#👩‍🍳 പാചകലോകം +--------+-------+-------+--------+ *🌶️ ഇന്നത്തെ പാചകം 🍳* *ബട്ടൂരയും മസാല കടലക്കറിയും* +------+-------+--------+--------+ ```പാനി പൂരിയും, ഭേൽ പൂരിയും, പാവ് ബജ്ജിയുമൊക്കെ ഇങ്ങ് കേരളത്തിലും പ്രിയപ്പെട്ട ഭക്ഷണമാണ്. സ്ട്രീറ്റ് ഫുഡുകളിൽ ഏറ്റവും അധികം ആളുകളും തിരഞ്ഞെടുക്കുന്നതും ഇത്തരം സ്നാക്കുകളാണ്. അതിൽ തന്നെ ചോലെ ബട്ടൂരക്ക് പ്രത്യേകം ആരാധകരുണ്ട്. നോർത്തിന്ത്യയിലെ പ്രഭാത ഭക്ഷണമാണിത്. സ്പൈസി ആയിട്ടുള്ള മസാല കടല കറി കോമ്പിനേഷനാണിത്.``` ________________________ _( മസാല കടല കറി )_ *ചേരുവകൾ* _____________________ _വെള്ളക്കടല- 1 കപ്പ്_ _തക്കാളി- 1എണ്ണം_ _സവാള- 1 എണ്ണം_ _ഇഞ്ചി- ചെറിയ കഷ്ണം_ _വെളുത്തുള്ളി- 4 അല്ലി_ _പച്ചമുളക്- 4 എണ്ണം_ _മുളുകപൊടി- 1 ടീസ്പൂൺ_ _മഞ്ഞൾപ്പൊടി- 1 ടീസ്പൂൺ_ _കസൂരിമേത്തി- 1 ടീസ്പൂൺ_ _ചോലെ മസാല- 2 ടീസ്പൂൺ_ _ഗരംമസാല- 1/2 ടീസ്പൂൺ_ _ജീരകം- 1 ടീസ്പൂൺ_ _ആംചൂർ പൗഡർ- 1 ടീസ്പൂൺ_ _ഉപ്പ്- ആവശ്യത്തിന്_ _എണ്ണ- ആവശ്യത്തിന്_ _മല്ലിയില- ഒരു പിടി_ ________________________ *തയ്യാറാക്കുന്ന വിധം* ______________________ ```വെള്ളക്കടല നന്നായി കഴുകിയെടുക്കാം. ഇത് കുക്കറിലേക്കു മാറ്റി ആവശ്യത്തിന് വെള്ളം ഒഴിച്ച് വേവിച്ചെടുക്കാം. 6 വിസിൽ വരെ വേവിക്കാം. പാൻ അടുപ്പിൽ വച്ചു ചൂടാക്കി ആവശ്യത്തിന് എണ്ണ ഒഴിക്കാം. അതിലേക്ക് ഇഞ്ചിയും വെളുത്തുള്ളിയും അരച്ചതു ചേർത്തു വേവിക്കാം. നിറം മാറി വരുമ്പോൾ മുളകുപൊടി, മഞ്ഞൾപ്പൊടി, ഉപ്പ്, എന്നിവ ചേർത്ത് ഇളക്കി യോജിപ്പിക്കം. ഇതിലേക്ക് ചെറുതായി അരിഞ്ഞ തക്കാളി ചേർത്തു വഴറ്റാം. ഇനി അടുപ്പണച്ച് അത് ചൂട് മാറാൻ വക്കാം. അൽപം തണുത്തതിനു ശേഷം അരച്ചെടുക്കാം. പാനിൽ എണ്ണ ഒഴിച്ചു ജീരകം പൊട്ടിക്കാം. അതിലേക്ക് അരച്ചെടുത്ത മിശ്രിതം ചേർത്ത് കുറുക്കിയെടുക്കാം. വേവിച്ച കടലയിൽ നിന്നും അൽപം അരച്ച് അതു കൂടി ചേർക്കാം. ഒപ്പം ബാക്കി കടലയും ചേർത്ത് വെള്ളം ഒഴിച്ച് നന്നായി തിളപ്പിക്കാം. തിളച്ചു വരുമ്പോൾ ഗരംമസാല, കസൂരിമേത്തി, ആംചൂർപൗഡർ, ആവശ്യത്തിന് ഉപ്പ് എന്നിവ ചേർക്കാം. വെള്ളം വറ്റി കുറുകി വരുമ്പോൾ അടുപ്പണക്കാം. മുകളിലേക്ക് ആവശ്യത്തിന് മല്ലിയില കൂടി ചേർക്കാം. ``` _______________________ _ബട്ടൂര_ *ചേരുവകൾ* _____________________ _മൈദ- 1 കപ്പ്_ _ഗോതമ്പ് പൊടി- 1/2 കപ്പ്_ _തൈര്- 1/2 കപ്പ്_ _പഞ്ചസാര- 1 ടീസ്പൂൺ_ _ബേക്കിങ് പൗഡർ- 3/4 ടീസ്പൂൺ_ _ബേക്കിങ് സോഡ- 2 നുള്ള്_ _എണ്ണ- ആവശ്യത്തിന്_ _ഉപ്പ്- ആവശ്യത്തിന്_ ______________________ *തയ്യാറാക്കുന്ന വിധം* _______________________ ```ഒരു കപ്പ് മൈദയും അര കപ്പ് ഗോതമ്പ് പൊടിയും ഒരു ബൗളിലേക്കെടുക്കാം. തൈര്, പഞ്ചസാര, ബേക്കിങ് സോഡ, ബേക്കിങ് പൗഡർ, ആവശ്യത്തിന് ഉപ്പ് എന്നിവ അതിലേക്കു ചേർത്തിളക്കി യോജിപ്പിക്കാം. ശേഷം നന്നായി കുഴച്ച് അൽപം എണ്ണ തടവി മാറ്റി വക്കാം. 3 മണിക്കൂർ വരെ ഇത് അങ്ങനെ ഇരിക്കട്ടെ. ശേഷം മാവ് ചെറിയ ഉരുളകളാക്കി പരത്തി എണ്ണയിൽ വറുത്തെടുക്കാം.``` +------+------+-------+-------+