అలసినవానిని ఊరడించు మాటలు 🍞🍞🍞🍞🍞🍞🍞🍞🍞 DAILY MEDITATIONS FROM THE MINISTRY OF Bro. BAKTH SINGH 🍇🍇🍇🍇🍇🍇🍇🍇🍇 🌷🌷🌷 Sunday, March 1 🌷🌷🌷 *''యెహోవా సీయోనును ఏర్పరచుకొనియున్నాడు, తనకు నివాస స్థలముగా దానిని కోరుకొనియున్నాడు'' (కీర్తనలు 132:13).* కీర్తనలు 132:9లో దేవుని ఇంటిని కట్టుటలో నీతికి, పరలోకపు ఆనందమునకు ఎట్టి స్థానము గలదో మనము చూచుచున్నాము. మనము దేవుని చిత్తమును నెరవేర్చిన యెడల మన జీవితములో మనకెన్ని శ్రమలు, హింసలు, దు:ఖములు, కష్టములను ఆయన అనుమతించినప్పటికిని మనమాయన యందు ఆనందించవలెను. మనము ఎల్లప్పుడు ప్రభువునందు ఆనందించుటకు నేర్చుకొనినయెడల, దేవుని ఇంటిని కట్టుటలో మన భాగమునందు మనము ఆనందించుదుము. 13వ వచనములో యెబూసీయులను తరిమివేసిన తరువాత సీయోనులో దావీదు రాజుగా అన్ని గోత్రములను పరిపాలించుచుండెను. సీయోనులో అతడు 48వ కీర్తనను వ్రాసెను. 2వ వచనములో సీయోనును ''మహారాజు పట్టణము'' అని, 1వ వచనములో ''మన దేవుని పట్టణము'', ''ఆయన పరిశుద్ధ పర్వతము'' అని, 8వ వచనములో మరల ''మన దేవుని పట్టణము'' అని పేర్కొనుచున్నాడు. ఈ పేర్లు ఉపయోగించుటలో దావీదుకు దేవుని ఇంటిని గూర్చిన స్పష్టమైన ప్రకత్యక్షత గలదని తెలియుచున్నది. ''దేవుడు దేనికి శిల్పియు, నిర్మాణకుడునై యున్నాడో, పునాదులుగల అ పట్టణము'' విషయమైన దర్శనము అబ్రాహాముకు కూడా ఇవ్వబడెను (హెబ్రీ 11:10). అందుచేతనే అబ్రాహాము తన రక్తసంబంధులందరిని, ఆస్తిపాస్తులన్నిటిని విడచిపెట్టి దేవుని వెంబడించుచు తన జీవితాంతము వరకు గుడారములలో నివసించెను. యేసుక్రీస్తు ప్రభువు యొక్క రాజరికము - యెబూసీయులకు మన హృదయములలో ఎక్కడ గాని, ఏ స్థలముగాని ఇవ్వనివ్వకుండా చేయును. మనము వారికి గాని స్థలమిచ్చిన యెడల మనము ప్రభువును దు:ఖపరచు వారమగుదుము. కీర్తన 132:14లో దావీదు భూసంబంధమైన భవనమును గురించి ఆలోచించుట లేదు. దావీదు దేవుని ప్రణాళిక ననుసరించి దేవుని గృహమును నిర్మించగోరెను. అది యేసుక్రీస్తు ప్రభువు నిర్మించు నిజమైన ఆత్మీయ గృహమునకు ఛాయయైయున్నది. 17వ వచనములో ప్రభువు ''అక్కడ దావీదునకు కొమ్ము మొలవజేసెదను'' అని చెప్పుచున్నాడు. దావీదు యేసుక్రీస్తు ప్రభువుకు మాదిరిగా (ఛాయగా) నున్నాడు. ఆ ''కొమ్ము'' దేవునిచేత అభిషేకించబడినవాడైన యేసుక్రీస్తు ప్రభువును గురించి తెలియజేయుచున్నది. ఆయన స్వంత ఇంటిలో యేసుక్రీస్తు ప్రభువును గూర్చిన గొప్ప ప్రత్యక్షతను దావీదు చూచుచున్నాడు. దేవుని ఇంటిలోనికి వచ్చినప్పుడే, ఆయనను గూర్చిన మన ఆకలి సంపూర్ణముగా తీర్చబడును (15,16 వచనములు).మనకెన్ని శ్రమలు, హింసలు, బాధలున్నప్పటికిని, దేవుని ఇంటిలోనే, దేవుని ప్రజల మధ్యలోనే గొప్ప ఆనందమును మనము అనుభవించగలము. దేవుని గృహ నిర్మాణములో ఎవరైతే ఇష్టపూర్వకముగా పాలు పొందుటకు ఇష్టపడుదురో వారు సమృద్ధియైన సంతోషమును, నిజమైన సహవాసమును అనుభవించగలరు. కూడికలలో కేవలము పాటలు విని ఆనందించుటకు, లేక ఏదో స్వల్ప ఉద్దేశముతో వచ్చెడివారు, దేవుని ఇంటి నిర్మాణములో ఏ విధమైన పాలు పంపులు పొందలేరు. వారు త్వరగా గాయపరచబడుదురు, సంతోషమును కోల్పోవుదురు. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com