നവകേരളത്തിന് ജനകീയാസൂത്രണം കേരളത്തിൽ അധികാര വികേന്ദ്രീകരണം കാൽ നൂറ്റാണ്ട് പിന്നിട്ടു. വിസ്മയകരമായ നേട്ടങ്ങൾ കൈവരിച്ചിട്ടുണ്ടെങ്കിലും പ്രാദേശിക സാമ്പത്തിക വികസന ലക്ഷ്യത്തിലും ഉദ്ഗ്രഥിത സമീപനം, ജനപങ്കാളിത്തം, സുതാര്യത എന്നീ പ്രക്രിയകളിലും ദൗർബല്യങ്ങൾ നിലനിൽക്കുന്നു. അവ മറികടക്കുന്നതിന് “നവകേരളത്തിന് ജനകീയാസൂത്രണം” എന്ന വിപുലമായ ജനകീയ വികസന ക്യാമ്പയിൻ സംഘടിപ്പിക്കും. സ്ത്രീകളുടെ തൊഴിൽപങ്കാളിത്തം ഉയർത്തുന്നതിനുള്ള കുടുംബശ്രീയുടെ ഉദ്യമത്തെ അച്ചുതണ്ടാക്കിയായിരിക്കും ഈ ജനകീയ ക്യാമ്പയിന് രൂപം നൽകുക. 20 ലക്ഷം വീട്ടമ്മമാർക്ക് പ്രാദേശിക തൊഴിലുകൾ ലഭ്യമാക്കും. ഈ കാമ്പയിനിന്റെ പിൻബന്ധം (backward linkages) ആയിരിക്കും പ്രാദേശിക സാമ്പത്തിക വികസനം. അതുപോലെതന്നെ, ഈ പ്രവർത്തനത്തിന്റെ മുൻബന്ധം (forward linkages) ആണ് പൊതുസ്ഥലത്തെ സ്ത്രീ സുരക്ഷയും ഗാർഹിക ജോലികളുടെ ഭാരം കുറയ്ക്കാനുള്ള സാമൂഹ്യപിന്തുണയും വീട്ടിനുള്ളിലുള്ള തൊഴിൽവിഭജനത്തിലെ പുനക്രമീകരണവും. തദ്ദേശഭരണ സ്ഥാപനങ്ങൾ ജനകീയമായി നടപ്പാക്കുന്ന എല്ലാ സ്കീമുകളും ഈ ക്യാമ്പയിനോടു ചേർത്തു നടപ്പാക്കാവുന്നതാണ്. #Vote4LDF #ldfmanifesto2026 #🗞️പോസിറ്റീവ് സ്റ്റോറീസ്