*_చురుకైన పనివాడు:_* *ఒక భూస్వామి దగ్గిర, వీరయ్య అనేవాడు తోటమాలిగా వుండేవాడు. వాడికి వయసుపైబడుతున్న కారణంగా, క్రమంగా ఓపిక తగ్గిపోసాగింది. వాడు పనిమాని ఇంటిపట్టున వుండదలచి, ఆ సంగతి యజమానికి చెప్పాడు*. *భూస్వామి అందుకు సరే అని, "నీ స్థానంలో సోమరితనం లేకుండా, కష్టించి పనిచేసే చురుకైనవాణ్ణాకణ్ణి చూడు,” అని చెప్పాడు.* *ఈ సంగతి తెలిసి ముగ్గురు వచ్చారు. ఆ సమయంలో వీధి వాకిలి దగ్గిర వీరయ్య, భూస్వామితో ఏదో మాట్లాడుతున్నాడు* *ఆ ముగ్గురూ వచ్చిన పని చెప్పగానే, వీరయ్య వాళ్ళతో, "నరే, మీలో ఎవరో ఒకరు, వీధి వాకిలికి ఎదురుగా వున్న, ఈ బండరాయిని తీసి దూరంగా పారవేసిరండి,” అన్నాడు*. *వచ్చినవాళ్ళలో ఇద్దరు, ఆ రాయికేసి చూసి, "అంత పెద్ద రాయిని కదిలించాలంటే ఎంత శ్రమ ! ఇది మావల్ల కాదు," అని వెళ్ళిపోయారు.* *మూడవవాడు మాత్రం వీరయ్యతో, “ఈ బండరాయిని ఇక్కడి నుంచి కదిలించి, వీధివారగా నెట్టేస్తాను. ఒక గునపం ఇప్పించండి," అని రాయికేసి పరీక్షగా చూస్తూ, "అసలిది వీధివాకిలి ముందుకు ఎలా వచ్చింది!" అంటూ కాలితో నెట్టి చూశాడు. బండరాయి ఆడుగు దూరం జరిగిపోయింది*. *అది నిజంగా బండరాయి కాదు. ఎండు గడ్డిని గోతాంలో పెట్టి మూతి బిగించి, రాయిలా కనబడేందుకు వీరయ్య దానికి మట్టి పులిమాడు*. *వీరయ్య, యజమానితో, "ఇతనిలో కష్టించి పనిచేసే లక్షణంతోపాటు, మంచి చురుకు తనం కూడా వున్నది. మీకు తోటమాలిగా పనికి వస్తాడు,” అని చెప్పాడు.* *భూస్వామి వాణ్ణి తోటమాలిగా నియమించుకున్నాడు* #మన సంప్రదాయాలు సమాచారం