#शंकर महाराज सर्वदा योग तुझा घडावा, तुझे कारणी देह माझा पडावा, उपेक्षु नको गुणवंता अनंता, रघुनायका मागणे हेचि आता... समर्थ रामदासांनी चार ओळीत किती छान अर्थ सांगितला आहे ना?? आरती नंतर हमखास म्हटला जाणारा श्लोक. सदैव तुझ्या सनिध्याचा तुझ्या सेवेचा योग माझ्या नशिबी येऊ दे, त्यासाठी माझ्या संपूर्ण जन्म, आणि हा देह त्यासाठी खर्च होऊ दे. हे सगळं करत असताना देवा, तू मला तुझ्यापासून जराही दूर लोटू नकोस, माझी कोणत्याही प्रकारची उपेक्षा करू नकोस आणि हेच तुझ्या चरणी मागणं वारंवार आहे देवा. चारच ओळी पण किती मस्त अर्थ. आजही धनकवडी ला मठात आरती नंतर जेव्हा सदा सर्वदा म्हणायला सुरू होतं ना, तेव्हा ध्यानी मनी नसताना अचानक गहिवरून येतं. अंगावर शहारे उभे रहातात. उपक्षू नको गुणवंत अनंता म्हटलं की डोळे पाण्याने भरतातच आणि पुढच्या ओळीला रघुनायक दिसेनासा होतो. पण एरव्ही मात्र हाच श्लोक कुठे बाहेर ऐकला तर मात्र तो धनकवडीच्या मठात बसलेला रघूनायक समोरच्या देवाच्या ठीकाणी दिसू लागतो. @mnyaa #माझा_सुपड्या_बाबा