#👩‍🍳 പാചകലോകം +------+------+------+-------+ _*🌶️ ഇന്നത്തെ പാചകം 🍳*_ _*വെജിറ്റബിൾ സ്റ്റു*_ +-------+------+-------+-------+ _ഇന്ന് കേരള സ്റ്റൈൽ വെജിറ്റബിൾ സ്റ്റൂ തയ്യാർ ആക്കുന്നത്‌ എങ്ങനെ ആണെന്ന് നോക്കാം . ഇത്ര ടേസ്റ്റിൽ വെജിറ്റബിൾ സ്റ്റൂ നിങ്ങൾ കഴിച്ചിട്ടുണ്ടാവില്ല...._ ______________________ *വേണ്ട ചേരുവകൾ* _______________________ _ഉരുളക്കിഴങ്ങ് - 1 എണ്ണം പുഴുങ്ങി ഉടച്ചത്‌_ _ബീൻസ് - 6 എണ്ണം_ _കാരറ്റ് - 1 എണ്ണം_ _ഉള്ളി - 1 എണ്ണം_ _പച്ചമുളക് - 3 എണ്ണം_ _ഫ്രോസൺ ഗ്രീൻ പീസ്‌ - ടേബിൾ സ്പൂൺ_ _കറി വേപ്പില - ആവശ്യത്തിന്‌_ _കട്ടി കുറഞ്ഞ തേങ്ങാപ്പാൽ - 3 കപ്പ്_ _കട്ടിയുള്ള തേങ്ങാപ്പാൽ - 1 കപ്പ്_ _ഏലം - 2 എണ്ണം_ _ഗരം മസാല - 1/2 + 1/4 ടീസ്പൂൺ_ _നെയ്യ് - 1 ടേബിൾ സ്പൂൺ_ _കശുവണ്ടി - 6-7 എണ്ണം_ _ഉപ്പ് - ആവശ്യത്തിന്‌_ _പഞ്ചസാര - 1/2 ടീസ്പൂൺ_ _____________________ *തയ്യാറാക്കുന്ന വിധം* _______________________ _ഒരു ചട്ടിയിൽ അരിഞ്ഞ ബീൻസ് ,കാരറ്റ് ,സവാള, പച്ചമുളക്, കറിവേപ്പില, ഏലക്ക എന്നിവ കട്ടി കുറഞ്ഞ 3 കപ്പ്‌ തേങ്ങാപ്പാലും ഉപ്പും ചേർത്ത് 5 മിനിറ്റ് കുറഞ്ഞ തീയിൽ വേവിക്കുക.._ _ഇതേ സമയം നമുക്ക്‌ ഒരു ഉരുളക്കിഴങ്ങ്‌ പുഴുങ്ങി നല്ല വണ്ണം ഉടച്ച്‌ വച്ച്‌ അത്‌ നേരത്തെ തയ്യാറാക്കിയ ചേരുവയിലേക്ക്‌ ചേർത്ത്‌ കൊടുക്കാം._ _അതിലേക്ക്‌ 2 ടേബിൾ സ്പൂൺ ഫ്രോസൺ ഗ്രീൻ പീസ്‌ ചേർത്ത്‌ വേവിക്കുക._ _ഇനി കട്ടിയുള്ള 1കപ്പ്‌ തേങ്ങാപ്പാൽ, 1/2 ടീസ്പൂൺ ഗരം മസാല, 1/2 ടീസ്പൂൺ പഞ്ചസാര എന്നിവ ചേർത്ത് നന്നായി ഇളക്കുക .._ _ഇനി ഒരു ചട്ടി ചൂടാക്കാൻ വച്ച് ഒരു ടേബിൾ സ്പൂൺ നെയ്യ് ചേർത്ത് കശുവണ്ടിയും, കറിവേപ്പിലയും ,1/4 ടീസ്പൂൺ ഗരം മസാലയും ചേർത്ത് ഇളക്കുക. ഈ മിശ്രിതം നേരത്തെ തയ്യാറാക്കി വച്ച കൂട്ടിലേക്ക്‌ ഒഴിച്ച്‌ ഇളക്കി യോജിപ്പിക്കാം_ _5 മിനിറ്റ്‌ വേവിക്കുക..രുചികരമായ വെജിറ്റബിൾ സ്റ്റു ഇപ്പോൾ തയ്യാറാണ് .._ _അപ്പം , ഇഡിയപ്പം, ചപ്പാത്തി എന്നിവക്ക്‌ ഇത് ഏറ്റവും മികച്ച കോമ്പിനേഷൻ ആണ്..._ +------+-----+-----+-------+

#😎 തിങ്കളാഴ്ച കിടു സ്റ്റാറ്റസുകൾ #🌞 ഗുഡ് മോണിംഗ്

#😎 തിങ്കളാഴ്ച കിടു സ്റ്റാറ്റസുകൾ #🌞 ഗുഡ് മോണിംഗ്

#😎 തിങ്കളാഴ്ച കിടു സ്റ്റാറ്റസുകൾ #🌞 ഗുഡ് മോണിംഗ്

#😎 തിങ്കളാഴ്ച കിടു സ്റ്റാറ്റസുകൾ #🌞 ഗുഡ് മോണിംഗ്

#😎 തിങ്കളാഴ്ച കിടു സ്റ്റാറ്റസുകൾ #🌞 ഗുഡ് മോണിംഗ്

#👩‍🍳 പാചകലോകം +-------+------+------+-------+ _*🌶️ ഇന്നത്തെ പാചകം 🍳*_ _*ഐനാസ്‌ (മടക്കുസേവ )*_ +-------+------+-------+------+ ```ഐനാസ്‌ ( മടക്കുസേവ ) കടകളിൽ നിന്ന് വാങ്ങി കഴിക്കാത്തവർ ചുരുക്കമായിരിക്കും.ബേക്കറിയിൽ നിന്നും വാങ്ങുന്ന അതെ രുചിയിൽ തന്നെ ഐനാസ്‌ നമുക്ക്‌ വീട്ടിൽ ഉണ്ടാക്കാം.``` ________________________ *ചേരുവകൾ* ______________________ _മൈദ - ഒരു കപ്പ്_ _ഉപ്പ് - കാൽ ടീസ്പൂൺ_ _മഞ്ഞൾപ്പൊടി - കാൽ ടീസ്പൂൺ_ _നെയ്യ് - രണ്ട് ടേബിൾ സ്പൂൺ_ _വെള്ളം - കാൽ കപ്പ്_ _ഒരു ബൗളിലേക്ക് മുകളിൽ പറഞ്ഞ എല്ലാ ചേരുവകളും ചേർത്ത് 5 മിനിറ്റോളം കുഴച്ച് 30 മിനിറ്റ് മാറ്റിവയ്ക്കുക._ *ഓയിൽ ഫ്രൈ ചെയ്യാൻ ആവശ്യത്തിന്* *ഷുഗർ സിറപ്പ്* _പഞ്ചസാര - ഒരു കപ്പ്_ _വെള്ളം - 3/4കാൽ കപ്പ്_ _ഏലക്കാപ്പൊടി - കാൽ ടീസ്പൂൺ_ _നാരങ്ങനീര് - 8 തുള്ളി_ ______________________ *തയ്യാറാക്കുന്ന വിധം* ________________________ _കുഴച്ചു വെച്ചിട്ടുള്ള മാവ് അരമണിക്കൂർ കഴിയുമ്പോൾ നല്ല പോലെ സോഫ്റ്റ് ആയിട്ടുണ്ടാകും . ഈ മാവിനെ 4 കഷണങ്ങളാക്കി മുറിച്ചെടുക്കുക ._ _ഓരോന്നും ചപ്പാത്തി പരത്തുന്ന പോലെ പരത്തിയെടുക്കുക ._ _പരത്തി എടുത്ത് നാലു ഷീറ്റും ഒന്നിനുമുകളിലൊന്നായി നെയ്യും മൈദയും ചേർത്ത് വയ്ക്കുക ._ _ഇനി റോൾ ചെയ്ത് എടുക്കുക . ശേഷം ചെറിയ കഷണങ്ങളായി മുറിച്ചെടുക്കാം ._ _മുറിച്ച് എടുത്തിട്ടുള്ള ഓരോരോ കഷണങ്ങളും ചെറുതായൊന്ന് പരത്തുക. ശേഷം ഓയിലിൽ ഇട്ട്‌ ഫ്രൈ ചെയ്ത്‌ എടുക്കാം._ _പഞ്ചസാരയിലേക്ക് വെള്ളമൊഴിച്ച് നല്ലപോലെ തിളപ്പിച്ചെടുക്കുക ചെറുതായി കയ്യിൽ ഒന്ന്ഒട്ടി വരുന്ന പാകം മാത്രം മതി ഇതിലേക്ക് ഏലക്കാപൊടിയും നാരങ്ങാനീരും ചേർത്ത് നല്ലപോലെ മിക്സ് ആക്കി മാറ്റി വെക്കുക ._ _ഫ്രൈ ചെയ്തു വച്ചിട്ടുള്ള ഐനാസ് ഓരോന്നായി ഇട്ടു കൊടുത്തു ഇളക്കിക്കൊടുക്കുക._ _30 സെക്കൻഡ് മാത്രം ഷുഗർ സിറപ്പിൽ ഇട്ടാൽ മതി ._ _ഇളക്കി കൊടുത്തതിനു ശേഷം ഓരോന്നായി മാറ്റിയെടുക്കാം._ _ഐനാസ്‌ (മടക്കു സേവ ) റെഡി ._ +------+-------+------+--------+

#👩‍🍳 പാചകലോകം +-------+------+------+-------+ *🌶️ ഇന്നത്തെ പാചകം 🍳* *മാമ്പഴ പ്രഥമൻ* _( വിഷു സ്പെഷ്യൽ )_ +-------+------+------+-------+ ```നന്മയുടെയും സമൃദ്ധിയുടെയും പ്രതീകമായ വിഷു എത്തുമ്പോൾ ഓരോ മലയാളി മനസ്സിനും ഒഴിച്ചുകൂടാനാവാത്ത ഒന്നാണ് സ്വാദിഷ്ടമായ വിഷുസദ്യ. ആ സദ്യയുടെ മാറ്റ് കൂട്ടാൻ വിഭവങ്ങൾ എത്രയുണ്ടെങ്കിലും അവസാനത്തെ മധുരമായ പായസമില്ലാതെ പൂർണ്ണമാകില്ല. വസന്തകാലത്തിന്റെ വരവറിയിച്ച് തൊടിയിൽ മാമ്പഴങ്ങൾ പഴുത്തു തുടങ്ങുന്ന ഈ കാലത്ത്, വിഷുസദ്യയിലെ പ്രധാന താരം പഴുത്ത മാമ്പഴം കൊണ്ട് തയ്യാറാക്കുന്ന മാമ്പഴ പ്രഥമനാണ്. വരാനിരിക്കുന്ന ഒരു വർഷം മുഴുവൻ ജീവിതത്തിൽ മധുരം നിറയട്ടെ എന്ന പ്രത്യാശയോടെയാണ് ഇത്തവണ വിഷുദിനത്തിൽ മാമ്പഴ പ്രഥമൻ വിളമ്പാം. ``` _______________________ *ചേരുവകൾ* _______________________ _പഴുത്ത മാമ്പഴം- 3-4 എണ്ണം_ _ശർക്കര (ഉരുക്കിയത്)- 250-500 ഗ്രാം (മധുരത്തിനനുസരിച്ച്)_ _തേങ്ങാപ്പാൽ (രണ്ടാം പാൽ)- 1-2 കപ്പ്_ _തേങ്ങാപ്പാൽ (ഒന്നാംപാൽ/പാൽ)- 1 കപ്പ്_ _നെയ്യ്- 2-3 ടേബിൾസ്പൂൺ_ _ഏലക്കാപ്പൊടി- ആവശ്യത്തിന്_ _ചുക്കുപൊടി- ആവശ്യത്തിന്_ _കശുവണ്ടി- ആവശ്യത്തിന്_ _ഉണക്കമുന്തിരി- ആവശ്യത്തിന്_ _തേങ്ങാക്കൊത്ത്- ആവശ്യത്തിന്_ _______________________ *തയ്യാറാക്കുന്ന വിധം* _______________________ ```മാമ്പഴം തൊലി കളഞ്ഞ് മിക്സിയിൽ പൾപ്പ് അരച്ചെടുക്കുക. ഒരു ഉരുളിയിൽ നെയ്യ് ചൂടാക്കി മാമ്പഴ പൾപ്പ് ചേർത്ത് നന്നായി വഴറ്റുക. പച്ചമണം മാറി എണ്ണ തെളിയുന്നത് വരെ ഇളക്കുക. ഇതിലേക്ക് ഉരുക്കിയ ശർക്കരപ്പാനി ഒഴിച്ച് നന്നായി കുറുകുന്നത് വരെ തിളപ്പിക്കുക. രണ്ടാം തേങ്ങാപ്പാൽ ചേർത്ത് കുറഞ്ഞ തീയിൽ കുറുക്കുക. മിശ്രിതം നന്നായി കുറുകുമ്പോൾ ഒന്നാം പാൽ, ഏലയ്ക്കാപ്പൊടി എന്നിവ ചേർക്കുക. തിളയ്ക്കുന്നതിന് മുൻപ് സ്റ്റൗ ഓഫ് ചെയ്യുക. നെയ്യിൽ വറുത്ത കശുവണ്ടി, മുന്തിരി, തേങ്ങാക്കൊത്ത് എന്നിവ ചേർത്ത് വിളമ്പാം. ``` +--------+-------+-------+--------+

#👩‍🍳 പാചകലോകം #🥻 വിഷു സ്പെഷ്യൽസ് 🥘 +-----+------+------+---------+ *🌶️ ഇന്നത്തെ പാചകം 🍳* *വിഷുക്കട്ട* +-----+------+------+------+ ```ഓണം കഴിഞ്ഞാൽ മലയാളികൾ കാത്തിരിക്കുന്നത് വിഷുക്കാലത്തിനായാണ്. പൂത്തുലഞ്ഞു നിൽക്കുന്ന കണിക്കൊന്നകളും കായ്ച്ചു നിൽക്കുന്ന ഫലവൃക്ഷങ്ങളും കണ്ണിനു കുളിർമയേകുന്ന കാഴ്ചയാണ്. വിഷു എന്ന് കേൾക്കുമ്പോൾ ആദ്യം മനസ്സിലേക്കു വരുന്നത് കണിക്കൊന്നയാണ്. കണി കണ്ടു കഴിഞ്ഞാൽ പിന്നെ അടുക്കളയാകെ വിഷുവിഭവങ്ങളുടെ ഗന്ധമായിരിക്കും. മലയാളികളുടെ മനസ്സിലേക്ക് ഓടിയെത്തുന്ന വിഷു വിഭവമാണ് വിഷുക്കട്ട. തൃശൂരിലെ പലയിടങ്ങളിലും ഇത് പ്രചാരത്തിലുണ്ട്. വിഷക്കട്ട എങ്ങനെ തയ്യാറാക്കാം എന്ന് പരിചയപ്പെടാം. ``` ______________________ *ചേരുവകൾ* ______________________ _ഉണക്കലരി- 2 കപ്പ്_ _ചിരകിയ നാളികേരം - 2കപ്പ്_ _ജീരകം - 1 ടീസ്പൂൺ_ _ചുക്ക് പൊടിച്ചത് - 1 നുള്ള്_ _ഉപ്പ് - ആവശ്യത്തിന്_ _നെയ്യ്- 2 ടീസ്പൂൺ_ _അണ്ടിപരിപ്പ്- ആവശ്യത്തിന്_ _ഉണക്ക മുന്തിരി- ആവശ്യത്തിന്_ ______________________ *തയ്യാറാക്കുന്ന വിധം* ______________________ ```ചിരകിയ നാളികേരത്തിൽ നിന്നും ഒന്നാംപാൽ നല്ല കട്ടിയിൽ പിഴിഞ്ഞെടുക്കാം. ശേഷം പിഴിഞ്ഞെടുത്ത നാളികേരത്തിൽ അൽപ്പം ചൂടുവെള്ളമൊഴിച്ച് രണ്ടാം പാൽ എടുക്കാം. ഇതിലേക്ക് ഉണക്കലരി ചേർത്തു വേവിക്കാം. വെന്തുകഴിഞ്ഞാൽ അതിലേക്ക് ഉപ്പ്, ജീരകം, ചുക്ക് എന്നിവയിട്ട് കട്ടയാകുന്നതുവരെ ഇളക്കി കൊണ്ടിരിക്കണം. അടിയിൽ കരിഞ്ഞു പിടിക്കാതിരിക്കാൻ ശ്രദ്ധിക്കണം. കട്ടയായി കഴിഞ്ഞാൽ എണ്ണപുരട്ടിയ പാത്രത്തിലേക്ക് മാറ്റി തണുക്കാൻ വക്കാം. നെയ്യിൽ അണ്ടിപ്പരിപ്പും മുന്തിരിയും വറുത്തു മുകളിൽ വിതറി തണുത്ത ശേഷം ഇഷ്ടമുള്ള ആകൃതിയിൽ മുറിച്ച് ശർക്കര പാനി​​ ഒഴിച്ചോ കറികൾ ഒഴിച്ചോ കഴിക്കാം.``` +-----+------+------+------+

#👩‍🍳 പാചകലോകം +-----+------+------+--------+ *🌶️ ഇന്നത്തെ പാചകം 🍳* *ഉണ്ണിയപ്പം* _വിഷു സ്പെഷ്യൽ_ +-----+------+------+--------+ ```നെയ്യപ്പവും, ഉണ്ണിയപ്പവുമൊക്കെ മലയാളികളുടെ പ്രിയപ്പെട്ട പലഹാരങ്ങളിൽ ചിലതാണ്. ഏകദേശം ഒരേ ചേരുവകൾ തന്നെയാണെങ്കിലും നെയ്യപ്പത്തേക്കാളും ഇത്തിരി കുഞ്ഞനാണ് ഉണ്ണിയപ്പം. പേര് പോലെ തന്നെ കാഴ്ച്ചയിൽ മാത്രമല്ല രുചിയിലും ആരേയും മയക്കാൻ ഇതിന് കഴിയും. അരിയും, ശർക്കരയും, പഴവുമാണ് പ്രധാന ചേരുവകൾ. അവ അരച്ചെടുത്ത് മാവ് തയ്യാറാക്കണം. ഉണ്ണിയപ്പ ചട്ടയിൽ നെയ്യ് ഒഴിച്ച് ചൂടാക്കി മാവ് ഒഴിച്ച് ചുട്ടെടുക്കാം. നെയ്യിൽ കിടന്ന് വെന്തു വരുന്ന ഉണ്ണിയപ്പം കാഴ്ച്ചയിൽ തന്നെ കൊതിപ്പിക്കും. പാളയങ്കോടൻ പഴമാണ് മാവിനായി ഉപയോഗിക്കേണ്ടത്. ``` ______________________ *ചേരുവകൾ* ______________________ _പച്ചരി- 2 കപ്പ്_ _ശർക്കര- 1 കപ്പ്_ _പാളയങ്കോടൻ പഴം- 4 എണ്ണം_ _തേങ്ങ- 1/2 കപ്പ്_ _എള്ള്- 1 ടീസ്പൂൺ_ _ഏലക്കപ്പൊടി- 1 ടീസ്പൂൺ_ _ഉപ്പ്- ഒരു നുള്ള്_ _നെയ്യ് അല്ലെങ്കിൽ എണ്ണ- ആവശ്യത്തിന്_ ______________________ *തയ്യാറാക്കുന്ന വിധം* ______________________ ```അഞ്ച് മുതൽ ആറ് മണിക്കൂർ വരെ വെള്ളത്തിൽ കുതിർത്തു വെച്ച പച്ചരി കഴുകിയെടുക്കാം. ഇതിലേക്ക് ഒരു കപ്പ് ശർക്കര ലായനി, നാല് വലിയ പാളയങ്കോടൻ പഴം ( ചെറിയ പഴം ആണെങ്കിൽ എട്ട് എണ്ണമെങ്കിലും എടുക്കുക). ഇവ അരച്ചെടുക്കാം. ഒരു പാൻ അടുപ്പിൽ വെച്ച് അൽപ്പം നെയ്യ് ചേർത്ത് ചൂടാക്കി അര കപ്പ് തേങ്ങാ കഷ്ണങ്ങൾ ചേർത്ത് വറുക്കാം. അരച്ചു വെച്ചിരിക്കുന്ന മാവിലേക്ക് വറുത്ത തേങ്ങാ കഷ്ണങ്ങളും, ഒരു ടീസ്പൂൺ എള്ളും, ഒരു ടീസ്പൂൺ ഏലക്കപ്പൊടിയും, ഒരു നുള്ള് ഉപ്പും ചേർത്തിളക്കാം. ഉണ്ണിയപ്പ ചട്ടി അടുപ്പിൽ വെച്ച് ആവശ്യത്തിന് നെയ്യോ എണ്ണയോ ചേർത്ത് ചൂടാക്കി മാവ് ഒഴിക്കാം. നന്നായി വെന്ത ഉണ്ണിയപ്പം പാത്രത്തിലേക്കു മാറ്റി ചൂടോടെ കഴിച്ചു നോക്കൂ.``` +-----+------+------+--------+