సినీ నటి ప్రత్యూషపై జరిగిన అత్యాచారం, హత్య కేసులో — 26 ఏళ్ల పాటు అలుపెరుగని పోరాటం చేసిన ఆమె తల్లికి ముందుగా మన హృదయపూర్వక అభినందనలు. ఒక తల్లి తన కూతురికి న్యాయం దక్కాలనే ఒక్క లక్ష్యంతో, వ్యవస్థల నిర్లక్ష్యాన్ని, సమాజపు మౌనాన్ని, శక్తివంతుల బెదిరింపులను తట్టుకొని నిలబడటం — అది అసాధారణ ధైర్యానికి ప్రతీక. ఈ వార్త చదివితే పైకి చాలా బాగానే అనిపిస్తుంది. కానీ ఒక తీవ్రమైన ప్రశ్న మనల్ని వెంటాడుతుంది: ఒక సినీ నటి మీద అత్యాచారం జరిగి, హత్య చేయబడితే — సినీ పరిశ్రమ ఎందుకు మౌనంగా నిలిచింది? ఈ ప్రశ్నలు అడగకండి అంటారా? ఎందుకంటే — “సినీ పరిశ్రమలో కాస్టింగ్ కౌచ్ అనేదే లేదు” అని సినీ పరిశ్రమ పెద్దలు స్వయంగా ప్రకటించారు కదా! కానీ నిజం ఏమిటి? బాధితురాలి తరఫున పోరాడింది ఆమె తల్లి మాత్రమే. సినీ పరిశ్రమ మొత్తం మౌనం పాటించింది. ఇది కఠినమైన, చేదు వాస్తవం. అదేంటీ? సినీ పరిశ్రమలో తోపులు, తురుములు, మహా హీరోలు, సూపర్ స్టార్లు, పెద్ద పెద్ద నిర్మాతలు, దర్శకులు ఉన్నారు కదా? అయితే పరిశ్రమకు చెందిన ఒక యువ నటి మీద ఇంత దారుణం జరిగితే — ఈ తోపులు, తురుములు ఎందుకు స్పందించలేదు? ఎందుకు రోడ్డెక్కి పోరాడలేదు? ఎందుకు న్యాయం కోసం గొంతెత్తలేదు? ఎందుకంటే — సినిమా అనేది కళ కాదు, సేవ కాదు, సామాజిక బాధ్యత కాదు — అది కేవలం పక్కా వ్యాపారం. ఇక్కడ హీరోలు తమ ఆస్తులు మాత్రమే పెంచుకుంటారు. తమ వారసత్వం నుంచే కొత్త హీరోలను తయారు చేస్తారు. బయట నుంచి వచ్చే ప్రతిభావంతులను తొక్కేస్తారు. కొత్త హీరోలు ఎదిగితే — వారి జీవితాలను నాశనం చేయడానికి కూడా వెనుకాడరు. ఎందరి జీవితాలతో ఆటలాడుకుంటూ, దేశ యువతను నిర్వీర్యం చేస్తూ, ఏ పనికిరాని ఈ మాధ్యమాన్ని ఎయిడ్స్ కన్నా కూడా ప్రమాదకరంగా యువత మీద రుద్ది, లక్షల కోట్లు సంపాదించి, సొంత విమానాలు, విలాసవంతమైన భవనాలు, ఒకటి కాదు — నాలుగు పెళ్లిళ్లు, అక్రమ సంబంధాలు, మొదటి పెళ్లి పిల్లలను పక్కనపెట్టి, మరొక మహిళ మీద ప్రేమ పేరుతో మళ్లీ మళ్లీ పెళ్లిళ్లు చేసుకుంటూ — ఇదే వీరి జీవన విధానం. ప్లాస్టిక్ సర్జరీలతో కోట్ల రూపాయలు ఖర్చుపెట్టి తమ కుమారులను హీరోలుగా తయారు చేసి, ఒక అమాయకుడిని నిర్మాత అని పేరు పెట్టి, అతని జీవితం పూర్తిగా నాశనం చేసి, జూనియర్ ఆర్టిస్టులను అతనికి పావులుగా పంపి ఎక్కడినుంచో అమాయకమైన కొత్త హీరోయిన్‌ను తెప్పించి, ఆమెతో ముచ్చట్లు, చపట్లు, బేరసారాలు — ఇలా సినిమా పూర్తిచేసి, ప్రీ రిలీజ్ ఈవెంట్ల పేరుతో రాజకీయ నోటి దురద తీర్చుకుంటారు. అతి త్వరలో ఆ నిర్మాత తల మీద వేసుకునేందుకు గుడ్డ పీలిక కూడా మిగలదు. ఆ హీరోయిన్ — పరిశ్రమలో పరిచయాల పెంపుకోసం తన ఆత్మగౌరవాన్ని తాకట్టు పెడుతుంది. ఇదంతా జరిగాక — తమ రాజకీయ జీవితానికి మద్దతుగా యువతను ఉపయోగించుకుంటారు. వందల మంది బౌన్సర్లు, ఏడాదికి ఒక జాతీయ పురస్కారం, ఒకటి తర్వాత ఒక బిరుదు — ఇదే వారి “గొప్పతనం”. వీరికెందుకు ఒక అమాయకపు చిన్న హీరోయిన్ జీవితం? ఆమె పుట్టిందే వీరి షోకుల కోసమే అన్న భావన! అందుకే హీరోల కూతుళ్లు హీరోయిన్లు అవ్వరు. కానీ అమాయక కుటుంబాల నుంచి వచ్చిన అమ్మాయిలు మాత్రం — ఈ దరిద్రపు పరిశ్రమ కి రావడం సినిమా మోజు ఎందరో వెధవలు ఆమెకు తీర్చేసిన తరువాత ఏడాదికి ఒక మొగుడిని మార్చుకుంటూ, లేదా రెండో, మూడో భార్యలుగా సెటిల్ అవుతూ, లేదంటే — ప్రత్యూషలా బలి అవుతూ ఉంటారు. ఇదే సినిమా పరిశ్రమ యొక్క అసలు స్వరూపం. పిచ్చివాడా — ఒకసారి కళ్లు తెరుచుకొని చూడు! వీళ్ళు తెర మీద మాత్రమే తోపులు, తురుములు. నిజ జీవితంలో — వీళ్ళు మనిషి రూపంలో తిరిగే దుర్మార్గ వ్యవస్థ ప్రతినిధులు. ఈ దరిద్ర వ్యవస్థను మన యువత ఎప్పుడు తిరస్కరిస్తుందో, ఎప్పుడు దూరం పెడుతుందో — అప్పుడే ఈ దేశం నిజంగా బాగుపడుతుంది. లేదంటే — దేశ యువత భవిష్యత్తు పూర్తిగా అధోగతే.🙏🙏🙏🙏🙏 #😢Sad Feelings💔 #💔హార్ట్ బ్రేక్ స్టేటస్ #నేటి లోకం తీరు...!! #నేటి ప్రపంచంలో జరుగుతుంది ఇదే...😇 #నేటి ప్రపంచం 😠