राजकीय पक्षाचा खरा कणा नेता नसून तो असतो सर्वसामान्य कार्यकर्ता..! व्यासपीठावर उभा राहून बोलणारा नेता जनतेसमोर दिसतो, पण त्या नेत्यामागे उभा असलेला कार्यकर्ता अनेकदा दुर्लक्षित राहतो. झेंडा खांद्यावर घेऊन, विचारधारा मनात रुजवून, गल्लोगल्ली, वाड्या-वस्त्यांमध्ये पक्षाचा आवाज पोहोचवण्याचं काम कार्यकर्ताच करतो. निवडणुकीच्या रणधुमाळीत, आंदोलनांमध्ये, कठीण प्रसंगात पक्षासोबत उभा राहणारा हा कार्यकर्ता म्हणजेच पक्षाची खरी ताकद असते. कार्यकर्ता कोणत्याही स्वार्थाशिवाय काम करतो. त्याला ना पदाची अपेक्षा असते, ना आर्थिक लाभाची. एक रुपयाचंही अपेक्षेचं ओझं न ठेवता तो फक्त पक्षावरच्या प्रेमापोटी आणि नेतृत्वावरच्या विश्वासापोटी काम करत असतो. वेळप्रसंगी अपमान सहन करावा लागला, दुर्लक्ष झालं तरीही त्याची निष्ठा ढळत नाही. नेतृत्व सर्वोच्च स्थानी पाहण्यासाठी, पक्षाची पताका उंचावण्यासाठी तो स्वतःला पूर्णपणे झोकून देतो ही ताकद फक्त कार्यकर्त्याच्याच अंगी असते. पक्ष मोठा होतो तो भव्य कार्यालयांमुळे किंवा मोठ्या नेत्यांमुळे नाही, तर अशा निस्वार्थी कार्यकर्त्यांमुळे. कार्यकर्त्याच्या घामात पक्षाची मुळे रोवलेली असतात. त्याच्या मेहनतीवरच नेतृत्वाची उंची ठरते. म्हणूनच कार्यकर्त्याला केवळ आदेश देण्याऐवजी त्याला विश्वासात घेणं, त्याच्या कष्टांची दखल घेणं आणि त्याच्या योगदानाचा सन्मान करणं अत्यावश्यक आहे. कारण कार्यकर्ता मजबूत असेल, तरच पक्ष अडचणींच्या वादळातही खंबीरपणे उभा राहू शकतो. #🏛️महाराष्ट्राचे राजकारण😎 #🏛️राजकारण #1️⃣महाराष्ट्र अपडेट्स #👌प्रेरणादायी स्टेट्स #🎭Whatsapp status