപ്പോൾ അലി പൊട്ടിച്ചിരിച്ചു. “ ഷെഫാലിയല്ലടാ മോനേ അത് ഷെഫ് അലി എന്നാണ് ഒരു അക്ഷരത്തെറ്റ് നിന്നെ ഈ സ്വർഗ്ഗവാതിൽക്കൽ എത്തിച്ചു പക്ഷെ പേടിക്കേണ്ട നിന്റെ ആഗ്രഹം ഞാൻ നടത്തും നീ വിചാരിച്ചതിലും മനോഹരമായി ഞാൻ നിന്നെ ഒരുക്കും “ എന്ന് അലി പറഞ്ഞപ്പോൾ ആദർശ് ഭയന്ന് പുറക്കോട്ട് മാറി. “എനിക്ക് പോകണം ഇതൊരു തെറ്റായ തീരുമാനമായിരുന്നു “എന്ന് ആദർശ് കരഞ്ഞുകൊണ്ട് പറഞ്ഞെങ്കിലും അലി അയാളുടെ കൈകളിൽ ബലമായി പിടിച്ചു. “ഇത്രയും ദൂരം വന്നതല്ലേ നമുക്ക് കുറച്ച് വർത്തമാനം പറഞ്ഞ് ഇരിക്കാം ഞാൻ ഒരു നല്ല ഹോസ്റ്റ് ആണ് ബിജുവിനും വേണുവിനും കിട്ടാത്ത സ്പെഷ്യൽ ട്രീറ്റ്മെന്റ് നിനക്ക് ഞാൻ നൽകാം “ എന്ന് ആശ്വസിപ്പിച്ചുകൊണ്ട് അലി അയാളെ തന്റെ സ്റ്റെയിൻലെസ് സ്റ്റീൽ ടേബിളിലേക്ക് വലിച്ചിഴച്ചു. അവിടെ തിളങ്ങുന്ന കത്തികളും വലിയ സോസുകളും നിരത്തിവെച്ചിരുന്നു. അലി ഒരു കുപ്പി ഫ്രഞ്ച് വൈൻ തുറന്ന് ആദർശിന്റെ വായിലേക്ക് നിർബന്ധിച്ച് ഒഴിച്ചു. “ഇത് കുടിക്കൂ ആദർശ് നിന്റെ രക്തത്തിൽ ഇത് ലയിക്കുമ്പോൾ ഒരു പ്രത്യേക എസ്സൻസ് കിട്ടും മാംസം പാകം ചെയ്യുമ്പോൾ വീണ്ടും വൈൻ ഒഴിക്കേണ്ടി വരില്ല “എന്ന് അലി ശാന്തമായി വിവരിച്ചു. ആദർശ് ശ്വാസം മുട്ടി പിടയുമ്പോഴും അലിയുടെ കണ്ണുകളിൽ ഒരു ശില്പിയുടെ ഗാംഭീര്യമായിരുന്നു. തന്റെ ഗ്ലോബൽ ഓഡിയൻസിനായി ലൈവ് സ്ട്രീമിംഗ് തുടങ്ങിയ അലി ക്യാമറയ്ക്ക് മുന്നിൽ വന്ന് ഇപ്രകാരം പറഞ്ഞു “സുഹൃത്തുക്കളെ ഇന്നത്തെ വിഭവം ഒരു ഐടി പ്രൊഫഷണലാണ് പേര് ആദർശ് ഇവന്റെ ഫാന്റസി ഒരു പെണ്ണിന്റെ കയ്യിൽ നിന്ന് മരിക്കണമെന്നായിരുന്നു കഷ്ടം ഇവന് അക്ഷരത്തെറ്റ് പറ്റി ഹ ഹ ഹ. ഷെഫാലി യെ തേടി വന്നതാണ് ” അലി ആദർശിന്റെ ചൂണ്ടുവിരൽ മുറിച്ചപ്പോൾ ആദർശ് അലറിവിളിച്ചു. അലി ശാന്തനായി ആ വിരൽ പാനിലിട്ട് ഒലിവ് ഓയിലിൽ ഒന്ന് വഴറ്റി. “ദാ നിന്റെ ശരീരത്തിന്റെ ആദ്യത്തെ രുചി നീ തന്നെ നോക്ക് ഇതിനെയാണ് സെൽഫ് സാറ്റിസ്ഫാക്ഷൻ എന്ന് പറയുന്നത് എങ്ങനെയുണ്ട് ഐടി കമ്പനിയിലെ പിസ്സയേക്കാൾ രുചിയുണ്ടല്ലേ “എന്ന് ചോദിച്ചുകൊണ്ട് അലി ആ മാംസക്കഷ്ണം ആദർശിന്റെ വായിലേക്ക് തള്ളിക്കയറ്റി. ആ രാത്രി മുഴുവൻ അലി തന്റെ പാചകകല തുടർന്നു. ആദർശിന്റെ ഓരോ അവയവവും വേർപെടുത്തുമ്പോഴും അലി തന്റെ കമന്ററി തുടർന്നു. ആദർശിന്റെ ഹൃദയം പുറത്തെടുക്കുമ്പോൾ അലി ക്യാമറയോട് പറഞ്ഞു “ഇവൻ ഒരുപാട് പ്രണയിച്ച ഹൃദയമാണ് ഇതിന് കുറച്ച് കയ്പ്പ് കൂടുതലായിരിക്കും അതുകൊണ്ട് കുറെ നേരം വെള്ളത്തിൽ ഇട്ടു വെക്കേണ്ടി വരും. “ആദർശിന്റെ കണ്ണുകളിലെ വെളിച്ചം അണയുന്നത് അലി വളരെ താൽപ്പര്യത്തോടെയാണ് വീഡിയോയിൽ പകർത്തിയത്. മാംസത്തിന്റെ നിറം മാറുന്നത് നോക്കി അയാൾ തന്റെ ആരാധകർക്ക് ടിപ്സുകൾ നൽകിക്കൊണ്ടിരുന്നു. …….. പിറ്റേന്ന് രാവിലെ അലി പതിവുപോലെ അടുക്കള വൃത്തിയാക്കി ആദർശിന്റെ മാംസം പല കവറുകളിലാക്കി ഫ്രിഡ്ജിൽ വെച്ചു. ആദർശ് പ്രീമിയം കട്ട് എന്ന് അയാൾ ലേബൽ ഒട്ടിച്ചു. തന്റെ ലാപ്ടോപ്പിൽ പുതിയ പരസ്യം ടൈപ്പ് ചെയ്യുന്നതിനിടയിലാണ് ആദർശ് പോസ്റ്റിയ പോസ്റ്റ്‌ ട്രേസ് ചെയ്തു വന്ന പോലീസ് കതകിൽ മുട്ടിയത്. എസ്.ഐ കുര്യാക്കോസ് കതകിൽ മുട്ടിയപ്പോൾ അലി ഒരു ഷെഫ് തൊപ്പിയും ഏപ്രണും ധരിച്ചാണ് കതക് തുറന്നത്. “എന്താ സാർ രാവിലെ തന്നെ ബ്രേക്ക്ഫാസ്റ്റ് കഴിച്ചില്ലേ” എന്ന് അലി കൂസലില്ലാതെ ചോദിച്ചു. പോലീസുകാർ അകത്തേക്ക് തള്ളിക്കയറി ഫ്രിഡ്ജ് തുറന്നപ്പോൾ കണ്ട കാഴ്ചകൾ അവരെ ഞെട്ടിച്ചു. ബിജുവും സജിത്തും സുരേഷും വേണുവും കവറുകളിലാക്കി അവിടെ ഇരിപ്പുണ്ടായിരുന്നു. “നീ എന്തിനാടാ ഇവരെ ഇങ്ങനെ കൊന്നത് എന്ന് എസ്.ഐ ഗർജ്ജിച്ചപ്പോൾ അലി വളരെ ശാന്തനായി ഫ്രിഡ്ജിൽ നിന്ന് ആദർശിന്റെ പേരെഴുതിയ ഒരു കവർ എടുത്തു കാണിച്ചു. “കൊന്നതൊന്നുമല്ല സാർ ഇതൊരു മ്യൂച്വൽ അഗ്രീമെന്റ് ആണ് ദാ നോക്കിയേ എത്ര വൃത്തിയായാണ് പാക്ക് ചെയ്തിരിക്കുന്നത് ഇന്നത്തെ കാലത്ത് ഇത്രയും ക്വാളിറ്റി ഉള്ള മീറ്റ് പുറത്ത് കിട്ടുമോ സാറിന് വേണമെങ്കിൽ സുരേഷിന്റെ ഒരു കഷ്ണം തരാം നല്ല രുചിയാണ് “ എന്ന് അലി മറുപടി നൽകി. പോലീസുകാർ അലിയുടെ ഫോണിലെ വീഡിയോ ദൃശ്യങ്ങൾ കണ്ട് സ്തബ്ധരായി. “സാർ ഞാൻ ഒരു ആർട്ടിസ്റ്റ് ആണ് കൊല്ലുക എന്നത് എന്റെ ഹോബിയല്ല അതൊരു പാചകകലയാണ് നിങ്ങൾ മീൻ വെട്ടുന്നതും ഞാൻ മനുഷ്യനെ വെട്ടുന്നതും തമ്മിൽ എന്ത് വ്യത്യാസം.മീനിന് സമ്മതപത്രം എഴുതാൻ അറിയില്ല ഇവരൊക്കെ അത് എഴുതിത്തന്നു അത്രയേയുള്ളൂ “ എന്ന് അലി പോലീസിനോട് വിശദീകരിച്ചു. അയാളുടെ മുഖത്ത് തരിമ്പും ഭയമില്ലായിരുന്നു, മറിച്ച് ഒരു മഹത്തായ കാര്യം ചെയ്തു തീർത്ത സംതൃപ്തിയായിരുന്നു. ……. കോടതിയിൽ കേസ് എത്തിയപ്പോൾ കേരളം കണ്ടതിൽ വെച്ച് ഏറ്റവും ക്രൂരമായ വിചാരണയായിരുന്നു അത്. വീഡിയോകൾ കണ്ട ജഡ്ജി പോലും ബോധംകെട്ടു വീണു. “നിനക്ക് യാതൊരു കുറ്റബോധവുമില്ലേ “എന്ന് കോടതി ചോദിച്ചപ്പോൾ അലി പുഞ്ചിരിച്ചുകൊണ്ട് പറഞ്ഞു “ഉണ്ട് സാർ ആദർശിന്റെ ലിവർ കുറച്ച് ഓവർ ആയി വെന്തുപോയി ആ ഒരു സങ്കടം മാത്രമേ എനിക്കുള്ളൂ ഒരു ഷെഫിന് തന്റെ വിഭവം മോശമാകുന്നത് സഹിക്കാനാവില്ല. “ …….. അലി ഇന്ന് വിയ്യൂർ ജയിലിലെ പ്രത്യേക സെല്ലിലാണ്. ജയിൽ അധികൃതർ അയാളെ അടുക്കളയിൽ അടുപ്പിക്കാറില്ലെങ്കിലും അവിടെയിരുന്നും അയാൾ തന്റെ സഹതടവുകാരുടെ ശരീരത്തിലെ മാംസത്തിന്റെ അളവ് കണക്കുകൂട്ടിക്കൊണ്ടിരുന്നു. ഒരു ദിവസം ജയിൽ സൂപ്രണ്ട് ബാബു വന്നപ്പോൾ അലി ചോദിച്ചു “സാർ ഈ ജയിലിലെ ഭക്ഷണം വലിയ മോശമാണ് ഒരു ദിവസം എന്നെ ചാർജ് ഏൽപ്പിക്കൂ ദാ ആ മൂലയിലിരിക്കുന്ന കൊലക്കേസ് പ്രതിക്ക് നല്ല കൊഴുപ്പുണ്ട് അവനെക്കൊണ്ട് ഞാൻ ഒരു സ്പെഷ്യൽ സൂപ്പ് ഉണ്ടാക്കാം സാറും കുടിച്ചോ നമ്മൾ തമ്മിലുള്ള ആ ഒരു ബന്ധത്തിന് സജിത്തിന് കൊടുത്തതിനേക്കാൾ നല്ല മസാല ഞാൻ ഇതിൽ ചേർക്കാം. “ സൂപ്രണ്ട് ബാബു അന്ന് മുതൽ അലിയുടെ സെല്ലിന് മുന്നിലൂടെ നടക്കുന്നത് നിർത്തി. ഇലന്തൂരിലെ ആ തറവാട് ഇന്നും അടഞ്ഞു കിടക്കുന്നുണ്ടെങ്കിലും അവിടുത്തെ കാറ്റിൽ ഇപ്പോഴും വിചിത്രമായ ഒരു ഗന്ധമുണ്ടെന്നും രാത്രികളിൽ അലിയുടെ ആ പഴയ ഐഫോണിന്റെ ചാർജിംഗ് ലൈറ്റ് ആ ജനാലയ്ക്കൽ മിന്നുന്നുണ്ടെന്നും നാട്ടുകാർ ഇന്നും ഭീതിയോടെ വിശ്വസിക്കുന്നു. അലിയുടെ പാചകക്കുറിപ്പുകൾക്കായി ഇന്നും ഡാർക്ക് വെബ്ബിന്റെ ഇരുട്ടിൽ ചിലർ തിരച്ചിൽ നടത്തുന്നുണ്ടെന്നത് മനുഷ്യരാശിയുടെ തന്നെ ഭീതിയായി അവശേഷിക്കുന്നു. ……. End